אמעריקע און צפון קארעא סאמיט אין סינגאפור

היימיש, לאקאל, און איבער דער וועלט

Re: אמעריקע און צפון קארעא סאמיט אין סינגאפור

הודעהדורך החוקר » מאנטאג יוני 11, 2018 10:19 pm

[/b]היסטארישע מאמענט[b]
פרעזידענט טראמפ טרעפט זיך מיט קים דזשאנג אן!
https://youtu.be/5LqVBkYZhYI
די קליקערייען פון די קאמערע'ס הערט זיך ווי א מאשין דרילט.
החוקר
ידיד ותיק
ידיד ותיק
 
הודעות: 739
זיך רעגיסטרירט: זונטאג סעפטעמבער 25, 2016 3:53 pm
האט שוין געלייקט: 410 מאל
האט שוין באקומען לייקס: 580 מאל

Re: אמעריקע און צפון קארעא סאמיט אין סינגאפור

הודעהדורך גראף » מאנטאג יוני 11, 2018 10:27 pm

.בילד

Sent from my SM-G950U using Tapatalk
גראף
ידיד ותיק
ידיד ותיק
 
הודעות: 887
זיך רעגיסטרירט: זונטאג אפריל 06, 2014 4:10 am
געפינט זיך: אויפן גיט אין דער אלטע הײם
האט שוין געלייקט: 695 מאל
האט שוין באקומען לייקס: 488 מאל

הודעהדורך רביה''ק זי''ע » מאנטאג יוני 11, 2018 10:33 pm

איך מיין אז די חברה דרייען סתם א קאפ אז קים קען נישט קיין ענגליש, לפי ידיעתי האט ער געלערנט אין די שווייץ, סאו ער דארף צו קענען ענגליש.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2715
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2553 מאל
האט שוין באקומען לייקס: 1746 מאל

הודעהדורך דער דאס » מאנטאג יוני 11, 2018 11:09 pm

.
בייגעלייגטע פיילס
IMG-20180611-WA0006.jpg
דער דאס
ידיד השטיבל
ידיד השטיבל
 
הודעות: 282
זיך רעגיסטרירט: פרייטאג יולי 15, 2016 12:41 am
האט שוין געלייקט: 499 מאל
האט שוין באקומען לייקס: 553 מאל

הודעהדורך איסר האטלקי » מאנטאג יוני 11, 2018 11:55 pm

די לצים זאגן אז קים האט זיך אנגעטראגן פאר טראמפ צו זיין פארמיטלער צווישן אמעריקע און קאנאדע...
איסר האטלקי
חבר ותיק
חבר ותיק
 
הודעות: 2109
זיך רעגיסטרירט: מאנטאג מאי 23, 2016 2:00 am
געפינט זיך: צווישן קאסוב אין וויזניץ
האט שוין געלייקט: 1081 מאל
האט שוין באקומען לייקס: 1301 מאל

Re: אמעריקע און צפון קארעא סאמיט אין סינגאפור

הודעהדורך אונטער חכם » דינסטאג יוני 12, 2018 1:16 am

העניך האט געשריבן:ס'איז זייער שווער זיך צו טענה'ן צווישן לינקע און רעכטע מענטשן, ווייל די צוויי גרופעס לעבן ליטערעלי אין אנדערע יוניווערסן. דער לינקער (ואני בתוכם) זעט ווי טראמפ איז גענוי דער משוגענער וואס מ'האט געקלערט און ער לייגט אמעריקע אין דער ערד, און דער רעכטער זעט ווי טראמפ פירט אויס איין קאמפיין-צוזאג נאכ'ן צווייטן, און ווי ער האט געראטעוועט אמעריקע פון דער שוידערליכער קלינטאן קארופציע. רעכטע און לינקע לייענען אנדערע נייעס-קוועלער, און האבן ממש א גענצליך אנדערער בליק אויף דעם מציאות.

דער וועמען איך זע אן אומפולסיוון משוגענער וואס האט נישט קיין שום מיינונגען און פרינציפן, זעט דער רעכטער ווי א קוריאזן ביליאנער וואס האט פרינציפן וואס זענען גוט פאר אמעריקע. נו, גיי טענה דיך ווען אפילו אויף די פאקטן אויף וואס מיינונגספארשידנהייטן זענען באזירט זענען מיר אויך נישט מסכים.

איך קען נישט טענה'ן אז טראמפ וועט יא אוועקקוקן פון זיינע פרינציפן לטובת זיין עגא ווען איך האלט אז דער מענטש האט נישט קיין שום פרינציפן, און איז ניטאמאל ביכולת צו האבן פרינציפן. ער איז א שוטה, אן אנאלפאבעט, א בולי, מענטש וואס טוט אלעס ווי זיין עגא פירט אים, און ס'איז ניטאמאל קיין פראגע צי עפעס קען פאר אים שטייגן אין וויכטיגקייט איבער זיין כבוד און רום.

ער קומט מיר אויך פאר ווי א שוטה אנאלפאבעט און בולי, אבער למעשה אויב וואלט ער טאקע נאר געהאט אזויפיל שכל ווי ער ווייזט ארויס אין פאבליק איז שווער צו גלייבן אז ער וואלט געקענט אנקומען צו אלע סוקסעסן וואס ער איז אנגעקומען אין לעבן.
( און יא , מיט אלע תירוצים פון ירושות באנקראטן וכדו'איז ער נאכאלטס סאך מער סוקסעספול ווי ניין און ניינציג פראצענט יורשים אויף די וועלט.)
אונטער חכם
ידיד ותיק
ידיד ותיק
 
הודעות: 649
זיך רעגיסטרירט: דאנערשטאג מערץ 02, 2017 5:42 pm
האט שוין געלייקט: 603 מאל
האט שוין באקומען לייקס: 299 מאל

Re: אמעריקע און צפון קארעא סאמיט אין סינגאפור

הודעהדורך החוקר » דינסטאג יוני 12, 2018 3:02 am

בנוגע די דעבאטע ווער עס פגר'ט מער ארויסצונעמען עפעס פון דעם באזוך.

לויט ווי איך קוק עס אן זענען די מיינונג'ס פארשידענהייטן צוטיילט אויף פארטיי ליניעס, ווער עס שטיצט טראפ האלט אז ער האט די אויבערהאנט, לעומת זה די טראמפ קעגנער האלטן אז קים איז שטערקער. איך מיין אז עס איז דא שטארקע סברות לכאן ולכאן, אז מען קוקט אומפארטייאיש איז נישט עכט דא א שטארקע סיבה מצדד צו זיין אויף איין זייט.

פון איין זייט איז טראמפ דער גיבור, ער איז אנגעקומען ווייטער ווי סיי וועמען. קיינער האט א יאר צוריק נישט געחלומט אז מען גייט דא האלטן. און אפילו אויב ער קומט אהיים ליידיג, קען ער עס זאגאר ספינען אלס א געווינס אז ער איז בעסער פון אבאמא, ווייל ער מאכט נישט שוואכע דיעל'ס.

פון די אנדערע זייט איז טראמפ'ס עגאו גרויס ווי די בורדזש קאליפא. אמת ער קען אלעס ספינען וויאזוי ער וויל און שאן הענעטי וועט עס פארקויפן הייסערהייט ווי פיצא מוצאי פסח. מיט דעם אלעם, פארשטייט ער אויך אז אויב דעליווערט ער נישט עפעס זאכליך, גייט אים די וועלט אנקוקן ווי א דורכפאל. לעומת זה די כבוד און פרעסטידזש, וואס ער וועט זיך איינקויפן אויף די וועלט ארענע אויב קומט עפעס ארויס, איז אים ווערט אלע געלטער.

טראמפ ווייסט זייער גוט ווי שטארק דאס קען אים בויען אינדרויסן פון זיין באזע. אנשטאט היסטאריע זאל אים פארשרייבן אלס דער וואס האט געמאכט א מוזלים בען, וועט מען אים געדענקן אלס דער וואס האט דורך געפירט דאס אומגלויבליכע, דאס וואס קיינער אין די וועלט האט נישט געקענט טון פאר 40 יאר.

און מיט קים איז די זעלבע מעשה, עס קען זיין ער האט זיך דערשראקן פון טראמפ, איז ער געקומען צולויפן און גייט זיך צושטעלן צו טראמפ, ווייל ער וויל נישט זיין אויף טראמפ'ס שלעכטע זייט. פון די אנדערע זייט איז קארעא שוין איזאלירט פאר אזויפיל יארן און זיי האבן עס דורך געשוויצט. יעצט איז ער נאך אפילו שטערקער ווייל זיי האבן נוקלעארע מטעמים אויך, וואס זיין טאטע און זיידע האבן נישט געהאט, איז וואס האט ער צו דערלייגן אז ער שפאצירט אוועק. טאמער קען ער צושפאט לייגן טראמפ אין די פראסעס, וועט עס זיין פאר אים די טשערי אן טאפ.

למעשה מיין איך קען מען נישט זאגן אהין אדער אהער. טראמפ חוץ זיין גאווה, איז ער אומפולסיוו און ער פייפט נישט נאר אויף די וועלט, נאר אויך אויף זיינע ראטגעבער. אפילו אויב ער האט נעכטן געקלערט אז ער איז גרייט נאכצוגעבן כך וכך, קען ער מארגן באשליסן פארקערט, וכן להיפך.
החוקר
ידיד ותיק
ידיד ותיק
 
הודעות: 739
זיך רעגיסטרירט: זונטאג סעפטעמבער 25, 2016 3:53 pm
האט שוין געלייקט: 410 מאל
האט שוין באקומען לייקס: 580 מאל

הודעהדורך איסר האטלקי » דינסטאג יוני 12, 2018 9:33 am

וואס איז שלעכט אז היסטאריע באשרייבט זיין מוסלעם בען? זייער א העלדישע און וויכטיגע שריט!! רוב אמעריקע שטיצט עס.
איסר האטלקי
חבר ותיק
חבר ותיק
 
הודעות: 2109
זיך רעגיסטרירט: מאנטאג מאי 23, 2016 2:00 am
געפינט זיך: צווישן קאסוב אין וויזניץ
האט שוין געלייקט: 1081 מאל
האט שוין באקומען לייקס: 1301 מאל

Re: אמעריקע און צפון קארעא סאמיט אין סינגאפור

הודעהדורך החוקר » דינסטאג יוני 12, 2018 11:16 am

מיין ערשטע געדאנק איז געווען צו ענטפערן. למעשה האב איך געקלערט אז דו ביסט מן הסתם א טראמפ שטיצער, און סיי וואס איך וועל שרייבען גייסטו בלייבן ביי דיין מיינונג, ממילא איז א שאד די ווערטער.
החוקר
ידיד ותיק
ידיד ותיק
 
הודעות: 739
זיך רעגיסטרירט: זונטאג סעפטעמבער 25, 2016 3:53 pm
האט שוין געלייקט: 410 מאל
האט שוין באקומען לייקס: 580 מאל

הודעהדורך ליטוואק פון בודאפעסט » דינסטאג יוני 12, 2018 1:52 pm

עס איז גאר מעגליך עפעס אנדערש.

איך האב געליינט אז די אלע יארן וואס קארעא איז געווען איזאלירט, האבען זיי געלעבט פון טשיינע. יעצט איז טשיינע בייז אויף זיי און וויל נישט מיט זיי האנדלען, האבען זיי געהאט א ישועה פון רוסלאנד. אבער יעצט איז רוסלאנד באנקראט צוליב די סאנקציעס וואס די פריערדיגע אדמיניסטראציע האט ארויף געלייגט אויף זיי.

צוליב דעם האט טראמפ געפיהרט זיין Make China Great Again קאמפעין, לגבי ZTE. ער וויל זיי אפצאלען נישט צו לאזען א וועג ארויס פאר נארט קארעא.

בקיצור, אלעס איז א תולדה פון די יארן-לאנגיגע סאנקציעס, און צום סוף עסט מען די פירות דערפון.

ללמדך, אז קאמפליצירטע זאכן נעמען צייט, און עס איז זינלאז צו משפט'ן לויט די ערשטע בליק.

(איך ווייס נישט צו די זאכן זענען אמת, נאר מעגליך איז עס זיכער).
רעדאגירט געווארן צום לעצט דורך ליטוואק פון בודאפעסט אום דינסטאג יוני 12, 2018 5:41 pm, רעדאגירט געווארן איין מאל בסך הכל.
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8704
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3039 מאל
האט שוין באקומען לייקס: 8176 מאל

הודעהדורך שמחהלע קאפשטיק » דינסטאג יוני 12, 2018 5:34 pm

רבינו הליטוואק פון בודאפעסט - האסט זייער א גוטע פוינט !!
נישט אומזיסט זאגן חז"ל אז דיו אילו ימי וכו' וועט מען נישט קענען שרייבען חללה של רשות (מלכות)
שמחהלע קאפשטיק
ידיד השטיבל
ידיד השטיבל
 
הודעות: 150
זיך רעגיסטרירט: פרייטאג מאי 11, 2018 12:46 pm
האט שוין געלייקט: 111 מאל
האט שוין באקומען לייקס: 104 מאל

הודעהדורך רביה''ק זי''ע » דינסטאג יוני 12, 2018 10:31 pm

באניצער אוואטאר
רביה''ק זי''ע
חבר ותיק
חבר ותיק
 
הודעות: 2715
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2553 מאל
האט שוין באקומען לייקס: 1746 מאל

הודעהדורך רביה''ק זי''ע » דינסטאג יוני 12, 2018 10:45 pm

באניצער אוואטאר
רביה''ק זי''ע
חבר ותיק
חבר ותיק
 
הודעות: 2715
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2553 מאל
האט שוין באקומען לייקס: 1746 מאל

הודעהדורך בן ישי » מיטוואך יוני 13, 2018 2:40 am

גיט
בייגעלייגטע פיילס
DfgJuETWkAAp-qQ.jpg
דוד בן ישי עבדך משיחך
בן ישי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1356
זיך רעגיסטרירט: דאנערשטאג יוני 02, 2016 2:51 am
האט שוין געלייקט: 228 מאל
האט שוין באקומען לייקס: 618 מאל

הודעהדורך רביה''ק זי''ע » מיטוואך יוני 13, 2018 9:41 am

באניצער אוואטאר
רביה''ק זי''ע
חבר ותיק
חבר ותיק
 
הודעות: 2715
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2553 מאל
האט שוין באקומען לייקס: 1746 מאל

הודעהדורך בן ישי » מיטוואך יוני 13, 2018 7:14 pm

ויהי אחרי: די ווילדע רייזע ביז צום סאמיט

דורך: זונדל שאלאמאן

מען קען שוין אפאטעמען, דער סאמיט צווישן פרעזידענט דאנאלד טראמפ און צפון קארעא טשעירמאן קים יאנג אן איז שוין פארביי, די שטויב הייבט זיך אן צו זעצן, און ווידעראמאל זעט זיך ארויס די ‘לב מלכים ושרים ביד השם’.


עס לאזט זיך נישט גלייבן ווי מאדנע זאכן פארן אין די היינטיגע וועלט, די צוויי פירער וואס ווערן באטראכט אין טייל פון די וועלט אלס ווילדע און אגרעסיווע האלבע משוגעים, וועלכע האבן זיך קוים פאר עטליכע מאנאטן צוריק געסטראשעט אויף א קינדערישן פארנעם איינעם מיטן צווייטן אויף די ‘בולי שפראך’, זענען אצינד געזעסן פאניע פראט איינער נעבן צווייטן, און געמאכט היסטאריע.
דאס איז זיכער אז אזא שריט וועט ברענגען פרידן און סטאביליטעט, יעדע לאנד וואס פארמאגט די נוקלעארע וואפן איז א געפאר, איבערהויפט ווען עס ליגט אין די הענט פון א ווילדער דיקאטור אין צפון קארעא, וואס האט אומגעברענגט אייגענע פאמיליע מיטגלידער פאר נארישע לעכערליכע טענות, און אונטער אים זענען פארשמאכט הונדערטער טויזנטער בירגער וואס האבן נישט קיין אייגענע מיינונג, און ווערן קאנטראלירט דורך זיין אייזענעם פויסט.


ווילאנג די צוויי לענדער וועלן ווייטער פירן געשפרעכן, האבן מיר אפאר מינוט צו אנאליזירן די מצב, און באטראכטן ווי אזוי זאכן זענען געפארן, פון וואס מיר וועלן שטוינען וויאזוי די ווילדע רייזע צום סאמיט, האט זיך געענדיגט אזוי פריינטליך…
***

אפריל 2013 – דאס ערשטע מאל וואס דאנעלד טראמפ האט וואס צו זאגן איבער קים יאנג אן, ארום 2 יאר איידער ער האט געמאלדן זיין קאנדידאטור פאר פרעזידענטשאפט אין די פאראייניגטער שטאטן. טראמפ האט געווארנט דעם דעמאלטדיגן פרעזידענט באראק אבאמא – און ווי דען אויב נישט אויף טוויטער – איבער דער “משוגענער איינער, דער אכט און צוואנציג יעריגער פון צפון קארעא”.
יאנואר 2016 – דא האלט שוין טרמאפ אין די רעפובליקאנער פריימעריס וועלכע איז נאך געווען אין אירע ערשטע שטאפלען, ברענגענדיג אן אומגעוונליכע פאלעסי פון די רעפובליקאנע אויסערן פאלעסי, אויף וועמענ’ס טיקעט ער איז געלאפן. אין א רעדע וואס ער האט געזאגט ביי איינע פון די קאמפיין אויפטריטן, לאזט ער פאלן ווערטער: “אז איר וועט באטראכטן צפון קארעא, דער בחור, כ’מיין צו זאגן אז ער איז טאקע א סארט צעפידלטער, אבער מען דארף אים געבן קרעדיט… ער איז געווען 25 אדער 26 ווען זיין טאטע איז געשטארבן, וויפיל אזעלכע יונגע מענטשן זענען מצליח צו איבערנעמען אין די האנט אריין די פירערשאפט, און באפעלן די הארטנעקיגע לאנגיעריגע גענעראלן? דאס איז א וואונדערבארע זאך ווען מ’קלערט עס איבער. כאטש וואס עס איז דא דארט קולטור אינטערעסן, האט ער באוויזן זיך צו שטארקן, ער איז דער באס, ער האט געווארפן דעם פעטער, געווארפן דעם יעניגן. ער שפילט זיך נישט ארום מיט שפילערייען, און מיר קענען זיך אויך נישט ארומשפילן מיט אים”…


פעברואר 2016 – טראמפ, אלס א קאנדידאט אין די רעפאבליקאנע פריימעריס, רעדט אויף א שאו פאר CBS מיט א פעסטקייט און שטייפקייט: “איך וועל צוברענגען כינע זיי זאלן צוברענגען אז דער בחור’ל זאל פארשוואונדן ווערן, אויף אזא וועג אדער אויף אן אנדערע. ער איז א שלעכט בחור’ל, און מ’קען נישט פארמינערן אין זיין ווערד”.
מאי 2016 – שוין אלס דער רעפובליקאנער ערוועלטער פריימערי קאנדידאט אין די עלעקשאנס, האט טראמפ איבעראשט אמעריקע זאגנדיג פאר די “רויטערס” נייעס אגענטור: “איך וועל רעדן מיט אים; כ’האב נישט קיין שום פראבלעם צו רעדן מיט אים”…
אפריל 2017 – אין אן אינטערוויו צו CBS, ממש א קורצע צייט נאכן איינגעשוואוירן ווערן אלס פרעזידענט פון די פאראייניגטע שטאטן, ווערט טראמפ אנגעפרעגט אויב ער קלערט פון אטאקירן די איזאלירטע צפון קורעא רעזשים, אויף וואס ער האט געענטפערט: “דאס איז א שאכמאט שפיל, איך וויל נישט מ’זאל וויסן וואס איך טראכט. מען פרעגט מיר אויב ער איז משוגע? איך ווייס נישט. מיט דעם אלעם – אסאך וועלן נישט גלייכן אז איך זאג עס – ער איז א יונגער מענטש וואס האט פעסט גענומען א פאזיציע און ער פארמעסט זיך מיט גאר הארטנעקיגע מענטשן – און אין אזא יונגע עלטער האט ער דאס באוויזן. אסאך האבן פרובירט מיט כח אים אוועקצוכאפן די מאכט, מוז זיין אז ער איז א קלוג בחור”.
מאי 2017 – ווידער א סופרייז, דאסמאל ביי אן אינטערוויו פאר בלומבערג, ווען ער מעלדט צום ערשטן מאל אלס פרעזידענט אז ער איז גרייט צו באגעגענען קים פנים אל פנים. “אויב וועט זיין פאסיג זיך צו טרעפן מיט אים, וועל איך דאס אויסדרוקליך טון, עס וועט מיר זיין א כבוד. אונטער די ריכטיגע אומשטענדן וועלן מיר זיך באגעגענען. רוב פאליטיקאנטן וועלן דאס אין לעבן נישט זאגן, אבער איך זאג אייך, איך וועל דאס טון אונטער די פאסיגע אומשטענדן”.
יולי 2017 – נאך א מיסל טעסט פון צפון קארעא, שיקט טראמפ ארויס א קורצע טוויט: “דער בחור’ל האט נישט עפעס בעסער’ס וואס צו טון אין זיין לעבן?”
אוגוסט 2017 -א פרישע רונדע פון סאנקציעס לאזט זיך ארויס אויפן וועג צו דערשטיקן צפון קארעא. די רעזשים פון קים שיקט ארויס א ווארענונג פון פיאנגיענג, מיט א סטראשע אז זיי וועלן דערלאנגען פאר אמעריקע “א נקמה טויזענט מאל אזוי שטארק”.


דא האט זיך אנגעהויבן די אנגעצויגענע שטימונג דירעקט צווישן טראמפ און קים, פון דארט ביז נעכטן זענען זאכן געפארן שארף, זיך ארויסלאזנדיג אין א קייט פון שארפע סטראשונקעס, באליידיגונגען, שפעטערייען, שפעטערייען, אין א פארמעסט ווער עס קען בעסער זיך גרויסן און דערנידערן זיין אפענאנט.
אוגוסט 8 2017 – א טאג נאך די סטראשע פון צפון, ווייזט טראמפ אז מיט סטראשונקעס איז ער גארנישט אונטערשטעליג… עס איז געקומען די שארפסטע רעאקציע פון טראמפ ביז דאן, ווען ער האט קאמענטירט אויף א באריכט אין וואשינגטאן פאוסט אז צפון קארעא האט א נוקלעארע שפיץ וואס מ’קען ארויפשטעלן אויף מיסלס. “עס איז בעסער אז זיי לאזן זיך נישט נאכאמאל הערן מיט סטראשונקעס קעגן די פאראייניגטע שטאטן” האט טראמפ געזאגט פאר רעפארטער. “זיי וועלן זיך אנשטויסן אין פייער און צארן וואס די וועלט האט נאך קיינמאל נישט געזען”.
צפון איז נישט שטיל געבליבן, נאר געסטראשעט מיט א מיסל וואס וועט פליען העכער יאפאן, און פליען ביז צום אמעריקאנער קאנטראלירטער איזנל גואם, אינעם פאסיפישן אקעאן.
סעפטמבער 2017 – טראמפ טרעט אויף אין א שארפע רעדע ביים דזשענעראל אסעמבלי אין די יו. ען. וואו ער רופט צו אויסליידיגן די קארעא האלב אינזל פון נוקלעארע וואפן, צולייגנדיג אז “אויב וועט נישט זיין נאך אן אויסוועג, וועלן מיר מוזן פארניכטן צפון קארעא”. אין יענע געלעגנהייט האט ער געטראפן א קנאקעדיגע צו-נאמען פאר קים יאנג אן, “דער ראקעט מאן” מיט וואס ער האט זיך אנגעהויבן צו באנוצן שפעטער, זאגנדיג אז “דער ראקעט מאן איז אין א זעלבסטמארד מיסיע”
פון פיאנגיענג איז צוריק א שפאטישע רעאקציע, ווען דער אויסערן מיניסטאר פון צפון רי יאנג הא האט געזאגט אז “דאס הערט זיך ווי א הונט וואס בילט”. שפעטער האט ער צוגעלייגט אז “די וועלט דארף געדענקען ווער עס איז געווען דער ערשטער צו דערקלערן קריג אויף אונזער לאנד”, וועלנדיג דערמיט אנדייטן אז זיי וועלן נוצן שטארקע מאכט זיך צו פארטיידיגן. טראמפ האט זיך נישט דערשראקן, נאר געענטפערט אז “כ’האב געהערט וואס דער אויסערן מיניסטאר זאגט, ער רעדט דאך אין נאמען פון דעם קליינעם ראקעט מאן, זיי וועלן נישט זיין נאך צופיל צייט אויפן האריזאנט”….


אין די אפיציעלע סטעיטמענט פון די אויסטרען מיניסטעריום פון צפון קארעא, האבן זיי געשריבן אז די אויפפירונג פון טראמפ איז ווי א צעמישטער מענטש, און אז ער איז א טיפש. א טאג שפעטער האט טראמפ ווידער געשריבן “קים יאנג אן, וואס איז קלאר משוגע אז ס’אינטערעסירט אים נישט צו אויסהונגערן אדער אומברענגען זיינע אייגענע מענטשן, וועט שטיין פאר א פראבע אזויווי ער איז נאך אין לעבן נישט געשטאנען”.
נאוועמבער 2017 – נאך וואס קים האט אנגערופן טראמפ אלס אן “אלטער”, האט טראמפ רעאגירט אויף טוויטער: “פארוואס באליידיגט מיר טראמפ אז איך בין אלט, כאטש וואס כ’האב אים קיינמאל נישט אנגערופן “נידעריגער גראבער”? נו, זאל זיין. איך פרוביר אזוי שטארק צו זיין זיין פריינט, אפשר וועט עס נאך איין טאג פאסירן”. אבער צוויי וואכן שפעטער, נאך א רעדע אין מיזורי וואס האט זיך גערעדט איבער די שטייער שניטן, האט טראמפ געלאזט פאלן ווערטער אז “דער קליינער ראקעט מאן איז א קליינער קראנקער הונט”.
אקטאבער 2017 – אין א פראוו צו בארואיגן די געמיטער פון ביידע זייטן, האט דער געוועזענער סעקרעטערי אוו סטעיט רעקס טילערסאן באזוכט אין כינע. ער האט פרובירט צו אנקניפן דיפלאמאטישע פארבינדונגען מיט צפון, אבער טראמפ איז געווען זייער פעסעמיסטיש דערוועגן. “איך האב געזאגט פאר אונזער וואונדערבארער סעקרעטערי אוו סטעיט, אז ער שפענדעט צייט מיט פראוון צו פירן געשפרעכן מיט דעם קליינעם ראקעט מאן”… האט טראמפ געשריבן אויף טוויטער. “היט אויף דיין ענערגיע רעקס, מיר וועלן טון וואס עס דארף געטון ווערן”.
מערץ 2018 – א דעלעגאציע פון דרום קארעא באזוכט אין די ווייסע הויז, און האט איבערגעגעבן פאר טראמפ אז קים יאנג אן איז גרייט פאר געשפרעכן איבער זיינע נוקלעארע וואפן. טראמפ באשטעטיגט אז ער איז גרייט זיך צו טרעפן מיט קים, און שרייבט אויף טוויטער אז “קים יאנג אן האט גערעדט מיט דרום פארשטייער איבער צעווארפן די נוקלעארע וואפן, נישט בלויז עס איינפרירן. אין צוגאב צו דעם וועט מער נישט זיין אין די קומענדיגע צייט קיין נוקלעארע טעסט. געוואלדיגע פארשריט, אבער די סאנקציעס בלייבן אין קראפט ביז עס ווערט אן אפמאך. די באגעגעניש ווערט אויסגעארבעט”.
אבער דערמיט האט זיך דער באן פון דיפלאמאטיע נישט אפגעשטעלט. נאכן איינשטימען פאר א געמיינזאמער סאמיט, זענען נאך אונטערגעקומען אפאר שארפע אויסטוישן… (מיר האבן שוין געשריבן די סיבה דערפון אין א באזונדערע אנאליז פארגאנגענע וואך דא אויף אידישער ווינקל).
עס האט זיך אנגעהויבן נאכדעם וואס צפון האט פארפירט און אראפגעריסן דעם אמעריקאנער זיכערהייט ראטגעבער דזשאן באלטאן, ווסא האט געזאגט אז ער וויל מאכן מיט צפון קארעא אזא סארט מאדעל ווי ליביע. קים האט פארשטאנען אז מ’רעדט פון אומווארפן די רעזשים אזויווי עס איז געווען אין ליביע, ווען מואמאר קאדאפי האט אויפגעגעבן זיינע נוקלעארע וואפן, און דאן האט אמעריקע אים באזייטיגט פון בענקל.
די שארפע טענער זענען ווידער ארויסגעצויגן געווארן פון שופלאד, און עס האט זיך אנגעהויבן מיט סטראשונקעס, קים האט קלארגעשטעלט אז ער קלערט איבער צו ער איז נייגעריג אין א סאמיט, און דאן באליידיגט דעם וויצע פרעזידענט מייק פענס, אים באצייכענענדיג אלס א ליימענער גולם.
מערץ 24 – טראמפ האט געמאלדן אין א בריוו צו קים יאנג אן אז ער קענסלט די סאמיט צוליב די אויפברויז און פיינטשאפט וואס די צפון רעזשים ווייזט צו אמעריקע. אבער ער האט פארט געלאזט אן אפענער טיר צום סאמיט, און א קורצע צייט שפעטער האט טראמפ געמאלדן אויף טוויטער אז די פלענער פאר א סאמיט גייען פאראויס.
יוני 2018 – אנהייב חודש איז קים’ס רעכטע האנט געקומען באזוכן ניו יארק וואו ער האט זיך געטראפן מיט מייק פאמפעא, שפעטער האט ער געטראגן א בריוו צום ווייס טראמפ, וואס קים האט געשיקט דארט א באגריסונג פארן אמעריקאנער פרעזידענט, און דאן האט מען געמאלדן אז דער סאמיט וועט יא פארקומען, אום יוני דער צוועלעפטער.
דאן האבן ביידע זייטן אויסגעדרוקט זייער אפטימיסטישע סטעיטמענטס, און איבער די סאמיט קענט איר טרעפן א ברייטע דעקונג וואס מיר האבן באריכטעט בשעת מעשה דא אויף אידישער ווינקל, בשעת ווען די היסטארישע מאמענטן זענען פארגעקומען…
https://yiddishevinkel.com/archives/13269
דוד בן ישי עבדך משיחך
בן ישי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1356
זיך רעגיסטרירט: דאנערשטאג יוני 02, 2016 2:51 am
האט שוין געלייקט: 228 מאל
האט שוין באקומען לייקס: 618 מאל

הודעהדורך התם ומתמם עם תמימים » זונטאג יוני 30, 2019 2:18 pm

א פרישע צוזאם טרעף צווישן טראמפ אין קים'לע על אדמת נארט קארעא

אינטערסאנט אז קיינער באריכט עס נישט דא אין די קאווע שטיבל.. אזא פיינע נייעס
התם ומתמם עם תמימים
היימישער באניצער
היימישער באניצער
 
הודעות: 526
זיך רעגיסטרירט: מאנטאג נאוועמבער 25, 2013 12:20 pm
האט שוין געלייקט: 122 מאל
האט שוין באקומען לייקס: 181 מאל

פריערדיגע

גיי צוריק אידישע און אלגעמיינע נייעס

ווער איז יעצט דא?

באניצער וואס לייענען דעם פארום: נישטא קיין אנליין באניצער און 5 געסט