קען האדמו"ר ר' אהרן מסאטמאר מאכן שלום?

מהנעשה והנשמע אין די היימישע גאסן און הויפן
געדענקט!
ביטע זיך פרובירן האלטן אביעקטיוו און נישט אטאקירן אנדערע מעמבערס. לופטיגע הודעות וועלן נישט טאלערירט ווערן! קליקט דא צו זען די פרינציפן פון דעם פארום.

קען האדמו"ר ר' אהרן מסאטמאר מאכן שלום?

הודעהדורך ראובן » מאנטאג נאוועמבער 21, 2016 6:06 pm

מ'הערט ידיעות אז דער באקאנטער אדמו"ר פון קרית יואל ר' אהרן טייטלבוים מסאטמאר האט אין די לעצטע טעג אויסגעדרוקט זיין קנאת סופרים אויף זיין שוואגער האדמו"ר ר' ישראל האגער מוויזניץ, אויף דעם וואס ער האט באוויזן צו זיין א צד אין דער מחלוקת בבית וויזניץ אבער האט פונדעסטוועגן זיך מתגבר געווען אויף דער תאווה זיך צו שלאגן מיט זיין ברודער האדמו"ר ר' מענדל מוויזניץ. ר' אהרן קוקט צו ווי זיין שוואגער פירט א חסידות פון טויזנטער מענטשן, און ווי ער האט דאס אלעס באוויזן אן אריינשלעפן זיין ציבור אין א גרויסער מחלוקת. דאס האט אים געברענגט צו טראכטן וויאזוי ער קען דאס נאך אפשר באווייזן ביי זיך, און אנטוויקלען א שטיקל שלום מיט זיין ברודער האדמו"ר ר' זלמן לייב מסאטמאר.

כ'גלייב אז דער אזוי-גערופענער שלום וועט אנקומען גאנץ בקרוב, ווייל ביי דער יעצטיגער פונקט אין היסטאריע האט ר' אהרן שוין גארנישט צו פארלירן. קיין אנגייענדיגע קאמפן געשעען שוין כמעט נישט, ביידע פארטייען זענען אוועקגעשטעלט אין אלע ערטער וואו סאטמארער חסידים וואוינען, און דער ריזיגער שטח פונעם "ביהמ"ד החדש" אין וויליאמסבורג איז געפרוירן – אין יוצא ואין בא. א שלום קען נאר ברענגען א פאזיטיווער ווינט אין דער קהילה, און וועט נאך געבן "בראוני פוינטס" איבער דער וועלט פאר דעם רבי'ן וועלכער האט "געמאכט שלום". (פאר האדמו"ר ר' זלמן לייב איז עס אביסל מער קאמפליצירט, היות א גרויסער פראצענט פון זיין עולם קלעבט צו אים בלויז ווייל זיי האבן פיינט ר' אהרנ'ען – אבער דאס איז א שמועס פאר זיך.)

ווען ר' אהרן וועט דערקלערן שלום איז נישט קיין ספק אז ס'וועט טאקע זיין שלום ביי זיינע חסידים. הונדערטער פארווייטאגטע הערצער וואס האבן טענות ומענות אויף בני משפחה וואס האבן זיך געקליבן צום אנדערן צד וועלן פלוצלינג שפירן פיל לייכטער, און די באציאונגען וועלן א סך פארבעסערט ווערן. דאס איז א זאך וואס איז יעצט גאר שווער פאר פשוטי עם, ווייל דער רבי און זיינע נאנטע שטעלן אוועק דעם טאן, און אפילו איינער זאל מחליט זיין אז ער וועט נישט נעמען די מחלוקת צום הארצן, איז נאך אלץ לא ימלט אז ס'זאל נישט זיין א שטיקל קרירות אין הארץ. דאס איז אמת אפילו אין סאטמאר וואו די מחלוקת האט נישט געברענגט אזויפיל פירוד לבבות ווי אין אנדערע מקומות. מחלוקת שאדט גאר שטארק פאר משפחות, און דער פאקט אז ס'איז ערגער ביי אנדערע, נעמט נישט אוועק דעם חורבן וואס איז געשען דא.

פאר די לעצטע 18 יאר האבן די חסידים נישט געהאט דעם לוקסוס זיך ארויסצוזען פון דער מחלוקת מיט זייער אייגענעם ווילן. זיי האבן זיך געשלאגן פאר'ן רבי'ן ווען עס האט אויסגעפעלט, זיי האבן זיך פרייט מיט אים, געוויינט מיט אים, זיך באטייליגט ביי זיינע מסיבות, און געגעבן געלט צו בויען פאראלעלע קהילות אין די שטעט ווי דער ברודער האט מושל געווען. פלוצלינג, ווען דער רבי האט מחליט געווען אז אים לוינט זיך עס יעצט – אז ער האט שוין גארנישט צו פארלירן, נעמט ער זיך דעם רעכט צו געבן א פאכע מיט דער האנט: "שלום!"

שלום איז א פיינע זאך, און ס'איז טאקע העכסט צייט פאר שלום. אבער ס'איז ווידעראמאל א געלעגנהייט צו אריינצוטראכטן ווי ביים רבי'ן דרייט זיך אלעס ארום אים. קינדער וואס זענען געבוירן געווארן יענעם פסח ווען די סאטמארער מחלוקת האט אויסגעבראכן שטייען שוין אט אט אין שידוכים – א גאנצער דור האט ער ערצויגן מיט שנאה און השחתה, קארט קעיסעס, שמוציגע צייטונגען און פאשקעווילן, האטליינס, און פירוד לבבות. און יעצט, ווען ער האט שוין גארנישט צו פארלירן, וויל ער נאך זוכה זיין צו זיין א שיינער איד. א שלום-מאכער!

שלום ביים יעצטיגן מאמענט איז נאך א רינגל אין דעם קייטל פון זיינע אפארטוניסטישע מעשים. ביז יעצט האט זיך מיר געלוינט צו שלאגן; יעצט לוינט זיך מיר צו מאכן שלום. ר' איד, אויב איז געווען ריכטיג זיך צו שלאגן 18 יאר, זאלט איר מוחל זיין און זיך ווייטער שלאגן ביז'ן קבר אריין. אויב איז נישט געווען ריכטיג אנצוגיין מיט דעם הירוס אזויפיל יארן, דאן איז שלום נישט גענוג יעצט. דער רבי דארף זיך אויפשטעלן און האלטן א דרשה מיט א צעבראכענער שטימע, און וויינען אויף זיינע חטאים ופשעים פון די אלע יארן. ער דארף מודה זיין אז ער איז פארפירט געווארן פון דער עצת היצר, און בעטן זיינע חסידים אז זיי זאלן אים מוחל זיין פאר'ן זיי אריינשלעפן אין אזא חורבן. ערשט דאן קען ער בעטן זיינע חסידים אז זיי זאלן צוזאמען מיט אים מאכן שלום.

פערזענליך האף איך טאקע אויף אזא סצענע. דער רבי שטעלט זיך אויף, האט חרטה און נעמט אחריות אויף זיינע מעשים, און מאכט שלום. דאס הייסט א שלום, און אויף דעם קומט קרעדיט. נאר מיר ווייסן אוודאי, אז אויב וועט טאקע א שלום צושטאנד קומען וועט עס קומען מיט א באפעל פון אויבן. דער וואס האט ביז יעצט באפוילן אז מ'זאל זיך שלאגן, באפעלט יעצט אז מ'זאל זיין בשלום. דער רבי וועט מאכן א וויזיט ביים ברודער, קאמעראס וועלן בליצלן, בילדער-מאגאזינען וועלן ארומפליען איבער דער וועלט, און חסידים ואנשי מעשה וועלן אויסלויבן דעם צדיק וואס האט באוויזן צו מאכן שלום.
באניצער אוואטאר
ראובן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1712
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2243 מאל
האט שוין באקומען לייקס: 6916 מאל

הודעהדורך יואליש » מאנטאג נאוועמבער 21, 2016 6:49 pm

יעדער עהרליכע איד ומדקדק בקלה כבחמורה איז מקפיד מקיים צו זיין דעם כל מחלוקת שאינה לשם שמים אין סופה להתקיים.

ערענסט גערעדט, אבער, די מחלוקת שלא לשם שמים איז די פראבלעם, נישט די שלום שלא לשם שמים. ס'איז קיינמאל פארהאן א שלעכטע סיבה צו זיין רודף את השלום.
רעדאגירט געווארן צום לעצט דורך יואליש אום מאנטאג נאוועמבער 21, 2016 11:23 pm, רעדאגירט געווארן איין מאל בסך הכל.
באניצער אוואטאר
יואליש
חבר ותיק
חבר ותיק
 
הודעות: 2423
זיך רעגיסטרירט: זונטאג אפריל 22, 2012 7:36 pm
האט שוין געלייקט: 1555 מאל
האט שוין באקומען לייקס: 3607 מאל

הודעהדורך איך אויך » מאנטאג נאוועמבער 21, 2016 7:13 pm

ראובן, די סאטמאר-וויזניץ אנאלאגיע גייט נאך טיפער. ביי ביידע האט מען קלאר געזעהן די צפיה צום יקרבו ימי אבל אבי און ביי ביידע איז געשעהן א שטוינענדע בליץ מהפכה.

ר''א איז דאך אלע יארן געווען פאניע בראט מיט משה גבאי מיט וועם ער האט צוזאמען פלאנירט אלע סאטמארע טעראר שטיק. און ר''מ האט געשיצט די וואס האבען בידים אראפגעקוילערט פון אלע טרעפ ר' ישראלטשע ווען ער האט פראבירט אנצוקומען צום טאטן נא אזויפיל יארן נע ונד.
Follow The Money ׁׂ(מרן Deep Throat ז''ל)
איך אויך
חבר ותיק
חבר ותיק
 
הודעות: 5081
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 6196 מאל
האט שוין באקומען לייקס: 2250 מאל

Re: קען האדמו"ר ר' אהרן מסאטמאר מאכן שלום?

הודעהדורך פליקער » מאנטאג נאוועמבער 21, 2016 7:24 pm

בלוט זאל גיסן אבער שלום זאל זיין.
Stay away from negative people
they have a problem for every solution

קענסער קאפיטל 1 (הקדמה) קענסער 2 קאפיטל 3קאפיטל 4קאפיטל 5
באניצער אוואטאר
פליקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1566
זיך רעגיסטרירט: פרייטאג פעברואר 28, 2014 1:45 pm
האט שוין געלייקט: 1039 מאל
האט שוין באקומען לייקס: 3183 מאל

הודעהדורך גאנצל » מאנטאג נאוועמבער 21, 2016 9:04 pm

איך כאפ נאך נישט פונקטליך די קנאת סופרים צו אדמו"ר מוויזניץ, ר' מענדעלע האט דאך ווי א טאטעלע זיך אפגעטראגן

אדמור מוויזניץ ןכן האדמור מטאהש האבן זיך געלערנט פון סאטמאר און באבוב אז ס'איז זיך נישטא פארוואס צו שלאגן ס'לוינט זיך נישט פיינענשעלי און וואס מכאפט האט מען סיי ווי

אגב ר' אהרן האט נישט מיט וועם צו שלום מאכם ווייל רז"ל מיט זיין סוויטע וועלן האבן נישט פארוואס דאס צו זוכן

איך זעי נישט אויף וואס ר' אהרן דארף זיך דא אויפשטעלן זאגן חטאתי ווען די 'גאנצע עצם' מחלוקה איז געווען נאר 'אים' צו ראטעווען סאו זיינע חסידים קענען ניט האבן קייו טענות ווייל זיי האבן דאך געוואלט אים ראטעווען פון אנקומען אין פלעטבוש

ראובן אזוי גלייכגילטיג מאכן הנחות און דרייען נישט ווייט פארגאנגענע היסטאריע און לויט דעם בויען הנחות איז א קונץ די גרעסטע שררייבער וואלטן געווארט עטליסט אז אידן וואס זענען יעצט און די דרייסיגער און אפ זאלן אנהויבן וועפן

נץבץ איך וואלט די שורות נישט געדארפט שרייבן משום כמה סיבות אבער שקר און בול שיט בלאף און היסטערי פארדרייעכץ ברויך נאטירלעך פארשריגן ווערן
גאנצל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1674
זיך רעגיסטרירט: דאנערשטאג יולי 11, 2013 1:18 pm
האט שוין געלייקט: 308 מאל
האט שוין באקומען לייקס: 797 מאל

הודעהדורך איך אויך » מאנטאג נאוועמבער 21, 2016 9:25 pm

גאנצל האט געשריבן: שקר און בול שיט בלאף און היסטערי פארדרייעכץ ברויך פארמעגליך פארשריגן ווערן
רעדאגירט געווארן צום לעצט דורך איך אויך אום דינסטאג נאוועמבער 22, 2016 7:10 am, רעדאגירט געווארן איין מאל בסך הכל.
Follow The Money ׁׂ(מרן Deep Throat ז''ל)
איך אויך
חבר ותיק
חבר ותיק
 
הודעות: 5081
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 6196 מאל
האט שוין באקומען לייקס: 2250 מאל

Re: קען האדמו"ר ר' אהרן מסאטמאר מאכן שלום?

הודעהדורך א איד » מאנטאג נאוועמבער 21, 2016 9:57 pm

ווי לאנג גייט געדויערן, ביז די אשכול גייט אנקומען אין צימעס?
מאך נישט קאליע די מעשה מיט אמת'ע פאקטן - אבער פונעם אמת וועל איך זיך בשום אופן נישט בייגן.
באניצער אוואטאר
א איד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1224
זיך רעגיסטרירט: מיטוואך אפריל 25, 2012 1:25 pm
געפינט זיך: אויפן אנדערן זייט סמבטיון
האט שוין געלייקט: 587 מאל
האט שוין באקומען לייקס: 728 מאל

הודעהדורך ירמי' » מאנטאג נאוועמבער 21, 2016 10:39 pm

איך געדענק נישט קיין פלאן צו גיבן די רבנות אין פלעטבוש פאר ר' אהרן דעמאלטסדיגע קרית יואלע רב.

אלס איינער וואס איז געווען ערוואקסען און מיט געהאלטן פון די נאנט פון די סאמע אנפאנג פאליטיק, געדענק איך נישט אז מען זאל עם וועלן אוועקנעמען די רבנות אין קר"י.
בסך הכל איז די רעדע אייביג געווען פון רבנות אין ווילימסבורג, און די רבי די ברך משה פלעגט אלס רעדן אז ר' אהרן אין קר"י און רז"ל אין ווילימסבורג, און די צוואה צו עס איז פאלש צו נישט ווערט אויך נאר דערמאנט די ווילימסבורג רבנות, זעהט מען קלאר אז די גבאים האט נישט געשטערט אז ער בליבט רבי אין קר"י.

מיר געדענקן נאך ווי ר' אהרן האט פון אנפאנג מקבל געווען אז רז"ל איז רב אין ווילימסבורג און דאס פראקלאמירט ברבים.
און ווען ער בלייבט מיט די טאן וואלט ער בעסער געשטאנען היינט.

באמת גרוילט מיר צו רעדן פון די נושא אבער ווי זאגט @גאנצל
איך אויך האט געשריבן:
גאנצל האט געשריבן: שקר און בול שיט בלאף און היסטערי פארדרייעכץ ברויך פארמעגליך פארשריגן ווערן
שאלת. איך הדרך לאמונת חכמים. תשובה: אמונת חכמים תלויה באמונת החכמה בכלל.
קו"א ח"א מכתב קפב
ירמי'
מאנשי שלומינו
מאנשי שלומינו
 
הודעות: 37
זיך רעגיסטרירט: מוצ"ש מערץ 12, 2016 10:37 pm
האט שוין געלייקט: 4 מאל
האט שוין באקומען לייקס: 47 מאל

הודעהדורך נולד מאוחר » מאנטאג נאוועמבער 21, 2016 10:45 pm

סאיז שרעקעדיגע נייעס, דאס מיינט אז די פאראייניגטע סאטמארע טאראר קומט צירוק?
נולד מאוחר
חבר ותיק
חבר ותיק
 
הודעות: 3577
זיך רעגיסטרירט: מאנטאג אפריל 09, 2012 9:21 pm
האט שוין געלייקט: 3800 מאל
האט שוין באקומען לייקס: 1625 מאל

הודעהדורך berlbalaguleh » מאנטאג נאוועמבער 21, 2016 10:58 pm

ראובן: איך האב דיר געגעבן א לייק ווייל דו האסט ארויפגעברענגט די נושא. מיט אלע איבריגע סטעיטמענטס און הנחות וואס דו לייגסט דא אראפ ביניך אינגאנצן נישט מסכים.

איך בין נישט אזוי ווי מיין רבי, ר' סענדער דער דייטש זכותו יגון עלינו. איך האב נישט די כוחות. ער האט, נאכדעם וואס ק"ק סאקמער האט אנגעשטעלט א גוט שטיקל מיט רדיפות און ליצנות פון גדולים און צדיקים, ארויסגעגעבן א..."קונטרס הסברה"... וואו ער האט מסביר געווען בטוב טעם פארוואס מ'האט יענעם רב אדער רבי'ן געלייגט אין ד'רערד.

אויך איז דער מצב דא אינגאנצן אנדערש. ראשית כל. הר"ר אהרן שליט"א האט נישט געפיהרט קיין מלחמה מיט קיינעם לשם תאוות השררה. די גאנצע קאמפיין וואס ער האט אנגעפיהרט די אלע יארן איז געווען א דעפענסיווע מלחמה. כידוע, אז ר' משה פרידמאן/גבאי הי"ו האט געלאזט פאללן א סטעיטמענט אז ר' אהרן וועט אפשר זיין א רב אין א קליין בית מדרש'ל אין פלעטבוש. און פארשטייצעך אז ער האט געהאט זיינע אנהענגערס. און ווער שמועסט נאך אז די אנשי בליעל די אזוי-גערופענע בני יואל האבן געפיהרט א היציגן קאמף אקעיגן איהם און דעם ברך משה זצ"ל. זיי , די אלע אנשי מריבה האבן איהם געוואלט בארויבן פון זיין חלק אין די ירושה פונ'ם דברי יואל, זצ"ל. און ס'איז אלעס צוגעגאנגען מיט די גרעסטע בזיונות, אן חס צו זיין אויף זיין כבוד און די כבוד פון זיין משפחה און זיינע חסידים.

ממילא האט ער געמוזט פיהרן א שטארקן קאמפיין, וועלכעס האט בעז"ה מצליח געווען און געלייגט די שונאים אויף זייער פלאץ. היינט, ווען מ'קוקט צו אז אפילו אינמיטן דעם קאמפיין וואס מ'האט אנגעפיהרט אקעיגן די שונאי שנאת חינם, האטציך ב"ה די קהילה געבויעט מיט בתי מדרשים און ישיבות אויף פארשידענע דרגות, און כוללים. בשעת דער צווייטער צד (צד רז"ל) איז נאר נאכגעטאנצן. און אויך פרוביט צו מאכן ענליכע מוסדות. און לאמיר שוין נישט רעדן וויפיל שוועריגקייטן זיי האבן געמאכט (מיט מסירות, וד"ל) בשעת מ'האט געבויעט דעם ביהמ"ד אויף קיעפ סטריעט.

איך גיי שוין נישט רעדן פונ'ם חילוק אין די כישרונות ההנהגה און ידיעות התורה פון מהר"א און רז"ל. ממילא לאמיר קוקן ווער ס'קומט צום טיש מיט א גרעסערן און שטערקערן חלק פון זכות הנהגה. און אויב מהר"א שליט"א באשליסט צו מאכן א פאליטישן און אמת'דיגן שלום קומט דאס באגריסט צו ווערן.

יה"ר אז ס'זאלל מקויים ווערן די ברייתא...? א"ר אלעזר, אמר ר' חנינא, תלמידי חכמים מרבים שלום בעולם...און אזוי ווי די משנה זאגט...אין לך כלי מחזיק ברכה יותר מן השלום...אמן...!
באניצער אוואטאר
berlbalaguleh
חבר ותיק
חבר ותיק
 
הודעות: 9358
זיך רעגיסטרירט: דינסטאג יולי 17, 2012 12:57 pm
האט שוין געלייקט: 10234 מאל
האט שוין באקומען לייקס: 5649 מאל

הודעהדורך ירמי' » מאנטאג נאוועמבער 21, 2016 11:06 pm

מיט א מימרא'לע וואס מתאמריה משמיה פון די גבאי משה וואס ער האט געזאלט צו זאגן פארענטפערט נאכנישט די מעשים.

פאקטיש איז קיינמאל קיין שטער געווען מתחילה צו די רבנות אין קרית יואל קיינמאל קיין דרשות געווען און אויך קיין מעשים.
און מצד די גבאי משה אויך קיינמאל. אלע דרשות והזהרות איז געווען כלפי ווילימסבורג אין די ערשטע עטליכע יאר.

און ווען ר' אהרן וואלט זיך באגנוט מיט תפשת מיעוט אין קרית יואל וואלט ער אסאך שענער געשטאנען און זיין ברודער וואלט נישט אנגעקומען צו האלב ווי ער שטייט היינט.
שאלת. איך הדרך לאמונת חכמים. תשובה: אמונת חכמים תלויה באמונת החכמה בכלל.
קו"א ח"א מכתב קפב
ירמי'
מאנשי שלומינו
מאנשי שלומינו
 
הודעות: 37
זיך רעגיסטרירט: מוצ"ש מערץ 12, 2016 10:37 pm
האט שוין געלייקט: 4 מאל
האט שוין באקומען לייקס: 47 מאל

הודעהדורך ירמי' » מאנטאג נאוועמבער 21, 2016 11:38 pm

צום נושא האשכול וועל איך מיטטיילען מיינע אבזערוואציעס פון די לעצטע צייט.

איך באגעגן זיך מיט האדמו"ר מהר"א פון צייט צו צייט סיי ארומגענומען מיט מאות חסידיו און סיי מער אויף א פריוואטע פארנעם, האב איך באמערקט לעצטענס אז זיין זעלבסט ווירדע האט זיך היבש געביטן, פון אן אמאליגע מלכות'דיגע כאראקטער כל כולו אומר כבוד, טראץ זיינע נאטורן ווי רעדן הויך ושלא מן הענין והזמן, וואס איז לאוו דווקא מן הנימוס בפרט פאר א מנהיג פון א גרויסע עדה, פארט האט געשפראצט פון עם מלכות, אזוי אויך זיינע מענטשען די גבאים האבן געהאט א יראת הכבוד ווען ער איז אנגעקומען ערגעץ האט זיך דערקענט אן אימה ויראת הכבוד כעומדים לפני המלך,
דאס אלעס איז נישטא ער איז אינערליך אנידערגעשלאגן און ער האט שוין נישט די מלכות פאוער און זיינע נאנטע מענטשען זעהט מען לאכן צווישען זיך ביליגערהייט ווען ער וויל עפעס בעטן דארף ער בפועל זיי רופען אנשטאט א ווינק.

און למעשה זעהט זיך דאס אן ביי די דרשות פומבי וואס אמאל איז דאס געווען פול מיט חידושים און תקנות פון מתקן זיין די וועלט, און אלעס האט זיך אויסגעלאזט ווי א זייף באלון, זיינע דרשות זענען סאליד און מיט כמעט חידושים.

דאס קען זיין א שטארקע פאקטאר צו זיין שלום זיכעריי למעשה ער מאכט זיך א חשבון וואס ער האט אויפגעטון מיט די מחלוקת וואס ער האט פארדינט דערמיט, דערזעהט ער זיך אז די ברודער איז א שטארקע נאמבער אין די וועלט און געווען מהעומדים הראש ביי די גרעסטע כינוס אפגעזען די סיבה פארוואס ער האט אפגעזאגט, האט עס למעשה זיין קליינע ברודער געמאכט אז ער איז א חלק פון די וועלט רבי'ס און עס גיט עם א שטארקע אימעדש וכדו' און למעשה פילט ער זיך אויסגעשפילט, אנדערש פון האדמור מבאבוב וואס זיכט דירעקט נישט צו זיין פון די וועלט באזארגערס, איז אונזער צדיק פון יא די טייג געקנאטן, און עס באדערט עם אז ער איז למעשה אונדרויסען, מיט זיינע סיבות משום קנאות איז ער א קול קורא במדבר.

נאך א חלק וואס קען צושפילען איז וואס די מאכער'ס טוישען זיך דור הולך ודור בא און די היינטיגע זעהן נישט קיין תועלת פון נאגעטיווע שריט ענדערש אויף א פאזיטיווע אופן, בפרט בפטירת הראש הקהל וואס ער איז אלס געווען העומד בראש.
שאלת. איך הדרך לאמונת חכמים. תשובה: אמונת חכמים תלויה באמונת החכמה בכלל.
קו"א ח"א מכתב קפב
ירמי'
מאנשי שלומינו
מאנשי שלומינו
 
הודעות: 37
זיך רעגיסטרירט: מוצ"ש מערץ 12, 2016 10:37 pm
האט שוין געלייקט: 4 מאל
האט שוין באקומען לייקס: 47 מאל

הודעהדורך אישתישבי » דינסטאג נאוועמבער 22, 2016 5:30 am

אנדרעש ווי אלע וואס לייגען בוקי סרוקי אויף קדוש ישראל ר' אהרן, בין איך אבער מחולק מיט ראובן, שלום מעג זיין שלא לשם שמים, אין הכי נמי, די אמת'ע תשובה וואלט געוועהן א הודאה פין ביידע רבי'ס צום עולם, איך האב ענק מכשיל געוועהן מיט מיינע תאוות, און ענק אריין געצויגען אין מיינע רשעות. אבער א פאלשע שלום איז פארט בעסער ווי א אמת'ע מחלוקת.
אישתישבי
ידיד השטיבל
ידיד השטיבל
 
הודעות: 317
זיך רעגיסטרירט: מיטוואך מערץ 09, 2016 12:19 am
האט שוין געלייקט: 12 מאל
האט שוין באקומען לייקס: 172 מאל

הודעהדורך איסר האטלקי » דינסטאג נאוועמבער 22, 2016 6:08 am

אויך מיר א פארגלייך צו וויזניץ.
מיט וואס איז האדמו״ר ר׳ ישראל א צדיק?
וואס האט ער געגעבן דעם ברודער אויסער דעם נאמען וויזניץ?
וואס האט אים האדמו״ר ר׳ מענדל צוגענומען אויסער אפאר משוגעים?
קיין פרוטה אחת, קיין האלבער בעסמענט, און קיין שום חפץ ירושה.
איז פארוואס איז געווען א הוא אמינא אז האדמו״ר ר׳ ישראל זאל אים פייטן?
און דאס אלעס איז נאך וואס האדמו״ר ר׳ מענדל האט אלעס געהאט פאר וויפיל יאר?....
איך מוטשע מיר שוין מיט דעם יארן, אדרבה, אויב איינער קען מיר מסביר זיין.
רעדאגירט געווארן צום לעצט דורך געוואלדיג אום דינסטאג נאוועמבער 22, 2016 1:23 pm, רעדאגירט געווארן איין מאל בסך הכל.
סיבה: צוגעלייגט פאסיגע תוארי כבוד
איסר האטלקי
ידיד השטיבל
ידיד השטיבל
 
הודעות: 240
זיך רעגיסטרירט: מאנטאג מאי 23, 2016 2:00 am
געפינט זיך: צווישן קאסוב אין וויזניץ
האט שוין געלייקט: 71 מאל
האט שוין באקומען לייקס: 95 מאל

הודעהדורך שטאפענע קאפעליטש » דינסטאג נאוועמבער 22, 2016 8:50 am

איסר האטלקי האט געשריבן:אויך מיר א פארגלייך צו וויזניץ.
מיט וואס איז ישראל א צדיק?
וואס האט ער געגעבן דעם ברודער אויסער דעם נאמען וויזניץ?
וואס האט אים מענדל צוגענומען אויסער אפאר משוגעים?
קיין פרוטה אחת, קיין האלבער בעסמענט, און קיין שום חפץ ירושה.
איז פארוואס איז געווען א הוא אמינא אז ישראל זאל אים פייטן?
און דאס אלעס איז נאך וואס מענדל האט אלעס געהאט פאר וויפיל יאר?....
איך מוטשע מיר שוין מיט דעם יארן, אדרבה, אויב איינער קען מיר מסביר זיין.

פשוט, ביים ליינען די ארטיקעל ליין מענדל אנשטאט ישראל.
אזוי האב איך געטוען, מאכט מער סענס
באניצער אוואטאר
שטאפענע קאפעליטש
ידיד השטיבל
ידיד השטיבל
 
הודעות: 213
זיך רעגיסטרירט: מיטוואך אוגוסט 27, 2014 11:45 pm
האט שוין געלייקט: 154 מאל
האט שוין באקומען לייקס: 362 מאל

Re: קען האדמו"ר ר' אהרן מסאטמאר מאכן שלום?

הודעהדורך גראף » דינסטאג נאוועמבער 22, 2016 10:26 am

@איסר האטלקי נאר פאר איהם נישט דערגיין די יארן נאך אלע רשעות וואס ער האט איהם געטוהן קומט זיך איהם די טיטל צדיק - אדער כאטש א ר'. אבער למעשה האט ער איהם באשיצט פון זיינע שונאים און מאכט נאך זיכער ער זאל באקומען כבוד. ר' ישראל איז טאקע א צדיק.
גראף
היימישער באניצער
היימישער באניצער
 
הודעות: 396
זיך רעגיסטרירט: זונטאג אפריל 06, 2014 4:10 am
געפינט זיך: אויפן גיט אין דער אלטע הײם
האט שוין געלייקט: 215 מאל
האט שוין באקומען לייקס: 191 מאל

הודעהדורך signout » דינסטאג נאוועמבער 22, 2016 1:40 pm

ירמי' האט געשריבן:איך געדענק נישט קיין פלאן צו גיבן די רבנות אין פלעטבוש פאר ר' אהרן דעמאלטסדיגע קרית יואלע רב.

אלס איינער וואס איז געווען ערוואקסען און מיט געהאלטן פון די נאנט פון די סאמע אנפאנג פאליטיק, געדענק איך נישט אז מען זאל עם וועלן אוועקנעמען די רבנות אין קר"י.
בסך הכל איז די רעדע אייביג געווען פון רבנות אין ווילימסבורג, און די רבי די ברך משה פלעגט אלס רעדן אז ר' אהרן אין קר"י און רז"ל אין ווילימסבורג, און די צוואה צו עס איז פאלש צו נישט ווערט אויך נאר דערמאנט די ווילימסבורג רבנות, זעהט מען קלאר אז די גבאים האט נישט געשטערט אז ער בליבט רבי אין קר"י.

מיר געדענקן נאך ווי ר' אהרן האט פון אנפאנג מקבל געווען אז רז"ל איז רב אין ווילימסבורג און דאס פראקלאמירט ברבים.
און ווען ער בלייבט מיט די טאן וואלט ער בעסער געשטאנען היינט.

באמת גרוילט מיר צו רעדן פון די נושא אבער ווי זאגט @גאנצל
איך אויך האט געשריבן:
גאנצל האט געשריבן: שקר און בול שיט בלאף און היסטערי פארדרייעכץ ברויך פארמעגליך פארשריגן ווערן

אינטערסאנט, ווי מ'האלט שוין אזויפיל יאר אריבער אין מ'קען שוין שרייבן וואס ביז פאר עטליכע יאר צירוק וואלטן מען די שרייבער אנגעקוקט פאר אן אינדיג/לויפער סטייל ליגנער, @ירמי' שרייבט כאילו מ'רעדט בס''ה פין רבנות אין וומ''ס, ווער געדענקט די אינוואזיע אין סאטמאר ב''פ אין נאכפאלגענדע טוישן גבאים פראוו, די פראוו איבערצונעמן די מוסדות אין בני ברק וואס איז נאך היינט געפרוירן אין בג''ץ, די פארכאפונג פין די ת''ת אין לאנדאן, ביהמ''ד אין אנטווערפן, מוסדות אין ירושלים, פראוו פין כאפען די מתיבתא בנינים, די פארכאפונג פין בית החיים, ביהמ''ד אין מאנטריאל, וכו' ווי מהרז''ל האט פראבירט אדער באוויזן צו כאפען 'אינדרויסן' פין וומ''ס, מען האט תשנ''ט געדארפט זיין בלונד צו זעהן וואס די פלאן איז, אין ווען ס'וואלט געלונגען פאר צד מהרז''ל צו האלטן דעם ציבור חסידים פין ברך משה בלינד וואלט עס זיכער געשעהן, איין טאג וועט מען גאר הערן אז מהרז''ל איז אלס געווען רב אין וומס''ב אין מהר''א איז געווען רב אין סיגוט ב''פ וכו'
רעדאגירט געווארן צום לעצט דורך signout אום דינסטאג נאוועמבער 22, 2016 1:48 pm, רעדאגירט געווארן איין מאל בסך הכל.
באניצער אוואטאר
signout
ידיד ותיק
ידיד ותיק
 
הודעות: 690
זיך רעגיסטרירט: מיטוואך נאוועמבער 21, 2012 3:50 pm
האט שוין געלייקט: 1512 מאל
האט שוין באקומען לייקס: 183 מאל

הודעהדורך signout » דינסטאג נאוועמבער 22, 2016 1:44 pm

ירמי' האט געשריבן:מיט א מימרא'לע וואס מתאמריה משמיה פון די גבאי משה וואס ער האט געזאלט צו זאגן פארענטפערט נאכנישט די מעשים.

פאקטיש איז קיינמאל קיין שטער געווען מתחילה צו די רבנות אין קרית יואל קיינמאל קיין דרשות געווען און אויך קיין מעשים.
און מצד די גבאי משה אויך קיינמאל. אלע דרשות והזהרות איז געווען כלפי ווילימסבורג אין די ערשטע עטליכע יאר.

און ווען ר' אהרן וואלט זיך באגנוט מיט תפשת מיעוט אין קרית יואל וואלט ער אסאך שענער געשטאנען און זיין ברודער וואלט נישט אנגעקומען צו האלב ווי ער שטייט היינט.

היטלער האט אויך נישט געוואלט כאפען די וועלטס מאכט, נאר געווען א מימרא'לע.. (סארי פאר די עקזעמפל) פאקטיש האט צד מהרז''ל עטליכע מאל געפראווט איבערצונמען אין צוברעכן די הנהגה אין קרית יואל, אבער יעדעס מאל צום סוף דורכגעפאלען, א גרויס חלק דערפון איז באקאנט פאר יעדן, לדוגמא, ווען צד מהז''ל האט אפגעמאכט צו טוישן גבאים אדער ארויסווארפן מענטשן פין ביהמ''ד אין קרית יואל אין זיך באניצט אז דער ברך משה האט געהייסן האט מען געוויזן וואס ב''פ האט נאכדעם געוויזן, אין ווען צד מהרז''ל האט געוואלט איבערנעמן די וויליזש אין אויך די וועד הקרי' אין קרית יואל האט אים רוב ציבור געוויזן די וועג, אפגערעדט אז די שטח פין ביהמ''ד הגדול האט צד מהר''א אין די לעצטע מיניט געראטעוועט, אין הויז פין ברך משה אין קרית יואל איז אויך שוין געווען אין די האנט פין מהרז''ל, ווער ס'געדענקט ווי די קווינס בחורים פלעגן זיצן שבתים, אזוי אויך מיטן בית החיים אין נאך אסאך מער וואס דער ציבור האט אפילו נישט מיטגעהאלטן
רעדאגירט געווארן צום לעצט דורך signout אום דינסטאג נאוועמבער 22, 2016 2:07 pm, רעדאגירט געווארן איין מאל בסך הכל.
באניצער אוואטאר
signout
ידיד ותיק
ידיד ותיק
 
הודעות: 690
זיך רעגיסטרירט: מיטוואך נאוועמבער 21, 2012 3:50 pm
האט שוין געלייקט: 1512 מאל
האט שוין באקומען לייקס: 183 מאל

הודעהדורך signout » דינסטאג נאוועמבער 22, 2016 1:49 pm

ירמי' האט געשריבן:צום נושא האשכול וועל איך מיטטיילען מיינע אבזערוואציעס פון די לעצטע צייט.

איך באגעגן זיך מיט האדמו"ר מהר"א פון צייט צו צייט סיי ארומגענומען מיט מאות חסידיו און סיי מער אויף א פריוואטע פארנעם, האב איך באמערקט לעצטענס אז זיין זעלבסט ווירדע האט זיך היבש געביטן, פון אן אמאליגע מלכות'דיגע כאראקטער כל כולו אומר כבוד, טראץ זיינע נאטורן ווי רעדן הויך ושלא מן הענין והזמן, וואס איז לאוו דווקא מן הנימוס בפרט פאר א מנהיג פון א גרויסע עדה, פארט האט געשפראצט פון עם מלכות, אזוי אויך זיינע מענטשען די גבאים האבן געהאט א יראת הכבוד ווען ער איז אנגעקומען ערגעץ האט זיך דערקענט אן אימה ויראת הכבוד כעומדים לפני המלך,
דאס אלעס איז נישטא ער איז אינערליך אנידערגעשלאגן און ער האט שוין נישט די מלכות פאוער און זיינע נאנטע מענטשען זעהט מען לאכן צווישען זיך ביליגערהייט ווען ער וויל עפעס בעטן דארף ער בפועל זיי רופען אנשטאט א ווינק.

און למעשה זעהט זיך דאס אן ביי די דרשות פומבי וואס אמאל איז דאס געווען פול מיט חידושים און תקנות פון מתקן זיין די וועלט, און אלעס האט זיך אויסגעלאזט ווי א זייף באלון, זיינע דרשות זענען סאליד און מיט כמעט חידושים.

דאס קען זיין א שטארקע פאקטאר צו זיין שלום זיכעריי למעשה ער מאכט זיך א חשבון וואס ער האט אויפגעטון מיט די מחלוקת וואס ער האט פארדינט דערמיט, דערזעהט ער זיך אז די ברודער איז א שטארקע נאמבער אין די וועלט און געווען מהעומדים הראש ביי די גרעסטע כינוס אפגעזען די סיבה פארוואס ער האט אפגעזאגט, האט עס למעשה זיין קליינע ברודער געמאכט אז ער איז א חלק פון די וועלט רבי'ס און עס גיט עם א שטארקע אימעדש וכדו' און למעשה פילט ער זיך אויסגעשפילט, אנדערש פון האדמור מבאבוב וואס זיכט דירעקט נישט צו זיין פון די וועלט באזארגערס, איז אונזער צדיק פון יא די טייג געקנאטן, און עס באדערט עם אז ער איז למעשה אונדרויסען, מיט זיינע סיבות משום קנאות איז ער א קול קורא במדבר.

נאך א חלק וואס קען צושפילען איז וואס די מאכער'ס טוישען זיך דור הולך ודור בא און די היינטיגע זעהן נישט קיין תועלת פון נאגעטיווע שריט ענדערש אויף א פאזיטיווע אופן, בפרט בפטירת הראש הקהל וואס ער איז אלס געווען העומד בראש.
נאכדעם וואס די האסט שוין געוויזן ווי די באלאנגסט אין ווי שטארק דיין דמיון גייט, איז שוין א שאד דיינע פרישע, #פארמעגליך היידפארק אלערט
באניצער אוואטאר
signout
ידיד ותיק
ידיד ותיק
 
הודעות: 690
זיך רעגיסטרירט: מיטוואך נאוועמבער 21, 2012 3:50 pm
האט שוין געלייקט: 1512 מאל
האט שוין באקומען לייקס: 183 מאל

הודעהדורך signout » דינסטאג נאוועמבער 22, 2016 1:52 pm

איסר האטלקי האט געשריבן:אויך מיר א פארגלייך צו וויזניץ.
מיט וואס איז האדמו״ר ר׳ ישראל א צדיק?
וואס האט ער געגעבן דעם ברודער אויסער דעם נאמען וויזניץ?
וואס האט אים האדמו״ר ר׳ מענדל צוגענומען אויסער אפאר משוגעים?
קיין פרוטה אחת, קיין האלבער בעסמענט, און קיין שום חפץ ירושה.
איז פארוואס איז געווען א הוא אמינא אז האדמו״ר ר׳ ישראל זאל אים פייטן?
און דאס אלעס איז נאך וואס האדמו״ר ר׳ מענדל האט אלעס געהאט פאר וויפיל יאר?....
איך מוטשע מיר שוין מיט דעם יארן, אדרבה, אויב איינער קען מיר מסביר זיין.

פאר עטליכע יאר צירוק ווען ר''מ איז געקומען קיין אמעריקא, האבען זיי דעמאלטס צושפרייט אן ארטיקל אז דער נאבעל שלום פרייז קומט זיך פאר זיי, ווייל ר''י האט ממילא אלעס געהאט אין זיך קרוגען וואלטן זיי געדארפט אנהייבן, (פין וואס זיי וואלט ממילא גארנישט פארדינט, ווייל אין ארץ ישראל איז געווען אפגעזיגעלט אלעס פאר ר''י אין אמעריקא איז שוין געווען צוטיילט ביי דין תורה בחיי אביהם)
באניצער אוואטאר
signout
ידיד ותיק
ידיד ותיק
 
הודעות: 690
זיך רעגיסטרירט: מיטוואך נאוועמבער 21, 2012 3:50 pm
האט שוין געלייקט: 1512 מאל
האט שוין באקומען לייקס: 183 מאל

הודעהדורך ליטוואק פון בודאפעסט » דינסטאג נאוועמבער 22, 2016 1:55 pm

איך ווייס נישט פון מוסדות דא צו דארט, און פון לויפער קען איך אויך נישט. אבער וואס פארא ליגענט האסטו געכאפט ר' מיכל אינדיג? און וואס איז געשען תשע"ו אין די פלאץ ווי ס'רעגענט נישט? ר' אהרן איז א וועלטס ת"ח און נאר איהם קומט זיך מיט רעכט דער פארהייליגטע נאמען אדמו"ר מסאטמאר. די אלע רעכטען האבען נישט קיין כח צוריק צו האלטען דער רעגען. וע"ע כאן
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 4784
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 1754 מאל
האט שוין באקומען לייקס: 4507 מאל

הודעהדורך berlbalaguleh » דינסטאג נאוועמבער 22, 2016 2:06 pm

ליטוואק פון בודאפעסט: איך האב נאכנישט יורד געווען לעומקה פון דיין סארקאסטישע תגובה. נו, איך בין דאך נישט מער ווי א בעל עגלה... :roll:
איך האב א פאר זאפטיגע אויסדרוקן דיר צו זאגן אויף ענגליש. נאר מ'קען עס נישט איבערזעצן אויף אידיש. און אויב יא. האביך מורא אז איך וועל זיין לאקד-אוט פון קאווע שטיבל... :roll:
באניצער אוואטאר
berlbalaguleh
חבר ותיק
חבר ותיק
 
הודעות: 9358
זיך רעגיסטרירט: דינסטאג יולי 17, 2012 12:57 pm
האט שוין געלייקט: 10234 מאל
האט שוין באקומען לייקס: 5649 מאל

הודעהדורך שמעקעדיג » דינסטאג נאוועמבער 22, 2016 2:10 pm

ווען דער בעלזער רבי האט געשיקט שלום מאכן מיט מהר"א מסאטמאר האט מען אויך פארלאנגט ער זאל זיך אויפשטעלן ברבים און זיך זעלבסט מבזה זיין פאר זיינע חסידים אז ער האט געטון שלא ביושר און יעצט זעהט ער איין דעם אמת?
איך מיין אז מען טרייבט איבער אויב מען פארלאנגט דאס.
הלואי זאל ווערן שלום מהיום והלאה, און די איבערגעבעטעכץ וועט שוין קומען פון זיך אליינס מיט די צייט ווען די הערצער וועלן ווייכער ווערן.

בכלל איז זייער שווער זיך פארצושטעלן וואס דער שלום אפמאך וועט אין זיך ארייננעמען, לגבי בנינים, מוסדות, ווייץ אויף מצות, שחיטה, אינטערנעט פילטערס, הדלקות ל"ג בעומר, ווי ווייט וועט מען זיך יא - אדער נישט - משוגע מאכן אויף יעדע פרט ופרט.
אבער אפגעזען פון די שוועריגקייטן, איז אסאך שווערער צו בלייבן צוקריגט. כ'רעד שוין נישט תורה'דיג, נאר פשוט פראקטיש. וויפיל געלט און עגמ"נ וואלט מען געקענט שפארן ווען מ'איז אינאיינעם, צב"ש א כ"א כסלו, א פראטעסט, א סיום מסכתא, כ"ו אב, ז"ך ניסן, א.א.וו.

וואס איז געווען איז געווען - איבער גענוג שברי לב. זאלן ביידע בלייבן זיצן אינאיינעם און יעדער זאל משפיע זיין די חלק וואס ער קען בעסער, און שלום על ישראל.

# א שיינעם חלום האב איך געזען
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14117
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 15923 מאל
האט שוין באקומען לייקס: 16324 מאל

הודעהדורך שמעלקא'לע » דינסטאג נאוועמבער 22, 2016 2:14 pm

איך ווייס נישט ווטס די גאנצער וויכוח איז דא.
אויב א איד מיט א גרויסע חסידות איז גרייט 11 יאר נאכן פירן זיין קהלה שלום צו מאכן, אפגעזען צו ער מוז צו נישט, און וואס עס איז געווען פארדעם, פאר דעם אליין אז ער איז גרייט מודה צו זיין אז ביז יעצט איז ער געווען א בעל מחלוקה וכדו', פאר דאם אליין דארף ער גראטולירט ווערן!
קומט אים א קלאפ אין רוקן. בראווא!
הער אויס, צו זיין א גיבור ווען די וועלט שמייכלט - דאס קען איך אויך...
לאמיר דיר זען א גיבור ווען עס איז פארוואלקנט - ווייל דו ביסט שטארק!
באניצער אוואטאר
שמעלקא'לע
ידיד השטיבל
ידיד השטיבל
 
הודעות: 160
זיך רעגיסטרירט: פרייטאג אקטאבער 07, 2016 12:51 pm
האט שוין געלייקט: 213 מאל
האט שוין באקומען לייקס: 317 מאל

הודעהדורך גאנצל » דינסטאג נאוועמבער 22, 2016 2:20 pm

sighnout@

איך האף אז דו האסט גענוג צייט צו ענטפערן פאר דעם ליגנער דו רעדסט דא מיט איינעם וואס איז אדער געווען תשנ"ט און אין די פאלגענדע יארן אונטער 5 אדער איינער וואס איז אדורך א אייסיס סטיל ברעין פארניכטוגונג סאו נעמסט אויף דיר א שווערע זאך

צוריק צום נושא פון @ראובן ווי גלייך איינער רעדט שוין פון שלום און דו שטעלסט שוין אויס ווי זוי די שלום דארף אויסקוקן ..........
גאנצל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1674
זיך רעגיסטרירט: דאנערשטאג יולי 11, 2013 1:18 pm
האט שוין געלייקט: 308 מאל
האט שוין באקומען לייקס: 797 מאל

נעקסט

גיי צוריק צימעס

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט