ליפא שמעלצער נייע אלבום

דורך **היכי דמי** » דאנערשטאג יאנואר 30, 2020 2:04 pm

אונז אלע געדענקן די אמאליגע שיינע סידיס פון ליפא׳לע, אנגעפילט מיט ניגונים וועלכע האבן געברענט התעוררות און שמחה.

די לעצטע סידי וואס ליפא האט ארויסגעגיבן איז געווען 5 יאר צוריק, און ער האט עס געמאכט אינאיינעם מיט מעט דאב, א די. דזעי. מוזיקאנט, און פארשטייט זיך אז די גאנצע סידי איז געווען די. דזשעי. מוזיק וואס האט נישט אזוי שטארק געצויגן אונז היימישע אידעלעך וועלכע זענען צוגעוואוינט צו א ווארימע ״אל תסתר״ אדער א הארציגע ״חמול חמול עלינו״ ״אוי אוי אוי אוי ובפרט על יושבי ארץ ישראל״ אדער א פרייליכע ״שלא שלא עשני גוי, זאגט א יעדע איד אזוי״ אדיר א לעבעדיגער ״שטיי אויף״ אא״וו.

בקיצור די לעצטע מאל ליפא האט ארויסגעגיבן אזא סטיל סידי איז געווען גאנצע זיבן יאר צוריק! און איצט האט דערגרייכט די צייט ווען די חברה האבן געמאלדן אז ליפא׳ס נייע סידי האלט שוין ביי די לעצטע שטאפלן און עס איז ערווארטעט צו זיין פונקט ווי זיינע אמאליגע אלבומס.

דאס איז א היסטארישע דערגרייכונג, ספעציעל ווי יעדער האט מיטגעהאלטן די טוישונגען די לעצטע פאר יאר. און מיר ווארטן אומגעדולדיג צו הערן זיין פרישע חידושים און איידיעס.

איך האף נאר אז ער האט שכל און גייט זיך נישט פרובירן צו צופרידנשטעלן די פרומע כולל אינגערלייט וואס גייען סיי ווי נישט קויפן זיין סידי, און איך האף ער גייט האבן גוטע שטיק דערין וואס מען וועט קענען לאכן, הנאה האבן, ווערן אנגעווארעמט און אויפגעלייגט.

ווער עס האט מער פרטים זאל האלטן די עולם אפדעיטעד.

לחיים.

קיינער איז נישט נייגעריג אין זיין פרישע סידי
קיין שיין קול האט ער נישט ער איז אראפ פון די מאפע...
פארפאלן מיט די צוריק קומען איז ער נאכאלץ אפגעפרעגט און אראפגעקוקט ביים היימישען אידנטום
מיר ערווארטן סידיס פון מרדכי ווערדיגער אברהם פריעד מאטי שטיינמעץ מאטי אילאוויטש אייזיק האניג יעקב שוועקי וכדומה נישט פון אים
ווען זיי קומען ארויס איז דא א חן אינעם אלבוים נישט ווי איז דיין בארד... וד"ל ליפא איז נישט באשאנקען געווארן מיט שכל פינטל.

דורך **כוכב** » דאנערשטאג יאנואר 30, 2020 11:35 pm

איך בין נייגעריג.

דאס איז דאך די קונץ פון א בעל דרשן, צו רעדן און רעדן און גארנישט זאגן...

דורך **יין שרף** » דאנערשטאג יאנואר 30, 2020 11:52 pm

בעל דרשן האט געשריבן:קיינער איז נישט נייגעריג אין זיין פרישע סידי
קיין שיין קול האט ער נישט ער איז אראפ פון די מאפע...
פארפאלן מיט די צוריק קומען איז ער נאכאלץ אפגעפרעגט און אראפגעקוקט ביים היימישען אידנטום
מיר ערווארטן סידיס פון מרדכי ווערדיגער אברהם פריעד מאטי שטיינמעץ מאטי אילאוויטש אייזיק האניג יעקב שוועקי וכדומה נישט פון אים
ווען זיי קומען ארויס איז דא א חן אינעם אלבוים נישט ווי איז דיין בארד... וד"ל ליפא איז נישט באשאנקען געווארן מיט שכל פינטל.

קיינער? שקר!

דורך **בת קול** » דאנערשטאג יאנואר 30, 2020 11:57 pm

מען דארף נישט שכל צו האבן טאלאנט.

גם אני מצטרף לקבוצת הנייגעריגע, און איך קען קוים ווארטן צו לויפן קויפן זיין פרישע קאסעטע. איך האף אבער אז ס'וועט האבן די אלטע טעם מיט א פרישע טוויסט.

