חרדים ווילן יעצט קאנטראלן סיטיבאס עד'ס אין נא יארק??!!

[המלוכה והממשלה]

אין ירושלים איז שוין א אלטע פרשה אז חרדים פארפירן קעגן עד'ס וואס געפעלט זיי נישט אויף די שטאטישע אגד באסעס. אבער יעצט איז נא יארק אויף די רייע??

קאונסילמען דעיוויד גרינפעלד האט אריינגעגעבן א פארלאנג אז מ'זאל אראפנעמען עד'ס פון די סיטי באסעס וואס ווייזן פרויען אין אונטערוועש. טאקע נישט געשמאקע פאר היימישע אידן , אבער העי , ליוו וויט איט!!! אונז לעבן אין א מדינה פון מיליאנער מענטשן , וויפיל איז די שיעור צו פארלאנגען אז יעדער זאל זיך צושטעלן די די פאר חרדים? יעדער געט זיך א עצה מיט די רייצערישע עד'ס און נאר די פאר חרדים קענען נישט?!

חוץ וואס ס'איז איגאאיסטיש איז עס נישט פראקטיש. חרדים מאכן געניג צרות מיט אלע שווינדלערייען. ס'איז אומ'אחריותדיג זיך צו שטעלען אין די העדליינס פאר נארישקייטן.

[פישלע העררינג]

ס'נישט אינגאנצן אזוי. ער פארופט זיך אויף א פאליסי אינערהאלב די אגענטור זעלבסט וועלכער באשטעטיגט נישט פילע אנאנסען עטישע אדער לאקאלע סיבות. ער בעט צו באנוצען אן עקזיסטירנדע פאליסי.

[רויטע וואנצעס]

פישל, ריכטיג. ער טוט עס אבער אין נאמען פון חרדישע אידן, דוקא אין היימישע געגענטער. זאל ער בעטן מ'זאל בכלל אינפארסען די פאליסי אן אריינמישען ארטעדאקסיע.

[יואליש]

נעם עס נישט צי ערענסט. פאר גרינפעלד מיינט עס נאך א קעפעל אין דער בלאט און נאך אן ארטיקל אין משפחה, און א דערמאנונגס קאמפיין רעקלאמע איבער זיינע פילע לייסטונגן פאר חרידים, נאכאמאל אין דער בלאט, א וואך פאר עלעקשאן דעי. פאליטיקס וואן או וואן.


וואס ברויך שוין א כולל אינגערמאן פון א פאליטישאן אז ער זאל שפירן הכרות הטוב? קיין פראפערטי און וואלקענקראצער עפראוועלס ברויך ער נישט, סאו ער ברויך הערן אז דער קאנסילמאן לאזט זיך פאטאגראפירן נעבן יעדע האקענקרייץ גראפיטי, האלט אפ באראטונגן מיט פאליציי שעפן איבער שריפות חמץ און קעמפט פאר קדשתן של ישראל אין רעקלאמעס.

[Kool man]

און אויב וואלט געוועזען עדס אויף די באסעס אז מ'זאל חלילה הרג'ענען יודען? איז וואס? פארמאך דיינע אויגען ענד ליוו וויט איט. אה, ס'א סכנה פון טויט? גדול המחטיאו יותר מן ההורגו!

[חאצקעל שניידער]

כפריי מיר אזוי שטארק צוהערן אזא זאך ,המלוכה ודעמי׳ :וואס גייט עס ענק אזוי אן עטס וואלט ענק אויך געדארפט פרייען זענט איר נישט קיין חרד׳ישע אידן וואס היטן זיך פון ראיות אסורות ?! חוץ מזה דאס אז די גוים טוען דאס איז עס א אומווירגקייט ( נישט אזוי האט די רבי געטייטשט תועבה?) פון זיי , סאיז נישט נאר א פערזענליכע געברויך וואס אמבאלאנגט פארן היימישען עולם.

[ציבעלע-קיגל]

א באנדע בהמות. איבעראל שטיפען זייזיך אריין די נאז און רייצען זיך מיט די גוים. דאס איז אמעריקא און נישט א אידישע שטאט. דער באקאנטער בהמה (איך וויל נישט פורס בשמו זיין) וואס שרייט אלץ אז מדינת ישראל איז התגרות באומות זאל זיך דא אנרופען. ווייל דאס איז עס. מען וויל אידיש מאכען די גוי. וועגן דיינע פרומקייטען גייסטו נישט לאזען דער גוי פירן זיין ביזנעס. אויב עס געפעלט דיר נישט די עדס "קוק נישט" דו ביזט אין גלות.

אפשר נישט ווייל אזוי ווי מען געדענקט ווען מען האט פארברענט דער איד אין סקווער שטעטל אין א ריפארטער האט דארט געפרעגט א אינגערמאן ווי ער איז האט ער געשריגן "דיס איז דז'ו לענד.

דערנאך ווינדערט מען זיך פון עס קומט אזויפיל אנטיסמיטיזם

[געוואלדיג]

ציבעלע, זעהט אויס אז דו האסט דאס נישט געליינט,

ס'נישט אינגאנצן אזוי. ער פארופט זיך אויף א פאליסי אינערהאלב די אגענטור זעלבסט וועלכער באשטעטיגט נישט פילע אנאנסען עטישע אדער לאקאלע סיבות. ער בעט צו באנוצען אן עקזיסטירנדע פאליסי.

מען מעג שוין סטאפן צו זיין אזעלעכע סעלף העיטינג דזשוס.

במסתרים תבכה נפשי מפני גוה אמר רב שמואל בר איניא משמיה דרב מקום יש לו להקב''ה ומסתרים שמו מאי מפני גוה אמר רב שמואל בר יצחק מפני גאוותן של ישראל שניטלה מהם ונתנה לעובדי כוכבים. (חגיגה ה:)

[ציבעלע-קיגל]

מען מעג שוין סטאפן צו זיין אזעלעכע סעלף העיטינג דזשוס.

דאס איז נישט אידן און נישט אידישקייט. אין דער אלטער היים האט מען אויך געשריגען פוי א שיקסע? ניין מען האט זיך אוועקגעדרייט און נישט געקוקט. די אלע אזויגערופענע "קנאים" וואס מאכען דאס אידישקייט ווי פיסלאם, זענען די גרעסטע אנטיסעמעטן.

[Milk shake]

דו געדענקסט גענוי וואס איז געווען אין דערהיים? אינדערהיים האבן די קנאים פלענטי צלמים געבראכן, אדער געגנבעט, זיי האבן געוואלט פארמעקן תמונות תועבות, נאר דער אמאליגער גוי האט דאס נישט צוגעשטעלט.

[געוואלדיג]

[אין דער אלטער היים האט מען אויך געשריגען פוי א שיקסע? ניין מען האט זיך אוועקגעדרייט און נישט געקוקט. די אלע אזויגערופענע "קנאים" וואס מאכען דאס אידישקייט ווי פיסלאם, זענען די גרעסטע אנטיסעמעטן.

ואילו רב יהודה כי הוה שליף חד מסאניה אתי מטרא ואנן קא מצערינן נפשין ומצוח קא צוחינן ולית דמשגח בן אמר ליה קמאי הוו קא מסרי נפשייהו אקדושת השם אנן לא מסרינן נפשין אקדושת השם כי הא דרב אדא בר אהבה חזייה לההיא כותית דהות לבישא כרבלתא בשוקא סבר דבת ישראל היא קם קרעיה מינה אגלאי מילתא דכותית היא שיימוה בארבע מאה זוזי א''ל מה שמך אמרה ליה מתון אמר לה מתון מתון ארבע מאה זוזי שויא:

ברכות כ.

[עדיאל]

סבר דבת ישראל היא, אלמא אי הוה ידעא דכותית היא, הוה גניח דאין יד ישראל תקיפא ושבקה לה לנפשה.

[געוואלדיג]

ואי הוה שוויון זכיות והיה יכול למנוע בעדה ע"י הרשויות וחוקי הממשלה לא היה צריך למסור נפשו אלא לעשות ע"י חוקי הממשלה.

[עדיאל]

שוויון זכויות? דו ווייסט וויפיל די צדיקי אמת פון פריערדיגן דור האבן פארפירט אויף די א.ג. עמאנציפאצי"ע?
א גלות איד האט נישט קיין שוויון זכויות. שיין זע מיר אויס. מיר גיין רעכטשטעלן דעם גוי ביי אים אינדערהיים

[געוואלדיג]

אוי געוואלד צדיקי אמת פון פאריגע דור האבן אויך פארפירט וועגן באנען, סא גייסטו קיין באנען נישט נוצן,
וויבאלד דאס געזעץ זאגט אז מען דארף זיך רעכענען מיט עטנישע און רעליגיעזע גרופעס בנוגע אדוועטייזמענט, און מען קען דורך דעם היטן די אויגן איז דאס ריכטיג צו טוהן,

[געפילטע פיש]

ס'פלעגט מיר באדערען ווען עסקנים האבן אראפגענומען שמוציגע עדווערטייזמענטס אויף די גאסן, היינט בארכעשעם האב איך שוין אינטערנעט, גייט עס מיר שוין נישט אן, כ'קען זיך באגיין אן זיי.

[עדיאל]

שוויון זכויות באשטייט פון צוויי חלקים, די געדאנק און די פאקט. די פאקט חלק איז אזויווי דו זאגסט מיט די באנען, און כולל אלע טעכנאלאגיע דערין.
אזויווי טאכנאלאגיע בזמן הזה שטעלט פאר פרישע נסיונות פאר אידישקייט, ווי די אינטערנעט למשל. די ריכטיגע מניהיגים פארשטייען אז ס'נישט דא קיין סאך וואס צו טון, נאר זיך צו מחזק זיין אין אמונה און אין קדושה. דאס איבריגע אין לנו על מי להשען נאר אויף סיעתא דשמיא. אזוי אויך מיט די טעכניק פון אנהייב די אינדוסטריאלע רעוואלוציע, אין וואס צדיקים האבן געזען א סכנה פאר יהדות, אבער האבן משלים געווען מיטן מציאות אז אזוי גייט דער וועלט.
קיינער זאגט נישט אפ זיין בירגערשאפט, קיינער פארברענט נישט זיין ארץ העממים פאספארט, בנימוק איני מכיר בשווין זכויות. ס'איז א פאקט אז אידן זענען געווארן גלייכבארעכטיגטע בירגער, און שוין. איי ס'איז א שווער נסיון. מ'קען דאך חלילה גיין אין די שקאלעס אדער זיך אסימילירן. נו, פאר דעם בעט מען דאך ואל תביאנו לידי נסיון.
אבער דער אדיאל מוז מען דאך נישט אננעמען. דער גוי קען נישט ארויפצווינגען אויף אונז זיינע אויפגעקלערטע געדאנקן איבער מענטשן רעכטן. אזויווי חנניה מישאל ועזריה האבן געזאגט פאר נבוכדנצר, אויף אונזער נשמות קענסטו נישט שולט זיין.
אונזערע גופות זענען אין גלות, מוזן מיר אננעמען די אנטוויקלונגען פון באנען, אינטערנעט, און בירגערשאפט. אבער אונזערע נשמות זענען נאר אונזער. מיר אנערקענען נישט אינעם פרינציפ פון שוויון זכויות.
טאקע ווייל אונזערע נשמות זענען נישט גלות, גלייבן מיר אז אונזערע גופות זענען יא. מיר טארן נישט איינטיילן דעם גוי דא, אפילו נישט צו אינפארסירן זיינע אייגענע געזעצן.

[געוואלדיג]

און וואס וועט זיין מיטן ברך משה'ס יש דין בישראל, עס איז דא 911?

תכלית גערעדט אויב איז דא א רגולאציע און לויט די רעגולאציע קעען אונז בעסער היטן תורה ומצות דארף מען אוודאי דאס פראבירן נוצן, מעגליך אז זיי וועלן דאס פארשטיין בפשטות און גלייך מסכים זיין,

צו האלטסטו אויך אז מען האט נישט געדארפט פייטן די גזירה פון מציצה בפה כאטש עס איז קעגן די דעמאקראטישע געזעץ?

[עדיאל]

ברית מילה אפעקטירט דאך נישט דעם גוי. וואס איז דער צושטעל? מ'גייט שתדלן לבקש על עמי. אבער אריינרעדן בענייני העיר?

[געוואלדיג]

תכלית גערעדט אויב איז דא א רעגולאציע און לויט די רעגולאציע קענען אונז בעסער היטן תורה ומצות דארף מען אוודאי דאס פראבירן נוצן, מעגליך אז זיי וועלן דאס פארשטיין בפשטות און גלייך מסכים זיין,

נו אבער דאס איז זיכער גוט

[המלוכה והממשלה]

און אויב וואלט געוועזען עדס אויף די באסעס אז מ'זאל חלילה הרג'ענען יודען? איז וואס? פארמאך דיינע אויגען ענד ליוו וויט איט. אה, ס'א סכנה פון טויט? גדול המחטיאו יותר מן ההורגו!

וואס איז די חטא פון האבן נישט איידעלע פיקטשער'ס אויף באסעס? קוקן אויף די בילדער אויף צו זינדיגען איז א חטא. די חטא איז תלוי אין דיין מעשה נישט אין די עדווערטייזמענט. זיי א גרויסע יונגעל און קוק נישט!!

[געוואלדיג]

אין אפוטרופוס לעריות (חולין י"א:)

[חאצקעל שניידער]

ס'פלעגט מיר באדערען ווען עסקנים האבן אראפגענומען שמוציגע עדווערטייזמענטס אויף די גאסן, היינט בארכעשעם האב איך שוין אינטערנעט, גייט עס מיר שוין נישט אן, כ'קען זיך באגיין אן זיי.

נעבעך ,אפשר קענען זיי דיר העלפן https://guardyoureyes.com/

[געפילטע פיש]

אין אפוטרופוס לעריות (חולין י"א:)

א שיינע סלאגאן אבער עס צו ברענגען אהער איז אפגעלערענט פאלש פשט.

[געפילטע פיש]

ס'פלעגט מיר באדערען ווען עסקנים האבן אראפגענומען שמוציגע עדווערטייזמענטס אויף די גאסן, היינט בארכעשעם האב איך שוין אינטערנעט, גייט עס מיר שוין נישט אן, כ'קען זיך באגיין אן זיי.

נעבעך ,אפשר קענען זיי דיר העלפן https://guardyoureyes.com/

שקויעך. וואס שטעלן זיי צו, אויך שמוציגע בילדער?