moshav zekeinim האט געשריבן:בערל בעל עגלה האט געשריבן:
"די אידן, מיט אלע זייערע חסרונות זענען ביי מיר נאכאלץ בעסער ווי סיי וועלכע גוי'אישע סאסייעטי, מיט אלע זייערע מעלות...! ומי כעמך ישראל גוי אחד...!
יא, אויך איך האלט אז די אידן, ספעציעל די היימישע, זענען בעסער ווי סיי וועלכע לשון ואומה, צוליב צוויי סיבות,
איינס, איך בין נישט באקאנט מיט רובא דרובא פון די טויזנטער שבעים אומות וואס זענען פאראן אויף די וועלט און ניטאמאל קען איך ווי געהעריג די אלגעמיינע מערב קולטור צו וויסן זייערע מעלות און חסרונות, אזוי אז איך קען מיר איינרעדן דאס וואס איך האב פון שטענדיג געהערט אז דער איד איז דאס בעסטע און איידלסטע מכל העמים, און טאמער איז פאראן ביי די גוים גוטס איז עס חסד לאומים חטאת.
צווייטנס, איך בין איינגעגלידערט צווישן די אידן, און דוקא היימישע, איך בין שוואך אין די גויאישע שפראכן, אין זייערע נימוסים, אין זייער זעלבסשטענדיגע דרך החיים וואו מ'שטייט אויף די אייגענע פיס, איז וואו איז דען פאראן א בעסער פאלק ווי די אידן פאר אני הקטן א איינגעפלאנצטער אינוואליד וואס דארף צוקומען מיט גוטן צו מיט בייזן צום חרדי'שער-חסיד'ישער רינג.
דעריבער שריי איך אויס, מי כעמך ישראל, דער ערגסטער היימישער איד איז בעסער ווי דאס בעסטער גוי! א ברירה האב איך דען, דא אטעם איך דאך, דא איז דאך פאקטיש מיין לעבן.
אם בתירוץ אחד מתורצות שתיים או שלוש קושיות, קרוב לומר שהתירוץ אמיתי. וככל שיגדל מספר הקושיות המתורצות באותו תירוץ, כך מתחזקת ההנחה שהתירוץ אמיתי.
(תורת-מנחם עמ' 154 שיחת כ' מנחם-אב תש"י).
