די ווערסיעס פון דעם ליד "וואס וועט זיין אז משיח וועט קומען?"

אלעס איבער דעם עולם המוזיק

די ווערסיעס פון דעם ליד "וואס וועט זיין אז משיח וועט קומען?"

הודעהדורך ראובן » זונטאג יולי 19, 2015 6:34 pm

דאס פאלקסליד "וואס וועט זיין אז משיח וועט קומען?" איז ברייט בארימט, און ווערט געזינגען ביים ברייטן אידיש-רעדנדן ציבור.

דאס ליד איז אבער אריבער פארשידענע גלגולים בעיקר צוליב דעם וואס מרים הנביאה ווערט דערמאנט, און עס איז כדאי דאס צו פארנאטירן. פאלגנד איז די לעצטע סטאנזא, אין דעם אריגינעלן נוסח:

ווער וועט טאנצן אויף דער סעודה'ניו?
מרים הנביאה, מרים הנביאה

מרים הנביאה וועט אונז טאנצן
שלמה המלך וועט חכמה זאגן
דוד המלך וועט אונז שפילן
משה רבינו וועט אונז תורה לערנען
אהרן הכהן וועט אונז בענטשן
יין המשומר וועלן מיר טרינקען
שור-הבר מיט'ן לויתן וועלן מיר עסן
אויף דער סעודה'ניו.


דא קען מען הערן חזן יאסעלע ראזנבלאט זינגען דעם ליד:

ביי 3:41 קען מען הערן מרים הנביאה

פאלגנד איז יעקב פינחס פערלמוט, באקאנט אלס יאן פירס – Jan Peerce:

מרים הנביאה געפונט זיך ביי 4:33

דא קען מען הערן דעם כאר אין ביהמ"ד הגדול אין אמסטערדאם, פאר'ן צווייטן וועלט קריג:


דער עלטסטער געדרוקטער מקור וואס איך האב געקענט געפונען פאר דעם ליד, איז "לידער-זאמעלבוך פאר דער יידישער שול און פאמיליע", ארויסגעגעבן אין פעטערבורג, 1911.
104.JPG
104.JPG (45.84 KiB) געזען געווארן 1764 מאל

105.JPG
105.JPG (32.88 KiB) געזען געווארן 1764 מאל


אין א ספר פובליצירט אין תש"ז דורך הרב יצחק צבי עווער, דערמאנט ער דעם ליד, און אויך די טאנצעדיגע מרים הנביאה.
101.JPG
101.JPG (100.77 KiB) געזען געווארן 1764 מאל


אין תשט"ו האט ר' יהושע שפעטמאן פון לאנדאן אויך דערמאנט דעם ליד אין זיינס א ספר, און באציט זיך אויך צו מרים הנביאה און אירע טענץ.
102.JPG
102.JPG (62.15 KiB) געזען געווארן 1764 מאל


מרימ'ס טאנצן איז לכאורה באזירט אויף דעם פסוק, "ותקח מרים הנביאה אחות אהרן את התוף בידה, ותצאנה כל הנשים אחריה בתופים ובמחולות." אבער קענען דען חרדישע אידן צולאזן אז מרים זאל טאנצן, ר"ל? זעען מיר דא עטליכע מהלכים וויאזוי מ'האט זיך געספראוועט מיט מרימ'ען.

איין מהלך, וואס איז לכאורה דאס מערסטע פארשפרייט, איז אז מרים הנביאה האט אויפגעהערט צו טאנצן, און האט אנשטאט דעם זיך גענומען זאגן נבואה.

ווער וועט אונז נבואה זאגן אויף דער סעודה'ניו?
מרים הנביאה, מרים הנביאה


פאלגנד הערט מאטי שטיינמעץ מיט דעם "המזמרים" כאר:

הערט מרים זאגן נבואות ביי 3:32

דא זינגט "משוררים" מיט א קינדער כאר:

הערט מרים הנביאה ביי 3:50
באניצער אוואטאר
ראובן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1888
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2415 מאל
האט שוין באקומען לייקס: 7675 מאל

