אריאל שרון געשטארבען

היימיש, לאקאל, און איבער דער וועלט

אריאל שרון געשטארבען

הודעהדורך איש עברי » מוצ"ש יאנואר 11, 2014 7:13 pm

דעם שבת איז אריאל שרון געועזענע גענעראל, פארטיידיגונג מיניסטאר, אויסערען מיניסטאר, און פרעמעיער מיניסטער פון מדינת ישראל, געשטארבען אין עלטער פון 85 יאהר נאכ'ן ליגן באוואוסטלאז פאר 8 יאהר.

די טויט פון אריאל שרון איז א שליסונג פון א קאפיטל היסטאריע אין מדינת ישראל, ער איז געווען א דאמינאנטע שפילער אין כמעט אלע קריגן פון מדינת ישראל, און שפעטער די מערסט קאנטרעווערסיאלע פרעמעיר מיניסטאר.

שרון איז געווען א היסטארישע פיגור, און ווי עס איז די נאטור פון גרויסע פיגורען איז ער געווען זייער קאנטראווערסיאל, א העלדישע און בראווע קעמפער אויפן שלאכטפעלד, און א געריבענע פוקס אויף די פאליטישע ארענע,

ווי די שפריכווארט גייט מען קען אים ליב האבן אדער פיינט האבן נישט איגנארירן, פון גאנץ אנהויב פון די עקזיסטענץ פון די אידישע לאנד איז ער געווען בארימט אלס העלדיש קעמפער, און שפעטער איז ער געווען דער וואס האט אין א געוויסען זין געפארעמט די צה"ל וואס מיר קענען היינט, מאנכע האבן אים געהאלטן אלס איינער וואס נוצט איבערגעטריבענע כח ראנאלד רעיגען שרייבט אין זיין טאגבוך אויף אים "א קריגערישע מענטש וואס פרייט זיך ווען ער האט א סיבה צו גיין אין קריג"

אבער אינדערצייט וואס אלע האבן מודה געווען אין זיינע טאלאנטען, איז אבער געווען אזעלכע וואס האבן געהאלטן אז מען דארף אים אוועקהאלטן פון פירערשאפט פאזיציעס, דוד בן גוריון האט אים געוואלט שטעלן אלס רמטכ"ל אבער משה דיין האט זיך געגנגעשטעלט.
די קעגנער זיינע האבן געהאלטן אז ער איז צו א אימפולסיווע מענטש און טוט וואס ער פארשטייט, און שטעלט זיך נישט אפ פאר גארנישט און זאגט ליגענט פאר זיינע אויבערהארן,

דאס איז אמת אז ער האט געזאגט ליגנט, אבער דאס איז געקומען ווייל ער האט געהאלטן אז פאליטישע פירער קענען נישט פאסן קיין באשלוסן פאר זעלנער אויפן שלאכטפעלד דעריבער האט ער געפיטערט די רעגירונג מיט פאלשע אינפארמאציע, א ביישפיל איז דאס וואס פאר מלחמת ששת הימים איז ער געווען ביי די מיינונג אז מען דארף מאכן א מיליטערישע פוטש און נעמען אליין באשלוסן וויבאלד ער האט געהאלטן אז די רעגירונג נעמט אומריכטיגע באשלוסן.

דאס איז געווען אריאל שרון. ריכטיג איז געווען בלויז וואס אין זיינע אויגן איז ריכטיג, אויפ'ן שלאכטפעלד האט ער זיך נישט קיין סאך געקימערט וואס מען וועט זאגן אין די וועלט, ער האט געהאלטן פאקוס אויפ'ן ציהל, און זיך אוועקגעגעבן מיט'ן גאנצן אייפער פאר די ציהל, ער האט אליין געקעמפט אונטער פיינטליכע ליניעס, אפילו ער האט געקענט שיקן זיינע קאמעראדן און סאלדאטן.

למעשה האט זיך ארוסגעשטעלט אז ער איז געווען אין א געוויסע זין די ארכיטעקט פון צה"ל אין די פארעם וואס מיר קענען, ער האט אויפגעשטעלט מיט זיינע צעהן פינגער די קאמאנדא אפטיילונג אין צה"ל, און עווענטועל האט אים יצחק ראבין געשטעלט אין א פירערשאפט פאזיציע אין די מיליטער.

כאטש ער קומט פון א לינקע בעקגראונד, און ער איז געווען א הגנה מיטגליד און א קיבוצניק האט ער אייביג געהאט מיליטאנטישע נייגונגען און דאס האט אים געברענגט זיך אנצושליסן אין ליכוד, און ער האט טאקע געפירט א פאליסי פון "ארץ ישראל השלמה" און ער איז אנגערופן געווארן די פאטער פון די התנחלות באוועגונג, און ער איז באקאנט מיט זיין לאזונג "דין נצרים כדין תל אביב"

אנקומענדיג צו די פאזיציע פון פרעמעיר מיניסטער האט ער פארמירט ארום זיך א ענגע גרופע פון יונגע ענערגישע מיטארבעטער, און זיך ארומגענומען מיט געשוואורענע חברים, באקאנט אלס "פורום חוות השקמים" די מיטארבעטער זענען אים געווען אויסערגעווענליך געטריי, די באציאונגען צווישן זיי איז געווען ענדערש ווי א טאטע מיט קינדער ווי צו ארבעטער, און דאס קען גערעכנט ווערן אלס חלק פון זיין הצלחה.

