BREAKING!!! גמר הדין אין באבוב!!!

[ישראל קאפקע]

ווי יין שרף שרייבט, אין וויזניץ ב''ב זענען ביידע געווארן ממלא מקום לעגעטים, דעריבער האט מען דארט צעטיילט לויט די פראצענטן,
אין באבוב ווי עס קוקט אויס קענען נישט ביידע זיין מ''מ, ווי מיר זענען אז די עיקר ד''ת איז געווען איבער די זכות זיך צו רופן מיטן נאמען באבוב,
דעריבער גייט עס נישט מיט די טרוקענע פראצענטן.

[יין שרף]

ווייל אין וויזניץ עפטער אלל האט די ישועות משה געוואלט ביידע. (עכ"פ יעדע צד איז אמאל געווען בעקד ביים רבי׳ן) משא״כ דא טענצד מהרב"צ אז די רב ז"ל האט אים אויסדרוקלעך געוואלט.
אזוי טענה׳עט אויך זיין שוואגער רבי חיים יענקל טויבער שליט״א, דומ"ץ, און ער האט דאס קלארגעשטעלט ביי מהרב"ץ הכתרה אז ער ווייסט אויסדרוקלעך אז די רצון פון זיין שווער איז אז רבי בן ציון זאל זיין די רעכטע מנהיג אין באבוב. 

[ווייט פיש]

כ''ה אב איז א יום מסוגל פאר שטורעמישע פסקים

[ווייט פיש]

איך זע אז נישט קאפקע און נישט יי''ש זענען באקאנט אין די השתלשלות הדין תורה אין וויזניץ, איז ממש ווי זיך טענה'ן כעוור באפילה

די חילוק איז איין זאך מען האט דארט געהאנדעלט בצדק וביושר ווי יעדער האט פארשטאנען אז מען קען נישט אויסשפילען קיינעם,
אלע צדדים האבען אהערגעשטעלט אז די אנדערע צד זענען אויך יומען בין'ס, און טראץ די סכסוך איז געווען אויף '''איין איינצעלנעם בנין אויף ראסס סטריט'' האט יעדער פארשטאנען אז די פראצענט וואס פעקלט זיך אפ דארף ווערן באפרידיגט,
וואס דאס איז די מעין זאך וואס איז בא'עוולט געווארן דא ביי דעם פסק געבנדיג סך ווייניגער רעכטן פאר א ציבור לאלפים, ווי א קליינער ציבור וואס האט סך הכל געדארפט ארויסגיין פון ''איין בנין''.

[איינגעמיירעט]

איך בין טאקע נישט קיין באבוב׳ע ,אבער איך בין נוטה לצד מהרמ"ד,פשוט ווייל זיי האבען געבראכען א רעקארד און אונזער סיסטעם.
דהיינו זיי האבען זיך אפגעטיילט פון א סיסטעם,זיי האבען געפיפען אויף די באבוב׳ע שיינע יודען און געמאכט שבת פאר זיך.
דיע פסק איז אוודאי א גאר מיאוסע קלאפ פאר זייער שריט.
איך שטעל מיך פאר אז אשיינע פאר יודען דארטען וואס די חסידות איז זיי נוגע בנפשם (איקלאדונג דיע רבי,וואס האט גראדע א שטארקע כאראקטער). וועלען דארפען זעען א טערעפיסט,און וועלען דארפען זיך לערנען וויאזוי צו דיעלען מיט דעם.
בנוגע די די״ת איז א שאד צו רעדן,איעדער וואס האט שוין אמאל געווען אינוואלווד און א די״ת,ווייסט אז די דאזיגע דיינים און זייערע פסק דין,האט מיט די תורה קיין שום שייכות,סאיז א טעות מעיקרא צו ספענדין געלט אויף זיי.
איך מיין אז אפילו צד מהרב״ץ וועט אוכט מודה זיין אז נישט די תורה וואס די אויבערשטער האט אונז געגעבן מסיני ,האט זיי געגעבן א געוואונס.
און איך האף און איך בעט צום אויבערשטען אז מענטשען זאלען זיך עפענען די אויגען,און אפשטעלן דיע רויבעריי ביזנעס,דורך אויפהערן שטיצען דיע רויבערס.
(סאיז ליידער זייער שווער זיך ארויסצוזעען פון דעם פראבלעם,ליידער איז דין תורה היינט,דאס בעסטע מיטעל צו בארויבען מענטשען,און קארט מוזטו קענען אויפווייזען,און דין תורה היינט איז די בעסטע וועג וויאזוי צו פארדרייען און מונפאלירען פאקטען,די ברויכסט נאר האבן אפאר טאלער צו באצאלען די רויבער.)
עכ״פ ווען זיי פרעגן מיך. זאלען זיך אפווישען די נאז און טרייען זיך אליינס אויפצובויען ווייטער.
ווען די רבי פרעגט מיך זאל ער זיך אויפשטעלן דעם שבת און אויסרופען,ברידער טייערע מגיי מיר מער נישט קריגען,לאמיר זיך נעמען און די האנט אריין.
די רבי האט אסאך קאוואליפיקעשינס,און זיינע ערשטע יארען פלעגט ער זיך אסאך אפגעבען מיט זיינע חסידים,ער קען אויפבויען גאר א שיינע זאך.
ביי די ענד אויף די דעי,אויב ער העט זיין שטארק און פיהרען א שיינע חסידות,און זיך אפגעבען מיט זיינע מענטשען,וועט ער זיין די געווינער,דאס איז וואס מענטשען דארפען.
מהרב״ץ קען נישט און האט נישט זיינע טאלאנטען,און טאלאנטען קעמען נישט געוואונען און די״ת.
מיינע ווערטער צו מהרמ״ד וחסידיו נאך דעם ״סיום״ פון דעם אזויגערופענע די״ת,״חזק חזק ונתחזק״ שטארקטס ענק בויעטס ענק אויף און זיייטס ענקער אייגענע געווינערס.
מהרמ״ד ווייז דיין לידערשאפט און אזא מצב,סאיז אן opportunity of growth נוץ עס.

[ראשעקאל]

איינער זאל אפשטעלן דעם רב"צ און אים פרעגן, פיין, האסט געוואנען די דין תורה. אבער קלערסטו נישט אז א שיינע פרעצענט פון אידן וואס זענען לאנגע יאהרן געוועהן אין באבוב טיילן זיך אפ פארלאנגט זיך פון באבוב צו קעירן פאר זיי? געב זיי א פראצענט פון די באבובע נכסים וופיל די פראצענט פון מענטשן זיי האבן

[ווייט פיש]

די חסידי מהרב''צ כאפן ניטאמאל אז מארגען קען מען נעמען א שיינע פראצענט פון זייער ציבור און מיט זיי מאכן דעם זעלבן שחיטה מונחת.

[ברוך שאמר]

איך האב יעצט באקימען א טעקס אז נאך א מיטינג ביי רמ"ד האט ער געבעטן אז מען זאל יא אנ-נעמען די פסק דין מחמת חילול השם. איז דאס קראנט??

[יאיר]

איך קען נישט פארשטיין ווי אזוי א דיין שעמט זיך נישט אונטערצושרייבן אזא פסק. ניין, איך רעד נישט וועגן יושר. נאר פשוט דער תוכן הדברים. איך האב געמיינט אז דא פירט זיך עפעס א דין תורה אויף נכסים, אויף ירושה אין רבנות, אויף נכסי ציבור, דערווייל האבן די דיינים געגעבן אזא רוק אריין די נכסים און רביס'טעווע אין איין זאץ, כאילו דאס איז נאר בדרך אגב. און די איבריגע דריי פולע זייטן געווידמעט אויף די וויכטיגע שאלה צו רמ"ד מעג זיך רופן באביב אדער באבאוו, צו ער מעג זיך רופן באבוב צאנז אדער נאר צאנז באבוב, און ווי גרויס די בוכשטאבן פון 45 זאלן זיין, און ווי אזוי די אוניפארם זאל אויסזען. דאס האט מען דן געווען במשך די לעצטע ניין יאר? איך ווייס נישט צו איך זאל וויינען אדער לאכן. ס'איז מיר באמת א פלא ווי אזוי אן ערוואקסענער מענטש וועלכער האלט זיך גענוג געלונגען צו קענען פסק'ען מולטי מיליאן דאלער דין תורה'ס שעמט זיך נישט צו אונטערשרייבן אויף אזעלכע נארישקייטן.

[אפטעמיסט]

איך ליין יעצט אין "משפחה" מאגאזין אן ארטיקל וועגן עפעס א "באבוב'ער לויער", שטעלט זיך ארויס אז דער פארשוין איז גאר 45. איז "משפחה" דער ערשטער פארלעצער פונעם פסק בי"ד? שומו שמים!

[שטילע אינגערמאן]

שיין

[ונבנתה העיר]

viewtopic.php?p=218000#p218000

[חד גדיא]

בקיצור, אלע יארן האט מען געלאכט פון די באבוב 48 חסידים ווען זיי האבן געזאגט "ס'איז נאר דא איין באבוב". יעצט שטעלט זיך ארויס אז זיי זענען גערעכט!!

[נאך א פשט]

וואס רבי מענדל שאפראן האט גענפערט ווייסטו אויך???

[ viewtopic.php?p=217601#p217601

ניין, ילמדנו רבינו. וואס האט ער געזאגט?

[גאלד]

פרעגסט מיך, יעדער קען דאך מיר דא, איך האב קיין פאראיבל קעגן קיין איינע פון די באבובער רבי'ס ס'אינגאנצן א ריב לו לא,
אבער פון א דרויסדינגע בליק, קוקט מיר אויס דער פסק גוט פאריקט, גוט גוט משוגע, צידרייט, קיין פירוש, קיין יושר, קיין אינטעלעגענץ,
נאך 9 יאר האלטן געשפאנט די וועלט, און אזא פיס אוו גארביטש???
קודם כל, וואו בכל מקצועות התורה זויגט מען ארויס די אלע סארט סעיפים,
איך וואלט ערווארטעט נאך אזוי ארומפירן דעם ציבור, זאל כאטש די עולם התורה רייכער ווערן מיט א קנאקעדיגע פסק הלכה וואס כלל ישראל וועט קענען ניצן לדורות הבאים עד ביאת משיח,
דערווייל איז אלעס געשריבן אויף א סגנון ווי די עשרת הדברות, אן קיין סברות, הסברים, מראה מקומות,
צווייטנס ווי קען מען הייסן איינער א גרויסע אנגעזעהנער אדמו"ר נאך 9 יאר צו פלוצלינג טוישן זיין נאמען,
און ער איז נאך מחויב צו מודיע פאר יעדן (ע"פ פסק הבי"ד): "איך בין נישט באבובער רבי נאר באבוב-45 רבי"
הזאת נורמאלי???
סיריעסלי!!
ועל כולם, איך קלער אז אין פראקטיק, איז שוין רמ"ד אפגעזיגלט אלס א באבובער רבי, אין להשיב,
נאך 9 יאר קען מען נישט צוריק דרייען קיין זייגער,
ווען דער פסק וואלט ארויסגעקומען אין די ערשטע יאר וואלט עס געהאט א השפעה,
א זאלי איז מיר אמאל מסביר מיט לאנגע הסברים פארוואס רביצין סאשע קען נישט זיין קיין סאטמאר רביצין, ווייל זי רעדט עברית וכדומה,
זאג איך קען זיין ביסט גערעכט אבער ליידער איז ער סאטמאר רביצין פאר איין סיבה, ווייל זי איז חתונה געהאט צום סאטמארע רבי,
די זעלבע לענינינו קיין שום פסק בי"ד גייט נישט טוישן חסידי רמ"ד צו פאפענע אונגארישע אידן,
די מציאות איז די אידן זענען באבובער תלמידים וחסידים, קיין טראפ אנדערש ווי אנשי 48,
איך האב אבער א פילינג אז אנשי רמ"ד זענען בטלניש אין זיי גייען זיך דא פארפאטשקען און זיך טוישן צו צאנז-באבוב,
לפענ"ד איז דאס זעלבסטמארד,
זיי זאלן למען השם דוקא לאזן צו באבוב-45, גארנישט עפעס אנדערש,
קודם כל מ'האט זיך זיי דאך ביז יעצט גערופן 45, פשוט להבדיל צו 48,
ממילא וועט כמעט זיך נישט אנזעהן אז דא עפעס געשעהן א טויש, אונז זעמיר נעכטן געווען 45 און מ'זעמיר ווייטער,
צווייטנס איז עס א נאמבער, איך זעה נישט וויזוי א נאמבער זאל זיך איינגעבן אלס דער איינציגער נאמען,
דריטנס היות עס איז א נומבער מיינט דאס אז "באבוב" איז די איינציגע ווארט וואס איז א נאמען פון א שטאט,
פערטנס, 45 איז מער א גאסן שפעט נאמען, אזוי ווי "זאלי" "ארויני", מיינט דאס אז אזוי לאנג די נומער "45" וועט לעבן, וועט בעל כרחך דער נומער "48" אויך נתעורר ווערן,
פיפטנס, ס'העט זיין זייער שווער פאר א פרעמדער רב אדער פערזענליכקייט זיך צו באציען צו רמ"ד מיט דעם נומער "45", דאס מיינט "באבוב" איז ער זיכער "45" אדער יא אדער נישט,
זעקסטן דער נומער "45" איז אויפאלענד אז לעולם ועד, כל רואיה יכירי וידעו אז דער 45 איז איז ווייל רב"צ וויל דער נאמען באבוב נאר פאר זיך,

בקיצור ס'איז שטארק יתכן לומר אז אין פראקטיש האט דער פסק גארנישט געטוישט, נאר איין זאך אז רמ"ד איז רייכער געווארן מיט 7 מיליאן דאלאר, גארנישט מער

כן נלפע"ד נכון

[petergrifin]

@גאלד
איך טענה שוין יארן אז מען דארף ארײן ברענגן אפאר אונגערישע באטשיס און זײ אויסמישן מיט
די גאליציאנער. נאר אזוי העט אפשר בעסער װערן.

[דריידל]

איינער זאל אפשטעלן דעם רב"צ און אים פרעגן, פיין, האסט געוואנען די דין תורה. אבער קלערסטו נישט אז א שיינע פרעצענט פון אידן וואס זענען לאנגע יאהרן געוועהן אין באבוב טיילן זיך אפ פארלאנגט זיך פון באבוב צו קעירן פאר זיי? געב זיי א פראצענט פון די באבובע נכסים וופיל די פראצענט פון מענטשן זיי האבן

זייער מעגליך אז ער פלאנט דערפון. קודם האט ער אבער געוואלט קלארשטעלן אז ער איז די ריכטיגע ממלא מקום און אלעס קומט זיך פאר אים, נאכדעם וועט ער זעהן וואס מ'קען פארהאנדלן למען השלום.

איך האלט אז ס'וועט אים געבן א גאר שיינע אימעזש אויף די גאס אויב גיט ער א חתיכה הראויה להתכבד פאר צד מהרמ"ד.

אגב, וואס זענען די טשענסעס אז ביי רמ"ד וועט מען דעם שבת זינגן "ואפילו בהסתרה"?

[ראשעקאל]

/

[לאליפאפ]

אין די לעצטע עטליכע שעות האט די בית דין צוגעלייגט נאך עטליכע סעיפים, נאכן משים לב זיין אז לויט טייל ראשונים האט מען נישט ריכטיג גע'פסקענט, ואלו הן:

לד. על צד א' להוכיח לבחורי הישיבות שלהם להפסיק ללכת עם "שווארצע זאקן" (Black Socks) בשבתות וימים טובים, וכן לא יצדדו את החגורה של ה"טיש בעקיטשע" או כל כזה מנהג שזכותו אך ורק לצד ב', וכן יחול הדין בחתונות וכל כיו"ב.

לה. כמו"כ על הרה"צ רמ"ד ועל הרה"צ ר"י להורות לציבור שלהם, באופן שיבינו, שאין עליהם לשיר לשורר לרנן ולנגן שירים אשר מקורם ויסודם לבית באבוב, בלי שיוסיפו תנועות זרות משירים שונים בנשימה אחת, וכן אסור עליהם להנמיך קולם בהוסיפם קטעים הנ"ל.

לו. חובה על צד א' לקבוע חג שבו מגיעים חסידים מעיירות ומדינות רחוקות להסתופף בצל הרבנים הצדיקים רמ"ד ור"י, אחרת מימים האחרונים של סוכות, שבימים האלו הזכות אך ורק לחסידי צד יורשי באבוב ע"פ דין תורה להגיע לרבם לרגל.

לז. היות שבימים האחרונים מאז שיצא פסק דינה של תורה לאור, היו כאלו שטעו ואמרו שבחירת השם החדש של צד א' וקביעתה על כל הבנינים וכדו', עם כל התנאים האמורים לעיל בסעיפים ג' ד' ה' ו' ז' ח' ט' י' י"א י"ב י"ג י"ד ט"ו ט"ז י"ז י"ח י"ט כ' כ"א וכ"ה, אפשר לשנותה במשך תקופה של חמש שנים, דהיינו כל רבע שנה חלק קטן מהשינוי, הננו להבהיר בשער בת רבים שעל צד א' להשלים עם הפסק תוך כדי תשעים יום מיום הפסק דין, ועל צד ב' יש להשלים עם הפסק תוך חמש שנים מיום הפסק דין, כפי שמבורר בס' כ"ט.

לח. כמובן שהבית דין פסק הכל לפי דעת תורתינו הקדושה תורה שבכתב ותורה שבעל פה ומפורשיה, ולא הוסיפו דבר על דעת עצמן, כמו שכתוב כי השוחד יעוור עיני חכמים ויסלף דברי צדיקים, וק"ו ודו"ק.

[איך אויך]

יאיר דו האסט מיר ארויסגענומען די ווערטער פון מויל. איך בין שוין הייזעריג פון נאכזאגן אגאנץ שבת אקוראט וואס דו זאגסט ,עס איז פלאי פלאים! מבהיל על הרעיון!

[יואב]

יאיר דו האסט מיר ארויסגענומען די ווערטער פון מויל. איך בין שוין הייזעריג פון נאכזאגן אגאנץ שבת אקוראט וואס דו זאגסט ,עס איז פלאי פלאים! מבהיל על הרעיון!

ניין יאר האט גענומען אז איך אויך זאל זיך ממש טרעפן הונדערט פראצענט איינשטימיג מיט ר׳ יאיר׳ן. א תוצאה וואס איך טו גראדע יא שטארק רעספעקטירן פון דעם דין תורה.

[איך אויך]

קען מען עס איינקעשן?

[נהורא נפישא]

איך בין זיכער געווען אז משיח וועט אנקומען פריער, שוין יעצט ברויך איך חיזוק אין אמונה.

[כוכב]

ווייסט איינער וואס מגייט רעדן ביי דער גענעראל פארזאמלונג ? וואס איז ר` מרדכי דודס פלאן אויף ווייטער? וואס זאגן די הויכע שישקעס? וואס שמועסט מען מגייט פאלגן צו נישט?

[איחוד פעלד]

כ'פארשטיי נישט, די בושה איז נישט אויף דער פסק, זיי האבען גע'פסק'נט אויף דעם וואס מען האט זיך.געפייט.

טאמער עפעס איז די בושה אויף די צדדים אז זיי פייטען זיך אויף א גוי'עשע נאמען פין א פאררוקטער שטעטעל אין פוילין, און אויף דעם באצאלט מען מיליאנען.

סיי צד א' סיי צד ב' מעגען זיך שעמען אויף א סטופיד מחלוקת ווי אויף א סטופיד נאמען פין א שטעטעל.

נאכמער רעדענדיג דא און דארט איז די גרעסטע פלא אז אין 48 נעמען זיי אהן כאילו זיי האבען געווינען, און 45 נעמט אהן אז זיי האבען פארלוירען, ווען אין פאקט דארף 48 געבען זעקס מיליאן דאלאר פאר 45. הלוואי אויף מיר געזאגט אזוי צו פארלירען.

כ'וואלט טאקע מער הנאה געהאט ווען 45 זאל האלטען דער נאמען און אזוי אריין ריקען אין די שטומפע 48 חברה אין זיביטען ריפ, אבער אזוי בין איך אויך צופרידען צו זעהן אז ב"ה מיר האבען דערלעבט א ריאליטי טשעק צו די אוטענטישקייט פין היינטיגע חסידות, אז צו האלטען א נאמען פין א אלטע גוי'עשע שטעטעל צאלט מען מיליאנען.

און טאקע דאס האט דער בעש"ט געוואלט מחדש זיין, ווייל נאר דאס וועט האלטען אידישקייט בעקבתא דמשיחא.