אט איז די ערשטע פאראגראף פון אן ארטיקל אין די WSJ.
[left]New York City is launching a campaign to recruit gay and lesbian foster parents, part of a major push to expand the kinds of families who consider fostering and to find more welcoming homes for children who identify as lesbian, gay, bisexual, transgender or queer.[/left]
איך וויל נישט דא באהאנדלען דעם לעגאלן שטאנדפונקט, אז פארוואס זאל די שטאט מעגן דיסקרימינירן קעגן נארמאלע - פאטער-מוטער - שטובער? דוקא אויסצוזוכן תועבה שטובער אויפ'ן חשבון פון א נארמאלע שטוב וואס וויל אויך אדאפטירן?
איך וויל אויך נישט באהאנדלען דעם פראקטישן שטאנדפונקט, אז זינט ווען ווייסן קינדער זיך זעלבסט צו אידענטיפיצירן אלס אזא מין חיה?
איך וויל זיך בלויז באציען צו אונז, ווי אזוי דאס איז אונז נוגע, און ווי אזוי מיר רעאגירן דערצו:
וועט איר דאך פרעגן: ווי אזוי זאל דער אינדעווידואלער ארטאדאקסישער איד רעאגירן? קען ער דען רעאגירן? איז דאס נישט די ארבעט פון די רבנים\עסקנים?
קודם כל, דער יחיד קען אויך אויפטוהן. ער קען שרייבן צו זיינע פארשטייער אין די רעגירונג, לאקאלע ווי פעדעראלע (זייט אבער גרייט אויף אן IRS אודיט...). די אימעיל אדרעסן זענען גאנץ לייכט צו פארשאפן.
אבער אוודאי זענט איר גערעכט מיט די ווייטאגליכע פראגע: וואו זענען די רבנים? אונזערע רבנים, אדמו"רים און מוסדות התורה הייסן (רוב מאל) שטימען פאר דעמאקראטן צוליב די טובות הנאה (פראגראמען, שאר ירקות). פארוואס זענען זיי נישט מוחה אויף די מעשי סדום ועמורה, היינט שוין מיט די אפיציעלע גוטסהייסונג פון די שטאט ראט? פארקויפן מיר טאקע אונזער אידישקייט פאר א נזיד עדשים?
ס'איז פאר אלעמען באקאנט די גמרא אין שבת נה:
דאמר רבי אחא ברבי חנינא: מעולם לא יצתה מדה טובה מפי הקדוש ברוך הוא וחזר בה לרעה חוץ מדבר זה, דכתיב (יחזקאל ט) 'ויאמר ה' אליו עבר בתוך העיר בתוך ירושלים והתוית תו על מצחות האנשים הנאנחים והנאנקים על כל התועבות הנעשות בתוכה וגו' '.
אמר לו הקדוש ברוך הוא לגבריאל: לך ורשום על מצחן של צדיקים תיו של דיו, שלא ישלטו בהם מלאכי חבלה. ועל מצחם של רשעים תיו של דם, כדי שישלטו בהן מלאכי חבלה.
אמרה מדת הדין לפני הקדוש ברוך הוא: רבונו של עולם, מה נשתנו אלו מאלו?
אמר לה: הללו צדיקים גמורים, והללו רשעים גמורים.
אמרה לפניו: רבונו של עולם, היה בידם למחות ולא מיחו!
אמר לה: גלוי וידוע לפני, שאם מיחו בהם - לא יקבלו מהם.
אמרה לפניו: רבונו של עולם, אם לפניך גלוי - להם מי גלוי?"
והיינו דכתיב: (יחזקאל ט, ו) זָקֵן בָּחוּר וּבְתוּלָה וְטַף וְנָשִׁים תַּהַרְגוּ לְמַשְׁחִית וְעַל כָּל אִישׁ אֲשֶׁר עָלָיו הַתָּו אַל תִּגַּשׁוּ, וּמִמִּקְדָּשִׁי תָּחֵלּוּ, וַיָּחֵלּוּ בָּאֲנָשִׁים הַזְּקֵנִים אֲשֶׁר לִפְנֵי הַבָּיִת.
תני רב יוסף: אל תקרי מִקְדָּשִׁי אלא מְקוּדָּשַׁי - אלו בני אדם שקיימו את התורה כולה מאלף ועד תיו".
אפשר ליגט נישט אויף אונז דער חיוב מוחה צו זיין אויף די מעשים און אפשטימונגען פון אונזערע גוי'אישע פארשטייער. אבער וואס איז מיט די אידישע אפשטאמיגע צווישן זיי?
איך ווייס נישט. איך בין נישט קיין פוסק.
(זעלבסטפארשטענדליך אז מ'קען נישט מאכן קיין סיטיפיעלד אסיפה ווייל ווי אזוי איז מען דאס מסביר פאר די קינדער...)
אבער פון וואנעט איז דער היתר זיי צו שטיצן? פארוואס מעגן די מוסדות הקדושים אהיימשיקן צעטלעך און הייסן וועהלן פאר דער\די סאציאל-ליבעראלער קאנדידאט? (אפגעזעהן צו עס איז א דעמאקראט צו א רעפובליקאנער. אין נ.י. איז עס אין אלגעמיין דעמאקראטן.) ווייל דער קאנדידאט זאגט צו אז ער גייט שטיצן תורה, דערפאר טאר מען שטיצן דער מענטש וואס פירט איין תועבה געזעצן? איז דאס דען אסאך אנדערש ווי די וואס וועהלן פאר די כנסת המינים? ברוקלינער אידן האבן טאקע גאר קיין חלק נישט אין די מעשים פון די ערוועהלטע באאמטע וועמען זיי זעלבסט האבן ערוועהלט?
דאס איז אונז אויך נוגע למעשה, כאטש איך בין נישט באהאווענט אין די נומערן און סטאטיסטיקס און אדאפטירונג געזעצן. לכאורה קען די געזעץ האבן א דירעקטע ווירקונג אויף אידישע קינדער, אויב\ווען עס האנדלט זיך אין אדאפטירן א אידיש קינד. ווער ווייסט וויפיל אידישע קינדער - פרומע אדער מאדערנע, אבער אזעלכע פאר וועמען מיר טראגן אלע א חיוב ערבות נאך פון בארג סיני – וועלן אריינפאלן אין אזעלכע שטיבער? הקב"ה זאל אוודאי שומר ומציל זיין, אבער וועלן מיר קענען זאגן "ידינו לא שפכו את הדם הזה ועינינו לא ראו?"
שומו שמים על זאת!
קץ כל בשר: כל מקום שאתה מוצא זנות ועבודה זרה, אנדרלמוסיא באה לעולם והורגת טובים ורעים.
טייערע אידן, יחידים, עסקנים, רבנים: הבו עצה הלום! ווי גיבט מען זיך אן עצה? ווי אזוי האלט מען אפ דאס שטאט און דאס לאנד פון זיך גליטשן בארג אראפ אין תהום אריין? זאלן מיר ווייטער פארמאכן אויגן און אויערן ווי נישט אונז מיינט מען דאס? מעג מען איגנארירן דעם מצב? מעג מען ווייטער אויך שטיצן, אנשטאט צו באיקאטירן, קאנדידאטן וואס שטיצן תועבה געזעצן? זאלן רעליגיעזע אידן נישט אויפהייבן א וויי-געשריי, היתכן די שטאט איגנארירט און טרעט אויף אונזערע רעליגיעזע רעכטן?
ווי קען מען שווייגן אין אזא צייט? וואס קען מען טוהן לבטל את רוע הגזירה?