500,000 חסידים פארפלייצן קרית יואל הבירה צו גיגאנטישער הדלקה

[יאנקל]

500,000 סאטמארער חסידים פארפלייצן קרית יואל הבירה צום גיגאנטישן מעמד הדלקה

א פלייץ פון הונדערטער טויזנטער אלופי אלפי ישראל, פילן אן די מינוטן דעם מעטראפאלין פון ערליכע אידן איבער דער וועלט, די הייליגע שטאט קרית יואל הבירה זי"ע, אין אנבליק צו דעם גיגאנטישן מעמד רבתי עם פון דער מעכטיגער הדלקה פון רבבות אלפי ישראל כפליים כיוצאי מצרים לכבוד התנא אלוקי רבי שמעון בר יוחאי זיעועכי"א.

דער כיכר פארנט פונעם ביהמ"ד הגדול איז אפגעשפארט געווארן אויף מיילן ארום כדי צו קענען אקאמאדירן די הונדערטער טויזנטער אידן פון אלע עקן פון דער וועלט, וועלכע זאמלען זיך איין תחת קורת רקיע אחד צו קוקן אויף די גיגאנטישע פלאמען פון דער מעכטיגער הדלקה, אין שפיץ פון אבינו רועינו הוד כ"ק מרן אדמו"ר עט"ר הגה"ק מסאטמאר שליט"א.

דער גרויסער און הייליגער מנהיג פון דער גיגאנטישער עדה קדושה, דער סאטמארער רבי שליט"א, פירט שוין אן מיט די מעכטיגע הדלקות בכל שנה ושנה פאר כמה וכמה שנים כולן שוין לטובה, און דאס האט ער מקבל געווען פון רביה"ק בעל ברך משה זי"ע צו וועמענ'ס הדלקות תלמידים וחסידים דרוקן זיך אויס מיט נאסטאלגיע געדענקנדיג בהלו נרו על ראשינו.

נאך בחיים חייתו פון רביה"ק בעל דברי יואל זי"ע ווען עס איז פארגעקומען די גרויסע הדלקה פארנט פון נעפ מענשאן אין וויליאמסבורג געדענקען די עלטערע חסידים ווי דער רבי האט אמאל געגעבן דעם פאקל פאר רבינו שליט"א וועלכער איז דאן נאך געווען א בחור מיט א גלאטן פנים, און האט געזאגט, "נעם [כ"ק אדמו"ר הגה"ק] אהרן [שליט"א], דו דארפסט דאך זיך אויסלערנען צו צינדן לכבוד התנא אלוקי!"

היינט, ווען עס קומען זיך צוזאם אזויפיל הונדערטער טויזנטער אידן ביי דער ממשיך דרך זעט מען די ווייטע און שארפע אויגן פון רביה"ק בעל דברי יואל זי"ע, וועלכער האט נאך דעמאלט מסמיך געווען דעם סאטמארער רבי'ן שליט"א אריינצוגיסן פאר סאטמארער חסידים די בכל אתר ואתר קדושתו וחממותו פון דעם תנא האלוקי, מיט שלהבת העולה מעליה אין שטאט מנרו אותיות מרון.

תורתו מגן לנו הוא מאירת עינינו הוא ימליץ טוב בעדינו אדונינו בר יוחאי.

[משה רוקח]

http://online.wsj.com/article/APf7b0133 ... %3Darticle

[ברעט מענינג]

פינעף הינדערט טויזענט? אדער פיפציג טויזענט?

[איך אויך]

5 מיליאן.

[מאראנצןזאפט]

14 מיליאן הופער

[מאטי]

אנדערע געדענקן צו פארציילען אז דער בעל דברי יואל זצ״ל האט בשעתן גרויסן פייער אריינגעווארפן די אלע געלטער וואס ער׳ט באקומען פון אומריינע מקורות (לייען פרומע ציונים מיט ווייסן בעקיטשעס) וואס יענע געלט פלעגט ער האלטן עקסטער און די אויבערשטע וועסטל טאש.

[אבי גערעדט]

א בילד רעדט

[זר זהב]

'אַודיאָ' רעדט סך מער ...

מדברי מהר"א: "ביי אונז האט מען דאס קיינמאל נישט געזען... ס'געווען 100טער יארן חסידישע אידן... זיי האבן זיך באמת געפרייט בהילולת רשב"י... אדער נישט מיט דעם האט מען ארויסגעברענגט דאס התרגשות... און ס'נישט נוגע ווי הויעך דער פייער זאל זיין... זאל עס זיין איין שטאק צוויי שטאק זאל עס גרייכן עד לב השמים.... אזעלכע גרויסע פלאמען, אדער אדער אדער נישט מיט דעם האט מען ....

[הדד בן בדד]

איך מוז דעם ר' אהרנען גראטולירן. איך האב געהערט וועגן די דרשה אבער די דרשה אלייננס האב איך קיינמאל נישט געהערט. ער ווייסט אז די דרשה איז דא און אז מען וועט דאס ניצן קעגן אים, אבער אז ער האט געטשענדשט זיין מיינד און מחליט געווען אז מען מאכט יא, גייט ער אלל די וועי. און למעשה מיין איך אז חוץ מירון איז דאס די גרעסטע הדלקה אין די וועלט.

[blauvelt]

איך מוז דעם ר' אהרנען גראטולירן. איך האב געהערט וועגן די דרשה אבער די דרשה אלייננס האב איך קיינמאל נישט געהערט. ער ווייסט אז די דרשה איז דא און אז מען וועט דאס ניצן קעגן אים, אבער אז ער האט געטשענדשט זיין מיינד און מחליט געווען אז מען מאכט יא, גייט ער אלל די וועי. און למעשה מיין איך אז חוץ מירון איז דאס די גרעסטע הדלקה אין די וועלט.

Thats the reason he changed his mind attention kuvid and kuvid

[ראשעקאל]

די נעכטיגע הדלקה

[גאלד]

הונדערטער קהלות קדושות אויף די וועלט מאכן הדלקות, אלפי ישראל בארבע פינות העולם פון אלע שיכטן און קרייזן וואס האבן נישט די זכי' צו זיין און מירון, טאנצן און שפרינגן מיט התרגשות דער ניגון בר יוחאי ברחוב העיר מ'זוכט זיך צו הייבן די נפש, צו אנווארמען די עצמות היבשים, יעדער איד דארשט נאך ווארימקייט, אבער איין ר' אהרן טייטלבוים איז א אנדערע באשעפעניש, ווען ער טוט די אלע זאכן איז דער איינציגסטער איד אין די וועלט וואס טוט עס פאר עטענשן, עטס הערטס א מעשה, איינע פון די גרעסטע חסידישע רבי'ס אין די וועלט (מעגליך די גרעסטע) ביי דעם מענטש גיסט זיך כבוד אין עטענשן יעדן מינוט פון טאג, די גרעסטע רבי'ס ורבנים, ברעכן זיינע טירן, פונקט דער ר' אהרן איז אזוי אויסגעהונגערט פאר עטענשן, אז ווען עס קומט דער איינעם טאג ל"ג בעומר, האלט ער עס שוין נישט אויס, אז דאס געגועין וכיסופין וואס אפי' דער פשוט'ער איד האט ל"ג בעומר שפירט ער אויך נישט, נאר ער האט אינזין די עטענשן, און די אלע סאטמארע חסידים וואס טאנצן דארט מיט, זענען מסתמא אויך די איינציגע קבוצה און גאנץ כלל ישרא' וואס אינטערסירט ר' שמעון ווי א לאך און קאפ, זיי מיינען אלע טאקע נאר די שוי,

[זר זהב]

אבער גאלד, וואס איז די פארגלייך? פון יענע אנדערע 100טער קהילות קדושות איז נישטא אזא דרשה פון זייער מנהיג וויזוי יענע זאל רעדן מיט אזא קעגנערשאפט אז דער מנהג איז נישט זייערס און מ'זאל דאס נישט טאן... איז וואס פארגלייכסטו?

מהר"א מאכט זיין קעיס אומצוויידייטיג אז מ'האט דאס קיינמאל נישט געזען ביי זיינע עלטערן און ביי זייערע רבי'ס! 100 יארן חסידישע אידן... נישט מיט אן הדלקה פייער מען ל"ג בעומר! ער האט דאס קיינמאל נישט געזען!

איז וואס איז יעצט געשען? ער האט ''איוואלווט''...? אבער (אדער) אלעס וואס ער זאגט דא אין דעם קליפ איז דאך אמת ויציב, גארנישט האט זיך נישט געטוישט "מ'האט דאס נאך אלץ קיינמאל נישט געזען", וועט מען מוזן זאגן אז פאר אביסעלע כבוד און אטענשאן קוקט מען אוועק. איז די שאלה וואס גייט זיין אין 10 יאר ארום מיט די אריזאנע ווייץ למשל, ווער ווייסט צי דעמאלטס וועט אויספעהלן עס צו אסר'ן?...

אבער צוריק צו פריער, פארשטיי איך נישט דיין פארגלייך אזוי טאמעוואטעדיג צו אלע אנדערע קהילות קדושות.

[פיינע קאווע]

פאר די וואס ווילן וויסן.
סאטמאר רבי האט דאס געזאגט נאכדעם וואס בחורים האבן יעדע יאר ל"ג בעומר אנגעצינדן פייערס אין גארבידזש קענס. א בחור האט זיך נעבעך פארברענט אפאר פינגערס. בימים ההם האט אים זיין טאטע דער ברך משה געצה/ט צו מאכן א צענטראלע הדלקה אז די בחורים זאלן האבן געניג און נאך סיפוק. קודם איז דאס געווען פאר די בחורי הישיבה מיט די יארן האט זיך עס צוביסלעך פארבייטערט צוליב די ריבו עם קע"ה. כך הוה מאז ועד עתה ווערט די מעמד הדלקה גרעסער און שענער כידוע לכל אדאנק די גיטע עצה פון ברך משה זי"ע.

פאר די וואס קענען נישט שלאפן ביינאכט
זאלן ווייטער ברענגען אלטע קליפס. שפרינגען און שעלטען זיך עסן דאס געזינט וויפיל עס גייט אריין. וויי ביי יעדע דבר טוב אין סאטמאר

מיר האבן זיך ב"ה באטייליגט אין קרית יואל מיט אלפים ורבבות אידישע קינדער וואס האבן זיך געפריידט בהילולא דרשב"י מיט א אויסערגעווענליכע התרוממות הנפש וואס איז נישט שייך צו באשרייבן אז מען טוט דאס נישט בייוואוינען. דער אייבערשטער זאל העלפן אז די תפילות פון אזויפיל רבבות אידן זאל ברענגען השפעות טובות פאר אלע אידן.

[זר זהב]

דיין טעות איז אז קיינער שלאפט נישט ביינאכט... כאב געהאט א גוטן 8 שעה פופעראציע, און דו פון מיין זייט קענסט טאנצן א גאנצן יאר 24-7-365 ביי א ריזן פייער העכער ווי דער אייפעל טאוער צוזאמען מיט דיין רבי'ן... אויב איז דאס וואס מאכטיר גוט פילן.

[איך אויך]

זרל ,The more we change the more we stay the same.
?rings a bell

[זר זהב]

no

[גאלד]

האסט א גוטע סתירה. ר' אהרן, מסכים, איך קען עס דערהערן, ער האט יארן צוריק גוט אפגע'חוזקט פון די הדלקות און יעצט איז "the joke on him", איך קען באמת נישט האבן קיין שום טענות וואס זיינע שונאים רייטן אויף דעם,

אבער ברויכסט דערהערן איין וויכטיגער זאך, אז אפי' דעמאלטס ווען ר' אהרן האט אזוי אפגעחוזק'ט פון הדלקות האט ער קיינמאל פארגעשלאגן אז דאס זאל זיין עפעס א פירצה אין יסודות יהדות ואמונה, ער האט קיינמאל געזאגט אז דאס איז עפעס א חשש איסור דאורייתא, א לאו, א איסור דרבנן, אדער ענין פון התרשלות אין שמירת המצות, סך הכל האט ער עס אפ'געחוזק'ט דערפון און עס אוועק געמאכט, ממילא אפי' ער האט יארן שפערן זיך געטוישט, איז באמת "no harm no foul",

בשלמא ווען איינער שרייבט פאר 10 יאר אז די סקול דיסטריקט איז א מצוה און די בני יואל עבריינים, און 10 יאר שפעטער וועקט ער זיך אז דאס האב איך געטאן מחמת הלחץ זו הדחק אבער לעולם האב איך אלס געוויסט אז דער סקול דיסטריקט האט א חשש כפירה, דאס איז דאך ממש יסודות פון אונזער דת, אבער מאכן הדלקות ל"ג בעומר, האט קיינער קיינעם עולה על הדעת געווען אז דאס פון די שלשה דברים שהעולם עומד, צו איינער זאל זיין דערפאר צו דערקעגן, דאס איז איינע פון די זאכן פון ר' אהרן, מ'קען חוזק מאכן וויפיל מ'וויל פון הדלקות, זינגען, טאנצן, אבער ווען ס'קומט צו יסודות'דיגע ענינים וואס האט מיטן שו"ע מיט הלכה מיט שיטת רבינו ז"ל, איז ער "אלס" געווען אויף די ריכטיגע זייט, איך ווייס די זאליס וויל עס נישט איינזעהן, אבער דאס די מציאות,

יעצט פארוואס ר' אהרן האט זיך געטוישט זיין שטעלונג בנוגע הדלקות, איז "up for speculation", ער האט קיינעם געזאגט, די זאליס וועלן זיך שווערן אז צוליב עטענשן, דארף מען פארשטיין פון ווי די זאליס קומען, זיי האלטן דאך אז ווען ר' אהרן טאנצט חסל סידור פסח, צו קידוש לבנה איז אלעס פאר עטענשן, זיי האבן קלאר געזאגט אז ווען ר' אהרן האט געוויינט ביי זיין אייגן טאטע און מאמעס לוי' אז ער האט עס געטאן פאר עטענשן און ער האט זיך געמאכט, איך מיין אז "דער איד" האט עס שוין אפאר מאל מרמז געווען, שטעלט אייך פאר א זוהן געזעגנט זיך לפני מטתו פון זיינע אייגענע עלטערן, קומען די פארדומטע בלינדע שונאים און זאגן מיט א בלעכן פנים אז ס'אלעס פאר עטענשן, ס'איז ממש אומגלויבליך, די זעלבע דא, ס'דא 100 טויזנט מער ראשינאלע סברות פארוואס ר' אהרן זאל מאכן ל"ג בעומר תשע"ג א הדלקה און טאנצן בר יוחאי, אז איך זאל מוזן צוקימען צו דעם אז ער איז ממש אויסגעהונגערט פאר עטענשן, איך וועל געבן אפאר השערות וואס איך קלער, איך ווייס נישט זיכער אבער איך בין פונקט אזוי ענטייטלד צו מאכן השערות ווי די זאליס,

1. קען זיין ס'א ענין פון צדיקים ילכו בם ופושעים יכשלו בם, דעמאלטס האט ער טאקע אפגעחוזקט, ווייל ס'געווען נאך א ל"ג בעומר פייער טראגעדיע ווי א בחור האט נעבעך פארלוירן א פינגער, איז לפי המצב האט ער געוואלט ארויסגיין בכל חומר,
2. קען זיין אז ווי נאר ער האט איבערגענומען א אחריות פון הנהגה איז ער געקומען צו די הכרה אז דאס וועט זיין לתועלת עדת מרעיתו, אויב מ'טוט עס באופן מיט די ריכטיגע כוונה ומחשבה, ולמעשה האט דאך זיין טאטע געגעבן די הסכמה די ערשטע יאר,
3. קען זיין ער טוט נאר לתועלת חסידיו תלמידי רבינו הק' זצ"ל צו מונע זיין סאטמארע אידן צו פארן אויף ארץ ישראל מיט בלויז חצוניות'דיגע הרגשים וואס קען זיי מעגליך אריינלייגן און נסיונות כידוע, ממילא וויל ער זיי געבן א טעם מירון דא און חוץ לארץ,
4. קען זיין אז לעצטנעס האט ער זיך מער מדבק בתורת ר' שמעון, ספר הזוהר ועוד, וואס איך פערזענליך האב א שטארקע חשש אז ער טוט דערין, ממילא אויף דער עלטער שפירט ער שטערקערע התקשרות צו ר' שמעון

פארשטייט זיך כל הנ"ל איז בלויז השערות, איך האב באמת קיין אהנונג, אבער אזויפיל האלט איך קלאר אז צו זאגן פונקט ער זאל זיין אויסגעהונגערט פאר עטענשן, דאס קען נאר גלויבן אזא איינער וואס האלט אז ער וויינט ביי זיין טאטנס לוי' פאר עטענשן,

[זר זהב]

א לייק פאר זאגן עפעס דברים של טעם, נישט אז איך אגריע ממש מיט יעדן אות... נומער 3 איז ספעציעל מסתבר. אבער מי יתן אז ווען דא וואלט יעצט געווען די רעדע איבער זיין ברודער מהרי"י אז זאלסט אים אויך אזוי שיין קענען פארענטפערן! דאן וואלט געווען א תיקון.
און איך בין קיין שונא פאר מהר"א.

[הדד בן בדד]

זר, דו ווייסט איך האב דיך ליב, און איך האב דיך טאקע געלייקט דא, און דאס איז ווייל דו ביסט געווען ראציאנאל און פארשטאנען גאלד'ן, אבער איך בין נאך (דערווייל) אביסל מחולק מיט דיר איבער דיין לעצטן סענטענס, עס קוקט מיר אויס אז דו ביסט יא א שטיקל שונא ר' אהרן'ען.

און יעצט אזוי, אפילו לאמיר זאגן אז ער טוט עס פאר כבוד און אטענשאן, דארף מען אבער האבן גאטס פאר דעם, ווען ער ווייסט עס איז דא א דרשה פון אים, און מען וועט עס נוצן חוזק צו מאכן פון אים.

און לענינינו, איך האלט נישט ער וויל מיט דעם כבוד און אטענשאן, (איך רעד נישט בכלליות, איך רעד פון דעם הדלקה), ס'קוקט מיר ענדערש אויס אז ער האט געטוישט זיין מיינד און פארשטייט אז היינט פעלט עס אויס.

נעכטן נאכט בין איך געווען ביי א הדלקה און לעבן מיר איז געשטאנען א איד אין די פופציגער יארן פון די עכטע סארט זאלי\בני יואל אידן, און ער האט שטארק מיטגעהאלטן, ער איז א מגיד שיעור אין איינע פון די סארט ישיבות און איך האב מיט אים געכאפט א שמועס איבער דעם נושא, און ער האט זיך מיר שטארק אויסגעדרוקט אז היינט איז א שווערע דור און מען מוז טוהן אסאך זאכן וואס אמאל וואלט מען נישט געדארפט, און דאס איז איינע פון די זאכן.

[זר זהב]

באמת פארשטייעך נישט דיין נקודה וועגן זיין גאטס, דאס איז לדעתי א טוויסטעט וועג פון אויסלויבן א יעדן פליף פלאפער און מיט די מהלך איז אנצונעמען אז דו האסט זיכער געשטימט פאר דזשאן קערי אין 2004...
אויב ווייסט ער פון יענע דרשה און ער פארשטייט אז זיינע קעגנערס אדער אפילו סתם מענטשן וועלן עס נוצן אויף אפצו'חוזק'ן פון אים איז גאר שווער פארוואס ער זאל עס נישט אדרעסירן און מסביר זיין אזוי גוט ווי גאלד האט עס געטון.

[גאלד]

אדרבא, זעהסטאך איך האב עס פארשטאנען אן מסביר זיין, איי די לצים חוזק מאכערס, די וועט ער נישט פליזן בכל אופן, בדוק ומנוסה, ס'א שאד די צייט,

[דעת תורה]

זר איז הונדערט פראצענט גערעכט, וואסערע גאטס אין קאפ אריין? ליבערשט ווייזט עס זייער גוט וואסערע היפאקריטסווע דארט טוט זיך, און ווי ממש אלעס דרייט זיך ארום די איצטיגע בענעפיט. אויף ענגליש הייסט דאס א אפארטוניסט. (דאס איז נישט די איינציגסטע דוגמא, נאר פון די גאר שטארקע. א בעסערע דוגמא איז דער עפרא לפומי' אויף קאשויער רב לעומת זיין "היתר פון טאש דרשה". עס ווייזט אויף איין זאך, דער איד איז סך הכל א פאליטישאן און א דעמאגאג, קיין פינטל ערנסטקייט און פרינציפן).

פיינע קאווע איז א שקרןן במילתא דעבידא לגלויי, יעדער געדענקט פונקטליך ווען די הדלקה האט זיך אנגעהויבן. די דרשה איז געווען תשמ"ח און ביז 12 יאר שפעטער איז קיינמאל נישט געווען קיין אפיציעלע הדלקה אין קרית יואל, נישט ביים בית מדרש, און נישט אין ישיבה. זיכער נישט מיט די באטייליגונג פונעם ראש ישיבה. אדרבה, די ישיבה האט געטון כל מה שביכלתם צו מונע זיין די בחור'ישע פייערן.

אצינד צום ענין פארוואס ער האט געטשעינדזשד מיינד, מען קען זיין אזא חסיד שוטה ווי גאלד, שפעקולירן 4 סיבות פארוואס ער האט עס געטאן, און מיט אלע כוחות אויסשליסן די מעגליכקייט אז ער האט דא עפעס אנדערע נגיעות אינוואלווד. אבער היסטאריע קען מען דאך נישט פעלשעווען. דער קלארער פאקט איז, אז די הדלקה האט זיך אנגעהויבן ל"ג בעומר תש"ס, נישט א יאר פריער, און נישט א יאר שפעטער. ווער עס געדענקט יענע צייטן, ווער עס ווייסט וואס דער יאר תש"ס מיינט אין די דברי ימי סאטמאר, קען זיך נישט לאזן בלאפן פון קיין נארישקייטן. תש"ס איז געווען די ערשטע יאר וואס דער ברך משה איז נישט געקומען קיין מאנרא פארן זומער, און לעומת זה ר' אהרן האט געהאלטן אין ברען פון ווידערבילדן זיין עתיד.

תש"ס איז געווען דער יאר וואס ר' אהרן האט אנגעהויבן עמטליך צו מאכן אייגענע כינוסים, שמחות און מאורעות ברבים אנעם פאטער'ס באטייליגונג. זינט דער טאטע איז נאך געווען בתוקפו, און האט נאך געפירט אלע טישן, איז נישט פארבליבן צופיל געלעגנהייטן פאר ר' אהרן צו בויען זיין מלוכה, אלזא, נאך אושפיזא דאהרן, אוקעיזשאנעלי גראנדיעזע יסוד איתן מסיבות איז די הדלקה געווען די שטערקסטע טול אין זיין דיספאזיציע. יעדער פארשטייט אז א גרויסע הדלקה מצד עצמה ציט מאסן מענטשן, בפרט די פרויען, פלוס דעם אומבאהאלטענעם עקסטאז ביי זיין עולם זיך צו בויען און ווייזן פאר משה גבאי אז ער איז די זאך. (עס איז נאך געווען אין די צייט וואס זיין עולם האט נעבעך געמיינט אז די מערכה זיינע איז צו דערלאנגען א טויט קלאפ פאר די זאלי פארטיי).

בקיצור, מען קען היינט זיך טענה'ן א גאנצע נאכט און נישט פערטיג ווערן, אבער ווער עס געדענקט די פונקטליכע יאר ווען עס האט זיך אנגעהויבן און מען געדענקט די אומשטענדן פון דעמאלט, קען צוזאמשטעלן איינס מיט איינס. חוץ אויב דער צוזאמשטעל פון איינס מיט איינס ברענגט עפעס א אנדערע רעזולטאט ווי דער נומער 2...

[אבי גערעדט]

רבבות אלפי ישראל

[גאלד]

די ערשטע מאנרא הדלקה איז נישט געווען תש"ס, איך בין געווען אין ראדני יענעם ל"ג בעומר צוזאמען מיטן ברך משה און ר' אהרן, איך געדענק עס קלאר, פאר א סימן געדענק איך אז ס'געווען אפי' עפעס א געדראטשקע ביים טיש, משה גבאי האט געהייסן די מוזיק זינגן ר' זלמן לייב'ס הכתרה ניגון, און בשעת די מוזיק האט געבאמבעט האט משה "דער געטרייער עבד נאמן" געמאכט זיינע הוויות מיט די הענט, ווי צו ווייזן "איך פיקס דיך גוט צו אהרן"