יהא זכרו ברוך

[שבת אחים]

הרה״ח ר׳ אשר לעמיל הירש בן ר׳ דוד ז״ל-מאנסי. 59. מחסידי וויזניץ-מאנסי.

ר׳ לעמיל איז געוועהן די קעכער פון די וויזניצער ישיבה און די מוסדות פאר יאהרן לאנג. זיין ווייב איז אוועק אפאר יאהר צוריק. ער לאזט ליידער איבער א שטוב מיט עטליכע קינדער קייליכיגע יתומים רח״ל.

זאל דער אייבישטער דער אבי היתומים זיך מרחם זיין.

ער איז קראנק געווארן מיט די קאראנאוויירוס און געוועהן אין קריטישע מצב די לעצטע פאר וואכן.

א יונגע מענטש נאכנישט קיין זעכציג אפילו.

[מאך זיכער]

כ'האב אים גוט געקענט, לאמיר האפן ער זאל זיין ס'לעצטער קרבן.

[שבת אחים]

הרה״ח הישיש ר׳ יעקב (יענקל) ניימאן בן ר׳ צבי ז״ל- וויליאמסבורג. 85. מחסידי מאנסי-וויזניץ.

זיין ווייב איז אוועק אפאר וואכן צוריק פון קאראנא רח״ל.

לאזט איבער איין זוהן אין בארא פארק ר׳ הערשל און א איידעם אין וויליאמסבורג ר׳ משה דוד פערל.
און זיין איינציגסטער ברודער הרה״ג ר׳ אברהם ניסן ניימאן שליט״א- דומ״ץ וויזניץ מאנסי.

געוועהן גאר א געשמאקער פריינטליכער איד.

יהי זיכרו ברוך.

[שבת אחים]

די גרעסטע וויזניצער חסיד וואס איך האב געקענט פערזענליך.

א גאון בתורה ובחסידות. מ׳האט געזאגט אויף אים אז ווען מ׳האט גערעדט מיט אים אין חסידות האט מען נישט געחלומט אז ער קען לערנען, און ווען מ׳האט גערעדט מיט אים אין לערנען האט מען נישט געחלומט אז ער קען חסידות.

אסאך קונה געוועהן פון אים.

אפשר עפענען א באזונדערע אשכול איבער אים.

גלה כבוד מישראל: בד"ה הגה"צ רבי אליעזר דוד פרידמן זצ"ל 91 מגדולי וחשובי תלמידי רביה"ק מ׳וויזניץ זי"ע ויבדלחט"א מרן רבינו שליט"א
אב״ד מכנובקא בעלזא לונדון

א פייערדיגע חסיד פונעם אמרי חיים זצ״ל, פון זיינע גרעסטע און חשובסטע תלמידים. זיינע קינדער זענען מאנסי-וויזניצער חסידים.

[שבת אחים]

ק/פ

בבית החולים שיבא בתל השומר, נפטר לבית עולמו בשיבה טובה הגאון הצדיק המשפיע רבי אליעזר דוד פרידמן זצ"ל, זקן רבני ויז'ניץ וזקן המשפיעים בדורנו, שהסתלק לבית עולמו בגיל 91.

הגרא"ד זצ"ל היה מגדולי מעתיקי השמועה של האדמו"ר בעל ה'אמרי חיים' מויז'ניץ זצ"ל, אליו היה קשור בכל נימי נפשו. לאחמ"כ היה מקושר לבניו האדמו"רים בעל ה'ישועות משה' מויז'ניץ זצ"ל והאדמו"ר בעל ה'תורת מרדכי' מויז'ניץ זצ"ל מונסי. חסידי ויז'ניץ יודעים לספר כי אחרי הסתלקותו של הרבי בעל ה'ישועות משה' מויז'ניץ זצ"ל, היה הראשון שנתן את הקויטל הראשון ליבלחט"א האדמו"ר מויז'ניץ.

תלמידי חיברו את הספרים 'מפי ספרים וסופרים' על כל ספרי החסידות, על התורה ועוד, ספריו הם מהמבוקשים בעולם החסידות, בהיותו משפיע גדול ממעתיקי השמועה, שקיבל מכל גדולי הדורות הקודמים והעביר את דבריהם בדרשות שהועלו על סדרת הספרים.

במשך שנים שימש כגאב"ד מלבורן באוסטרליה ולאחר מכן שימש עשרות בשנים כרב בית המדרש של חסידי מכנובקא בעלזא בלונדון עד לפני כחמש שנים, אז עלה להתגורר בארץ הקודש אצל חתנו הגה"ח רבי יהושע ליברמן לאחר שנחלש.

במהלך הלילה האחרון סבל מקשיי נשימה חמורים והובהל לבית החולים.

מסע הלוויה ייצא בשעה 23:00 מבית חתנו ברחוב ברטנורא 10 בב"ב,
דרך ביהמ"ד מכנובקא בעלזא וביהמ"ד של חסידי ויז'ניץ, לבית החיים בטבריה, שם ייטמן.

[מנחם ציון]

ער איז נאך געווען א תלמיד\חסיד פונעם דמשק נאך. ניין?

[שבת אחים]

ער איז נאך געווען א תלמיד\חסיד פונעם דמשק נאך. ניין?

נישט ממש.
לויט ווי איך האב געהערט האט זיין פאטער וואס איז געוועהן א שטיקל מונקאטשער האט נאך געהאט שייכות צו וויזניץ אינדערהיים, פלעגט פארן צומאל קיין גרויסווארדיין צום אהבת ישראל און שפעטער צום אמרי חיים אויף ימים טובים. אבער איז נישט געוועהן קיין פולשטענדיגער וויזניצער חסיד.

ר׳ אליעזר דוד איז געווארן א פולשטענדיגער וויזניצער נאכן קריג. ער איז אריינגעצויגן געווארן דורך ש״ב הרה״ח ר׳ איטשע דוד רעזעמאוויטש ז״ל משב״ק האמרי חיים זצ״ל ומחבר ספר ״ימים מקדם״.

ר׳ איטשע דוד האט אריינגעשלעפט א גאנצע גרופע פון זיינע חברים קיין וויזניץ.
די קבוצה איז באשטאנען פון:

הרב ר׳ משה בער בעק
הרה״ג ר׳ אברהם צבי בעק
הרב ר׳ חייא דאוודאוויטש
הרב ר׳ יצחק דאוודאוויטש
הרה״צ ר׳ דוד לייב שווארץ
וכו׳
און דאכצעך הרב אורי טייטלבוים אויך.

[מנחם ציון]

סא פאר ר' איטשע דוד'ן קומט זיך די קרעדיט פון די מרידה.....

[שבת אחים]

סא פאר ר' איטשע דוד'ן קומט זיך די קרעדיט פון די מרידה.....

ס׳גייט אסאך טיעפער פון דעם.

זיי האבן געוואלט אריינגיין צום אמרי חיים און פארלייגן זייערע טענות. אבער ר׳ איטשע דוד איז דעמאלטס געוועהן ״בעלבאוס״ אין וויזניץ- און ער האט זיי בשום אופן נישט אריינגעלאזט.

נישט אלע פון די קבוצה זענען מורדים נאר איינער ר׳ משה בער בעק. די אנדערע זענען געבליבן (זייערע קינדער) הייסער וויזניצער.

ר׳ אברהם הערש בעק׳ס אלע קינדער און אייניקלעך גייען מיט די הוט אויף די רעכטע זייט און זענען פולשטענדיגער וויזניצער חסידים מיט אלע צוגעהערן.

[מנחם ציון]

ר' דוד לייב שווארץ איז אויך געווען דעמאלטס אין הייס וואסער אביסל

[שבת אחים]

ר' דוד לייב שווארץ איז אויך געווען דעמאלטס אין הייס וואסער אביסל

ער איז נישט ממש געוועהן פון די מורדים. נאר נאנטע פריינד געוועהן מיט רוב פון זיי. ער האט קיינמאל נישט פארלאזט וויזניץ. מ׳האט אים ארויסגעשיקט און ער האט זיך נישט געהאלטן ביים רוקן.

א גרויס חלק מורדים זענען צוריקגעקומען קיין וויזניץ. בעיקר די מורדים וואס האבן געשטאמט פון וויזניץ אינדערהיים. ווי הרה״ג ר׳ מאטל שטיין מפאליטשאן, הרה״ג ר׳ יהושע ווערצבערגער ז״ל די בתים מאכער פון ירושלים. הרה״ג ר׳ עזרא וויזעל (ער נישט ממש צוריקגעקומען, אבער זיך איבערגעבעטן און האט א שייכות צו וויזניץ)

מיין טאטע פארציילט מיר אז הרב יהושע באנדא פון וויליאמסבורג ווען מ׳האט אים ארויסגעווארפן פון וויזניץ פלעגט ער קומען ביי שאלישידעס אויפן דאך פונעם בנין איז געוועהן א קליין פענסטערל און פון דארט פלעגט ער מיטהאלטן די תורה פון די אמ״ח יעדע וואך...

[שמעי']

איך האב אמאל געהערט אז מ'האט געוואלט ווארפען ר' דוד לייב, און די אמרי חיים האט געזאגט אז אויב מ'ווארפט אים גייט ער מיט.

Sent from my SM-G973F using Tapatalk

[שבת אחים]

הרה״ח ר׳ יעקב דוד ניימאן ז״ל אייגענטומער פון ניימאן׳ס פיש אין מאנסי. ער איז געוועהן פון די ״עשרה ראשונים״ זיך ארויסצוציען קיין מאנסי מיט ר׳ מאטעלע זצ״ל צוזאמען מיט זיין פאטער הרה״ח ר׳ שלמה ז״ל און זיינע ברידער הרה״ח ר׳ ברוך ז״ל און הרה״ח ר׳ גרשון נ״י.

ר׳ יענקל דוד איז געוועהן פון די נענטסטע מענטשען צו ר׳ מאטעלע זי״ע.
ער איז א אייניקל פון די באוואוסטע וויזניצער חסיד הרבני ר׳ אברהם ניסן ניימאן פון מיטעל-ווישעווע. זייערע עלטערן האבן אימיגרירט קיין אמעריקע אסאך פארן קריג און די גאנצע פארצווייגטע ניימאן משפחה איז געבליבן ביי אידישקייט און חסידות אפילו אין די דאן טריפנע אמעריקע. און זיי האבן אויפגעבויעט מוסדות וויזניץ-מאנסי אין אמעריקע.


ק/פ פון אייוועלט

הרב החסיד ר' יעקב דוד ניימאן בן החסיד ר'
שלמה ע"ה מחשובי חסידי וויזניץ - מאנסי

געווען א סימבאל פון א ריכטיגער איש תם וישר וירא אלוקים, מיט זיין ערליכקייט,
געווען דער בעה"ב פון ניימאנ'ס פיש אין מאנסי,
געווען אינדערפרי פון די עשרה ראשונים אין ביהמ"ד, ווי שיין איז געווען צו זעהן ווי ער פלעיגט פארטאגס זיצן מיטן גמרא און מיטן "חק" און פארעכטן די טעותים פונעם אלטען דרוק פונעם חק לישראל,
געווען א שייף עייל ושייף נפיק...
חבל על דאבדין, ער איז געווען א יחיד במינו
ער האט איבערגעלאזט א הערליכע דור ישרים יבורך

זיינע זוהן זענען:
ר' ישראל
ר' פישל (upstate produce)
ר' חיים מאיר - מאנטריאל
ר' יצחק

זיינע איידעמער:
ר' אהרן נחמן אזרילעוויטש
ר' מרדכי יודא אבערלאנדער
ר' יעקב אהרן ווערצבערגער (משב״ק)
ר' יצחק גאלאנדויער
ר' יחזקאל פארקאש
ר' חיים מאיר ציג
ר' יעקב יוסף באב"ד
ר' ישעי' לאקס

[קורקלענד]

שבת אחים דרייט זיך שוין אויף אייוועלט.......

[שבת אחים]

שבת אחים דרייט זיך שוין אויף אייוועלט.......

כהאב מיך נאך געדרייט אויף אייוועלט דאכצעך נאך פאר כהאב מיך געדרייט אויף ק״ש.

[כלבאשבוע]

הרב עדין שטיינזלץ זכרונו לברכה

https://twitter.com/modeitsch/status/12 ... 65504?s=21

[שבת אחים]

הרה״ח ר׳ יעקב דוד ניימאן ז״ל אייגענטומער פון ניימאן׳ס פיש אין מאנסי.

די נפטר ר׳ יעקב דוד איז א זוהן פון די באוואוסטע פייערדיגע וויזניצער חסיד ר׳ שלמה ניימאן.

ווען די אמרי חיים מיטן טשימפער רב האבן געפלאנט ארויף צוברענגען די ארון פון די אהבת ישראל פון רומעניע וואס איז דאן געוועהן אינטער א קאמוניסטישע רעזשים. האט די אמרי חיים נאר געטראסט אז ר׳ שלמה ניימאן זאל אראפפארן און ברענגן דעם ארון.
וכך הוה.

ר׳ שלמה איז געוועהן די זוהן פון די באוואוסטע וויזניצער חסיד ר׳ ברוך. כ׳האב אמאל געהערט די מעשה פון הרבני הנגיד הישיש ר׳ פנחס ניימאן (ראה״ק וויזניץ ווילימסבורג)

די פעטער ר׳ ברוך האט אימיגרירט קיין אמעריקע נאך אזוי פרי ווי אין 1905. ער פלעגט אפשפארן געלט יעדע וואך און פאר א יום טוב פלעגט ער שיקן קיין רומעניע פארן אהבת ישראל די געלט אז ער זאל האבן פון וואו צו טיילן פאר די ארימעלייט. איינמאל האט ער געשיקט פארן אהבת ישראל די סומע פון $500 וואס איז דאן געוועהן א אסטראנאמישע סומע. ווער האט געהאט $500 אין רומעניע?

די אהבת ישראל האט אים צוריקגעשיקט א ווארימער בריוו ווי ער באדאנקט זיך זייער פאר אים און ער איז אים מבטיח ״עולם הבא״ גאר!

ר׳ ברוך האט געשריבן אין זיין צוואה אז מ׳זאל אים באגראבן מיט די בריוו. און ער האט עס באהאלטן אין א סעיף.

ווען ער איז נפטר געווארן. האט מען געפענט די סעיף און מהאט נישט געטראפן די בריוו. מ׳האט עס געזוכט פאר אפאר שעה און מ׳האט עס בשום אופן נישט געטראפן. קיינער ווייסט נישט וואו עס איז פארלוירן געווארן עד היום הזה.

[מנחם ציון]

סא למעשה האט ער עולם הבא?

[שבת אחים]

סא למעשה האט ער עולם הבא?

דאס ווייס איך דאך נישט. עכ״פ ווילאנג ער האט געלעבט האט ער געגעלייבט אז ער גייט אנקומען סוכ״ס צו א גוטע פלאץ.

דאס איז נישט שלעכט!

איך קען אסאך אידן וואס האבן מורא צו שטארבן ווייל זיי האבן מורא פון די גיהונים.

[Chuchem]

https://www.bhol.co.il/news/1130838?utm ... edium=link

איז דעס ד"צ מאסקויטש זיידע?

[עמעזאן]

הגאון רבי חיים מאיר וואזנער זצ"ל

קאראנא

[אנשטענדיגע ייוד]

ווי אלט?

[עמעזאן]

ווי אלט?

83