אונטער'ן רשעות

היימיש, לאקאל, און איבער דער וועלט

אונטער'ן רשעות

הודעהדורך רימון » מאנטאג אפריל 15, 2019 11:12 am

אונז זעמער אלע עדות צו דער סאדיסטישער צירקוס און בלוט זויגונג וואס קומט פאר ארום די אונטער'ן חבריא פלעי. פלוצלונג איז יעדער מחנך געווארן א גאנצער דעמאגאג מיט טיפע ביאורים איבער דער מערב וועלט קולטור און דער באדייט פון עם ה'. פלוצלונג איז ארי אבראמאוויטש מיט פעלדמאן-לאנגזאם-פוקס געווארן די שפיץ אבן נוגף פון כלל ישראל וואס גייט אונז אלע אראפפירן פון וועג.

אמער, ארי אבראמאוויטש מעג נאר זיין א סטאר אין קראלי ביי די שיבתר טיש, און לאנגזאם פעלדמאן מעגן נאר עקטן ביים רבינ'ס שבע ברכות ווען מ'דארף אנפילן א הויכע פארענטשע. דעמאלט זענען זיי נישט קיין סעלעברעטיס, דעמאלט ברענגען זיי נישט אריין קיין גויאישקייט, דעמאלט פארכישופן זיי נישט דעם יוגנט, אבער ווען אונז פשוטע טאטעס זוכן וואו צו נעמען די קינדער אין אן איידעלע און זיכערע ענווייראמענט חול המועד, אדער ווען אליעזר נייהויז זוכט צו פארדינען א שווער אויסגעהארעוועטע גרינעם דאלאר, דעמאלט איז עס ביהרג ועל יעבור.

די פארשטינקענע פרעכקייט פון פארלאנגען עס "זאל זיין אונטער א מוסד" שרייט היפאקריטסווע ביז צו די הימלען, ווילאנג ס'איז א יחיד וואס פארדינט איז עס חזיר טריפה, די רגע עס איז לפאר ולרומם בית אלוקינו און די דריי סטודזשיס פון סקווירא בארא פארק וועלן לייזן א גראצער אדער כאטש כבוד איז בזקנינו ונערינו נלך.

אליעזר נייהויז' אמת'ע פראבלעם איז איין זאך; ער ליידט נעבעך פון די פארבאטענע סחורה, ער האט זיך איינגעהאנדלט ס'ארגסטע וואס מ'קען נאר פארמאגן ביי אונז. כ'רעדט נישט פון קיין חשיש אדער אומלעגאלע געווער נאר פון: סוקסעס!
ס'איז נישטא נאך אזא שעדליכע קאמאדיטי אין דער היימישער געזעלשאפט ווי ווען איינער איז מצליח מיט אן איניציאטיווע. היינו טעמא דקול מבשר, היינו טעמא דאונטער'ן. סוקסעס ברענגט זעלבסטשטענדיגקייט, סוקסעס באדראעט אוועקצונעמען די מאכט און איינפלוס פון די וואס זענען די אויסשליסליכע בעלי בתים דערויף. ווילאנג א זאך איז באנעבעכטס און אומסוקסעספול קוקט קיינער נישט דערויף ווען עפעס באקומט מאמענטום איז דאס גאר געפארפול.

אביסל השתלשלות הדברים, ווי מ'הערט פון אונטער די קוליסן:

נאך וואס דער איסור איז ארויסגעקומען איז אליעזר נייהויז געקומען מיט א געבויגענעם קאפ צו א מיטינג פון די מנהלים זאגנדיג אז ער איז גרייט נאכצוגעבן וואס אימער עס פעלט אויס.
ס'איז 2019, די מנהלים האבן נישט געקענט איגנארירן זיין ביטע ווי מ'האט געטון אין די דארק עידזשעס ביי פרשת דער שטערן און זיי האבן זיך געטראפן אין א דילעמע, זיי האבן געמוזט אויפקומען מיט א מהלך וואס טאקע איז זייער פראבלעם און וואס פאר א טוישונגען וועט זיי צופרידנשטעלן. אויך האבן זיי געהאט דרוק פון איין רב, דאס איז הרב אהרן זילבערשטיין, דער צעהלימער דיין, וועלכער האט נאך א לחלוחית פון נארמאלקייט אין זיך און האט געהאקט אויפן טיש, אז ס'מוז זיין א היימיש שפיל חול המועד ווי א בחור'ל פון פערצן יאר וואס איז נישט ממש די שארפסטע קאפ און האלט נישט ביים לערנען זיבצן שעה אין טאג זאל האבן וואו צו גיין שטופן די צייט און אהיימקומען נישט ערגער ווי ביים גיין.

עווענטועל איז מען אויפגעקומען אויף אייניגע תנאים, צופיצן דעם סקריפט, נישט קיין געווער, באמבעס און געוואלדאטן, די מעשה זאל זיין אידישע, גיין אונטער א קהלה, צושטעלן א שפיל בלויז פאר קינדער און מיט השגח, נישט מאכן קיין שום ווידעאס אדער סאשעל מידיע פראפאגאנדע איידער די שפיל. אליעזר נייהויז איז נאכגעקומען אלע תנאים טראץ וואס ס'האט אים געקאסט דמים תרתי משמע (לייביש ליש ארבעט נישט אומזיסט).

אליעזר נייהויז האט פארלאנגט איין תנאי, אז דער איסור זאל אראפגענומען ווערן. די מנהלים האבן צוגעזאגט נאכצוקומען.

דא איז אריינגעקומען די קהלה הקדושה באבוב, דער סמל ודוגמא פון אוהב שלום ורודף שלום און זיי האבן נאך א אידישקייט אישו, אז פאר די ביזנעס פון די קרן חתנים שפיל לוינט זיך בעסער אז די אונטער'ן קינדער שפיל זאל זיין אום דינסטאג און נישט ווי געמאלדן אום מאנטאג, ממילא ווילאנג מ'קומט נישט נאך די תנאי, קען מען נישט מתיר זיין די טריפה'נע פלעי ועדיין האיסור בתוקפו. טראץ די שוידערליכע אומרעכט און די שוועריקייטן פארבינדן מיט רוקן א פלעי נאך וואס מ'האט שוין אנגעהויבן פארקויפן טיקעטס, איז אליעזר נייהויז דאס אויך נאכגעקומען.

יעצט האבן די מנהלים געדארפט אויספירן זייער טייל פון דער הסכם, און צוריקציען פונעם איסור. טייל מנהלים האבן זיך צוגעשטעלט למחצה ולשליש ולרביע און געשריבן פארעווע בריוון אז ס'איז יא אסור אבער נישט אסור אבער יא אסור.

למעשה איז געשען אן ערנסטע ריס צווישן די מנהלים גופא ווען שיכון סקווירא איז געבליבן מיט'ן איסור (ווייל נאר די שפיל ביים הייליגן רבי'ן איז מותר ווייל דער רבי טוט עס אז מ'זאל נישט גיין אין דער פרעמד, חלילה אז א בחור'ל וועט פארבלאנדזשען קיין רחמיסטריווקא און געוואויר ווערן אז אפשר איז דעם רבי'נס עלטערע שוואגער א גרעסערער צדיק מיט ווייניגער שפיכת דמים אויף זיין קאנטע). די מנהלים זענען זייער ברוגז אויף סקווירא ווייל זיי האלטן ס'איז אן אומרעכט און א פארראט מצד די מנהלים נאך וואס דער אנדערער צד האט זיך אזוי שיין צוגעשטעלט.

דערנאך איז דא די אנאנימע בריוון פון "מחנכים" און "הנהלת המוסדות" ווי יעדער ויצדקתך האט געטראפן א פאסיגן שעיר לעזאזל ווי אויסצוגעבן זיין ריינע השפקה הטהורה, און דאס איז אויפ'ן איינגעבויגענעם רוקן פון אליעזר נייהויז.

תם ולא נשלם פרשה הארורה אונטער'ן שפיל
רימון
ידיד השטיבל
ידיד השטיבל
 
הודעות: 238
זיך רעגיסטרירט: דינסטאג אקטאבער 21, 2014 9:12 pm
האט שוין געלייקט: 1073 מאל
האט שוין באקומען לייקס: 659 מאל

הודעהדורך ארי נוהם » מאנטאג אפריל 15, 2019 12:20 pm

און יאך זאג:
פארגעס פון אליעזר נייהויז, פארגעס פון לאנגזאם-פעלדמאן, פארגעס פון ארי אבראמאוויטש, און פארגעס פון לייבוש ליש.
פארגעס פון מוסדות באבוב, פארגעס פון מוסדות סקווירא, פארגעס פון דומ"ץ צעהלים, און פארגעס פון אלע אנדערע וואנעביס ושקצים למיניהם.

אצינד איז די פאסיגסטע צייט צו זען ווער עס איז "טאקע" דער מושל ושליט אין אונזער מחנה. אונזער שכל, אדער אונזערע ראדיקאלן. אוודאי איז עס רשעות און געמיינהייט אויפן ערגסטן אופן, און אוודאי וואלט מען געדארפט אויספראקן יעדע מנהל פון יעדע מוסד וואס האט גע'חתמ'עט אויפן ק"ק, אבער למעשה גייען מיר עפעס האבן נוצן דערפון.

אויב ס'שטעלט זיך ארויס, אז נישט יעדע פלאץ אינעם זאל איז געווען אנגעפולט, איז צייט צו אנערקענען אז מיר זענען ל"ע אריינגעפאלן אינעם פינסטערן מיטלאלטער עפאכע, און עווענטועל וועלן מיר בויען הייזער פון ליים. והיה אם אבער, אז דאס ארט גייט זיין איבערגעפולט ווי ביז יעצט, חול המועד גופא וועלן זיך טיקעטס פארקויפן אנליין פאר צוויי מאות צי מער, סימן מסור לנו מרועה נאמן אז מיר זענען צוריק ארויף אויף די רעלסן, וכדאמרינן בארץ הטמאה ובלשון הטמאה "הכלבים נובחים והשיירא עוברת". דעמאלט וועלן די מנהלים וראדיקאלים למיניהם זיך האבן געגראבן דעם אייגענעם גרוב, בור כרה ויחפרהו ויפול בשחת יפעל, עם מלכינו בראשם ונאמר אמן.


נאר וואסזשע דען? עס ווענדט זיך אין אונז זעלבסט, צי זענען מיר ארויסגעקראכן פונעם נארע אדער מיר טוליען זיך נאך צו די בלוט זויגער.

בידינו הדבר ולא בידיהם!
אין ארי נוהם מתוך קופה של תבן, אלא מתוך קופה של בשר (ברכות לב.) ובימינו אין ארי נוהם אלא מתוך קופה של תבן (ארי נוהם)
באניצער אוואטאר
ארי נוהם
ידיד השטיבל
ידיד השטיבל
 
הודעות: 303
זיך רעגיסטרירט: זונטאג מערץ 27, 2016 3:13 am
האט שוין געלייקט: 873 מאל
האט שוין באקומען לייקס: 1125 מאל

הודעהדורך יעקב מענטש » מאנטאג אפריל 15, 2019 12:43 pm

קיינמאל געהערט פון דעם רב זילבערשטיינ'ס אינטערווענץ.

איך ווייס פון איין מוסד אין ווילי (וואס האלט זיך גראדע עטוואס 'ערענסטער' פון די אנדערע) ווי דער מנהל האט געהאט שכל, און נישט ארויסגעגעבן א איסור, אבער האט שיין ערקלערט וואס ער האלט אז ס'איז שלעכט מיט די אונטערן פלעיס והבוחר יבחר (ער ווייסט דאך יא, אז זיין איסור וועט אויסקוקן ווי משה פריעדמאן אדער מאיר אברהמ'ס איסור אויף שגץ בייקס...)

אגב, אז מ'רעדט שוין פון די פלעיס, האלט איך אז גאנס מיט געוואלדטאטן באלאנגען טאקע נישט ביי א אידישע שפיל, ס'מוז נישט דייקא זיין א קעניג מיט א באדינער, אבער פון דארט ביז געוואלטאטן איז א מהלך.
יעקב מענטש
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1019
זיך רעגיסטרירט: דינסטאג אפריל 28, 2015 5:40 pm
האט שוין געלייקט: 881 מאל
האט שוין באקומען לייקס: 865 מאל

הודעהדורך berlbalaguleh » מאנטאג אפריל 15, 2019 12:59 pm

רימון: (ארי נוהם'ס שקלא וטריא פון די הוה אמינא ביז די מסקנא , לא זכיתי להבין)...איך ווילל נאר נאכזאגן א מאמר פון דעם סאטמאר'ן ..."חכימא דיהודאי"... הרב סענדער דייטש זיכרונו ליבראכעה. ער פלעגט זיך אייביג באנוצן מיט דעם מאמר..."אנן יתמי דיתמי"... דאס זעמיר אונז. דאס איז דער מצב פון אידישקייט היינט צו טאג.פון ביידע זייטן. סיי פון דעם צד פון דעם קאנסומער. דהיינו די עלטערן און די קינדער. מ'לאזט נישט אז דאס לעבן זאלל זיך פיהרן נארמאל. אידיש. מ'זוכט אייביג ארויס עפעס א משוגעת און רישעות צו צושטערן דעם נארמאלן סדר החיים. און פון די צווייטע זייט. דאס גרעניצלאזע רישעות און גזילה. פון דעם צד פון די פראדוצירערס פון די ערליכע פלעיס. ספעציעל ר' אליעזר נייהויז. וואס האט אזויפיהל צייט און ענערגיע משקיע געווען ביז ער זעהט עפעס פירות פון הצלחה. קומען די שלעכטע, רישעות'דיגע און בייזוויליגע מענטשן. און אין נאמען פון די תורה און אידישקייט צושטערן זיי אלעס...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13102
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14519 מאל
האט שוין באקומען לייקס: 8343 מאל

הודעהדורך ראובן » מאנטאג אפריל 15, 2019 3:35 pm

@רימון, זייער שיין און ריכטיג געשריבן.

מיר לעבן אין א תקופה ווען דער נרדף איז "דער יחיד". מיר זענען עדות ווי אונזער גאנצער געזעלשאפט קען זיך צונויפנעמען און איזדיעקעווען און טעראריזירן מענטשן, ואין פוצה פה ומצפצף. דרייסיג יאר צוריק האבן מיר עס געטון מיט האדמו"ר ר' מיכל לעבאוויטש מניקלשבורג, און יעדער האט פארשטאנען אז אויב מ'טוט אזוי איז עס מסתמא ריכטיג.

אין פסיכאלאגיע איז דאס באקאנט ווי דער בייסטענדער עפעקט. אויב איינער זעט ווי מ'בא'גנב'עט א צווייטן, וועט ער גלייך מאכן א ויצעקו און פארטרייבן דעם גנב. אבער אויב מערערע מענטשן זעען עס, טראכט יעדער באזונדער אז היות קיינער אנדערש מאכט נישט קיין ויצעקו, מסתמא איז עס נישט מיין פלאץ זיך אנצורופן, און אפשר גאר טוט יענער נישט עפעס אזוי געפערליך.

דאס איז דער כף זכות פאר אונזער ציבור ווען עס טוט זיך אפ שוידערליכער רשעות, ואין פוצה פה ומצפצף. יעדער זעט עס, און מ'כאפט נישט וואספארא אכזריות עס שפילט זיך אפ פארנט פון אונזערע אויגן, מיט דער גושפנקא פון רבנים און שיינע אידן.

אין 2006 האט "טיים מאגאזין" געקליבן דעם פערזאן פון יאר: You. דו, דער יחיד. דאס איז געווען אנפאנג פון יו-טוב און סאשעל מידיא, ווען די וועלט האט אנגעפאנגען זען דעם כוח פונעם יחיד.
Time_youcover01.jpg
Time_youcover01.jpg (14.34 KiB) געזען געווארן 5132 מאל


אז מ'פרעגט ווער איז דער היינטיגער ר' מיכל לעבאוויטש, וועמען צאפט מען דאס בלוט לעיני השמש ואין פוצה פה ומצפצץ? דער ענטפער איז: You. די רבי'ס און רעבעלעך זענען פיין מסודר; אז דו עפנסט א ביהמ"ד און דערקלערסט זיך א חלק פון זייער סאסייעטי וועט מען דיר גארנישט טון. מיר זענען אויסגעוואקסן אונזער רשעות און קינדישקייט פון שנות תש"מ, און מיר שענקען רבי'ס גענצליכער אימוניטעט. אבער אויב ביסטו א יחיד, וועט מען דיך דערגיין די יארן און אויסצאפן דאס לעצט ביסל בלוט.

אויב ביסטו אן אדמו"ר קען דיין אויסגאבע זיין אנגעפאקט מיט לשון הרע און שפיכת דמים אויף א וועכנטליכן פארנעם. אבער אויב ביסטו א יחיד וואס ארבעט שווער פאר פרנסה און שטעלט צו א שיינע אויסגאבע, וועט מען דיר מבזה זיין און טעראריזירן טאג נאך טאג און יאר נאך יאר. איינמאל ביסט א חלק פון דער רבי סאסייעטי מעגסטו האבן די סאפיסטיקירטסטע פראפאגאנדע אפאראטן, די שענסטע הייזער און מאדערנסטע קארס. אבער אויב ביסטו א יחיד טארסטו חלילה נישט מאכן א שפיל וואס איז סאפיסטיקירט אויפ'ן היינטיגן שטייגער. דער יחיד איז דער שפילצייג מיט וועמען מ'ווארפט זיך. ער איז דער טוי וואס מ'שליידערט פון איין חצר צו א צווייטן חצר, און פון איין מנהל צו א צווייטן.

יעדער וואס איז נישט געווען קיין ערוואקסענער ווען די בלוטיגע רדיפות קעגן ר' מיכל לעבאוויטש האבן זיך אפגעשפילט, אדער אין די שנות תש"נ ווען סאטמארער אינקוויזיטארן האבן געפייניגט די בני יואל, שטעלט זיך פאר אז ווען ער וואלט דארט געווען וואלט ער אוודאי גערעדט און געשטורעמט קעגן די אכזריות. אבער צוריקקוקן איז נישט קיין חכמה. דער היינטיגער נרדף איז נישט ניקלשבורג אדער בני יואל, נאר You - דער יחיד.

לאמיר זיך אננעמען פאר'ן יחיד, לאמיר אויסשרייען דעם וויי-געשריי פון די פארפייניגטע וואוילע אידן וואס דארפן זיך ספראווען מיט אנגעפרעסענע און אכזריות'דיגע בעלי גאה. נעמט אראפ אייערע שמוציגע לאפעס פון דעם יחיד!
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2412
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2988 מאל
האט שוין באקומען לייקס: 9441 מאל

הודעהדורך ונבנתה העיר » מאנטאג אפריל 15, 2019 3:39 pm

רימון האט געשריבן:איז אליעזר נייהויז געקומען מיט א געבויגענעם קאפ

לץ.
מ'דארף צוריק אראפברענגען דעם רבי'ן

אמר ונבנתה: אל עבר החלון נשקפתי ונתתי אל לבי כי שבת האדם ממנו, חומר וגשם – ורוח אין, בחנתיו, והנה הוא תולדת מקריו – כאשר ילך המקרה כך יתעצב לבו ודמותו, לרגעים אבחננו, כאשר יאמר החכם כי אין הוויית רגע מול רגע נוצרת כי אם בהתחדש מקריו, ואל מי יקר המקרה?
באניצער אוואטאר
ונבנתה העיר
חבר ותיק
חבר ותיק
 
הודעות: 3592
זיך רעגיסטרירט: מיטוואך יולי 25, 2012 5:41 am
האט שוין געלייקט: 7096 מאל
האט שוין באקומען לייקס: 7054 מאל

הודעהדורך דער געוואגטער יונגעל » מאנטאג אפריל 15, 2019 9:03 pm

רימון האט געשריבן:למעשה איז געשען אן ערנסטע ריס צווישן די מנהלים גופא ווען שיכון סקווירא איז געבליבן מיט'ן איסור.

הערה בעלמא. סקווירא האט יא אראפ גענומען די איסור. זיי האבן אבער יא גע'אסר'ט די באזונדערע קינדער שפיל, ווי מען קען זיך חלילה אנזעהן מיט אומוואקסינירטע קינדער.

#טעמא ד'מייל וטעמא ד'שפיל חד הוא.
באניצער אוואטאר
דער געוואגטער יונגעל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1461
זיך רעגיסטרירט: דינסטאג דעצעמבער 30, 2014 12:43 am
האט שוין געלייקט: 1959 מאל
האט שוין באקומען לייקס: 3817 מאל

אביב החרדי

הודעהדורך זאפטיג » מיטוואך אפריל 17, 2019 10:31 am

איך ווארט און האף צום טאג וואס כלל ישראל וועט ארויסקומען פון די באהאלטענע ק''ש ניקן און עפענטליך מאכן א מרידה. אראפווארפן פון בענקל אלע רבי'ס מיט זייערע שרצים לדורותם. אלע רבנים וראשי קהילותים. אלע מנהלים וועדי מוסדותיהם און מען וועט פאדערן ערליכע בחירות פארן הנהגה פון כלל ישראל
מען וועט אויפשטעלן א חרדישן פארלימענט ווי יעדער וועט קענען אריינשיקן קאנדידאטן לויט זיין געשמאק און מאכן געהעריגע וואלן און זיי וועלן זיך באשעפטיגן עפ''י אחרי רבים להטות מיט'ן טעכנאלאגיע, אינטערן, דיינים וכו'
ואהבת לרעך כמוך - לייקס געב איך וויפול איך האב
זאפטיג
ידיד השטיבל
ידיד השטיבל
 
הודעות: 319
זיך רעגיסטרירט: פרייטאג מערץ 15, 2019 8:23 am
האט שוין געלייקט: 118 מאל
האט שוין באקומען לייקס: 123 מאל

הודעהדורך שקד » מיטוואך אפריל 17, 2019 1:17 pm

דאס גאנצע היתר פון לייביש ליש איז, מ'זאל נישט חלילה גיין אין בראנקס זו, און זיך אנזען מיט אלע סארטן..
איי עמ סארי, אלע דורות אלע סארטן זענען געגאנגען אין זאא'ס און ס'אלץ געווען איסורים, און ס'משוגע יענער וואס מאכט זיך נישט א אייגענע חשבון, וואס ער וויל פאר 'זיינע' קינדער, און נאכמער משוגע איז דער וואס זארגט זיך פאר לעיזער נייהויז; הכלל ער מאכט געלט, לאכט ער פון דיר, הכלל ווען איך מאך געלט שעלט ער אויף מיר.. סאו מאך נישט קיינעם גרעסער צו קלענער, משוגע ביסטו פאר'ן זיך צוטון מאכן, גענוג האבן געטון קאנטערוועשל סחורה ועלתה בידם.
לאדיך נישט זיין קיין שעפעלע וועט מען דיר נישט באגראבן, און טאמער האט איינער א פראבלעם מיט 'מוסדות' רבנים 'הויפן' אוסרים, זאל ער שנעל גיין צו א נערווען דאקטאר, אנשטאט וויינען ווי א ביבער - דאַ דאַ רָב, דאַ דאַ רעֶבֶּע.. ביסט א גבר טו צום זאך!
רעדאגירט געווארן צום לעצט דורך סדרן אום מיטוואך אפריל 17, 2019 7:07 pm, רעדאגירט געווארן איין מאל בסך הכל.
סיבה: טראל און וואולגאר.
שקד
ידיד השטיבל
ידיד השטיבל
 
הודעות: 196
זיך רעגיסטרירט: מאנטאג אוגוסט 20, 2018 9:25 pm
האט שוין געלייקט: 30 מאל
האט שוין באקומען לייקס: 259 מאל

הודעהדורך דולה ומשקה » מיטוואך אפריל 17, 2019 5:13 pm

יעקב מענטש האט געשריבן:אגב, אז מ'רעדט שוין פון די פלעיס, האלט איך אז גאנס מיט געוואלדטאטן באלאנגען טאקע נישט ביי א אידישע שפיל, ס'מוז נישט דייקא זיין א קעניג מיט א באדינער, אבער פון דארט ביז געוואלטאטן איז א מהלך.


ביי רבי שלמה באבוב'ער פורים אויף דער טיש איז אין די שפילן געווען:
א גאן - שפיל באחרית הימים תשנ"א האט מען אינצווישן אויסגעשפילט ווי סאדאם שלעפט ארויס זיין גאן אין שיסט איינעם אויף טויט
פרויען - שפיל עקידת יצחק (יאר ?) איז צווישן אנדערע געווען אויסגעשפילט שרה און הגר
ניבול ? - ביים שפיל חנני' מישאל ועזרי' תשמ"ד האט נבוכדנצר געזינגן אינצווישן זיינע גראמען "איבעראל פאלגט מען מיינע הלכות - דער גאנצע וועלט איז אינטער מיין טאכעס"...
פראסטקייט - אינעם שפיל 'צוריק צום זיידן' תשמ"ח האבן צוויי אויסגעשפילט אויף א ריכטיגע פראסטן אופן וואס געשענט אויב קומט מען קיין אמעריקא בשנת תר"פ.

וכהנה וכהנה, יעדער האט פארשטאנען דאס איז א שפיל, קיינער איז נישט אוועק פון דרך וועגן א שפיל.

א משוגעת א משגיח, משגיח אויף וואס? נאכדערצו דעם אומפריינדליכסטן און צו ווילדיסטן מענטש ליש, וואס איז בכלל נישט קיין מחנך און זיכער נישט קיין נפלא, אפשר אין סטאלין דעטס איט, דער האט א א שרייענדיגע ווילדע פיסק א הדיוט קופץ בראש, אין איין ווארט א 'נויס מעיקער'.

ועוד יש לדלות ולהשקות...
די מבהיל'דיגע בקיאות זעה איך נישט"...
(קרעדיט: געוואלדיג)
"אפשר זאלסטו אויפקומען מיט בעסערע בולשיט"...
(קרעדיט: שבת אחים)
באניצער אוואטאר
דולה ומשקה
חבר ותיק
חבר ותיק
 
הודעות: 2639
זיך רעגיסטרירט: דינסטאג מערץ 06, 2012 3:19 pm
האט שוין געלייקט: 518 מאל
האט שוין באקומען לייקס: 1766 מאל

הודעהדורך יעקב מענטש » מיטוואך אפריל 17, 2019 5:16 pm

דולה ומשקה האט געשריבן:
יעקב מענטש האט געשריבן:אגב, אז מ'רעדט שוין פון די פלעיס, האלט איך אז גאנס מיט געוואלדטאטן באלאנגען טאקע נישט ביי א אידישע שפיל, ס'מוז נישט דייקא זיין א קעניג מיט א באדינער, אבער פון דארט ביז געוואלטאטן איז א מהלך.


ביי רבי שלמה באבוב'ער פורים אויף דער טיש איז אין די שפילן געווען:
א גאן - שפיל באחרית הימים תשנ"א האט מען אינצווישן אויסגעשפילט ווי סאדאם שלעפט ארויס זיין גאן אין שיסט איינעם אויף טויט
פרויען - שפיל עקידת יצחק (יאר ?) איז צווישן אנדערע געווען אויסגעשפילט שרה און הגר
ניבול ? - ביים שפיל חנני' מישאל ועזרי' תשמ"ד האט נבוכדנצר געזינגן אינצווישן זיינע גראמען "איבעראל פאלגט מען מיינע הלכות - דער גאנצע וועלט איז אינטער מיין טאכעס"...
פראסטקייט - אינעם שפיל 'צוריק צום זיידן' תשמ"ח האבן צוויי אויסגעשפילט אויף א ריכטיגע פראסטן אופן וואס געשענט אויב קומט מען קיין אמעריקא בשנת תר"פ.

וכהנה וכהנה, יעדער האט פארשטאנען דאס איז א שפיל, קיינער איז נישט אוועק פון דרך וועגן א שפיל.

א משוגעת א משגיח, משגיח אויף וואס? נאכדערצו דעם אומפריינדליכסטן און צו ווילדיסטן מענטש ליש, וואס איז בכלל נישט קיין מחנך און זיכער נישט קיין נפלא, אפשר אין סטאלין דעטס איט, דער האט א א שרייענדיגע ווילדע פיסק א הדיוט קופץ בראש, אין איין ווארט א 'נויס מעיקער'.

ועוד יש לדלות ולהשקות...

קיינמאל געהערט, ווי קען מען זעהן די שפיהלן?
אויף די תשמ"ד פלעי האט דאכצעכמער ר' שלמה באבובער ז"ל געזאגט נאכדעם אז מ'ברויך רעדן איידל
יעקב מענטש
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1019
זיך רעגיסטרירט: דינסטאג אפריל 28, 2015 5:40 pm
האט שוין געלייקט: 881 מאל
האט שוין באקומען לייקס: 865 מאל

הודעהדורך זאפטיג » מיטוואך אפריל 17, 2019 5:48 pm

ברויך מע מאכן ווי אין LAKEWOOD
ואהבת לרעך כמוך - לייקס געב איך וויפול איך האב
זאפטיג
ידיד השטיבל
ידיד השטיבל
 
הודעות: 319
זיך רעגיסטרירט: פרייטאג מערץ 15, 2019 8:23 am
האט שוין געלייקט: 118 מאל
האט שוין באקומען לייקס: 123 מאל

הודעהדורך נעגעל וואסער » מיטוואך אפריל 17, 2019 6:46 pm

14,000 אידן האבן געוויזן זייערע אונטערן
בייגעלייגטע פיילס
seats.PNG
נעגעל וואסער
ידיד ותיק
ידיד ותיק
 
הודעות: 660
זיך רעגיסטרירט: מיטוואך דעצעמבער 30, 2015 10:44 pm
האט שוין געלייקט: 1547 מאל
האט שוין באקומען לייקס: 706 מאל

הודעהדורך זאפטיג » מיטוואך אפריל 17, 2019 7:20 pm

נישט געהאט קיין אנדערע הוו''א

היינו טעמא דסמארטפון וכו'

איין זאך טיט די אלע איסורים אויפטוהן אז נאך אפאר אידן לויפן
ואהבת לרעך כמוך - לייקס געב איך וויפול איך האב
זאפטיג
ידיד השטיבל
ידיד השטיבל
 
הודעות: 319
זיך רעגיסטרירט: פרייטאג מערץ 15, 2019 8:23 am
האט שוין געלייקט: 118 מאל
האט שוין באקומען לייקס: 123 מאל

הודעהדורך קאצקע ציקער » מיטוואך אפריל 17, 2019 11:25 pm

זאפטיג האט געשריבן:נישט געהאט קיין אנדערע הוו''א

היינו טעמא דסמארטפון וכו'

איין זאך טיט די אלע איסורים אויפטוהן אז נאך אפאר אידן לויפן

נישט ממש . ס'טוט אויך אויף אז זיי קאטען אוועק גיטע חלקים . די שטערן איסור האט אויך פעסט אויפגעטון , דער שטערן איז שוין לאנג נישט וויזוי ס'איז אמאל געווען.
באניצער אוואטאר
קאצקע ציקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1472
זיך רעגיסטרירט: פרייטאג אפריל 06, 2012 1:46 am
האט שוין געלייקט: 837 מאל
האט שוין באקומען לייקס: 768 מאל

הודעהדורך קאצקע ציקער » מיטוואך אפריל 17, 2019 11:27 pm

דולה ומשקה האט געשריבן:
יעקב מענטש האט געשריבן:אגב, אז מ'רעדט שוין פון די פלעיס, האלט איך אז גאנס מיט געוואלדטאטן באלאנגען טאקע נישט ביי א אידישע שפיל, ס'מוז נישט דייקא זיין א קעניג מיט א באדינער, אבער פון דארט ביז געוואלטאטן איז א מהלך.


ביי רבי שלמה באבוב'ער פורים אויף דער טיש איז אין די שפילן געווען:
א גאן - שפיל באחרית הימים תשנ"א האט מען אינצווישן אויסגעשפילט ווי סאדאם שלעפט ארויס זיין גאן אין שיסט איינעם אויף טויט
פרויען - שפיל עקידת יצחק (יאר ?) איז צווישן אנדערע געווען אויסגעשפילט שרה און הגר
ניבול ? - ביים שפיל חנני' מישאל ועזרי' תשמ"ד האט נבוכדנצר געזינגן אינצווישן זיינע גראמען "איבעראל פאלגט מען מיינע הלכות - דער גאנצע וועלט איז אינטער מיין טאכעס"...
פראסטקייט - אינעם שפיל 'צוריק צום זיידן' תשמ"ח האבן צוויי אויסגעשפילט אויף א ריכטיגע פראסטן אופן וואס געשענט אויב קומט מען קיין אמעריקא בשנת תר"פ.

וכהנה וכהנה, יעדער האט פארשטאנען דאס איז א שפיל, קיינער איז נישט אוועק פון דרך וועגן א שפיל.

א משוגעת א משגיח, משגיח אויף וואס? נאכדערצו דעם אומפריינדליכסטן און צו ווילדיסטן מענטש ליש, וואס איז בכלל נישט קיין מחנך און זיכער נישט קיין נפלא, אפשר אין סטאלין דעטס איט, דער האט א א שרייענדיגע ווילדע פיסק א הדיוט קופץ בראש, אין איין ווארט א 'נויס מעיקער'.

ועוד יש לדלות ולהשקות...

און ווער רעדט דען פון די לעצטע געדאנק וואס איז אויך געווען פיל מיט ניבול
באניצער אוואטאר
קאצקע ציקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1472
זיך רעגיסטרירט: פרייטאג אפריל 06, 2012 1:46 am
האט שוין געלייקט: 837 מאל
האט שוין באקומען לייקס: 768 מאל

הודעהדורך אישתישבי » דאנערשטאג אפריל 18, 2019 1:05 am

לדעתי טוישט זיך ניבול יעדער פאר יאר, ווערטער וואס זענען נארמאל ווערען מיאוס, און להיפוך.

פלעיס פין פערציג יאר צוריק, טוכעס איז נישט אייביג געוועהן אזוי ווי היינט. רעדן בכלל וועגן טוילעט און אשר יצר איז געווען נארמאל פאר בדחנים. היינט איז עס מער מאדנע.

איך שיהיה, האט מען און באבוב זיכער נישט געפרעגט פאר דער פלעי פין ר' שלמה וואס מען זאל זאגען, אדער אפילו געוויזן דער סקריפט.

איך האב שוין געזעהן אסאך אונטערן פלעיס, עס איז גוט, גארנישט שלעכט, און איסורים זענען סתם אפאר מוסדות צו אין מוסד וואס פארפירט ווייל זיי זעהן דער דאלאר, און ווערען ווילד.

די וואס מאכען דער אונטערן דארפן איגנארירן די איסורים און זיך אויסלערנען, און באלט ווערען זיי די מנהיגים און וועג ווייזער וויאזוי א אידישע פלעי דארף אויסזעהן.

די ליצנות ביי אונז איז אין לשער. כאילו עס זענען דא גדרים וויאזוי א "אידישע" פלעי דארף אויסזעהן אין שולחן ערוך. אדער א קומזיץ וכו'.
ותאמרנה הבנות, הכי קראת שמו ספייקי, ויספקני זה פעמיים, באחוריים.
מקור
אישתישבי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1756
זיך רעגיסטרירט: מיטוואך מערץ 09, 2016 12:19 am
האט שוין געלייקט: 74 מאל
האט שוין באקומען לייקס: 938 מאל

הודעהדורך טאמבל סאס » דאנערשטאג אפריל 18, 2019 2:31 am

די גדרים מאכן זיך יעצט. אין סאמע מיטן מאכן...(קרעדיט קאכלעפל)
אויב דו מיינסט אז די נומערן וועלן אלעמאל זיגן - דערמאן דיך נאר וויפיל מענטשן די גאז קאמערן האבן געקענט פארנעמען אין א איינצלנע טאג? 10,000 לכל הדעות.
באניצער אוואטאר
טאמבל סאס
חבר ותיק
חבר ותיק
 
הודעות: 3268
זיך רעגיסטרירט: דאנערשטאג מערץ 08, 2012 8:59 am
געפינט זיך: נישט דאס פלאץ.
האט שוין געלייקט: 5459 מאל
האט שוין באקומען לייקס: 2762 מאל

הודעהדורך זאפטיג » דאנערשטאג אפריל 18, 2019 6:22 am

די אלע גדרים פון מוסדות במשך די לעצטע צוואנציג יאר זענען געמאכט געווארן עפ''י פרומקייט קאנקערענץ און פרעשור.
ווען אינז האבן געלערנט אין חיידער איז דען בכלל געווען תקנות פאר עלטערן?
מען האט זיך געבעטן ביי אידן אריינשיקן די קינדער אין היימישע מוסדות...
ואהבת לרעך כמוך - לייקס געב איך וויפול איך האב
זאפטיג
ידיד השטיבל
ידיד השטיבל
 
הודעות: 319
זיך רעגיסטרירט: פרייטאג מערץ 15, 2019 8:23 am
האט שוין געלייקט: 118 מאל
האט שוין באקומען לייקס: 123 מאל

הודעהדורך זאפטיג » דאנערשטאג אפריל 25, 2019 6:05 am

איך מוז גראדע זאגן אז נאך זעהן דעם היי יעריגער שפיל מוז איך על כרחי צוריק ציען און געבן קרעדיט פאר די מנהלי המוסדות.
מען האט שטארק דערקענט דעם חילוק ווי עס איז נישט געווען קיין שיסער און באמבעס, דער שפיל ענדיגט זיך אזוי שיין ווי מסודות געבט איבער דעם קרוין. מען האט אויך דערקענט דעם דגוש אויף ארויסברענגן ערליכע געדאנקן איבער שמירת המצוות (און פארשטייט זיך אויך עטוואס קנאות :) אז אינז אידן זעמיר אין גלות און קענען נישט טוהן זאכן אליינס)
איך האב שטארק הנאה געהאט און אויך מיינע קינדער
יישר כח
איך מיין מען קען שוין טוישן דער קעפל פונעם אשכול ווייל איך האב נישט געזען קיין רשעות נאר פארקערט
ואהבת לרעך כמוך - לייקס געב איך וויפול איך האב
זאפטיג
ידיד השטיבל
ידיד השטיבל
 
הודעות: 319
זיך רעגיסטרירט: פרייטאג מערץ 15, 2019 8:23 am
האט שוין געלייקט: 118 מאל
האט שוין באקומען לייקס: 123 מאל

הודעהדורך חיים יואל » מאנטאג אפריל 29, 2019 10:31 am

רימון האט געשריבן:אונז זעמער אלע עדות צו דער סאדיסטישער צירקוס און בלוט זויגונג וואס קומט פאר ארום די אונטער'ן חבריא פלעי. פלוצלונג איז יעדער מחנך געווארן א גאנצער דעמאגאג מיט טיפע ביאורים איבער דער מערב וועלט קולטור און דער באדייט פון עם ה'. פלוצלונג איז ארי אבראמאוויטש מיט פעלדמאן-לאנגזאם-פוקס געווארן די שפיץ אבן נוגף פון כלל ישראל וואס גייט אונז אלע אראפפירן פון וועג.

אמער, ארי אבראמאוויטש מעג נאר זיין א סטאר אין קראלי ביי די שיבתר טיש, און לאנגזאם פעלדמאן מעגן נאר עקטן ביים רבינ'ס שבע ברכות ווען מ'דארף אנפילן א הויכע פארענטשע. דעמאלט זענען זיי נישט קיין סעלעברעטיס, דעמאלט ברענגען זיי נישט אריין קיין גויאישקייט, דעמאלט פארכישופן זיי נישט דעם יוגנט, אבער ווען אונז פשוטע טאטעס זוכן וואו צו נעמען די קינדער אין אן איידעלע און זיכערע ענווייראמענט חול המועד, אדער ווען אליעזר נייהויז זוכט צו פארדינען א שווער אויסגעהארעוועטע גרינעם דאלאר, דעמאלט איז עס ביהרג ועל יעבור.

:D
חיים יואל
ידיד השטיבל
ידיד השטיבל
 
הודעות: 218
זיך רעגיסטרירט: זונטאג דעצעמבער 02, 2018 6:23 pm
האט שוין געלייקט: 10 מאל
האט שוין באקומען לייקס: 43 מאל

הודעהדורך זאפטיג » מאנטאג אפריל 29, 2019 10:41 am

אוי ווי גיט זאגסטו חיים יואל
ואהבת לרעך כמוך - לייקס געב איך וויפול איך האב
זאפטיג
ידיד השטיבל
ידיד השטיבל
 
הודעות: 319
זיך רעגיסטרירט: פרייטאג מערץ 15, 2019 8:23 am
האט שוין געלייקט: 118 מאל
האט שוין באקומען לייקס: 123 מאל

הודעהדורך שקד » מיטוואך מאי 01, 2019 9:02 pm

ווארט'ס נאר ווארט'ס, ס'קומט א שטארקע איסור שטורעם קעגן נאך מתיוונישע באוועגונגען, א שטייגער די 'בליץ בילד' קארטלעך, וואס זענען זייער פאר'גויאישט געווארן.
ווען כ'האב געהערט מאחורי הפרגוד אין וואס ס'קאכט זיך אויפן קנאים טישל, האב איך זיי דאס מאל געגעבן גערעכט. פארפאלן יענע קלויזנבורגע חדר צעטל איז ליידער אמת, צו ס'שמעקט אונז צו נישט.
שקד
ידיד השטיבל
ידיד השטיבל
 
הודעות: 196
זיך רעגיסטרירט: מאנטאג אוגוסט 20, 2018 9:25 pm
האט שוין געלייקט: 30 מאל
האט שוין באקומען לייקס: 259 מאל

הודעהדורך זאפטיג » דאנערשטאג מאי 02, 2019 8:24 am

וואס איז דער קלויזנבורגער חדר צעטל
ואהבת לרעך כמוך - לייקס געב איך וויפול איך האב
זאפטיג
ידיד השטיבל
ידיד השטיבל
 
הודעות: 319
זיך רעגיסטרירט: פרייטאג מערץ 15, 2019 8:23 am
האט שוין געלייקט: 118 מאל
האט שוין באקומען לייקס: 123 מאל

Re: אונטער'ן רשעות

הודעהדורך ליטוואק פון בודאפעסט » דאנערשטאג מאי 02, 2019 9:16 am

אז מ׳מעג נאר קוקן מנשה מאוווייס ווייל אנדערש איז עס גוייש. אז אונטערן איז שלעכט ווייל זיי מאכען קאמפעטישענס און א גאנצע קולטור ארום זיך.
אינטרעסאנט אז רביס טון די זעלבע און פאר דעם זענען זיי קדושים וטהורים וואס פירען ריזיגע אמפיריהס.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8597
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3000 מאל
האט שוין באקומען לייקס: 8059 מאל

נעקסט

גיי צוריק אידישע און אלגעמיינע נייעס

ווער איז יעצט דא?

באניצער וואס לייענען דעם פארום: נישטא קיין אנליין באניצער און 5 געסט