רבנים וואס זענען נישט מקיים די אינטערנעט תקנות
נשלח: מוצ"ש אקטאבער 13, 2012 10:46 pm
רבנים וואס פאלגן נישט די אינטערנעט תקנות - פאר זיך אליין פארשטייט זיך.
רבנים זעלבסט וואס פאלגן נישט אויס די תקנות קען אויסזען היבש מאדנע, אבער אויב איז יעקב אבן גערעכט דאן איז דאס א סך מער נפוץ ווי סיי ווער קען זיך רעכטן. מסתבר איז אז דער רב וואס טוט פארלעצן דער תקנה וועט דאס טוהן אויף די מערסטע באהאלטענע אופן מעגליך טאקע ווייל דאס זעט אויס אזוי מאדנע און צוליב די פראבלעמען וואס דאס קען זיי שאפן. אבער מאדנע בלייבט דאס, אויב נישט נאר צוליב די היפאקריטישקייט דערפין, איז דאס נאכמער מאדנע פארוואס טאקע דער רב זאל זיין פארנומען מאכן תקנות אויף פראבלעמען וואס ער גלייבט נישט דערין באמת.
לגבי דעם עצם נישט פאלגן די תקנות, איז שייך עטליכע דרגות. קודם איז דא רבנים וואס האבן קאמפיוטערס. אויף דעם זענען די תירוצים פיל ווי די שטערן אין הימל. דער דארף עס פאר זיינע חידושי תורה און יענער דארף די רבנית תליט"א מסדר זיין די צדקה ליסטעס. דערנאך איז דא רבנים וואס האבן אימעיל אדרעססן. קען זיין ער האט פארשידענע סיבות פארוואס ער מוז דאס האבן, צו ווייל ער איז א וועלט בארימטע בעל מכשיר, צו ווייל זיין גרעסטע תומך תורה וויל מיט עם נאר קאמוניקורן אויף עלעקטראנישע פאסט. אזוי צו אזוי, איז כו"ע מודי אז דאס איז שוין א גרעסערע פארלעצונג ווי א קאמפיוטער אליין. אבער אינטערנעט אקסעס, צו מיט א פילטער צו אן, זעה איך נישט וויאזוי סיי וועלכע חסיד שוטה וועט קענען פארענטעפערן. און ווער רעדט נאך א סמארטפאון צו אן אייפאון? דאס איז שוין לכאורה א פשע בל יכופר!
און ווער וואלט דען געקענט פאנטאזירן אז חתן דנן איז נישט מער און נישט ווייניגער נאר הרב אמנון יצחק אליין?
ס'איז די פארשטענדעניש פון א יעדן בר דעת אז טאמער איז דער פראבלעם מער ווי א מיעוט שאינו מצוי זענען די אימפליקאציעס פון דעם הארבער ווי פסל מיכה וואס איז אריבער דעם ים סוף. ס'איז נישט מעגליך אז די אינטערנעט תקנות זאלן ארויס פון דעם ערשטן קעסטל אויב די המון עם פארשטייט אז די רבנים האקן א טשייניק.
פארשטייט זיך, אויב האט איינער ערשט האנטיגער קראנטע אינפארמאציע אויף אנדערע רבנים, ביטע אריין שטעלן דא אין דעם אשכול.
(ובזה וואלט איך שטארק געבעטן, נישט אריין שטעלן סתם לזות שפתים פאר פאליטישע סיבות, מיין מטרה איז נישט געווען אנצופילן די רייעס פון די צימעס פארום!
יאשערקויעך פאר'ן פארשטיין.)
רבנים זעלבסט וואס פאלגן נישט אויס די תקנות קען אויסזען היבש מאדנע, אבער אויב איז יעקב אבן גערעכט דאן איז דאס א סך מער נפוץ ווי סיי ווער קען זיך רעכטן. מסתבר איז אז דער רב וואס טוט פארלעצן דער תקנה וועט דאס טוהן אויף די מערסטע באהאלטענע אופן מעגליך טאקע ווייל דאס זעט אויס אזוי מאדנע און צוליב די פראבלעמען וואס דאס קען זיי שאפן. אבער מאדנע בלייבט דאס, אויב נישט נאר צוליב די היפאקריטישקייט דערפין, איז דאס נאכמער מאדנע פארוואס טאקע דער רב זאל זיין פארנומען מאכן תקנות אויף פראבלעמען וואס ער גלייבט נישט דערין באמת.
לגבי דעם עצם נישט פאלגן די תקנות, איז שייך עטליכע דרגות. קודם איז דא רבנים וואס האבן קאמפיוטערס. אויף דעם זענען די תירוצים פיל ווי די שטערן אין הימל. דער דארף עס פאר זיינע חידושי תורה און יענער דארף די רבנית תליט"א מסדר זיין די צדקה ליסטעס. דערנאך איז דא רבנים וואס האבן אימעיל אדרעססן. קען זיין ער האט פארשידענע סיבות פארוואס ער מוז דאס האבן, צו ווייל ער איז א וועלט בארימטע בעל מכשיר, צו ווייל זיין גרעסטע תומך תורה וויל מיט עם נאר קאמוניקורן אויף עלעקטראנישע פאסט. אזוי צו אזוי, איז כו"ע מודי אז דאס איז שוין א גרעסערע פארלעצונג ווי א קאמפיוטער אליין. אבער אינטערנעט אקסעס, צו מיט א פילטער צו אן, זעה איך נישט וויאזוי סיי וועלכע חסיד שוטה וועט קענען פארענטעפערן. און ווער רעדט נאך א סמארטפאון צו אן אייפאון? דאס איז שוין לכאורה א פשע בל יכופר!
און ווער וואלט דען געקענט פאנטאזירן אז חתן דנן איז נישט מער און נישט ווייניגער נאר הרב אמנון יצחק אליין?
ס'איז די פארשטענדעניש פון א יעדן בר דעת אז טאמער איז דער פראבלעם מער ווי א מיעוט שאינו מצוי זענען די אימפליקאציעס פון דעם הארבער ווי פסל מיכה וואס איז אריבער דעם ים סוף. ס'איז נישט מעגליך אז די אינטערנעט תקנות זאלן ארויס פון דעם ערשטן קעסטל אויב די המון עם פארשטייט אז די רבנים האקן א טשייניק.
פארשטייט זיך, אויב האט איינער ערשט האנטיגער קראנטע אינפארמאציע אויף אנדערע רבנים, ביטע אריין שטעלן דא אין דעם אשכול.
(ובזה וואלט איך שטארק געבעטן, נישט אריין שטעלן סתם לזות שפתים פאר פאליטישע סיבות, מיין מטרה איז נישט געווען אנצופילן די רייעס פון די צימעס פארום!
יאשערקויעך פאר'ן פארשטיין.)