איסור אויף AI

[פרנס החודש]

זיבעצן חברה האבן אונטערגעשריבן, טאקע גאר א הארבע איסור…

[berlbalaguleh]

מ'וואלט געדארפט צוזאמשטעללן אן אנציקלאפעדיע פן די אלע איסורים וואס די רבנים האבן ארויסגעגעבן און אלע קול קורא'ס וואס זיי האן אונטערגעשריבן. לפי סדר הא"ב.

ווער הייבט אן...!

[ערנסטגערעדט]

די ערשטע זינלאזיגע איסור וואס קומט ארויף אין קאפ איז
פון ״די ביג איווענט״ וואו סהאט געדארפט זינגען ליפא שמעלצער און שלומי גערטנער
דאכצעך אז שמריהו פון ״failed Messiah” האלט אז דארטן האבן זיי אלעס פארלוירן

[סקעפטיקער]

י AI איז גאר איינגעהאלטן ווען עס קומט צו עדאלט קאנטענט אפילו בלויז אין טעקסט! סא ווייסעך נישט וואס זעי פארפירן.

נישט אויף "אינפארמאציע" אין די ענינים, מאר אויף עקספליסיט קאנטענט

[הקטן]

איך זעה נישט פארוואס די עולם פארשטייט נישט פארוואס די רבנם אסר'ן עס, מ'קען אים געהעריג אנפרעגן בכל עניני מינות (תרתי משמע) און ער ענטפערט גערן. פארוואס זאלן זיי דאס נישט אסר'ן?

די ליצנות דא איז נישט צי מען מעיג עס אסר'ן, די ליצנות איז אז זיי אסר'ן עפעס וואס זיי אליין ווייסן נישט וואס דאס איז אן קיין שום בושה

פין וואו ווייסטו אז זיי ווייסען נישט?
און אויב איינער וואס ווייסט יא האט זיי איבערגעגעבן ?


נישט אז איך האלט אז AI דארף, אדער קען, זיין אסור, אבער ווער האט מיך געפרעגט

[מתבודד]

גראדע די איסור אויף AI באשטעטיגט דאס וואס בעלי דעת ווייסן שוין לאנג, אז די אלגעמיינע פראבלעם פון אינטערנעט איז כלל נישט די שמוץ, וואס איז טאקע נישט גוט אבער מיר אידן ווייסן דאך אז א מענטש קען אלס תשובה טון און מ'ווערט נישט אפגעפארן פון אפאר שמוציגע קליפס, אלזא דער פראבלעם איז די שטראם און ענדלאזע אינפארמאציע וואס די אינטערנעט האט צו פארקויפן און די בחורים און יונגעלייט קענען עס נישט ביישטיין.

די AI האט נישט קיין שלעכטע ווידיאוס, ניטאמאל קיין בילדער, נאר ליבערשט אינפארמאציע מיט וואס די אומרייפע מוחות וועלן זיך נישט קענען ספראווען, מילא איז מיין עצה צו דייני סקווירא שליט"א אז אנשטאט ארויסדרוקן איסורים אויף AI לערן ענדערש אויס דיינע חסידים די סאמע שטערקסטע יסודות פון אונזער רעליגיע, אנשטאט בינדן ספרים פון ביידע זייטן - בינד זיי אויף און אקער זיי דורך, מאך זיכער אז אפאר ווערטער וועגן יאשקע זאלן נישט קענען אויפשאקלען די אמונה פון דיינע אכצן און צוואנציג יעריגע.

ווארום פריער אדער שפעטער גייען דיינע מענטשן במילא זיך טרעפן מיט מער אינפא דו וואלסט געוואלט זיי זאלן האבן, און דאן וועלן איסורים שוין נישט קיין סאך אויפטון.

[פונדאַמענטאַל]

איך מיין אז די עכטע סיבה פארוואס זיי האבן ארויסגעגעבן די איסור איז צוליב דעם וואס זיי ווילן קענען זאגן שפעטער אין פאל אנדערע אסר'ן עס - אונז זעמיר געווען די ערשטע צו ארויסקומען קעגן דעם! אזוי ווי מען זעהט ביי די אינטערנעט מערכות ווי פילע חסידות'ער און קהילות פרובירן זיך צו בארימען אז זיי זענען געווען די ערשטע וכו' נאך פאר די גאנצע וועלט האט געטראכט אז עס איז א פראבלעם וכו'.

או יש לומר, אז עס איז א הכנה צום בעפארשטייענדע ל''ג בעומר הדלקה... וד''ל.

[הקטן]

אזוי ווי מען זעהט ביי די אינטערנעט מערכות ווי פילע חסידות'ער און קהילות פרובירן זיך צו בארימען אז זיי זענען געווען די ערשטע וכו' נאך פאר די גאנצע וועלט האט געטראכט אז עס איז א פראבלעם וכו'.

ווער זענען די פילע חסידות'ער און קהילות וואס בארימען זיך?

