וואס איז דיין אינטערנעט פילטער סטאנדארט?

[נוח]

אלץ אן אפצווייג פון דעם שמועס איז אינטערעסאנט אויסצושמועסן וואס יעדער האלט בשיטה איז א ריכטיגער פילטער, און וואס יעדער טוט למעשה.

לדעתי איז דער אינטערנעט א געבענטשטע טעכנאלאגיע וואס ברענגט אבער אויך נסיונות אין אידישקייט און אין מענטשליכקייט. לדעתי איז א גרויסער פראבלעם פונעם אינטערנעט דער גרינגער צוטריט צו שמוץ, וואס אין א רגע כמימרא, קען מען אנקומען צו גרויליגע חזיר'יי. דער צווייטער פראבלעם, און אפשר דער ערגסטער פראבלעם, איז סאשעל מידיע, ווי פעיסבוק, וואטסעפפ, טוויטער, וכו' יו-טוב אין א וועג אויך, וואס פאר'הרג'עט די טייערע צייט וואס א מענטש האט אויף דעם עולם. דער דריטער פראבלעם איז די ריבוי הדעות און צוטריט צו אינפארמאציע.

כ'וועל אנפאנגען מיט'ן דריטן פראבלעם. אונזערע רבנים זעען דער גרעסטער פראבלעם אלץ די צוטריט צו אינפארמאציע. זיי פארשטייען אז כדי מ'זאל גלייבן וואס זיי פארקויפן פונעם ציבור, דער גאנצער אויסשטעל און היערארכיע פון אונזער געזעלשאפט, דער מהלך אין הלכה ומנהג, אונזער קולטור וכו', מוז מען זיין אפגעהאקט פון אינפארמאציע. איך זע נישט אז דאס זאל זיין א פראבלעם פאר מיר. איך וויל נישט דינען א גאט וואס מ'פארלירט די רגע וואס מ'עפענט די אויגן. פארקערט, אברהם אבינו הכיר את בוראו טאקע דורך ארויסקוקן פון די ד' אמות פון וויאזוי ער איז אויפגעצויגן געווארן. מיין אידישקייט און מיין גאט האט נישט מורא פון אינפארמאציע.

דער צווייטער פראבלעם הנקרא סאשעל מידיע איז לדעתי א געפערליכער פראבלעם, סיי מחמת האדיקות בה, און סיי מחמת די נארישקייטן מיט וואס מ'זעט זיך אן און מ'פארברענגט די צייט אויף שטותים והבלים. ועוד יותר מ'ווערט אן עבד נרצע פאר די בעלי בתים פון די וועבסייטס און עפפס וועלכע זיצן טאג און נאכט און פלאנען תחבולות שונות ומשונות וויאוזי אונז צו האלטן פארשקלאפט צו זייער סייט און אונז צו פיטערן די אדווערטייזמענטס און מודעות וואס אנדערע באצאלן כדי אונז צו מאניפולירן. בקיצור, ס'איז א געפערליכער פראבלעם.

דער ערשטער פראבלעם איז לדעתי אן ערנסטער פראבלעם. א מענטש טאר נישט האבן גרינגער צוטריט צו שמוץ. ער זינדיגט דערמיט בעיני האלוקים והאדם, און עס רייסט אונטער זיין משפחה לעבן. די תורה לאזט נישט און א מענטש טאר עס נישט טון פאר זיך אדער פאר בני ביתו.

די עצה פאר'ן ערשטן פראבלעם איז לדעתי אז מ'זאל האבן א פילטער וואס בלאקירט אלע שמוציגע סייטס. כ'פסק'ן דאס נישט הלכה למעשה, ווייל לדעתי דארף א מענטש זיך נישט אינגאנצן פורש זיין פון יעדן מעגליכקייט פון חטא, אבער א מענטש דארף יא נעמען שריט אז בטעות, אדער אז אין א ספאנטאנע שוואכע מינוט זאל ער נישט נכשל ווערן. דערפאר, לדעתי איז גענוג אז ס'זאל נישט זיין גרינג אנצוקומען צו בלאקירטע וועבסייטס, און א מענטש איז נישט מחוייב צו מאכן אוממעגליך אזא זאך.

