א פארלוסט פאר די קראונס און קאלייטיס פאציענטן: דר. עיגאס

היימיש, לאקאל, און איבער דער וועלט

א פארלוסט פאר די קראונס און קאלייטיס פאציענטן: דר. עיגאס

הודעהדורך עולם » מיטוואך אפריל 22, 2015 8:49 pm

היינט צופרי איז נפטר געווארן א גאר וועלט בארימטע דאקטאר ר' שאול גרשון‏ עיגאס‏ ז"ל. באקאנט ביי פילע אלס Dr. Saul Agus‎ אין עלטער פון 72 יאר.
Dr. Saul Agus OBM.jpg
Dr. Saul Agus OBM.jpg (28.89 KiB) געזען געווארן 457 מאל


דר. עיגאס איז געווען א גאר בארימטע געסטרא-אינטעראלאדזשיסט דאקטאר, סערווירענדיג פאציענטן וואס ליידן בעיקר אויף די מחלות "קראונס" און "קאלייטעס". אבער אזוי אויך געווען א יחיד מומחה במלוא מובן המילא אין סיי וואספארא הינזיכט וואס עס האט געהאט מיטן מאגן/קישקעס.

דר. עיגאס האט געדינט אלס א געסטרא דאקטער אינעם בארימטן מאונט סיני שפיטאל אין ניו יארק, פאר אריבער "45" יאר!!! און די לעצטע יאר-צוויי פלעגט ער קומען קיין וויליאמסבורג קיין פארקעיר מעדיקעל צענטער ווי ער פלעגט זעהן פאציענטן וואס האבן זיך נישט געקענט ערלויבן צו צאלן די פרייזן וואס מ'צאלט אויף פינפט'ע עוועניו אין מאנהעטן ווי זיין פריוואטע אפיס איז געווען.

דר. עיגאס איז געווען א שומר תורה ומצות און האט פיין געקענט לערנען. ער פלעגט זייער אסאך רעדן מיט זיינע פאציענטן אין גמרא.. געדאווענט האט ער אין ביהמ"ד אהבת תורה, אין ענגעלוואד ניו דזשערסי, ווי ער האט געוואוינט.‏

ספעציעל נאנט איז ער געווען מיט אסאך רבנים ואדמורי"ם, גדולי התורה, וואס פלעגן זיך קומען אינטערזיכן ביי אים, ער האט זיי אפגעגעבן געוואלדיגע דרך ארץ און רעספעקט, און אלע האבן אים געשעצט.‏

דר. עיגאס האט זיך איבערגעגעבן פאר זיינע פאציענטן פיר-און-צוואנציג שעה א טאג, סיי מיטן קער נעמען פון זיי, מ'האט אים געקענט רופן סיי ווען און איז אייביג דא געווען ארויסצוהעלפן א צווייטע איד, און זייער אסאך מאל האט ער זיך ממש צוריסן מיטן זיך ארומשפילן מיט מעדעצינען, אלעס צו מאכן א פאציענט גרינגער, טראץ דעם וואס אנדערע דאקטוירים פלעגן זאגן ס'איז א שאד די צייט... 

פאר אונז‏‏ 'עול"ם' - עזרהוחיזוק לחולי מעים, אדער ביי אנדערע אלס JCCSG - Jewish Crohn's & Colitis Support Group איז ער א שטארקע פארלוסט, ער איז צו אונז אייביג געשטאנען צו הילף מיט סיי וואס ער האט געקענט, בעצה ותשועה, צו מ'האט דריגענד געדארפט האבן א דאקטער.
ער האט געדארפט אויפטרעטן איבער א יאר צוריק ביי א צוזאמקום, נאר צוליב געוויסע סיבות האט ער זיך געמוזט אפזאגן, מיר האבן אבער געהאפט אז ס'וועט צושטאנד קומען אין אן אנדערע געלעגענהייט...‏

זיין לוי' גייט פארקומען מארגן דאנערשטאג, ביים ביהמ"ד אהבת תורה, 240 Broad Avenue, Engelwood, NJ, 07631

זיין גוט הארץ און געטריישאפט צו אנדערע וועט אייביג געדענקט ווערן.

יהא זכרו ברוך!
באניצער אוואטאר
עולם
מאנשי שלומינו
מאנשי שלומינו
 
הודעות: 113
זיך רעגיסטרירט: פרייטאג אפריל 05, 2013 11:09 am
געפינט זיך: אינדערהיים, נישט אין שפיטאל ב"ה
האט שוין געלייקט: 40 מאל
האט שוין באקומען לייקס: 106 מאל

גיי צוריק אידישע און אלגעמיינע נייעס

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט