מיינע אבזערוואציעס איבער דעם פסק

מהנעשה והנשמע אין די היימישע גאסן און הויפן
געדענקט!
ביטע זיך פרובירן האלטן אביעקטיוו און נישט אטאקירן אנדערע מעמבערס. לופטיגע הודעות וועלן נישט טאלערירט ווערן! קליקט דא צו זען די פרינציפן פון דעם פארום.

הודעהדורך באבובער » מאנטאג אוגוסט 25, 2014 4:38 pm

הדד בן בדד האט געשריבן: און דערפאר זעה איך דאס דוקא אלס א געלונגענעם טריק פון צד 45, יא, מען גייט מן הסתם מאכן נייע לעטטערהעדס, "קהל באבוב 45", און אזוי אויך אויף די באסעס, די חוזק אבער גייט זיין יעדעס מאל באזונדער אויף דעם בעסדין און נישט אויף באבוב, יעדעס מאל וואס אזא באס וועט ארום פארן אין בארא פארק גייט עס דערמאנען פאר טויזענטער פרעמדע מענטשן דעם עוול ופשע וואס דא איז אפגעטוהן געווארן.

...



דאס ווילסטו?
אז יעדער מאהל מען זעהט דער נאמען אויף א צעטעל באס בנין וכד' זאל מען זיך דערמענין דער ביטערע פליק וואס מ'האט באקומען.
אדער זאל מען זיך ריפען עפעס נארמאל, וואס נאך א שטיק צייט וועט ווערן א דבר פשוט אז כ"ק אדמו"ר המהר"ש איז אויך געוועהן אבק"ק צאנז- באבוב וכדו'.

וואס ווילסטו? אז צו אונזערע קונדער זאל ווייטער אריבערגיין דער ווייטאג און שנאה אויף רב"צ, אדער ווילסטו א לעכטיגע פאזעטייוע חסידות?
באבובער
מאנשי שלומינו
מאנשי שלומינו
 
הודעות: 66
זיך רעגיסטרירט: דאנערשטאג פעברואר 07, 2013 6:17 pm
האט שוין געלייקט: 20 מאל
האט שוין באקומען לייקס: 25 מאל

הודעהדורך בערל_פרוכטבייסער » מאנטאג אוגוסט 25, 2014 10:22 pm

עס איז דא אפאהר זאכן דא.
1 . באבוב (48 לשעבר) האט קלאר געציטערט פאר זייער לעבן, דאס האב איך מפה קדשו פון שמחה ראטה, ממילא זיי האבן ארויפגעברענגט פשרות לרוב, ווי למשל די בנין אויף 42 סטריט, מיט א צונאמען און קודם צעהן מיליאן דאללער דערנאך זענען זיי ארויף צו פופצן, זיי האבן גוט מורא געהאט פון די ענדע.
2. הוד והדר די האקסט כל דבר אסור אויפן טשאקעווער, קודם כל די הויז האט אברהם לעזער געבויעט פאר די דין תורה, איר האט אלע פון דעם געוואוסט. צווייטנס זיין זוהן איז א מגיד שיעור אין באבוב45 (אדער צאנז באבוב), ממילא אויב שוחד נאדער די האסט אויך געגעבן.
3. שוחד שטייט אויף א דיין אז "ער" טאר נישט נעמען קיין געלט פון א בעל דין, אבער זיינע קינדער, מאן דכר שמיה ווי נעמסטו אזא הלכה.
בערל_פרוכטבייסער
מאנשי שלומינו
מאנשי שלומינו
 
הודעות: 119
זיך רעגיסטרירט: דאנערשטאג מערץ 28, 2013 1:37 am
האט שוין געלייקט: 19 מאל
האט שוין באקומען לייקס: 39 מאל

הודעהדורך לאליפאפ » מאנטאג אוגוסט 25, 2014 10:35 pm

איטשע האט געשריבן:גם לי גם לך לא יהיה, אזוי וואט מען רופן באבוב פאריעיט! נישט איך און נישט עם! זיצט א רבי אין א קהלה, און איז גרייט (עכ"פ אזו שטייט אינעם פסק דין פון בי"ד) זיך צוריפען מיט אזא צודרייטן נאמען, פאר איין איינציג סיבה, מיין פעטער זאל צופלאצט ווערן, יא ער איז א שר התורה, מסכים.


איך קען נישט גלייבן ווי שטארק דו קענסט דיך צונאר מאכן צו שרייבן אזעלכע זאצן נאך וואס מהרב"צ האט קאמאנדעוועט ניין יאר אז מ'זאל נישט לאזן רמ"ד נוצן דעם נאמען באבוב.. שרייסטו אבי דער פעטער זאל צופלאצט ווערן! ענדערש כאפ א שווייג אנשטאט צו פארשרייען דיין רעבינס קרומקייט.
באניצער אוואטאר
לאליפאפ
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1281
זיך רעגיסטרירט: זונטאג יאנואר 06, 2013 4:12 pm
האט שוין געלייקט: 327 מאל
האט שוין באקומען לייקס: 858 מאל

הודעהדורך פיינע קאווע » מאנטאג אוגוסט 25, 2014 11:26 pm

מיינע אבזערוואציעס
לכבוד מיינע ידידים מבאבוב מפלג ר' מרדכי דוד. לערנט אייך פון היסטארי. פון אנדערע חסידות. בילדינג ארויף דין תורה אראפ. נאמען ארויף יוניפארעם אראפ. סאיז אלעס גיט פאר די בחורי חמד. ווי ווייט מיר ווייסען איז ענקער מנהיג א וואוילער מנהיג מיט גאר גיטע באצואינגען צו זיינע חסידים ותלמידים. ער גיבט זיך אפ מיט די בחורים יומם ולילה. לערנט פאר שיעורים און איז עוסק מיט עניני קהלה טאג אין נאכט. זייט נישט באזארגט איר וועט אלע קלעפ אריבער טראגען. אויב די פסק מיינט א קלאפ.
קוקט וויאזוי אנדערע רבי'ס ווי בעלזא תולדות א"י וויזניץ ולאחרונה מהר"א מסאטמאר ועוד כמה וכמה האבן געליטען רדיפות מבית ומבחוץ. די אלע וואס האבן עס געמיינט אמת'דיג און געטון אלעס אין די וועלט פאר זייערע חסידים זענען היינט פון די שענסטע מנהיגים. פטור געווארען פון אלע קעץ און קרעץ. פירען די שענסטע קהילות בישראל. די אנדערע וואס אלעס איז די בלויע בעקיטשע מיט די שיינע פיאות האבן אזוינע חסידים וואס ווילן נאר וויסען וויפיל רויטע לייטס פארן נאך דעם רבי'ן אין קעמפ אדער קיין חו"ל. די קוואליטי פון ענקערע חסידים זענען ב"ה אויף א הויעכע שטאפעל זייטס גליקליך מיט ענקער מנהיג. ער איז א מתמיד עצום א גאון בתורה אאו"ו
איך זאג נישט ח"ו אז רב"צ איז נישט א מנהיג טוב לעדתו. מי אנכי צו זאגען. זיכער איז ער א אב נאמן לעדתו מיט אלע מעלות בק'. אבער קוקט פאזיטיוו. די רעדע איז יעצט פון ענקער פירער. איר האט אים נישט פארלוירען. כל זמן איר האט אים אלס רבי איז דא מיט וואס צו שטאלצירען. אן זיין צובראכען אז איר פארלירט עפעס ווייסעך וואס דורך די דין תורה.

הערט אויף מיט די העצערייען קעגען בי"ד. רוב אידן וואס ווילן נישט אריינגיין לעומק הדברים וועלן נישט נאכפארשטען מברר צו זיין אויב כנים הדברים אז בי"ד האבן געטון א אומרעכט. עס ווילט זיך ענדערש זאגן אז יא די רבנים זענען ערליך. אזוי איז דער פסק. ווישט אייך אן די נאז. קויפט א נייע בילדינג. מאכט אייך באקוועם מיט אייער באליבטער רבי. זייטס העפי!
פיינע קאווע
היימישער באניצער
היימישער באניצער
 
הודעות: 477
זיך רעגיסטרירט: דינסטאג יוני 26, 2012 9:44 am
האט שוין געלייקט: 21 מאל
האט שוין באקומען לייקס: 348 מאל

הודעהדורך מארקוס » דינסטאג אוגוסט 26, 2014 7:45 am

לאליפאפ האט געשריבן:
איטשע האט געשריבן:גם לי גם לך לא יהיה, אזוי וואט מען רופן באבוב פאריעיט! נישט איך און נישט עם! זיצט א רבי אין א קהלה, און איז גרייט (עכ"פ אזו שטייט אינעם פסק דין פון בי"ד) זיך צוריפען מיט אזא צודרייטן נאמען, פאר איין איינציג סיבה, מיין פעטער זאל צופלאצט ווערן, יא ער איז א שר התורה, מסכים.


איך קען נישט גלייבן ווי שטארק דו קענסט דיך צונאר מאכן צו שרייבן אזעלכע זאצן נאך וואס מהרב"צ האט קאמאנדעוועט ניין יאר אז מ'זאל נישט לאזן רמ"ד נוצן דעם נאמען באבוב.. שרייסטו אבי דער פעטער זאל צופלאצט ווערן! ענדערש כאפ א שווייג אנשטאט צו פארשרייען דיין רעבינס קרומקייט.


במחילה גדולה פון כבוד הרב לאליפאפ, אבער איטשע האט א נקודה, און דיינע רייד זענען סתם ווילד געשריבען.
טאקע גענוי דאס איז די נקודה דא. באבוב איז א קאמפאני/חסידות נאמען, ר' בן ציון וחסידיו ווילן נישט אז א צווייטע זאל דאס נוצען, אזוי ווי עס קרענקט סאטמאר אז דער אנדערע זייט רופט זיך אזוי, און עס קרענקט וויזניץ אז ר' מענדל רופט זיך אזוי, און עס קרענקט דעם בעלזער רב אז די מאכניפקער רופן זיך אזוי. גענוי אזוי קרענדט עס באבובער חסידים, אז ר' מרדכי דוד רופט זיך אזוי.
ווען נישט וואס ר' מרדכי דוד וואלט ווען געלאפן אין קאורט/בי"ד, וואלט ער געהייסן 'באבוב' עד היום הזה, און ר' בן ציון וואלט זיך געמוזט ווישן דעם נאז. און בד"א, וואלט רמ"ד אסאך בעסער אויסגעזען, הן אין דער וועלט, הן פינאנציעל, הן מיט מאראל. רב"צ האט נישט געהאט מיט וואס צו נעמען ר' מרדכי דוד צום די"ת, און פאר דער נאמען אליינס וואלט ער עס נישט געטוען. צו זיין מזל, האט ר' מרדכי דוד געמאכט די שמוציגע ארבעט פאר עם, ער איז געלאפן אין קאורט, פון דארט צו דין תורה, דין תורה האט גע'פסק'נט, אז ער מוז צולייגען א נאמען.
דער זעלבע תורה, וואס האט אזוי גע'פסק'נט, ביי תולדות אהרן, פינסק קארלין, און נאך, דער זעלבע תורה האט דא גע'פסק'נט דער זעלבע פסק.
איינער האט עפעס "קאמאנדעוועט ניין יאר אז מ'זאל נישט לאזן רמ"ד נוצן דעם נאמען באבוב"? בארואיגט אייך. רמ"ד האט תובע געווען פון באבוב "אלע געביידעס", לכבוד דעם האט רב"צ עם תובע געווען דער "נאמען". בלאז נישט אויף די באבל גרעסער ווי ס'איז.

יעצט קומט ר' מרדכי דוד מיט א געניאלן איינפאל, אמת איך קען טאקע נישט הייסן באבוב, אבער העלאו, איך גיי צופיקסן מיין פעטער. כ'גיי מיך רופן באבוב45, זאלן מען לאכן פון מיר אין די גאס, אבי מען זאל "חס ושלום" נישט רופן מיין פעטער "באבוב", אולי וועט עס מיר געלונגען, און מען וועט עם רופן "באבוב48".
וואס רב"צ האט געטוען צו רמ"ד לגבי דער נאמען אין דין תורה, איז העכסט נארמאל. יעדער נתבע, פראבירט מיט א קאונטער קלעים. און דאס איז געווען דער איינציגסטע לעווערעדזש וואס באבוב האט געהאט, און גאנץ א פארשטענדליכע.
ווידער וואס רמ"ד פלאנט צו טוען, עי' למעלה וואס דער עולם האלט.
באניצער אוואטאר
מארקוס
מאנשי שלומינו
מאנשי שלומינו
 
הודעות: 137
זיך רעגיסטרירט: מאנטאג אוגוסט 25, 2014 10:51 am
האט שוין געלייקט: 7 מאל
האט שוין באקומען לייקס: 37 מאל

הודעהדורך גאלד » דינסטאג אוגוסט 26, 2014 8:30 am

ביי מיר איז דא איין עולה פון די פסק, און די סיבה פארוואס מ'קען עס נישט מדמה זיין צו קיין שום אנדערע פסק דין ווי תולדות אר"י, כונת הלב, פינסק, וכדומה,

רבונו דעלמא כולא! וועלכע פון די אלע אנדערע דין תורה האט זיך געשלעפט א הימלשרייענדע 10 יאר, ס'זענען דא היינט אין באבוב קינדער בר מצוה בחורים וואס זייער גאנצע לעבן איז געווען אז מ'ווארט אויף א פסק בי"ד אין משיח צדקינו, 10 איז שוין א עפאכע, א תקופה,

קומט א אינקאמפעטענט בי"ד, און נאך 10 יאר, האט די געמיינע חוצפה צו זאגן פאר א אנגעזעהנער אדמו"ר, דריי צוריק דעם זייגער, "טויש דיך די נאמען, און ביסט מחויב צו זאגן פאר יעדן אז איך בין נישט באבוב", און האט נאך דא העזה צו זאגן אז ס'ליגט חכמה דערין

האלא! ווען דער פסק קומט ווען ארויס נאך א נארמאלע צייט, א יאר צו וויפיל, וואלט דאך קיינער נישט געדארפט זאגן פאר קיינעם אז ער איז נישט באבוב, ס'וואלט זיך לכתחלה אזוי איינגעפעדעמט ושלום על ישראל...

עטס בי"ד זענט אינגאנצן שולדיג פארוואס רמ"ד איז נקרא בכל העולם אדמו"ר מבאבוב, און יעצט דארף רמ"ד זיין גאר דער וואס ברויך צוריקדרייען וואס ענק האבן אנגעווערטשאפט, פאר ענקער אינקאמעפטענטקייט זענען ענק מחייב א אדמו"ר זיך אראפציען די הויזן אין מיטן 13טע עוועניו

איך אלס א ר' אהרן סימפאטיקער, וואלט קיינמאל יעצט נאך 10 יאר פארלאנגט פון רז"ל אז ער זאל זיך יעצט טוישן די נאמען, ביליוו מי איך וואלט פראטעסטירט

דאס איז קיין שום מענטשליכקייט, קיין שום אחריות, קיין שום רעספעקט,
אויב קלערט איר אז איך געב א hoot אויף אהרן און זלמן לייב זאלט איר וויסן אז אויסדריקליך יא! און רעג מיך נישט אויף!
באניצער אוואטאר
גאלד
חבר ותיק
חבר ותיק
 
הודעות: 2120
זיך רעגיסטרירט: מאנטאג מאי 07, 2012 1:42 pm
האט שוין געלייקט: 670 מאל
האט שוין באקומען לייקס: 1718 מאל

הודעהדורך המלוכה והממשלה » דינסטאג אוגוסט 26, 2014 8:43 am

Cp

סאיז דא א באוויסטע ווארט פון איינער פון די צדיקים ווי ער האט מסביר געווען (פאר) נאפאליאן פארוואס ער וועט האבן א דורכפאל, האט ער געזאגט אז ס'איז געווען א פריץ וואס האט זיך געלאזט וואילגיין און געקויפט די פיר בעסטע שוועדישע פערד, פארשטייט זיך אז זיין וואגען האט גאלאפירט מיט א מעכטיגע שנעלקייט, ביים נעקסטען באנקעט האט ער זיך שטאלצירט מיט זיינע מעכטיגע פערד.
א צווייטער פריץ האט זיך באררעכנט צי איבערשטייגען דעם ערשטען, ער האט געקויפט די בעסטע פערד פון דענמארק און פון בעלגיע און ענגלאנד און פראנקרייך, בקיצור ער האט געהאט די בעסטע פערד פון די וועלט, ער שפאנט איין די פיר פערד צום וואגן, ער שמייסט און שמייסט און גארנישט, ער איז געגאנגען פרעגן דעם ערשטן פריץ פארוואס ס'גייט נישט, האט ער אים מסביר געווען, דארפסט פארשטיין, מיינע פיר שוועדישע פערד איך שמייס איינעם און אלע שפרינגען, משא"כ דיינע פערד, די פראנצויזישע פערד גייט נישט אן אז די בעלגישע פערד כאפט שלעק, אא"ו.
האט ער מסביר געווען נאפאליאן, האט טאקע די בעסטע מיליטער, אבער ס'איז צאמגעשטעלט פון פארשידענע פעלקער, משא"כ די רוסישע מיליטער, ס'איז טאקע נישט אזוי מעכטיג, אבער ווען איינער ווער דערהאגעט ווערן די אנדערע מער אויפגעהייטערט און קאמפס גרייט.

לענינינו די ווייטאגליכע נושא פון דיני תורה, איך מיין אז די פראבלעם דערפון דארף מען נישט מסביר זיין פאר קיינעם, ובפרט נאך דעם שאנדפולן פסק פון די וואך, אוי לאותה בושה, נאר וואס דען אבל אשמים אנחנו, אידען יחידים האבן געבליטיגט פון די רשעות און הפקרות וואס איז אנגעגאנגען, סיי די געלט רויבעריי, די עינוי הדין, די לעק אוו טרענספערענסי, די זערא אקאנטעביליטי, סתם ליצנות און צייט פארברענגעריי, דאס רעדן מיט איין צד שלא בפני בעל דינו, די טוענים ובוררים פראצעדור וואס גענצליך ארויס פון הלכה'דיגן פראפארץ.

ווידער דער צוגאנג פון די רבנים און די קהלות ומוסדות צו נעמען טריקענערהייט די שטעלונג פון די דיינים, לכל אשר ידבנו לבם, פסקים סירובים עיקולים יו נעים איט, מען שמייסט דאך יענעם און איך דארף מיך נישט צוטוהן מאכען, האט מען אלע קהילות און זייערע רבנים געגעבן אביסל פון דעם מעדעצין טועם צו זיין.

מ'האלט מיר נאך די גרויסע חילול השם המכונה פסק דין אין באבאוו, וואס איז אזוי שוידערליך מיט די פסק?

1) די צייט וואס די דין תורה האט גענומען, 9 גאנצע יאר, דאס מיינט אז בר מצוה בחורים געדענקן שוין נישט וויאזוי באבוב האט אמאל אויסגעקוקט, אדער ווי בית דין אליינס שרייבט 'הסכסוך "אם זה עוד נוגע" אודות בגן...'

2) די געלט וואס די דין תורה האט אפגעקאסט - דיינים האבן באקומען צווישן 250 און 350 א שעה!, (3 דיינים, 2 בוררים, 2 טוענים, צוויי ספרא דדיינא'ס), א יעדע זיצונג האט גענומען א וואך, א קיימא לן פון איבער 90,000 דאלער, דאס איז געווען לפעמים צען זיצונגען א יאר איז קרוב צו א מיליאן דאלער יעדע יאר, און פאר 9 יאר 8 מיליאן דאלער, (פארשטייט זיך סאיז געווען נאך הוצאות, מהאט געברענגט אפרעיזלס, לויערס, געדינגן פלעצער צו זיצן וכו'.

3) די סכום שטותים וואס איז אויסגעשמועסט אין דעם פסק, די עכטע פסק די נכסים די נאמען און די געלט איז 4 סעיפים, דערנאך אנבעליוועבל איבער 20 סעיפים פון גארבידש, די אותיות 45 ווי גרויס און קליין ס'מעג זיין, די יוניפורם חלילה נישט זיין די זעלבע, די קליינע מיידלעך מיט זייער יוניפורם זענען דאך די מכריע ווער ס'איז עכטע באבוב.

די אינערליכע געפיל וואס איך האב פאר ר' מרדכי דוד איז מיינע פריוואטע נגיעות, יעדע מענטש ווען ס'פאסירט אן אומגליק ח"ו מיט א צווייטען, די ערשטע זאך וואס די מח פרובירט אויסצוחשבונן איז, אז צו מיר קען דאס נישט פאסירן, ס'האט פאסירט צו יענעם וועגן דאס און וועגן יענץ, משא"כ איך נישט, איך בין פראטעקטעד אדער איך גיי מיך פראטעקטן.

די סך הכל פון די פסק דין אז ר' בנציון באקומט אלעס! און די פאר פארשטינקענע דאלערס וואס רמ"ד באקימט יא, צוטיילט אין 20 פעימענטס אז פאר די נעקסטע 5 יאר, אויב חלילה א 45 מיידל וועט אנטוען די טארטיקובער יוניפורם, אדער איינער אין מאנטשעסטער פארגעסן צו שרייבען 45 מיט די זעלבע סייז פאנט, וועט שוין רב"צ זיין פטור פון דעם אויך, איז דאך אין קארצן געזאגט ער איז ארויס נקי מכל.

מיין מח האט נאך נישט קולט געווען פארוואס צו מיך וואלט עס נישט פאסירט, אין אנדערע ווערטער, איך זעה נאך נישט די אויפריכטיגקייט אין רב"צ'ס טענות, די איינציגסטע זאך וואס מיין ארימע שכל זעהט פאר א לעזונג איז זיך שלאגן ביז בלוט, ווייל ווער ס'וועט האבן געכאפט די מאכט דער וועט דאס האבן צום סוף, היות איך בין מזרע יעקב נישט מגזע פון הייליגן ידיים ידי עשו שפיר איך זיך הילפלאז.

לאמיך אביסל טרייען צו פארשטיין וואס איז דא באמת ראנג. אזא עקסטרעמע פסק און אזוי איינזייטיג קומט געספרינקלט מיט דברי תורה, משא"כ דער יעצטיגער פסק דין מעג מען לייענען אין בית הכסא אויך, ממילא איך אלץ ציווילע בירגער ווייס נישט מה חרי האף הגדול הזה, פארוואס קימט אים גארנישט און צד ב' אלעס, און אז די בית דין גיט נישט קיין הסברים איז דער טבע פון מענטשען אליינס צו מאכען הסברים. ס'קוקט אויס צו מיינע פליישיגע אויגן אז די סיבה פארוואס עס שטייט נישט די סיבה איז ווייל ס'איז נישטא קיין סיבה, ובפרט די נאמען באבוב פארשטיי איך שוין בכלל נישט, ס'איז דא 3 סאטמאר, 3 וויזניץ, 20 ספינקא, 40 לעלוב, 50 נאדבורנא, אפילו 2 סקווירא אויך, פלוצלינג איז געפערליך ס'מעג זיין נאר איין באבוב, ממש די קאליר מיט די נאמבער און סייז פון די פאנטס איז בהכרח פארזיגלט.

די אמת איז אז טאקע דא ליגט דער הינט באגראבן, פארוואס האט 85 פראצענט פונעם פסק דין געשטעלט אויף דעם "נאמען באבוב", אלא מאי די בית דין איז אזוי ביזי ארבעטן פאר צד ב' זיי געדענקן שוין אפילו נישט וואס די דין תורה איז אל עבאוט, די בנינים האט שוין ר' בנציון עניוועיז, די איבריגע האט מען צוגעכאפט מיטן שלייער פון פסק דין זמני וחלקי, נאר די נאמען, דאס איז זיי געלעגן אין קאפ, וויזוי מען גייט דעם נאמען צוכאפן, ממש לא נתקררה דעתם ביז זיי האבן געשריבן 20 סעיפים וועגן די נאמען, ממש א גאנצער שולחן ערוך הלכות שמות קהילות, אוי הייליגער דברי חיים מי יגלה עפר מעיניך זעהן ווי די אייניקליך זענען זיך אזוי מעמיק און שמות גיטין וקהילות.

בעצם סאטמאר איז שוין 5 יאר פריער געגאנגען אין קארט, און קיינער בלעימט זיי נישט, יעדער ווייסט פארוואס, נו פארוואס האט ר' מרדכי דוד נישט געהאט קיין שכל, אבער די אמת איז אז תשנ"ט ווען מהאט גערעדט אז די בתי דינים זענען גארנישט ווערט וכו', און מ'האט באשולדיגט אז בעלי דינים זענען קרוקס וכו' זיי פאלגען נישט וכו', די באבובער דין תורה האט ענדליך אויפגעדעקט דעם אמת די בעלי דינים זענען פיין, די דיינים זענען פארפוילט מכף רגל ועד ראש.

מען האט שוין לאנג געדארפט זוכען עצות ותחבולות אפצושטעלן די קאררופציע, איך מיין די שורש פון אלעם איז די ריזיגע געלטער, 350 דאלער א שעה מה יעשה הבן שלא יחטא? אפילו ר' מרדכי באב"ד שוין א ערליכער, ס'איז געקימען סאטמאר בארא פארקער דין תורה האט ער זיך אויפגעפירט ווי א מאפיע, איך זאג דיר צו אז פאר 25 דאלער א שעה טוט ער דאס נישט, הגם ליידער אויסער די געלט איז דא א רעיס צווישן די באב"ד ברודערס ווער ס'גייט אריינכאפן מער רבי'ס זיך צו דארפן ביקען צו זיי.

מען טאר נישט פארגעסן די הלכה פסוקה אין שלחן ערוך איז, הנוטל שכר לדון כל דיניו שדן בטלין, אלא א"כ ידוע שלא נטל בהם שכר, ואם אינו נוטל אלא שכר בטלתו מותר, והוא שיהיה ניכר לכל שאינו נוטל אלא שכר בטלתו, כגון שיש לו מלאכה ידועה לעשות בשעה שיש לו לדון, ואמר לבעלי הדין תנו לי שכר פעולה של אותה מלאכה שאתבטל ממנה, והוא שיקבל משניהם בשוה. אבל אם אינו ניכר כגון שאומר שמא יזדמן לי שכר בקניית סחורה וסרסרות ובשביל זה מבקש שכר אסור.

קאמענטארן זענען באמת איבעריג, עפ"י דין זענען זייערע פסקים נישט קיין פסק בכלל, און און לויטן דברי חיים אויב די בעלי דינים זענען נישט צופרידען מיטן פסק זענען זיי יעדע פעני מחויב צוריק צו געבן, ס'וועט נישט העלפן קיין תשובות פון מזנה צדק, און נישט פון הברי והמשומד.

די איינציגסטע וועג צו ציברעכן די קארופשען איז מאכען א קול קורא פון אלע רבנים אז מען טאר נישט נעמען מער ווי 25 דאלער א שעה, ווער ס'פאלגט נישט און נעמט יא איז זיין פסק נישט קיין פסק כמבואר בשולחן ערוך לגבי הנוטל שכר לדון דיניו בטלין.

די אמעריקאנער רבנים וועלן דאס נישט אזוי שנעל אינטערשרייבען, אבער מען דארף אנהייבן אין ארץ ישראל, רב וואזנר, רב קרליץ, די עדה, ר' חיים קניבסקי, הרב שטיינמאן, הרב אויערבאך, וכו' דערנאך די יוראפעיאר רבנים, רב פאדווא, רב שיף, רב ברייש, וכו' ר' יחזקאל ראטה, דערנאך וועלן שוין אלע אמעריקאנער אינטרשרייבען.

און לדעתי וועט דאס מאכען א סוף צו די קאררופשען, למעשה אין אדם חוטא ולא לו, פאר פארשטינקענע פאר גרייצער גייט זיך קיינער נישט פארשמוציגען.

סאטמאר, באבוב, וויזניץ, עטץ האטס געשפירט דעם טעם פון עינוי הדין און עיוות הדין, יעצט איז די צייט צו מאכען ארדענונג.
במקום שאין איש קוקט עס אזוי אויס
נאר נחום ראזענבערג ראטעוועט אונז פון מאלעסטעישן
נאר מייקל בלומבערג ראטעוועט אונז פון הערפיס
נאר חיים שאולזאן פארדאמט אלע רשעות
נאר נפתלי מאסטער העלפט אונז באקומען א נארמאלע עדוקעישען
נאר די סעקולער געריכטן טוען עפעס פאר יושר און צדק
המלוכה והממשלה
ידיד ותיק
ידיד ותיק
 
הודעות: 871
זיך רעגיסטרירט: מיטוואך מערץ 12, 2014 7:38 pm
האט שוין געלייקט: 1012 מאל
האט שוין באקומען לייקס: 1403 מאל

הודעהדורך יושב בסתר » דינסטאג אוגוסט 26, 2014 8:52 am

גאלד האט געשריבן:ביי מיר איז דא איין עולה פון די פסק, און די סיבה פארוואס מ'קען עס נישט מדמה זיין צו קיין שום אנדערע פסק דין ווי תולדות אר"י, כונת הלב, פינסק, וכדומה,

רבונו דעלמא כולא! וועלכע פון די אלע אנדערע דין תורה האט זיך געשלעפט א הימלשרייענדע 10 יאר, ס'זענען דא היינט אין באבוב קינדער בר מצוה בחורים וואס זייער גאנצע לעבן איז געווען אז מ'ווארט אויף א פסק בי"ד אין משיח צדקינו, 10 איז שוין א עפאכע, א תקופה,

קומט א אינקאמפעטענט בי"ד, און נאך 10 יאר, האט די געמיינע חוצפה צו זאגן פאר א אנגעזעהנער אדמו"ר, דריי צוריק דעם זייגער, "טויש דיך די נאמען, און ביסט מחויב צו זאגן פאר יעדן אז איך בין נישט באבוב", און האט נאך דא העזה צו זאגן אז ס'ליגט חכמה דערין

האלא! ווען דער פסק קומט ווען ארויס נאך א נארמאלע צייט, א יאר צו וויפיל, וואלט דאך קיינער נישט געדארפט זאגן פאר קיינעם אז ער איז נישט באבוב, ס'וואלט זיך לכתחלה אזוי איינגעפעדעמט ושלום על ישראל...

עטס בי"ד זענט אינגאנצן שולדיג פארוואס רמ"ד איז נקרא בכל העולם אדמו"ר מבאבוב, און יעצט דארף רמ"ד זיין גאר דער וואס ברויך צוריקדרייען וואס ענק האבן אנגעווערטשאפט, פאר ענקער אינקאמעפטענטקייט זענען ענק מחייב א אדמו"ר זיך אראפציען די הויזן אין מיטן 13טע עוועניו

איך אלס א ר' אהרן סימפאטיקער, וואלט קיינמאל יעצט נאך 10 יאר פארלאנגט פון רז"ל אז ער זאל זיך יעצט טוישן די נאמען, ביליוו מי איך וואלט פראטעסטירט

דאס איז קיין שום מענטשליכקייט, קיין שום אחריות, קיין שום רעספעקט,



גערעכט דער דין תורה סיסטעם האט דער פראבלעים, אז עס נעמט זייער לאנג, דער וואס קען די סיסטעם ווייסט אז אפי' זייער א פשוטע קעיס קען נעמען חדשים אדער יארען. ווען עס קומט צו אזא קאמפלעקעטד קעיס נעמט עס אסאך מער.
בי"ד האט געהאט גאר אסאך ארבייט חוץ פון אלע מציאותן וואס בי"ד האט געדארפט מברר זיין, וואס האט גענימען זייער לאנג. איז דא די הלכהדיקע טענות וואס האט גענומען גאר לאנג, יעדער צד איז געקומען מיט לאנגע מגילות פון טענות ומענות, און דער בי"ד האט געדארפט געבען פאר יעדער גענוג צייט, עי' בספר הברי והשמה, וואס האט און דעם כמעט 300 עמודים איבער אסאך הלכדיקע נוסעים וואס דער בי"ד האט ארומגערעדט.
דער גאנצער פסק איז שוין געווען גרייט פאריאהר שבט, דאס הייסט נאך שבע וחצי שנים פון זיצען, נישט צופיל אבער עטוואס בעסער וואו ניין יאר, אבער די אנשי 45 האבען געטוהן כל מה שביכלתם און געשטיפט נאך א יאר און א האלב, אהן קיין שום מושב בי"ד. ביז בי"ד האט אראפגעלייקט די פיס.
אגב דער פינסק'ער די"ת האט דאכט זיך גענומען בערך 20 יאהר.

דער עיקר איז אז דער עולם האט טענות.
איינער פרעגט מיר, די זעהסט נישט אז דער פסק איז איינזייטיג?
האב איך אהים גענטפערט, נא פארדעהם גייט מען איון די"ת צו זעהן ווער ס'איז גערעכט.
יושב בסתר
א גאסט אין שטיבל
א גאסט אין שטיבל
 
הודעות: 18
זיך רעגיסטרירט: מיטוואך מערץ 05, 2014 2:18 pm
האט שוין געלייקט: 2 מאל
האט שוין באקומען לייקס: 14 מאל

הודעהדורך ישראל קאפקע » דינסטאג אוגוסט 26, 2014 9:52 am

יושב בסתר האט געשריבן:דער עיקר איז אז דער עולם האט טענות.
איינער פרעגט מיר, די זעהסט נישט אז דער פסק איז איינזייטיג?
האב איך אהים גענטפערט, נא פארדעהם גייט מען איון די"ת צו זעהן ווער ס'איז גערעכט.

:like :like
מען גייט צו דין תורה פאר א פסק, נישט פאר קיין פשרה, איז דאס אזוי שווער צו פארשטיין?
Apparently my heart was created with a defective on/off switch.

Lee Weisman ~
באניצער אוואטאר
ישראל קאפקע
חבר ותיק
חבר ותיק
 
הודעות: 2177
זיך רעגיסטרירט: מיטוואך יולי 16, 2014 7:44 pm
געפינט זיך: Big Apple, Great Satan.
האט שוין געלייקט: 1580 מאל
האט שוין באקומען לייקס: 2298 מאל

הודעהדורך מארקוס » דינסטאג אוגוסט 26, 2014 12:39 pm

גאלד האט געשריבן:האלא! ווען דער פסק קומט ווען ארויס נאך א נארמאלע צייט, א יאר צו וויפיל, וואלט דאך קיינער נישט געדארפט זאגן פאר קיינעם אז ער איז נישט באבוב, ס'וואלט זיך לכתחלה אזוי איינגעפעדעמט ושלום על ישראל...



דאס הייסט אז די ביסט מודה, אויב דער פסק קומט ווען ארויס א יאר שםעטער, איז א גוטע פסק.
נאר וואס, ס'איז א דורך 9 יאהר.
ווי ווייט איך געדענק האט זיך די תורה נישט געטוישט אין די לעצטע ניין יאהר, איז פארוואס פארשטייסטו אז דער פסק מוז זיך יא טוישן.
באניצער אוואטאר
מארקוס
מאנשי שלומינו
מאנשי שלומינו
 
הודעות: 137
זיך רעגיסטרירט: מאנטאג אוגוסט 25, 2014 10:51 am
האט שוין געלייקט: 7 מאל
האט שוין באקומען לייקס: 37 מאל

The winner and the loosers

הודעהדורך תמימותדיגע » דינסטאג אוגוסט 26, 2014 2:20 pm

בהמשך צו הדד'ס שיינע אשכול, וויל איך שרייבן מיינע מיינונג/געפילן בנוגע די פסק.

על פי רוב גייט עס דינען אלס א סיכום אויף נקודות שכבר קדמוני חברי, מיט א נופך משלי בע"ה

ווער איז די געווינער און ווער איז די פארלירער. מיר מוזען פארשטיין אז יעדער איינער קען זיין סיי א געווינער און סיי א פארלירער. לגבי איין זאך א געווינער און לגבי איין זאך א פארלירער. מוז מען אויס שמעוסען אלע צדדים כדי קלאר צו שטעלן ווער איז א געווינער/פארלירער, און לגבי וואס ער איז אזוי.

קודם לאמיר צולייגן אלע צדדים פון די פאטענצאלער געווינערס אין פארלירערס.
1. די רבנים שישבו על המדון.
2. די טוען מצד רב"צ.
3. טוען מצד רמ"ד.
4. די תורה.
5. די אלגעמיינע כח בית דין.
6. בורר צד רב"צ.
7. בורר צד רמ"ד.
8. צד רמ"ד.
9. צד רב"צ.

1. די רבנים שישבו על המדון.
געווינערס: געמאכט אסאך געלט, מצליח געווען צו קומען צו א פסק (אהן א פסק וואלטן זיי געווען סאך ערגער ווי יעצט).
פארלירער: 1. ענוי הדין, 2. רשעות הדין (דאס מיינט נישט די פסק נאר וויאזוי עס איז געשריבן געווארן). זיי האבן זיך פארשמירט זייער נאמען אלס מענטשן וואס לאזן די בעל הדין הענגען פאר א סאך יארן, און זיי האבן זיך פארשמירט זייער נאמען אלס קאלטבלוטיגער רשעים וואס קענען חתמנען אויף א פסק וואס די גאנצע תוכן איז נאר כדי צו שלעכטס טוהן פאר די בעל דין. איך רעד נישט פון די למעשה פון די פסק, איך רעד פון די וועג וויאזוי זיי האבן געשריבן די פסק.
[3. עיוות הדין. איך האב נישט געוואלט שרייבן עיוות הדין, ווייל יא דאס וואס אונז טענהן עיוות הדין וואלט יעדער פארלירער געטענהט. אמת אז איך האלט און בין זיכער אז די למעשה פון די פסק איז מאטיוועטעד מיט בייעס דיינים, און לדעתי זעהט מיר אויס אז דאס איז די דעת פון רוב הקהל, מ"מ קען איך עס נישט אריין לייגן אין די סיכום צוליב דעם וואס אונז זענען נוגע, און דאס וועל איך לאזן פאר פרעמדע ניקס שכבר כתבוהו, און וועלן עס נאך שרייבן דא]

2. די טוען מצד רב"צ.
הרב גרובער איז לדעתי די געווינער דא. ער האט געמאכט אסאך געלט, ער האט דיליווערט נאך בעסער ווי עקספעקטעד. ער קען ערווארטען אסאך ביסנעס אין די פיוטשער.

3. טוען מצד רמ"ד.
פארלירער: הרב שמחה ראטה איז לכאורה א פארלירער, ער האט נישט דיליווערט, אדרבה זיין צד האט געהאט א טאטאלע דורכפאל.
געווינער: ער האט געמאכט שווערע געלטער. בנוסף צו די שעות וואס ער איז באצאלט געווארן צו זיצן און טענהן אין בי"ד, איז ער אויך באצאלט געווארן שעות אויף זיך גרייטן צו די טענות. לדעתי איז ער אויך ארויף אויף די מאפע. ער איז געווען זייער אן אומבאקאנטער טוען. און יעצט האט ער געטראגן א היי פראפייל דין תורה. כאטש ער האט שטארק פארלוירן, איז ער אבער ארויף מער אויף די מארקעט דורך די פאבליסיטי וואס ער האט באקומען.

4. די תורה.
פארלירער: קיינער וועט נישט זאגן אז דאס איז א פסק וואס ברענגט כבוד התורה. דאס וועט נישט זאגן די צד רב"צ און אוודאי נישט צד רמ"ד. דאס ברענגט נישט ארויס די דרכיה דרכי נועם. קען זיין אז צד אונזער צד איז שולדיג קען זיין אז צד רב"צ איז שולדיג, קען זיין אז בי"ד איז שולדיג, אבער קיין כבוד התורה איז נישט ארויס פון דעם.


5. די אלגעמיינע כח בית דין.
פארלירער: נזדעזע העולם ומלואה נאך וואס דער פסק איז ארויס. איינער שרייט עיוות הדין, דער צווייטער שרייט עינוי הדין, דער דריטע שרייט רשעות, הצד השוה, אז מענטשן האבן היינט ווייניגער טראסט אין די בי"ד סיסטעם ווי פאר די פסק איז ארויס.

6. בורר צד רב"צ.
געווינער: הרב גרויז א געווינער מצד די געלט וואס ער האט אריין געשארט, און ועל כלם אויף די גלונגעמע פסק וואס ער האט ארויס געריקט קעגן אונז. ער האט געטוהן א מייסטערישע מאפיאנערישער ארבעט. איך בין זיכער אז דער קעיס וועט זיין אזויווי אסאך אנדערע קעיסעס וואס ער האט געוואנען צו זיין הצלחה. איך וואלט אים געהייערט ווען איך דארף א טוען אדער א בורר. און איך בין זיכער אז רוב מענטשן וואס דארפן איינס וועלן אים וועלן ניצן.

7. בורר צד רמ"ד.
פארלירער: ער האט נישט דיליווערט. ער האט פארפירט זיין צד, פאר דיע וואס ווייסן אלס וואס איז פארגעקומען אונטער די קאליסן. ער האט נישט ארויס געהאט די קרומע מהלך פון אמעריקאנער דין תורה סיסטעם. ער האט שוואכע טשאנסען אז ער זאל ווערן געהיירט פאר א דין תורה אין אמעריקע. און איך בין זיכער אז עס וועט אים קאסטן אויך לגבי דין תורה'ס אין די גארע וועלט.
געווינער: געמאכט א סאך געלט. אויך א געווינס.

8. צד רמ"ד.
פארלירער: כמעט אלעס! (נישט ממש ער האט דאך גערנישט געהאט סייווי. נאר כמעט אלע זייערע תביעות). די בנינים, וואס יעדער איינס איז א פארלוסט פאר זיך. די נאמען פארלוירן למחצה אז ער דארף האבן א לאטע אויף די נאמען פון די חסידות. אמת מיר דארפן קלאפן סלח לנו, פארן פירן אזא צודרייטע מערכה.
געוואנען: אויב מען קען עס רופן געווינען: ביסל געלט 6.2 מיליאן, אויב ער וועט עס באקומען (איך מיין אז די געלט וועט סייווי נישט אהנקמען צו אים לויט ווי איך קען 48). באבוב מיט א צונאמען, דער וואס ווייסט ווי 48 האט זיך געשלאגן מיט ציין און נעגל אז דאס זאל אויך נישט זיין.
דער עיקר איז אז אויב אונז האבן די שכל אין ווישן זיך אפ שלינגען עס אראפ, און הייבן זיך אהן צו בויען, דאס קען זיין וועט זיי העלפן די פסק, אז חלומות וועט שוין ביי אונז נישט זיין און פון יעצט וועלן זיך בויען בכל הכוחות. למעשה אזויווי עס האבן שוין דא געשריבן כמה ניקס אז די רבי וואס אונז האבן איז א רבי וואס מיר זענען שטאלץ מיט, א אפגעהיטענע איד, וואס היט זיך די אויגן, א תלמוד חכם, א מנהיג, און אויך א טאטע וואס לייגט זיך אריין אין יעדעםס פרבלעם. א חסידישע טעם פון דער היים, וואס ברענגט מיט די נאסטאלאג'י פון דער גאליציאנער פארצייטישע צאנזער היים. דאס וועט ביי אונז בלייבן אויף אייביג, עד מאה ועשרים שנה און דאס קען קיינער נישט פון אונז צונעמן.

9. צד רב"צ.
געוינערס: נאל איין מאל געוואנען. אלעס (כמעט) בנינים די נאמען, די לעגיטימאציע. וואס נישט.
פארלוירן: זיי האבן גארנישט פארלוירן!! ניין???
אבער, זיי זענען סטאק מיט זייער רבי מיט אלע זיינע מעלות וחסרונות, וועלן זיי אים דארפן דינען עד מאה ועשרים שנה. בי"ד האט זיי מיט דעם נישט געהאלפן, אים אביסל אריין צו געבן מענטשליכקייט, און דאס גייט זיי באגלייטן לאנג נאך דער קנאק פון נצחון וועט אויסוועפן. עס וועט קומען א טאג וואס די גאנצע נושא פון די דין תורה וועט שוין כמעט אינגאנצן פארגעסן ווערן, אבער זייער רב וועט נאך אלץ זיין זייער רבי/דיקטאטאר. וואלט ער עפעס באקומען א לקח יעצט ביים דין תורה וואלט ער אפשר אביסל געווארן איידלער פון דעם זעענדיג ווי נישט אלעס גייט 'ווי ער וויל'. אבער יעצט זענען זיי סטאק מיט אים און זיי וועלן בלייבן סטאק עד יום מותו (לגבי זיינע קינדער זעה איך יעצט נישט קיין חילוק פון זיי און די רמ"ד'ס קינדער). לגבי דעם זענען זיי גרויסע פארלירערס, דאס קען מעיד זיין יעדער באבובער חסיד, און יעדער וואס האט זיך דארט געדרייט א שטיקל צייט במשך די לעצטע 50 יאר.
תמימותדיגע
מאנשי שלומינו
מאנשי שלומינו
 
הודעות: 73
זיך רעגיסטרירט: מיטוואך אוגוסט 20, 2014 11:23 am
האט שוין געלייקט: 37 מאל
האט שוין באקומען לייקס: 30 מאל

הודעהדורך שעפטל » דינסטאג אוגוסט 26, 2014 3:28 pm

איך בין נישט קיין באבוב'ער אבער איך וועל יא ענטפערן, טראץ דעם וואס דו האסט אראפגעלייגט זייער א גוטע אנאליז מצד דיין זייט...
תמימותדיגע האט געשריבן:1. די רבנים שישבו על המדון.
געווינערס: געמאכט אסאך געלט, מצליח געווען צו קומען צו א פסק (אהן א פסק וואלטן זיי געווען סאך ערגער ווי יעצט).
פארלירער: 1. ענוי הדין,

די שאלה וואס איך פרעג שוין כמה פעמים איז צו זיי זענען טאקע גאר געווען די וואס האבן געשלעפט, צו די צדדים זענען אסאך מער שילדיג דערין, צו די צוויי צדדים האבן זיך ארומגשפילט מיט די דאטומען און מיט זינלאזע לעכעריגע טענות, פשוט ארומצושלעפן און נישט פארלירן...
תמימותדיגע האט געשריבן:2. רשעות הדין (דאס מיינט נישט די פסק נאר וויאזוי עס איז געשריבן געווארן). זיי האבן זיך פארשמירט זייער נאמען אלס מענטשן וואס לאזן די בעל הדין הענגען פאר א סאך יארן, און זיי האבן זיך פארשמירט זייער נאמען אלס קאלטבלוטיגער רשעים וואס קענען חתמנען אויף א פסק וואס די גאנצע תוכן איז נאר כדי צו שלעכטס טוהן פאר די בעל דין. איך רעד נישט פון די למעשה פון די פסק, איך רעד פון די וועג וויאזוי זיי האבן געשריבן די פסק.

זיי האבן געשריבן א פסק וויי צו טוהן? זיי האבן געשריבן א פסק ווי אזוי זיי האלטן.. ס'קען זיין דו האסט נישט ליב וואס זיי האלטן, אבער זיי וואלטן סתם אזוי נישט געשריבן א פסק קעגן רמ"ד שליט"א אן דעם וואס זיי זענען פארמישט אין דעם דין תורה. די געווינער צד האלטן אז ס'איז געשריבן געווארן מיט א מורא'דיגע יושר און צדקת הדין...
תמימותדיגע האט געשריבן:[3. עיוות הדין. איך האב נישט געוואלט שרייבן עיוות הדין, ווייל יא דאס וואס אונז טענהן עיוות הדין וואלט יעדער פארלירער געטענהט. אמת אז איך האלט און בין זיכער אז די למעשה פון די פסק איז מאטיוועטעד מיט בייעס דיינים, און לדעתי זעהט מיר אויס אז דאס איז די דעת פון רוב הקהל, מ"מ קען איך עס נישט אריין לייגן אין די סיכום צוליב דעם וואס אונז זענען נוגע, און דאס וועל איך לאזן פאר פרעמדע ניקס שכבר כתבוהו, און וועלן עס נאך שרייבן דא]

זאגסט גאנץ קלאר.... יעדער פארלירער שרייט דאס....
תמימותדיגע האט געשריבן:2. די טוען מצד רב"צ.
הרב גרובער איז לדעתי די געווינער דא. ער האט געמאכט אסאך געלט, ער האט דיליווערט נאך בעסער ווי עקספעקטעד. ער קען ערווארטען אסאך ביסנעס אין די פיוטשער.

3. טוען מצד רמ"ד.
פארלירער: הרב שמחה ראטה איז לכאורה א פארלירער, ער האט נישט דיליווערט, אדרבה זיין צד האט געהאט א טאטאלע דורכפאל.
געווינער: ער האט געמאכט שווערע געלטער. בנוסף צו די שעות וואס ער איז באצאלט געווארן צו זיצן און טענהן אין בי"ד, איז ער אויך באצאלט געווארן שעות אויף זיך גרייטן צו די טענות. לדעתי איז ער אויך ארויף אויף די מאפע. ער איז געווען זייער אן אומבאקאנטער טוען. און יעצט האט ער געטראגן א היי פראפייל דין תורה. כאטש ער האט שטארק פארלוירן, איז ער אבער ארויף מער אויף די מארקעט דורך די פאבליסיטי וואס ער האט באקומען.

אגרי מיט אלע ביידע שטארק!
תמימותדיגע האט געשריבן:4. די תורה.
פארלירער: קיינער וועט נישט זאגן אז דאס איז א פסק וואס ברענגט כבוד התורה. דאס וועט נישט זאגן די צד רב"צ און אוודאי נישט צד רמ"ד. דאס ברענגט נישט ארויס די דרכיה דרכי נועם. קען זיין אז צד אונזער צד איז שולדיג קען זיין אז צד רב"צ איז שולדיג, קען זיין אז בי"ד איז שולדיג, אבער קיין כבוד התורה איז נישט ארויס פון דעם.

דא קומט ווידער אריין די אישו פון "איז די א פסק זה חייב וזה זכאי" צו דארף מען טאקע אייביג ארבייטן אויף פשרות...
אויב די תורה זאגט אז מ'גייט צו דין תורה און די דיינים זאלן פסק'ענען ווער ס'איז גערעכט און ווער נישט, קומט נישט אריין פשרות, אלעס גייט פארן געווינער און זכאי און דער פארלירער/חייב זאל פאקן פעק און גיין לחיים ולשלום
תמימותדיגע האט געשריבן:5. די אלגעמיינע כח בית דין.
פארלירער: נזדעזע העולם ומלואה נאך וואס דער פסק איז ארויס. איינער שרייט עיוות הדין, דער צווייטער שרייט עינוי הדין, דער דריטע שרייט רשעות, הצד השוה, אז מענטשן האבן היינט ווייניגער טראסט אין די בי"ד סיסטעם ווי פאר די פסק איז ארויס.

ווענט זיך וועלכע עולם... כ'גלייב אז ס'דא וואס וועלן ווייטער וועלן גיין צו דין תורה האלטענדיג אז זיי האבן די שאנסן פון רב"צ
תמימותדיגע האט געשריבן:6. בורר צד רב"צ.
געווינער: הרב גרויז א געווינער מצד די געלט וואס ער האט אריין געשארט, און ועל כלם אויף די גלונגעמע פסק וואס ער האט ארויס געריקט קעגן אונז. ער האט געטוהן א מייסטערישע מאפיאנערישער ארבעט. איך בין זיכער אז דער קעיס וועט זיין אזויווי אסאך אנדערע קעיסעס וואס ער האט געוואנען צו זיין הצלחה. איך וואלט אים געהייערט ווען איך דארף א טוען אדער א בורר. און איך בין זיכער אז רוב מענטשן וואס דארפן איינס וועלן אים וועלן ניצן.

דעם "מאפיאנערישן" וואלט איך ארויסגענומען... נישט ווייל ער האט נישט געארבייט אזוי, נאר כך הוא דרכו של הדין תורה... ביידע צדדים... קען זיין ער קען בעסער די געים, דאס מאכט אים נאכנישט פאר א מאפיא קעגן זיין קעגנער, העכסטענס פאר א לידער פון א בעסערע גענג...
תמימותדיגע האט געשריבן:7. בורר צד רמ"ד.
פארלירער: ער האט נישט דיליווערט. ער האט פארפירט זיין צד, פאר דיע וואס ווייסן אלס וואס איז פארגעקומען אונטער די קאליסן. ער האט נישט ארויס געהאט די קרומע מהלך פון אמעריקאנער דין תורה סיסטעם. ער האט שוואכע טשאנסען אז ער זאל ווערן געהיירט פאר א דין תורה אין אמעריקע. און איך בין זיכער אז עס וועט אים קאסטן אויך לגבי דין תורה'ס אין די גארע וועלט.
געווינער: געמאכט א סאך געלט. אויך א געווינס.

אדער אנדערע וועלן זאגן אז ער האט פשוט נישטא געהאט אזא גוטע קעיס... צו נאך אנדערע זאגן אז מ'האט געקענט פארלירן 8 יאר צוריק און ער האט געמאכט א מייסטערהאפטיגע דזשאב ארומצושלעפן, אזוי האט כאטש רמ"ד געהאט א גוטע לאנגע געלעגענהייט זיך צו עסטעבלישאן..
יעצט אויב רעדסטו פון הרב בערגער, איז אזוי, אויב פארלוירן האט ער פשוט פארלוירן פארן אנטלויפן ווי א קינד, אדער טאמער איז דאס אמת אז ער גייט ארויסקומען מיט א בריוו אז די פסק בי"ד איז נישט מחייב קיינעם. האסט פארלוירן דעם קעיס? וויש דיך אפ די נאז און גיי אן מיטן לעבן, ער גייט שרייען אז די רבנים זענען קארופטירט און די צייט וואס ער פירט זיך אויף ווי א קינד...
תמימותדיגע האט געשריבן:8. צד רמ"ד.
פארלירער: כמעט אלעס! (נישט ממש ער האט דאך גערנישט געהאט סייווי. נאר כמעט אלע זייערע תביעות). די בנינים, וואס יעדער איינס איז א פארלוסט פאר זיך. די נאמען פארלוירן למחצה אז ער דארף האבן א לאטע אויף די נאמען פון די חסידות. אמת מיר דארפן קלאפן סלח לנו, פארן פירן אזא צודרייטע מערכה.

גערעכט מיטן פארלירן, אבער קלאפן? פארוואס? מ'האט געדארפט טרייען די בעסט..
תמימותדיגע האט געשריבן:געוואנען: אויב מען קען עס רופן געווינען: ביסל געלט 6.2 מיליאן, אויב ער וועט עס באקומען (איך מיין אז די געלט וועט סייווי נישט אהנקמען צו אים לויט ווי איך קען 48). באבוב מיט א צונאמען, דער וואס ווייסט ווי 48 האט זיך געשלאגן מיט ציין און נעגל אז דאס זאל אויך נישט זיין.

(במאמר המוסגר וקטן.. אזוי אויך די תורות און טעיפס פון מהרנ"ץ זצ"ל.... :האה?)
גראדע האלט איך אז צד רב"צ גייט אויסצאלן יעדע פעני, פשוט צו ווייזן אז די פסק איז א גוטע פסק און זיי נעמען עס אן בלית ברירה... בנוסף האב איך געהערט ווי א רב"צ'ס א מענטש האט זיך אויסגעדריקט מיט ווייטאג און אפשיי איבערן קוראפציע אינעם בי"ד'ס פסק... "וואס איז די 6.2 וואס מ'געט זיי?... ס'קומט זיי נישט גארנישט..." אבי מ'דרייט אז רב"צ'ס מענטשן האלטן אז ס'איז א גראדע אמת'ע פסק...
איבערן נאמען, ווי איך האב פארשטאנען די אלע יארן האבן זיי מסכים געווען אויב ער לייגט צו א שטאט נאמען בעפאר, און דאס האבן זיי באקומען, איי באבוב45? כ'האף אז עטס נעמטס דאס נישט!
תמימותדיגע האט געשריבן:דער עיקר איז אז אויב אונז האבן די שכל אין ווישן זיך אפ שלינגען עס אראפ, און הייבן זיך אהן צו בויען, דאס קען זיין וועט זיי העלפן די פסק, אז חלומות וועט שוין ביי אונז נישט זיין און פון יעצט וועלן זיך בויען בכל הכוחות. למעשה אזויווי עס האבן שוין דא געשריבן כמה ניקס אז די רבי וואס אונז האבן איז א רבי וואס מיר זענען שטאלץ מיט, א אפגעהיטענע איד, וואס היט זיך די אויגן, א תלמוד חכם, א מנהיג, און אויך א טאטע וואס לייגט זיך אריין אין יעדעםס פרבלעם. א חסידישע טעם פון דער היים, וואס ברענגט מיט די נאסטאלאג'י פון דער גאליציאנער פארצייטישע צאנזער היים. דאס וועט ביי אונז בלייבן אויף אייביג, עד מאה ועשרים שנה און דאס קען קיינער נישט פון אונז צונעמן.

:like נאדיר נאכאיינס :דאבללייק: דאס דארף זיין דיין/ענקער בליק אויף ווייטער און נאר זיך און נאכאמאל זיך בויען! בוי דיך אליינס און וועסט אטאמאטיש ווערן געבויעט ביי אנדערע!
תמימותדיגע האט געשריבן: 9. צד רב"צ.
געוינערס: נאל איין מאל געוואנען. אלעס (כמעט) בנינים די נאמען, די לעגיטימאציע. וואס נישט.
פארלוירן: זיי האבן גארנישט פארלוירן!! ניין???

ניין! נישט פארלוירן גארנישט! זילטש! נאדא! איי וועסטו ווייטער שרייבן...:
תמימותדיגע האט געשריבן:אבער, זיי זענען סטאק מיט זייער רבי מיט אלע זיינע מעלות וחסרונות, וועלן זיי אים דארפן דינען עד מאה ועשרים שנה. בי"ד האט זיי מיט דעם נישט געהאלפן, אים אביסל אריין צו געבן מענטשליכקייט, און דאס גייט זיי באגלייטן לאנג נאך דער קנאק פון נצחון וועט אויסוועפן. עס וועט קומען א טאג וואס די גאנצע נושא פון די דין תורה וועט שוין כמעט אינגאנצן פארגעסן ווערן, אבער זייער רב וועט נאך אלץ זיין זייער רבי/דיקטאטאר. וואלט ער עפעס באקומען א לקח יעצט ביים דין תורה וואלט ער אפשר אביסל געווארן איידלער פון דעם זעענדיג ווי נישט אלעס גייט 'ווי ער וויל'. אבער יעצט זענען זיי סטאק מיט אים און זיי וועלן בלייבן סטאק עד יום מותו (לגבי זיינע קינדער זעה איך יעצט נישט קיין חילוק פון זיי און די רמ"ד'ס קינדער). לגבי דעם זענען זיי גרויסע פארלירערס, דאס קען מעיד זיין יעדער באבובער חסיד, און יעדער וואס האט זיך דארט געדרייט א שטיקל צייט במשך די לעצטע 50 יאר.[/justify]

נא פארדעם האסטו דיך אפגעטיילט.... קוק נישט צוריק, דאנק דעם באשעפער אז ער האט דיך חונן דעת געווען צו אנטלויפן, אבער צו שרייען אז ער איז סטאק? ער איז צופרידן ווי ער איז, ער איז העפי מיט זיין רבי, ער האלט אים פאר זיין אורים ותומים! אים פעלט נישט גארנישט אויף דער וועלט... איי דו האלסט אנדערשט? אה דו ביסט אינטייטעלט עס צו האלטן און ער איז אינטייטעלט צו האלטן אויף זיין רבי וואס ער וויל, און אויף דיין רבי וואס ער האלט...

בכל אופן נאכאמאל, כ'האב זייער הנאה געהאט פון דיין אנאליז!
מיט דעם האט זיך געענדיגט נאך א תגובה'לע פון שעפטל'ן, א "לייק" איז א שטופ אויף פראנויס פאר נאכיינס...
באניצער אוואטאר
שעפטל
חבר ותיק
חבר ותיק
 
הודעות: 3443
זיך רעגיסטרירט: דינסטאג יולי 17, 2012 1:45 pm
געפינט זיך: אוי, בעסער פרעג נישט
האט שוין געלייקט: 3450 מאל
האט שוין באקומען לייקס: 3363 מאל

הודעהדורך הדד בן בדד » דינסטאג אוגוסט 26, 2014 3:50 pm

צו אלע וואס בעטן מיך אין אישי איך זאל ממשיך זיין: איך האלט אינמיטן, אבער איך בין אן ארבייטער, איך האב נישט קיין צייט, ווי א משוגע'נער האב איך שוין אוועק געגעבן צוויי נעכט פאר דעם. די פארגאנגענע נאכט בין איך געשלאפן ווייניגער ווי צוויי שעה ווייל איך בין ביזי געווען שרייבן צו קענען פאוסטן דא, אבער איך בין נאך נישט פארטיג און היינט איז מיר דער קאפ נישט אויפ פלאץ געהעריג ביי די ארבעט.

איך ווייס נישט צו דער אסיפה היינט נאכט קומט פאר למעשה אדער נישט, אויב יא ווייס איך נישט צו איך וועל אנקומען ארויפצושטעלן פאר דעם אסיפה, וויזוי ס'זאל נאר נישט זיין וועל איך ענדיגן מיינס און ארויפלייגן.

(אוי, הלואי וואלט איך געקענט איינעם שיקן א בילל פאר די אלע ארטיקלען מיינע)
באניצער אוואטאר
הדד בן בדד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1466
זיך רעגיסטרירט: פרייטאג מערץ 02, 2012 2:57 pm
האט שוין געלייקט: 842 מאל
האט שוין באקומען לייקס: 1114 מאל

הודעהדורך תמימותדיגע » דינסטאג אוגוסט 26, 2014 3:54 pm

קודם אויב האסטו ליב געהאט מיין אנאליז וואלסטו מיר געמעגט געבן א לייק!!! ;)
יעצט וועל איך פרובירן ענטפערן אויף געוויסע פון דיינע תשובות:
די שאלה וואס איך פרעג שוין כמה פעמים איז צו זיי זענען טאקע גאר געווען די וואס האבן געשלעפט, צו די צדדים זענען אסאך מער שילדיג דערין, צו די צוויי צדדים האבן זיך ארומגשפילט מיט די דאטומען און מיט זינלאזע לעכעריגע טענות, פשוט ארומצושלעפן און נישט פארלירן...

דאס איז נארמאל אז ביידע צדדים דורך זייערע שלוחים האבן פרובירט צו טוהן אלעס וואס מען קען צו געווינען די דין תורה אינקלאדינג שלעפן. יעדער האט/וואלט געשלעפט ווען עס איז זייער טובה.
די שאלה איז וויאזוי בי"ד האט דאס צוגעלאזט. להבדיל ביי א געריכט געבט די שופט באשטימטע צייט פאר יעדער צד צו קענען רעדן בנוגע יעדער טענה, און צט קענען ענטפערן אויב די צייט איז נישט גענוג זאגט די שופט געב עס אריין בכתב. וויאזוי האט בי"ד געלאזט 2500-3000 משפחות הענגן אין די ליפט פאר אזא לאנגע צייט. אויף צו קומען צו א פסק וואלט גענוג געווען 1-2 יאר פון זיצונגען פון 15 וואכן. די איבריגע זאלן די צדדים אריין געבן בכתב. ועל דא קא בכינא על עינוי הדין.

זיי האבן געשריבן א פסק וויי צו טוהן? זיי האבן געשריבן א פסק ווי אזוי זיי האלטן.. ס'קען זיין דו האסט נישט ליב וואס זיי האלטן, אבער זיי וואלטן סתם אזוי נישט געשריבן א פסק קעגן רמ"ד שליט"א אן דעם וואס זיי זענען פארמישט אין דעם דין תורה. די געווינער צד האלטן אז ס'איז געשריבן געווארן מיט א מורא'דיגע יושר און צדקת הדין...

איך רעד נישט וועגן די תוכן פון די פסק, איך רעד פון וויאזוי עס איז געשריבן מיט אזא רשעות. די תוכן וואלטן זיי געקענט שרייבן אין איין עמוד מיט 8-9 סעיפים. עס זעהט אויס ווי 48 האט אליינס דאס געשריבן אין בי"ד האט געחתמט דאס איז ריין רשעות. ווילסט צונעמן די נאמען פארוואס צווינגסטו אונז צו מפרסם זיין אז 48 איז באבוב אין נישט איך, אין לך רשעות גדול מזה

דא קומט ווידער אריין די אישו פון "איז די א פסק זה חייב וזה זכאי" צו דארף מען טאקע אייביג ארבייטן אויף פשרות...
אויב די תורה זאגט אז מ'גייט צו דין תורה און די דיינים זאלן פסק'ענען ווער ס'איז גערעכט און ווער נישט, קומט נישט אריין פשרות, אלעס גייט פארן געווינער און זכאי און דער פארלירער/חייב זאל פאקן פעק און גיין לחיים ולשלום

ווענט זיך וועלכע עולם... כ'גלייב אז ס'דא וואס וועלן ווייטער וועלן גיין צו דין תורה האלטענדיג אז זיי האבן די שאנסן פון רב"צ

איך זאג נישט אז די וועלט איז גערעכט אבער אנפארטשענעטלי איז די וועלט קוקט עס אהן געפערליך. זיכער בהכרח וועלן מענטשן גיין צו דין תורה, אבער די סטאקס (וואס זענען סייווי גאנץ שוואך-פרעג עניבאדי וואס איז שוין געווען ביי א דין תורה) איז נאך מער געפאלן. וואס מיט דעם איז נתחלל געווארן כבוד התורה.

מאפיע קען זיין ביסט גערעכט אויף מיין אויסדריק. אבער פון ווייטאג קען געשען אזא זאך.
תמימותדיגע
מאנשי שלומינו
מאנשי שלומינו
 
הודעות: 73
זיך רעגיסטרירט: מיטוואך אוגוסט 20, 2014 11:23 am
האט שוין געלייקט: 37 מאל
האט שוין באקומען לייקס: 30 מאל

הודעהדורך בארא פארקער » דינסטאג אוגוסט 26, 2014 3:59 pm

הדד בן בדד האט געשריבן:(אוי, הלואי וואלט איך געקענט איינעם שיקן א בילל פאר די אלע ארטיקלען מיינע)


שיק א בילל צום אפיס, אונז האבן שוין געספענט אויף PR די מערסטע עני חסידות האט געטראכט פון ספענדען, כ'זעה נישט פארוואס א שרייבער ווי די זאל נישט געצאלט וווערן
בארא פארקער
ידיד השטיבל
ידיד השטיבל
 
הודעות: 160
זיך רעגיסטרירט: מאנטאג פעברואר 24, 2014 10:41 pm
האט שוין געלייקט: 8 מאל
האט שוין באקומען לייקס: 26 מאל

הודעהדורך שעפטל » דינסטאג אוגוסט 26, 2014 4:18 pm

תמימותדיגע האט געשריבן:קודם אויב האסטו ליב געהאט מיין אנאליז וואלסטו מיר געמעגט געבן א לייק!!! ;)

געגעבן!
תמימותדיגע האט געשריבן:יעצט וועל איך פרובירן ענטפערן אויף געוויסע פון דיינע תשובות:

אוי וויי! יעצט בין איך דא געווארן דיין בעל פלוגתא...?
תמימותדיגע האט געשריבן:
די שאלה וואס איך פרעג שוין כמה פעמים איז צו זיי זענען טאקע גאר געווען די וואס האבן געשלעפט, צו די צדדים זענען אסאך מער שילדיג דערין, צו די צוויי צדדים האבן זיך ארומגשפילט מיט די דאטומען און מיט זינלאזע לעכעריגע טענות, פשוט ארומצושלעפן און נישט פארלירן...

דאס איז נארמאל אז ביידע צדדים דורך זייערע שלוחים האבן פרובירט צו טוהן אלעס וואס מען קען צו געווינען די דין תורה אינקלאדינג שלעפן. יעדער האט/וואלט געשלעפט ווען עס איז זייער טובה.
די שאלה איז וויאזוי בי"ד האט דאס צוגעלאזט. להבדיל ביי א געריכט געבט די שופט באשטימטע צייט פאר יעדער צד צו קענען רעדן בנוגע יעדער טענה, און צט קענען ענטפערן אויב די צייט איז נישט גענוג זאגט די שופט געב עס אריין בכתב. וויאזוי האט בי"ד געלאזט 2500-3000 משפחות הענגן אין די ליפט פאר אזא לאנגע צייט. אויף צו קומען צו א פסק וואלט גענוג געווען 1-2 יאר פון זיצונגען פון 15 וואכן. די איבריגע זאלן די צדדים אריין געבן בכתב. ועל דא קא בכינא על עינוי הדין.

קודם ביי א געריכט איז אויך דא צייטן וואס ס'שלעפט זיך גאר לאנג, חוץ מזה, ווען א צד זעהט אז ער גייט סיי ווי פארלירן הייערט תיכף ומיד אן אפעלאט טיעם נאך אינמיטן די קאורט, און ווארט אויס אויפן פסק און גייט פארן אפיעלס, ווידעראום דא גייט נישט אזוי, דא איז נישט אנגענומען די בית הדין הרבני הגדול... יעצט האבן נעבעך (זארג נישט איך האלט נישט אזוי הונדערט פראצענט) די רבנים געמוזט אויסווארטן ווילאנג אלע צדדים זענען פערטיג מיט זייערע טענות, און קיינער זאל קיינמאל נישט קענען שרייען מ'האט מיך נישט געלאזט אויסרעדן...
תמימותדיגע האט געשריבן:
זיי האבן געשריבן א פסק וויי צו טוהן? זיי האבן געשריבן א פסק ווי אזוי זיי האלטן.. ס'קען זיין דו האסט נישט ליב וואס זיי האלטן, אבער זיי וואלטן סתם אזוי נישט געשריבן א פסק קעגן רמ"ד שליט"א אן דעם וואס זיי זענען פארמישט אין דעם דין תורה. די געווינער צד האלטן אז ס'איז געשריבן געווארן מיט א מורא'דיגע יושר און צדקת הדין...

איך רעד נישט וועגן די תוכן פון די פסק, איך רעד פון וויאזוי עס איז געשריבן מיט אזא רשעות. די תוכן וואלטן זיי געקענט שרייבן אין איין עמוד מיט 8-9 סעיפים. עס זעהט אויס ווי 48 האט אליינס דאס געשריבן אין בי"ד האט געחתמט דאס איז ריין רשעות. ווילסט צונעמן די נאמען פארוואס צווינגסטו אונז צו מפרסם זיין אז 48 איז באבוב אין נישט איך, אין לך רשעות גדול מזה

רשעות???? האלא??!!!! אויף דעם איז געווען די עיקר מחלוקה! ווען רב"צ קען ווען פארלאנגט ער ווען אז עטס קענטס ענק נישט רופן מיט א נאמען וואס פאנגט זיך אן מיט א אות ביז די אות יודעלע.... אפגערעדט אז ב' איז צו ענדליך.. ווער ווייסט צו עטס וועטס נישט מאכן די זעלבע גרויסע ב' אז מ'זאל זיך טועה זיין... סיריעס, מ'האט זיך גע'הרג'ט צו עטס מעגטס הייסן באבוב צו נישט, בי"ד האט געפסקנ'ט אז ניין! יעצט פון דארט אין ווייטער איז נאר דא איינס און יעדער מוז דאס אנערקענען
תמימותדיגע האט געשריבן:
דא קומט ווידער אריין די אישו פון "איז די א פסק זה חייב וזה זכאי" צו דארף מען טאקע אייביג ארבייטן אויף פשרות...
אויב די תורה זאגט אז מ'גייט צו דין תורה און די דיינים זאלן פסק'ענען ווער ס'איז גערעכט און ווער נישט, קומט נישט אריין פשרות, אלעס גייט פארן געווינער און זכאי און דער פארלירער/חייב זאל פאקן פעק און גיין לחיים ולשלום

ווענט זיך וועלכע עולם... כ'גלייב אז ס'דא וואס וועלן ווייטער וועלן גיין צו דין תורה האלטענדיג אז זיי האבן די שאנסן פון רב"צ

איך זאג נישט אז די וועלט איז גערעכט אבער אנפארטשענעטלי איז די וועלט קוקט עס אהן געפערליך. זיכער בהכרח וועלן מענטשן גיין צו דין תורה, אבער די סטאקס (וואס זענען סייווי גאנץ שוואך-פרעג עניבאדי וואס איז שוין געווען ביי א דין תורה) איז נאך מער געפאלן. וואס מיט דעם איז נתחלל געווארן כבוד התורה.
מאפיע קען זיין ביסט גערעכט אויף מיין אויסדריק. אבער פון ווייטאג קען געשען אזא זאך.

נאכאמאל, ווענדט זיך וועלכע צד.

לאמיך אביסעלע יא פארברייטערן דא, ס'איז קיין סוד נישט ווי איך באלאנג, מיר זענען אויך פארווייטאגט איבערן דין תורה פראצעדור, און אויב מאך איך נישט קיין טעות.. אויף די זעלבע רבנים און דיינים כבודם במקומם מונח... איך ווייס און פארשטיי וואס דו זאגסט, אבער איך וויין מער אויף די געשלעפערי (ווי שוין באוויינט אויף איטליכע פלעצער) ווי אויף סיי וואס די פסק גייט זיין.
מיט דעם האט זיך געענדיגט נאך א תגובה'לע פון שעפטל'ן, א "לייק" איז א שטופ אויף פראנויס פאר נאכיינס...
באניצער אוואטאר
שעפטל
חבר ותיק
חבר ותיק
 
הודעות: 3443
זיך רעגיסטרירט: דינסטאג יולי 17, 2012 1:45 pm
געפינט זיך: אוי, בעסער פרעג נישט
האט שוין געלייקט: 3450 מאל
האט שוין באקומען לייקס: 3363 מאל

הודעהדורך יין שרף » דינסטאג אוגוסט 26, 2014 6:40 pm

לעניות דעתי זענען דא צוויי גרויסע פארלירערס דא!!!
איינער קען עס נאך אויסנוצען לטובה און זיך אויפבויען דערמיט.
ונזכה ונראה...
באניצער אוואטאר
יין שרף
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1997
זיך רעגיסטרירט: מיטוואך פעברואר 27, 2013 8:11 pm
געפינט זיך: ביים שוויגער...
האט שוין געלייקט: 4125 מאל
האט שוין באקומען לייקס: 2511 מאל

הודעהדורך moshe613 » דינסטאג אוגוסט 26, 2014 7:21 pm

ווען בי״ד געבט פאר 45 צוויי אפציעס, איינס די יעצטיגע פסק מיט אן איידעלן שפראך, אדער 50% אבער רוף זיך מיט א נאמען אהן באבוב - וועלכע וואלט 45 אהנגענומען ? וועלכע וואלט 48 אהנגענומען ? איך מיין 45 וואלט געכאפט די איצטיגע פסק אין 48 די צווייטע פסק, ווייל די נאמען זיך צו קענען רופן באבוב איז גיווען די הארץ מחלוקת וואס 48 האט געוואלט ארויסרייסן די גאנצע קשר פין 45 צו באבוב. טאקע אין די וועלט צווישן נארמאלע מענטשן טוט מען פארשטיין אז אלעס איז געלט ממילא האט 45 פארלוירן, אבער ביי די באבובע וואס די לעגיטימאציע האט געברענט אין די בליט האט 45 שטארק געוואונען אין 48 מיאוס פארלוירן. למעשה איז דא געפסקנט אז ס׳איז דא צוויי חסידותלאך מיט די נאמען באבוב, די נאמבער 45 איז א שיינע סימן היכר, אזוי ווי קיינער וועט נישט זאגן אז צו איז איין ספינקא ווייל די אנדערע הייסט ספינקא 18, אדער איין קרעטשניף ווייל די אנדערע הייסט קרעטשניף ירושלים, אדער איין נדבורנא ווייל די אנדערע הייסט נדבורנא אשדוד, אדער איין וויזניץ ווייל איינער הייסט וויזניץ מאנסי איז די זעלבע מיט באבוב צו וועט קיינער נישט זאגן אז ס׳איז דא איין באבוב - פינטל. מוועט אלעמאהל דארפן פרעגן וועלכע וויזניץ? וועלכע סאטמער? וועלכע קרעטשניף ? אין וועלכע באבוב?!!!!
moshe613
מאנשי שלומינו
מאנשי שלומינו
 
הודעות: 139
זיך רעגיסטרירט: מאנטאג נאוועמבער 05, 2012 3:15 pm
האט שוין געלייקט: 1 מאל
האט שוין באקומען לייקס: 49 מאל

הודעהדורך בארא פארקער » דינסטאג אוגוסט 26, 2014 7:37 pm

moshe613 האט געשריבן:אבער ביי די באבובע וואס די לעגיטימאציע האט געברענט אין די בליט האט 45 שטארק געוואונען אין 48 מיאוס פארלוירן.

זיי מוחל געב דאס צו פארשטיין פאר ב"צ חסידים, פארוואס זיי האבן פארלוירען, אדערווייל פרייען זיי זיך ווי ראזינקעס

moshe613 האט געשריבן:למעשה איז דא געפסקנט אז ס׳איז דא צוויי חסידותלאך מיט די נאמען באבוב, די נאמבער 45 איז א שיינע סימן היכר,


גערעכט גערעכט. דער משה איז א קלוגע בחור,
יעדער וואס האט געליינט די פסק האט קלאר געזעהן אז ביידע מעגן זיין באבוב נאר אלץ היכר האט מען געבעטען רמ"ד זאל זיין אזוי גוט אין צו לייגן א מספר,
יש אומרים אז מ'האט געבעטען ב"צ זאל צולייגן אלץ היכר אבער ער האט נישט געוואלט לכתחילה, האט מען געבעטן רמ"ד אין האט געזאגט נאו פראבלעם
בארא פארקער
ידיד השטיבל
ידיד השטיבל
 
הודעות: 160
זיך רעגיסטרירט: מאנטאג פעברואר 24, 2014 10:41 pm
האט שוין געלייקט: 8 מאל
האט שוין באקומען לייקס: 26 מאל

הודעהדורך moshe613 » דינסטאג אוגוסט 26, 2014 7:49 pm

די שמחה איז געלט, דאס האבן זיי געוואונען אין מיט דעם פרייען זיי זיך, פרוביר נאר צו רעדן צו דעם זעלבן בעל שמחה וועגן די נאמען וועט זיך די קאלירן אויפן פנים טוישן. איך האב עס געזעהן אין געהערט אליינס פין מיינע קרובים חסידי 48, געלט יא נאמען נישט, פרייט מען זיך, חצי נחמה איז אויכעט א נחמה, איינער האט מיר אפילו אויס געזאגט א סוד אז די רב שליט״א האט אפאהר מאל געזאגט זיינע קרובים פריוואט אז צו גייט עם נישט אהן אז זיי הייסן באבוב נאר די בניינים גייט עם אהן......
moshe613
מאנשי שלומינו
מאנשי שלומינו
 
הודעות: 139
זיך רעגיסטרירט: מאנטאג נאוועמבער 05, 2012 3:15 pm
האט שוין געלייקט: 1 מאל
האט שוין באקומען לייקס: 49 מאל

הודעהדורך בארא פארקער » דינסטאג אוגוסט 26, 2014 7:51 pm

האלוי ביסט זיך סותה

moshe613 האט געשריבן:די שמחה איז געלט, דאס האבן זיי געוואונען אין מיט דעם פרייען זיי זיך, פרוביר נאר צו רעדן צו דעם זעלבן בעל שמחה וועגן די נאמען וועט זיך די קאלירן אויפן פנים טוישן. איך האב עס געזעהן אין געהערט אליינס פין מיינע קרובים חסידי 48, געלט יא נאמען נישט, פרייט מען זיך, חצי נחמה איז אויכעט א נחמה, איינער האט מיר אפילו אויס געזאגט א סוד אז די רב שליט״א האט אפאהר מאל געזאגט זיינע קרובים פריוואט אז צו גייט עם נישט אהן אז זיי הייסן באבוב נאר די בניינים גייט עם אהן......
בארא פארקער
ידיד השטיבל
ידיד השטיבל
 
הודעות: 160
זיך רעגיסטרירט: מאנטאג פעברואר 24, 2014 10:41 pm
האט שוין געלייקט: 8 מאל
האט שוין באקומען לייקס: 26 מאל

הודעהדורך לאליפאפ » דינסטאג אוגוסט 26, 2014 8:05 pm

מארקוס האט געשריבן:
לאליפאפ האט געשריבן:
איטשע האט געשריבן:גם לי גם לך לא יהיה, אזוי וואט מען רופן באבוב פאריעיט! נישט איך און נישט עם! זיצט א רבי אין א קהלה, און איז גרייט (עכ"פ אזו שטייט אינעם פסק דין פון בי"ד) זיך צוריפען מיט אזא צודרייטן נאמען, פאר איין איינציג סיבה, מיין פעטער זאל צופלאצט ווערן, יא ער איז א שר התורה, מסכים.


איך קען נישט גלייבן ווי שטארק דו קענסט דיך צונאר מאכן צו שרייבן אזעלכע זאצן נאך וואס מהרב"צ האט קאמאנדעוועט ניין יאר אז מ'זאל נישט לאזן רמ"ד נוצן דעם נאמען באבוב.. שרייסטו אבי דער פעטער זאל צופלאצט ווערן! ענדערש כאפ א שווייג אנשטאט צו פארשרייען דיין רעבינס קרומקייט.


במחילה גדולה פון כבוד הרב לאליפאפ, אבער איטשע האט א נקודה, און דיינע רייד זענען סתם ווילד געשריבען.
טאקע גענוי דאס איז די נקודה דא. באבוב איז א קאמפאני/חסידות נאמען, ר' בן ציון וחסידיו ווילן נישט אז א צווייטע זאל דאס נוצען, אזוי ווי עס קרענקט סאטמאר אז דער אנדערע זייט רופט זיך אזוי, און עס קרענקט וויזניץ אז ר' מענדל רופט זיך אזוי, און עס קרענקט דעם בעלזער רב אז די מאכניפקער רופן זיך אזוי. גענוי אזוי קרענדט עס באבובער חסידים, אז ר' מרדכי דוד רופט זיך אזוי.
ווען נישט וואס ר' מרדכי דוד וואלט ווען געלאפן אין קאורט/בי"ד, וואלט ער געהייסן 'באבוב' עד היום הזה, און ר' בן ציון וואלט זיך געמוזט ווישן דעם נאז. און בד"א, וואלט רמ"ד אסאך בעסער אויסגעזען, הן אין דער וועלט, הן פינאנציעל, הן מיט מאראל. רב"צ האט נישט געהאט מיט וואס צו נעמען ר' מרדכי דוד צום די"ת, און פאר דער נאמען אליינס וואלט ער עס נישט געטוען. צו זיין מזל, האט ר' מרדכי דוד געמאכט די שמוציגע ארבעט פאר עם, ער איז געלאפן אין קאורט, פון דארט צו דין תורה, דין תורה האט גע'פסק'נט, אז ער מוז צולייגען א נאמען.
דער זעלבע תורה, וואס האט אזוי גע'פסק'נט, ביי תולדות אהרן, פינסק קארלין, און נאך, דער זעלבע תורה האט דא גע'פסק'נט דער זעלבע פסק.
איינער האט עפעס "קאמאנדעוועט ניין יאר אז מ'זאל נישט לאזן רמ"ד נוצן דעם נאמען באבוב"? בארואיגט אייך. רמ"ד האט תובע געווען פון באבוב "אלע געביידעס", לכבוד דעם האט רב"צ עם תובע געווען דער "נאמען". בלאז נישט אויף די באבל גרעסער ווי ס'איז.

יעצט קומט ר' מרדכי דוד מיט א געניאלן איינפאל, אמת איך קען טאקע נישט הייסן באבוב, אבער העלאו, איך גיי צופיקסן מיין פעטער. כ'גיי מיך רופן באבוב45, זאלן מען לאכן פון מיר אין די גאס, אבי מען זאל "חס ושלום" נישט רופן מיין פעטער "באבוב", אולי וועט עס מיר געלונגען, און מען וועט עם רופן "באבוב48".
וואס רב"צ האט געטוען צו רמ"ד לגבי דער נאמען אין דין תורה, איז העכסט נארמאל. יעדער נתבע, פראבירט מיט א קאונטער קלעים. און דאס איז געווען דער איינציגסטע לעווערעדזש וואס באבוב האט געהאט, און גאנץ א פארשטענדליכע.
ווידער וואס רמ"ד פלאנט צו טוען, עי' למעלה וואס דער עולם האלט.


טאמער @איטשע (בעל 14 תגובות) האט נישט קיין צווייטע אפפרעג צו מיינע ווערטער נאר צו אריינברענגען דעם ניק @מארקוס (בעל 4 תגובות) און איבערשרייבן גענוי די זעלבע נאנסענס, בין איך לכאורה אריינגעקומען גאנץ שטארק מיט מיין הערה..
באניצער אוואטאר
לאליפאפ
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1281
זיך רעגיסטרירט: זונטאג יאנואר 06, 2013 4:12 pm
האט שוין געלייקט: 327 מאל
האט שוין באקומען לייקס: 858 מאל

הודעהדורך petergrifin » דינסטאג אוגוסט 26, 2014 9:48 pm

@שעפטל דו ביזט געװארן פריש מיט דער באבוב׳ער מחלוקה. אײן מאל די נײנציג טעג אר אװער מוז
מען טרעפן א נײע (אדער אלטע) מחלוקה. ;)
רעדאגירט געווארן צום לעצט דורך petergrifin אום דינסטאג אוגוסט 26, 2014 10:24 pm, רעדאגירט געווארן איין מאל בסך הכל.
.And they lived happily ever after

באבע מעשיות
petergrifin
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1321
זיך רעגיסטרירט: מאנטאג אקטאבער 22, 2012 1:44 am
געפינט זיך: אין גלות
האט שוין געלייקט: 934 מאל
האט שוין באקומען לייקס: 875 מאל

הודעהדורך הדד בן בדד » דינסטאג אוגוסט 26, 2014 9:52 pm

איטשע האט געשריבן:מיינע אבזערוואציעס!
נישטא וואס צו רעדן אז דער פסק דין האט אויפגעשאקלט דער יודישער וועלט.

אוודאי אזוי, עוד רד ישראל עם אל

איטשע האט געשריבן:מצד אחד זענען דא וואס זענען צורפרידן,

נו וואדען

איטשע האט געשריבן:מצד השני, די וואס האבן פארלוירן, שרייען עיוות הדין וכדומה...


נו אוודאי שרייען זיי, וואס דען זאלן זיי טוען. און עס איז אמת אויך. יעדער חדר אינגל זעהט עס. לייען אפ מיינע שורות אויבן וועסטו זעהן.
צו קומען און שרייבן באבע מעשיות וואס זיי האבן געמיינט מיט זייער פסק, זאכן וועלכע שטייען נישט דארט (וואס דו שרייבסט דא באלד ווייטער און איך בין מבאר, כמובא להלן) איז שיינע פשט'לעך, אבער אין לו לדיין אלא מה שעיניו רואות. איך ליין אפ דעם פסק און דער עיוות הדין שטייט געשריבן פאר מיינע אויגן. נו אוודאי שרייט מען, אז עס טוט וויי שרייט מען.

איטשע האט געשריבן:וואס איז טאקע פשט פון דער פסק.


נו אדרבא, פארצייל אונז, מיר ווארטן אויף אן ערקלערונג.

איטשע האט געשריבן:דער אמת איז


נו אוודאי דעם אמת, אבער נאר דעם אמת.

איטשע האט געשריבן:אז כדי עס צופארשטיין דארף מען צוריק דרייען דער זייגער מיט 15 יאר, שנת תשנ"ט.


אקעי, צוריק געדרייט...

איטשע האט געשריבן:ס'איז קיינעם אין דער וועלט נישט איינגעפאלן אין דעם ווילדעסטן דמיון, אז רמ"ד, אז דער ממשיך פון די באבאווער דינאסטיע! דאס איז ברור כשמש, נישט מחוץ לבאבוב, און זיכער נישט בתוך באבוב. נישט דיר הדד, אדער עני וואן עלס. יעער האט געוואוסט, אז אדמו"ר מבאבוב שליט"א ער איז דער צוקונפטידגע ממשיך.


איטשע'לע, איך בין שוין אין באבוב פון אסאך פאר תשנ"ט. סאו וויפיל פאר תשנ"ט ווילסטו איך זאל צוריק גיין. איך קען גיין ביז פאר תשט"ו, דעמאלס איז נאך נישט געווען קיין אנדערער אויסער מהרנ"ץ. און פאר די נעקסטע צוואנציג פינף און צוואנציג יאר איז דאס אינגאנצן נישט געווען קיין מדובר.

סאו ווען יא? אפשר אלס אינגערמאן דאס ערשטע מאל, אפשר אלס גרוש, אדער גלייך נאך די חתונה? כ'מיין פון ווען רעדסטו דא אז עס איז קיינעם נישט בייגעפאלן?

אוודאי איז נישט בייגעפאלן. דעמאלס איז די וועלט נאך נישט געווען אזוי משוגע ווי היינט, אז נאך פאר א רבי ווערט רבי דרייען זיך שוין זיינע קינדער (און צוקונפטיגע חסידים) מיט פייגעלעך אין קאפ. דער נושא איז נישט געווען קיין מדובר איך באבוב ווייל דער רבי מהר"ש האט געלעבט און מען האט זיך מתענג געווען מנועם זיוו, מען האט נהנה געווען מזיו השכינה, מען איז נישט ביזי געווען מיט די שטותים. ביז ווען? ביז איינער האט עס געמאכט פאר א מדובר. און דער וואס האט עס געמאכט פאר א מדובר האט זיכער געמאכט אז דער מדובר איז אז ער גייט זיין דער ממשיך און מ"מ פון זיין ברודער.

און דער עולם? דעם עולם איז נישט אנגעגאנגען. אפשר זאגסטו מיר יעצט ווער עס גייט זיין ממלא מקום פון רב"צ, אדער פון רמ"ד? עס איז אלעס פוסטע חלומות.

ואם לתשנ"ט קאתינן, האב איך גרויס נייעס פאר דיר. תשנ"ט האט מען שוין אין גרויסן גערעדט איבער דעם. ערגעץ אין יענע תקופה האב איך אריינגעכאפט איינס פון איינע פון זושא פאללמאנ'ס קינדער אז איך מאך מיך ווי איך בין נאנט מיט בן ציון אבער אין אמת'ן אריין בין איך נישט אויף זיין זייט. מען האט שוין זייער גוט גערעדט דערפון דעמאלס.

נאר וואס דען? דער באבוב'ער עולם, וועלכע איז קיינמאל נישט געווען קיין אנשי מלחמה, זיי זענען נישט געווען געוואוינט צו אזעלכע זאכן, און זיי האבן זייער גוט געקענט דעם מהר"ש'ס צווייטער זוהן, און זיי האבן געוואוסט מיט וועמען זיי האבן צו טאן, האבן זייער ווייניג מענטשן געגלייבט אז מען וועט פאקטיש קענען עפעס טוהן.

זענען געווען אזעלכע וועלכע האבן שטילערהייט גערעדט פון זיך גיין זוכן א נייעם רבי'ן, (דו ווייסט גאנץ גוט אז עס זענען געווען אזעלכע וועלכע האבן עס שוין געטוהן שטילערהייט), רוב עולם וואס איז היינט אין 45, און טייל אזעלכע וואס זענען אפילו געבליבן אין 48 צוליב סיי וועלכע סיבה, האבן נישט געהאלטן ביים אויפנעמען דעם אדמו"ר ד48 פאר רבי, סאו פון די וואס האבן נישט געפלאנט צו גיין ערגעץ אנדערש האבן רוב געקלערט אז בלית ברירה וועט מען מוזן בלייבן דא, אז עס איז נישט דא ווי צו גיין גייט מען נישט.

און ווידער אן אנדערע קבוצה, גאנץ א שיינעם מספר, האבן און קלאר גערעדט פון אויפנעמען די קינדער פון מהרנ"ץ. סאו אין קיין ווילדע דמיונות טאקע נישט, אבער אין מציאות'דיגע פלענער יא.

איטשע האט געשריבן:אבער איינעם איז עס יא איינגעפאלן, און דאס איז געווען, כ"ק אדמו"ר מוהר"ש זצ"ל, און טאקע דעריבער, האט ער געבעטן אז מען זאל ממנה זיין זיין זוהן אלס רב הצעיר לאחר מוע"ש.


אזוי גאר? ער האט געבעטן, ווי, ווען, ביי וועלכע מסיבה, איז עס געווען א מלוה מלכה, א ראש חודש טיש, צו אפשר שושן פורים ביים רימפלען? כ'מיין, ווען און פון וועמען האט ער עס געבעטן? אפשר האט ער אראפגעשריבן בכתב. אין דיין און אין דיין רב'ס דמיון האט ער עס געבעטן. סאו קאט די קרעפלעך...

ועי' בכתב ידו של רא"ב ראזנבערג.


איטשע האט געשריבן:ק"ק באבוב, האט לפני מטתו מכתיר געווען זיינע צוויי זוהן, כ"ק אדמו"ר מוהר"נץ זצ"ל אלס רב און כ"ק אדמו"ר שליט"א אלס רב הצעיר.


נו, אז מען רעדט שוין פון דיבורים, וואס מהר"ש האט געבעטן, האט דאך מהרנ"ץ אויך געזאגט דיבורים, ער האט זייער קלאר געמאכט פאר די הכתרה פון דעם אינגערן ברודער וואס די רבנות הצעירות מיינט, "כיבודים" און גארנישט מער. א טיטל אן א מיטל.

איטשע האט געשריבן:דעמאלטס האט זיך אנגעהויבן די 5 קריג'ס יארן. לאמיר נישט אריין גיין דערין.


אקעי, אז דו ווילסט נישט אריינגיין וועל איך אויך נישט אריינגיין. אבער נישט פון אינדרויסן און נישט פון אינעווייניג האט עס אויסגעזעהן ווי קריגס יארן, באבוב האט זיך זייער שיין געפירט, און חוץ פון געציילטע עזות פנים'ער, וואס מען קען זיי ציילן אויף די האנט, האט קיינער נישט געמאכט קיין שום "קריגן".

אפשר רופסטו עס אן קריגס יארן ווייל איר האלט דאך אז מהרנ"ץ איז נישט געווען "עכט" רבי און זיין ווערן רבי איז געווען א קריג קעגן זיין אינגערן ברודער. אבער אויף דעם וועל איך נישט ענטפערן ווייל איך האב עס שוין געענטפערט אין מיין פריערדיגן מאמר איבער דעם ברי ושמא, און חוץ מזה קענסט אויף דעם נאכאמאל אריינקוקן אין דעם כתב יד פון רא"ב ראזענבערג.

איטשע האט געשריבן:
י"ב אדר תשס"ה לפ"ק, האט מען מכתיר געווען דעם רב הצעיר אלס ממלא מקום אחיו ואביו, אלס באבאווער רב.


ביי אים אינדערהיים. זיינע חסידים האבן אים מכתיר געווען געווען ביי אים אינדערהיים. פיין, זיי האבן רעכט אויף דעם.

איטשע האט געשריבן: ער האט עס באקומען מדין תורה, מכוח זיין "רב הצעיר".


נאכאמאל, דאס איז דיין החלטה, דו האסט מחליט געווען אז דאס איז דער דין תורה מכוח זיין רב הצעיר. איך מעג זיך דאך אבער קריגן מיט דיר. יעדע גרופע פון מענטשן קען אויפנעמען וועמען זיי ווילן אלס רבי, סיי ווען אימער, אן דעם וואס ער זאל האבן געווען א רב הצעיר ערגעץ ווי פאר דעם.

איטשע האט געשריבן: אזו ווי דער קרייזער רב האט עס גע'ירשנ'ט לדורי דורות און נישט דער שינאווער רב, און עס האט דעם שינאווער רב "זעהר" נישט געשמעקט!


דיין משל איז אינגאנצן נישט דומה לנמשל.

אבער אז דו האסט שוין דערמאנט די פרשה, לאמיך דעמאלס אויפמערקן אויף צוויי נקודות. איינס, ער איז געבליבן ידוע לדורות עולם אלס קרייז'ער רב, און נישט אלס צאנז'ער רב.

צוויי. כאטש איך גיי חלילה מיך נישט אריילייגן אין דן זיין צווישן צוויי אזעלכע הייליגע לייבן ווי דער שינאווא'ער רב און דער קרייז'ער רב, ווער פון זיי עס איז געווען גרעסער. אבער דער פאקטישער מציאות איז געווען אז אין דעם גרויסקייט און אנגענומעקייט וואס דער צאנז'ער רב האט געהאט אין די אידישע וועלט "פאר צאנז'ער חסידים", איז דער שינאווא'ער רב געווען פיל מער ממלא מקום ווי דער קרייז'ער רב, און אזוי איז עס געבליבן פארהייליגט ביי כלל ישראל ביז היינט.

און איך האב עס גראדע מרמז געווען בהבלעה אין מיינע שורות דא פריער. איך האב געשריבן אז נאך אפאר יאר וועט מען נאך לאכן פון זיך אליינס אין 45 אז מען האט זיך געערגערט אויף דעם פסק. און איך האב טאקע דאס געמיינט. ווייל בניינים מיט געלט בויעט נישט א חסידות נאר א רבי בויעט א חסידות. איך מיין אז קיין ראיות דארף איך נישט ברענגען.

היסטאריע האט נאך אלעמאל ריכטיג אפגעלערנט די זאך. סאו איך האב צייט. און איך בין זייער קאנפידענט מיט דעם.

איטשע האט געשריבן:פורים אווענט, האט מען מכתיר געווען שני חתני מוהר"נץ זצ"ל אלס אדמו"ר ואבד"ק באבוב.


נישט ריכטיג. די זעלבע צייט וואס מען האט ביים אינגערן ברודער אין שטוב געמאכט א הכתרה פאר אים, האט מען ביים רב ז"ל אין שטוב געמאכט א הכתרה פאר זיינע קינדער. מען האט נאר נישט אפגעמאכט וויאזוי די הנהגה וועט גיין, מען האט געוואלט זיי זאלן עס צווישן זיך מחליט זיין. און פורים ביינאכט האט מען מפרסם געווען די החלטה אז ער איז רב און ער איז רבי.

איטשע האט געשריבן:יעצט לגופו של ענין.
אויב איז דא א געוויסע טענה "פארוואס" עס קומט זיך עפעס פאר צד א', איז עס מטעם "חתנו כבנו", און דאס איז טאקע געווען טענת צד א' אין דער דין תורה


דאס איז געווען איינס פון די טענות

איטשע האט געשריבן:(וואס זיי האבן זיך "נאר" געשטעלט הערשט נאכ'ן לויפן אין קאורט "אן א היתר בי"ד", און דער ריכטער האט זיי בבזיון רב געשיקט צו דין תורה! בשליחות - נישט מער און נישט ווייניגער - פון אדמו"ר מוהר"ש, וואס האט מיט זיינע אויגן פאראויסגעזהן, וואס עס גייט געשעהן!).


מען האט געטרייט צו קומען צו א פארשטענדעניש צו גיין צו דין תורה, אבער צד 48 האט ניטאמאל געוואלט מכיר זיין אז עס איז דא נאך א צד און האבן זיך פלעין אויסגעלאכט. דעריבער האט מען מחליט געווען אז אנשטאט א לאנגען שפיל מיט הזמנות און נאך הזמנות און אהין און צוריק, אז מען גייט גראד אין קאורט און מען וועט דארט בעטן אז מען וויל א בוררות. זאל דער קאורט זיי צווינגען.

איטשע האט געשריבן:זצד א' יי האבן פארלאנט "אלעס"! אלע בנינים, אלע מטלטלין, אלע ספרי תורה, הכל בכל מכל כל באלאנגט פאר די צוויי חתנים.

מצד ב', האט מען גע'טענה'ט, אנטשולדיגט, אבער, אונזערע רב איז געווען רב הצעיר און מדין זה האט ער גע'ירשנ'ט "אלעס" אלע בנינים, אלע מטלטלין, אלע ספרי תורה, הכל בכל מכל כל באלאנגט פאר באבוב.


צד 45 האט גע'טענה'ט אז אזוי ווי זיי זענען די יורשים פון דעם רב ז"ל ממילא קומט זיך זיי אלעס, אבער אויב דער אינגערער ברודער וויל זיך אויך רופן באבוב'ער רב אדער רבי, ע"ש אבותיו הק', האבן זיי נישט קיין שום פראבלעם דערמיט, זיי זענען אפילו געווען גרייט אויף א פשרה איבער די נכסים, כאטש זיי האבן גע'טענה'ט אז ע"פ תורה קומט זיך זיי אלעס.

ווידער צד 48 האט גע'טענה'ט אז כאטש ער איז נישט יורש, אבער היות ער האט געהאט א טיטל (אן א מיטל) רב הצעיר, ממילא איז דאך דאס א בפירוש'ע ראי' אז זיין ברודער האט מסכים געווען אוועקצוגעבן זיין ירושה פאר אים אנשטאט פאר זיינע אייגענע קינדער.

ולא עוד, נאר צד 48 האט אויך גע'טענה'ט אז צד 45 האט אינגאנצן נישט קיין זכות קיום, זיי זענען קוים 15 - 18 פראצענט פון באבוב. און זיי טארן זיך נישט רופן באבוב, און זיי דארפן נאך באצאלן פאר דעם שאדן פון זיך רופן באבוב בגניבה פאר די אלע יארן.

סאו ביידע האבן גע'טענה'ט כולו שלי, נאר איינער האט געזאגט: כולו שלי, אבער איך בין גרייט דיך צו לאזן לעבן אויך, און דער צווייטער האט גע'טענה'ט כולו שלי, און דו גיי קיין עזאזל.

איטשע האט געשריבן:באבוב האט געואלט מפשר זיין, פאר 10 מיליאן דאללער. דער אנטווארט איז געווען "הכל שלי".


צד 48 האט פאר די לוי', ווען זיי האבן נאך נישט געוואוסט איך יפול דבר, געשיקט א שליח אז זיי ווילן געבן געלט אז מען זאל זיך אפטראגן. וויפיל עס איז געווען ווייס איך נישט און דו אויך נישט (חוץ אויב דו ביסט אברהם אהרן לעזער אליינס), ווייל לויט געוויסע אינפארמאציע וואס איך האב (וואס איך קען דיר אויך נישט צוזאגן אז עס איז אמת) האט מען געאפערט פיל ווייניגער, איך האב געהערט פינף און פון אנדערע האב איך געהערט גאר אז דריי. און דאס אויך איז געקומען מיט א תנאי אז צד 45 טאר זיך נישט רופן באבוב.

ווידער צד 45 האט געבעטן גיב מיר צען מיט א בנין, און לאז מיך זיך רופן באבוב און איך גיי. אבער צו דעם האט צד 48 נישט מסכים געווען.

איטשע האט געשריבן:גלייך מתחילה איז "קיינער" נישט געווען אינטערסירט אין קיין פשרות, יעדער זייט איז געווען אזוי זיכער מיט זיך, אז יעדער האט פארלאנגט פון בית דין א "דין תורה" אין נישט קיין "פשרה".


סתם געהאקט אין קאפ אריין. צד 45 איז פון די ערשטע רגע אן געווען גרייט אויף א פשרה.

(איטשע, קום לאמיך דיך אויסלערנען. מען דארף טענה'ן אזוי אז עס זאל זיין מתקבל על השכל, מען נישט סתם אויסטראכטן זאכן ככל העולה על הרוח. צד 45 איז געזעצן אויף די גאס, אן גארנישט, זיי האבן נישט געהאט וואס צו פארלירן. טרייסטו איינעם איינצורעדן אז זיי זענען נישט געווען גרייט אויף פשרות? אויב דו מאכסט שוין מעשיות, מאך כאטש גוטע)

איטשע האט געשריבן:איך קען נישט די הלכות, אבער צד א', האבן זיך בשעתו געוואנדן צו אסאך רבנים, ובכללם הג"ר מענדל שאפראן און אלע האבן זיי געזאגט אז, ענק האבן נישט קיין טשענס!


אזוי גאר? לא מיני' ולא מקצתי'. עד היום הזה זענען דא צענדליגער רבנים וועלכע האלטן בכל התוקף אז צד 45 איז אינגאנצן גערעכט. עס איז נישט אזוי שווער זיי צו טרעפן. דאס יא, אסאך רבנים האבן געווארנט אז מיט די אמעריקאנע בתי דין און מיט אזא שווערן בר פלוגתא, האט עטץ נישט קיין טשענס, ליידער זענען זיי געווען גערעכט.

איטשע האט געשריבן: חוץ איינער, דיין בערגער פון די ווייטע מאנשעסטער,


איך האב דיר שוין געזאגט, נישט איינער, עס זענען דא גאר אסאך, און נישט נאר ניין יאר צוריק, נאר עד היום הזה. איך קען כמה וכמה פון זיי, איך האב עס אליינס געהערט פון זיי. פון אלע שיכטן און קרייזן. די סיבה פארוואס מען האט גענומען בערגער פון מאנשעסטער איז ווייל ער האט שוין געהאט עקספיריענס מיט עטליכע אזעלכע סארט דיני תורה.

און בד"וו, וואס איז אז מאנשעסטער איז ווייט? מיינט דאס שוין אז ער איז נישט קיין גוטער דיין?

איטשע האט געשריבן:און דאס איז אויך נאר געווען, ווייל ער האט נישט געואוסט אלע פרטים, מען האט פון עם פארהוילן וויכטיגע פרטים,


ער האט זייער פיין געוואוסט, מען האט גארנישט פארהוילן. וואס עס איז יא געווען פארהוילן פון אים, זענען די פרטים איבער די קארופציע צווישן די אזויגערופנע רבנים און בתי דין דא אין עמא ריקא.

איטשע האט געשריבן:(דיין בערגער האט שוין איינגעזעהן זיין בראך, גלייך פון אנהייב, אבער צוריק גייט א קאזעלע.)


אריינגעווארפן נאך אפאר ווערטער לענגער צו מאכן די תגובה, פארוואס נישט? עס קאסט דאך נישט קיין געלט (און אויב יא וועט שוין איזי באצאלן). זאג נאר דו ביסט טאקע אויפן קאפ געפאלן? ער האט שוין געזעהן זיין בראך גלייך פון אנהייב? און דאך איז ער געבליבן זיצן אזויפיל יאר אויף דעם קעיס. הייסטעס אז ער האט פשוט נישט וואס צו טאן מיט די צייט זיינע נאר צו פארברענגען מיט אזעלכע געשמאקע מענטשן ווי יודל גרובער און יחיאל באבאד.

יא, אוודאי, דעם בראך פון דעם הרכב, דעם בראך פון די פאברעכער מיט וועמען ער זיצט צוזאמען. דעם בראך האט ער אפשר איינגעזעהן. פארוואס האט ער נישט אונטערגעשריבן דעם פסק. גיי קאלל אים אן און פרעג אים וואס ער האלט, נאכדעם קום צוריק דא און שרייב עס.

איטשע האט געשריבן:יעצט ווען בית דין האט גע'פסקנ'ט, אז אין דער פאל איז "נישט" דא טענת חתנו כבנו, און די באבובער רבנות גייט צו אלס יורש מדין רב הצעיר,


אזוי האבן זיי גע'פסק'נט? ווען? ווי האבן זיי דאס געשריבן? איך האב אפגעליינט דעם גאנצן פסק, עס שטייט נישט דארט דערמאנט קיין זכר פון וואס דו זאגסט דא.

איטשע האט געשריבן: און ווי נישט ווי האבן צד א' מתחילה פארלאנגט א "דין תורה" און נישט קיין פשרה,


וויפיל מאל דארף איך שרייען. שקר, צד 45 איז אגאנצן צייט געווען גרייט אויף א פשרה.

איטשע האט געשריבן: זעהט דער דין תורה אזוי אויס.


יא יא, צו דעם האב איך גארנישט צוצולייגן.

איטשע האט געשריבן: צד א' קומט זיך "גארנישט" און צד ב' "אלעס",


תיקון טעות: צד א' באקומט גארנישט און צד ב' באקומט אלעס. יחי ההבדל הקטן.

איטשע האט געשריבן:עס אזוי איינזייטיג, ווייל צד א' האט פארלאנגט אין דין תורה און נישט קיין פשרה.


עס איז אזוי איינזייטיג ווייל צד א' זענען געווען נאאיווע בטלנים און געלאזט נוגעים בדבר, רודפי שוחד ולוקחי שלמונים זיצן אויף דעם קעיס.

איטשע האט געשריבן:די תורה הק' זאגט: ניין! די צוויי חתנים, קומט זיך באמת גארנישט מיט נישט, און זיי האבן נישט קיין שום רעכט זיך צורופען באבוב!


די תורה הק' זאגט? וועלכע תורה הק' זאגט דאס? נישט די וואס מיינע עלטערן האבן באקומען אויפן בארג סיני. דארט שטייט אזוי: ואיש כי ימות ובן אין לו והעברתם את נחלתו לבתו.

זאג נאר, לאמיך דיך פרעגן א תמימות'דיגע שאלה, דו האסט אמאל געהערט פון אזא מושג ווי שוחד? דו ווייסט אויך אז די תורה אסר'ט דאס? דו ווייסט פארוואס? לאמיך דיר פארציילן, דער תורה זאגט דארט אזוי: כי השוחד יעוור עיני חכמים ויסלף דברי צדיקים. דו הערסט גוט? עס שטייט נישט כי הכסף יעוור עיני טיפשים ויסלף דברי רשעים. עס שטייט שוחד, ווייל שוחד מוז נישט זיין דוקא געלט, עס קען אויך זיין א דירה, א השגחה, א פריינטשאפט, און עס שטייט דירעקט עיני חכמים ודברי צדיקים, ווייל אפילו ביי חכמים און צדיקים טוט שוחד ווירקן אז זיי זאלן פסק'ענע שלא כדין תורה, און אוודאי ביי אזעלכע וועלכע זענען גאר ווייט פון חכמים און צדיקים.

סאו נישט יעדעס מאל וואס מען זעצט זיך צו א דין תורה איז אויטאמאטיש די פסק ע"פ תורה. ליידער ליידער זענען מיר זייער באקאנט מיט דעם פענאמען פון פסקים וואס זענען דירעקט נוגד די תורה הק' אבער זענען ארויסגעקומען לדאבונינו פון אזויגערופענע דיני תורה. דאס אז א רב זיצט אויף א דין תורה מאכט נאך נישט אויטאמאטיש זיינע ווערטער תורה. עס איז תורה נאר אויב ער פסק'עט אזוי ווי די תורה הייסט.

און סתם א קליינע הערה'לע, האסט פארגעסן אז אפילו לויט דעם סדום פסק האבן זיי נאך אלס א רעכט זיך צו רופן באבוב, נאר מיט א צונאמען. דיין שנאה און די נוסחאות וואס מען האט אריינגעפילעוועט אין דיר די לעצטע ניין אהאלב יאר שרייען ארויס, און לאזן זיך הערן איינמאל אין נאכמאל, און ווייזט וואס עטץ האטס באמת געוואלט, און ווי צופרידן איר זענט מיט דעם פסק.

איטשע האט געשריבן:זיי זענען באמת א שיינע קהלה,


אזוי? ווען איז דאס געשעהן, זייט ווען זענען זיי אזא שיינע קהילה? באלד צעהן יאר וואס איך הער גאר אן אנדערן ניגון, פלוצלינג זענען זיי געווארן א שיינע קהילה. חחח

איטשע האט געשריבן:אבער פארוואס זאל באבוב זיי וזען דעקן.


ווער דען זאל זיי דעקן, אפשר פאפא, מונקאטש, אדער אפשר גאר סטריקוב?

איטשע האט געשריבן:זיי האבן א פראבלעם מיט'ן רב,


נישט מיטן רב, מיט דעם אדמו"ר דצד 48

איטשע האט געשריבן:גיי לחיים ולשלום,


פארוואס עפעס זאל איך גיין. עס איז מיינס, עס געפעלט דיר נישט גיי דו.

איטשע האט געשריבן:אבער איך מוז דיר נישט דעקן.


דו מוזט טאקע נישט, דו ביסט בארעכטיגט אליינס זיך אויפצושטעלן א קהילה און יענס דעקן.

איטשע האט געשריבן:איי וואס איז מיט קהלה שפרשו?


מיינסט אפשר צו זאגן קהילה שנזרקו?

איטשע האט געשריבן: דער דין וואלט ווערט געווען עפעס אויב זיי וואלטן געווען מער ווי 30 פראצענט,


נייע הלכה, אין וועלכן שולחן ערוך שטייט דאס?

איטשע האט געשריבן: למעשה האבן זיי קוים אנגעצויגן 28 פראצענט,


נאך א שקר. די נומערן זענען געווען צווישן 44 און 31 פראצענט. נאך וואס צד 48 האט מיט צוואנג אוועק געשניטן יעדן וואס האבן געקענט, מיטן ציהל אנצוקומען צו דעם מעדשיק נומער אונטער דעם 30, ווייל אזוי האט יודל אונטערגרובער זיי געזאגט, אז צו דעם נומער מוזן זיי אנקומען, האט מען נאך אלס געהאלטן ביי 31, אבער צד 48 האט נאך אלס מחליט געווען צו פארשפרייטן אז צד 45 איז נאר אנגעקומען צו 28.

אבער ווי נישט ווי איז דאס אויך א דערגרייכונג, ווייל ביז אהין האבן זיי דאך געשריגן אז עס איז קוים פופצן פראצענט, בקושי אכצן.

איטשע האט געשריבן:דעריבער איז די טענה אויך אוועקגעפאלן.


ווידער א מעשה, פון ווי נעמסטו דאס? עס שטייט נישט אין פסק. סתם אריינלערנען דארט דאס וואס דו ווילסט קען דאך יעדער איינער.

איטשע האט געשריבן:
מצד השני באבוב איז ווערט שווערע מיליאנען,


אמת

איטשע האט געשריבן: אבער! אויב דארף מען נעמען "אלע בנינים" און זיי פארקויפן, אופאיינמאל, אלס בניני מוסדות" איז די ווערט זייער ווייניג, די וועליו איז געשצאט געווארן אויף א קארגע 30, 35 מיליאן דאללער! יא, יעדער בנין פאר זיך איז ווערט מער, און אויב איז עס רעזידענשאל, נאך מער. אבער ווי עס שטייט ין גייט, האט נישט די געהאפטע צד א' שוויות,


זאג נאר איטשע. זאג מיר אויס דעם סוד. דו מיינסט אפשר אז די לייענער פון דיינע ווערטער וואוינען אין אפריקע, ערגעץ צווישן דשיבוטי און מאדאגאסקאר?

כ'מיין, וועמען טרייסטו דא זיך איינצורעדן אז זיי קויפן די לאקשן? רוב לייענער דא קענען זייער גוט בארא פארק. דו טרייסט מיר [אדער אפשר גאר דיך] איינצורעדן אז אויב גייט מען פארקויפן די פאר בניינים וואס באבוב פארמאגט אין בארא פארק גייט די ריעל עסטעיט אזוי פאלן אז די שוויות גייט אראפגיין מיט פיר אדער פינף הונדערט פראצענט?

באבוב פארמאגט אפשר דריי הונדערט בניינים אין בארא פארק?

פליז, דריי נישט קיין ספאדיק. זעץ זיך אויף און הייב אן רעדן ווי א גרויס אינגל.

דער בנות ציון קאמפלעקס אליינס איז ווערט אזויפיל. איז אויב גייט מען צולייגן אלע אנדערע בניינים קומט נישט צו קיין שום שוויות? ריעלי?

איך האב עקספעקטעד פון דיר א בעסערן דשאב פון דעם.


איטשע האט געשריבן:פון אזא בליק, האבן זיי באקומען א שיינע 'חתיכה' א שעקסטל פון די ווערט!


איך ווייס נישט וואס א שעקסטל איז, אבער איך שטעל זיך פאר אז דו האסט געמיינט צו שרייבן א זעקסטל. אויב איז דאס וואס דו האסט געמיינט איז עס נאך אויך גאר ווייט, אפילו פון דיינע אייגענע נומערן, האסט דאך געזאגט אז זיי האבן אנגעצויגן 28 פראצענט, 6.2 פון דרייסיג פינף און דרייסיג איז ווייניגער פון 28 פראצענט.

איטשע האט געשריבן:יעצט לגבי דער נאמען:
יעצט לאמיר שמועסן וועגן די צענדליגע נעמען מיט יוניפורמס.


אקעי, געגאנגען...

איטשע האט געשריבן:צד א' האבן באשלאסן מיום א' "אלעס" נאכצומאכן, געפעינט די באסעס מיט די זעלבע קאלירן, אזוי אריינצונארן קינדער אין זייערע באסעס און פארדרייען א קאפ פאר די עלטערן אין די מוסדות, יעדער מוסד האט גענוצט דער זעלבער ביינאמען, די זעלבער עמבלעם.


איטשע, האסט פארגעסן פון דעם כלל פון חז"ל, במילתא דעבידא לאגלויי לא משקרי אינשי. מילא ביי אנדערע ליגנטס איז אפשר אביסל שווער אויפצואווייזן, אבער דא האסטו זיך פאררעדט. אלע בארא פארקער אידן ווייסן אז די קאליר פון די באסעס איז נישט די זעלבע. (מ'קען מיינען אז צד 45 שטייט נעבעך און ווארט אויף קינדער פאר זייער מוסד אז זיי דארפן פשוט מאכן טריקס אז קינדער זאלן ווערן אריינגענארט אין זייערע באסעס. גראו אפ איטשע)

ווידער לגבי די אנדערע זאכן, וויל איך דיך פרעגן א קשיא: אויב האב איך א סעמסאנג סעל פאון געלעקסי 3, און איינער גנב'עט עס מיר צו, און איך גיי און איך קויף א נייעם, דעם זעלבן מין. האב איך נאכגעמאכט יענעם גנב?

צד 45 האט געהאלטן אז צד 48 האט די אלע זאכן גענומען בגניבה און דעריבער האבן זיי - נישט נאכגעמאכט, נאר - פשוט אנגעהאלטן די אלע זאכן וואס זיי האבן געהאט ביז יעצט.

איטשע האט געשריבן: בית דין האט געזעהן דא אז מען האנדעלט דא מיט קינדערישע מענטשן, נישט אין סאטמאר נישט אין וויזניץ האט מען געזעהן אזוינס.


וואס בעסדין האט געזעהן ווייס איך אויך. זיי האבן געזעהן בען פרענקלין. ווידער אין סאטמאר און אין וויזניץ איז רוב מאל נישט געווען אזא מציאות. און דארט ווי יא האט מען פונקט אזוי געטוהן.

איטשע האט געשריבן:פארוואס דאווענען זיי שבת אין בית יעקב?


ווייל עס איז די איינציגסטע זאל וועלכע איז גענוג גרויס (גראדע שוין נישט) זיי צו קענען אקאמאדירן, און איז גלייכצייטיג געווען גרייט זיי צו פארדינגען. (טראץ וואס צד 48 האט שווער געארבעט עס אפצושטעלן)

איטשע האט געשריבן:ווייל סאיז לעבן באבוב.


איטשע, איך פיל זייער שלעכט פאר דיר, עס איז נישט גרינג צו לעבן מיט אזעלכע געפיהלן. אבער איך האב אן עצה. גיי צו א דאקטער און זאג אים אז הדד בן בדד האט דיר געזאגט אז דו דארפסט א באהאנדלונג אויף פאראנאיע. (איטשע, איך זאג דיר וועסט זיך שפירן בעסער נאך דעם. איך וועל דיר נישט שיקן קיין ביל פאר די עצה).

איטשע האט געשריבן:פארוואס דאוונען יי אין א געדינגענע לאקאל?


ווייל זיי האבן נאך נישט קיין אייגענעם. און פארוואס טאקע נישט?

איטשע האט געשריבן:ווייל אט אט גייט באקומען א בנין פון באבוב,


פון וועמען? פון בעסדין. באבוב האט אלע יארן געהאפט אז די בעסדין וועט פסק'ענען ע"פ תורה און זיי געבן א בנין. פון צד 48 האט מען קיינמאל נישט גע'חלום'ט צו באקומען גארנישט. זיי זענען טאקע בטלנים אבער נישט אזעלכע בטלנים.

איטשע האט געשריבן:אונז זעמיר דאך איף די גאס. יא נישט מער אין נישט ווייניגער, וועמען נאר'ט מען דא.


מען נארט קיינעם נישט, דאס איז די אמת, נו וואס האסטו געוואלט מיט דעם?

איטשע האט געשריבן:יעצט וועגן דער נאמען, צד א' וויל זיך רופ'ן מיט די מאדנע נאמען באבוב45.


הייבצעך נישט אן. צד א' וויל זיך רופן מיט דעם נאמען וואס זיי זענען. באבוב. נאר ווען זיי האבן ענדליך איינגעזעהן מיט וועמען זיי האבן דא צוטוהן, האבן זיי מחליט געווען אביסל צופאכען צד 48 מיטן בעסדין אינאיינעם. זיי האבן געזאגט אז זיי ווילן ענדערש באבוב 45 ווי א אנדערע צונאמען. פארוואס? איך האב זיי נישט געפרעגט, אבער מיינע השערות און הסברים קענסטו ליינען אין מיינע אבזערוואציעס.

איטשע האט געשריבן:פארוואס איז עס מאדנע?


זייער פשוט, ווייל עס איז נאך קיינמאל נישט געווען אזא זאך, א חסידות נאמען מיט א נומער צוגעטשעפעט. אבער די פסק שרייבער זענען געווען אזוי פארבלענדעט פון זייער שנאה און איינזייטיגקייט, אז זיי האבן אפילו אזא פשוט'ע זאך פארזעהן.

איטשע האט געשריבן:ווי אזוי גייט ר' יהושע רובין אונטערשרייבען "יהושע רובין אבד"ק באבוב45?",


איך ווייס נישט, קענסט אים אנרופן און פרעגן, מיינע השערות האב איך שוין געשריבן.

איטשע האט געשריבן: וויזאוי גייט מען אויסרופען דעם אדמו"ר, מבאבוב פאריפיפט? לאחר מאה ועשרים, וועט מען ארויף קראצן אויף די מצבה "באבוב45"? כ'האב געהערט נאכזאגן פו דער באבעפאריפיפטער רבי/רב? מען קע נישט מאכ'ן קיין געהעריגע ר"ת דערויף, וואס גענוי איז די געמטריא פון באבוב45?


זעהט אויס אז אויסער פאראנאיע ליידסטו אויך אויף די שמיעה (אדער ראי'ה) איך האב דאך דיר שוין געזאגט אפאר מאל, לייען אפ מיינע אבזערוואציעס. איך האב דאס אדרעסירט דארט.

איטשע האט געשריבן:אלא מאי, זיי זענען גרייט זיך צו מבזה זיין מיט די מאדנע נאמען, פארוואס? גם לי גם לך לא יהיה, אזוי וואט מען רופן באבוב פאריעיט! נישט איך און נישט עם!


עוד הפעם, איך האב דאס שוין מסביר געווען, גיי צוריק צו אנהייב פון דעם אשכול ושם תמצאנו.

איטשע האט געשריבן: זיצט א רבי אין א קהלה, און איז גרייט (עכ"פ אזו שטייט אינעם פסק דין פון בי"ד) זיך צוריפען מיט אזא צודרייטן נאמען, פאר איין איינציג סיבה, מיין פעטער זאל צופלאצט ווערן, יא ער איז א שר התורה, מסכים.


ער האט זייער א קליינער פראבלעם מיטן קליינעם פעטער זיינעם, ער דארף אים נישט מאכן פלאצן ווייל ער פלאצט סייווי. אבער ער האט עס געטוהן ווייל דאס איז זיין איינציג געווער.

לאמיך דיר עפעס זאגן ר' איטשעלע. וואלט איך ווען געווען יעצט אויפן בענקל פון דעם אדמו"ר פון צד 45 וואלט איך געזאגט: איך האב גע'חתמ'עט שטרי בירורין פאר א דין תורה, נישט פאר אזא פסק דין מעוות ומקולקל. אצינד, נאך אזוי פיל געלט און בלוט שפייען, זייט מיר געזונט און שטארק. איך קען אייך נישט און פערטיג. איך וואלט ווייטער געגאנגען ווי גארנישט וואלט פאסירט.

ולהוי ידוע אז איך האב שוין אזאנס געטוהן. איך בין געווען אינוואלווד אין א קעיס, א סכסוך צווישן צוויי אידן, וועלכע איז אנגעקומען צו אן אזויגערופענעם דין תורה, און איך בין געווען ביי די דין תורה (נישט אלס דיין אדער טוען, נאר אלס העלפער און פריינט פאר איינעם פון די צוויי צדדים), מען האט גע'חתמ'עט שטרי בירורין און געגאנגען. במשך דען גאנצן דיון און די זיצונגען האט געשטינקען דארט פון שוחד אז עס איז געווען א שרעק, און דער סוף פסוק איז געווען ווי ערווארטעט, א פסק אינגאנצן ווי יענער האט געוואלט, און נאך מיט א שמיץ אריבער.

אבער דאס גרעסטע ליצנות איז געווען אז צווישן די שורות פון דעם פסק האט זיך קלאר ארויסגעזעהן אז דער בעסדין האט ניטאמאל זיך גענומען די מי אויסצוהערן געהעריג די טענות. נעמען און מציאות'ן זענען געווען נישט ריכטיג און פארמישט. עס האט זיך זייער קלאר אנגעזעהן וואס עס ליגט אונטער דעם פסק.

איך האב אנגעזאגט דעם איד וועמען איך האב געהאלפן ער זאל בשום אופן נישט אויספאלגן דעם פסק. ווען יענער האט געסטראשעט מיט מסירה האב איך אים קלאר געמאכט אז איך האב וואס צו מסר'ן אויף אים אויך, ער האט געסטראשעט אהער און געווארנט אהין, רבנים מיט סירובים, אבער איך האב אים קלאר געגעבן אנצוהערן אז עס וועט נישט ארבעטן און אז פאר יעדע אקציע וועט זיין א רעאקציע.

איך האב אים געגעבן צוויי אפציעס, איינס. מען וועט אפשרייבן אלע טענות און תביעות, ביז ביידע צדדים וועלן מסכים זיין אז זיין צד איז געווארן גוט ארויסגעברענגט, מען וועט צולייגן אלע דאקומען (וואס מען האט ניטאמאל געברענגט אין בעסדין) עס וועט נישט שטיין קיין נעמען, נאר צד א' און צד ב'. מען וועט אריינגיין צו א בית דין וואס קען נישט קיין איינעם פון אונז און באצאלן פסק געלט זיי זאלן אפליינען דעם צעטל און ארויסגעבן א פסק.

אדער האב איך אים געזאגט אז ער קען קומען פארהאנדלען מיט מיר. פארשטייט זיך ער האט קיין איינס נישט געוואלט. אבער ווען די צייט איז געלאפן און ער האט געזעהן אז ער האט גארנישט האט ער זיך שיינערהייט אראפגעזעצט מיט מיר זיך מפשר זיין.

(סתם שוין צוצוענדיגן, ער האט באקומען טייל פון וואס ער האט געוואלט, אבער לבסוף איז ער ארויס דערפון מיט גרויס שאדן. דער אויבערשטער האט דאס שוין געזארגט, עס האט גארנישט געהאט מיט מיר אדער מיט דעם צד)

איטשע האט געשריבן:עם עקש תתפתל,


אה, קענסט דאך יא לשון קודש. דאס איז דאס, עם עקש תתפתל. מיט אזעלכע עיקשים ווי די פסק שרייבער און די וועלכע האבן זיי געדרייווט איז נישט דא קיין ברירה נאר צו גיין בדרך פתלתול און זיך אנהענגען אין דעם נאמען באבוב45, אויף אן אופן וואס עס וועט סייווי נישט בלייבן, און אלעס (אדער כמעט אלעס) וועט אויסקוקן ווי ביז היינט (חוץ די נייע בניינים וואס צד 45 וועט בעז"ה אויפבויען (פארשטייצעך, נאר אז דער פעטער זאך פלאצן)), און אפשר, טאקע נאר גאר גאר א גרויסער אפשר, אבער דאך עפעס א פראצענט איז דאך דא, אז אפשר אזוי, אז 48 וועט ענדליך איינזעהן אז די פרענדס זייערע זענען סוכ"ס נישט געווען בכח זיי צו דעליווערן דעם טויט קלאפ פאר קארטשין וואס זיי האבן אזוי ערווארטעט, אפשר וועלן זיי דעמאלס זיך אליינס צאמזעצן און אנקומען צו עפעס א טאלק און זיך מפשר זיין ביושר.

איטשע האט געשריבן:בלי ברירה האט בי"ד געמוזט שרייבן אזויפיל סעיפים, אז ס'זאל קלאר אנזעהן מי ומי ההולכים.


אוודאי בלי ברירה, ווייל אז מען איז משוחד האט מען נישט קיין ברירה, מען פארלירט די בחירה און מען מוז בהכרח שרייבן אזא פסק מיט אזויפיל סעיפים אז מען זאל זעהן מי ומי ההולכים נגד חוקי התורה.

איטשע האט געשריבן:9 יאר דין תורה.
איין מינוט, דער פסק איז שוין גרייט 2 יאר. פון די 7 יאר איז מען געזעצן איין וואך פער חודש, אויסער חדשי ניסן תשרי תמוז אב, און פון די איבעריגע 8 חדשים, האט זך יעדעס יאר געמאכט אז דא איז מען נישט געזיצן צוליב א שמחה ביי צד א' אדער ב' ס"ה איז מען געזעצן בע 20 צו 30 טעג א יאר, שוין גארנישט אזוי לאנג, נעמענדיג אין באטראכט, אז בי"ד מוז לאזן דעם בע"ד אויסזאגן אלע זייערע טענות, אין די טענה'ס זאגן האט אויפגענומען מיינסטנס פון די צייט.


אויף דעם האב איך סתם נישט קיין געדולד זיך צו באציען צו די קלוגע הסברים. בלייב גערעכט. עס האט טאקע געדארפט געדויערן אזוי לאנג...

איטשע האט געשריבן:יעצט א ווארט צו מורה מורינו הרב ר' הדד.


יא רעב איטשע, איך בין גרייט צו הערן, פתח פיך ויאירו דבריך

איטשע האט געשריבן:אויב גרויס מאכן דיין רבי'ן אויפן חשבון פון זיין פעטער מאכט דיך פילן גוט, זאל זיין אזוי.


ווי איך האב שוין געשריבן באריכות אין מיין ערשטן מאמר, איז ר' מרדכי דוד נישט מיין רבי, אבער איך האב גענומען דעם צד פון 45. און איך דארף אים נישט גרויס מאכן אויף חשבון פון זיין פעטער. ער איז גרויס גענוג פאר זיך. איך וויל נישט גיין פערסאנעל, אבער ביי די וואס קענען די צוויי יודן פערזענליך און זענען נישט קיין צד אין די פרשה, זענען דיינע ווערטער א געלונגענער וויץ.

איטשע האט געשריבן:אויב פאלגן דין תורה, וואס איז די א' ון יעדען יוד, מאכט דיין רבי'ן גרויס, זאל זיין אזוי.


פאלגן א "דין תורה" איז טאקע פון די ערשטע יסודות פון א יעדען איד. אבער פאלגן א פסק וואס איז זייער קלאר קעגן די תורה איז נישט דא קיין שום ענין צו פאלגן.

צו ער גייט פאלגן צו נישט ווייס איך נישט. איך האב דיר שוין געשריבן פריער וואס איך וואלט געטוהן. וואס ער גייט טוהן בלייבט איבער צו זעהן. עס קען זיין ער וועט פאלגן, עס קען זיין ער איז א בעל מדריגה, אפשר גאר א גרויסער בעל מדריגה, איך קען אים נישט גוט גענוג איך זאל דיר קענען זאגן אויף דעם א אמת'ער שאצונג ווייל אויסצופאלגן אזא פסק דארף מען זיין אדער א שוידערליכער שוטה, אדער גאר גאר גאר א גרויסער בעל מדריגה.

אלזא, איך ווייס נישט. קען זיין ער וועט זיך א נאמען געבן צאנז באבוב*, [אזוי ווי איך זעה איר ווילט זייער שטארק, כאטש אמאל האט איר צו דעם אויך נישט מסכים געווען, און מיט א שטיק צייט צוריק ווען מען איז געוואר געווארן אז בעסדין פלאנט צו הייסן צולייגן 45 האט איר נישט אויפגעהערט צו לאכן פון דעם דשאוק, אבער פלוצלינג האט איר געכאפט אז די דשאוק איז אויף אייך האט איר אויפגעהערט צו לאכן און אנגעהויבן רעדן שיין: צאנז באבוב, עס איז דאך אזא שיינעם נאמען בלא בלא בלא...] אויב יא הייב איך מיין היטל פאר אים, (אפשר וועט ער נאך ווערן מיין רבי) דאס איז גאר א גרויסע מדריגה, און אפשר וועט ער אינסיסטן צו בלייבן באבוב 45, און אפשר וועט ער סתם אזוי זאגן איך פייף אריין אין דיר.

אלזא, אויב פאלגט ער דעם פסק דאן איז ער זייער גרויס.

*איך וויל סתם אנמערקן אז איך געדענק נאך אסאאאך יארן צוריק פלעגט שטיין אויף די באסעס צאנז באבוב.

איטשע האט געשריבן:אויב דיין רבי איז טאקע אזוי גרויס.
ווער האט עם געגעבן א היתר צו גיין אין קוירט אדר תשס"ה?


איך האב שוין געשריבן וועגן דעם פריער

איטשע האט געשריבן:פארוואס וויל ער הייסן דווקא באבוב45? און נישט עפעס א נארמאלע קלאסישע נאמען ווי צאנז באבוב?


לייען איבער די לעצטע פאר שורות דא.

איטשע האט געשריבן:אודאי גייט ער פאלגן דער דין תורה!


איך בין נאך גארנישט אזוי זיכער

איטשע האט געשריבן:דו ווייסט פארוואס?


אדרבא, פארצייל מיר

איטשע האט געשריבן:ווייל די גוישע קוירט, דארט'ן ווי דיינע מנהיגים זענען געלאפען בשלוחותו תובע זיין באבוב, שלא ברשו בי"ד. און ריכטער קרעמער ע"ה, האט זיי אנגעזידלט, און פארשיקט צו דין תורה,


בלא בלא
(אפשר קינדיש, אבער איך האב מיך נישט געקענט איינהאלטן)

איטשע האט געשריבן:אט די קאורט וועט זיכער מאכ'ן אז ער גייט פאלגן!


אהההה, איטשע, יעצט האסטו מיך סורפרייזד. יו קאהט מי אףף גארד. ביז יעצט האב איך געמיינט אז 45 זענען די נאאיווע און 48 זענען די געריבענע, דערווייל האסטו מיר דא אזאנס אריינגעווארפן? אזוי נאאיוו צו זיין? עס פאסט נישט פאר 48.

איטשע לאמיך דיר זאגן. איך גיי נישט דא אריינגיין אין קיין אריכות'ן איבער דעם, אבער האק זיך דאס שוין ארויס פון קאפ. דאס גייט נישט פאסירן. (דו מוזט נישט אבער איך גיב דיר אן עצה טובה, עס וועט זיין בעסער פאר דיין געזונט)

ערשטנס, אויב גייט מען צוריק אין קאורט איז דא גרויסע שאנסן אז דער גאנצער פסק זאל ווערן ארויסגעווארפן. איך האב שוין מיטגעהאלטן מערערע קעיסעס ווי א קאורט האט צונישט געמאכט א קארופטירטן פסק. צווייטנס, לאמיר שוין זאגן אז דער קאורט גייט יא מחליט זיין צו ענפארסן דעם פסק (נאך אפאר יאר און נאך אפאר מיליאנען פאר לויערס) קענען זיי נישט צווינגען יעדן פריוואטער מענטש צו שרייבן אויף זיין אינוויטעישאן 45 און עס איז פשוט נישט מעגליך נאכצוגיין יעדן פרט און סעיף קטן ווי עס וועט נישט שטיין דער 45 און שלעפן דעם קאורט זיי צווינגען צו טוישן.

און די מוסדות און בתי מדרשים וועלכע נישט אין אמעריקא?

סאו פון דעם זאלסטו שוין פארגעסן.

איטשע האט געשריבן:מיש נישט אריין די תורה דא, ווייל אויב אויב פאלגן ענק די תורה קענען ענק נאך היינט ארויסצוען ענקערע תביעה פון קוירט! אבער ענק האבן נאכנישט....


איך מיש דוקא יא אריין די תורה דא, ווייל דאס איז וואס באלאנגט דא.

ווייל אין די היינטיגע וועלט זענען דא רביס און רבנים וועלכע מאכן די תורה ללעג ולקלס לעיני השמש ואין פוצה פה ומצפצף. קיינער האט נישט מורא פון קיינעם. דער חילול ה' איז איום ונורא און שרייט מסוף העולם ועד סופו ואין איש שם על לב. קיינעם טוט נישט וויי די צער פון די שכינה הקדושה. יעדער קוקט נאר אויף די אייגענע כבוד. ערשט לעצטענס איז נפטר געווארן די זווילע רביצין, דארט האט אויך דער אינגערער ברודער מצליח געווען ארויסצוקאפען דעם עלטערן ברודער אינגאצן, פון די מוסדות וואס ער האט געבויט מיט בלוט און שווייס (סאונדט אפשר באקאנט?). אבער דאס איז נישט גענוג געווען פאר דעם אינגערן ברודער, נאר ביי די לוי' פון די מאמען האבן זיינע חסידים אנגעשלאגן דעם עלטערן ברודער - וועלכער איז גאנץ א שיינער רבי און בויעט זיך צוביסלעך שיין אויף - בפניו, אינפראנט פון זיין נאז, און ער איז געזעצן און זיך צוגעקוקט, געקוואלן און הנאה געהאט און קיין ווארט נישט געזאגט אפצושטעלן די פעטש.

איך בין געווען זיכער אז די רביס וועלן זיך שעמען ארויפצוגיין מנחם אבל זיין דעם שלעגער. אבער וואס, אבערוואז, יעדער איז געלאפן אויף אלע פיר, מיט די גבאים און שמשים, די קעמרעס האבן געבליצט און די שיינע פיקטשערס זענען ערשינען אין די אלע מאגאזינען, און די שכינה האט פארבראכן מיט די הענט און געוויינט, קלני מראשי קלני מזרועי.

נעם זיך עס גוט אין קאפ אריין. די סארט רע-בנים וועלכע גיבן ארויס אזעלכע פסקים און האבן געמאכט די גאנצע תורה אלס קרדום לחפור בה ועטרה להגדל ולהתעטר בה. זיי מאכן דאס פאר א ביזנעס - עשאוני בני כפלסתר - די האבן אראפגעפירט און דערנידערט דעם כבוד התורה עד לעפר. עס איז היינט הפקר פעטרישקע, יעדער קען טוהן וואס ער וויל וכל דאלים גבר און קיינער קערט נישט. קיינער גייט נישט אפשטעלן א גרויסע רבי מיט אסאך חסידים פון זיך אנפייפן אויף די תורה און אויפן רבונו של עולם.

פון ווי ווייס איך?

לאמיר צוריק גיין צום אנהייב פון דיין תגובה. דו שרייבסט פון די הכתרה פון דעם אדמו"ר מ48, גלייך גייסטו צו פורים ביינאכט און די הכתרה פון דעם אדמו"ר ואבד"ק מ45.

זעהט אויס אז אויפן זכרון ליידסטו אויך, האסט שוין פארגעסן וואס איז געוען אינצווישן.

וועל איך דיך דערמאנען. איז ווי איך האב שוין געשריבן, האט מען אויפגענומען די קינדער פון דעם רב ז"ל אלס ממלאי מקומו אין די זעלבע צייט וואס די חסידים פון דעם אח הצעיר האבן אים אויפגענומען. דעם נעקסטן צופרי זענען די ממלאי מקומו פון דעם רב ז"ל געקומען אין דאווענען אין בית המדרש ווי זיי זענען יעצט די מנהיגים, אבער פלוצלינג זענען אנגעקומען פאליציי און זיי ארויסגעטראסקעט פון דארט.

און דיין רב איז געקומען ווי א אינגעלע צו לויפן, אינמיטן די שבעה (קעגן די הלכה), שנעל זיך זעצן אויפן ארט פון זיין ברודער, כדי צו ווייזן אז ער איז יורש.

אלזא, פארשטיי גוט. דיין רבי איז געווארן אויפגענומען אלס רבי ביי זיך אינדערהיים דורך זיינע חסידים, אבער די בניינים האט ער באקומען נישט בכח התורה נאר בכח הזרוע, די פאליציי פון 66 פריסינקט זענען די וואס האבן דיין רבין געמאכט פאקטיש פאר רבי.

און זאג מיר, איין שיינער איד האט זיך אפגעהאלטן פון קומען אים מנחם אבל זיין? ער האט אפשר נישט געהאט א געפאקטן אויבן אן מיט שיינע אידן כ"ה ניסן? כאטש ער האט אקארשט ארויסגעטראסקעט אן עדה אידן דורך פאליציי אין די גאס, כגרועים שבאומות.

און לאמיך דיר זאגן איטשע, עס וואלט געווען פיל בעסער און גרינגער ווען דו הערסט אויף זיך צו נארן און די ביסט מכיר דעם אמת. דו וועסט נישט זיין דער איינציגסטער אין 48 עס זענען דא אזעלכע אין 48 וועלכע רופן אן דעם קינד ביים נאמען. איך האב א חבר - גראדע פון די שיינע אידן דארט - אין 48, ער זאגט מיר שטענדיג: פארוואס ביסטו געגאנגען צו די לוזערס, האסט געדארפט קומען צו אונז, מיר זענען די חברה לייט, מיר האבן געוויסט וויאזוי צו מאכן קשרים מיט די פאליציי און מיר זיצן דא.

איך האב גערעדט מיט אים יעצט נאכן פסק, ער זאגט אפן און גראב, מיר טויגן, מיר האבן זיכער געמאכט צו האבן א רוב אין דעם בעסדין וואס מיר האבן געוואוסט וואס זיי האלטן און פערטיג. ער טרייט נישט זיך צו פארענטפערן און פאבריצירן מעשיות אדער אריינלייגן אין דעם פסק זאכן וואס שטייט נישט דארט. ער זאגט אפן און גראב דעם אמת. און דערפאר טאקע קען איך זיין גוט מיט אים, ווייל ער זאגט דעם אמת.

אבער פון דעם זעסטו וואס איך האב דיר געזאגט. נישט אז מען דארף צו דעם אנקומען, מען זעהט עס ליידער אין די גאנצע וועלט, רביס און רבנים פייפן זיך אריין אין קודשא בריך הוא ושכינתי', טוען וואס זיי ווילן, גייען אין קאורט, שלאגן האקן, ברעכן און פארברענען, זיי ערקלערן זיך אלס אפגעטער - אני אמלוך - און אלס איז פיין און וואויל, קיינער בויקאטירט זיי נישט, קיינער הערט זיי נישט אויף צו געבן געלט.

די רבנים קומען דאך צו לויפן סיי ווי עס איז נאר דא אן אויבן אן, די גבירים קומען דארט ווי מען קען זיי דעליווערן אסאך כבוד, וזהו.

אלזא, אויב איז דא איינער וועלכער פאלגט יא א פסק בית דין, אפילו אויב עס איז יא גע'פסק'ט ע"פ תורה, קומט זיך אים קרעדיט, ער טוט עס נאר ווייל אזוי הייסט די תורה. און אוודאי און אוודאי, קל וחומר בן בנו של קל וחומר אויב איינער קען זיך מתגבר זיין און פאלגן אזא פאסקודנעם פסק נאר כדי צו גיין ווייטער איז ער א איש צדיק תמים בדורותיו.

און יעצט איטשע, א ווארט פערזענליך צו דיר. איך האב דיר דערמאנט דא מיין חבר וועלכער זאגט אפן און גראב דעם אמת. ווי איך זעה אבער זענען רוב באבוב'ער חסידים נאך נישט אזוי פארגרעבט, און דו און רוב אנדערע באדערט יא די סארט הנהגה, מען שעמט זיך דאך אביסל, ערגעץ ווי אונטערן באוואוסזיין נאגט אביסל דאס ווערימל פון ערליכקייט. דער אמת וויל נישט אינטערקיין און קיין שום קאמפף אין מוח פון א איד.

דערפאר טרייט איר זייער שטארק צו דעקן דעם פסק, מען פאבריצירט מעשיות, מען לייגט צו זאכן צו דעם פסק וואס עס שטייט נישט דארט וגו' וכו', דער עיקר, מען טרייט זיך אליינס איינצורעדן, איינצורעדן דעם געוויסן אז פאר עפעס א סיבה איז דער פסק יא אקעי.

דער אמת איז אבער, אז די פסק שרייבער האבן אליינס געהאט דעם ברירה אריינצושרייבן די אלע זאכן, קיינער האט זיי נישט אפגעהאלטן. נאר וואס דען? השנאה מקלקלת השורה, אזוי זאגן חז"ל. און צולייגן גארנישט צום פסק, נאר פלעין אפליינען די טרוקענע שורות שפריצט די האס און פיינטשאפט פון יעדן שורה.

די איינציגסטע פלאץ ווי דו קענסט זעהן אביסל, א מעט מן המעט פון די אמת'ע טענות און סברות וואס מען האט אויפגעברענגט און געהאלטן אין בעסדין קענסטו זעהן אין דעם כתב יד פון רא"ב ראזענבערג. קוק עס גוט איבער און נאך דעם מאך זיך א חשבון הנפש. בארעכן זיך גוט. זעה וואס דו האסט זיך איינגעקויפט. אמת, גאר שיינע בניינים און קעמפס, אבער א הנהגה...

ולסיום איטשע וויל איך דיר איבערלאזן מיט אפאר ווערטער, חומר למחשבה. הרה"ק מהרנ"ץ מ'באבוב האט געפירט די מוסדות אין באבוב לאנג פאר זיין קליינער ברודער איז אפילו געווען עניטינג (חוץ א זינגער אויף רעקארדס) אין באבוב. ער האט געהאט אסאך געלעגענהייטן צו פארשרייבן בניינים און פראפערטיס אויף זיין נאמען, און זיכער מאכן אז עס ליגט אין די הענט פון זיינע מענטשן.

אבער ער איז געווען צו ערליך און דערהויבן דאס צו טאן, ער איז געווען א צדיק אמת, אזאנס וואס וואלט געפאסט אין פריערדיגע דורות. און טאקע צוליב דעם ערליכקייט און תמימות האט זיין קליינער ברודער געקענט אויסנוצן די מצבים און זיך באפעסטיגן און פארכאפן אלס פאר זיך.

דעריבער, ווען פרעמדע מענטשן הערן ווי די חסידי 48 רעדן און באציען זיך צו מהרנ"ץ מיט ביליגקייט און זלזול נעמט עס זייער נישט גוט אויס און עס מאכט אייך אויסזעהן ווי אומערצויגענע ברואים. אזוי אויך, ווען מען זעהט אז די ביסל וואס איז נאך געבליבן פאר דעם עלטערן ברודער נאכן ארויסווארפן זיינע יורשים און חסידים אויף די גאס ווי הונט, דער נאמען באבוב אויף וועלכען ער האט זיך מוסר נפש געווען, און איז די איינציגסטע זאך פון זיין רבי'סטווע וואס איז געבליבן ביי זיינע קינדער, ווען אויך דאס גייט אייך אין לעבן צוצונעמען פון זיי, מאכט עס אייך אויסזעהן ווי חיות און גאסן אינגען, בארבארן אן קיין שום געפיל און מענטשליכקייט.

אלזא, איך גלייב נישט אז איר גייט זיי שוין לאזן זיך רופן באבוב (איי עס מאכט אייך אויסקוקן בעסער, אבער וועמען גייט עס אן, איך האב דאך דאס יעצט מסביר געווען, אמת?), אבער כאטש זאלט איר רעדן פון אים מיט כבוד און דרך ארץ.
באניצער אוואטאר
הדד בן בדד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1466
זיך רעגיסטרירט: פרייטאג מערץ 02, 2012 2:57 pm
האט שוין געלייקט: 842 מאל
האט שוין באקומען לייקס: 1114 מאל

הודעהדורך יאיר » דינסטאג אוגוסט 26, 2014 11:34 pm

נאכ'ן ליינען די טענות ומענות דא אויף קאווע שטיבל הייב איך אן צו כאפן פארוואס די דין תורה האט גענומען ניין יאר :).
האדם לא נברא אלא להתענג
באניצער אוואטאר
יאיר
חבר ותיק
חבר ותיק
 
הודעות: 4765
זיך רעגיסטרירט: דינסטאג יוני 26, 2012 9:42 pm
האט שוין געלייקט: 7221 מאל
האט שוין באקומען לייקס: 7846 מאל

פריערדיגענעקסט

גיי צוריק צימעס

ווער איז יעצט דא?

באניצער וואס לייענען דעם פארום: נישטא קיין אנליין באניצער און 3 געסט

cron