ליפא שמעלצער נייע אלבום

[גמליאל]

https://youtu.be/0APKJZy0H7U

[איסר האטלקי]

עקעלדיגע קאווער פוי ווי איז די שכל דעס מיינט ער קומט ארויס מיט א חסידישע אלבוים????

צו מיר קוקט די קאווער אויס זייער חסידיש. עכט פארצייטישע האנט געמאלענע קונסט, אן קיין קאמפיוטער פראגראמען און טעכנאלאגישע עפפס אריינגעמישט. אשרי חלקו!

[יהודי פשוט]

די דעקל קוקט אויס גענוי ווי די ארטס-ענד-קרעפטס וואס איך פלעג מאכן אין דעי-קעמפ ביי די 4 יאר אלט

[בעל דרשן]

יעצט זעה איך אל תתככל בקנקן אלא במה שבתוכו
די דעקל איז עקעלהאפטיג אבער די סידי קוקט אויס צו זיין גאר גאר שיין א שטייגער צו זיינע פריעדיגע סידיס
פארפאלן ליפא האט טאלאנט וואס קיינער האט נישט
די חתם סופר ניגון א שטארקע נקודה ברענגט ער ארויס
בך בטחו איז דאך א שטיק הארץ
מאמע מאמע גיב מיר א ציקערל... א ניגון מלא רגש
איך וועל עס בעזרת השם קויפן ווייל מיר מוזן אים מחשיב זיין און מחזק זיין אויף די דראסטישע טויש וואס ער האט געטון

[בענדזשאמין פרענקלין]

א קיצור, עס איז געווען א שיינע build up פון דעם בעל דרשן. סוף מעשה במחשבה תחילה, אז צום סוף וועט אפילו דער קטיגור ווערן די סינגור, און אויך מודה זיין אז זה היום קיוינו לו, און דער קאסעטע איז איינס אין די וועלט, אשר על כן ברויכן מיר די נוטראלע צוקוקער אודאי לויפן קויפן. כ'בעט דיר הער אויף מיט די מאַניפּיאַליישאַן.

[סאנטיאגא]

אן ארטיקל וואס איז פארשפרייט געווארן אויף סאציאלע מידיע, הגם איך עגרי נישט פונקט מיט אלעס איז עס נאך ווערט ארויפצושטעלן,

C/p

ליפא שמעלצער קומט היינט ארויס מיט זיין נייע
אלבום, און דו גייסט עס נישט ליב האבן.

היינט גייט מען הערן אויף אסאך גרופס גרויסע טענות קעגן ליפא שמעלצער'ס נייע אלבום. לכאורה בין איך סתם א שווארץ-קוקער, וויאזוי קען איז וויסן ווי גוט די אלבום גייט זיין?

אבער ניין! איך האלט דייקא פארקערט, ס'גייט זיין איינע פון זיינע בעסטע אלבומס, וואס איך זאג איז נאר וואס דער עולם גייט זאגן דערצו ווען ס'קומט ארויס.

פארוואס זאג איז אזוי? לאמיר צוריקגיין אביסל.

ליפא שמעלצער. א נאמען וואס איז ברייט באקאנט. און ווי ליפא אליינס האט געזאגט פאר איינע פון זיינע חברים שוין צוואנציג יאר צוריק "ווען מ'גייט זאגן די נאמען ליפא וועט יעדער גלייך וויסן אז מ'מיינט מיר"... ליפא איז א פייאניר. ליפא איז א מחדש. ליפא איז פאראויס פון זיין צייט.

אין די אידישע וועלט זענען רוב זינגערס נישט מער ווי "וואקאליסן" וואס קענען שיין אפזינגען א קאמפאזיציע וואס מ'לייגט זיי אראפ. אנדערש איז אבער ליפא, ליפא איז אן ארטיסט. ליפא איז אינוואלווד אין יעדע אספעקט פון א ניגון אויף זיין אלבום, בדרך כלל איז ער די קאמפאזיטאר אויך, אבער ווען נישט ווייסט ער פונקטליך וואס ער זוכט. ליפא האט טאקע דערפאר דער ערשטער געטראפן א רייע אינגעלייט וואס זענען שוין היינט ברייט בארימט – א שטייגער ווי יצחק פוקס - וואס איז פארדעם געווען א גרויסע גארנישט, נפתלי משה שניצלער און נאך. (ווער געדענקט ווען ליפא האט נביאות געזאגט אויף מאטי'ס סוקסעספולע קאריער אינעם ביכל פונעם "א פשוטע איד" אלבום ביי די "יענער" ניגון וואס מאטי האט איהם געגעבן נאך אלץ בחור...)

מיר אלץ צוהערער הערן נישט נאר וואס ער געבט אונז צו הערן, און טאקע מיט יעדע אלבום דעקט ליפא אויף נאך און נאך פון זיינע שטוינענדע טאלאנטן. אנגעהויבן פון די פשוטע פראקטישע אידישע ניגונים ווי "א גוט ווארט", ביז די טיפזיניגע גראמען פון "מעומקא דליבא". פון נשמה-דערווארימדיגע ניגונים ווי די קידוש לבנה ניגון, ביז אינטרעסאנטע קאמישע ניגונים ווי "רבותי מיר וועלן בענטשן"... מען קען נישט אנווייזן אויף צוויי פון ליפא'ס אלבומ'ס "די צוויי זענען ממש די זעלבע (כ'רעד נישט פון קאלעציעס) ווייל יעדע מאל קומט ער אריין מיט א נייע חידוש, א נייע פרישקייט און א נייע "טיעם".

און דאס איז די ערשטע נקודה: מענטשן רעכענען זיך אויף א געוויסע "ליפא" וואס זיי האבן זיך אויסגעבויעט אין קאפ. דער ווילהערן נאך א "א פשוטע איד", און דער אנדערע וויל הערן א "קעניינע הארע" 2.0 דוקא. איר כאפט נישט, ליפא גייט אונז נישט געבן נישט דאס און נישט דאס! ער געבט א פרישע ליפא! א נייע ווערסיע וואס מיר האבן נאכנישט טועם געווען! איינער וואס רעכנט זיך אויף א געוויסע ווערסיע פון ליפא וועט זיכער ווערן היפש דיסעפוינטעד, ווייל אין זיין קאפ גייט די פרישע זאך בכלל נישט זיין די "ליפא" וואס ער האט געווארט אויף!...

***

מיר האבן אלע מיטגעהאלטן ווי ליפא האט זיך געהאט זיינע סיזאנס, זיינע אפס און דאונס סיי אין מוזיק, און זיכער אין אידישקייט.

זייט די לעצטע אלבום איז שוין אריבער כמעט 5 גאנצע יאר. אינצווישן האבן מיר באקומען א סינגל דא און א סינגעל דארט, לעצטנס טאקע מער, אבער דאס איז די גאנצע. שוין באלד 5 יאר וואס מיר ווארטן אויף א נייע אלבום.

בפרט ווען ליפא איז "צוריקגעקומען" ווען א כוואליע פון "ליפא פענס" זענען ארויפגעשווימען, און א ים פון אלטע גוטע ניגונים זענען צוריק אריין אין צירקולאציע און איבער גענומעם די מארקעט ווי "אחרון אחרון חביב" און "השיבנו – די סבא קדישא". די מער ניגונים זענען אפירגעקומען איז די רייץ פאר א נייע אלבום גערעסער געווארן.

ווען ליפא'ס טאטע איז אוועק האבן מיר געהערט אז ער ארבעט אויף דריי אלבומס. איינס פאר זיין טאטע, א צווייטע פון טאלאנטן פון אנדערע מענטשן, (ער איז אויפגעקומען דערמיט פאר "כשרונות" אויף קול מבשר איז געווען א זאך...) און א געהעריגע. ערגעצוואו אינדערמיט האבן מיר באקומען דעם קליפ ווי ער רעקארדירט 10 ניגונים אין איין נאכט מיט יואלי דיקמאן, יעדע פאר טעג האבן מיר באקומען הבטחות אז ממש ממש בקרוב קומע עס, און די אפעטיט איז געווארן גרעסער איז גערעסער.

ער האט שוין זייט דעמאלטס שוין אינגאנצן אפגעלאזט די איידיע פון די "כשרונות" אלבום, נאכן שוין ארויסגעבן איין סינגל דערפון, און אפגעמאכט אריינלייגן די ניגונים פון זיין טאטע אין די נאמאלע אלבום. יעצט ווייסן מיר שוין עטוואס וואס זיך צו רעכענען אויף, יעצט דארף עס נאר קומען!...

מען ווארט און מען ווארט...

C/p

עפעס הערט מען אז ס'איז שוין ערנסט, עפעס קליפס זעהט מען ווי ער ריקארד שוין קווייער!! די געמיטער הייבן זיך דער עולם הייבט זיך אן רעכענען אויף די זעץ! אט קומט עס!

והוא הנותנת! דא איז טאקע דער פראבלעם...

מיר רעכענען זיך שוין אויף אזא מאסיווע זאך אז וואס ליפא זאל נאר טוהן קען ער נישט אנקומען צו אונזערע גרויסע ליכטיגע דמיונות. וואס ער זאל נאר טוהן וועט זיין שוואכער ווי וואס מיר ערווארטן. ס'איז נישט קיין כלל, ס'איז דא וואס רעכענען זיך יא ריכטיג און ערווארטן א דערגרייכבארע פראדוקט פון איהם, אבער דער ברייטן קהל איז כמעט נישט מעגליך צו צופרידן שטעלן.

וואס ס'גייט היינט פאסירן איז, אז רוב צוהערער, בפרט די יונגע ווי בחורים וכדו', וועלן ווערן היפש אנטוישט אויף א נעגעטיווע וועג, די ערשטע מאל זיי הערן די סידי. מ'גייט הערן א רייע קאממענטס און ס'וועלן ארומפארן סטעטוס פאוסטס ווי "אויב דעם האבן מיר געווארט?!?", אדער "דאס האט דיר גענומען אזוי לאנג?", אדער "ליפא, דו קענסט בעסער" וכו' וכו' פון מענטשן וואס קענען טרעפן פשט אינעם נייעס אלבום. "ס'איז אזא בארינג ניגון"... "ס'איז נישטא קיין שום טאלאנט"... ליפא פלעגט זיין בעסער...

ער גייט, ווי געווענליך, האבן ניגונים פון זיין הארץ ארויס, וואס א צווייטער קען נישט פארשטיין די ריכטיגע מעסידזש די ערשטע מאל ממש, און מענטשן גייען עס נישט ליב האבן. אפשר ווער אפילו קומען איין קאנטרעווערשל זאץ און מאנכע וועלן ווילד ווערן...

***

לא נביא אני, ולא בן נביא אני, אבער דאס איז וואס מיין הארץ זאגט מיר וועט זיך בפשטות אפשפילן – לויט ווי איך קען אונזער מארקעט...

איך האף כ'בין נישט גערעכט... איך האף אז דער עולם וועט יא אויסהערן דעם סידי מיט א ניכטער אויער... איך האף אז מ'וועט איהם יא געבן די ריכטיגע אפשאצונג און הנאה האבן שוין די ערשטע רגע...

חברה!! איך קען קוים ווארטן!...

[סאנטיאגא]

דער שרייבער האט א אייוועלט שמעק, די נאיווקייט, נישט סיימאן קאועל איז דער ערפינדער פון ברענגען פרישע טאלאנט צו די מאסן, ס'איז ליפא ווס. כשרונות...

[שצם_חנכל]

אוועילעבל אויף עמעזאן (מסתמא אויף עפל ספאטיפיי אויך):
https://music.amazon.com/artists/B003P8BHX8

[אביסל צימישט]

סאיז געווען אויף גוגל פלעי מיוזיק אין יעצט קען איך עס נישט טרעפען

[חתן בחור]

צו מיר קוקט די קאווער אויס זייער חסידיש. עכט פארצייטישע האנט געמאלענע קונסט, אן קיין קאמפיוטער פראגראמען און טעכנאלאגישע עפפס אריינגעמישט. אשרי חלקו!

בלויז פאר רעפערענץ... דאס איז די אלבום קאווער פון יום טוב ערליך׳ס ערשטע אלבום.

[יוקל שמש]

א הערליכע ארבעט

[בעל דרשן]

נאכן הערן די סידי עטליכע מאל קען איך זאגן פון מיין מיינונג אז ליפא האט דערליווערט א הערליכע אלבוים מלא תוכן מלא רגש " געוואלדיג " גאר גאר א שיינע ארבעט
די ערשטע מאל ביים הערן האב איך נישט פינקטליך פארשטאנען געוויסע נקודות וואס ער וויל ארויסברענגען אבער נאכן הערן עטליכע מאל הייב איך אן כאפן זיינע בליציגע חידושים!
די ניגון חתם סופר איז א שטיק הארץ ווי ער ענדיגט צו " ווער האט אוועקגענומען מיין חשק צו לערנען א שטיקעלע גמרא... " פאר די ניגון אליין האט זיך געלוינט צו ווארטן אזוי לאנג פאר די אלבוים
הזכירו איז א אלטע ניגון וואס מען זינגט אין סקווירא ליפא האט עס אראפגעלייגט מיט די גאנצע קנאק ער זינגט עס פאר זיין טאטע אבער יעדער קען עס זינגען און מיינען א צווייטען איך האב בשעתן הערן די ניגון געטראכט פון סקולענער רבי זצ"ל
ואין קל כביר פון חזקי' ווייס איז זייער ווארעם עס גייט לכאורה ווערן א היט..
גיב מיר אביסעלע משקה.... אוי איז דעס גוט אבער נאך ווי זיין זון זינגט אויך אביסעל די עפל פאלט נישט ווייט פון די בוים... וועלכע משקה זאל איך דיר געבן?... פון מיינע שענסטע ניגונים אויף די סידי
מאמע גיב מיר א ציקערל ווערטער זענען איבריג! עס האט מיר געקאסט עטליכע טרערן ביים הערן די ניגון האסט דאך אזוי סאך גיב מיר איין!
ניסוך המים פארשטיי איך נאכנישט די געדאנק אבער הערט זיך גוט א חידוש פון צאמשטעלן ניסוך מיט נוסך התפילה..
בן בנו א פיינע ניגון לעבעדיג יואלי דיקמאן מאכט א פיינע ארבעט
געוואלדיג י"ג עיקרים ווי ער פלעכט אריין אלע אני מאמין'ס איך האב הנאה געהאט פון די געדאנק...
פעפער האב איך ליב וויפעל איך האב צאמגעלאכט ביי די ניגון... ליפא האט א געשמאקע הומער
ירידה לצורך עלי' איז גוט אבער פון הערשי וואלט ער געקענט נעמען עפעס בעסער'ס


א ווארט צו ליפא: האסט אונז נישט אנטוישט ברענג ווייטער גוטע זאכן צום טיש די וועלט האט הנאה פון דיינע טאלאנטן און פון דיינע חידושים א דאנק פאר'ן ארויסגעבן אזא שיינע אלבוים

[רביה''ק זי''ע]

א קיצור, עס איז געווען א שיינע build up פון דעם בעל דרשן. סוף מעשה במחשבה תחילה, אז צום סוף וועט אפילו דער קטיגור ווערן די סינגור, און אויך מודה זיין אז זה היום קיוינו לו, און דער קאסעטע איז איינס אין די וועלט, אשר על כן ברויכן מיר די נוטראלע צוקוקער אודאי לויפן קויפן. כ'בעט דיר הער אויף מיט די מאַניפּיאַליישאַן.

[חיים יואל]

די דעקל קוקט אויס גענוי ווי די ארטס-ענד-קרעפטס וואס איך פלעג מאכן אין דעי-קעמפ ביי די 4 יאר אלט

וואס איז טאקע פשט ער האט געמאכט אזא נארישע און גרויליגע דעקל?

[גראף]

גרויליג דעקל? דיין אפיניון.

Sent from my SM-G950U using Tapatalk

[היכי דמי]

[זאמלער]

א גוטן, דא רעדט פלוניש'ל.

אין ליכט פון ליפא'ס נייעם טעיפ (כ'האב סתם געשריבן טעיפ, ווייל כ'האב געוואלט זיין דיפרענט) העמער אביסל אנאליזן.

כ'גיי נעכטן אין שול, טרעף איך דארט שמעונ'ען.

- "אה.. שמעון! סטיצעך?"

- "הודו השם!"

- "האסט געזען ליפא'ס געוואלדיג?"

- "וודאי!"

- "נו... וואס זאגסטע צו די קאווער? פארשטייסט דערצו?"

- "נע.. איך פארשטיי נישט צו דעם, אבער דאס איז מאדערן-ארט, דעי וואס פארשטייען דערצו האבן זיכער עונג / פארגעניגן דערפון"
איך ענדיג דעם געשפרעך איבערלאזנדיג עפעס א גרימאס.

טרעף איך דוד'ן.

- "גוט מארגן דוד!"

- "א גוט יאר פלוניש'ל"

- "וואסיז דיין מיינונג וועגן א מיטשקע בעראטשקע אויף די קאווער פון א סי-די?"

- דו רופסט דאס מיטשקע בעראטשקע?? ווייל דו פארשטייסט נישט צו דעם ווערט עס נאכנישט א מיעוס ארטיקל"

- "און דו פארשטייסט יא?"

- "דאס האב איך שוין נישט געזאגט, אבער ס'דא אזעלכע מינע מענטשן וואס גלייכן דאס"

- "קענסט אזא איינעם?"

- "גראדע יא, מיין שוואגער זושי"

(און גראדע קען איך דעי זושי. ער פלעגט גיין מיט ווייסע זאקן, היינט טראגט ער א קראך-הוט, ער האט געלט (...), ער ליבט מאדערן-ארט, ער האט אפילו נישט קיין אהנונג וואס 'גרין' מיינט. ער האט ליב מוזיק, און ווייסט צו זאגן אז ניסים בלעק איז א דזשעז-סינגער, און איעדע זינגער וואס ער האט ליב איז א פאפ-סינגער - למשל קארליבאך...)

סא אין קורצן, דו האסט ליב דעי געפאטשקעטע פירקלעריי 'נאר' ווייל עפעס א זינגער האט עס געמאלן.

כ'האב צו דיר צוויי פראגן:

איינס: וואס איז יא מיטשקע בעראטשקע?

צוויי: קענסטו מיר ווייזן א חילוק ציווישן דעם און די קונסט-ווערק וואס א כתה-א'-אינגל ערצייגט?

און איצט אן איבעראשונג!
פלוניש'ל איז יא אן ארטיסט!

און איך זאג דיר אז עס איז נישטא קיין שום קונסט אין דעם.
נישט.
עס ליגט נישט קיין רגע טאלאנט אין א שווארצע הונטערגרינד מיט בוכשטאבן געפארעמט אין א נאטינג-ספעשל שריפט.
כלום.

מאדערן-ארט האב איך ליב? שיינע-ארט האב איך ליב!

[סאנטיאגא]

https://youtu.be/Uldkdv-BbpA

[הוגה]

א געוואלדיגע און אפנהארציגע אינטערוויו מיט ליפא וואו ער עפנט אויף זיין הארץ און רעדט צום ציבור איבער זיינע דורכגענג אין די לעצטערע יארן.

https://www.bhol.co.il/news/1086015

[real fake news]

א געוואלדיגע און אפנהארציגע אינטערוויו מיט ליפא וואו ער עפנט אויף זיין הארץ און רעדט צום ציבור איבער זיינע דורכגענג אין די לעצטערע יארן.

https://www.bhol.co.il/news/1086015

זייער שיין,
כהאב הנאה אז ער האט נישט חרטה אויף זיינע אלטע סידיס נאר אז סהאט געהאט א שמץ של נקמה.
נישט אז די תוכן איז נישט גוט געווען

[צפור בודד]

א געוואלדיגע און אפנהארציגע אינטערוויו מיט ליפא וואו ער עפנט אויף זיין הארץ און רעדט צום ציבור איבער זיינע דורכגענג אין די לעצטערע יארן.

https://www.bhol.co.il/news/1086015

עס טוט וויי די אויערן

Sent from my SM-G973F using Tapatalk

[קרעטשמער]

איך וואונדער מיר זייער פארוואס קול מבשר האט נישט געהאט קיין אינטערוויא מיט אים נאך זיין סידי? אמאל האב איך געוואוסט אז זיי וואטשן זייער שטארק וועם זיי ברענגן ארויף אויף זייער האטליין, אבער איך מיין אז היינט האבן שוין זיי בכלל נישט קיין גרענעצין. זיי האבן שוין ארויפגעברענגט אלע מיני זינגערס, פון מבד ביז אברהם פריעד, פון בערי וועבער ביז מיכאל שניצלער, און אפילו מיילעך קאהן און יואלי ווייס... איז נאך דא היינט וואס צו מורא האבן ארויםפצוברענגן ליפא אויף קול מבשר. (און זיין ברודער מאכט דאך גי אינטערוויאוס)

איך וואלט זייער געוואלט הערן א שמועס מיט אים, און איך גלייב אז אסאך אנדערע אויך. ער האט אסאך צו פארקויפן.

[טאמבל סאס]

אינטערעסאנט, ליפא'ס סידי בדרך איז נישט צו געפונען אויב ספוטיפיי?

Sent from my SM-G973F using Tapatalk

[אדונינו]

אינטערעסאנט, ליפא'ס סידי בדרך איז נישט צו געפונען אויב ספוטיפיי?

Sent from my SM-G973F using Tapatalk

אויף עפל מוזיק איז עס דא.

[טאמבל סאס]

כ'האב געוואוסט ס'איז דא צובאקומען ערגעץ אנדערש. ס'איז מיר נאר געווען אינטערעסאנט פארוואס נישט אויף ספאטיפיי?