בית דין לעניני טעכנאלאגיע פארמירט

[אךשמח]

יעצט באקומען א באריכט פון א פריינט וואס איז דארט געווען אין קרית וויזניץ קייאמישע איבער א נייער בית דין לעניני טעכנאלאגיע וואס איז יעצט פארמירט געווארן וואס אין איר שפיץ וועלן זיין הרבנים מ'גאלאנטא, מ'נייטרא מאנסי, מ'קאסוב וואס זיי וועלן דן זיין יעדע נושא וואס איז נוגע טעכנאלאגיע.

עס איז אפגעהאלטן בראשות אדמורים מ'סקולען, וויזניץ, ראכמאסטריווקא שליט"א.

ווער עס ווייסט מער פרטים און בילדער זאל ביטע אפדעיטן.

[לכבוד שבת קודש]

[center]ברעיקינג ברעיקינג: ערשטע באריכט דא אויף קאווע שטיבל

הכתרה פאר בית-דין לעניני אינטערנעט - בראשית זקני האדמורי"ם בארצות-הברית[/center]

אין די יעצטיגע מאמענטן איז פארגעקומען אין שיכון-ויז'ניץ - קאייאמישא לעיק, א מעמד הכתרה אין היכל פון די ויז'ניצע ישיבה. די הכתרה איז פארגעקומען זייער פלוצלינג, אן קיין פריעדיגע מעלדונג, בשעת מען האט אויסגעקלאפט אין ישיבה אז אין א האלבע שעה וועלן ערשיינען די גדולי הרבנים מיטן נייעם בית-דין וואס מען וועט מכתיר זיין פאר דעם צוועק.

אויפן ארט זענען אריינגעקומען כ"ק מרן אדמו"ר מסקולען שליט"א, כ"ק מרן אדמו"ר מוויזשניץ שליט"א, כ"ק מרן אדמו"ר מראכמסטריבקא שליט"א און כ"ק אדמו"ר מוויען שליט"א, וועלכע זענען אריינגעקומען אינאיינעם צו א שלחן לחיים אין היכל הישיבה, במעמד בחורי הישיבה ועוד אנשים ועסקנים, וואס זענען אנגעקומען צו דער מעמד.

אינאיינעם מיט די אדמורי"ם זענען אריינגעקומען די נייע בית-דין וואס מען האט מכתיר געווען אויפן ארט: כ"ק אבד"ק ור"מ גאלאנטא שליט"א, הגה"צ רבי מנחם מאיר ווייסמאנדל שליט"א, און הגה"צ אבד"ק טאהש - בארא-פארק שליט"א.

אויפן ארט האט מען געזינגען ניגוני התעוררות ודביקות, און עס האט אויפגעטרעטן בדברות קודש אבד"ק וויען שליט"א, וועלכער האט מיט א קול בוכים דערמאנט די סכנה פונעם אינטערנעט און די נסיונות הדור, און מיט א דראמאטישע שטימע אויסגערופן און מכתיר געווען בשם דאס יהדות החרדית אין אמעריקא, די דריי אויבנדערמאנטע רבנים, וועלכע זאלן שטיין על המשמר און זיין דער מוציא ומביא את דבר השם לכל עניני האינטערנעט.

דערנאך האבן די אדמורי"ם געטרינקען אינאיינעם לחיים, וואונטשנדיג פארן נייעם בית-דין לחיים און זייענדיג זיי מכתיר. דערנאך האט וויזשניצע רבי שליט"א אויפגעטרעטן מיט דברי ברכה בשם כל האדמורי"ם. דאן האט זיך דער ציבור ארויסגעלאזט אין א ריקוד.

דערמיט איז מוכתר געווארן א בית-דין לעניני אינטערנעט, וואס וועט פסק'ענען אלע שאלות לעניני טעכנעלאגיע און אינטערנעט.

עס איז וויכטיג צו באמערקן אין די דאזיגע מאמענט, אז "קאווע שטיבל" איז די ערשטע וואס האט געברענגט די נייעס, ברעכנדיג היסטאריע ביים יהדות החרדית. דאס איז זיכער א זאך וואס וועט אפגעצייכנט ווערן לדורות עולם אין די ראמען פון היסטאריע פון כלל ישראל.

[לעמיל]

יעצט באקומען א באריכט פון א פריינט וואס איז דארט געווען אין קרית וויזניץ קייאמישע איבער א נייער בית דין לעניני טעכנאלאגיע וואס איז יעצט פארמירט געווארן וואס אין איר שפיץ וועלן זיין הרבנים מ'גאלאנטא, מ'נייטרא מאנסי, מ'קאסוב וואס זיי וועלן דן זיין יעדע נושא וואס איז נוגע טעכנאלאגיע.