וועגן דעם פראבלעם פון סאשעל מידיא דארף א מענטש האבן גבולים וויפיל צייט ער קען פארברענגען אויף די סייטס אין איין טאג, און בלאקירן די סייטס דורכאויס צייטן ווען ער ארבייט, לערנט, איז מיט די ווייב און קינדער, וכו'. דאס הייסט סיי ער זאל האבן א סקעדזשועל דורכ'ן טאג ווען די סייטס זענען בלאקירט, און סיי ער זאל האבן א טיים לימיט וויפיל צייט ער קען פארברענגען אויף די סייטס, און די רגע וואס ער אריבער דעם לימיט, לאמיר זאגן א האלבע שעה, זאלן זיי ווערן בלאקירט.

וואס טו איך הלכה למעשה? איך בין גענצליך בלאקירט פון שמוציגע סייטס, און לגבי סאשעל מידיא בין איך אויך בלאקירט רוב שעות פונעם טאג. א טיים לימיט האב איך נאך נישט איינגעפירט. חוץ מזה איז דלתי האינטערנעט פתוחים לרווחה, און כ'בין ב"ה נהנה פון דעם גרויסן חסד ה' פון האבן צוטרירט צו אזויפיל אינפארמאציע איבער יעדער נושא איבער דער וועלט און אין אידישקייט.

[berlbalaguleh]

נוח: איך בין מסכים מיט (כמעט) אלעס וואס דו זאגסט. איך וויל נאר פארשארפן דיין ערשטע נקודה. דו זאגסט אז ס'איז נישט גוט אז א מענטש האט א גרינגען צוטריט צו שמוץ. נאכמער, דער חלק הגרוע פונ'ם אינטערנעט איז אזוי שלעכט אז דאס שמוץ און דאס שלעכטס קומט פון זיך אליין אן צו דעם מענטש. נאר א ערוואקסענער מענטש, אן ערליכער איד וועלכער האט יראת שמים, און איז נישט קיין פוסטער קאפ, ווען ס'קומט ארויף שמוץ פארווישט ער עס גלייך. משא"כ א יונגער בחור אדער מיידל, ווען זיי רירן צו צו אינטערנעט אן קיין פילטער איז דאס סם המוו' רח"ל.

איך וועל נאר ברענגן 2 משלים פון "אומשולדיגע" ווערטער וואס איך האב אריינגעלייגט. די ערשטע דאס ווארט "פיקטשער", מ'קען זיך גארנישט פארשטעלן וואספארא שמוץ (רח"ל) ס'איז ארויפגעקומען. די צווייטע (איך האב עס אריינגעלייגט וועגן עמעזאן) "ריטוירנינג קאסטומער"... רחמנא ליצלן וואפארא שמוץ ס'איז ארויפגעקומען... פארשטייצעך איך האב עס (ב"ה) תיכף פארווישט.

מיין נקודה איז אז א (שטארקער) פילטער איז קריטיש וויכטיג, ספעציעל ווען מ'האט יונגע מענטשן אין שטוב, וועלכע האבן צוטריט צו א קאמפיוטער. נאר ס'איז היינט ב"ה דא א שפע פון גוטע פילטערס און פילטערינג קאמפעניס...!

[נוח]

גוטע נקודות ר' בערל. טאקע אויך אינטערעסאנט אויסצושמועסן וואספארא פילטערס דער עולם האט און האלט אז מ'דארף האבן אויף א כלי וואס די קינדער האבן צוטריט. וואס איך האב אויבן געשריבן איז אויף כלים וואס איך אליין נוץ.

[קידוש]

איך באניץ זיך מיט די GenTech פילטער,
די ערשטע מעלה עס איז נישט אינטער קיין שום מוסדות,
מען קען Chattan מיט זיי 24/6, און זיי ענפערען גלייך אויפען פלאץ,
אויך געוויסע settings קען מען אליינס אנשטעלען

[שאלתיאל]

איך האב גענצליך בלאקירט סאושעל מידיע, בעיקר נאכן וואטשן 60 minutes אינטערוויו מיט tristan harris און נאכן וואטשן זיין Ted אויפטריט ווי ער האט אויפגעדעקט וויאזוי פעיסבאק און אירס גלייכן ארבעטן אויף אונזערע מוחות. איך האב דאס געזען ביי מיר אליין ווען איך האב פארפאטשקעט טייער צייט און זיך געטראפן הילפלאז און מאכטלאז ווען עס איז געקומען צייט צו גיין ארבעטן, שלאפן, אדער רעדן מיט די ווייב. איך האב איינגעזען אז עס איז כעמט אוממעגליך זיך צו ספראווען דערמיט און ס'העלפט נישט קיין שום טאקטיק ווארום ס'נישט קיין פארגלייך מיינע ארימע כוחות קעגן א מאכטפולע אינדעסטריע פון הונדערטע סייענטיסטן, פסיכאלאגן און אינדזשענירן וואס זייער גאנצע ציל איז צו גורם זיין מענטשן צו שפענדן נאך א מינוט אויף סאושעל מידיע. די בוך 'מהפכת הקשב' פון ד"ר מיכה גודמן האט מיר אויך געמאכט סדר אין דעם נושא.

[Just be Happy]

וועגן דעם פראבלעם פון סאשעל מידיא דארף א מענטש האבן גבולים וויפיל צייט ער קען פארברענגען אויף די סייטס אין איין טאג, און בלאקירן די סייטס דורכאויס צייטן ווען ער ארבייט, לערנט, איז מיט די ווייב און קינדער, וכו'. דאס הייסט סיי ער זאל האבן א סקעדזשועל דורכ'ן טאג ווען די סייטס זענען בלאקירט, און סיי ער זאל האבן א טיים לימיט וויפיל צייט ער קען פארברענגען אויף די סייטס, און די רגע וואס ער אריבער דעם לימיט, לאמיר זאגן א האלבע שעה, זאלן זיי ווערן בלאקירט.

וואס טו איך הלכה למעשה? איך בין גענצליך בלאקירט פון שמוציגע סייטס, און לגבי סאשעל מידיא בין איך אויך בלאקירט רוב שעות פונעם טאג. א טיים לימיט האב איך נאך נישט איינגעפירט. חוץ מזה איז דלתי האינטערנעט פתוחים לרווחה, און כ'בין ב"ה נהנה פון דעם גרויסן חסד ה' פון האבן צוטרירט צו אזויפיל אינפארמאציע איבער יעדער נושא איבער דער וועלט און אין אידישקייט.

זייער א וויכטיגע טעמע,
איך וואלט געוואלט הערן וועלכע פילטער דו ניצט, און וועלכע עפפס איז גוט פאר טיים לימיטס

[Just be Happy]

איך האב גענצליך בלאקירט סאושעל מידיע, בעיקר נאכן וואטשן 60 minutes אינטערוויו מיט tristan harris און נאכן וואטשן זיין Ted אויפטריט ווי ער האט אויפגעדעקט וויאזוי פעיסבאק און אירס גלייכן ארבעטן אויף אונזערע מוחות. איך האב דאס געזען ביי מיר אליין ווען איך האב פארפאטשקעט טייער צייט און זיך געטראפן הילפלאז און מאכטלאז ווען עס איז געקומען צייט צו גיין ארבעטן, שלאפן, אדער רעדן מיט די ווייב. איך האב איינגעזען אז עס איז כעמט אוממעגליך זיך צו ספראווען דערמיט און ס'העלפט נישט קיין שום טאקטיק ווארום ס'נישט קיין פארגלייך מיינע ארימע כוחות קעגן א מאכטפולע אינדעסטריע פון הונדערטע סייענטיסטן, פסיכאלאגן און אינדזשענירן וואס זייער גאנצע ציל איז צו גורם זיין מענטשן צו שפענדן נאך א מינוט אויף סאושעל מידיע. די בוך 'מהפכת הקשב' פון ד"ר מיכה גודמן האט מיר אויך געמאכט סדר אין דעם נושא.

וואס הייסט גענצליך פארמאכט סאשעל מידיא? אפילו וואטסעפפ?

[שאלתיאל]

איך האב גענצליך בלאקירט סאושעל מידיע, בעיקר נאכן וואטשן 60 minutes אינטערוויו מיט tristan harris און נאכן וואטשן זיין Ted אויפטריט ווי ער האט אויפגעדעקט וויאזוי פעיסבאק און אירס גלייכן ארבעטן אויף אונזערע מוחות. איך האב דאס געזען ביי מיר אליין ווען איך האב פארפאטשקעט טייער צייט און זיך געטראפן הילפלאז און מאכטלאז ווען עס איז געקומען צייט צו גיין ארבעטן, שלאפן, אדער רעדן מיט די ווייב. איך האב איינגעזען אז עס איז כעמט אוממעגליך זיך צו ספראווען דערמיט און ס'העלפט נישט קיין שום טאקטיק ווארום ס'נישט קיין פארגלייך מיינע ארימע כוחות קעגן א מאכטפולע אינדעסטריע פון הונדערטע סייענטיסטן, פסיכאלאגן און אינדזשענירן וואס זייער גאנצע ציל איז צו גורם זיין מענטשן צו שפענדן נאך א מינוט אויף סאושעל מידיע. די בוך 'מהפכת הקשב' פון ד"ר מיכה גודמן האט מיר אויך געמאכט סדר אין דעם נושא.

וואס הייסט גענצליך פארמאכט סאשעל מידיא? אפילו וואטסעפפ?

יא

[פרנס החודש]

מיין פילטער פילטערט אלע ספעם מעסעדעדשעס און קאלס

[פאלאצ'ינטא]

סעלף קאנטראל. אויב דער רעבאה ראאאאוו אדער ווער אימער עס איז יעצט אויף די ראי' פון האקען אויף אידן קענען זיך נישט קאנטראלען די תאוות און טוען אפ כל דבר אסור מיינט נישט אז אנדערע וועלען אויך.

[ששון ושמחה]

סעלף קאנטראל. אויב דער רעבאה ראאאאוו אדער ווער אימער עס איז יעצט אויף די ראי' פון האקען אויף אידן קענען זיך נישט קאנטראלען די תאוות און טוען אפ כל דבר אסור מיינט נישט אז אנדערע וועלען אויך.

וואס?

[תרמב]

איך נוץ זשענטעק, סאיז א נחת, סאושעל מידיא איז פארמאכט, חוץ וואטסעפפ אייוועלט און קאווע שטיבל, זיי עפענען אויף וועבסייט תיכף ומיד נאכן פארלאנגען, און פאר יו טוב נוץ איך 613tube ווען איך האב א לינק צו א ווידיאו פון יו טוב.

[יהורם]

איך נוץ א פילטער וואס ווערט אנגערופן: האלט זיך ביזי. היות איך בין נישט אפט לאנגווייליג אויף דער אינטערנעט קען איך זיך צוריקהאלטן פון גיין אין אומגעוואונטשענע ערטער. ווען איך האב ליידיג צייט בין איך פארנומען מיט פאמיליע אדער ליין איך צייטונגען און ביכער. ב״ה אז איך שעם זיך נישט צו ווייזן מיין סיורטש היסטאריע פאר סיי וועמען, כ׳האב נישט וואס צו באהאלטן.

אויף מיין טעלעפאן האב איך עפל רעסטריקשנס און בלאקסייט וואס מאכן זיכער אז איך זאל נישט שווענדן קיין איבריג צייט אויף סאציאלע מידיא און אז עס זאלן מיר נישט אויפשפרינגען קיין אומעטישע אדווערטייזמענטס. אז מען רעדט שוין פון סאושעל מידיא, הלואי וואלט איך געקענט טרעפן אן אלטערנאטיוו צו וואטסעפ, איך וואלט עס אנאינסטאלד די רגע וואס איך טרעף עפעס וואס איז אזוי נוצבאר און יוזער פרענדלי.

[אנשטענדיגע ייוד]

איך נוץ א פילטער וואס ווערט אנגערופן: האלט זיך ביזי. היות איך בין נישט אפט לאנגווייליג אויף דער אינטערנעט קען איך זיך צוריקהאלטן פון גיין אין אומגעוואונטשענע ערטער. ווען איך האב ליידיג צייט בין איך פארנומען מיט פאמיליע אדער ליין איך צייטונגען און ביכער. ב״ה אז איך שעם זיך נישט צו ווייזן מיין סיורטש היסטאריע פאר סיי וועמען, כ׳האב נישט וואס צו באהאלטן.

אויף מיין טעלעפאן האב איך עפל רעסטריקשנס און בלאקסייט וואס מאכן זיכער אז איך זאל נישט שווענדן קיין איבריג צייט אויף סאציאלע מידיא און אז עס זאלן מיר נישט אויפשפרינגען קיין אומעטישע אדווערטייזמענטס. אז מען רעדט שוין פון סאושעל מידיא, הלואי וואלט איך געקענט טרעפן אן אלטערנאטיוו צו וואטסעפ, איך וואלט עס אנאינסטאלד די רגע וואס איך טרעף עפעס וואס איז אזוי נוצבאר און יוזער פרענדלי.

i think signal is an valid option for an alternative !

Sent from my Qin 1s+ using Tapatalk