[שמעון וואלף]

@סקעפטיקער, די פערדישקייט איז נישט דאס עצם האלטן אז עס מען קען צוקומען צו א פראבלעם און מען דארף שטיין ווייט. עס איז די געדאנק צו שיסן אן איסור אן אפילו וויסן וואס און אויף וואס די איסור איז.

סך הכל וואס מען קען טון אויף עי. איי., איז כאפן א שמועס; פרעגן קשיות וכדו'. אפשר זאלן זיי אסר'ן צו שמועסן מיט חברים ווייל מתוך שמועסן קען מען רעדן ניבל פה, מינות וכדו'.

און וויפול שמוץ קען מען רעדן אויפ'ן טעלעפאן ווייסן זיי אויך נישט? ממש לעצטענס האב איך געהאט אז איך האב געריפן אן 800 נאמבער און בטעות געדריקט איין ראונג דיזשעט און אויפ'ן אנדערע זייט האט אנגעפאנגן שפילן א רעקארדינג פון מאחורי.

[שמחהלע קאפשטיק]

די נומער צו רופן AI אויף די טעלעפאון.
16402255726

Text אויכעט איז די נאמבער ?

[פאלגזאם]

י AI איז גאר איינגעהאלטן ווען עס קומט צו עדאלט קאנטענט אפילו בלויז אין טעקסט! סא ווייסעך נישט וואס זעי פארפירן.

פון ווי ווייסטו?

[צוזאמגעדרייט]

איך האב אים געבעטן ער זאל מיר שרייבן אן "עראטיק" נאוועל פון חסידים. ער האט מיר צוריקגעשריבן דאס פאלגענדע:
I'm sorry, but creating explicit content is against my programming as an AI language model. While I'm happy to assist you in any way I can, I cannot generate content that is inappropriate or against ethical standards.

[פאלגזאם]

און דו וואונדערסט זיך נאך אויפן איסור?

[בעל אחריות]

...און איך האב געמיינט אז AI וועט ווערן אויפגענומען מיט צוויי הענט אין אונזער געמיינדע, נאכפאלגנדיג ארטיפישעל שמחה, געשמאק, נחת, רואיגקייט, און שיינקייט...

אה דאס איז א הארבע באשילדיגונג, אפשר קענסטו אביסל elaborate'ן?

[לייביששרייבער]

די נומער צו רופן AI אויף די טעלעפאון.
16402255726

רבותי AI איז אן אהרוני איך האב עים יעצט געפרעגט ווער איז סאטמאר רבי און ער האט מיר גענטפערט rabbi Aron teitelbaum ......

פארדעם אליינס דארף מען אסר'ן AI

עס איז ברייט באקאנט פאר AI באניצער אז AI נעמט נישט קיין שטעלונג, ער נעמט נאר אינפארמאציע פון רוב מנין ובנין, און ער אזוי איז משער אז דאס איז דער ריכטיגער ענטפער.
ע''כ אז ער האט געענטפערט אויף אייער שאלה אז הרב ר' אהרן איז סאטמאר רשכבה''ג, (סאטמאר מיט די ווארט "רשכבה''ג" גייען באנאזאם פאר די לעצטע 50 - 60 יאר) מיינט דאס אז רוב קהל איז מסכים מיט דעם פסק און ע''כ דארפסטו קודם טוישן דעם דעת הקהל און דאן פרעגן AI מהיכן דנתני, אבער דערווייל נעמט ער אן די פסק פון רוב. ווילאנג רוב וועלן אזוי האלטן וועט דאס זיין זיין ענטפער.

[שמן למאור]

https://www.timesofisrael.com/skver-has ... to-heresy/

[חב''ד הויזן]

עס איז אויך דא אויף טעקסט מעסעדזש, גייט מען אנהייבן פילטערן טעקסט מעסעדזשעס?

מ'קען אויך קאלן א נאמבער

דוכט זיך, מ׳קען אויך פעקסן…

א בריוו אויך?

[סיסטעם]

עס איז אויך דא אויף טעקסט מעסעדזש, גייט מען אנהייבן פילטערן טעקסט מעסעדזשעס?

מ'קען אויך קאלן א נאמבער

דוכט זיך, מ׳קען אויך פעקסן…

א בריוו אויך?

[דוד שריפטליך]

אלס ענטפער צו די איסור פון סקווירא אויף ai האט א חבדסקער געעפנט א אידישע/כשרע AIעס הייסט KOSHER.CHAT

[הוגה]

.

[היכי דמי]

.

קודם אסר׳ט מען, און נאכדעם בעט מען די ציבור זאל זיי מסביר זיין די מציאות הדברים.

[צומישט און צוחישט]

אדמו"ר מבאבוב 45 נעכטן ביי הדלקה: AI איז בבחינת זה לעומת זה פון להבדיל די אורים ותומים...

[שמן למאור]

אדמו"ר מבאבוב 45 נעכטן ביי הדלקה: AI איז בבחינת זה לעומת זה פון להבדיל די אורים ותומים...

האדמו"ר מבאבוביטש אסר'ט אריטעפישל אינטעלידזשענסי...
https://t.me/YiddishlechPolitics/4758