הודעהדורך ראובן » זונטאג יולי 19, 2015 6:35 pm

געוויסע האבן געטראפן אנדערע, ווייניגער שעפערישע, וועגן ווי זיך צו ספראווען מיט מרימ'ען. מ'האט גענוצן די זעלבע מעטאדן וואס מ'נוצט אין אלגעמיין צו לעזן די "פרויען-פראגע" – צענזור און פארשניידונג. בערך 9 יאר צוריק איז ערשינען "חזנות טיש" פון ר' ירמיה דמן, און פונקט ווי ר' ירמיה דמן האט צעשניטן ר' יום-טוב ערליכ'ס ניגונים צוליב דער פרויען-פראגע, האט ער מיט דעם ליד געטון דאס זעלבע מיט'ן גענצליך ארויסשניידן מרים הנביאה.
103.JPG
103.JPG (64.5 KiB) געזען געווארן 1756 מאל


דער אלבום גיט גרייזיג אן יאסעלע ראזנבלאט ווי דעם מחבר פון דעם ליד, וואס ווייזט קלאר אז מרים איז בכוונה ארויסגעשניטן געווארן, טראצדעם וואס יאסעלע האט איר יא דערמאנט.

דמנ'ס חזנות אלבום איז ערשינען דורך יוסף משה כהנא פון "לחיים". ווען כהנא האט עטליכע יאר צוריק ארויסגעגעבן א געדרוקטער באנד מיט'ן נאמען "זמירות שבת טיש", האט ער זיך געהאלטן געטריי צו דעם צענזור:
106.JPG
106.JPG (79.5 KiB) געזען געווארן 1756 מאל

107.JPG
107.JPG (81.87 KiB) געזען געווארן 1756 מאל


דמן און כהנא זענען אבער נישט געווען די ערשטע. ווי עס שיינט האט מען אין ליובאוויטש אויפגעטוישט די סטאנזא פון מרים הנביאה צו דעם מלך המשיח. פאלגנד זענען צוויי ביישפילן:



און פאלגנד איז א פילם פון הג"ר משה שמואל שפירא ז"ל פון צענדליגער יארן צוריק (עס שטייט נישט קיין דאטום), ווי ער זינגט סעודה'ניו מיט זיינע תלמידים, און לאזט אויס מרים הנביאה.


א לעצטיגער קליפ וואו אשי בלומענבערג זינגט מיט לחיימ'ס צענזורירטער ווערסיע.



אז איר ווילט היינט דעם אריגינעלן נוסח דארף מען הערן דעם "אידיש קלוב" פון בראנדייס אוניווערסיטעט:


אדער דעם משפיע ר' בצלאל עדווארדס:
רעדאגירט געווארן צום לעצט דורך ראובן אום זונטאג יולי 19, 2015 6:41 pm, רעדאגירט געווארן איין מאל בסך הכל.
באניצער אוואטאר
ראובן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1888
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2415 מאל
האט שוין באקומען לייקס: 7675 מאל

Re: די ווערסיעס פון דעם ליד "וואס וועט זיין אז משיח וועט קומ

הודעהדורך ליטוואק פון בודאפעסט » זונטאג יולי 19, 2015 6:37 pm

דאס באלאנגט אין אכשר דרא
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 5986
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2212 מאל
האט שוין באקומען לייקס: 5675 מאל

הודעהדורך ראובן » זונטאג יולי 19, 2015 6:43 pm

אז מ'רעדט שוין פון די פארשידענע נוסחאות, איז אויך ווערד צוצוברענגען צוויי אנדערע ווערסיעס וועלכע ערשיינען אין "יידישע פאלקסלידער", ארויסגעגעבן דורך נח פרילוצקי אין 1911. די ערשטע ווערסיע איז זייער ענליך צו אונזער ווערסיע, נאר אנשטאט מרים הנביאה ערשיינט דער קוויטל-שרייבער עזרא הסופר, אבער די צווייטע ווערסיע האט א סך שינויים.
108.JPG
108.JPG (27.34 KiB) געזען געווארן 1750 מאל

109.JPG
109.JPG (73.06 KiB) געזען געווארן 1750 מאל

110.JPG
110.JPG (53.34 KiB) געזען געווארן 1750 מאל

111.JPG
111.JPG (64.65 KiB) געזען געווארן 1750 מאל

112.JPG
112.JPG (23.79 KiB) געזען געווארן 1750 מאל
באניצער אוואטאר
ראובן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1888
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2415 מאל
האט שוין באקומען לייקס: 7675 מאל

הודעהדורך ירא שמים » זונטאג יולי 19, 2015 6:59 pm

מרימ'ס טאנצן איז לכאורה באזירט אויף דעם פסוק, "ותקח מרים הנביאה אחות אהרן את התוף בידה, ותצאנה כל הנשים אחריה בתופים ובמחולות." אבער קענען דען חרדישע אידן צולאזן אז מרים זאל טאנצן, ר"ל? זעען מיר דא עטליכע מהלכים וויאזוי מ'האט זיך געספראוועט מיט מרימ'ען.
דארט האט זי געטאנצט מיט די נשים , אבער וואו געפונען מיר אז א אשה זאל טאנצן פאר מענער ?! ס׳דאך לאו מר בר רב אשי חתום אויף דעם ניגון .
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2668 מאל
האט שוין באקומען לייקס: 992 מאל

הודעהדורך בן אדם » זונטאג יולי 19, 2015 8:21 pm

ווי אזוי שטעלן זיי זיך פאר וועט שוין אויסקוקען מרים הנביאה'ס א טענצל ? זיי וואלטן ענדערש געדארפט עפלייען פאר א מחלת בת ישמעאל טאנץ.
באניצער אוואטאר
בן אדם
חבר ותיק
חבר ותיק
 
הודעות: 2768
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 2805 מאל
האט שוין באקומען לייקס: 1313 מאל

הודעהדורך יתרו » זונטאג יולי 19, 2015 8:42 pm

ירא שמים האט געשריבן:
מרימ'ס טאנצן איז לכאורה באזירט אויף דעם פסוק, "ותקח מרים הנביאה אחות אהרן את התוף בידה, ותצאנה כל הנשים אחריה בתופים ובמחולות." אבער קענען דען חרדישע אידן צולאזן אז מרים זאל טאנצן, ר"ל? זעען מיר דא עטליכע מהלכים וויאזוי מ'האט זיך געספראוועט מיט מרימ'ען.
דארט האט זי געטאנצט מיט די נשים , אבער וואו געפונען מיר אז א אשה זאל טאנצן פאר מענער ?! ס׳דאך לאו מר בר רב אשי חתום אויף דעם ניגון .

ווי זאגט דער ניגון אז זי וועט טאנצן פאר די מענער?
בו בשעה ווען די מענער וועלן זיין פארנומען מיטן שור הבור און לויתן וועט זי טאנצן ביי די פרויען.
א טיפיקעל עקזעמפל ווי דער דמיון מאכט א מענטש הערן זאכן וואס איז קיינמאל נישט געזאגט געווארן...
לייק מיך יא לייק מיך נישט, כהאדיר עניוועי אין דר'ערד.
יתרו
ידיד ותיק
ידיד ותיק
 
הודעות: 650
זיך רעגיסטרירט: זונטאג דעצעמבער 09, 2012 11:32 pm
האט שוין געלייקט: 424 מאל
האט שוין באקומען לייקס: 577 מאל

הודעהדורך ודי למבין » זונטאג יולי 19, 2015 9:01 pm

ראובן! די בעסט!
באניצער אוואטאר
ודי למבין
ידיד ותיק
ידיד ותיק
 
הודעות: 600
זיך רעגיסטרירט: מיטוואך יאנואר 30, 2013 3:22 pm
האט שוין געלייקט: 888 מאל
האט שוין באקומען לייקס: 454 מאל

הודעהדורך ברסלבער » זונטאג יולי 19, 2015 10:06 pm

זייער אינטערעסאנט. דאס ערשטע מאל וואס איך הער פון מרימ'ן אין דעם ניגון. יישר כח ראובן.
דער חידוש איז אז קיינער האט זיך נישט גענומען די מי צו זאגן אז מען האט ארויסגענומען א חלק פונעם ניגון און אנגעבן א סיבה דערצו.
די וועלט זאגט אז שכחה איז א חסרון, און איך זאג אז עס איז א גרויסע מעלה. אזוי קען מען פארגעסן אלע צרות און פראבלעמען און אנהויבן יעדן טאג פון ניי. (רבי נחמן מברסלב)
באניצער אוואטאר
ברסלבער
חבר ותיק
חבר ותיק
 
הודעות: 2023
זיך רעגיסטרירט: דינסטאג נאוועמבער 27, 2012 12:07 pm
האט שוין געלייקט: 4333 מאל
האט שוין באקומען לייקס: 3953 מאל

די ווערסיעס פון דעם ליד "וואס וועט זיין אז משיח וועט קומען?"

הודעהדורך ירא שמים » זונטאג יולי 19, 2015 10:20 pm

יתרו האט געשריבן:
ירא שמים האט געשריבן:
מרימ'ס טאנצן איז לכאורה באזירט אויף דעם פסוק, "ותקח מרים הנביאה אחות אהרן את התוף בידה, ותצאנה כל הנשים אחריה בתופים ובמחולות." אבער קענען דען חרדישע אידן צולאזן אז מרים זאל טאנצן, ר"ל? זעען מיר דא עטליכע מהלכים וויאזוי מ'האט זיך געספראוועט מיט מרימ'ען.
דארט האט זי געטאנצט מיט די נשים , אבער וואו געפונען מיר אז א אשה זאל טאנצן פאר מענער ?! ס׳דאך לאו מר בר רב אשי חתום אויף דעם ניגון .

ווי זאגט דער ניגון אז זי וועט טאנצן פאר די מענער?
בו בשעה ווען די מענער וועלן זיין פארנומען מיטן שור הבור און לויתן וועט זי טאנצן ביי די פרויען.
א טיפיקעל עקזעמפל ווי דער דמיון מאכט א מענטש הערן זאכן וואס איז קיינמאל נישט געזאגט געווארן...

און וועמנ׳ס דמיון מאכט עם הערן אז נאר די מענער גייען באקומען א שטיקל פונ׳ם שור הבר לויתן ?!
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2668 מאל
האט שוין באקומען לייקס: 992 מאל

הודעהדורך פליקער » זונטאג יולי 19, 2015 11:08 pm

איך האלט עס איז כדאי צי פארברייטערן די אשכול, און פראבירן צי דערשיפערירן די ליריקס פון יאסעלעס אידישע ניגונים וואס זענען אים פארשטענדליך, ווייל ווי איך זעי זענען דא פארהאן ידיעות איבער געדריקטע ליריקס, א חלק קען איך, אבער א חלק איז שווער צי פארשטיין, ברויכען מיר זיך ציזאמען זאמלען און נעמען ניגון נאך ניגון און מסדר זיין, ווי צים ביי שפיל 'יארצייט ליכט', 'קלי קלי', 'די נבואה', 'דער טליתל' און דאס גלייכן.
Stay away from negative people
they have a problem for every solution

קענסער קאפיטל 1 (הקדמה) קענסער 2 קאפיטל 3קאפיטל 4קאפיטל 5
באניצער אוואטאר
פליקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1651
זיך רעגיסטרירט: פרייטאג פעברואר 28, 2014 1:45 pm
האט שוין געלייקט: 1124 מאל
האט שוין באקומען לייקס: 3447 מאל

די ווערסיעס פון דעם ליד "וואס וועט זיין אז משיח וועט קומען?"

הודעהדורך ירא שמים » זונטאג יולי 19, 2015 11:11 pm

מה זה ״דערשיפערירן די ליריקס״ ?
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2668 מאל
האט שוין באקומען לייקס: 992 מאל

הודעהדורך ראובן » מאנטאג יולי 20, 2015 4:12 pm

להשלמת הענין, איז אויך כדאי צו ברענגען א פאראדיע פון דעם ליד, דורך דער בארימטער אידישער אקטריסע מאלי פיקאן.


וואָס זשע וועט זײַן אַז משיח וועט קומען קיין ניו-יאָרק?
אַז משיח וועט קומען קיין ניו-יאָרק
וועלן מיר מאַכו אַ סעודהניו.
אין YM און YWHA און אַלעס וועט דאַמאָלס זײַן OK

אַז משיח וועט קומען קיין ניו-יאָרק SOMEDAY
וועלן מיר זינגען און טאַנצן היי היי
אַז משיח וועט קומען צו גיין
ניט אויף אַ פֿערד נאָר אויף אַן אייראָפּליין
וועט אַיעדער ייִד אין אַן אויטאָמאָביל
אים באַגעגענען אויף LAGUARDIA FIELD
משיח וועט זיצן אין אַן אָפֿענע CAR
אויף BROADWAY פֿאָרן ווי אַ HOLLYWOOD STAR

בײַם CITY HALL וועט דער MAYOR שטיין
און באַגריסן משיח גאַנץ שיין.
און דערנאָכדעם וועט זײַן אַ באַנקעט
HOTDOGS וועלן מיר עסן דאָרט YOU BET
KATE SMITH וועט קומען ABSOLUTELY FREE
גאָט בענטש אַמעריקע זינגען וועט זי
אויף אַן אייראָפּליין וועט ער פֿליִען
אויף טיש און בענק וועט זיך טען
אַז משיח וועט קומען קיין ניו-יאָרק.
בײַם באַנקעט וועלן מיר זינגען פֿײַן
לאָמיר אַלע אין איינעם אין איינעם
משיח מקבל-פּנים זײַן
אַ SPEECH וועט קיינער ניט מאַכן נאָר
משיח וועט קריגן דעם FLOOR
דערנאָך דעם וועלן מיר האָבן אַ HIGH CLASS SHOW

משיח וועט מאַכן אַ SPEECH אויפֿן RADIO
THE BAND וועט שפּילן אַ ייִדישע LA CAÑA
טאַנצן וועט ניט מרים נאָר MADAME LASAGNA
בײַם באַנקעט וועלן מיר זינגען פֿײַן
לאָמיר אים מקבל-פּנים זײַן
אַז משיח וועט קומען קיין ניו-יאָרק.
נאָכן באַנקעט וועלן מיר נעמען משיח
אין אַ SWELL HOTEL אויסצורוען זיך
און ער וועט זאָגן פֿרײַנדע מײַנע
EXCUSE ME איך מוז נעמען א וואַנע.
דער ערשטער וווּנדער וועט באַווײַזן משיח
אַז האָר זאָל וואַקסן אויף אַיעדען פּליך
ווײַבער וועלן מער ניט שקלאַפֿן אין KITCHEN
און ענגע שיך וועלן אונדז מער ניט דערקוטשען
אַ נײַעם אויטאָמאָביל וועט אַיעדער קריגן
מע וועט אויסהרגענען אלע מאָסקיטעס און פֿליגן
בראָנזוויל וועט צוריק קריגן אירע ציגן
אוי אַז משיח וועט קומען קיין ניו-יאָרק!


מקור
באניצער אוואטאר
ראובן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1888
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2415 מאל
האט שוין באקומען לייקס: 7675 מאל

Re: די ווערסיעס פון דעם ליד "וואס וועט זיין אז משיח וועט קומ

הודעהדורך chaims » מאנטאג יולי 20, 2015 4:43 pm

עפעס איז דא א ווערטל פון דזיגון וואס איז די מציאה פון זעהן א פיהר טויזענד יעריגע יידענע הייבן א פיס...

I can't believe I just said that...
chaims
ידיד השטיבל
ידיד השטיבל
 
הודעות: 201
זיך רעגיסטרירט: דינסטאג יולי 31, 2012 8:42 pm
האט שוין געלייקט: 194 מאל
האט שוין באקומען לייקס: 74 מאל

הודעהדורך ראובן » מאנטאג יולי 20, 2015 6:47 pm

דא איז א העברעאישע ווערסיע פון דעם ליד. אין דעם נוסח פרעגט מען "מי ישיר לנו בסעודה הזאת?" און מען ענטפערט, "דבורה הנביאה."

http://www.zemereshet.co.il/FlashPlayer ... rf_id=2685
באניצער אוואטאר
ראובן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1888
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2415 מאל
האט שוין באקומען לייקס: 7675 מאל

די ווערסיעס פון דעם ליד "וואס וועט זיין אז משיח וועט קומען?"

הודעהדורך ירא שמים » מאנטאג יולי 27, 2015 2:07 am

א הערליכע באשרייבונג אויף אייוועלט וועגן צענזור פון לחיים כאפט אריין איידער ס'ווערט פארשווינדען פרייליכע נייעס גירוש געפלאנט @ראובן בוסטו אפשר דער ניק טהור עיניים פון דארט ?
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2668 מאל
האט שוין באקומען לייקס: 992 מאל

א סוכה א קליינע

הודעהדורך אויבערלענדער חכם » דינסטאג אוגוסט 04, 2015 6:53 pm

אין די באקאנטע ליד "א סוכה א קליינע" [געשריבען דורך די אידישיסט אברהם רייזען] האבען די Rabbi's sons [הללו 1976] געביטן פון "דאס ערשטע געריכט עס טראגט מיר מיין ווייב באלד אריין" צו "צום ערשטן געריכט מיט א בלאסן געזיכט ברענגט מיר מיין טעכטערל אריין".
אויבערלענדער חכם
ידיד השטיבל
ידיד השטיבל
 
הודעות: 340
זיך רעגיסטרירט: דינסטאג מאי 05, 2015 2:13 am
האט שוין געלייקט: 290 מאל
האט שוין באקומען לייקס: 565 מאל

הודעהדורך שש משזר » דינסטאג אוגוסט 04, 2015 7:16 pm

לא נחשדו די Rabbi's sons מיטן האבן א פראבלעם צו זאגן די ווארט 'ווייב'...
מיר זעט ענדערש אויס, אז זיי האבן גענוצט דאס ווארט 'טעכטער'ל' פשוט ווייל דאס סאונדט זיסער. והא ראי', שאמרו טעכטערל און נישט 'טאכטער'.
באניצער אוואטאר
שש משזר
חבר ותיק
חבר ותיק
 
הודעות: 3334
זיך רעגיסטרירט: מאנטאג מערץ 30, 2015 11:55 pm
געפינט זיך: צווישן די הרי חושך און הר ההר.
האט שוין געלייקט: 6757 מאל
האט שוין באקומען לייקס: 15178 מאל

או דילמא יש לומר

הודעהדורך אויבערלענדער חכם » דינסטאג אוגוסט 04, 2015 7:21 pm

או דילמא יש לומר, ש'טאכטער' עדיין משמע שהיא גדולה, ואם כן לא תיקנו כלום במה שהשמיטו את האשה, לכן דקדקו בלשונם לומר "טעכטר'ל" שמשמע קטנה פחותה מבת הרהור.
אויבערלענדער חכם
ידיד השטיבל
ידיד השטיבל
 
הודעות: 340
זיך רעגיסטרירט: דינסטאג מאי 05, 2015 2:13 am
האט שוין געלייקט: 290 מאל
האט שוין באקומען לייקס: 565 מאל

הודעהדורך בן נריהו » מיטוואך אוגוסט 05, 2015 1:07 am

ירא שמים האט געשריבן:
מרימ'ס טאנצן איז לכאורה באזירט אויף דעם פסוק, "ותקח מרים הנביאה אחות אהרן את התוף בידה, ותצאנה כל הנשים אחריה בתופים ובמחולות." אבער קענען דען חרדישע אידן צולאזן אז מרים זאל טאנצן, ר"ל? זעען מיר דא עטליכע מהלכים וויאזוי מ'האט זיך געספראוועט מיט מרימ'ען.
דארט האט זי געטאנצט מיט די נשים , אבער וואו געפונען מיר אז א אשה זאל טאנצן פאר מענער ?! ס׳דאך לאו מר בר רב אשי חתום אויף דעם ניגון .

כשבא רבי אבהו לבי קיסר יצאו אמהתא דבי קיסר וכו' רבה דעמיה מדברנא דאומתיה וכו'.
בן נריהו
מאנשי שלומינו
מאנשי שלומינו
 
הודעות: 137
זיך רעגיסטרירט: זונטאג פעברואר 22, 2015 3:03 pm
האט שוין געלייקט: 290 מאל
האט שוין באקומען לייקס: 222 מאל

Re: די ווערסיעס פון דעם ליד "וואס וועט זיין אז משיח וועט קומ

הודעהדורך ירא שמים » מיטוואך אוגוסט 05, 2015 1:09 am

וואו איז די גמרא וואס דו ברענגסט ?
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2668 מאל
האט שוין באקומען לייקס: 992 מאל

הודעהדורך ליטוואק פון בודאפעסט » מיטוואך אוגוסט 05, 2015 7:55 am

כתובות יז.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 5986
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2212 מאל
האט שוין באקומען לייקס: 5675 מאל

הודעהדורך עמעזאן » דאנערשטאג אוגוסט 06, 2015 11:29 am

אין איי וועלט א צייט צוריק
והנה און נון האט געשריבן:גראדע אינטערעסאנט אז מ'האט דעם ניגון צוגעלאזט זינגן. איך בין אמאל געווען ביי א גרעסערע סאטמארע מהר''י מסיבה, מ'האט אנגעהויבן זינגן דעם ניגון סעודה'ניו האט דער רבי געהייסן אויפהערן דאס זינגן. בעיני ראו, פארוואס ווייס איך נישט.

יעצט פארשטיי איך שוין...
עמעזאן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1489
זיך רעגיסטרירט: מיטוואך אפריל 24, 2013 11:24 pm
האט שוין געלייקט: 886 מאל
האט שוין באקומען לייקס: 836 מאל

הודעהדורך פליקער » דאנערשטאג אוגוסט 06, 2015 1:32 pm

איך וואלט וועין גענימען דעם גאנצען ניגון אויף א טשאלאנדש, עס ברויך א דרינגענדע אמענדמענט.

איך פארשטיי נישט די גאנצע מעשה, מיר זינגען וואס וועט זיין ווען משיח וועט קומען, וואלט איך עקספעקטעד עפעס מער ווי א סעודעניא.

וואס סעודעניא איך בין אויף א שטרעינגע דייעט, מיר לעכצען אויף משיח פאר עפעס מער ווי א סלייס שור הבור, אדער א פארציע ליוויתן, יין המשומר איז בכלל נישט מיין זאך עניוועי, ווייל איך פלאן אהיים צי דרייוון נאך די סעודה, אויב שוין יא עפעס גשמיות דאן וואלט איך געגעיבן א שטיקעלע פארלאנג וואס איך ברויך האבן ביי די סעודה, איך ברויך דארט האבן ווייפיי אדער 5G מיט שטארקע סענטראל ערקאנדישן, עפעס מער ווי נאר דוד המלך, איך קען באשטיין שירה מיט ידודים אויך שלום מאכן מיט מזמרים, אויך סימפיני אדער פריילעך, א געהעריגע מייק סיסטעם, אפשר לאזן מאנא אנפירן, חוץ תורה זאגן אדער בענטשען ברויך איך יארמע רב אדער מאדי, אויב יעקל מייסן וועט תשובה טיען דאן זאל ער אויך אויף טרעטן פאר אביסל, פאר טאנצען וויל איך דייקי נישט מרים הנבואה, איך האב אנדערע אין מיינד, איך וואלט געראטן משיח זאל ערלויבן איינעם פון נישט אידישן אפשטאם, אדער אויסלערנען א אידיש קינד געהעריג טאנצען, פליז נישט א רבי אדער א רבצן, ווייל זיי זענען בדרך כלל נישט פיט פאר א געהעריגע טאנץ ליפא שמעלצער אדער מיכל דזשקסאן סטייל.

אויך פארלאנג איך פערזעינלעך עס נישט צי מאכן אינעם עורה של לוויתן עס זעיט מיר אויס נישט פריינטלעך, אויך ביטע מיר זאגן ווען די לוויתן גייט זיך שלאגן מיטן שור הבור ווייל דאן וויל איך נישט זיין, איך בין זייער ערפינדלעך צי עזעלכע זאכן, אפשר דאך קען מען לאזן דעם שור הבור גיין פריי, פליז מיר זענען מסכים אויף פרוכט מיט וועדזשי'ס.

אקעי איך בין זיכער אז אלעס איז העכערע זאכן סא פליז נישט לאזן טוישן דעם מקובל'דיגע וועיג וואס מיר זינגען שוין דורי דורות, ביטע לאזן פלאץ פאר די מרים טאנץ.
Stay away from negative people
they have a problem for every solution

קענסער קאפיטל 1 (הקדמה) קענסער 2 קאפיטל 3קאפיטל 4קאפיטל 5
באניצער אוואטאר
פליקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1651
זיך רעגיסטרירט: פרייטאג פעברואר 28, 2014 1:45 pm
האט שוין געלייקט: 1124 מאל
האט שוין באקומען לייקס: 3447 מאל

הודעהדורך ראובן » דאנערשטאג אוגוסט 06, 2015 3:41 pm

אגב, דער זוהר שרייבט שוין אז דער שור הבור און יין המשומר זענען נישט כפשוטם, און דער רמ"ע מפאנו שמועסט דאס אויך אויס באריכות אין "עשרה מאמרות".
באניצער אוואטאר
ראובן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1888
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2415 מאל
האט שוין באקומען לייקס: 7675 מאל

נעקסט

גיי צוריק מוזיק!

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט