רוח החיים פארק שליכט אנקלאגע

[הערשי]

קרית יואל איז געקומען צו א פשרה מיט די ACLU / NYCLU איבער די קלאגע, וועלכע איז אריינגעגעבן געווארן אין געריכט דורך די לעצטיגע פאריאר, איבער די פארק אין קרית יואל. די CLU האט גע'טענה'ט אז די "רוח החיים" פארק, אדער בשם חול "קינדער פארק", איז אומלעגאל סעגרעגירט אויף געשלעכטן ליניעס. קרית יואל, דורך איר אדוואקאטן פירמע, האט געלייקנט אז סיי וואספארא סעגרעגאציע קומט פאר מיט אפיציעלע גוטהייסונג. דאך, האט זי געשליכטעט די אנקלאגע מיטן איינגיין צו פארגיטיגן די אנקלעגער מיט דריי טויזנט דאלער אין לעגאלע קאסטן, און האט זיך פארפליכטעט צו ערלויבן ACLU אינספעקציע צוויי מאל א זומער פאר דריי זומער סעזאנען.