אלס מיליטערמאן און מיניסטער איז ער געווען היבש פארפיינטעט ביי די לינקע און צענטריסטן, אבער שפעטער האט ער אנגעהויבן מער ציען צו לינקס, מען קען שוין טרעפן די נטייה ווען ער איז געווען אויסערען מיניסטער אונטער נתניהו און ער איז געווען פון די שטארקע שטופערס פון די וואי פלענטעישאן אפמאך, און נאך שפעטער מיט די התנתקות אלס ראש ממשלה.

איך וועל אפשר מער מאריך זיין שפעטער איבער די התנתקות און וואס האט אים געברענגט דערצו אבער איין זאך זאל זיין קלאר פאר מ'קריטיקרט אים ווער עס קריטיקירט אים פאר די התנתקות זאל אים אויך געבן קרעדיט אויף אלע התנחלות וואס שטייען יא! אויב איז דא איין אינדיווידועלע מענטש פאר וועם עס קומט קרעדיט פאר די גאנצע התנחלות באוועגונג איז עס "אריאל שרון"

ווי פריער געזאגט שרון האט מען געקענט פיינט האב אדער ליב האבן אבער ניטש איגנארירן, ער איז געווען א היסטארישע פיגור און א שטייפע פירער, ער האט געהאט פארברענטע שונאים וואס האבן געשריגן "אריק שרון עוכר ישראל" אבער אויך געשוואורענע אנהענגער וואס האבן געשריגען "אריק שרון מלך ישראל"

איין גאר כאראקטעריסטישע שטריך איז די ענדלאזע צוטרוי וואס ער האט געהאט ביי זיינע ארומיגע, סיי אין די מליטער און סיי אין פאליטיק זיינס א ווארט איז געווען הייליג ביי זיינע פריינט און מיטארבעטער, און זיי זענען געגאנגען אין פייער פאר אים, דאס איז געקומען פון זיין שטארקע כריזמע אבער אויך פון זיין גאר ווארימע פערזענליכקייט, ער האט געקענט די פאמיליעס פון אלע זיינע מיטארבעטער און איז געווען פערזענליך פארבינדען מיט זיי אין פריוואט לעבן [אינטרעסאנט אין זיינע מעמוארען שרייבט ער אז זיינע עלטערען האבן נישט געגעבן צופיל ליבשאפט, עס האט ווייזט אויס אים געשטערט און ער האט פרובירט צו זיין פארקערט]

איש עברי פערזענליך איז א שטארקע סימפאטיקער פון אריק שרון, אין מיינע אויגן זענען זיינע פירערשאפט קוואליפיקאציעס געווען אויסערגעווענליך, און אזוי ווי זיינע מילטערישע סטראטעגיעס ווערן געלערנט היינט צוטאג אין פילע מילטערישע אקאדעמיעס ארום די וועלט איז דא אסאך זיך צו לערנען אויך פון די וועג וויאזוי ער האט געפירט דאס לאנד אלס ראש ממשלה.

איך מיין אז טאקע דאס איז געווען זיין וועג אויפ'ן שלאכטפעלד דארף מען זיין ברוטאל, און נישט ווייזן קיין טראפ שוואכקייט, אבער ער איז געווען א רעאליסט און געוויסט אז מען וועט נישט קענען בלייבן אין עזה אויף אייביג דעריבער האט ער זיך ענדערש ארויסגעצויגן ווען קיינער האט אים נישט געצווינגען ווי איידער צו זיצן מיט די אראבער ביים טיש ווייל דאס וואלט געוויזן חולשה, ער האט פארשטאנען די אראבישע מענטאליטעט אז נאר כח איז עפעס ווערט און דעריבער איז ער טאקע רעספעקטירט געווארן פון די אראבער וואס טראץ די שנאה צו אים האלטן זיי אים פאר א גרויסע פירער ווי נאסראלע ימ"ש די פירער פון חיזבאלא האט געזאגט אין א רעדע "שרון איז געווען די לעצטע קעניג פון די אידישע פאלק"

זאל אים זיינע זכותים ביישטיין!

אט איז גאנץ א פיינע דאקומענטרי איבער אים [טאמער נישט קומט נישט מיט טענות כ'האב נאר געהערט א קליין חלק]
http://www.youtube.com/watch?v=Cj2rjx7P8VE
רעדאגירט געווארן צום לעצט דורך איש עברי אום זונטאג יאנואר 12, 2014 7:43 am, רעדאגירט געווארן 2 מאל בסך הכל.
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך ראשעקאל » מוצ"ש יאנואר 11, 2014 8:15 pm

זייער שיין באשריבען. ווען האט עס נאסראללא געזאגט?
וואס פארט איבער די גאנצע וועלט אבער בלייבט אין איין ווינקעל?
א פאוסטעזש סטעמפ!!
באניצער אוואטאר
ראשעקאל
חבר ותיק
חבר ותיק
 
הודעות: 6105
זיך רעגיסטרירט: דאנערשטאג פעברואר 23, 2012 11:12 pm
האט שוין געלייקט: 7976 מאל
האט שוין באקומען לייקס: 5437 מאל

הודעהדורך אלס ווייסער » מוצ"ש יאנואר 11, 2014 8:19 pm

ראשעקאל האט געשריבן:זייער שיין באשריבען. ווען האט עס נאסראללא געזאגט?

