נייע ישיבה אין בארא פארק, הרב גיפס

[קאווע טרינקער]

הרב יצחק זלמן גיפס, לאנג יעריגע ראש הכולל ספינקא בארא פארק, און דומ"ץ ברכת אברהם וויען, האט געמאלדען אז ער זאגט זיך אפ פון כולל, און וועט אי"ה עפענען א ישיבה.
פרטים יבואו אי"ה.

[זר זהב]

כ'הער ער איז א גוטער בעל דרשן

[chosen people]

איך הויף אז ער האט נאך מעלות ווייל אויב זיין מעלות איז נאר אז ער איז א ת''ח און אויכט א גוטע בעל דרשן , מיינט נאך נישט אז ער האט די קוואליפקאציע צו קעיר נעמען פון בחורים.
עניוועיס, וואס גייט זיין די עיקר ציהל פון די ישיבה, וויל ער זיין עפעס יוניק אקעגען אנדערע ישיבות.

[קאווע טרינקער]

יוניק ישיבה'ס איז דא גענוג. יעצט דארף מען א נארמאלע ישיבה, ווי בחורים וועלן לערנען אידישקייט, מענטשלעכקייט, וכו'

[מאראנצןזאפט]

ער האט היינט אויסגעקלאפט מיט א מעשה אין כולל אז אן אלטער בחור האט אמאל געזאגט ער איז שוין זאט פון בחור'ישע פראבלעמען, ער וויל שוין אביסל שלום בית פראבעלעמען...

[איחוד פעלד]

go rabbi gips go

אדרבה ואדרבה, מיט הצלחה.

פערזעהנליך וואלט איך אים מייעץ געוועהן אז א ישיבה איז נישט פאר אים, באט, ער פרעגט דאך מיר נישט, אלזא, זאל זיין מיט א הצלחה.

[אפשר פארקערט]

איז דאס דער נייער "דרשו" באמבע?

[קאווע טרינקער]

איז דאס דער נייער "דרשו" באמבע?

ניין, ער איז שוין א באמבע נאך פאר תקופת דרשו.

[berlbalaguleh]

איך הויף אז ער האט נאך מעלות ווייל אויב זיין מעלות איז נאר אז ער איז א ת''ח און אויכט א גוטע בעל דרשן , מיינט נאך נישט אז ער האט די קוואליפקאציע צו קעיר נעמען פון בחורים.
עניוועיס, וואס גייט זיין די עיקר ציהל פון די ישיבה, וויל ער זיין עפעס יוניק אקעגען אנדערע ישיבות.

איין מעלה איז אז אין די נייע ישיבה וועט מען לערנען תורה! דאס איז גענוג!

[איחוד פעלד]

עס וועט זיין נאך א מצויינים ישיבה, גאר נישט מער.

[קאווע טרינקער]

עס וועט זיין נאך א מצויינים ישיבה, גאר נישט מער.

שקר.

[קאווע טרינקער]

ושמא דמתיבתא דגיפסא דא, נהרדעא שמא.

[מאראנצןזאפט]

ס'איז אן אייזערנעם נאמען גע'גנב'ט פון ש"ס וגשל.

[קאווע טרינקער]

אוודאי פון וגשל.. אויב וואלט ער געגנבט פון עוז והדר וואלט דאך די ישיבה געהייסען "מהדורת פרידמאן".

[מאראנצןזאפט]

מתיבתא און חברותא זענען ביידע ערשט קלאסיגע נעמען.
די איינציגסטע וואס האט נישט קיין נארמאלן נאמען איז ארטסקרול, א קלאסיש היסטארישער-מעגא ווערק מיט א געבארגטן ענגלישן נאמען פון א פאבלישינג הויז.
פאני.

[קאווע טרינקער]

ברכת אילנות - מתיבתא... א שיינע נאמען? WTפ

[מאראנצןזאפט]

הע?
וואט דע **** האב איך פארשטאנען, אבער ראשית התגובה איז נישט אזוי קלאר.
מן הסתם מיינסטו צו פרעגן אז אלעס וואס עוז והדר מאכט טראגט שוין היינט דעם נאמען מתיבתא אריינגערעכנט הגדות, ברכת אילנות, בענטשערס, און קרית שמע ליינערס.
ס'איז נישט קיין קשיא ווייל ס'איז שוין היינט א ברענד נעים טרעיד מארק.

[קאווע טרינקער]

היינו טעמא ד"ארטסקרול".

[דבילה]

סוף דבר, וואס איז די מטרה פון רב גיפס? און איז דאס נישט א פראבלעם מיט ווין, וואו רב גיפס איז איינגעשטעלט אלס דיין?

[קאווע טרינקער]

מטרה איז מרביץ זיין תורה און אידישקייט.
וויען? זיינע בעלי בתים שטופן אים דאס צו טוען. זיי האבן גארנישט מיט ישיבת וויען.

[מבשר ואומר]

די נייע ישיבה פון הג"ר יצחק זלמן גיפס שליט"א וועט אי"ה שאפן א רעוואלוציע ביים עולם התורה. דער חשוב'ער ראש ישיבה איז שוין בארימט גאר אסאך יארן מיט זיין תורה ועבודה, און אויך מיט זיין שכל הישר און אינטעליגענץ. אין אזא שווערע תקופה ווי היינט איז הגרי"ז דער פאסיגסטער קאנדידאט צו שטיין בראש פון בחורי חמד, זיי צו העלפן דורכגיין די קריטישע בחור'ישע יארן פון זייער לעבן אן קיינע מכשולות, און אויסוואקסן בקומתם וצביונם הראויה להם, אנגעפילט און אויסגעשטיגן מיט אן אמת'ע ידיעה אין אידישקייט.

דער ראש ישיבה שליט"א וועט שטיין אין שפיץ פון "נהרדעא" און וועט אריינברענגען אין די בחורים א חשק און התלהבות צו תורה ועבודה, און בעיקר אן אינערליכער צופרידנהייט, א סיפוק הנפש וואס וועט באפרידיגן דעם הארץ, און מאכן דעם בחור פילן ווי א מענטש מיט א שוויות, וואס טוט עפעס אויף מיט זיינע טעג, וואכן און יארן.

די ישיבה וועט צוגיין מיט אן אויסערגעווענליכער מאס ווארימקייט און פארשטענדעניש, דער אויסוואל פון לימודים וועט זיין גאר ברייט, צו אפעלירן צו יעדנ'ס אינטערעסע. חוץ גמרא און שלחן ערוך וועט מען עוסק זיין אין משניות, חומש, נ"ך, סדר הדורות, און נאך ידיעות און חכמות וואס וועלן אנפילן די קעפ פון די בחורים.

א יסוד פון די ישיבה איז נישט צו מאכן קיין אנגעצויגנקייט, צו אקאמאדירן יעדן בחור מיט זיינע כשרונות און אינטערעסן, און פארשטייט זיך לאזן דעם בחור צייט זיך צו לופטערן און פארברענגען.

די ישיבה וועט מער לייגן א דגוש אויף בקיאות ווי אויף קוועטשן אויף א שטיקל גמרא. דער סדר עיון וועט זיין א גרונטליכער לימוד פון אנדערהאלבן צו צוויי בלאט א וואך, און די "טיפזיניגקייט" פון די שיעורים וועט מען לאזן אויף איין שטיקל גמרא יעדע וואך, וואס מ'וועט מער בעיון אפלערנען מיט ראשונים ואחרונים. דאס איז מיט דעם ציל צו קענען לערנען אסאך בלעטער גמרא דורכאויס יעדן זמן, צו קענען ענדיגן מסכתות, גוט חזר'ן, און ס'זאל זיין כמונח בקופסא.

בחורים וועלן אי"ה אויסשטייגן ווי תלמידי חכמים מופלגים, קענענדיג גרונטליכע א שיינע צאל מסכתות, באגלייט מיט א ריכטיגע ידיעה אין יסודות פון יהדות, קורות עם ישראל, אמונה, והעולה על זה, דער דרך ארץ קדמה לתורה: בחורים וואס וועלן דורכגיין די יארן מיט א רואיגקייט, מיט א ראש ישיבה און א סטעף וועמענ'ס ציל איז צו מאכן דעם בחור צופרידן און מלא סיפוק, וועלן שטייגן נפשיות'דיג ווי פרייליכע צופרידענע מענטשן.

[קאווע טרינקער]

נעה, כ'האב געעפענט דעם אשכול ווייל כ'האב געמיינט אז...
יעצט זעה איך דעם עד אין המודיע.. אויך'מיר א סטעף. שוין. כ'רעד נישט.
די ישיבה שטייט אויף "תורה עבודה שלימות"
חסד איז נישט קיין ארטיקל?
בכלל, אויב ס'דא תורה עבודה און גמ"ח, וואך נאך פעלט אויס פאר שלימות?

פארוואס דארף שוין די ערשטע מודעה פונעם ישיבה זיין געשריבן אויף א קארנעוועל נוסח?


און צו @מבשר ואומר, סתם אן הערה'לע, איר האט אמאל געמאלדען וועגן עפעס א נייע ישיבה. ס'עפעס געווארן פון יענע שלאפלאזע חלום?

[שמעקעדיג]

און וואס טוט זיך מיט אויסלערנען די עלטערע בחורים א פאך אין דער זייט אז נאך דער חתונה זאלן זיי פארשטיין ווי אזוי א טשעק קען באונסן?

[קרעקער]

ווער איז די סטעף

[דבילה]

אויסנאם שיין. מי יתן והיה. ס'מיר אבער א פלא וויאזוי ער פלאנט צו האבן אזוין פולן סדר הלימודים און אויף דער אנדערע זייט אויך:

לאזן דעם בחור צייט זיך צו לופטערן און פארברענגען.

'ך וואונדער זיך צו דאס איז נישט מער רעדעריי פון חלומות ענדערש ווי א ריאליסטישע פלאן.