מודעה אקעגן די כינוס אין מאנסי

[איך אויך]

גראדע קומט זיך עם קרעדיט פאר זיין קריעטיוויטי צו ווייזן ער איז נעבעך אין א ראש, ער האט פשוט שוין א שטיק צייט נישט געשריבן ווי פארנומען ער איז.

[ווייל אזוי]

בילדער פונעם מעמד

[EMES VAYATZIV]

די מעמד ווערט אנגעפירט דורך אזוי גערופענע 'איחוד המנהלים' די זעלביגע וואס האבן געפירט די קאמף אקעגן 'אונטערן פלעיס' און אקעגן ר' לייביש ליש שליט"א פארן געבן השגחה אויפן פלעי, דערפאר הגם ר' לייביש האט אזא זעלטן שפראך און עמיצער וואס האט די ריכטיגן באטע"ן אריינצודרינגען אינעם קינדערס ווייך הארץ ספעציעל בעניני טעכנאלאגיע האבן זיי אים נישט גענומען צו רעדן ביים מעמד.

די קאפ פונעם 'איחוד' איז המנהל הידוע למשפחת מייזעלס מנהל פון ראחמסטריווקא חדר, וואס איז באוואוסט מיט זיין 'יד חזקה וזרוע נטויה'.

די גאנצע ארויפגיסן געלט אויף עלטערן און מוסדות, אן גיבן אן אפשען, איז צו די אנטריסונג פון רוב מנהלים און עלטערן, דאס 'איחוד המנהלים' אונטער ר' מייזעלס, איז א שטיל-בייסיג צעל וואס כלל ישראל וועט נאך זיך אסאך אנליידן און באצאלן דמים תרתי משמע, אנגעפירט דורך דעם יחיד המשתלט על הציבור.

[שטורמישער]

גראדע איז עס אייזיק לורינץ מנהל פון כתה ז' ח' אין וויזניץ
הקיצור, אסאך אסאך האבן גרויסע פלענער ארויסצוקעשן סיי וואס פון דעם היינטיגן מעמד, הצד השוה שבהן אז מ'טוט זיך וואס מ'וויל, אן פרעגן אדער טיילן אינפארמאציע מיט עלטערן וכדו', אזא אקט וואלט געדארפט באגריסט ווערן מיט הילכיגע רעאקציעס פון אלע זייטן, ואין פוצה פה ומצפצף, קוק ווי מיר שטייען אצינד רח"ל

[ישן מלא חדש]

איינער קען אריינקומען מיט אינפארמאציע פון די דרשות תקנות וואס מען פרעדיגט פאר אונזערע קינדער?

[שמעקעדיג]

דערווייל פרעדיגט מען אז יעדע סארט סמארטפאון און שייכות צו אינטערנעט איז אסור לחלוטין און איז גע'אסר'ט געווארן דורך אלע גדולי ישראל און עס איז נישט מעגליך אויפצושטעלן א אידישע שטוב אויב האט מען סיי וועלכע שייכות מיט די כלים.

[שמחהלע קאפשטיק]

אין אנדערע ווערטער אז די עלטערן האבן געצאלט געלט אויסצולערנען דאס קינד אז ווען ער קומט אהיים און ער זעהט אז זיין טאטע האט א סמארטפאון (אפילו מיט א היתר פון א רב) - זאל ער וויסען אז ער איז א שייגעץ!!!

אקעי....
ימים ידברו...

[דער גאלדענער אדלער]

דערווייל פרעדיגט מען אז יעדע סארט סמארטפאון און שייכות צו אינטערנעט איז אסור לחלוטין און איז גע'אסר'ט געווארן דורך אלע גדולי ישראל און עס איז נישט מעגליך אויפצושטעלן א אידישע שטוב אויב האט מען סיי וועלכע שייכות מיט די כלים.

קוקט מיר אויס ווי א לייוו שומרים קארטל!

[ישן מלא חדש]

הצלה קאלל ביי די כינוס
Multiple kids
איינער האט א איינונג וואס גייט פאר?

[שמחהלע קאפשטיק]

‏forward

אכט קינדער האבן גע'חלש'ט היינט ביי א מעמד אין מאנסי. ס'געווען גאר הייס און די בעל דרשן האט גראפיש אראפגעלייגט א שרעקעדיגע סצענע. איין קינד האט גע'חלש'ט און דאס האט געברענגט א קייט-רעאקציע פון נאך קינדער וואס האבן זיך דערשראקן און עס איז זיי אויך שלעכט געווארן,אלע זענען אקעי ב"ה

[דער גאלדענער אדלער]

‏forward

אכט קינדער האבן גע'חלש'ט היינט ביי א מעמד אין מאנסי. ס'געווען גאר הייס און די בעל דרשן האט גראפיש אראפגעלייגט א שרעקעדיגע סצענע. איין קינד האט גע'חלש'ט און דאס האט געברענגט א קייט-רעאקציע פון נאך קינדער וואס האבן זיך דערשראקן און עס איז זיי אויך שלעכט געווארן,אלע זענען אקעי ב"ה

צו זיי זענען אקעי וועט מען זעהן אין א פינף-צען יאר ארום אויב זיי וועלן נישט ברויכן די נויטיגע הילף זיך ארויסצודרייען פון די אומזיסטיגע דראמא!

[צפרדע]

‏forward

אכט קינדער האבן גע'חלש'ט היינט ביי א מעמד אין מאנסי. ס'געווען גאר הייס און די בעל דרשן האט גראפיש אראפגעלייגט א שרעקעדיגע סצענע. איין קינד האט גע'חלש'ט און דאס האט געברענגט א קייט-רעאקציע פון נאך קינדער וואס האבן זיך דערשראקן און עס איז זיי אויך שלעכט געווארן,אלע זענען אקעי ב"ה

ס'איז געווען אביסל הייס וואס האט לכאו' צוגעברענגט אז א קינד זאל חלש'ן.

[מורינו ורבנו]

מוצא שפתי אשמור.

אזוי ווי איך האב פארשפראכן, האב איך היינט גערעדט מיט איינע פון די עסקנים פון דעם כינוס, און איך האב אים געבעטן דעם פונקטליכן חשבון. ער האט מיר ארויסגענומען דעם צעטיל און איך בין איבערגעגאנגען מיט אים. וויבאלד ער האט נאך געדארפט דעם צעטיל און איך געדענק נישט אלעס פונקטליך אויף אויסנווייניג, וועל איך יעצט געבן דעם חשבון בערך און מעגליך אז אין די קומענדיגע טעג וועל איך ארויפלייגן דעם חשבון מיט א פונקטליכקייט.

דער גאנצער מעמד האט געקאסט גענוי 158K. פון די עלטערן (און די מוסדות) זענען אריינגעקומען בערך 90K. עס איז געווען איין נדבן וואס האט געגעבן א גרויסע נתינה פון 50K. עס איז געווען נאך אפאר קליינע נדבות, און אין דעם טאג פונעם כינוס איז געווען א לאך פון בערך 10K, וואס מען האט געקלערט אז מען וועט עס דעקן נאכן כינוס. אין די לעצטע מינוט איז געקומען א נדבן און אויסגעפילט דעם לאך, אן אומבאקאנטן נגיד וואס האט געכאפט די מצוה.

גילוי נאות: דער הויפט עסקן, וועלכער האט אריינגעלייגט זיין נשמה אין דעם צוועק און האט געארבעט די מערסטע פון יעדן איינעם, האט נישט גענומען קיין פרוטה דערפאר, הגם עס איז אנגענומען יא צו נעמען עפעס פארן אנפירן גרויסע פראיעקטן, אבער ער האט דאס געטון לשם מצוה, ווארטנדיג אויף א ישועה פון הימל אין א געוויסן הינזיכט. בשם כלל-ישראל וואונטשן מיר אים אן, שימלא ה' כל משאלות לבו לטובה, ער זאל אויפגעראכטן ווערן שנעל און זיס, בזכות הקדושה וואס ער האט משריש געווען בלבות אלפי בני ישראל קדושים וטהורים.

אויף צו ווייזן וואס עס האט געקאסט, וועל איך בלויז באטאנען, אז ער האט געוויזן דעם אינוואויס פון פרינטינג, און פרינטינג אליין האט אפגעקאסט 33K. דעם חשבון פונקטליך געדענק איך נישט, אבער יעדע גרויסע פליקאט וואס האט דארט געהאנגען, האט געקאסט עטליכע אלפים פרינטינג, ווי תפילת השל"ה און אנדערע. עס דארף דערמאנט ווערן אז איין פליקאט האט געקאסט בלויז דאס אויפהענגען 1.5K, דארפנדיג האבן דערפאר א ספעציעלע ביעם.

דער פעקל פאר די קינדער האט געקאסט 20K. מען האט אויך געדינגען ביה"כ (דזשאן טא גאו), הונדערטע אדער טויזנטע בענקלעך, פארענטשעס מיט סיטינג, סינקס און נאך. די דרשנים האבן זיך אויך געלאזט קאסטן.

אויב עס וועט זיין מעגליך, וועל איך שרייבן בקרוב מער פונקטליך און דעטאלירט.

[berlbalaguleh]

מורנו ורבינו: איך מיין אז אין איינס פאר דעם לעצטן פאראגראף איז אריינגעפאללן א טעות. ס'שטייט דארט אז ..."די דרשנים האבן זיך אויך געלאזט קאסטן"...איך מיין אז דיין כונה איז געווען צו זאגן אז די דרשנים האבן זיך אויך געלאזט באצאלן...!

[יעקב מעקסוועל]

דער גאנצער מעמד האט געקאסט גענוי 158K. פון די עלטערן (און די מוסדות) זענען אריינגעקומען בערך 90K. עס איז געווען איין נדבן וואס האט געגעבן א גרויסע נתינה פון 50K. עס איז געווען נאך אפאר קליינע נדבות, און אין דעם טאג פונעם כינוס איז געווען א לאך פון בערך 10K, וואס מען האט געקלערט אז מען וועט עס דעקן נאכן כינוס. אין די לעצטע מינוט איז געקומען א נדבן און אויסגעפילט דעם לאך, אן אומבאקאנטן נגיד וואס האט געכאפט די מצוה.

על כן יאמרו המושלים בואו חשבון, מען הייבט מיט גענוי 158 טויזנט, נעם אראפ 90 פון די מוסדות און 50 פון איין נדבן, בלייבט מען מיט א לאך פון 18. נאך וואס עס איז געווען נאך אפאר קליינע נדבות איז געבליבן א לאך פון בערך 10, דאס מיינט די אלע קליינע נדבות צוזאמען זענען בערך 8. וויאזוי שטימט דאס וואס דו האסט געשריבן מוצאי שבת?

דעם ערב-שבת צוויי שעה פארן זמן, האט אן עושר פון מאנסי געשריבן א טשעק פון 20K פאר דעם צוועק. איך דאנק דער אויבערשטער אז איך בין געווען דער גוטער שליח וואס האט אים באוואויגן דאס צו טון. דער איד איז משומעי לקחי, און הגם אז מיין עקזיסטענץ איז נישט אין בעטן געלט פון מענטשן. איך שטיי געווענליך אוועק פון די סארט זאכן כמחטוי קשת, וויבאלד איך פראביר צו שטרעבן אויף פנימיות און רוחניות, אויסהערן מענטשן און מאכן מענטשן עובדי ה' שטייגן, און איך גיב זיך נישט אפ מיט געלט זאכן, אפילו לדבר מצוה. איז דא געווען א געוויסע סיבה און מצב, אז איך האב יא געבעטן פון אים געלט - נישט פאר מיר נאר פאר דעם צוועק. און ברוך-השם אז יענער האט זיך משתתף געווען.

קען מען זאגן א נייע פשט אין מוצא שפתיך תשמור. מען דארף גוט אוועקלייגן אלעס וואס מען האט געזאגט, מען זאל זיך נישט סותר זיין שפעטער...

מוצא שפתי אשמור.

[good news]

יענער נדבן האט געגעבן 50K. מען האט געהאט געשמועסט אויף 20, למעשה איז געווען א סייעתא דשמיא און געגעבן 50.

[דער גאלדענער אדלער]

@מורינו ורבנו

דאס וואס דו שרייבסט

גילוי נאות: דער הויפט עסקן, וועלכער האט אריינגעלייגט זיין נשמה אין דעם צוועק און האט געארבעט די מערסטע פון יעדן איינעם, האט נישט גענומען קיין פרוטה דערפאר, הגם עס איז אנגענומען יא צו נעמען עפעס פארן אנפירן גרויסע פראיעקטן, אבער ער האט דאס געטון לשם מצוה, ווארטנדיג אויף א ישועה פון הימל אין א געוויסן הינזיכט. בשם כלל-ישראל וואונטשן מיר אים אן, שימלא ה' כל משאלות לבו לטובה, ער זאל אויפגעראכטן ווערן שנעל און זיס, בזכות הקדושה וואס ער האט משריש געווען בלבות אלפי בני ישראל קדושים וטהורים.

אינטערעסאנט, אז דער אזא געלונגענער עסקן און קען אנדרייען אזא אקציע גדול ונורא, און שאפן אזאנע סכומים הגונים, אין ממש עטליכע טעג, פארוואס האט ער נישט גענומען דאס געלט און אויסגעטיילט פאר עניי עירו, אויב ברויך ער עס פאר א ישועה, זאל ער זיך געזונטערהייט אנדרייען און צורוה לאזן די קינדערלעך שלא טעמו טעם חטא, פארוואס אנזייען שרעק ביי קינדער און זיי טראמאטיזירן מיט בייזע מעשה'ס פון אינטערנעט און סמארטפאונס??? ואלה הצאן מה חטאו?? אויסלערנען די זיסע קינדערלעך זאלן זיך שעמען מיט זייערע עלטערן וועלכע האבן סמארטפאונס?!?! אן עקל איז מילד געזאגט!

[מורינו ורבנו]

סא, ווען איר וועט דארפן א ישועה, וועט איר אנדערש טון.

יעדער זאל טון וואס אים געפעלט, און לאזט יענעם צוריה.

[נאך א מיינונג]

סא, ווען איר וועט דארפן א ישועה, וועט איר אנדערש טון.

יעדער זאל טון וואס אים געפעלט, און לאזט יענעם צוריה.

נאכאמל, ווער זאל וועמן לאזן צורו?
דער עושר וואס 'דארף' א ישועה (פארשטייט זיך אן עושרס ישועה. זיין טריפ קיין קערעסטיר אדער מיאמי זאל אים געלונגן און די פלייש ברייט זאל קנאקן) זאל אונז אלע לאזן צורו, און נישט ברעכן איבער אונזערע קינדער! ער ברויך א ישועה און מיר דארפן אלע ליידן?!?!

די געלט חשבונות זענען לכאורה זינלאז. אויף די בעסטן אופן האט איינער פארדינט א פופציג אלפים. אי משום הא, קען אזא איינער אריין גיין אין א בעסערע ביזנעס. מקען זיך שלאגן מיט ציונים און מאכן אסאך מער, אדער אויפשטעלן מוסדות אין ארץ ישראל וואס עגזיסטירן נאר אין אמריקא, אדער קען מען גלאט אזוי טרעפן א נארמאלן דזשאב. עס איז רעלאטיוו קליין געלט.

נאר אזעלכע מעמדות זענען א שאנדע פאר אונז אלע, אפילו טאמער קיינער מאכט נישט קיין דאללאר דערפון. גנבטס נישט קיין קינדער פון זייער עלטערן, און ברענג נישט אריין די קינדער אין דיין קאמפיין. אל תגעו במשיחי!

[דער גאלדענער אדלער]

סא, ווען איר וועט דארפן א ישועה, וועט איר אנדערש טון.

יעדער זאל טון וואס אים געפעלט, און לאזט יענעם צורוה.

ווי לאנג ער לאזט יענעם נישט צורוה וועל איך עם אויך נישט צורוה לאזן! הערט א מעשה?? א יוד נויטיגט זיך אין א ישועה, און אנשטאט זיך צו שחט'ן און אוועק געבן פון "זיך" פאר גאט, שחט ער הונדערטער און טויזענטער קינדער!!! הישמע כזאת?!?! גארנישט בעסער פון די השומרים קארטלעך!!!! א שאד, כ'קען נישט יענעם, אדער גאר בעסער אזוי.

[good news]

די חברה, די קאפ ליגט זיי דארט צווישן די פיס...

[שמעקעדיג]

די וואך אין די השמיעיני את קולך גליון

.

[העניך]

די וואך אין די השמיעיני את קולך גליון

.

די קאלטבלוטיגקייט און אכזריות איז איין זאך, אבער צי דען פארשטייט נישט דער א.ג. גרויסער מחנך אז מיט העצן קינדער קעגן זייערע אייגענע עלטערן מאכט ער מער חרוב זייער אידישקייט צוקונפט ווי א סמארטפאון קען שעדיגן?

מיר האבן זיך דערקייקלט צו אזא מיאוס'ן אפגרונד אז מ'כאפט זיך גארנישט וואו טיף מ'האלט. אז מ'נעמט אונזערע אייגענע שעפעלעך און מ'גיט זיין שטורמער-סטיל קאריקאטורן וואס שפּעטן פון זייערע אייגענע עלטערן, און אז א הויפט פרעדיגער שטעלט זיך אויף הייסן קינדער צו "זיין מחוצפים אין הארץ" קעגן זייערע אייגענע עלטערן.

ס'איז נישטא קיין ווערטער צו שילדערן דעם טפשות און רשעות. יעדער דארף זיך א מינוט אפשטעלן און אליין אריינטראכטן וואס דאס מיינט, וואס דאס טוט צו די ריינע הערצעלעך פון אונזערע קינדער, וויאזוי עס אפעקטירט אונזער קשר מיט אונזערע קינדער היינט און אין דער צוקונפט.