דורך **real fake news** » פרייטאג יאנואר 31, 2020 12:23 am

#גםאני

דורך **בעל דרשן** » פרייטאג יאנואר 31, 2020 12:46 am

אביסעל צו מסביר זיין מיינע ווערטער איך האב אויך זייער געווארט אויף די אלבוים און געווען נייגעריג ווי אלע אדער נאך מער ווי רוב עמך אידן
אבער נאכדעם ווי איינער האט מיר מסביר געווען אז עס איז כמעט אוממעגלעך אז ליפא זאל ערשיינען מיט א סידי אזוי ווי שמע צו לטובה ליפא בלייבט ליפא און ער וועט אייביג פרובירן צו זיין אנדערש ווי די ציבור
ער איז בעסער ווי אמאל קען זיין אבער משוגעתן טוישען זיך נישט פון איין טאג אויפן צווייטן
הלוואי זאל איך נישט זיין גערעכט און עס זאל קומען א סידי איינס אין די וועלט אבער זייער שווער פאראויס צו זאגן ער האט א חזקה אויף נארישע זאכן וואס ער טוט נאר צו אויפרידערן א וועלט וואס דאס וועסטי נישט זעען ביי מאטי שטיינמעץ און אפילו ביי אזעלכע זינגערס ווי שוועקי צו אוהד מאשקאוויטש
איך האף ענק פארשטייען מיינע ווערטער
רעד זיך נישט איין אז די זאלסט זיך נישט שפעטער דארפן אויסרעדן און פארענטפערן...

דורך **הדסים** » פרייטאג יאנואר 31, 2020 1:23 am

איך רעד זיך נישט איין און איך וועל מיר נישט דארפן אויסרעדן, איך וועל ווארטן אויף די פראדוקט, און עס דזשאזשען דעמאלטס.

קודם כל אני מתנצל ומוסר מודאה, דלהוי ידוע שמעשי שטן הצליח ובטעות לייקקתי לאיזה תגובה באשכולנו שאין הדעת סובלתו ואין רוח חכמים נוחה הימנה והשם הטוב יכפר...

בעל דרשן האט געשריבן:ער האט א חזקה אויף נארישע זאכן וואס ער טוט נאר צו אויפרידערן א וועלט וואס דאס וועסטי נישט זעען ביי מאטי שטיינמעץ און אפילו ביי אזעלכע זינגערס ווי שוועקי צו אוהד מאשקאוויטש
איך האף ענק פארשטייען מיינע ווערטער
רעד זיך נישט איין אז די זאלסט זיך נישט שפעטער דארפן אויסרעדן און פארענטפערן...

אז דו פארשטייסט נישט דער דיפערענץ פון א פלעין ווענילע סידי וואס פעטשט ארויף פסוקים אויף א ביט ווי אויף א סדום-בעטל, לאומת א סידי וואס איז א שטיק טאלאנט און ארטיסטישקייט איז נישטא מיט וועם צו גיין צום טיש בכלל (איך רעד נישט פון "שטימע").

דורך **היכי דמי** » מאנטאג פעברואר 24, 2020 6:59 pm

דורך **היכי דמי** » מאנטאג פעברואר 24, 2020 7:01 pm

וואס זאגט די עולם צום קאווער? איך גלייך גראדע א שיינע שטיקל גראפיקס מיט א גוטע בילד פון אים, ענדערש ווי א פעינטינג, ווי למשל: א פשוטע איד, אדער מעומקא דליבא.

דאס איז טאקע זייער דיפערענט און קען זיין דאס האט ער געוואלט.

דורך **חתן בחור** » מאנטאג פעברואר 24, 2020 7:22 pm

איך ווייס ״אל תסתכל בקנקן״ אבער מיט דעם אלעם, עס קוקט אויס מער ווי א היפי אלבום ווי אן אלבום פון ווארימע ניגונים. ואיבעית אימא, ער ווייזט פאר יעדן איינעם אז ער טוט וואס ער וויל, און פייפט אן די גאנצע וועלט. ״קיינער וועט מיר נישט זאגן וויאזוי צו מאכן אן אלבום״.

דורך **אישתישבי** » מאנטאג פעברואר 24, 2020 8:03 pm

חתן בחור האט געשריבן:איך ווייס ״אל תסתכל בקנקן״ אבער מיט דעם אלעם, עס קוקט אויס מער ווי א היפי אלבום ווי אן אלבום פון ווארימע ניגונים. ואיבעית אימא, ער ווייזט פאר יעדן איינעם אז ער טוט וואס ער וויל, און פייפט אן די גאנצע וועלט. ״קיינער וועט מיר נישט זאגן וויאזוי צו מאכן אן אלבום״.

ארט קען ווערן אויסגעטייטשט ביי יעדן לויט זיין שורש נשמה.

אז עס איז געשריבן קען געבן א אימפרעשען ווי פארצייטיש.
עס קען אויך זיין מחמת חומרא ווייל עס איז דא פוסקים וואס אסר'ן צו ניצען אותיות מרובעות, ומהאי טעמא ניצט מען עס אויף אינוויטעישען'ס.
ווי אויך, קען עס געבען א דערהער פין חידושי תורה וואס ווערען געשריבן.
והרחב לבו יפרש יותר.

דורך **real fake news** » מאנטאג פעברואר 24, 2020 8:30 pm

ער האט זיך געלערנט פעינטינג אין די לעצטע פאר יאר זעהט אויס ער לעבט יעצט אין די וועלט.
כבין נייגעריג צו ער האט עס געמאלן אויב יא טויג ער דאך יא צו עפעס.... :lol:

יאך האב די עיקר הנאה פון דעם אז די דראט - דארט פון אונטן רעכטס - איז צוגעקלעפט מיט סקאטש טעיפ, ווארשיינלעך א זכר צו די באנענע וואס איז געווען צוגעקלעפט מיט טעיפ צום וואנט און האט זיך פארקויפט פאר 120 טויזנט דאלאר. דאס קומט צו ווייזן אז הגם עס איז לאו דווקא דא ארט אינעם תוכן, אבער אויב מען פעקעדזשד עס גוט, איז עס ווערט דאס געלט...

דורך **סאנטיאגא** » דינסטאג פעברואר 25, 2020 1:57 am

בעל דרשן האט געשריבן:קיינער איז נישט נייגעריג אין זיין פרישע סידי
קיין שיין קול האט ער נישט ער איז אראפ פון די מאפע...
פארפאלן מיט די צוריק קומען איז ער נאכאלץ אפגעפרעגט און אראפגעקוקט ביים היימישען אידנטום
מיר ערווארטן סידיס פון מרדכי ווערדיגער אברהם פריעד מאטי שטיינמעץ מאטי אילאוויטש אייזיק האניג יעקב שוועקי וכדומה נישט פון אים
ווען זיי קומען ארויס איז דא א חן אינעם אלבוים נישט ווי איז דיין בארד... וד"ל ליפא איז נישט באשאנקען געווארן מיט שכל פינטל.

געפעלט מיר ווי די רעכנסט אויס נעמען וואס כולי עלמא מודי אז אויף זיי ווארט מען יא... והא ראיה דו האסט עס אליין געזאגט

דורך **סאנטיאגא** » דינסטאג פעברואר 25, 2020 2:15 am

בעל דרשן האט געשריבן:אביסעל צו מסביר זיין מיינע ווערטער איך האב אויך זייער געווארט אויף די אלבוים און געווען נייגעריג ווי אלע אדער נאך מער ווי רוב עמך אידן
אבער נאכדעם ווי איינער האט מיר מסביר געווען אז עס איז כמעט אוממעגלעך אז ליפא זאל ערשיינען מיט א סידי אזוי ווי שמע צו לטובה ליפא בלייבט ליפא און ער וועט אייביג פרובירן צו זיין אנדערש ווי די ציבור
ער איז בעסער ווי אמאל קען זיין אבער משוגעתן טוישען זיך נישט פון איין טאג אויפן צווייטן
הלוואי זאל איך נישט זיין גערעכט און עס זאל קומען א סידי איינס אין די וועלט אבער זייער שווער פאראויס צו זאגן ער האט א חזקה אויף נארישע זאכן וואס ער טוט נאר צו אויפרידערן א וועלט וואס דאס וועסטי נישט זעען ביי מאטי שטיינמעץ און אפילו ביי אזעלכע זינגערס ווי שוועקי צו אוהד מאשקאוויטש
איך האף ענק פארשטייען מיינע ווערטער
רעד זיך נישט איין אז די זאלסט זיך נישט שפעטער דארפן אויסרעדן און פארענטפערן...

מיינסט צו זאגן ער איז אזא סופערסטאר אז די וועלט ווערט אויפגערודערט ווען מ'הערט אז ער קומט ארויס מיט א אלבום...

יעדער האט זיין טעיסט, אבער דו מאכסט א טעות וואס אסאך מאכן; ווען מ'האלט אינאיין צוריקקוקן אויפן עבר קען מען נישט ענדזשויען וואס מ'האט יעצט, אוממעגליך!
צווייטנס, אויב האסטו אים ליב אזוי לאנג ווי ער שטעלט צו עפעס וואס דיר געפעלט, דעמאלטס הייבסטו נישט אן אים צו גלייכן, ווילאנג ער שטעלט צו וואס דיר געפעלט איז גוט און אז נישט איז ער גארנישט ווערט יא? האסט אלע רעכטן צו האבן א מיינונג, די פראבלעם איז דו פארגעסט אז דו ביזט נישט די איינציגסטער אויפן פלאנעט וואס הערט אים אויס, און מוזיק האלט אין איין איוואלוון (אפגערעדט אז די מוזיק פון די אמאליגע אלבום'ס קאסט פיל טייערער און ס'לוינט נישט היינט צו אינוועסטירן) מילא מ'דארף געבן פאר די צוהערערס וואס ס'איז היינט אנגענומען, ווי שטארק איך גלייך די אלטע סחורה איז עס נישט אין סטייל ווי ס'פלעגט זיין, איך פיר נישט זיינע חשבונות כ'גלייב ער האט פרובירט די בעסטע וואס ער קען צופרידנצושטעלן ווי ווייט מעגליך יעדעם איינעם, אבער קומען מיט העיט פאר א זאך איז בכלל אינדרויסן אפשר טרייסטו סתם צו בארוהיגן די עקסייטמענט אביסל.. כ'זעה אבער ווי די רייסט אים אראפ און דו זאגסט נאך ווי שטארק דו האסט געווארט פאר עס סא כ'בין נישט קלאר וואס דא טוט זיך

דורך **סאנטיאגא** » דינסטאג פעברואר 25, 2020 2:28 am

חתן בחור האט געשריבן:ואיבעית אימא, ער ווייזט פאר יעדן איינעם אז ער טוט וואס ער וויל, און פייפט אן די גאנצע וועלט. ״קיינער וועט מיר נישט זאגן וויאזוי צו מאכן אן אלבום״.

דאס הייסט אן ארטיסט, אטאדאס. ווילסט הערן וואס איך האב צו פארקויפן, הער געזונטערהייט איך קען דיר מאכן טראכטן, איך קען רעדן פון הארץ, אדער קען איך גרעפצן אויך אויב ס'געפעלט מיר, מוזט נישט פארשטיין צו מיר, און פארדעם איז עס ארט און נישט ס'זאל מיר ברענגען רווחים אדער דזשאבס, דאס מיינט זינגען, אן אנדערע זאך אינגאנצן.

דורך **גמליאל** » דינסטאג פעברואר 25, 2020 3:52 pm

קאמפאזיטארן אויפ׳ן נייעם אלבום: ליפא, הערשי וויינבערגער, חזקי ווייס (פארפאסער פונעם פאפולערן אלבום ׳לב אל הנשמה׳) און איין אלטע ניגון.

אראנדזשירער אויפ׳ן אלבום: יואלי דיקמאן, אלי לישינסקי, יהודה גאלילי, און דוד טויב.

דער אלבום איז ערווארטעט צו זיין אינדרויסן דעם דאנערשטאג אי״ה.

דורך **בעל דרשן** » דינסטאג פעברואר 25, 2020 6:23 pm

עקעלדיגע קאווער פוי ווי איז די שכל דעס מיינט ער קומט ארויס מיט א חסידישע אלבוים????

דורך **היכי דמי** » דינסטאג פעברואר 25, 2020 6:49 pm

דו ביזט די די זעלבע בעל דרשן פון די פריעדיגע מעסעדזשעס, יא?

איך ווייס נישט פארוואס דו קומסט אפילו אריין אין די אשכול דא, עס איז נישט פאר דיר. עפעס העצע ליגט אין דיינע מעסעדזשעס דא.

דורך **הדסים** » דינסטאג פעברואר 25, 2020 11:02 pm

בעל דרשן האט געשריבן:עקעלדיגע קאווער פוי ווי איז די שכל דעס מיינט ער קומט ארויס מיט א חסידישע אלבוים????

פוי פוי פוי. די קאווער קען זיך אפילו נישט פארמעסטן מיט די גראפיקס פון א צעטל אין מאה שערים, זיינע ניגונים הערן זיך ווי דזיבירעש קעגן מיינע שבת זמירות. פוי!

דורך **מי אני** » מיטוואך פעברואר 26, 2020 12:08 am

לדעתי, טאמער איז די אלבום אזוי ארטיסטיש ווי די קאווער איז דא אסאך טאלאנט צו ערווארטן דערפון און זיך דערקוויקן דערמיט.

איך האלט אז ס׳איז שטארק ארטיסטיש פון א מאדערן קוק-ווינקל; עס עוואקט א פילינג (לדעתי) פון נוצן פשוטע זאכן אויף אויסצופארמען עפעס מוזיקאליש; דורך פשטות צוצוקומען צו עפעס טראנסענדענט. עפעס וואס מ׳ערווארט פון א מוזיקאלישן ארטיסט (בפרט פון אזא קריעיטיוו טאלאנט ווי ליפא׳ס קאליבער; קריעיטיוו טאלאנט איז קריעיטיוו טאלאנט).

עס קען אויך זיין אז ער וויל מרמז זיין טאקע צו דעם אז פון מבוזה׳דיגע זאכן [מ׳האט אים מבזה געווען, דערווייטערט וכו׳] שטעלט מען דאך צאם ארט.