זאכן וועלכע רעגן מיר אויף!

[וואלווי]

דערמאנסט מיך פון א מעשה כ'האב אמאל געהערט פונ'ם זיידען אז ווען ס'געווען ביפערס האבן מענטשען אויסגעלאזט איינע די זיבען נאמבערס לדוגמה 851732, האט מען זיך געבראכן קאפ...

[בן ישי]

איך האב באקימען א phone call פון G&G אז זיי האבן א היסארישע סעיל, וואס איז? די ערשטע מאל וואס די גאנצע געשעפט איז 40% אראפ! אבער איך בין נישט פון די וואס לאזן זיך נארן אזוי שנעל איך דארף וויסן וואס די requirements זענען, האב איך צוגעווארט ביז כ'האב געזעהן זייער עד אין לוח הציבור אין מיינע אויגן זיכן גלייך די קליינע אותיות צו זעהן וואס איז די סוד... שוין זעה איך אז ס'שטייט cash and carry only נו מ'וועט נישט קענען ניצן דעם קרעדיט קארטל אבער ס'לוינט זיך א היסטארישע סעיל אויף די גאנצע געשעפט!
נו די בגדים פון די געשעפטן האלטן זיך אייביג פון איין סעיל צום צווייטן בין איך אהינגעגאנגען זעהן צו ס'דא עפעס אינטערסאנט פאר מיר
איך קים אריין אין געשעפט איז געווען א גרויסע עולם האב איך פרובירט זיך דערווייל אליינס א עצה צו געבן איך קיק ארים איך נעם אראפ זאכן וואס געפעהלן מיר, נו ס'דאך שוין דורך פסח אין שבועות זינט איך האב געקויפט דאס לעצטע מאל דארף מען דאך וויסן וועלכע סייז צו נעמען
שטעל איך מיך אריין אין די רייע ווארטן פאר די "פראפעסינעלע געלערנטע שניידער"
אזוי שטייענדיג אויף די רייע באמערק איך פלוצלינג אן אומשילדיג צעטל אויפן וואנט אין מיין בליט נעמט זיך קאכן!! אויפן צעטל שטייט אזוי
no alterations is 40% off with alterations only 20% off.
איך געדענק נישט אויב כ'האב אמאל געהאט וואס די סחורה זאל מיר זיין ווי געמאסטן אין איך זאל עס גלייך קענען נעמען, איך געב עס אלעמאל אריין אין איך מיין אז רוב מענטשן געבן עס אריין צו פארעכטען!
די חוצפה פון שרייבן וועגן א היסטארישע סעיל פון 40% די גאנצע געשעפט אין נישט שרייבן קיין ערגעץ אז דאס איז נאר אן alterations חוץ פון קליינע צעטלעך אינעם געשעפט איז א זאך וואס רעגט מיר באמת אויף!
פארשטייט זיך אליינס אז כ'האב אלעס איבערגעלאזט אין געגאנגען צו זיין קעגנער וואס האט יעצט אויך א סעיל וואס כאטש כ'האב זייער נישט ליב זיין סירוועס האט ער מיך דערווייל נישט אויסגענארט.

GB האט זיך צוגעכאפט צו דעם אין זיי אדווערטייזן אז זייער סעיל רעכנט אריין אלטירעישינס.
ווען קימט גלויבערס צו בארא פארק? מ'דארף נאך קאמפעטישען.

[שמעקעדיג]

זייער אסאך סייטס, און אפילו עפפס, ווען איך וויל ליינען אן ארטיקל אדער קאמענט, ווייזן זיי נאר אפאר שורות און דערנאך קען מען דרוקן "read more" צו ליינען דעם המשך.

אסאך מאל קען מיר אויסקומען דאס צו דרוקן צענדליגער מאל א טאג, צב"ש ווען איך לייען די קאמענטס און יעדע הערה מיט מער פון 20 ווערטער קומט מיט 3 פינטלעך ביים סוף מיט די אפציע 'ריעד מאר'.

א באנדע בהמות! פארוואס בין איך געקומען דא, נישט כדי צו ליינען? פארוואס טראכסטו אז איך וויל נאר ליינען די ערשטע צוויי פאראגראפן פון די נייעס און בלייבן שטיין אינמיטן? פארוואס טראכסטו איך וויל נאר ליינען די ערשטע 2 שורות פון יעדע קאמענט ותו לא?

א מין משוגעת דאס. אן קיין שום נארמאלע סיבה.

[[NAMELESS]]

מחשש אפיקורסת

[shtriemel]

אויפ'ן אינטערנעט זאגען זיי אז די סיבה איז געווענטליך פאר אדווערטייזינג. כגון page ranks וכדו'

זיכענדיג האב איך געטראפען די פאלגענדיגע ארטיקעל. זיי האבען געוואלט וויסען וויפיל מענטשען ליינען אן ארטיקעל ביז'ן סוף. די תוצאה איז איום ונורא. קיינער ליינט שוין אפילו נישט. דער עולם לינקט, טוויטערט און קאמענטירט אן ליינען דער גאנצע!

מ'זעט עס דא אין ק"ש אויך!

ווער דען ליינט אלעס וואס מ'קליקט זיך אן? איך זיכער נישט - ממילא איז דאס קעפעל די וויכטיגסטע. ביי מיר איז דאס א חידוש נפלא.

http://www.slate.com/articles/technolog ... ticle.html

[שמעקעדיג]

די עלעקטראנישע סיינס אויפ'ן וועג!

איך פלי אדורך דעם טרואוועי אויף 60 מפ"ש, איך זעה פונדערווייטנס א סיין מיט אומקלארע אראנדזשע אותיות. איך קום נענטער, זעה איך
Starting from Sept 4
עד כאן.
די לעצטע רגע פאר'ן אדורכפליען דעם סיין, זעה איך מיט א האלבע אויג אז דער סיין האט זיך געטוישט. דאכט זיך עס איז געשטאנען
road work at night

וואס איז די משוגעת דערפון אז דער מעסעדזש מוז אייביג זיין צעטיילט אין צוויי חלקים, און יעדע חלק ערשיינט פאר 3-4 סעקונדן, און אזוי טוישט זיך עס ארום הין-און-צוריק?

ע"פ רוב איז נישטא גענוג צייט פאר א דרייווער וואס פארט שנעל אפליינען ביידע חלקים פונעם מעסעדזש. אויסער דעם וואס עס שטערט, ווייל פארוואס זאל מען 2 מאל אוועקנעמען די אויגן פונעם ראוד צו ליינען דעם מודעה? און אויסער דעם וואס די אותיות זענען זייער נישט לעהזבאר, איז די עיקר קשיא פארוואס ווארטן 4 סעקונדעס ביז דו טוישט דעם חלק ב' פונעם מעסעדזש? רוב דרייווער פארפאסן עס!

[berlbalaguleh]

שמעקעדיג: דו ביסט 50% גערעכט. די עוולה איז אז זיי צוטיילן דעם מעסעדזש וואס טוישט זיך אייביג. אבער די עצם סיין האבן זיי שוין פאר די לעצטע פאר יאר אנגעהויבן ארויפצולייגן די מיני סיינס. און זיי האבן אייביג געשריבן די פאלגענדע ווערטער..."דיס איז עי טעסט מעסידזש"...ווייל למעשה די קאליר ..."עמבער".. נישט געיל, אויף א שווארצן בעקגראונד איז זייער שטארק אנזעהבאר..!

[שמעקעדיג]

די קאליר בעצם שטערט מיך נישט. נאר פארוואס יעדע אות האט א מאקסימום פון 7 פיקסעלס בערך...

[berlbalaguleh]

שמעקעדיג: מסתמא ווייל ס'איז א פאבליק אנאונסמענט. און ס'איז נישט דא קיין געלט דערין. זוכן זיי נישט צו ענהענסן (פארשטערקערן) דעם פיקטשער/מעסידזש...!

[ליטוואק פון בודאפעסט]

האסט נישט געקענט שרייבען איידעל? גייט׳ס נישט צוליעב שמירת עינים?! וואס איז דער שנאה המצבצת פון יעדער ווארט? ווען מ׳האלט אז די ספרים וואס מ׳פארקויפט טויגען נישט, מעג מען עס אויסזאגען, מ׳דארף זיך נישט שעמען צו זארגען וועגען קטני הדעת וואס מיינען אז מחלוקת אויף א שיטה איז שנאה. אבער דאס איז סתם פערזענליך אטאקירט פאר אנדערע מעשים און שטעכעריי מיט אומזיסטע גריבעלען אין די כוונות הנסתרות.
פעך

Sent from my LG-K373 using Tapatalk

[ונבנתה העיר]

כ'בין נישט באקאנט מיט די יעצטיגע פרטים, אבער דער משגיח דשם האט אלטע חשבונות מיט חב"ד.

[איך אויך]

זייט יענע באקאנטע אזכיר על הציון בריוו...

[מפוזרי]

ער שרייבט דאך בפירוש אז ער איז בייז פארוואס מען פארקויפט נישט זייער מהדורא מאור עינים

[ליטוואק פון בודאפעסט]

ווען איך ברענג עפעס וואס רעגט מיר אויף, לייקט מען און רעאגירט מען. ווען איך ברענג עפעס וואס מאכט מיר צופרידען, מאכט מען זיך נישט וויסענדיג

[וואלווי]

ווען איך ברענג עפעס וואס רעגט מיר אויף, לייקט מען און רעאגירט מען. ווען איך ברענג עפעס וואס מאכט מיר צופרידען, מאכט מען זיך נישט וויסענדיג

כדי צו ענפערען דיין קלאץ קשיא דארף מען טיפער אריין קריכען און זען וואס זענען די צדדים דא.

איז אזוי. מ'דארף קודם פארשטיין צו דיין קשיא איז מצד דיין צופרידענקייט און רעגעניש אדער מצד די לייענערס אינטערעסע אדער העדר אינטערעסע.

את"ל מצד די לייענער דארף מען קלערען אזוי. פארוואס אינטערסירט מען זעך אין רעגענישען בכלל? קען זיין איינס פון צוויי, אדער ווייל יענער האט איידענטיפייד ביי זיך אויך די רעגעניש, קומט אויס אז ס'איז שלי שלך און שלך שלי, אדער ווייל ער פרייט זיך אז די רעגסט זיך און ער נישט קומט אויס שלך שלך און שלי שלי. ועכשיו נחזור לדין בדין מרובה מידה טובה, ווען מ'אינטערסירט זיך נישט ווען די ביסט ציפרידען קען ווידער זיין אן אדער אדער. אדער קיינער קערט נישט ממילא איז דאס שלי שלי שלך שלך, אדער איז דאס ווייל א יעדער האט ביי זיך די זעלבע ציפרידענקייט און ס'איז גארנישט מוסיף קומט אויס שלי שלך און שלך שלי. קומט אויס אז מ'האט א גזירה שוה אז סיי ביי די רעגעניש און סיי ביי די ציפרידענקייט איז דא שלך שלך שלי שלי און שלך שלי שלי שלך, והשתא דאתית להכא איז היינו הך מצד די לייענערס ווייל ס'דא ביידע דינים ביי ביידע צדדים צוגלייך.

מוז זיין אז די אז די קשיא איז מצד דיין צופרידענקיייט און רעגעניש. איז דיין רעגעניש די זעלבע ווי דיין ציפרידענקייט? קען זיין אז פשוט פשט איז אזוי. פארוואס רעגט מען זיך? אדער זענען זאכען וואס באדערען נארמאל כסדרן און רעגעניש שלא כסדרן, אדער ווייל וואס מער אפטער ס'באדערט אלס מער רעגט מען זיך קומט אויס אז רעגעניש איז גאר שטארק כסדרן. יעצט ווייטער ביי ציפרידענקייט וואס איז די סברא? אדער ווייל מ'איז ציפרידען אז אלעס איז נארמאל כסדרן אדער קען זיין ווייל אז וואס מער ס'גלאנגט שוין יא עפעס איז דאס נאך מער שלא כסדרן. איז דער מקבל חוזר ומלמד פאר'ן משפיע אויכעט א מה מצינו פון היינו הך, אז מצדך קען זיין סיי רעגעניש מחמת כסדרן און שלא כסדרן און סיי ציפרידענקייט קען זיין סיי מחמת כסדרן און שלא כסדרן, קומט אויס אז אלעס איז אייניג, וחובשנא הדין כחושבנא הדין.

ס'דיר נאך אלס עפעס שווער?

[גראף]

אשפ''ג!!

[ליטוואק פון בודאפעסט]

און יעצט דארף איך האבען א קאפוויי צו זוכען די לאך אין דיין ווערטער?

[ברוך שפינוזה]

מענטשן וואס זענען פארנומען אגאנצן טאג זיך צו פראומאוטן, מאכן דראמא פון זיך.
העלא!!! פאר 30 יאר צוריק האסטו אפילו נישט עקזיסטירט, און דו קענסט יעדע מינוט עקספייערן, און קיינער - ווי שטארק זיי קענען ביישטיין אז דו זאלסט מיינען אנדערש - אינטערעסירט נישט ווי קלוג און מושלם און געלונגען דו ביזט.

שוין... גענוג זיך גערעגט.

[אייז קריעם]

ווען מען קליקט אויף א לינק און מען באקומט א מעסעדש אז דער ווידיאו אדער קליפ איז מער נישט דא.

[שמעקעדיג]

איך ווייס נישט אויב ס'רעגט מיך אויף, עס נערווירט מיר אדער מאכט מיר לאכן, אדער גאר "אלל אף די עבאוו".

כנהוג קויף איך אסאך איין אויף עמעזאן. ביי רוב חפצים טשעק איך קודם סיי די רעוויאוס, און סיי די שאלות ותשובות וואס אנדערע קאסטומער פרעגן און ענטפערן.
די שאלות וואס מאנכע קאסטומערס פרעגן זענען צומאל אזוי מין אמעראציש און סטופיד, אז איך ווייס נישט ווי אזוי די בהמות קענען אפילו טייפן אויף א קאמפיוטער!
ווי צב"ש פרעגן שאלות אויף עלעקטראניקס אויב ס'קומט מיט א ווייער? אדער געוויסע קאמפיוטער צוגעהערן (למשל מייזלעך/סקרינס) צי עס ארבעט מיט ווינדאוס, בשעת עס איז מובן לכל בר דעת, אדער עס שטייט קלאר אין די דעסקריפשאן, איז צודרייט לכל הדעות. ואי אפשר לפורטם כי רבים הם.

איז פאראן נאך איינער דא וואס שטויסט זיך אן מיט אזעלכע אלטרע-נארישע שאלות און עס רעגט אים אויף?

[[NAMELESS]]

איך ווייס נישט אויב ס'רעגט מיך אויף, עס נערווירט מיר אדער מאכט מיר לאכן, אדער גאר "אלל אף די עבאוו".

כנהוג קויף איך אסאך איין אויף עמעזאן. ביי רוב חפצים טשעק איך קודם סיי די רעוויאוס, און סיי די שאלות ותשובות וואס אנדערע קאסטומער פרעגן און ענטפערן.
די שאלות וואס מאנכע קאסטומערס פרעגן זענען צומאל אזוי מין אמעראציש און סטופיד, אז איך ווייס נישט ווי אזוי די בהמות קענען אפילו טייפן אויף א קאמפיוטער!
ווי צב"ש פרעגן שאלות אויף עלעקטראניקס אויב ס'קומט מיט א ווייער? אדער געוויסע קאמפיוטער צוגעהערן (למשל מייזלעך/סקרינס) צי עס ארבעט מיט ווינדאוס, בשעת עס איז מובן לכל בר דעת, אדער עס שטייט קלאר אין די דעסקריפשאן, איז צודרייט לכל הדעות. ואי אפשר לפורטם כי רבים הם.

איז פאראן נאך איינער דא וואס שטויסט זיך אן מיט אזעלכע אלטרע-נארישע שאלות און עס רעגט אים אויף?

אין די q&a אויף א smartwatch, מער ציניש ווי נאריש...

[וואלווי]

טאקע א סמארטוואטש, ס'שוין געברענגט דברי חכמה...

[שמעקעדיג]

דערמאנונג!

ער"ח סיון תשע"ז

יא, כ'האב שוין מקיים געווען דעם מנהג און געזאגט היינט צופרי די תפלה פונעם של"ה הק', פאר גוטע קינדער. זאל הקב"ה מקבל זיין די תפלות לרחמים ולרצון אמן.

אבער פארוואס באקום איך יעדע 15 מינוט נאך א דערמאנונג צו זאגן די תפלה? וואס איז די משוגעת דערפון? פארוואס איז די סגולה געווארן מער מקובל ווי אלע אנדערע תרי"ג מצוות ואס מען דערמאנט מיר נישט דערוועגן נאכאנאנד? אפשר ווייל מענטשן רעדן זיך איין אז דאס איז א "איזי וועי אוט", אדער א "קוויק פיקס", און מען קען זוכה זיין צו גוטע קינדער דורך א 'שארטקאט' פון זאגן איינמאל א יאר א תפלה פאר 4 מינוט? "התפללתי ונושעתי"? די זעלבע בחי' ווי מענטשן דרייען איבער וועלטן ג' בשלח צו זאגן פרשת המן און ערווארטן אינסטענט רעזולטאטן צו ווערן אן עושר אדיר נאך בעפאר די נאכט פאלט צו?

צומאל קוק איך אן דעם עם חכם ונבון ווי א משוגענע פאלק. סגולות זענען זייער חשוב, אבער מען מאכט פונעם טפל אן עיקר און א עיקר פונעם טפל. מען לעבט אויף פאלשע האפענונגען און סגולות. די משוגעת ווערט ערגער פון יאר צו יאר... ממש א ליצנות!!

לאמיך אייך זאגן, רבותי! מען קען יעדן טאג אין יאר מתפלל זיין פאר גוטע קינדער, טראץ וואס ער"ח סיון איז אן עת רצון דערפאר. מען קען בעטן אויך פשוט'ע תפלות פון מויל/הארץ, לאו דוקא די לאנגע תפלה פונעם של"ה הק'. און אויסער תפלה פון טיפן הארצן (ד.ה. נישט בלויז 'יוצא זיין' די מנהג וואס הענגט אויף אלע פלאקאטן) וויל השי"ת אויך אביסעלע השתדלות מצדינו, מיר דארפן אינוועסטירן אין חינוך הבנים. אז מיר וועלן טון כל מה שבידינו און מתפלל זיין "כסדר", וועט מען זוכה זיין צו ערליכע קינדער בעז"ה.

געדענקט, אלול איז נישט קיין בער און תפלת השל"ה ער"ח סיון איז נישט קיין אינסטענט סגולה צו האבן גוטע קינדער. אלזא, הערט מיר אויף צו פייניגן און מיר מעורר זיין אזויפיל מאל אויף דעם שיינעם מנהג.

א דאנק,
צום ווידערזעהן ביים עירוב תבשילין רעמיינדער.

איך האלט נאך פאר'ן דאווענען, און איך האב שוין באקומען 4 רעמיינדערס.... טראגט אפ פון מיר!