שמעו נא רבותי !!! איך האב אויך זוכה געוועהן אזוי ווי אלע יודן אינאיינעם זיך משתתף זיין ביים מעמד גדול ונורא, ביי די "כינוס כלל ישראל" להצלת הדורות, יא! איך בין שטארק נתעורר געווארן דערפין.
דער עצם פאקט אז רבבות אחינו בני ישראל זענען זיך צוזאם געקומען פאר די איינציגער זאך צו ראטעווען זיך אין די קומענדיגע דורות, דאס אליינ'ס דיינו. אבער חוץ מזה בין איך שטארק נתעורר געווארן ווען זעהנדיג ווי די עיני וזקני העדה צו צדיקים וגדולים א שטייגער ווי דער סקולענער רבי שליט"א, דער וויזשניצער מאנסי רבי שליט"א, הגאון הגדול פוסק הדור רבי פישעלע הערשקוביץ שליט"א, דער רבי איציקל פין ראכמיסטריבקא שליט"א, אין הגאון הגדול ר' מתתיהו סלומון שליט"א, אין נאך וואס טראץ זייערע שוואכערע געזונטהייט האבן זיי זיך אהנגעשטרענגט צו קומען למען הצלת הדורות דאס אליינס האט מיר געגעבן א געזונטן ציפ, אין מיך אויפגעוועקט בבחי' 'עורי ישנים משינתכם וכו', טראכענדיג אזוי ווי שטיי איך יעצט? וואס נעם איך מיר אינטער? א.א.וו. בפרט ובפרט הערנדיג קלארע ווערטער פין דער פוסק הדור הגאון בעל השבט הלוי שליט"א קלארע דיבורים שאינו משמעת לשתי פנים האב איך מחליט געוועהן אז עפעס דארף איך אנהייבן אין זיך אינטער נעמען עפעס צו קענען מאכן א כלי פאר די התעוררות וואס זאל מיר העלפען אויף ווייטער.
אשר ע"כ האב איך מחליט געוועהן מיט קבלה גמורה מיטן אויבישטן הילף אז כשם שאני מקבל על הדרישה כך אקבל שכר על הפרישה..., אין איך וועל אי"ה ארויס שפאצירן פין קאווע שטיבל אין פין נאך זייטליך. אלעס בזכות ההתעוררות של כינוס כלל ישראל..
בלייבטס אלע געזונט מיט הצלחה כט"ס ידידכם בן תימא
נ.ב. אזוי אויך וויל איך מודה ומתוודה זיין וואס קען זיין אז עטליכע מאל האב איך מיר אפשר אביסל פארעדט נישט שיינע זאכן איז האפטליך מיט דער שריט זיין א תשובה המשקל בעז"ה..
קום מיר נישט זאגן אז מקען דא שרייבן פאזיטיוו (אויף רבנים רעדט איך, אויף האלבע משמדים קען מען.) איך בין עדות אז ווער ס'שרייבט עפעס אנדערש פון די פורקי עול הרבנים ליניע, ווערט אויסגעשטעלט צו אטאקעס פון אלע זייטן,
גדעון האט געשריבן:קום מיר נישט זאגן אז מקען דא שרייבן פאזיטיוו (אויף רבנים רעדט איך, אויף האלבע משמדים קען מען.) איך בין עדות אז ווער ס'שרייבט עפעס אנדערש פון די פורקי עול הרבנים ליניע, ווערט אויסגעשטעלט צו אטאקעס פון אלע זייטן,
איך בין עדות אז ווער ס'פרעגט א נארמאלע קושיא אויף די עמדת ה"רבנים" (ליין: עסקנים-מדברים-מתוך-גרונם רבנים) איז קיינמאל נישט זוכה צו א נארמאלען תירוץ, נאר וועט גלייך באקומען א טיטל פון א "פורק עול", "שמוציאן" און "אפיקורס".