יא, מיר ליגט עפעס אין קאפ אז די אראבער האבן אים געוואלט הרגנ׳ן ווען ער איז ארויף אויפן הר הבית (געוויסע האלטן אז דאס איז געווען די פונק וואס האט אנגעצינדען די צווייטע אינטיפאדא)
אפשר איז עס געווען א צווייטער?
אלס ווייסער
מאנשי שלומינו
מאנשי שלומינו
 
הודעות: 55
זיך רעגיסטרירט: זונטאג יולי 08, 2012 12:54 am
האט שוין געלייקט: 39 מאל
האט שוין באקומען לייקס: 47 מאל

הודעהדורך איש עברי » מוצ"ש יאנואר 11, 2014 8:28 pm

ראשעקאל האט געשריבן:זייער שיין באשריבען. ווען האט עס נאסראללא געזאגט?

http://news.walla.co.il/?w=/13/2610462
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך איש עברי » מוצ"ש יאנואר 11, 2014 8:29 pm

אלס ווייסער האט געשריבן:
ראשעקאל האט געשריבן:זייער שיין באשריבען. ווען האט עס נאסראללא געזאגט?

יא, מיר ליגט עפעס אין קאפ אז די אראבער האבן אים געוואלט הרגנ׳ן ווען ער איז ארויף אויפן הר הבית (געוויסע האלטן אז דאס איז געווען די פונק וואס האט אנגעצינדען די צווייטע אינטיפאדא)
אפשר איז עס געווען א צווייטער?


דאס ארויפגיין אויפ'ן הר הבית האט גארנישט געהאט צוטאן מיט די אויסברוך פון די צווייטע אינטיפאדא, די צווייטע אינטיפאדא האט אויסגעבראכן א טאג פריער אויף די דירעקט באפעהל פון אראפאט ימ"ש, עס איז א היסטארישע ליגנט וואס די אראבער מיט די סאטמארע פארקויפן
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך DotCom » מוצ"ש יאנואר 11, 2014 8:45 pm

איש עברי האט געשריבן:דאס ארויפגיין אויפ'ן הר הבית האט גארנישט געהאט צוטאן מיט די אויסברוך פון די צווייטע אינטיפאדא, די צווייטע אינטיפאדא האט אויסגעבראכן א טאג פריער אויף די דירעקט באפעהל פון אראפאט ימ"ש, עס איז א היסטארישע ליגנט וואס די אראבער מיט די סאטמארע פארקויפן


האסט עפעס מקורות דערויף? וויקיפידיע נעמט אן מיט א פשטות אז יא שרון האט עס אנגעפאנגען, מיט מקורות פארשטייט זיך.

קאררעקשן: אביסל שפעטער אין בלאט זעה איך טאקע די יש אומרים אז עס האט קיין שייכות געהאט, עכ"ז אין די וועלט קוקט עס נישט אויס צו זיין אנגענומען.
רעדאגירט געווארן צום לעצט דורך DotCom אום מוצ"ש יאנואר 11, 2014 8:53 pm, רעדאגירט געווארן איין מאל בסך הכל.
לול'ן לול'ט ווער ס'לול'ט דער לעצטער (-י.ל.)
באניצער אוואטאר
DotCom
ידיד ותיק
ידיד ותיק
 
הודעות: 631
זיך רעגיסטרירט: דאנערשטאג מערץ 01, 2012 11:51 pm
געפינט זיך: בין פיתום לרעמסס
האט שוין געלייקט: 447 מאל
האט שוין באקומען לייקס: 732 מאל

הודעהדורך אויס מענטש » מוצ"ש יאנואר 11, 2014 8:52 pm

יא ער איז דאן ארויף אויפן הר הבית וואס דאס האט אנגעצינדן די צווייטע אינטעפאדא.
אן אינטרעסאנטע עפיזאד האט ער אמאל געהאט מיט דעם חבדסקער ווען ער איז געווען דא אין נוי יארקביים רבין און ער האט געדארפט אהיים פארן האט אים דער רביגעזאגט פאר נישט צום סוף האט מען געהיידזשעקט יענעם פליגער און בזכותו איז ער געראטעוועט געווארן.
http://m.chabad.org/multimedia/media_cdo/aid/2451287/jewish/Prime-Minister-Ariel-Sharon-and-the-Rebbe.htm

http://m.chabad.org/therebbe/livingtorah/player_cdo/aid/574972/jewish/Behind-the-Miracle.htm
דיין חתימה איז טאקע גוט,
זעה נאר דיין תגובה זאל אויך שטימען.
אויס מענטש
ידיד ותיק
ידיד ותיק
 
הודעות: 826
זיך רעגיסטרירט: זונטאג יולי 22, 2012 10:35 pm
האט שוין געלייקט: 294 מאל
האט שוין באקומען לייקס: 634 מאל

הודעהדורך איש עברי » מוצ"ש יאנואר 11, 2014 8:55 pm

DotCom האט געשריבן:
איש עברי האט געשריבן:דאס ארויפגיין אויפ'ן הר הבית האט גארנישט געהאט צוטאן מיט די אויסברוך פון די צווייטע אינטיפאדא, די צווייטע אינטיפאדא האט אויסגעבראכן א טאג פריער אויף די דירעקט באפעהל פון אראפאט ימ"ש, עס איז א היסטארישע ליגנט וואס די אראבער מיט די סאטמארע פארקויפן


האסט עפעס מקורות דערויף? וויקיפידיע נעמט אן מיט א פשטות אז יא שרון האט עס אנגעפאנגען, מיט מקורות פארשטייט זיך.


איך האב געהאט אזוי אין זכרון א קורצע זוך אין וועב האט געברענגט די רעזולטאטן [ויקיפדיה ערך אריאל שרון האט מיך צוגעפירט אהין] ותן לחכם ויחכם עוד

http://www.jewishfederations.org/page.aspx?id=10761
http://www.news1.co.il/Archive/003-D-48 ... g=00-01-54
http://www.memri.org.il/cgi-webaxy/sal/ ... dataid=335
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך איש עברי » מוצ"ש יאנואר 11, 2014 9:00 pm

אפאר ראזשינקעס

ער איז געבוירן צו זיין טאטן שמואל שיינרמן פון בריסק דליטא אבער איך מיין אז די משפחה זענען געווען גערע חסידים,

ער האט געהאט א שוועסטער וואס איז פרום געווארן זי האט געוואונט אין ברוקלין זי האט געהייסן יהודית מאנדל, זי איז געווען צוקריגט מיט אים וועגן ירושה זאכן.

די קוריאזע טעבלויד "שעה טובה" איז די וואך ארויסגעקומען מיט פרישע באווייזן אויף די אלטע אנטשעפעניש אז זיין מאמע איז געווען א גויט'ע,
ווער סווייסט מער איבער די אלע ראזשינקעס זאל זיך מעלדן
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך שעפטל » מוצ"ש יאנואר 11, 2014 9:03 pm

שרון איז געבוירן ה' אדר תרפ"ח (February 26 1928) צו זיינע עלטערן שמואל און דבורה שיינערמאן.

איידערן ווערן דער פרעמיער האט שרון געדינט ווי א גענעראל אין דער ישראל-ארמיי. שרון איז געווען באקאנט מיט זיין רעכטן פאליטיק, אבער איז אריין אין היסטאריע מיט דער 'התנתקות', ווען דער ישראל-ארמיי האט זיך צוריקגעצויגן פון עזה.

שרון האט געדינט אלס שר הביטחון (Minister of Defense) אין די יארן פון 1981 ביז 1983, ער האט איבערגענומען און צוריק איבערגענוומען געווארן אדורך מנחם בגין.

דערנאך האט ער געדינט אלס שר התעשייה, מסחר והתעסוקה (Industry, Trade and Labor Ministry) אין די יארן פון 1984 ביז 1990.

דערנאך אלס שר בינוי והשיכון (Minister of Housing and Construction) פון 1990 ביז 1992.

דערנאך אלס שר האנרגיה והמים (Minister of Energy and Water Resources) פון 1996 ביז 1999

אזוי אויך אלס שר החוץ (Minister of Foreign Affairs) פון 1998 ביז 1999

און 1999 האט ער איבערגענומען פונעם איצטיגן פרעמיער ביבי נתניהו, דעם טיטל טשערמאן פונעם ליכוד פארטיי ווי ער האט געדינט ביז 2005 ווען אהוד אולמערט האט אים איבערגענומען

דערנאך האט ער אין מארטש 7 2001 איבערגענומען דעם פרעמיער אהוד באראק. און געדינט ביז אפריל 14 2006 ווען אהוד אולמערט האט אים איבערגענומען.

און אין 2005 האט מען געגרינדערט דעם קדימה פארטיי ווי ער האט געדינט אלס טשערמאן ביז 2006 ווען אהוד אולמערט האט אים איבערגענומען

ער האט געליטן פון א סטראוק אין 2005 און א צווייטע אין 2006.

זיין ערשטע ווייב מרגליות איז געהרג'ט געווארן אין א קאר עקסידענט אין יאר 1962. פון וועם ער האט געהאט א זון גור, וואס איז געהרג'ט געווארן זיך שפילענדיג מיט א רעוואלווער. א יאר שפעטער האט ער חתונה געהאט צו איר שוועסטער, לילי, און געהאט צוויי קינדער עמרי און גלעד, זיין צווייטע ווייב איז געשטאבן אין יאר 2000 פון יענע מעשה אויף די לינגן א יאר פאר ער איז געווארן דער ראש הממשלה.
מיט דעם האט זיך געענדיגט נאך א תגובה'לע פון שעפטל'ן, א "לייק" איז א שטופ אויף פראנויס פאר נאכיינס...
באניצער אוואטאר
שעפטל
חבר ותיק
חבר ותיק
 
הודעות: 3443
זיך רעגיסטרירט: דינסטאג יולי 17, 2012 1:45 pm
געפינט זיך: אוי, בעסער פרעג נישט
האט שוין געלייקט: 3450 מאל
האט שוין באקומען לייקס: 3367 מאל

הודעהדורך איש עברי » מוצ"ש יאנואר 11, 2014 9:10 pm

מן הסתם די וויכטיגסטע פונקט אין זיין מיליטערישע היסטאריע איז דאס אויפשטעלן די קאמאנדא איינהייט וואס רופט זיך "יחידה 101"
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך איש עברי » מוצ"ש יאנואר 11, 2014 9:16 pm

נאך א שטריך פון אים איז געווען זיין שארפע צונג און טרעפליכע ענטפערס למשל:

נאכ'ן גרינדען קדימה האט ער אריינגענומען שמעון פערעס [וואס איז נאך דעמאלטס געווען היבש פארפיינטעט פאר'ן פארבעסערן זיין אימעדש] האט מען אים געפרעגט צו ער קלערט נישט אז פערעס וועט אים שלעפן לינקס, האט ער געענטפערט "איך מאך נישט אוועק שמעון פערעס'נס פיזישע שטארקייט אבער איך גלייב נישט אז ער קען מיך שלעפן"

שטייענדיג אויף א בערגל אין עזה מיט זיינע סאלדאטן האט אים איינער פון די סאלדאטן געזאגט אז נישט אלע אראבער זענען שלעכט עס זענען אויך דא גוטע אראבער שרון האט אלס ענטפער געטייטלט אין ריכטונג פון א אראבישע בית הקברות און געזאגט "ריכטיג דארט זענען זיי"

א באקאנטע שפריכווארט פון אים "מה שלא הולך בכח הולך ביותר כח"
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך גד החוזה » מוצ"ש יאנואר 11, 2014 10:32 pm

אריאל שרון וועט אלעמאהל ווערן געדענקט לשמצה, בה' הידיעה, פאר אויסאקערן דעם הערליכען גארבעבידזש דאמב, ער האט מיט א אכזריות'דיגע בארבארישקייט און מיט פרעכהייט אינאיינעם פארוואדעלט דעם גארבידזש דאמב [און שטאט היריה]צו א פארק, א שטאטס פארק, היינט צו טאג איז כמעט שוין נישט דא קיין שום זכר פון דעם גרויסן גארבידזש דאמב.
דער גארבידזש דאמב איז געוועהן בשכינות צום שטאט חיפה, און צו ווי עס איז אהין געקומען דער גארבידזש פון א גרויסע חלק פון מיטל ארץ ישראל צו דעם באקאנטען הערליכען היריה גארבידזש לענדפיעלד.

דא האט איהר פיר הערליכע בילדער, וואס טאקע איהר איינציגסטע זכרון איז בלויז אין בילדער, פון דער נייע פארק קענט פארגעסן אז איך זאל ארויף שטעלן בילדער.
בייגעלייגטע פיילס
hiriya 1.jpg
hiriya 1.jpg (74.66 KiB) געזען געווארן 2064 מאל
hiriya 2.jpg
hiriya 2.jpg (27.86 KiB) געזען געווארן 2064 מאל
hiriya 3.jpg
hiriya 3.jpg (220.96 KiB) געזען געווארן 2064 מאל
Hiriya 4.jpg
Hiriya 4.jpg (121.92 KiB) געזען געווארן 2064 מאל
גד החוזה
ידיד השטיבל
ידיד השטיבל
 
הודעות: 174
זיך רעגיסטרירט: מיטוואך דעצעמבער 18, 2013 11:17 am
האט שוין געלייקט: 10 מאל
האט שוין באקומען לייקס: 309 מאל

הודעהדורך משה געציל » מוצ"ש יאנואר 11, 2014 10:41 pm

פשיהא! אזוי שיין משלב צו זיין דעם לעיני כל ישראל מיטן בראשית...נאר א חוזה קען אזאנס באווייזן...
ומי קרי לחינוך השלמה, והא תניא אי זה חינוך היה רגיל לאכול בשתי שעות מאכילין אותו לשלש בשלש מאכילין אותו בארבע? אמר רבא בר עולא תרי חנוכי הוו: (יומא פ"ב ע"א)
באניצער אוואטאר
משה געציל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1676
זיך רעגיסטרירט: דינסטאג מערץ 27, 2012 2:12 pm
האט שוין געלייקט: 2957 מאל
האט שוין באקומען לייקס: 2757 מאל

הודעהדורך קאווע טרינקער » מוצ"ש יאנואר 11, 2014 10:50 pm

הרב דר. יונתן זאקס, דריקט אויס מיטלייד מיט די פטירה פון לוחם מלחמות ה', אריאל שרון זצ"ל:
On hearing news of the sad passing of former Israeli Prime Minister Ariel Sharon, Rabbi Sacks issued the following comment:
“There are two words for strength in Hebrew: koach and gevurah. But they mean quite different things. Koach means the strength to overcome your enemies. Gevurah means the strength to overcome yourself. Koach is the strength to wage war. Gevurah is the strength to make peace.
“Throughout his remarkable life, Ariel Sharon was a man both of koach and gevurah. He was a warrior who became a man of peace.
“He will be remembered as an individual who demonstrated his strength on the battlefield and inspired a nation to achieve remarkable victories in seemingly impossible battles, most dramatically in the 1973 Yom Kippur War.
“He will also be remembered as an individual who demonstrated his strength in the political arena, leading his country with conviction and through a series of painful steps, to negotiate with enemies in the ongoing pursuit of peace.
“At this most difficult of times, we offer our condolences to his family. Their loss is not just a deeply personal one, but a national one for the State of Israel as well as for all of Am Yisrael. May they be comforted among the other mourners of Zion.”


כו"ח וגבור"ה נתן בהם, להיות מושלים בקרב תבל. ודפח"ח.

---

פארגאנגענע וואך, ווען די אראלים מיט די מצוקים האבן זיך גע'הרג'ט, האט רב זאקס שוין מספיד געווען שרון'ען, אין א שמועס מיט CNN
http://amanpour.blogs.cnn.com/2014/01/09/sacks/
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8521 מאל

הודעהדורך יאיר » מוצ"ש יאנואר 11, 2014 11:20 pm

א גרויסן דאנק, איש עברי, פאר'ן אריבערקומען פון דעם אנדערן זייט טייך/ים דערציילן די אויפריכטיגע ביאגראפיע אויף דעם לעגענדארן שרון.
יש לציין אז אלס קינד זענען זיינע רוסישע עלטערן געווען צוקריגט מיט די גאנצע דארף וואו זיי האבן געוואוינט, מען האט נישט געקויפט און פארקויפט קיין שום גרינס פאר זיי, און זיי האבן נישט געמעגט נוצן די דארטיגע קליניק. אלס קינד איז אריק אראפגעפאלן און באקומען א טיפע וואונד, ס'האט געגאסן בלוט, זיין מאמע האט נישט געהאט קיין ברירה און זי איז געלאפן מיט אים אויף די הענט צוויי מייל צו א פרעמדער דאקטאר. דער אינצידענט איז אים שטארק געבליבן אין די ביינער, לויט זיין אויטאביאגראפיע. ווי עס זעט עס איז די סארט בלוט געלאפן אין די משפחה. איך וועל נישט זיין שאקירט צו הערן אז זיי ציען דעם יחוס צו דוד המלך (נישט דוקא דורך רש"י כמבואר בכל היחוס בריוון).
האדם לא נברא אלא להתענג
באניצער אוואטאר
יאיר
שריפטשטעלער
שריפטשטעלער
 
הודעות: 4765
זיך רעגיסטרירט: דינסטאג יוני 26, 2012 9:42 pm
האט שוין געלייקט: 7221 מאל
האט שוין באקומען לייקס: 8159 מאל

הודעהדורך ישמעאל הכהן » מוצ"ש יאנואר 11, 2014 11:29 pm

יהא זכרו ברוך. עליה השלם כל הקרבנות כולם
ראדיא באריכטער פאר ק''ש
באניצער אוואטאר
ישמעאל הכהן
חבר ותיק
חבר ותיק
 
הודעות: 2111
זיך רעגיסטרירט: זונטאג דעצעמבער 16, 2012 12:54 pm
האט שוין געלייקט: 1807 מאל
האט שוין באקומען לייקס: 2169 מאל

הודעהדורך איש עברי » זונטאג יאנואר 12, 2014 5:07 am

גד החוזה האט געשריבן:אריאל שרון וועט אלעמאהל ווערן געדענקט לשמצה, בה' הידיעה, פאר אויסאקערן דעם הערליכען גארבעבידזש דאמב, ער האט מיט א אכזריות'דיגע בארבארישקייט און מיט פרעכהייט אינאיינעם פארוואדעלט דעם גארבידזש דאמב [און שטאט היריה]צו א פארק, א שטאטס פארק, היינט צו טאג איז כמעט שוין נישט דא קיין שום זכר פון דעם גרויסן גארבידזש דאמב.
דער גארבידזש דאמב איז געוועהן בשכינות צום שטאט חיפה, און צו ווי עס איז אהין געקומען דער גארבידזש פון א גרויסע חלק פון מיטל ארץ ישראל צו דעם באקאנטען הערליכען היריה גארבידזש לענדפיעלד.

דא האט איהר פיר הערליכע בילדער, וואס טאקע איהר איינציגסטע זכרון איז בלויז אין בילדער, פון דער נייע פארק קענט פארגעסן אז איך זאל ארויף שטעלן בילדער.


מתוך שבחו אתה בא לידי גנותו אט האט איר בילדער וויאזוי סזעהט אויס היינט
בייגעלייגטע פיילס
untitled.png
untitled.png (112.49 KiB) געזען געווארן 1869 מאל
images (3).jpg
images (3).jpg (14.31 KiB) געזען געווארן 1869 מאל
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך חבדניק » זונטאג יאנואר 12, 2014 6:43 am

איש עברי האט געשריבן:איש עברי פערזענליך איז א שטארקע סימפאטיקער פון אריק שרון, אין מיינע אויגן זענען זיינע פירערשאפט קוואליפיקאציעס געווען אויסערגעווענליך, און אזוי ווי זיינע מילטערישע סטראטעגיעס ווערן געלערנט היינט צוטאג אין פילע מילטערישע אקאדעמיעס ארום די וועלט איז דא אסאך זיך צו לערנען אויך פון די וועג וויאזוי ער האט געפירט דאס לאנד אלס ראש ממשלה.

איך מיין אז טאקע דאס איז געווען זיין וועג אויפ'ן שלאכטפעלד דארף מען זיין ברוטאל, און נישט ווייזן קיין טראפ שוואכקייט, אבער ער איז געווען א רעאליסט און געוויסט אז מען וועט נישט קענען בלייבן אין עזה אויף אייביג דעריבער האט ער זיך ענדערש ארויסגעצויגן ווען קיינער האט אים נישט געצווינגען ווי איידער צו זיצן מיט די אראבער ביים טיש ווייל דאס וואלט געוויזן חולשה, ער האט פארשטאנען די אראבישע מענטאליטעט אז נאר כח איז עפעס ווערט און דעריבער איז ער טאקע רעספעקטירט געווארן פון די אראבער וואס טראץ די שנאה צו אים האלטן זיי אים פאר א גרויסע פירער ווי נאסראלע ימ"ש די פירער פון חיזבאלא האט געזאגט אין א רעדע "שרון איז געווען די לעצטע קעניג פון די אידישע פאלק"

זאל אים זיינע זכותים ביישטיין!


גארנישט פרעזענליך, אבער עפעס א פסוק, כמוהם יהיו עושיהם כל אשר בוטח בהם... זיי נישט סימפאטיק צו נבילה סרוחה אן אפיקורוס-קרימינאל וואס האט כל ימי חייו געטוהן נאר פאר זיך.

ישראל בטח בה'.

"זיינע" זכותים זאל אים ביישטיין, איז לועג לרש (לרשע)... וועלעכע זכותים? ער האט ניטאמאל געגלייבט אינעם ריבונו של עולם, האט ער דען געהאלטן איינע פון די תרי"ג מצוות?

מלחמות אויף ארץ ישראל? יאסער עראפאט האט אויך געקמפט פאר "ארץ ישראל", נו, א זכות? קודם דארף ער זיין א איד, וואס ער איז נישט געווען נישט ביחוס און נישט במעשיו.

ער האט געוויזן שטארקייט ווען דאס האט אים געברענגט כבוד אינעם שלאכט פעלד, טראץ וואס האט אפגעקאסט הונדערטע אדער טויזנטע אידישע קרבנות. און האט געוויזן שוואכקייט, טראץ וואס דאס האט אפגעקאסט הונדערטע אידישע קרבנות, ווען דאס האט אים געברענגט כבוד אינעם פאליטישן פעלד.

שרון איז נישט געווען קיין קעניג, פונקט ווי נאסראלע איז נישט קיין קעניג. זיי זענען ביידע ביליגע פאליטיקאנטן מיט שגעון גדלות, גרייט צו פארברענען זייערע אייגענע פאלק פאר זייערע קאפריזן ווער רעדט צו מאכן מלחמות און בלוט בעדער פאר א טראפ כבוד און נצחון.

זאלן "אונזערע" זכותים ביישטיין פאר אונז, און פאר גאנץ כלל ישראל, צו געראטעוועט ווערן פון אלע זייערע גלייכנס וואס זענען נאך נישט געשטארבן.

ווי שנעלער ווערט מען פטור פון אזעלכע מפלצות איז די וועלט אלץ מער פארזיכערט!
חבדניק
א גאסט אין שטיבל
א גאסט אין שטיבל
 
הודעות: 14
זיך רעגיסטרירט: דינסטאג מאי 28, 2013 4:23 pm
האט שוין געלייקט: 0 מאל
האט שוין באקומען לייקס: 18 מאל

הודעהדורך איש עברי » זונטאג יאנואר 12, 2014 6:58 am

גאנץ שארף געזאגט אבער אלס חבד'ניק וואלסטו געמעגט וויסן אז די רבי האט מחשיב געווען שרון און האט געהאלטן א נאהנטע קשר מיט אים שריפטליך אן מונדליך, און ער איז געווען די סאמע גרעסטע קעמפער זיינע אלע יאהרן פאר שלימות הארץ, דעריבער האט ער אויסדרוקליך זכותים.
איך וואלט הנאה געהאט צו דיסקוטירן מיט דיר אויב דו קענסט מיר פונקטליכער מסביר זיין פון ווי די נעמסט דיין הנחה אז "ער האט געוויזן שטארקייט ווען דאס האט אים געברענגט כבוד אינעם שלאכט פעלד" ער איז געווען א העלדישע קעמפער פון זיין יוגנט פאר ער האט געחלומ'ט פון אנקומען צו א הויכע פאזיציע, ער איז שווער פארוואונדעט געווארן אויפ'ן שלאכטפעלד און איז כמעט געשטארבן, ער האט שפעטער אלס מפקד זיך אליין איינגעשטעלט דאס לעבן טראץ וואס ער האט געקענט שיקן סאלדאטן און אזוי ווייטער., איך מיין אז די אלע זאכן טוט מען נישט פאר כבוד נאר פון א טיפע געפיהל און איבעצייגונג אויף די רעכט פון עם ישראל צו ארץ ישראל.

עס איז קלאהר אז די התנתקות איז א פלעק אויף זיין גלענצענדע רעקארד [הגם אין מיינע אויגן איז עס געווען א גרויסע טובה פאר מדינת ישראל] אבער דאס נעמט נאכנישט אינגאנצן אוועק זיינע אלע אויפטוען במשך זיין לעבן,
וואס דו שרייבסט אז זיינע שלאכטן האבן געקאסט הונדערטער נפשות, זאלסטו וויסן אז אריאל שרון מיט זיינע מלחמה טאקטיקן האט געראטעוועט טויזענטער [און אפשר הונדערטער טויזענטער] לעבנס פון סאלדאטן און ציווילע.

וואס איז נוגע תורה ומצוות איז אמת אז ער איז געווען זייער ווייט פון דעם, אבער ער איז בכלל נישט קיין "נבילה סרוחה" וועגן דעם, ער איז אויפגעצויגן געווארן אין א לינקע קיבוץ און ער האט פשוט נישט געהאט קיין שייכות צו רעליגיע נישט בעד און נישט נגד, אויב די האלטסט אז איינער וואס האלט נישט קיין תורה ומצוות האט נישט קיין שום זכותים ביטע ברענג א מקור דערויף
רעדאגירט געווארן צום לעצט דורך איש עברי אום זונטאג יאנואר 12, 2014 7:11 am, רעדאגירט געווארן איין מאל בסך הכל.
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך איש עברי » זונטאג יאנואר 12, 2014 7:05 am

יאיר האט געשריבן: ווי עס זעט עס איז די סארט בלוט געלאפן אין די משפחה. איך וועל נישט זיין שאקירט צו הערן אז זיי ציען דעם יחוס צו דוד המלך (נישט דוקא דורך רש"י כמבואר בכל היחוס בריוון).


קומט אויס אז ער איז גאנץ א נאהנטע קרוב מיט בורשטינע רבי
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך נאטרוליסט » זונטאג יאנואר 12, 2014 10:39 am

נייע ריפארטס זאגן אז פון באווייזן וואס מ'האט שטעלט זיך ארויס אז זיין מאמע איז געווען אן ערלית. ממילא איז שרון קיין איד בכלל נישט געווען.

אנדערע זאגן אז ער איז ניטאמאל געווען גע'מל'ט.

שטעלט זיך ארויס אז שרון איז בכלל נישט קיין פושע ישראל אויך נישט!
דאס זענען דיינע פירער מדינת ישראל!
נאטרוליסט
היימישער באניצער
היימישער באניצער
 
הודעות: 547
זיך רעגיסטרירט: דאנערשטאג פעברואר 14, 2013 6:51 pm
האט שוין געלייקט: 9 מאל
האט שוין באקומען לייקס: 183 מאל

הודעהדורך ראשעקאל » זונטאג יאנואר 12, 2014 10:58 am

.
בייגעלייגטע פיילס
IMG-20140112-WA0022.jpg
IMG-20140112-WA0022.jpg (32.38 KiB) געזען געווארן 1789 מאל
IMG-20140112-WA0021.jpg
IMG-20140112-WA0021.jpg (57.6 KiB) געזען געווארן 1789 מאל
וואס פארט איבער די גאנצע וועלט אבער בלייבט אין איין ווינקעל?
א פאוסטעזש סטעמפ!!
באניצער אוואטאר
ראשעקאל
חבר ותיק
חבר ותיק
 
הודעות: 6105
זיך רעגיסטרירט: דאנערשטאג פעברואר 23, 2012 11:12 pm
האט שוין געלייקט: 7976 מאל
האט שוין באקומען לייקס: 5437 מאל

הודעהדורך איש עברי » זונטאג יאנואר 12, 2014 11:22 am

נאטרוליסט האט געשריבן:נייע ריפארטס זאגן אז פון באווייזן וואס מ'האט שטעלט זיך ארויס אז זיין מאמע איז געווען אן ערלית. ממילא איז שרון קיין איד בכלל נישט געווען.

אנדערע זאגן אז ער איז ניטאמאל געווען גע'מל'ט.

שטעלט זיך ארויס אז שרון איז בכלל נישט קיין פושע ישראל אויך נישט!
דאס זענען דיינע פירער מדינת ישראל!


ביטע ברענג פונקטליך די אלע רעפארטס, ס'איז סתם א נארישע ווערטעל וואס אפאר מתנחלים האבן זיך ארויפגעכאפט דערויף צו טשעפען די שרון פאמיליע.

צו ער האט זיך געמל'ט צו נישט געדענק איך נישט, און איך בין אויך נישט געגאנגען אין די זעלבע מקוה ממילא קען איך דיר נישט ענטפערען, אבער אז מרעדט שוין זאלסטו וויסן אז ער האט געהאט א רעליגיעזע שוועסטער איז זי אויך געווען א גוי'טע?

און חוץ פון די אלע זאכן אויב איז ער געווען א גוי איז דאך אוודאי גוט לשיטתך?
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך ראשעקאל » זונטאג יאנואר 12, 2014 11:30 am

.
בייגעלייגטע פיילס
IMG-20140112-WA0033.jpg
IMG-20140112-WA0033.jpg (27.49 KiB) געזען געווארן 1753 מאל
וואס פארט איבער די גאנצע וועלט אבער בלייבט אין איין ווינקעל?
א פאוסטעזש סטעמפ!!
באניצער אוואטאר
ראשעקאל
חבר ותיק
חבר ותיק
 
הודעות: 6105
זיך רעגיסטרירט: דאנערשטאג פעברואר 23, 2012 11:12 pm
האט שוין געלייקט: 7976 מאל
האט שוין באקומען לייקס: 5437 מאל

נעקסט

גיי צוריק אידישע און אלגעמיינע נייעס

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט