וויל ער טאקע שלום?

מהנעשה והנשמע אין די היימישע גאסן און הויפן
געדענקט!
ביטע זיך פרובירן האלטן אביעקטיוו און נישט אטאקירן אנדערע מעמבערס. לופטיגע הודעות וועלן נישט טאלערירט ווערן! קליקט דא צו זען די פרינציפן פון דעם פארום.

וויל ער טאקע שלום?

הודעהדורך לאליפאפ » דאנערשטאג נאוועמבער 20, 2014 11:01 am

אזוי ווי איך זעה אויף אונזער וועב-זייטל ווי ס'שרייבן געמיינע פערזאנען מיט צעמישטע דעות, וואלט איך געוואלט נעמען דאס ווארט און שילדערן וואס ס'האט זיך דא טאקע אנגעשפילט, און מאכן אויפמערקזאם די פאקטן צו עפענען אביסל די פארגלייזטע אויגן פון די אלע וואס ווילן זען "דברים כהווייתן".

רמ"ד מבאבוב45 האט נעכטן ביי א "קינות" געזאגט אז די גאנצע מטרה פון פאלגן די פסק איז נאר צוליב "שלום". דאס איז שוין א המשך צו זיין באקאנטן שמועס וואס ער האט געגעבן צו זיין עולם אין דעם פארגאנגענעם ר"ח אלול, נאך דעם וואס ער האט געזען כי כלתה אליו הרעה, און האט זיך געפילט ווי פארלוירן, האט ער שוין דעמאלט געזאגט, וזלה"ק: "דאס ווענדט זיך נישט אין אונז, מיר וועלן דאס לאזן פאר די גדולי ישראל, אבער מיר וועלן גיין מיט'ן דרך פונ'ם שווער און פון זיידן, וואס דאס איז די וועג פון שלום", און זיך אויסגעדריקט מיט'ן וועלט-אויפגעגעכאפטע מימרא "אני שלום"!

איך ווייס נישט מיט וועלכע לשונות זיך צו באנוצן, אבער צו יעדע וואס האט נאר אביסל שכל בקדקדו הערט זיך דאס לעכעריג, שקר, ליצנות, וכדו' וכדו'.
לאמיר צונעמען אביסל וואס דא איז פארגעגאנגען אין די לעצטע תקופה. ס'איז פאר יעדער גאר גוט באקאנט ווי אזוי דער אדמו"ר מ45 וכת דיליה האט זיך אויפגעפירט אין די פארגאנגענע 90 טעג. אנהייבנדיג מיט'ן ארום לויפן צו יעדן רבי, רב, דיין, מו"צ, תלמיד חכם, יודע ספר, ועוד ועוד, אלעס כדי צו זוכן אן אויס-וועג פון דעם ביטערן פיל וואס ב"ד האט אויף אים ארויף געצווינגען אראפצושלינגען.

נאכדעם וואס ער האט געזען אז ער איז נישט מצליח מיט'ן סתם ארום גיין און בעטן פאר דעקונג אויף נישט צו פאלגן - ווי פארשטענדליך, ווייל וועלכע נארמאלע בר דעת וויל זיך דען אריין מישן בריב לא לו, ספעציעל ווען ער האט נאר געהערט פון דעם פארלוירענעם צד - איז כת 45 געגאנגען א טריט ווייטער, און ארויס געגעבן דעם הערליכן תוכן'דיגע ספר וואס איז קראנט און נקי מ"חשש" לשון הרע ורכילות, אבער טאקע "ריין" לשון הרע און רכילות, און וואס גרויסע תלמידי חכמים האבן דאס איבערקוקט, דעם "וזאת התורא", און מיט דעם געהאפט אויפצוקלערן אפאר פאר'תם'טע קעפ, און אפשר אזוי מצליח זיין נישט צו דארפן פאלגן דעם שווערן פסק.