עס איז אפגעהאלטן בראשות אדמורים מ'סקולען, וויזניץ, ראכמאסטריווקא שליט"א.

ווער עס ווייסט מער פרטים און בילדער זאל ביטע אפדעיטן.

אך שמחת לכבוד שבת האט דיך שוין אויסגעכאפט

[זר זהב]

ניין. אךשמח האט עס באריכטעט ערשט

[מורינו הרב]

בילדער וועט מסתמא נישט זיין, מטעמים מובנים.

[לעמיל]

[לעיקוואד]

[center]כתב עיקול
[/center]

בס"ד יום חמישי ד' תמוז תשע"ג פה עיר הקודש קאווע שטיבל

שמועה שמענו ותרגז בטננו על מחטף חמור שנעשה בימים אלו כאשר מונה בית דין להכריע בענינים שבנפשות שלא על דעת הצדדים ושלא ברשות התורה הקדושה אשר ציוותה שמוע בין אחיך וכל מינוי שאתה ממנה עליך לא יהא אלא ממך, מכם שאתם מכירים אותם, כמבואר בספרי פרשת יתרו ובשאר ספרי הפוסקים והמפרשים בלי חולק. כמו כן עברו ברית מסורת ישראל בכל הדורות שאין הרב יכול לפסוק מבלי שיורה לנו מהיכן דנתנו ולפרש כשמלה מקורותיו בתורה בש"ס ופוסקים.

על כן מתחייבים אנו הנני להודיע שאין לבית דין הזה שום תוקף לא עלינו ולא על בנינו ולא על דורותינו ולא על עצמנו.

יהדות החרדית אין אמריקא מודיעה בזה שמעולם לא מינתה את הגאון אבדק"ק ווין שליט"א לדובר שלה או למייצג אותה, ואין לו שום זכות או סמכות למנות עליה פרנסים או משתררים. לא לענין הלכה, המסור לכל תלמיד חכם ותלמיד חכם מישראל לפסוק לעצמו ולהורות הוראה לנשמעים אליו כפי אשר ישים אל לבו מתוך העיון המזוקק במקורות תורה"ק, ולא לענין שררה ציבורית המסור לציבור לבחור לעצמה את מנהיגיה כדת וכדין.

בנוסף לכך, וועד רפואי מיוחד שמונה על ידינו קובע שמרנן האדמורי"ם מסקולען, וויזניץ, ראחמיסטרייווקא, על אף כבודם וגדלותם הרמה, אין מצב בריאותם מאפשר להם לשקול ביישוב הדעת נכון את המציאות או להעריך את צורך הדור, וכבר הורו לנו רז"ל שאין מושיבים זקן בסנהדרין מפני שהוא אכזר. ונמצא שאין דבר היוצא מביתם של אלו שקול כיוצא מפיהם הקדושה והרחבה אלא כיוצא מפי נערים מנוערים בתורה משמשיהם וגבאיהם אשר לא קראו ולא שנו ולא שימשו ואינם בדרך ארץ וביישוב העולם.

על כן הננו מודיעים בזה דעתנו דעת תורה שאין מעשה בית דין כלום, ואין לו לא תוקף של בית דין ולא תוקף של כלום, ומזמינים אנו את מנהיגי המחטף הזה לדין בפני קהילות הקודש כולם אשר עליהם השתלטו.


ובאנו על החתום

--יהדות התורה העולמית-- הורים מודאגים-- יהודים פשוטים--- כלל ישראל-- בני ובנות מוסדות התורה----

[דעת תורה]

כאטש איך זע אין דעם שריט ממש וואס איך האב געשריבן אין א אנדערע אשכול איבער איחוד הקהילות' פלענער נאכצומאכן ארץ ישראל'ס וועדים און בתי דינים, און א ענגע גרופע עסקנים זאלן זיך משתלט זיין אויף אלע היימישע קרייזן אין אמעריקע (וואס לאזן זיך, פארשטייט זיך. זיי חלום'ען נישט צו באלבאטעווען אויף סאטמאר למשל).

דאך, מיטן התמנות פון די רבנים, וועלכע זענען לאו דוקא עקסטרעמיסטן, און אויך נישט פון דעם טייפ זיך צו לאזן פירן פון אזאלכע עסקנים ווי דירנפעלד און גאטליב, קען מען פרייער אפאטעמען. (ווער עס האט געפילט אנגעצויגן ביז איצט...).

[שעפטל]

מזל טוב מזל טוב!

דער בית דין צדק באשטייט פון:

נשיאים:
כ"ק האדמו"ר מ'וויזניץ-מאנסי שליט"א
כ"ק אדמו"ר מ'סקולען שליט"א
כ"ק אדמו"ר מ'ראחמיסטריווקא שליט"א
הגאון רבי מתתי' סאלאמאן שליט"א, משפיע בלעיקוואד,
כ"ק הגה"צ אב"ד וויען שליט"א

יושב ראש הבי"ד:
הגה"צ רבי שמואל מרדכי פורטיגאל שליט"א, בן כ"ק הנשיא אדמו"ר מסקולען שליט"א

חברי הבדי"צ:
כ"ק אדמו"ר מ'גאלאנטא שליט"א
הגה"צ ר' מנחם מאיר ווייסמאנדל שליט"א, אב"ד נייטרא מאנסי
הגה"צ רבי בנימין לאנדא שליט"א, דומ"ץ טאהש בארא פארק.

פרטים יבואו

תשית לראשם עטרת פז!

[אנאליזירער]

די דריי רבנים פון די בי"ד זענען מענטשן מיט א שטארקע כאראקטער און דאס איז גוטע נייעס אז זיי וועלן אליין שוקל זיין וואס איז ריכטיג און וואס נישט, און נישט ווערן איבערגענומען פון נארישע עקסטרעמיסטן. אבער פון די אנדערע זייט איז יתכן אז טאקע צוליב זייער שטארקע כאראקטער וועלן זיי נישט זיין גרייט צו הערן וואס אנדערע (למשל ביזנעסלייט וואס פארשטייען בעסער צו אינטערנעט) האבן צו זאגן, און דאס קען ברענגען א חורבן.

[זר זהב]

אין אנדערע נייעס האט טאיאטא מאטאר קאמפעני געמאלדן אז זיי האבן אויפגענומען מיכאל שניצלער, פינקי וועבער, מיט אברהם פריעד צו אינדזשענירן די נייערע סארט מאטאראן וואס טאיאטא וועט אנהויבן נוצן אין זייערע וויהעקלען אין יארע 2016. אין א סטעיטמענט שרייבט טאיאטא סי אי או אז ער האפט צוליב די פאפולערעטי פון די אויבענדערמאטע סעלעבריטיען וועלן די נייערע אוטאמאבלין פארן געשמאקער און נוצן וויינגער גאזאלין.

תשיס לרוישאם עטעירעס פאז.

פרטים יבויאי!

פערדן בהמות אקסן

[יאיר]

די דריי רבנים פון די בי"ד זענען מענטשן מיט א שטארקע כאראקטער און דאס איז גוטע נייעס אז זיי וועלן אליין שוקל זיין וואס איז ריכטיג און וואס נישט, און נישט ווערן איבערגענומען פון נארישע עקסטרעמיסטן. אבער פון די אנדערע זייט איז יתכן אז טאקע צוליב זייער שטארקע כאראקטער וועלן זיי נישט זיין גרייט צו הערן וואס אנדערע (למשל ביזנעסלייט וואס פארשטייען בעסער צו אינטערנעט) האבן צו זאגן, און דאס קען ברענגען א חורבן.

וואס וועט זיין דער חורבן? דו האלטסט אז איינער גייט זיך צוקראצן אויב די רבנים וועלן יעצט זיצן און דן זיין בכובד ראש און מחליט זיין אז מ'מעג יא אדער נישט האבן אינטערנעט? אויף וועלכע פלאנעט לעבן זיי?

[שעפטל]

אין נאך שטערקערע נייעס, ענדליך האט שוין עפל מיט סעמסאונג ווי זיך צו מעלדן איבער זייערע ווייטערדיגע שריט. אוןזיי האבן שוין גערופען דעם בי"ד אז זיי ווילן זיך אראפזעצען, זיי זענען גרייט צו פארהאנדלן.

פרטים יבואו...

והעיר ... צהלה ושמחה!

[קאווע טרינקער]

איך גלייב נישט די גאנצע מעשה.
מאכט נישט קיין סענס.

בד"וו, על צד אז יש דברים באיד, וואס גיין זיי טוען?
הייסן קרויס הוט סטאר מער נישט ניצען קיין עלעקטריציטעט צו פיצן די הוטן?
מער נישט פארן מיט פליגערס?
GPS לאזן זיי ניצען?

[איינער]

אויב דאס איז אמת, דאן דארפן מיר אנטוהן הערנער, אזא power grab איז נייעס אפילו פאר אונז!

די בעסטע געפעלט מיר,

אויפן ארט האט מען געזינגען ניגוני התעוררות ודביקות,

ווי די "ניגוני התעוררות ודביקות" האט באפעסטיג זייער אייגן געכאפטע מאכט.

[קאווע טרינקער]

יעצט באקומען אין אימעיל פונעם נייעם ספרא דדיינא, אז ער וועט אי"ה מעלדן דורך טוויטער אלע אפדעיטס.

[לאליפאפ]

גרויס שאק אין צומישעניש הערשט אין קאליפארניע נאך וואס די רבנים האבן געגעבן א שטעל אויף א בית דין אנע שום פריערדיגע ווארענונג. זיי זענען ממש געווען צוטומלט. דעי רבנים האבן א קאפ אויפן פלייצע פששיהא.. אזוי אויסצושפילן טעכנאלאגיע!! ממש קיינער קיינער האט נישט געוואוסט אז זיי גייען זיך צאמזעצן, נישט גוגל נישט עפל, די פיקחות איז אומבאשרייבלעך

[מורינו הרב]

די בעסטע געפעלט מיר,

אויפן ארט האט מען געזינגען ניגוני התעוררות ודביקות,

ווי די "ניגוני התעוררות ודביקות" האט באפעסטיג זייער אייגן געכאפטע מאכט.

ס'דערמאנט מיר נאך ערגעץ וואו מען זינגט ניגוני התעוררות.

וואו איז דער קאלטיסט'קע פון בית-שמש אשכול?

[הוגה]

איך זעה אז ס'דא צוויי זייטן (אזוי ווי אלעס אין אידישקייט). יש בעד ונגד. איינער ווייסט אויף וועלכע זייט די 'בני הישיבות' וועלן זיך שטעלן?

[קאווע טרינקער]

בעד,
כ'האב באמערקט אז ליעקוואד האט אויסגעלאזט די בני הישיבות פון זיין קול קורא..

[MickyMouse]

מען קען זיך רישען אויף אזעלכע קאפ שטיקעס

[דעת תורה]

אזוי אויך גייט שוין אן פאר פופציג יאר די פירצה פון די פאקס מאשינען, וואס קומען לא עלינו מיט א פארבינדונג צו די גאנצע גוי'אישע גאס, וואס אין איין מינוט קען יעדער ארויספרינטן ביי זיך אינדערהיים דאס ארגסטע, מיט א קוועטש אויפן קנעפל. שוין העכסט צייט טעג זאל אדאפטירן @פשוט קאמפליצירט'ס פילטער פאר פאקס מאשינען.

אמת'דיג, האב איך הנאה אז די רבנים כאפן זיך שוין ביים קאפ אז נישט דוקא די סקרין חלק פונעם אינטערנעט איז געפערליך, ה"ה אויב דער אינטערנעט פונקציאנירט אויפן פאפיר, אזוי ווי א פרינטער טויג אויך נישט.

נו, דאס איז דאך בעצם דער פאקס מאשין.

אז זיי וועלן גיין אין דעם וועג וועלן זיי צוביסלעך כאפן וואס זיי האבן נישט געכאפט ביז היינט: דער אינטערנעט איז נישט מער ווי א מאדערניזירטער ווערסיע פון קאמוניקאציע, פון באנען, אויטא'ס, עראפלאנען, טעלעפאנען, און פאקס מאשינען. און מיט די יכולת פון קאמוניקאציע קען א מענטש זיך פארבינדן אויף 2 פלעצער - טוב ורע. אכן, בחירה במיטבה. די וועלט פלאן ארבעט גוט.

(העכסטנס, אויב זעט מען אז דער עולם ווערט פאר'שיכור'ט פון די גרינגע קאמוניקאציע, ברויך מען חינוך און הדרכה, אווערנעס וויאזוי עס צו נוצן. אויב די טעכניק ערלויבט אפילו צו לייגן א פילטער, א זאך וואס איז נישט שייך ביי קיין אנדערע קאמוניקאציע מיטלען, ברויך מען דאך ממש מאכן הטוב והמטיב אויף דעם, און אוודאי דארף יעדער עס ארויפלייגן אז מען קען יא).

[יואליש]

די טמא'נע פרינטערס פאדערט זיך א באזונדערע קבלת עול מלכות שמים מעמד, און ס'איז ראטזאם דאס מאל צוצלייגן א פארזאגער פאר "שיר המעלות ממעמקים" בנוסח בין כסה לעשור מיט א ירושלמי אקצענט.