יש עתיד: מיר גייען נישט זיצן אין א רעגירונג מיט די חרדים!

[מיין מיינונג]

די זאך איז ווארשיינליך פארטיג. ביבי נתניהו גרייט זיך אויפצושטעלן זיין דריטע רעגירונג אויף א קאאליציע מיט די בנט-לפיד פארבאנד, און לאזט די חרדים אינדערויסן.

די רעזולטאטן וואס אזא קאאליציע ברענגט מיט זיך מיט זענען א געוואלד. קודם כל קומט א פעסטע גיוס בני הישיבות פלאן, און א שטורעמישע מערכה מצד גאנץ כלל ישראל דערקעגן וואס היות זיי זענען נישט אין די קאאליציע האבן זיי נישט קיין פראבלעם זיך צו שלאגן ווי די קנאים דערקעגן; ביבי'ס שטארקייט אלס ראש הממשלה וועט זיין היבש וואקעלדיג היות די לפיד-בנט פארבאנד האבן א שיינעם צאל דעפוטאטן צו קענען מאכן אינערליכע געוואלדטאטן אינערהאלב די קאאליציע קעגן די 'ליכוד' פארטיי; די חרדים וועלן זיך נוקם זיין אין נפתלי בנט מיטן שטומען מיט די לינקע פארטייען אויף התנחליות אנגעלעגנהייטן, וואס איז דער יסוד קיום פון די 'בית היהודי' פארטיי; שטארקע שניטן אין סאציאלע רעגירונגס הילף פאר משפחות מיט אסאך קינדער, וואס עפעקטירט בעיקר די חרדים; עס וועלן קומען גרויסע גראבע שניטן אין די רעגירונגס פאנדן פאר ישיבות און כוללים, עס וועט זיך שוין באלד נישט לוינען צו נעמען געלט נאר ענדערש זיך אנשליסן אין 'קרן הצלה'..

ביבי נתניהו זעלבסט איז שטארק אומצעפרידן מיט דעם געשטעל פון זיין נייע קאאליציע, אבער איז אבער אפציע-לאז היות די בנט-לפיד פארבאנד האט זיך נישט געהאלטן ביים ברעכן פאר גארנישט, און מיט די חרדים אליינס האט ער נישט געהאט קיין רעגירונג. ווייטער גיין אויף פרישע בחירות, ווי דער געזעץ לויטעט אויב קען מען נישט צוזאמשטעלן א קאאליציע ביז 60 טאג, איז ביבי אויך נישט גרייט, אלזא איז ער געבליבן מיט די קאאליציע פון בנט-לפיד-ליבני-ליכוד.

ביבי'ס נייע שותף, אביגדור (איווט) ליבערמאן האט היינט צופרי אין א ראדיו אונטערוויו געזאגט אז ער וויל נאך יא זען די חרדים אין רעגירונג. אבער יעצט אויפדערנאכט איז פארגעקומען א זיצונג צווישן די פארהאנדלער פון 'יש עתיד' און 'ליכוד' ווי יש עתיד האט דערקלערט אז זיי ווילן נישט זען די חרדים אין די נייע רעגירונג.

[זר זהב]

פארוואס איז בענעט מיט דעם עוכר לפיד?

[ממי_שאמרו]

ווייל ביבי האט אים נישט אנגעקוקט אנפאנג, האט ער געדארפט זיך צושטעלן מיט לפיד בבחינת שמור לי ואשמור לך

[לעמיל]

דא שרייבט ער אז עס איז געבליבען אז די חרדים גייען און די אופוזיציה
לדעתי און א יאר ארום איז דא נאך אמאל וואלען און בעסטע פאל וועט עס זיין א יאר איך גלייב אז נאך ווייניגער אפי'

[מיין מיינונג]

דא ליגט שוין טיף פאליטיק. בנט איז אמאל געווען הויפט משב"ק ביי ביבי, און ער האט זיך צופראסקעט מיט רעבעצין שרה. זינט דעמאלס זענען זיי אויף מעסער שטעך. אלזא דער נפתלי האט מורא געהאט אז מיט זיינע 12 מאנדאטן וועט מען אים ווארפן צו די הונט און מאכן א יד אחת מיט די חרדים און יש עתיד, האט ער זיך געשאפן א פארבאנד מיט לפיד'ן, וואס באמת גערעדט זענען זיי אידילאגיש געשטימט הונדערט פראצענט, זיי האבן נאר אפאר חוצונית'דיגע חילוקים. (איך רעד פון די פערזענליכקייטן, נישט פון די פארטייען)

[ראשעקאל]

פארוואס האט ביבי אזוי שטארק לכתחילה יא געוואלט האבן די חרדים??

