דאס איז אויך געווען א קאמפיין פארשפרעכונג בשעת די מידטוירם וואלן, ווען אבאמא האט געזאגט אז ער וועט באזוכן מדינת ישראל אין זיין צווייטן טערמין, אין רעאקציע צו די טענות אז ער האט נישט באזוכט דעם לאנד דורכאויס זיין ערשטן טערמין.
עס זענען נישט פאראן קיין גרויסע פלענער וואס אבאמא וויל אויפטוהן אין לויף פון זיין נסיעה, דער עיקר איז ארויסצואווייזן פריינדשאפט און נאנטשאפט, מיט די האפענונג דאס צו קענען שפעטער איינקעשן ווען עס וועט קומען צו פארהאנדלען וועגן דעם מדינת ישראל/פאלעסטינער קאנפליקט.
אין בן-גוריון לופטפעלד איז היינט מיטאג פארגעקומען א מלכות'דיגע אויפנאמע מיט דעם טראדיציאנאלן "רויטן קארפעט", וואו אבאמא האט געזאגט אין עברית "טוב להיות שוב בארץ". די בילדער האבן געוויזן די שמייכלדיגע פירער שמועסן פריינדליך צוזאמען, און האט שוין באוויזן צו ווייזן אז אבאמא מיט נתניהו קענען זיך יא דורכקומען און קענען זיך פארשטיין.
די נסיעה האט זיך שוין געלוינט פאר די בילדער...
נאכדעם וואס אבאמא האט אויסגעטוהן זיין רעקל צוליב די היץ האט נתניהו זיך אויך אויסגעטון זיין רעקל...
