פראפעסאר שפירא האט געשריבן:פין הייד פארק:
הגה"צ מקאשוי (הרש"י) שליט"א נגד הסיטי פיעלד סטעדיום הנקרא כינוס כלל ישראל
הגה"צ הרב שמחה ישראל אדמו"ר מקאשוי (ת"ר) שליט"א
האט געהאלטן א פייערדיגע דרשה אין קרית יואל פארעסט האלל
במעמד רבני וצדיקי העיר און פאר א גרויסן ציבור אנ"ש
און מסביר געווען בט"ט פארוואס די סאטמארע תלמידי וחסידי רבינו הקדוש
דארפן נישט גיין צים סטעדיון "הנקרא כינוס כלל ישראל"
ער האט אויך מעיד געווען אז די וואס טיען דערין זענען גרויסע ערליכע אידן
און זייער מטרה און רצון איז באמת למען הצלת הדת
אבער די סאטמארע אידען דארפן אין דעם נישט אטיילנעמען
http://www.youtube.com/watch?v=P5M_U_bj ... e=youtu.be
דער קאשויער רב פרעדיגט אז דער עיקר מהלך אין אידישקייט איז תמימות, און אז מ'טוט בלינדערהייט דאס וואס האדמו"ר מסאטמאר ז"ל האט געהאלטן. ער ברענגט ארויס אז אין וויליאמסבורג איז דא א שטארקע מערכה קעגן דעם עירוב.
ער זאגט: "דער שטערקסטער כח וואס גיט כח פאר אלע ארום און ארום, איז דאס אז דער רבי האט עס אזוי אראפגעלייגט און דאס פארט אזוי ווייטער. עס איז שוין געווען צענדליגער טענות און חילוקים, ניין, ס'איז אהער, ס'איז אהין, מיט סברות און צדדים, יעצט איז אנדערש און עס פעלט אויס און מ'קען מציל זיין אידן פון חילול שבת, מ'קען ארויסהעלפן חולים - פארשידענע צדדים. די צדיקים האבן אונז דאס אזוי אראפגעלייגט, און דאס איז עס."
ער זאגט נאך פון זיין טאטן דעם קאשויער רב ז"ל בנוגע דעם עירוב, אז "ח"ו משנה צו זיין, ווייל דער גאנצער שבת קען אונטערגיין." א סיוע לדבריו ברענגט ער פון א מעשה וואס האט פאסירט אין די לעצטע וואכן. איינער האט דערציילט אז זיינס א שכן האט לעצטנס אנגעהויבן טראגן מיט דעם עירוב, און ער האט אים געזען פרייטאג צו נאכטס נאכ'ן דאווענען ארויסקומען פון א גויאיש געשעפט מיט שאפינג בעגס. אויף דער פראגע וואס דאס איז, האט יענער געענטפערט אז ער האט אפגעשמועסט מיט'ן גוי, און ער באצאלט נישט אום שבת, און רעדט ניטאמאל פון פרייזן אום שבת.
דער קאשויער רב זאגט אז געוויסע האבן געוואלט דן זיין צי עס הייסט באמת חילול שבת צי נישט. אפשר איז גאר מותר צו טון אזא זאך. ער טענה'ט אבער אז מ'טאר ניטאמאל דן זיין דערין. ביי אונז האט מען געוואוסט אז אויב איינער קומט שבת ארויס פון א געשעפט איז ער א שייגעץ! מ'קוקט נישט צי אפשר קען מען טרעפן א היתר אין מגן אברהם צי אין פרי מגדים!
באזירט אויף דעם, ברענגט ער ארויס אז מ'טאר זיך נישט אוועקרירן קיין זיז כ"ש פון דער מסורה, און ביי אזא אסיפה טאר מען זיך נישט באטייליגן.