[מיין מיינונג]

ווייל די חרדים מאכן א רעגירונג זייער סטאביל. זיי האבן 3 אישוי'ס, און איינמאל מ'געט זיי נאך די דריי אישוי'ס גייט זיי גארנישט עפעס אנדערש נישט אן. די 3 אישוי'ס זענען געלט, געלט און געלט. איינמאל מ'זאגט צו געלט פאר די ישיבות און כוללים זיצן די חרדים אין די רעגירונג און מ'הערט נישט קיין מוק פון זיי. משא"כ די אנדערע פארטייען, לאמיר זאגן ציפי ליבני'ס 'תנועה' פארטיי, אויב מאכט ביבי די מינדערסטע צו שטארק "רעכטע" מאוו וועלן זיי ארויסלויפן פון די רעגירונג, ווייטער די מפד"ל'ס 'הבית היהודי' וועט ארויסלויפן טאמער פארשפארט מען איין זידלונג אפילו עס האט נאר 6 הייזער אויף זיך.

[לעמיל]

ווייל מיט די חרדים איז די גרינגסטע צו דילען, זיי האבען די פאר זאכען וואס זיי דארפען און חוץ פון דעים זענען זיי גוט סטראשענען נישט יעדען טאג אז זיי גייען ארויס
מיין מיינונג האקט זאגט זייער גוט

[יידל]

נאך א נקודה וואס איז נישט דערמאנט געווארן דא איז אז ביבי טראסט נישט לפיד. (איך אויך נישט). לפיד וועט ווארטן ביז ער ווערט די מערסטע פאפולער וואס נאר שייך און דערנאך וועט ער ער צו ווארפן די רעגירונג דורכ'ן ארויסגיין פון די קאאליציע און אזוי ארום ווערן ראש ממשלה ביי די קומענדיגע בחירות.

[ממי_שאמרו]

האט ער זיך געשאפן א פארבאנד מיט לפיד'ן, וואס באמת גערעדט זענען זיי אידילאגיש געשטימט הונדערט פראצענט, זיי האבן נאר אפאר חוצונית'דיגע חילוקים. (איך רעד פון די פערזענליכקייטן, נישט פון די פארטייען)

דו ביסט אויפן קאפ געפאלן? לפיד איז געווען פון די גרעסטע תומכים פונעם התנתקות.
לפיד איז גרייט נאך היינט צוריקצוגעבן שטחים פאר די מוחמד אבעס- אבו מאזן.
לפיד וויל געי חתונת אין אר"י, א זאך וואס בענעט איז שטארק קעגן דעם אלס א דתי
לפיד איז א גרויסע חסיד פון שתי מדינות לשני עמים, א זאך וואס בענעט איז גאר שארף קעגן דעם.

[זר זהב]

If Prime Minister Binyamin Netanyahu cannot complete the task of forming a coalition by the March 16 deadline, US President Barack Obama will cancel his March 20 visit to Israel, Channel 10 quoted American officials as saying on Thursday.

[מיין מיינונג]

דערווייל איז נאך דער קאפ אויף מיר נישט געפאלן. איך זאג איבער דעם סטעיטמענט אז אידעלאגיש זענען די צוויי גאר אייניג. די טענות וואס דו האסט געברענגט זענען פיין און וואויל כלפי די דיפרענצן פון די צוויי פארטייען, נישט פון די פערזענליכקייט.

און אז מ'רעדט שוין לאמיר דיך עפעס מסביר זיין. לפיד איז נישט קיין רעכטער און נישט קיין לינקער. ער איז גארנישט אויסער א צייטונג שרייבער און שונא דת (ניטאמאל א פאליטישען איז ער). ממילא צו זאגן אז ער איז שטארק פאר דעם געדאנק פון שני מדינות לשני העמים, ווען ער האט דאס נאך ניטאמאל געהאט ווען און וואו דאס צו פראקטיצירן, עס האט ס"ה אזוי משמע געווען פון אן ארטיקל וואס ער האט אפגעשריבן, איז נישט גערעכט.

מארק מיי ווארד'ס:
בנט גייט נאך צושפליטערן די דתיים לאומים מיט זיינע מיינונגן און שיטות.
לפיד האט קיין שום מיינונג איבער מדיניות (ד.ה. שלום מיט אראבער, התנחלות וכו'), ער וועט שפילן לויט וועלכע זייט ס'פידל גייט זינגן.

און אגב, איך ווייס נישט צי דו ווייסט ווי שטארק "דתי" בנט איז, דאס אז ער וואוינט מיט א גויטע להלכה יוכיח.

[ממי_שאמרו]

איך רעד און איך ברענג עס פון זיין אפיצעלע מצע:
http://yeshatid.org.il/programmes/full_platform/

ליין עס, און זאג מיר אויב לפיד אדער עני רעכטער קען אינטערשרייבן אויף דעם. זיי זענען אזוי ווייט אידאלאגיש ווי מיר מיט מיין שוויגער

[מיין מיינונג]

דער חילוק איז אבער אז דו מיט דיין שוויגער האבן נישט חתונה געהאט, און לפיד מיט בנט יא. דאס זאגט שוין אסאך.

גראדע האט בנט אליינס געזאגט די וואך אז די סיבה פון דעם שידוך זיינעם מיט לפיד איז ווייל אזוי וועט אים לפיד העלפן וואטשן אז ירושלים זאל נישט ווערן צוטיילט.

[זר זהב]

דער חילוק איז אבער אז דו מיט דיין שוויגער האבן נישט חתונה געהאט, און לפיד מיט בנט יא.

פריער שרייבסטע אז ער וואוינט מיט א גויטע?!

[ממי_שאמרו]

לפיד וויל טאקע נישט צוריקגעבן ירושלים, אבער אלע קליינע התנחליות (נישט די גושי התנחלות, נאר התנחליות בודדות ומאחזים)וויל ער יא

[ממי_שאמרו]

ווי אזוי איז זי געווארן א גויטע? ווייל זי איז פריי? אגב זי איז א שומרת שבת וטהרת המשפחה (איך נעם עס פון איר אינטערוואו).

אדער אפשר איז זי א גויטע ווייל זי רעדט עיברית? גיי ווייס

[יידל]

גילת בנט, א גויטע? מה פתאום?

[שמעקעדיג]

אפשר ווייל זי גייט מיט דענים?

[עוד מישהו]

די בעסטע זאך איז אז די פרומע זענען אינדרויסן, סיי פאר די פרומע און סיי פאר די פרייע.
די פרומע וועלן אסאך מער אויפטוען, אויב ארבעטן זיי פון אינערהאלב די פרייע פארטייען, וואו אין ליכוד אדער עבודה וואו עס שמעקט זיי בעסער, איינמאל עס וועלן זיין זייער אסאך פרומע אין די צוויי פארטייען, וועלן זיי זיך מוזן אסאך מער רעכענען מיט די פרומע, וואו אויך וועלן די פרומע קענען אריינשטעלן אין די פריימעריז זייערע קאנדידאטן.

אויב אין אמעריקע קען אזא פאליטיק ארבעטן, און עס איז נישטא קיין פרומע פארטיי דארט, קען עס אין ארץ ישראל פונקט אזוי און נאך אסאך בעסער ארבעטן, וויבאלד ס'איז א קלענערע לאנד, מיט א קלענער באפעלקערונג.

[ממי_שאמרו]

משה גרילאק האט דאס אמאל געשריבן אין משפחה, מ׳האט אים שיעור גע׳ממית׳ט דערפאר. און דאס איז געווען איינע פון די הויפט סיבות פאר די ליטווישע רבנים חרם אויף משפחה.
ער האט געשריבן וואס יעדער טראכט.
אגב אינעם אינטערוואו פון הרב פארווארסקי אין בקהילה איז געשטאנען די זעלבע. בקהילה האט זיך געדארפט מתנצל זיין דערויף און געלאזט לויפן 3 וואכן ארטיקלן פארוואס די היימישע פארטייען זענען יא גוט.

[משה געציל]

נאך א נקודה וואס איז נישט דערמאנט געווארן דא איז אז ביבי טראסט נישט לפיד. (איך אויך נישט). לפיד וועט ווארטן ביז ער ווערט די מערסטע פאפולער וואס נאר שייך און דערנאך וועט ער ער צו ווארפן די רעגירונג דורכ'ן ארויסגיין פון די קאאליציע און אזוי ארום ווערן ראש ממשלה ביי די קומענדיגע בחירות.

דער נקודה איז שייך ביי יעדע שמאלע קאאליציע, לאו דוקא לפיד און בנט, ווען דער קאאליציע איז שמאל האבן די קאליציע פארטייען א גרינגערע פעלד צי צו ווארפן די רעגירונג. ממילא זיכט ביבי צו צוזאמשטעלן די גרעסטע קאאליציע וואס איז שייך, הגם זעכציג בענקלעך איז אים גענוג.

[ממי_שאמרו]

צ״ל, איין אין זעכציג

[משה געציל]

גערעכט

[מיין מיינונג]

יוסי אליטוב שרייבט אויף טוויטער: הקרב כעת הוא על הפרידה: ביבי הזמין הערב את שלישיית הנהגת ש״ס לביתו. הם סירבו בנימוס. מהלילה, הימין והחרדים בקרב גירושין מכוער. הברית מתה.

אין אנדערע ווערטער עס קומט א מלחמה ראש בראש צווישן די חרדים און ביבי. ביז היינט פלעגן די חרדים הייסן זיינע נאטורליכע שותפים, אבער ווארשיינליך איז עס פארטיג.