פאר א וואך צוויי צוריק איז
דניאל פענני, א פיר-און-צוואנציג יעריגער רעטייערטע מארין ווילד געסטראשעט און אנגעשריגן געווארן דורך ירדן נילי אויף א סובוועי אין ניו יארק. ירדן, א היימלאזער מאן, איז ארויף אויפן באן הונגעריג און ווילד און ארומגעלאפן צווישן די פאסאזשירן שרייענדיג אז ער גייט זיי שעדיגן. אין א אקט פון זעלבסט באשיצונג איז דניאל געקומען פון ארונטער און אנגעכאפט ירדן אין א טשאקהאלד פאזיציע פאר עטליכע מינוטן, פון וואס ירדן איז - לויט די מעדיקל עקזעמינער - געשטארבן א קורצע וויילע שפעטער.
די פאליציי האט נישט לאנג נאכ'ן אים ארעסטירן ארויסגעלאזט דניאל, אבער אלווין ברעג, דער דיסטריקט אטוירני האט געעפנט אן אינוועסטיגאציע און אום מאי 12 איז דניאל אנגעקלאגט געווארן מיט צווייטע דעגרי מארד, אויף וואס מ'קען פאראורטיילט ווערן צו 15 יאר אין טורמע.
- ביים ארעסט
ביז דא איז אין קורצן די ברייט פארשפרייטע פאקטן איבער די אינצידענט. ס'וואלט אבער געווען אינטרעסאנט צו הערן וואס די חכמי השטיבל וואלטן אין אזא פאל גע'פסק'נט, און בעיקר - פארוואס.
ס'איז קלאר אז דניאל האט נישט געהאט קיין כוונה צו הרג'ענען ירדן וואס אין אזא פאל וואלט עס געווען ערשטע דעגרי, אבער מצד שני האט ער למעשה יענעם דערמארדעט - און ווי געוויסע מיטרייזנדע גיבן איבער האט מען דניאל געווארנט אז ער קען שטארבן.
אלזא, לאזט ענק הערן לארכה ולרחבה און נאכאמאל בעיקר - 'פארוואס' די האלסט ער זאל יא אדער נישט זיצן.
