גדעון סער רעזיגנירט פון פאליטיק, ליכוד אראפ צו #2 אין כנסת

[ישראל קאפקע]

אין א שאקירנדע טויש צו די פאליטישע מאפע אין מדינת ישראל, האט גדעון סער (Saar) די אינערן מיניסטער פון מדינת ישראל און נומער צוויי אין ליכוד די פירענדע פארטיי אין די קאאליציע, היינט געמאלדן זיין רעזיגנאציע פון פאליטיק,


אין פארנט פון א מאסע פון פינף הונדערט שאקירטע ליכוד אקטיוויסטן, האט סער געמאלדן אז ער גיט אויף זיין אמט אין די רעגירונג און די פארטיי,

סער האט אנגעגעבן פאמיליע סיבות -ער האט נארוואס געבוירן א אינגעלע- פארן אויפגעבן זיין אמט, 'צומאל דארף מען נעמען די אייגענע לעבן אין חשבון' האט געזאגט סער, וועמענ'ס רעביצין איז לעצטנס געווארן סוספענדירט פון טשענעל 1 פארן פארלעצן א פארבאט צו אינטערוויוען ליכוד מיטגלידער, אלס א קאנפליקט פון אינטערעסן, 'איך וויל פריוואטקייט, שטילקייט און פרייהייט, און מער צייט צו פארברענגען אין שטוב'

געוויסע ליכוד אקטיוויסטן האבן גלייך אנגעהויבן שפעקולירן אז ער רעזיגנירט צוליב זיינע אנגעצויגענע באציאונגען מיט נתניהו -וועמענ'ס נאמען ער האט נישט דערמאנט אין זיין רעדע- און געוויסע אנאליסטן האבן אנגעוויזן אז ער פלאנט אפשר צו לויפן קעגן נתניהו אין די קומענדע וואלן,
סער איז געווען א מעגליכע נאכפאלגער צום פרעמיער מיניסטער ביבי נתניהו, זיין רעזיגנאציע רעדוצירט די נומער פון ליכוד בענקלעך צו אכצן און מאכט ליכוד די צווייט גרעסטע פראקציע אין פארליאמענט נאך לפיד'ס יש עתיד (19)