ווי פארשטייט זיך האט יעדער וואס האט נאר גענומען דעם "ספר" אין די האנט, געזען אז מ'רעדט דא סתם פון עפעס א צעהיצטע פאליטיקאנט, וואס האט געהאט אסאך צייט צו קאלעקטן די קראנטע מקורות'דיגע מימרות, און אויסגעבראכן דעם גאנצן בויך וויי וואס קרענקט שוין דעם כת 45 די לעצטע צען יאר, און דאס פרובירט אויפצושרייבן מיט טינט אויף פאפיר, און ממילא פארשטייט יעדער וואס פאר א "שטארקע איינדרוק" דאס האט געהאט ביי די אלע לייענערס פון דעם בוך (דרך אגב, דער וואס דארשט צו זען דעם פאשקעוויל, קען עס נאך קויפן אויף עמעזאן).
זענדיג אז מיט דעם האט מען נאך אלס נישט מצליח געווען, דארף מען בלית ברירה צוריק גיין צום פריערדיגן מיטל, אבער דאס מאל מיט כח, פרובירן ארויסצוגליטשן פון אונטער די האנט, בריוולעך מיט חתימות פון אזעלכע אנגעזעענע רבנים און גדולי ישראל. און דא האט זיך אנגעהויבן די שווערע קאמפ פון "דאס וועלן מיר לאזן פאר די גדולי ישראל".
זיי האבן ב"ה זוכה געווען נישט אויסצולאזן קיינעם און צו דעקן יעדן רב וואס איז נאר, און וועט אמאל ארויף קומען אויף גוגל, זייט דעם סורטש-ענדזשן איז נאר פאבראצירט געווארן, און געזוכט ווער עס וועט זוכה זיין אינ'ם גורל צו פארדעקן זייער לאך.
"ויחפש בגדול החל ובקטן כלה", אנהייבנדיג ביים עדה החרדית פון י"ם, ביז צום קלענסטן רב לעווין. זיי האבן טאקע מצליח געווען ארויס צו באקומען א בריוו פון הרב משה שטערנבוך, וואס לאמיר נישט אריין גיין אין קיין פרטים אז מ'האט אים פארקויפט פשוט שקר, אזוי ווי ער אליין שרייבט אין דעם בריוו, אז מ'האט גע'חתמ'ט שטרי בירורין אויף א פשרה. יעדער וואס האט געזען דעם שטרי בירורין קען קלאר זען אז עס שטייט אז עס דארף נישט זיין דוקא ע"פ פשרה. דאס איז נאר איין קליינע ראיה אויף וואס פאר א שקר מ'האט אים פארקויפט. איך רעד שוין נישט אז ער האט בכלל נישט געהערט קיין שום זאך פונ'ם צווייטן זייט.
דעם צווייטן בריוו וואס זיי האבן מצליח געווען צו באקומען איז געווען דעם גרויסן גאון ואדיר און נישט פוסק (אזוי ווי ער שרייבט, אז ער מישט זיך נישט אין חו"מ שאלות) הרב חיים קנייבסקי שליט"א, וואס איך ווייס נאך נישט גענוי וואס דעם צד 45 האט געקענט ארויס קוועטשן פון זיינע קארגע פאר שורות, און בפרט נאכדעם וואס באבוב האט מצליח געווען אז ער זאל צושרייבן די פאר שורות אז מ'דארף קלאר יא אויספאלגן דעם פסק און נישט מערער זיין אויף דעם, האט די גאנצע בריוו פארלוירן דעם האלבן גלאנץ וואס ס'האט נישט געהאט.
צום לעצט האט דער אויבערשטער געהאלפן אז צד 45 האט יא געטראפן דריי "חשובע אנגעזעענע רבנים", וואס קענען זיך גוט אויס אין דין תורה'ס פאר די לעצטע צענדליגע יארן, און בפרט ווען עס קומט צו אזעלכע גרויסע דין תורה'ס וואו עס האנדלט זיך וועגן א קהלה ווי באבוב, האבן זיי געשריבן אן עיקול און מזמין געווען די רבנים וואס זענען געזעצן אויפ'ן קעיס קנאפע צען לאנגע יאר נאך איבערדרייען יעדעס שטיינדל פון קהלת באבוב מיום הוסדה, און אזוי פרובירט אפצוהאלטן דעם פסק און עס נישט דארפן מקיים זיין ווילאנג עס האט דעקונג פון דעם אזוי גערופענעם עיקול.
אבער אזוי ווי עס האט זיך היינט אויסגעשטעלט, האט שוין איינער פון די רבנים צוריק געצויגן פון זיין חתימה, נאכדעם וואס האט אים פארקויפט לאקשן מיט פעפער, ועוד ידם נטוי' פון צד באבוב אז די אנדערע צוויי וועלן אויך צוריק ציען בקרב הימים.
און דאס איז די סיבה פארוואס דער הזמנה ועיקול איז ארויסגעקומען אין די לעצטע שעות פאר'ן "קינות". ווייל אויב וואלט עס ארויסגעקומען מיט אפאר שעה פריער, וואלט עס געווארן צוריק געצויגן נאך פאר'ן "דבר ד' ברמה" דרשה אז "מיר האבן אן עיקול".
נאך א שטעקן איז געווען אין די הענט פון צד 45, אז "הרב מענדל שאפראן שליט"א האט מיר אליין געזאגט אז מ'קען גיין אין ערכאות, און ווען איך האב אים געפרעגט צי איך קען עס אויפכאפן אויף א טעיפ-רעקארדער, האט ער מיר געזאגט אז יא, און ווען איך האב אים געפרעגט צי איך קען עס נאכזאגן בשמו, האט ער געזאגט אז יא".
היות איך גלייב נישט קיין איין זאך פון צד 45, אזוי ווי זייער היסטערי ווייזט אויף, האב איך ליב צו זען א כתב מיט א חתימה אויף דעם, און היות דעם צד 45 האט נישט באוויזן קיין שום כתב אויף דעם, און אויך נישט אויפגעשפילט דעם טעיפ וואס איז נישט דא, ממילא איז שווער צו גלייבן אז אזא גדול האט געזאגט אזא זאך, כאטש אדמו"ר מ45 שליט"א האט אים אליינס גערופן בכבודו ובעצמו. און גראדע מאחורי הפרגוד הערט מען אז ער האט געזאגט אז מ'האט מיר געפרעגט צי א ב"ד וואס האט גענומען שוחד דארף מען מקיים פסק זיין, און אויף דעם האב איך געענטפערט, אז מ'קען גיין אין ערכאות...
און דא קומט די שפיץ. בלית ברירה מוז מען ליידער אננעמען דעם ביטערן פסק און פאלגן, און ווי אזוי געט מען זיך אן עצה. ב"ה אז מ'האט אויף דעם אויך אן אויסוועג. מ'קען מלבש זיין די גאנצע זאך אין "שלום" און אויסטייטשן די גאנצע זאך אויף להיפוך. "איך בין אן איש שלום, און כ'האב ח"ו נישט ליב קיין מחלוקת, און אויך מיין קהלה האט דאס נישט ליב, און ממילא וועט מען פאלגן דעם פסק נאר צוליב שלום, אבער נישט ווייל מ'דארף, ווייל די בתי דינים זענען היינט ליידער נישט שטארק, און "אלע" גדולי ישראל האבן געזאגט כל מיני לשונות אויף דעם "פלא'דיגן" פסק, און ממילא דארף איך בעצם נישט פאלגן, נאר צוליב שלום וועל איך יא פאלגן און אננעמען דעם 45 אלס א "העקער" און נישט אלס שם לווי (ווי עס שטייט געשריבן אינ'ם פסק וואס מ'דארף נישט פאלגן), און אזוי וועל איך ארויסגיין א העלד אז איך האב געפאלגט, כאטש איך דארף נישט, און אויך א אוהב שלום ורודף שלום, און גאר דעם צד שכנגד זענען די בעלי מחלוקה".
ווי שעמט מען זיך נישט אזוי צו רעדן. שלום? דו האלטס אין איין אריין שלעפן די מחלוקה טיפער און טיפער. דו טוסט יעדע פעולה בעולם נישט צו דארפן פאלגן דעם פסק. זוכסט יעדע מיטל אויף וואס דו קענסט דיך אנהענגען אפצושפעטן דעם ב"ד, און דאס הייסט ביי דיר שלום? דאס איז געווען דעם שווער'ס דרך? דאס איז געווען דרך באבוב ווי דו האסט געזאגט?
"שלום" מיינט ביי איהם "לאז מיך גנב'ענען געלט, ספרים, בענקל פון רב ז"ל, נאמען, קינדער פון זייערע טאטעס, ספרי תורה, בית המדרש אין מאנסי". שלום מיינט רופען א פעטער אין קאורט און אין בית דין כמה פעמים, רופן אן אנדערע פעטער אין ישראל'ישע געריכט. שלום ביי רמ"ד מיינט שטער מיך נישט פון טוהן העולה על רוחי.‎
צעהן יאר מיט ניינציג טעג האט ער אנגעזייט א וויסטע שנאה, ווען ער שטייט מיט א ביקס צו זיין קאפ, ס'איז כלו כל הקונצען, שרייט ער מע מע מע, איך וויל שוין שלום. אבער דו ווילסט נישט "געבן" שלום. דו ווילסט "נעמען" שלום. שרייסט שלום און דו באהאלסט דער 45 ווי א נישט כשר קינד? שרייסט שלום און דו געבסט נישט צוריק די ספרי תורה? שרייסט שלום און דו שיקסט בו ביום הזמנות צו די דיינים? שרייסט שלום און דו הרג'סט אוועק באב"ד'ס ביזנעס? שרייסט שלום און דו ספענדסט געלט אויף דיקע גרינע בוקס? וואס האקסטו אין קאפ מיט שלום?

כ'גיי נישט אריין גיין אין דעם חלק ווי אזוי ס'פאסט פאר א רבי צו רעדן אזוי ביליג אויף רבנים ווייל זי האבן נישט גע'פסק'ט גענוי ווי ער וויל. נאר איך וויל אביסל צונעמען דעם "שלום".
יעדעס קינד ווייסט אז 45 אלץ א צו-נאמען איז ממש א חוכא וטלילא, און זייט חסידות איז געגרינדעט געווארן איז קיין רבי בעולם נאך נישט גערופן געווארן מיט א נומבער, ס'איז די ערשטע מאל אין היסטארי (און מן הסתם די לעצטע מאל) וואס א חסידות זאל קלויבן זייער אפיציעלע נאמען צו זיין מיט א נומבער.
נאר וואס דען. די דעת פון צד 45 איז געלאפן אויף א גאנץ אנדערע וועג. אונז גיי'מיר אויספאפן די סיסטעם און זיך רופן באבוב45, און מיט דעם וועלן מיר שיסן אפאר פייגלעך מיט דעם איינע קויל. קודם כל אז אונז רופן זיך באבוב45 איז האפענטליך דא א ברירה אז ס'גייט איין טאג אראפפאלן אינגאנצן, ווייל א נומבער קלעבט זיך דאך נישט געהעריג צו צו א חסידות. נאך דערצו, אז טאמער אונז גיי'מיר זיך רופן באבוב45 וועט דאך אוטעמאטיש באבוב ווערן צו באבוב48. און טאמער גייען אונז טון נאך א געלונגענעם שטיקל צוצופיקסן ב"ד און באהאלטן די 45 צווישן א קרוין, וועט עס דאך ממש אויסזען ווי באבוב, און אזוי וועלן אונז בעזר השם מצליח זיין צוריק צו באקומען דעם אלטן גע'גנב'עטע נאמען "באבוב".
קודם כל, פאר דער וואס האט נאך נישט פארשטאנען פארוואס די פסק איז געשריבן געווארן אזוי ברחל בתך הקטנה, פארשטייט דאס יעצט זייער גוט, אזוי ווי רש"י זאגט נעקסטע וואך אין די סדרה, אז דער פאפער לבן האט מען געזאגט "ברחל בתך הקטנה", און מיט דעם אלעם האט דער פאפער לבן אויסגענארט יעקב.
ס'זעט יעדער מיט בלינדער אויגן מיט וועמען מ'האט דא צו טון, און דאס האט ב"ד צוגעזען באלד פון ערשטן טאג, וואס זייער פערפעשענאל טוען איז געקומען מיט מעשיות וואס מ'האט אויפגעוויזן פאר ב"ד תוך כדי דיבור אז ס'איז שקר מוחלט, און פארדעם האט ב"ד אזוי ארויסגעשריבן אזוי קלאר וואס זייער מיינונג איז. און מיט דעם אלעם האבן זיי אויסגעפאפט די ב"ד, הא-הא-הא, אונז וועלן באשטעלן א גוטע גרעפיק-דיזיינער וואס זאל אריין שמעלצן די 45 אין א קרוין, און קיינער זאל דאס נישט קענען אפילו באמערקן. לאמיר נישט פארגעסן אז "אונז טו'מיר אלעס כדי ס'זאל זיין שלום". און לענ"ד איז דאס די הייליגע כוונה פון אדמו"ר מ45 מיט זיין ליבליכן אויסדרוק "והמבין יבין".
לאמיר זיך פארשטעלן וואס א תמימות'דיגע ערליכע איד וואס זוכט טאקע צו זיין בשלום מיט אנדערע וואלט געטון ווען ער איז ליידער אריינגעשלעפט געווארן אין א סכסוך, און ב"ד האט גע'פסק'נט נגד רצונו וטובתו. וואלט ער דען געטון איין פעולה אנדערש ווי די ב"ד האט גע'פסק'נט? וואלט ער ארום געלאפן צו רבנים זאלן זיך אננעמען אויף אים נגד דעם דעת פון ב"ד? וואלט ער זיך גערופן מיט א נאמען וואס די בגימטריא דערפון מיינט "נאר מחלוקת"?
טאמער מיינט דער אדמו"ר מ45 טאקע נאר שלום, איז פארוואס האט ער נישט געקליבן זיך צו רופן "צאנז באבוב"? א נאמען וואס וואלט אפשר געהאט א ברירה צו פארקלענערן די שנאה און טאקע ברענגען שלום. א נאמען וואס פאסט יא פאר א חסידות? א נאמען וואס ווייזט נישט אז אונז טראכטן נאר פונ'ם צד שכנגד? א נאמען וואס וועט זיך יא האלטן אלע יארן? א נאמען וואס איז א נאמען, און נישט קיין פורים? א נאמען וואס מ'האט יא געהערט אין חסידות'ן?
נאר וואס דען, א פארלוירענע וואס זוכט נישט קיין שלום, וועט אייביג זוכן וועגן ארויסצוגיין כאטש מיט א צייטווייליגע געווינס, און צו פארדעקן דעם אמת מיט א לבוש וואס וועט זיך גוט אנקלינגען ביי מענטשן וואס ווייסן נישט בחייכון ווי אזוי מ'שרייבט "באבוב". און איך מוז טאקע זאגן אז ס'איז אים טאקע געלונגען לעת עתה, אבער די אמת וועט נאך ארויף שווימען און וראו כל עמי הארץ כי שם ד' נקרא על באבוב, און ס'וועט נאך נתקדש ווערן דעם שם שמים דורך אויספאלגן די דעת תורה פון די חשובע רבנים, און טאמער זיי ווייסן נישט ווי אזוי צו פאלגן א ב"ד, וועלן זיי בע"כ פאלגן א דזשאדזש, און מלכות באבוב וועט ווייטער וואקסן און בליען אן קיין שום שטער פון פרעמדע צוגעטשעפעטע וואס דארשטן דאס איינשלינגען, און מ'וועט ווייטער קענען זאגן: "יא, דאס איז באבוב"!


דיסקלעימער: די ארטיקל איז געשריבן געווארן דורך א חשוב'ע ניק וואס שרייבט טאג טעגליך דא אין שטיבל אבער גאר זעלטן אין צימעס, ממילא האט ער מיר געבעטן ארויפצולייגן דעם ארטיקל. איך שטים נישט צו און איך שטים נישט קעגן קיין שום שטעלונג אין דעם ארטיקל. פליז נישט אטאקירן אויף די אגענדעס. לאלי
באניצער אוואטאר
לאליפאפ
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1281
זיך רעגיסטרירט: זונטאג יאנואר 06, 2013 4:12 pm
האט שוין געלייקט: 327 מאל
האט שוין באקומען לייקס: 859 מאל

הודעהדורך לית דין בר נש » דאנערשטאג נאוועמבער 20, 2014 11:14 am

לאלי געב איבער פאר יענעם :like
זייער שיין געשריבן און זייער רואיג
טראכט וואס די שרייבסט! שרייב נישט וואס די טראכסט! (אדער אפשר יא)
לית דין בר נש
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1509
זיך רעגיסטרירט: דאנערשטאג מערץ 06, 2014 6:18 pm
האט שוין געלייקט: 6755 מאל
האט שוין באקומען לייקס: 1287 מאל

הודעהדורך דריידל » דאנערשטאג נאוועמבער 20, 2014 11:45 am

די מישט צאם א קיגל. שלום און פאלגן די די"ת איז צוויי זאכן. יעדער איז בארעכטיגט צו פארטיידיגן זיינע רעכטן און טון אלעס וואס איז אויסגעהאלטן צו באקומען דאז זייניגע.

45 האלט אז ס'קומט זיך זיי א גרויס חלק פון די נכסים און האבן געקענט כאפן נאר אביסול. זיי האבן פראבירט מיט די"ת און קאורט (כ'שטעל מיך פאר זיי האבן געהאט עפעס א היתר, פשוט ווייל ס'איז אזוי גרינג צו באקומען ולא שביק היתרא ואכיל איסורא) און גארנישט באקומען.

45 טענה'ט אז די די"ת איז נישט געהאנדעלט געווארן ביושר און פארדעם וועלן זיי ווייטער אנהאלטן וואס זיי האבן, און אפשר פראבירן איבערמאכן די די"ת. אויב וויל מען שלום וואלט געווען ריכטיג אז מ'זאל זיך צוטיילן לפי הנפשות, נישט אז אזוי דארף מען טון, נאר עס וואלט געוויזן אז מ'טרייט די בעסט.

איך זעה נישט אז 45 זאל האבן געמאכט מחלוקת, און אויך קענען זיי גארנישט פארדינען דערפון.
רעדאגירט געווארן צום לעצט דורך דריידל אום דאנערשטאג נאוועמבער 20, 2014 11:48 am, רעדאגירט געווארן איין מאל בסך הכל.
פארדריי די דיר דיין קאפ
באניצער אוואטאר
דריידל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1143
זיך רעגיסטרירט: מאנטאג פעברואר 17, 2014 1:42 am
געפינט זיך: נישט אהער און נישט אהין
האט שוין געלייקט: 1294 מאל
האט שוין באקומען לייקס: 1369 מאל

הודעהדורך moshe613 » דאנערשטאג נאוועמבער 20, 2014 11:52 am

די נפקא מינא איז פין איין זייט שטייט א רבי אין פראנט פין טויזענטע חסידים זאגט ער וויל שלום, פין די אנדערע איז דא נעט פין טוויטער מיט בלאגס שרייבערס וואס "ווייסן", "באקאנט", "מען האט געזאגט". אין על סמך דעם בויען 48 שוין 10 יאהר זייער שנאה. איך מיין די וועלט אין רוב חסידי רב"ץ האבן שוין ב"ה קלאהר ארויס די פיקטשער.
moshe613
מאנשי שלומינו
מאנשי שלומינו
 
הודעות: 139
זיך רעגיסטרירט: מאנטאג נאוועמבער 05, 2012 3:15 pm
האט שוין געלייקט: 1 מאל
האט שוין באקומען לייקס: 49 מאל

הודעהדורך מארקוס » דאנערשטאג נאוועמבער 20, 2014 12:44 pm

כולי עלמא, אינקלודינג חסידי באבוב45, מודי אז ער ״זאגט״ אז ער וויל ״שלום״.
כולי עלמא מודי, עקסקלודינג חסידי באבוב45, אז זיינע מעשים זענען דאס פונקט פארקערטע פון ״שלום״.

ביזדערווייל אויסער פון זאגן, האט ער נאך גארנישט געטוען.
פאךגן א די״ת, האט מיט׳ן זיין א געהארכזאמע איד, ס׳האט גארנישט מיט שלום.
באניצער אוואטאר
מארקוס
מאנשי שלומינו
מאנשי שלומינו
 
הודעות: 137
זיך רעגיסטרירט: מאנטאג אוגוסט 25, 2014 10:51 am
האט שוין געלייקט: 7 מאל
האט שוין באקומען לייקס: 37 מאל

הודעהדורך לעמיל » דאנערשטאג נאוועמבער 20, 2014 1:16 pm

מארקוס האט געשריבן:כולי עלמא, אינקלודינג חסידי באבוב45, מודי אז ער ״זאגט״ אז ער וויל ״שלום״.
כולי עלמא מודי, עקסקלודינג חסידי באבוב45, אז זיינע מעשים זענען דאס פונקט פארקערטע פון ״שלום״.

ביזדערווייל אויסער פון זאגן, האט ער נאך גארנישט געטוען.
פאךגן א די״ת, האט מיט׳ן זיין א געהארכזאמע איד, ס׳האט גארנישט מיט שלום.

ווער איז דיין כולי עלמא מודי? איך האב עס נאך נישט געהערט פון קיינעם חוץ פון באבוב48
לעמיל
חבר ותיק
חבר ותיק
 
הודעות: 2901
זיך רעגיסטרירט: דינסטאג אפריל 17, 2012 1:10 pm
האט שוין געלייקט: 1154 מאל
האט שוין באקומען לייקס: 815 מאל

הודעהדורך Ben-Shishim » דאנערשטאג נאוועמבער 20, 2014 1:31 pm

Lolypop

Your (Those) comment's are very biased
sorry
אויב האסטו א יאר אין א מיטוואך איבריג, וועל איך שרייבען אין יודיש
Otherwise I will type in English, sorry about that.
Ben-Shishim
ידיד השטיבל
ידיד השטיבל
 
הודעות: 180
זיך רעגיסטרירט: זונטאג דעצעמבער 16, 2012 2:23 pm
האט שוין געלייקט: 692 מאל
האט שוין באקומען לייקס: 73 מאל

הודעהדורך גאנצל » דאנערשטאג נאוועמבער 20, 2014 1:39 pm

איך פארשטיי בכלל נישט וואס מ'וויל פון דעם באבוב 45 רבי ער האלט חי וקים מיט אלע רעכטן אז די פסק איז נישט קיין פסק ער איז געגאנגען הערן פון אנדערע וואס זיי זאגן און זיי האבן אויך אזוי געזאגט דאס הייסט ער זוכט מחלוקת ? ווייל ער גייט פרעגן שטולערהייט ביי רבנים צו די פסק איז אויסגעהאלטן ? ווי פארשטייט מען דאס ? ער האט אלע רעכטן צו רעדן אויפ'ן טעלעפאון צו מענטשן און זאגן זיין מיינונג דיסקאסירן וואס ער זאל טון דעס הייסט געקראכן אויף גראדע ווענט איים סארי
גאנצל
חבר ותיק
חבר ותיק
 
הודעות: 2886
זיך רעגיסטרירט: דאנערשטאג יולי 11, 2013 1:18 pm
האט שוין געלייקט: 492 מאל
האט שוין באקומען לייקס: 1125 מאל

הודעהדורך פליישיגער » דאנערשטאג נאוועמבער 20, 2014 1:55 pm

מארקוס האט געשריבן:פאלגן א די״ת, האט מיט׳ן זיין א געהארכזאמע איד, ס׳האט גארנישט מיט שלום.


דאס איז התינח ביים פאלגען א די''ת
אבער ווען א איד האט א פסק וואס האט אויף דעם א עיקול, און רבנים געבן שטיצע אויף נישט צו הארכען

אזא איינער פאלגט וועגן שלום, און נישט מעיקרא דדינא.
פליישיגער
מאנשי שלומינו
מאנשי שלומינו
 
הודעות: 85
זיך רעגיסטרירט: דינסטאג אקטאבער 28, 2014 1:44 pm
האט שוין געלייקט: 3 מאל
האט שוין באקומען לייקס: 25 מאל

הודעהדורך כנור » דאנערשטאג נאוועמבער 20, 2014 2:08 pm

לאליפאפ האט געשריבן:...און מלכות באבוב וועט ווייטער וואקסן און בליען אן קיין שום שטער פון פרעמדע צוגעטשעפעטע וואס דארשטן דאס איינשלינגען, און מ'וועט ווייטער קענען זאגן: "יא, דאס איז באבוב"!

דיסקלעימער: די ארטיקל איז געשריבן געווארן דורך א חשוב'ע ניק וואס שרייבט טאג טעגליך דא אין שטיבל אבער גאר זעלטן אין צימעס, ממילא האט ער מיר געבעטן ארויפצולייגן דעם ארטיקל. איך שטים נישט צו און איך שטים נישט קעגן קיין שום שטעלונג אין דעם ארטיקל. פליז נישט אטאקירן אויף די אגענדעס. לאלי

דאס האט נתן מנחם געשריבען.
נתן מנחם האט געשריבן:...ביי אונז אין באבוב זענט עטץ אלס געווען די זנב פון די חסידים (די צווייטע קלאס פון ריין ראסע באבוב'ער)...

און יעצט אלע, זאלט עטץ וויסען אז באבוב רב"ץ זיכט שלום, און באבוב רבי נפתלטשע זיכט מחלוקת! עולם הפוך ראיתי!

ווי שטייסטו טייערע ליינער דארף זיך יעדער פרעגען? שטייסטו פאר שלום אדער פאר מחלוקת?

דאס אשכול (אקעי דער שיכור פונעם אשכול) איז גע'עפענט געווען פאר איין מטרה, און פאר איין מטרה אנלי, און דאס איז צו פירען מחלוקת! קיין ווארט נישט אמת, גאנצע שקרים, האלבע שקרים, קוואוטס אוט אוו קאנטעקסט, אבער אלעס מיט איין מטרה צו פירען מחלוקת. איים סיק ענד טייערד פון זעהן ווי יעדער בעל מחלוקת באקומט לייקס (איך דארף עס נישט האבען, אבער אויב עטץ זענט מענטשען וואלט עטץ מיר עס געגעבען), און די וואס ארבעטען פאר שלום ווערען איגנארירט; איז דאס טאקע דער וואויס אוו אמעריקע, אדער דער וואויס אוו מחבלים.

באבוב-45 רבי האט געהאלטען א דרשה; ער וויל שלום, ער האט אייביג געוואלט שלום פון דעי וואן; און וועט אייביג זיין גרייט פאר שלום, ער האט נאר נישט קיין פארטנער פאר שלום. (ווי די אידען מיט די אראבער).

עטץ זענט אלע (ניין כמעט אלע, ווייל עטץ שווייגט) John Kerry's און CNN ווייל עטץ ענדזויט מחלוקת און שטיצע עס מיט נישט אינטער האקען אלע בעלי מחלוקת, פארוואס מוז איך זיין דער לאון וואויס אוו ריזען? ווי זענט עטץ אלע?
רעדאגירט געווארן צום לעצט דורך כנור אום דאנערשטאג נאוועמבער 20, 2014 2:13 pm, רעדאגירט געווארן איין מאל בסך הכל.
בין א פריוואטע איד מיט א מיינונג.
כנור
ידיד השטיבל
ידיד השטיבל
 
הודעות: 260
זיך רעגיסטרירט: דינסטאג אוגוסט 26, 2014 5:26 pm
האט שוין געלייקט: 27 מאל
האט שוין באקומען לייקס: 48 מאל

הודעהדורך לאליפאפ » דאנערשטאג נאוועמבער 20, 2014 2:12 pm

@כנור און @סאו וואט

דאס האט געשריבן א ניק וואס איז אקטיוו מיט אונז דא יעדן טאג און נישט איהם. (אגב, איך געדענקט נישט פונקט ווען איר זענט אנגעקומען אין שטיבל, אבער מצד אייער הערה זעהט שטארק אויס אז איר קענט נישט זיין פעדער, דאס איז דאך אזוי נישט עם.)
באניצער אוואטאר
לאליפאפ
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1281
זיך רעגיסטרירט: זונטאג יאנואר 06, 2013 4:12 pm
האט שוין געלייקט: 327 מאל
האט שוין באקומען לייקס: 859 מאל

הודעהדורך כנור » דאנערשטאג נאוועמבער 20, 2014 2:14 pm

לאליפאפ, איך האב צו שארף געשריבען קעגען דיר, איך בעט דיר איבער.

דער פאלשע ערשטע תגובה האט מיר ארויס גענומען פון די גלייזען; ווי קען מען זיין אזוי פאלש?

און נאך חשוב?

חשוב מיט וואס?
בין א פריוואטע איד מיט א מיינונג.
כנור
ידיד השטיבל
ידיד השטיבל
 
הודעות: 260
זיך רעגיסטרירט: דינסטאג אוגוסט 26, 2014 5:26 pm
האט שוין געלייקט: 27 מאל
האט שוין באקומען לייקס: 48 מאל

הודעהדורך לאליפאפ » דאנערשטאג נאוועמבער 20, 2014 2:25 pm

כנור האט געשריבן:לאליפאפ, איך האב צו שארף געשריבען קעגען דיר, איך בעט דיר איבער.

דער פאלשע ערשטע תגובה האט מיר ארויס גענומען פון די גלייזען; ווי קען מען זיין אזוי פאלש?

און נאך חשוב?

חשוב מיט וואס?


וואס גייט מיר אן? קענסט עס לאזן.

ווער עס שרייבט עפעס קעגן מיר וועגן דעם ארטיקל מאכט חוזק פון זיך זעלבסט, זינט איך האב צוגעלייגט מיינע פאר שורות פון אונטן.
באניצער אוואטאר
לאליפאפ
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1281
זיך רעגיסטרירט: זונטאג יאנואר 06, 2013 4:12 pm
האט שוין געלייקט: 327 מאל
האט שוין באקומען לייקס: 859 מאל

הודעהדורך אוהב ספרים » דאנערשטאג נאוועמבער 20, 2014 4:04 pm

איך פארשטיי נישט דעם ציבור דא,

לו יהא אז עס איז דא רבנים וואס האבין געגעבען שטיצע וכו',

איז דאס בכלל רעלעוואנט, האבין די אלע רבנים דען אנגערופען די דיינים פרעגען נימוקי הפסק, פאר זיי האבין געזאגן הפסק תמוה וכו', זענען זיי בכלל געזעצען אין בית דין אפאר יאר אויסהערען ביידע צדדים, נישט דער פסק איז תמוה די רבנים כבודם במקומם מונח זענען תמוה, ווי איז דער שמוע בין אחיכם וויאזוי זאגט מען א סטעיטמענט פאר מען הערט ביידע צדדים.


און לגבי די עיקול מיינט אויכעט בעצם גארנישט, די עיקול איז נישט מאשר בכלל אז די פינף און פערציגער חסידים זענען גערעכט אז עס איז געווען שוחד, ס"ה איז ער מאשר אז לפי מה ששמע איז גענוג להוציא עיקול עד שיבוא צד השני להסביר הנושא, און ער אליינס הייסט אויכעט איינליגגען עשרת אלפים ככר כסף אויף עס וועט זעך אויסשטעלען אז די טענות זענען הויל [איך גיי נישט יעצט אריין בשיטות הפוסקים צו מען קען בכלל ארויסגעבען א עיקול אויף א פסק בית דין וכו', און די ווערט פון יענעם בית דין וכדומה, און אודות די שקרים וואס מען זעהט בפירוש אז מען האט פארקויפט כדי צו באקומען די מכתב התמוה וכן העיקול]
אוהב ספרים
היימישער באניצער
היימישער באניצער
 
הודעות: 399
זיך רעגיסטרירט: דינסטאג מאי 22, 2012 7:09 pm
האט שוין געלייקט: 14 מאל
האט שוין באקומען לייקס: 148 מאל

הודעהדורך אוהב ספרים » דאנערשטאג נאוועמבער 20, 2014 4:05 pm

אויב ער וויל שלום און ער פאלגט אויס די פסק, ווי זענען די 3 ספרי תורה וואס מען האט גענומען פון די מתיבתא [1 ס"ת וואס איז געלעגן ביי א שליש איז טאקע צוריק געקומען]
אוהב ספרים
היימישער באניצער
היימישער באניצער
 
הודעות: 399
זיך רעגיסטרירט: דינסטאג מאי 22, 2012 7:09 pm
האט שוין געלייקט: 14 מאל
האט שוין באקומען לייקס: 148 מאל

הודעהדורך כנור » דאנערשטאג נאוועמבער 20, 2014 4:21 pm

אוהב ספרים האט געשריבן:...די פינף און פערציגער חסידים...

לויט דעם פסק ביזטו מחיוב זיי צו רופען "באבוב-45"; דיין תגובה איז תמוה.
בין א פריוואטע איד מיט א מיינונג.
כנור
ידיד השטיבל
ידיד השטיבל
 
הודעות: 260
זיך רעגיסטרירט: דינסטאג אוגוסט 26, 2014 5:26 pm
האט שוין געלייקט: 27 מאל
האט שוין באקומען לייקס: 48 מאל

הודעהדורך כנור » דאנערשטאג נאוועמבער 20, 2014 4:24 pm

אוהב ספרים האט געשריבן:אויב ער וויל שלום און ער פאלגט אויס די פסק, ווי זענען די 3 ספרי תורה וואס מען האט גענומען פון די מתיבתא [1 ס"ת וואס איז געלעגן ביי א שליש איז טאקע צוריק געקומען]

נאכען אויספאלגען דער פסק (קוק דער פריערדיגע תגובה) קענסטו פרעגען קשיות; אויב נישט ביזטו א היפאקריט. עטץ דיפענדס דער פסק דין כנתנתן מסיני, און עטץ האלט נישט ביים אל"ף פון אויס פאלגען.
רעדאגירט געווארן צום לעצט דורך כנור אום דאנערשטאג נאוועמבער 20, 2014 4:25 pm, רעדאגירט געווארן איין מאל בסך הכל.
בין א פריוואטע איד מיט א מיינונג.
כנור
ידיד השטיבל
ידיד השטיבל
 
הודעות: 260
זיך רעגיסטרירט: דינסטאג אוגוסט 26, 2014 5:26 pm
האט שוין געלייקט: 27 מאל
האט שוין באקומען לייקס: 48 מאל

מ'זיכט נישט קיין שלום

הודעהדורך חסיד » דאנערשטאג נאוועמבער 20, 2014 4:25 pm

אויב וויל ער שלום...
אויב וויל ער שלום, פארוואס האט ער נישט אומגעקערט די שטוהל פון כ''ק מרן רבוה''ק זצוק''ל וואס איז גע'גנב'עט געווארן?
אויב וויל ער שלום, פארוואס האט ער נישט אומגעקערט די ספרי תורה?
אויב וויל ער שלום, פארוואס געווארט אויף יום התשעים, ווען לפי הפסק האט ער געזאלט זיין פערטיג מיטן שנוי נישט אצינד אנהייבן?
אויב וויל ער שלום, פארוואס האט מען געדריקט דעם גרינעם 400 בלעטערדיגן פאשקעוויל?
אויב וויל ער שלום, פארוואס איז זיין רעבעצין פאר נישטיגע דריי וואכן צוריק געוועהן אויפטרעטן אין בג''צ?
אויב וויל ער שלום, פארוואס האט ער נאך נישט געטוישט די נעמען אויף אלע בנינים אינטארנאציאנאל ביי יעצט?
אויב וויל ער שלום, פארוואס לויפט ער צו אלע רבנים שרייען קוזאק הנגזל?
אויב וויל ער שלום, פארוואס שרייט ער ארויס אז כ'האב נישט געדארפט פאלגן?
אויב וויל ער שלום, פארוואס האט ער געפירט א קאמפיין קעגן הכשר באב''ד?

דער בריסקער רב זאגט אויף די גמ' איזהו שוטה היוצא יחידי בלילה והלן בבית הקברות והמקרע את כסותו איתמר רב הונא אמר עד שיהו כולן בבת אחת...והלן בבית הקברות אימור כדי שתשרה עליו רוח טומאה הוא דקא עביד והיוצא יחידי בלילה אימור גנדריפס אחדיה והמקרע את כסותו אימור בעל מחשבות הוא כיון דעבדינהו לכולהו הוה להו שוטה, פרעגט ער נא, אפשר האט זיך ביים זעלבן געמאכט אלע דריי?
איז דער בריסקער רב מסביר א יסוד אז ווען מ'קען אויף דריי קשיות ענטפערן דריי אנדערע תירוצים אדער מיט איין תירוץ פארענטפערן אלע קשיות איז דאס אסאך מער מסתבר

ע''כ לענינינו אויך אזוי די אלע קשיות האבן איין תירוץ
מ'זיכט נישט קיין שלום
רעדאגירט געווארן צום לעצט דורך חסיד אום דאנערשטאג נאוועמבער 20, 2014 4:29 pm, רעדאגירט געווארן 4 מאל בסך הכל.
באניצער אוואטאר
חסיד
היימישער באניצער
היימישער באניצער
 
הודעות: 401
זיך רעגיסטרירט: זונטאג אוגוסט 24, 2014 5:13 pm
האט שוין געלייקט: 101 מאל
האט שוין באקומען לייקס: 124 מאל

הודעהדורך כנור » דאנערשטאג נאוועמבער 20, 2014 4:26 pm

נאר "די" ביזט דער וואס זיכט שלום!
בין א פריוואטע איד מיט א מיינונג.
כנור
ידיד השטיבל
ידיד השטיבל
 
הודעות: 260
זיך רעגיסטרירט: דינסטאג אוגוסט 26, 2014 5:26 pm
האט שוין געלייקט: 27 מאל
האט שוין באקומען לייקס: 48 מאל

הודעהדורך ראש כבש » דאנערשטאג נאוועמבער 20, 2014 4:49 pm

@לאליפאפ@מארקוס@חסיד@נתן מנחם@באבובער@שטילע אינגערמאןקענסט מיר אפשר מסביר וואס איז דיין מטרה פון דעם גאנצען געשרייבאכטס ?
וואס איז בכלל די אבסעסיע און בלוט טרינקעריי פון די עכט באבוב צו די באבוב45 ?
האסט געוואונען די די״ת פריי דיך,סאיז דיר געלונגען,האסט עס גוט געמאכט,האסט געהאט א געלונגענע סטעף,ב״ה די האסט א גוטע מזל,האסט גבירים,האסט געלט,דער אנדערער איז א בטלן,זיינע מענטשען זענען בטלנים,זיי האבען נישט קיין מזל,נוא פיין פריי דיך ביסט אויף די גוטע זייט,האסט געוואונען,פיל דיך גוט,גיי ארום מיט א ווייסע פאן פריי דיך און הארץ ?
אבער וואס ביסטו פארנומען טאג אהן טאג אויס מיט תקלת חבריך.
זענען דיע מענטשען נישט קיין מענטשען פונקט ווי די ?
האבען זיי נישט קיין רעכט צו נעמען א צווייטע רבי פון דיר ?
מרעדט דא פון א ערענסטע קהילה בישראל,צווישען זיי איז דא פון אלע ד׳ מינים,וואס ווילסטו פון זייער לעבן ?
איך האב נאך נישט און מיין לעבן געזעען אזא אויגעשפראצטע שנאה ווי איך זעע און באבוב צו באבוב45,סשטינקט סעקעלדיג,און אנשטאט סזאל זיין אן ערענסטע מענטש ביי ענק וואס זאל אביסעל רעדן צו די בחורים,יונגעלייט אז מזאל נישט ליגען און דעם,זענען אפי די שענסטע און נארמאלסטע מענטשען פארנומען,מזידט,מקאכט,משפריצט שנאה,
הזאת באבוב ??????????? ווי איז אביסעל מענטשליכקייט,איך רעדט שוין נישט פון קיין מידות טובות.
ווי איז אביסעל סענסיטיווקייט צו א גאנצע קהילה יודען.
און ניין און באבוב45 איז נישט דא און קיינמאל נישט געווען דיע אנגעגעסנקייט.
סאיז א בושה וחרפה !!!!!!!!!!!!!! סעקעלט !!!!!
וואו איז דאס געהערט געווארען נישט גיין אויף קרובים שמחות,און די גאנצע וועלט איז אזא זאך נישט געווען.
פארוואס רעדט עטץ נישט פון קיין שלום,יא סאיז ענקערע משפחות וואס זענען צוטיילט,יענער האט אהנגענומען,יא גיי ארויס פון דיין וועג און גיי מאך שלום.
נישט שרייב מיר דא קינצליכע אנאליזען צו ווייטער ממשיך זיין מחלוקת,סאיז גענוג געווען סטאפ.
איך גיי נישט אריין צו באבוב45 האט געטוהן עוולות צו נישט סקען זיין אז יא,אבער למעשה וואס ווילט עטץ יעצט עטץ שטייטס גוט גאו עהעיד,און לאז יענעם לעבען.
סאיז א בושה וחרפה וואס גייט פאר און ענקער קהילה.
ראש כבש
מאנשי שלומינו
מאנשי שלומינו
 
הודעות: 30
זיך רעגיסטרירט: מאנטאג יאנואר 27, 2014 1:36 am
האט שוין געלייקט: 7 מאל
האט שוין באקומען לייקס: 20 מאל

הודעהדורך חסיד » דאנערשטאג נאוועמבער 20, 2014 4:59 pm

חסיד האט געשריבן:אויב וויל ער שלום...
אויב וויל ער שלום, פארוואס האט ער נישט אומגעקערט די שטוהל פון כ''ק מרן רבוה''ק זצוק''ל וואס איז גע'גנב'עט געווארן?
אויב וויל ער שלום, פארוואס האט ער נישט אומגעקערט די ספרי תורה?
אויב וויל ער שלום, פארוואס געווארט אויף יום התשעים, ווען לפי הפסק האט ער געזאלט זיין פערטיג מיטן שנוי נישט אצינד אנהייבן?
אויב וויל ער שלום, פארוואס האט מען געדריקט דעם גרינעם 400 בלעטערדיגן פאשקעוויל?
אויב וויל ער שלום, פארוואס איז זיין רעבעצין פאר נישטיגע דריי וואכן צוריק געוועהן אויפטרעטן אין בג''צ?
אויב וויל ער שלום, פארוואס האט ער נאך נישט געטוישט די נעמען אויף אלע בנינים אינטארנאציאנאל ביי יעצט?
אויב וויל ער שלום, פארוואס לויפט ער צו אלע רבנים שרייען קוזאק הנגזל?
אויב וויל ער שלום, פארוואס שרייט ער ארויס אז כ'האב נישט געדארפט פאלגן?
אויב וויל ער שלום, פארוואס האט ער געפירט א קאמפיין קעגן הכשר באב''ד?

דער בריסקער רב זאגט אויף די גמ' איזהו שוטה היוצא יחידי בלילה והלן בבית הקברות והמקרע את כסותו איתמר רב הונא אמר עד שיהו כולן בבת אחת...והלן בבית הקברות אימור כדי שתשרה עליו רוח טומאה הוא דקא עביד והיוצא יחידי בלילה אימור גנדריפס אחדיה והמקרע את כסותו אימור בעל מחשבות הוא כיון דעבדינהו לכולהו הוה להו שוטה, פרעגט ער נא, אפשר האט זיך ביים זעלבן געמאכט אלע דריי?
איז דער בריסקער רב מסביר א יסוד אז ווען מ'קען אויף דריי קשיות ענטפערן דריי אנדערע תירוצים אדער מיט איין תירוץ פארענטפערן אלע קשיות איז דאס אסאך מער מסתבר

ע''כ לענינינו אויך אזוי די אלע קשיות האבן איין תירוץ
מ'זיכט נישט קיין שלום

ראש כבש ברוכים הבאים, באבוב זיכט דער פסק זאל געפאלגט ווערן אן קיין פאוני בעלאוני אחד בפה איך וויל שלום ואחד בלב מפטירין כדאתמול, זאל עמיצער פארענטפערן מיינע שאלות און דערנאך וועל מיר דיסקוסירן שלום, דערווייל ווען מ'איז ממשיך די מערכה פון איין זייט און מ'שרייט אני שלום פון די צווייטע איז דאס זעהר אינטערסאנט, אויב האבן זיי נישט קיין תשובה להנ''ל איז שלום א גרויסע דזשאוק און גימיק!
באניצער אוואטאר
חסיד
היימישער באניצער
היימישער באניצער
 
הודעות: 401
זיך רעגיסטרירט: זונטאג אוגוסט 24, 2014 5:13 pm
האט שוין געלייקט: 101 מאל
האט שוין באקומען לייקס: 124 מאל

הודעהדורך ראש כבש » דאנערשטאג נאוועמבער 20, 2014 5:27 pm

איך האב דיך נישט געפרעגט וואס די ווילסט פון זיי,איך פרעג דיר וואס פעלט דיר יעצט און דיין חסידות אז די זאלסט זיין אזוי פארנומען דאס איז איין שאלה,מיין צווייטע שאלה איז וואס ביסטו גרייט צו מוותר זיין און אוועק געבן למען השלום ?
וואס ביסטו גרייט צוטוהן למען כבוד בית באבוב,צו ווייזען פאר די וועלט אז באבוב איז א איידעלע חסידות וואס זוכט שלום.
ראש כבש
מאנשי שלומינו
מאנשי שלומינו
 
הודעות: 30
זיך רעגיסטרירט: מאנטאג יאנואר 27, 2014 1:36 am
האט שוין געלייקט: 7 מאל
האט שוין באקומען לייקס: 20 מאל

הודעהדורך אוהב ספרים » דאנערשטאג נאוועמבער 20, 2014 5:45 pm

כנור האט געשריבן:
אוהב ספרים האט געשריבן:...די פינף און פערציגער חסידים...

לויט דעם פסק ביזטו מחיוב זיי צו רופען "באבוב-45"; דיין תגובה איז תמוה.


מיין תגובה איז בכלל נישט תמוה, אויב ער פאלגט נישט די פסק קענסטו נישט פארלאנגען פון יענעם צו פאלגען
אוהב ספרים
היימישער באניצער
היימישער באניצער
 
הודעות: 399
זיך רעגיסטרירט: דינסטאג מאי 22, 2012 7:09 pm
האט שוין געלייקט: 14 מאל
האט שוין באקומען לייקס: 148 מאל

הודעהדורך שמעקעדיג » דאנערשטאג נאוועמבער 20, 2014 5:52 pm

ראש כבש האט געשריבן:וואו איז דאס געהערט געווארן נישט גיין אויף קרובים שמחות, אין די גאנצע וועלט איז אזא זאך נישט געווען.

אפשר ברויכסטו גיין לערנען היסטארי..
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15092
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17795 מאל
האט שוין באקומען לייקס: 18096 מאל

הודעהדורך ראש כבש » דאנערשטאג נאוועמבער 20, 2014 6:04 pm

איך בין אסאך יונגער ווי דיר,איך קען מיך נישט דינגען מיט דיר.
און איך רעדט נישט פון די רעביס זעלבסט,איך רעד פון גאנצעטע משפחות פון חסידים.
און אויב איז יא געווען אזא זאך,טוישט עס נישט די מציאות הדברים,סאיז א שאנדפולע און רשעותדיגע מציאות,און אנשטאט סזאל זיין דארט אפאר נארמאלע מענטשען וואס זאלען אויפהייבען א שטימע און זאגען רבותי סאיז צייט צו אפשטעלן דער פייער,
אנשטאט דעם זיצט מען און מטינקט זיך און שנאה ותחרות,און מאיז מחנך א דור מיט שנאה אויף אייגענע געשוויסטער.
ראש כבש
מאנשי שלומינו
מאנשי שלומינו
 
הודעות: 30
זיך רעגיסטרירט: מאנטאג יאנואר 27, 2014 1:36 am
האט שוין געלייקט: 7 מאל
האט שוין באקומען לייקס: 20 מאל

נעקסט

גיי צוריק צימעס

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט