אַרײנפיר אין דער וועלט פון ליובאַוויטשער ניגונים

אלעס איבער דעם עולם המוזיק

אַרײנפיר אין דער וועלט פון ליובאַוויטשער ניגונים

הודעהדורך דוראק » זונטאג יולי 05, 2020 7:47 pm

ליובאַוויטש איז איינע פון די רײכסטע קרײזן אין וואָס אָנבאַלאַנגט ניגונים. ליובאַוויטשער ניגונים זײנען טיף און האַרציק, און האָבן אַן אייגנאַרטיקן שניט. אין דער ליובאַוויטשער וועלט פאַרנעמט די נגינה גאָר אַ וואַזשנעם אָרט, יעדער ניגון האָט זײן ספּעציעלן אָרט און פיל פון זיי האָבן אויך אייגענע נעמען לויט זייער מחבר אָדער אינהאַלט.

בכללות זאָגט מען באַ אונז אַז ניגונים טיילן זיך אין דרײ סאָרטן: א. ניגונים מכוונים, דאָס זײנען ניגונים אין וועלכע יעדער נאָט איז פּונקטליך מכוון, און אין זיי איז זייער שטאַרק וויכטיק צו מדייק זײן אין דעם זינגען. אין דער קאַטעגאָריע שליסן זיך אײן אַלע ניגונים וואָס די רביים האָבן מחבר געווען. ב. ניגונים ממולאים, דאָס זײנען ניגונים וואָס זײנען מלא תוכן, ניגונים וואָס חסידים האָבן מחבר געווען בשעת זייער עבודת ה' ווי דאַווענען א.ד.ג. ג. ניגונים שוטים, ווי אַ הדס שוטה וואָס וואַקסט אָן אַ טאָלק, האָבן די ניגונים קיין שום פנימיותדיקן תוכן.

אין אַלע דורות האָט מען מחבר געווען ניגונים. עס איז באַ אונז אָנגענומען אַז דער אַלטער רבי האָט מחבר געוועזן צען ניגונים. דער סאַמע באַוואוסטער פון זיי, איז דער ניגון פון די פיר פאַלן וואָס מ'רופט אויך סתם „דעם רבי'נס ניגון”. דער ניגון איז באַ אונז זייער הייליק, און מ'זינגט עם ניט סתם אַזוי, נאָר דווקא אויף ימים־טובים און געוויסע יומי־דפגרא. מיט דעם ניגון פירט מען אויך חתן־כלה צו דער חופה. דער ניגון האָט פיר פאַלן וועלכע זײנען כנגד די פיר עולמות אבי״ע.


באַם זון פון דעם אַלטן רבי'ן איז געווען אַ קאַפּעליע וואָס פלעגט שפּילן מוזיק. פון זיי האָבן מיר דעם ניגון וואָס די כהנים זינגען אויפן דוכן, ווי אויך אַ ניגון וועלכן מ'רופט סתם „דעם מיטעלן רבי'נס קאַפּעליע”.


ניגונים פון חסידים טיילן זיך אויך אין עטליכע סוגים.

וואָלאָכן
אַ וואָלאָך איז אַ ניגון פון טיפער השתפכות הנפש. געוויינליך איז דער וואָלאָך ניט אײנגעצוימט אין קיינע ראַמען, ער קאָן זיך אויפהויבן און פאַלן ברגע כמימרא. די ניגונים הייסן וואָלאָך ווײלע אַזוי פלעגן זינגען די רומענישע פּאַסטוכער פון וואָלאָכײ. אָט אַ שטייגער איז אַ האַרציקער וואָלאָך וואָס הייסט „דער פּאַסטוך”:


פאָנקעס
פרייליכע ניגונים האָבן מיר אויך עטליכע סאָרטן. איין סאָרט איז אַ „פאָנקע” דאָס הייסט אַ לוסטיקער גוטמוטיקער ניגון, ניט צופיל ליובאַוויטשער דביקות. עס הייסט פאָנקע על־שם די רוסן וועלכע מ'פלעגט רופן „פאָניע”. אָט האָט איר אַ פאָנקע:


ניגוני חאַריטאָנאָוו
מחברים פון ניגונים זײנען געווען אַ פולע. די שטאָט ניקאָלאַיעוו (דעם רבי'נס געבורט־שטאָט) האָט אַרויסגעגעבן פון די פײנסטע בעלי־מנגנים. אפשר די סאַמע באַוואוסטסטע פון זיי איז די פאַמיליע חאַריטאָנאָוו. אָט אַ שטייגער, איינער פון די ברידער, ר' שלום, האָט געהאַט גרויסע שוועריקײטן טרעפן אין רוסלאַנד אַ פרנסה וואו ער זאָל קאָנען היטן שבת, האָט ער געוועלט קויפן אַ ניי־מאַשין, אָבער נאָר איינער אַזאַ מאַשין איז געווען, און אַ צווייטער חסיד – ר' פרץ מאָטשקין – האָט אויכעט געהאַלטן אַן אויג אויף דעם. ר' פרץ האָט זוכה געווען אין דעם דין־תורה, און ר' שלום – וואָס איז געווען שטאַרק צובראָכן – האָט אַרויסגעדריקט זײנע געפילן אין אַ ניגון וואָס הייסט עד היום „אַ מאַשינקע”:

שוין, גענוג געווען פאַר הײנט, אפשר וועט מען ממשיך זײן אַן אַנדער מאָל.
דוראק
שריפטשטעלער
שריפטשטעלער
 
הודעות: 163
זיך רעגיסטרירט: מאנטאג מערץ 23, 2020 9:26 pm
האט שוין געלייקט: 66 מאל
האט שוין באקומען לייקס: 282 מאל

הודעהדורך ליטוואק פון בודאפעסט » מאנטאג יולי 06, 2020 6:51 am

ייש"כ גדול!
איך האב קיינמאל נישט געהערט פון דער מנגן 'מנחם עמאר', און יעצט איז ער מיין בעקגראונד ביים ארבעט. עס זעט זיך אויס אז ער האט אסאך ניגונים וואס ניח"ח האט נישט.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9608
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3291 מאל
האט שוין באקומען לייקס: 9129 מאל

דער פאלטובער ניגון

הודעהדורך יודישע שרייבער » פרייטאג יולי 10, 2020 2:33 am

@דוראק, אלץ איינער וואס גלייכט אלטע חסיד'ישע ניגונים וויל איך אייך באדאנקן פארן גיין פתיחה אויף אזא שיינע רייכע נושא, מיר ווארטן צו הערן פון אייך ווי מער...

איינס פון די שענסטע ניגונים אין חב"ד איז דער פאלטובער ניגון (אויך באקאנט אלץ "דער פאלטובער רב'ס ניגון", כנראה האט עס דער פאלטובער רב - מחסידי חב"ד - געמאכט) עס איז זייער זייער הארציג און עס האט מיר זייער שטארק באנומען און איך שטעל מיר פאר אז עס גייט אריין אין די צווייטע קאטאגאריע פון ניגונים ממולאים (אדער אפשר גאר אין ניגונים מכוונים?).

אויב קענט איר מער שרייבן איבער דעם וואלט איך זייער הנאה געהאט.
We buy things we don't need
with money we don't have
to impress people we don't like
(קרעדיט: @טייערע ברודער)
יודישע שרייבער
ידיד השטיבל
ידיד השטיבל
 
הודעות: 185
זיך רעגיסטרירט: דינסטאג סעפטעמבער 08, 2015 4:48 am
האט שוין געלייקט: 101 מאל
האט שוין באקומען לייקס: 196 מאל

הודעהדורך הדסים » פרייטאג יולי 10, 2020 1:45 pm

א דאנק דוראק, זייער אינפארמאטיוו.

יודישע שרייבער האט געשריבן:
איינס פון די שענסטע ניגונים אין חב"ד איז דער פאלטובער ניגון.

זייער א שיינע ניגון, עס איז מיר שווערן צו הערן פון דיין לינק ווייל איך געדענק עס נאר פון אברהם פריעד, ער זינגט עס אנדערש.
באניצער אוואטאר
הדסים
היימישער באניצער
היימישער באניצער
 
הודעות: 351
זיך רעגיסטרירט: מיטוואך מאי 01, 2019 1:29 pm
האט שוין געלייקט: 386 מאל
האט שוין באקומען לייקס: 274 מאל

הודעהדורך רביה''ק זי''ע » פרייטאג יולי 10, 2020 3:00 pm

אין חב"ד איז דא צוויי מארשן וואס זענען באקאנט אלץ נאפאליאנ'ס מארש, ביי די אלגעמיינע מוזיקאנטן און היסטאריקער ווייסט מען אויך צו זאגן פון א מארש וואס נאפאליאן זאל האבן געזונגען אדער ס'נאר איבערגעבליבן אין חב"ד? אדער אפשר גאר זענען זיי היימישע מארשן וואס ס'האט זיך עפעס אנגעקלעפט אויף זיי דעם נאמען?
באניצער אוואטאר
רביה''ק זי''ע
חבר ותיק
חבר ותיק
 
הודעות: 4003
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3852 מאל
האט שוין באקומען לייקס: 3226 מאל

הודעהדורך ארי נוהם » זונטאג יולי 12, 2020 11:15 pm

יודישע שרייבער האט געשריבן:@דוראק, אלץ איינער וואס גלייכט אלטע חסיד'ישע ניגונים וויל איך אייך באדאנקן פארן גיין פתיחה אויף אזא שיינע רייכע נושא, מיר ווארטן צו הערן פון אייך ווי מער...

איינס פון די שענסטע ניגונים אין חב"ד איז דער פאלטובער ניגון (אויך באקאנט אלץ "דער פאלטובער רב'ס ניגון", כנראה האט עס דער פאלטובער רב - מחסידי חב"ד - געמאכט) עס איז זייער זייער הארציג און עס האט מיר זייער שטארק באנומען און איך שטעל מיר פאר אז עס גייט אריין אין די צווייטע קאטאגאריע פון ניגונים ממולאים (אדער אפשר גאר אין ניגונים מכוונים?).

אויב קענט איר מער שרייבן איבער דעם וואלט איך זייער הנאה געהאט.

דוראק בין איך נישט, אבער לאמיר כאטש אריינווארפן מיינע צוויי צענט.

די בארימטע פאלטאווער ניגון איז טאקע גאר הארציג, טרויעריג, בענקעדיג און עטוואס מאלענכאליש. עס שיינט ווי א מענטש וואס איז צובראכן פון זיין מצב און זוכט א וועג ארויס.
לויט ווי מ'דערציילט אין חב"ד, און דאכצעך אז דער משגיח פון תומכי תמימים פלעגט עס דערציילן, איז געווען א איד א בעל עבירה וואס ווען ער האט געהערט די ניגון איז ער געווארן א גענצליכע בעל תשובה, און מעגליך א בעל מדריגה. ס'ליגט מיר אין זכרון אז ס'דא א לענגערע מעשה דערוועגן.


רביה''ק זי''ע האט געשריבן:אין חב"ד איז דא צוויי מארשן וואס זענען באקאנט אלץ נאפאליאנ'ס מארש, ביי די אלגעמיינע מוזיקאנטן און היסטאריקער ווייסט מען אויך צו זאגן פון א מארש וואס נאפאליאן זאל האבן געזונגען אדער ס'נאר איבערגעבליבן אין חב"ד? אדער אפשר גאר זענען זיי היימישע מארשן וואס ס'האט זיך עפעס אנגעקלעפט אויף זיי דעם נאמען?

לויט ווי מ'דערציילט אין חב"ד, איז נישט שייך צו זאגן אז זיי זענען היימישע מארשן וואס האבן צופעליג געקריגן דעם נאמען, וויבאלד לויט ווי די לעגענדע גייט האט דער בעל התניא געזאגט אז די סיבה פארוואס נאפאלעאן געווינט די מלחמות איז וויבאלד די דאזיגע ניגון איז ממקור קדוש און ברענגט התרוממות און שמחה און מיט דעם כח געווינען זיי אלע מלחמות. דאן האט ער אנגעהויבן צו זינגען דעם ניגון ביי זיך אין חב"ד, און ווי די לעגענדע גייט האט נאפאלעאן דאס דאן מבטל געווען ביים פראנצויזישן מיליטער, און טאקע זינט דאן האבן זיי אנגעהויבן צו פארלירן די מלחמות.
אלזא אפגעזען ווי אמת די מעשה איז, מוז אבער זיין אז אין חב"ד איז עס מקובל אלס נאפאלעאנ'ס מארש ממש.
אגב, אין חב"ד זינגט מען עס ביים קדיש מוצאי יו"כ כמדומה, און די געדאנק איז אז "דידן נצח", מיר האבן געווינען די מלחמה קעגן די מקטרגים און משטינים, און דערפאר איז פאסיג נאפאלעאנ'ס מארש וואס איז מרמז אויף נצחון המלחמה.

עס איז אויך מערקווירדיג, אז רבינו מה"מ לע"ו האט אויך אריינגעברענגט אין חב"ד א מארש פון פראנקרייך. דאס איז דער ניגון וואס זיי זינגען אויף "האדרת והאמונה", און ווי דער רבי האט געזאגט איז דאך פראנקרייך די ערש הגוים מיט מאדערנע וכו', און מ'דארף מעלה זיין די כח צום קדושה. דער רבי האט עס אויפגעפיקט וואוינענדיג אין פראנקרייך אפאר יאר כנודע, און די ניגון איז די דארטיגע נאציאנאלע הימנע, אויב איך געדענק גוט.
אין ארי נוהם מתוך קופה של תבן, אלא מתוך קופה של בשר (ברכות לב.) ובימינו אין ארי נוהם אלא מתוך קופה של תבן (ארי נוהם)
באניצער אוואטאר
ארי נוהם
שריפטשטעלער
שריפטשטעלער
 
הודעות: 417
זיך רעגיסטרירט: זונטאג מערץ 27, 2016 3:13 am
האט שוין געלייקט: 1099 מאל
האט שוין באקומען לייקס: 1645 מאל

הודעהדורך נקודת-אמת » זונטאג יולי 12, 2020 11:34 pm

ארי נוהם האט געשריבן:לויט ווי די לעגענדע גייט האט דער בעל התניא געזאגט אז די סיבה פארוואס נאפאלעאן געווינט די מלחמות איז וויבאלד די דאזיגע ניגון איז ממקור קדוש און ברענגט התרוממות און שמחה און מיט דעם כח געווינען זיי אלע מלחמות.
דאן האט ער אנגעהויבן צו זינגען דעם ניגון ביי זיך אין חב"ד, און ווי די לעגענדע גייט האט נאפאלעאן דאס דאן מבטל געווען ביים פראנצויזישן מיליטער, און טאקע זינט דאן האבן זיי אנגעהויבן צו פארלירן די מלחמות.
אלזא אפגעזען ווי אמת די מעשה איז, מוז אבער זיין אז אין חב"ד איז עס מקובל אלס נאפאלעאנ'ס מארש ממש.

עס איז אויך מערקווירדיג, אז רבינו מה"מ לע"ו האט אויך אריינגעברענגט אין חב"ד א מארש פון פראנקרייך. דאס איז דער ניגון וואס זיי זינגען אויף "האדרת והאמונה", און ווי דער רבי האט געזאגט איז דאך פראנקרייך די ערש הגוים מיט מאדערנע וכו', און מ'דארף מעלה זיין די כח צום קדושה. דער רבי האט עס אויפגעפיקט וואוינענדיג אין פראנקרייך אפאר יאר כנודע, און די ניגון איז די דארטיגע נאציאנאלע הימנע, אויב איך געדענק גוט.

קען זיין אז ווען די פראנצויזע וועלן אויפהערן זינגען אט די הימנע, וועט די לעגענדע פונעם רבי מה"מ לע"ו צו-באקומען איהרע צווייטען טייל...
הקאצקער זצ"ל שאל לחיהרי"ם זצ"ל על הפסוק אמת מארץ תצמח, מה זורעים בארץ שיצמח מזה האמת ענה לו ה"חידושי הרי"מ" בזה הלשון: אז מען בעגראבט דעם שקר וואקסט ארויס דער אמת.
(אמת ואמונה, קלד)

קומט אויס אז דער כח ההיולי פונעם אמת איז גאר דער באגראבענעם שקר! ודו"ק
באניצער אוואטאר
נקודת-אמת
היימישער באניצער
היימישער באניצער
 
הודעות: 482
זיך רעגיסטרירט: דאנערשטאג אוגוסט 31, 2017 3:16 am
האט שוין געלייקט: 403 מאל
האט שוין באקומען לייקס: 641 מאל

הודעהדורך דוראק » זונטאג אוגוסט 09, 2020 3:26 pm

ליטוואק פון בודאפעסט האט געשריבן:ייש"כ גדול!
איך האב קיינמאל נישט געהערט פון דער מנגן 'מנחם עמאר', און יעצט איז ער מיין בעקגראונד ביים ארבעט. עס זעט זיך אויס אז ער האט אסאך ניגונים וואס ניח"ח האט נישט.

ווײט ניט אַלע חב״ד ניגונים זײנען אויף ניח״ח, מערער פון ניח״ח האָט היכל הנגינה אָבער אויך דאָרט פעלט. דער עמאר זינגט טאַקע זייער געשמאַק, בדרך כלל איז שווער צו הערן ווי די פאַרשיידענע זינגערס למיניהם שחטן אָפּ ניגונים, אָבער ער זינגט גוט. אויב איר ווילט הערן ממש געשמאַקע ניגונים און געשמאַק געזונגען, איז דאָ אַ טייפּ וואָס הייסט „ניגוני שלום”, ניגונים פון ר' שלום חאַריטאָנאָוו (שו״ב) געזונגען דורך זײן זון ר' שמשון חאַריטאָנאָוו, לײדער האָב איך דעם טייפּ אויפן אינטערנעט ניט געטראָפן.
יודישע שרייבער האט געשריבן:@דוראק, אלץ איינער וואס גלייכט אלטע חסיד'ישע ניגונים וויל איך אייך באדאנקן פארן גיין פתיחה אויף אזא שיינע רייכע נושא, מיר ווארטן צו הערן פון אייך ווי מער...

איינס פון די שענסטע ניגונים אין חב"ד איז דער פאלטובער ניגון (אויך באקאנט אלץ "דער פאלטובער רב'ס ניגון", כנראה האט עס דער פאלטובער רב - מחסידי חב"ד - געמאכט) עס איז זייער זייער הארציג און עס האט מיר זייער שטארק באנומען און איך שטעל מיר פאר אז עס גייט אריין אין די צווייטע קאטאגאריע פון ניגונים ממולאים (אדער אפשר גאר אין ניגונים מכוונים?).

אויב קענט איר מער שרייבן איבער דעם וואלט איך זייער הנאה געהאט.

דאָס איז דער ניגון פון ר' יעקב מרדכי בעזפּאַלאָוו, דער פּאָלטאַווער רב, טאַקע זייער אַ געשמאַקער ניגון. וועגן ר' יעקב מרדכי'ן זאָגט מען אַז ער איז געוועזן אַ בעל עבודה על דרך ההפלאה, ער פלעגט אויפשטיין בחצות און גענומען זיך צוגרייטן צום דאַווענען וועלכער פלעגט באַ עם געדויערן עטליכע שעה, מ'זאָגט אַז ער איז געווען אין דער דרגה פון אַ בעל תשובה, און פון אַ „בינוני המתפלל כל היום” (זע תניא ח״א פרק יג). ער פלעגט אויכעט לערנען חסידות מיטן רבי'ן נ״ע (מהרש״ב).

אין ספר הניגונים (ניגון מה) שטייט אַז רי״מ „היה מתפלל בנעימה בדביקות חב״ד עם ניגון הזה, המלא רגש ורעידת נשמה”.

רביה''ק זי''ע האט געשריבן:אין חב"ד איז דא צוויי מארשן וואס זענען באקאנט אלץ נאפאליאנ'ס מארש, ביי די אלגעמיינע מוזיקאנטן און היסטאריקער ווייסט מען אויך צו זאגן פון א מארש וואס נאפאליאן זאל האבן געזונגען אדער ס'נאר איבערגעבליבן אין חב"ד? אדער אפשר גאר זענען זיי היימישע מארשן וואס ס'האט זיך עפעס אנגעקלעפט אויף זיי דעם נאמען?

אויף וויפל איך האָב געזוכט האָב איך ניט געזען אַז היסטאָריקער זאָלן אָנווײזן אויף אַ געוויסן ניגון אַז דאָס איז נאַפּאָלעאָנס מאַרש. דער אַלטער רבי האָט געזאָגט אַז דער ניגון איז אַ ניגון של ניצחון. איין ניגון איז אָנגענומען אַז דאָס איז נאַפּאָלעאָנס מאַרש, אָבער יש אומרים אַז אַ צווייטער ניגון (וועלכן מ'רופט „ביסמאַרקס מאַרש”) איז גאָר נאַפּאָלעאָנס מאַרש.

ארי נוהם האט געשריבן:די בארימטע פאלטאווער ניגון איז טאקע גאר הארציג, טרויעריג, בענקעדיג און עטוואס מאלענכאליש. עס שיינט ווי א מענטש וואס איז צובראכן פון זיין מצב און זוכט א וועג ארויס.

ר' יעקב מרדכי איז געוועזן אַ מרה שחורה, ס'איז דאָ אַפּאָר בריוו פון רבי'ן נ״ע צו עם וועגן שמחה וכו'.

ארי נוהם האט געשריבן:לויט ווי מ'דערציילט אין חב"ד, איז נישט שייך צו זאגן אז זיי זענען היימישע מארשן וואס האבן צופעליג געקריגן דעם נאמען, וויבאלד לויט ווי די לעגענדע גייט האט דער בעל התניא געזאגט אז די סיבה פארוואס נאפאלעאן געווינט די מלחמות איז וויבאלד די דאזיגע ניגון איז ממקור קדוש און ברענגט התרוממות און שמחה און מיט דעם כח געווינען זיי אלע מלחמות. דאן האט ער אנגעהויבן צו זינגען דעם ניגון ביי זיך אין חב"ד, און ווי די לעגענדע גייט האט נאפאלעאן דאס דאן מבטל געווען ביים פראנצויזישן מיליטער, און טאקע זינט דאן האבן זיי אנגעהויבן צו פארלירן די מלחמות.
אלזא אפגעזען ווי אמת די מעשה איז, מוז אבער זיין אז אין חב"ד איז עס מקובל אלס נאפאלעאנ'ס מארש ממש.
אגב, אין חב"ד זינגט מען עס ביים קדיש מוצאי יו"כ כמדומה, און די געדאנק איז אז "דידן נצח", מיר האבן געווינען די מלחמה קעגן די מקטרגים און משטינים, און דערפאר איז פאסיג נאפאלעאנ'ס מארש וואס איז מרמז אויף נצחון המלחמה.

עס איז אויך מערקווירדיג, אז רבינו מה"מ לע"ו האט אויך אריינגעברענגט אין חב"ד א מארש פון פראנקרייך. דאס איז דער ניגון וואס זיי זינגען אויף "האדרת והאמונה", און ווי דער רבי האט געזאגט איז דאך פראנקרייך די ערש הגוים מיט מאדערנע וכו', און מ'דארף מעלה זיין די כח צום קדושה. דער רבי האט עס אויפגעפיקט וואוינענדיג אין פראנקרייך אפאר יאר כנודע, און די ניגון איז די דארטיגע נאציאנאלע הימנע, אויב איך געדענק גוט.

איך האָב ניט געהערט אַז מ'זאָל אַזוי דערציילן (אַז דורכן נעמען דעם ניגון האָט דער רבי געפועלט נאַפּאָלעאָנס מפלה), כאָטש מ'דערציילט יע אַז דער רבי האָט געקעמפט מיט נאַפּאָלעאָנען בגשמיות (שיקן ר' משה מײזליש שפּיאָנירן לטובת דעם צאַר, מ'דערציילט עטליכע מעשיות וועגן דעם) וברוחניות (דער סיפור הידוע מיט תקיעת שופר).

דער מנהג איז טאַקע צו זינגען אַ מאַרש פאַר תקיעת שופר מוצאי יו״כ, ובדורנו איז אײנגעפירט זינגען דווקא נאַפּאָלעאָנס מאַרש. מיר זינגען טאַקע די פראַנצויזישע הימנע אויף האדרת והאמונה.

די ניגונים זײנען אויסנאַמען צווישן ליובאַוויטשע ניגונים. בכללות, אפילו די פרייליכע ניגונים הערט מען אַלץ אַ תנועה פון מלחמה, אַמאָל אויכעט אַ לוסטיקע פאָנקע, זעלטן ווען אַ תנועה פון ניצחון ווי אין די ניגונים.

הערט אַ שטייגער אַפּאָר „געוויינליכע” ניגוני שמחה וואו מ'הערט קלאָר די מלחמה:




דער קובליצער ניגון (הערט נאָר ווי דער ניגון מאָנט אין דעם צווייטן פאַל, און ווי ער זאָגט אין דעם דריטן פאַל אַז לאחרי כל זה... אוי ס'איז שווער צו באַשרײבן אַ ניגון...)


דאָקשיצער ניגון


פאַרגלײכט די געגועים תנועות צו דער תנועה פון ניצחון אין נאַפּאָלעאָנס מאַרש:


דער פראַנצייזישער האדרת והאמונה:
דוראק
שריפטשטעלער
שריפטשטעלער
 
הודעות: 163
זיך רעגיסטרירט: מאנטאג מערץ 23, 2020 9:26 pm
האט שוין געלייקט: 66 מאל
האט שוין באקומען לייקס: 282 מאל

הודעהדורך דוראק » פרייטאג נאוועמבער 27, 2020 4:46 am

באַ אונז זינגט מען ניט קיינע זמירות, מ'זאָגט אַז ווערטער באַגרעניצן דעם ניגון. אַנשטאָט דערויף האָבן מיר „ניגונים לשבת ויום טוב”. דאָס איז אַן אַנדער זשאַנער, ניט קיין וואָלאָכן, אָבער זייער האַרציקע ניגונים. אָט הערט אַפּאָר:

דאָס איז אַ חאַריטאָנאָוו ניגון (ראה לעיל):


נאָך אַ געשמאַקער ניגון לשבת ויום טוב, דעם ניגון האָט דער רבי שטאַרק האָלט געהאַט, מ'האָט עס אויפגעהערט זינגען באַם רבי'ן ווײלע דער רבי פלעגט זיך צואוויינען אַלעמאָל ווען מ'וואָלט זינגען דעם ניגון:
דוראק
שריפטשטעלער
שריפטשטעלער
 
הודעות: 163
זיך רעגיסטרירט: מאנטאג מערץ 23, 2020 9:26 pm
האט שוין געלייקט: 66 מאל
האט שוין באקומען לייקס: 282 מאל

הודעהדורך קאך_לעפל » פרייטאג נאוועמבער 27, 2020 11:05 am

די וועלט זאגט אז א ניגון איז דער שפראך פון דער הארץ. אלזא, אין חב''ד איז דאך אלעס מוח, דער מוח דארף געוועלטיגן אויפן הארץ, מ'ארבייט בלויז אויף מוח, אלזא, וואו קומט צו חב''ד ניגונה?
קאך_לעפל
שריפטשטעלער
שריפטשטעלער
 
הודעות: 2072
זיך רעגיסטרירט: מאנטאג דעצעמבער 10, 2012 12:16 pm
האט שוין געלייקט: 254 מאל
האט שוין באקומען לייקס: 2562 מאל

הודעהדורך הוגה » פרייטאג נאוועמבער 27, 2020 12:08 pm

דוראק האט געשריבן:באַ אונז זינגט מען ניט קיינע זמירות, מ'זאָגט אַז ווערטער באַגרעניצן דעם ניגון. אַנשטאָט דערויף האָבן מיר „ניגונים לשבת ויום טוב”. דאָס איז אַן אַנדער זשאַנער, ניט קיין וואָלאָכן, אָבער זייער האַרציקע ניגונים. אָט הערט אַפּאָר:

דאָס איז אַ חאַריטאָנאָוו ניגון (ראה לעיל):


נאָך אַ געשמאַקער ניגון לשבת ויום טוב, דעם ניגון האָט דער רבי שטאַרק האָלט געהאַט, מ'האָט עס אויפגעהערט זינגען באַם רבי'ן ווײלע דער רבי פלעגט זיך צואוויינען אַלעמאָל ווען מ'וואָלט זינגען דעם ניגון:


דער צווייטע ניגון זינגט מען אין וויזניץ (מיט שינויים) אויף די צווייטע פאל (רברבין) פון יה רבון.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
שריפטשטעלער
שריפטשטעלער
 
הודעות: 2944
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7671 מאל
האט שוין באקומען לייקס: 6762 מאל

הודעהדורך דוראק » מוצ"ש נאוועמבער 28, 2020 9:45 pm

קאך_לעפל האט געשריבן:די וועלט זאגט אז א ניגון איז דער שפראך פון דער הארץ. אלזא, אין חב''ד איז דאך אלעס מוח, דער מוח דארף געוועלטיגן אויפן הארץ, מ'ארבייט בלויז אויף מוח, אלזא, וואו קומט צו חב''ד ניגונה?

איך דאַרף טאַקע איין מאָל עפענען אַן אשכול איבער דעם דרך חב״ד, דאָ וועל איך נאָר שרײבן אַז איר האָט אַ גרויסן טעות. דער מח דאַרף טאַקע געוועלטיקן איבער דעם האַרצן און עס פירן, דאָס מיינט אָבער ניט אַז צו עבודת ה' דאַרף מען ניט קיין האַרצן... (איך מיין אַז ס'איז אַ פאַקט וואָס ס'איז שווער זיך צו דינגען אויף דערויף, אַז ליובאַוויטש איז פון די רײכסטע קרײזן אין וואָס עס אָנבאַלאַנגט נגינה).
דוראק
שריפטשטעלער
שריפטשטעלער
 
הודעות: 163
זיך רעגיסטרירט: מאנטאג מערץ 23, 2020 9:26 pm
האט שוין געלייקט: 66 מאל
האט שוין באקומען לייקס: 282 מאל

הודעהדורך אישתישבי » זונטאג נאוועמבער 29, 2020 12:25 am

איך פארשטיי אז די קענסט חבד ניגונים און די ווייסט אז עס איז רייך. אבער די קענסט אלע אנדערע צו וויסן אז חבד איז די רייכסטע?
א קונץ צו זיין אליהו הנביא? א קונץ צו זיין איש תשבי!
אישתישבי
חבר ותיק
חבר ותיק
 
הודעות: 2902
זיך רעגיסטרירט: מיטוואך מערץ 09, 2016 12:19 am
האט שוין געלייקט: 105 מאל
האט שוין באקומען לייקס: 1507 מאל

הודעהדורך לבי ובשרי » זונטאג נאוועמבער 29, 2020 2:57 am

קאך_לעפל האט געשריבן:די וועלט זאגט אז א ניגון איז דער שפראך פון דער הארץ. אלזא, אין חב''ד איז דאך אלעס מוח, דער מוח דארף געוועלטיגן אויפן הארץ, מ'ארבייט בלויז אויף מוח, אלזא, וואו קומט צו חב''ד ניגונה?

נו, מ'רעדט דאך פון מח ניגונים. וואס אזוי שווער צו פארשטיין.

כ'דענק אז אלס בחור האב איך געהערט, אז מיר ווייסן דאך דעם כלל פון 'קול מעורר הכוונה', אבער אין חב"ד האט מען געוואוסט אז 'כוונה מעורר את הקול'.

@דוראק, אוואו וועל איך אייך קענען טרעפן קומענדיגן י"ט כסליו?
איסתרא בלגינא קיש קיש קריא
לבי ובשרי
שריפטשטעלער
שריפטשטעלער
 
הודעות: 624
זיך רעגיסטרירט: זונטאג נאוועמבער 19, 2017 11:02 pm
האט שוין געלייקט: 428 מאל
האט שוין באקומען לייקס: 320 מאל

הודעהדורך דוראק » זונטאג נאוועמבער 29, 2020 4:27 am

לבי ובשרי האט געשריבן:@דוראק, אוואו וועל איך אייך קענען טרעפן קומענדיגן י"ט כסליו?

אדרבא, ווער ס'איז אינטעריסירט קומען אין קראַון הײטס זאָל מיר שיקן אַן אישי, אפשר וועט מען טאַקע מאַכן אַ שטיקל פאַרברענגען...
דוראק
שריפטשטעלער
שריפטשטעלער
 
הודעות: 163
זיך רעגיסטרירט: מאנטאג מערץ 23, 2020 9:26 pm
האט שוין געלייקט: 66 מאל
האט שוין באקומען לייקס: 282 מאל

הודעהדורך berlbalaguleh » זונטאג נאוועמבער 29, 2020 11:02 pm

אישתישבי האט געשריבן:איך פארשטיי אז די קענסט חבד ניגונים און די ווייסט אז עס איז רייך. אבער די קענסט אלע אנדערע צו וויסן אז חבד איז די רייכסטע?

אישתישבי: דו מאכסט א טעות. ווען דוראק זאגט אז חב"ד איז די רייכסטע אין ניגונים מיינט ער נישט אוועקצומאכן וויזשניץ, סאדיגורא, בעלזא, און אנדערע חסידות'ן וועלכע זענען רייך אין נגינה....!
באניצער אוואטאר
berlbalaguleh
שריפטשטעלער
שריפטשטעלער
 
הודעות: 14092
זיך רעגיסטרירט: דינסטאג יולי 17, 2012 12:57 pm
האט שוין געלייקט: 16219 מאל
האט שוין באקומען לייקס: 9198 מאל

הודעהדורך דוראק » זונטאג נאוועמבער 29, 2020 11:22 pm

berlbalaguleh האט געשריבן:
אישתישבי האט געשריבן:איך פארשטיי אז די קענסט חבד ניגונים און די ווייסט אז עס איז רייך. אבער די קענסט אלע אנדערע צו וויסן אז חבד איז די רייכסטע?

אישתישבי: דו מאכסט א טעות. ווען דוראק זאגט אז חב"ד איז די רייכסטע אין ניגונים מיינט ער נישט אוועקצומאכן וויזשניץ, סאדיגורא, בעלזא, און אנדערע חסידות'ן וועלכע זענען רייך אין נגינה....!

כפשוט, דערפאַר האָב איך טאַקע געשריבן אַז חב״ד איז פון די רײכסטע אין דעם הינזיכט. ס'איז ניט מײן אָרט צו טיילן צייכענונגען וועמענס ניגונים זײנען בעסער אָדער שענער.
דוראק
שריפטשטעלער
שריפטשטעלער
 
הודעות: 163
זיך רעגיסטרירט: מאנטאג מערץ 23, 2020 9:26 pm
האט שוין געלייקט: 66 מאל
האט שוין באקומען לייקס: 282 מאל

הודעהדורך אישתישבי » מאנטאג נאוועמבער 30, 2020 12:33 am

אקעי אקעי. חבד איז די רייכסטע.
א קונץ צו זיין אליהו הנביא? א קונץ צו זיין איש תשבי!
אישתישבי
חבר ותיק
חבר ותיק
 
הודעות: 2902
זיך רעגיסטרירט: מיטוואך מערץ 09, 2016 12:19 am
האט שוין געלייקט: 105 מאל
האט שוין באקומען לייקס: 1507 מאל


גיי צוריק מוזיק!

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט