וויליאמסבורג בארא פארק באס - חרפה היא לנו

ארטיקלען, אנאליזן, מיינונגען, געדאנקען, און שמועסן

וויליאמסבורג בארא פארק באס - חרפה היא לנו

הודעהדורך בן זכאי » דאנערשטאג פעברואר 18, 2016 6:54 pm

אלס בחור בין איך געווען א געטרייע קונה פון די וויליאמסבורג – בארא פארק באס ליניע, נעמליך בי110, שוין יארן וואס איך האב נישט ארויפגעטרעטן אויף די באסעס, מיט קיין אנגענעמע זכרונות בין איך נישט געבליבן פון מיינע נסיעות [מערסטנס שטייענדיג] און איך אייביג פרובירט צו פארמיידן דעם קאשמאר פון אזא נסיעה, לעצטנס האט זיך מיך געמאכט אז איך האב געדארפט פארן אויף די ליניע, איך האב מיך געוואלט שפארן דעם צוואנציגער וואס קאסט א קאר סערוויס און די דבר תורה וואס ס'קאסט א היטש, און ווי א וואוילער איד האב איך גענומען דעם דריי דאלער און א קוואדער און זיך ארויפגעשטיפט מיט נאך א פופציג אידן אויף די באס וואס פארמאגט ארום דרייסיג זיץ פלעצער, און די אמאליגע קאשמאר זענען מיר צוריק ארויפגעקומען, אבער מיט מיין היינטיגע שכל פרוביר איך צו פארשטיין, ווי איז דער ציבור? פארוואס לאזט מען זיך שפייען אין די קאשע דורך א געלדגייציגער בעל הבית וואס נוצט זיין מאנאפאל מיט א עקלהאפטיגע אראגאנץ?
די סערוויס פון די פירמע האט נישט איר'ס גלייכן אפילו צווישן אונזערע היימישע געשעפטן וואס צייכנען זיך נישט אויס אין קאסטומער סערוויס, עס איז א זעלטנהייט פון א פירמע וואס פונקציאנירט בכלל נישט ווי א צוויי זייטיגע אונטערנעמונג פון א קאמפאני מיט קליענטן, די אפאראט פונקציאנירט גענצליך אן זיך וויסנדיג מאכן פון די געברויכן פון זיינע קאסטומערס, ער פייפט אויפ'ן עולם, ער לאכט זיך אויס, ווען האט איר די לעצטע מאל געזען אז ער עדווערטייזט בכלל אדער אז ער טוט סיי וועלכע זאך וואס צייגט אז ער זוכט צו זיך אהערשטעלן פאר זיינע קליענטן, עס קוקט עפעס אויס ווי ער שטעלט צו א סערוויס פאר וועלכע מיר אלע דארפן אים אפלאדירן און זיין דאנקבאר.
איר האט אמאל געזעהן אז ער זאל צושטעלן מער באסעס ווייל עס איז א פארנומענע סעזאן? איר האט אמאל געזעהן אז ווען עס איז א אייז קאלטע וועטער זאל ער צושטעלן נאך איין באס אז מען זאל נישט דארפן פרירן פאר קעלט? בכלל ווען איז געווען די לעצטע מאל וואס ער האט עפעס געטוישט לטובת די רייזנדע?
און דער ציבור נעמט עס אן גלייכגילטיג, מען האט זיך שוין עפעס צוגעוואוינט אז מען קען גארנישט טון, די מערסט באנוצטע טראנספארטאציע ליניע פון היימישע אידן באלאנגט צו א מאנאפאל וואס טוט ככל העולה על רוחו, און מיר קענען נאר שלום מאכן מיט די מצב, פארן אין איבערגעפולטע באסעס, אן די מינדעסטע באקוועמליכקייט, לאמיר נעמען אזא רשעות פון אפילו נישט צושטעלן א נארמאלע סיסטעם צו באצאלן, ווילסט נישט געבן קיין טשעינדש? אקעי, אפשר שטעלסטו צו א מעגליכקייט פון צאלן מיט א קרעדיט קארטל אדער באקומען קרעדיט אנשטאט טשעינדש? וואס עפעס! פאר וועמען? עולם גולם וועט דאך ווייטער פארן א שאד יעדע פעני.
און די דרייווערס איז א פרשה פאר זיך, עס זעהט עפעס אויס אז צו ווערן אנגענומען אלס דרייווער דארף מען זיין קוואליפיצירט אין בהמה'ריי, נישט קענען קיין ענגליש און שרייען ווי א הונט אויף די רייזנדע, א דרייווער וואס פארשטייט וואס די פאסאדשיר וויל? א דרייווער וואס קען רעכענען וויפיל פיר קוואדער'ס זענען? צו וואס ברויך מען דאס אבי זיי נעמען ווייניגער ווי זיבן דאלער א שעה, מי יאמר לי מה תעשה, די בהמות וועלן ווייטער צאלן די דריי סינגעלס מיט'ן קוואדער, זיך אפווישן די נאז און נישט אפילו קאמפלעינען [איז דען דא ווי? איר האט אמאל געזעהן א נאמבער ווי מען קען רופן פאר קאמפלעינס?]
און די באסעס? השם ירחם, גייט ארום אין אלע פופציג שטאטן און איר וועט נישט טרעפן אזעלכע באסעס קרוסירן אויף די שאסייען, זיי זענען אזוי אלט ווי די המצאה פון באסעס, זיי האבן נאך געטראגן די שארית הפליטה פון עליס איילענד קיין וויליאמסבורג ווארשיינליך, שמוציג, עקלהאפטיג, פארקלעבט, צוזאמענגעשטיפט, און ווער רעדט נאך פון די טאנצעריי, עס טאנצט און טאנצט ביז עס מאכט זיכער אז יעדע פאסאדשיר איבעלט שוין, עס זעהט אויס אז ער טאנצט אפילו באנאכט אין פארקינג לאט.
יעדן טאג וואס די וויליאמסבורג – בארא פארק באסעס קורסירט נאך אויף אונזערע גאסן איז א חרפה און א בושה פאר אונזער געמיינדע, עס מיינט מען קען אונז פירן אין באד, מען באקומט א מאנאפאל און מען דארף גארנישט זיך צושטעלן, איך ווייס נישט וואס קען געטוהן ווערן, איך האב פרובירט צו רופן צו די טראנזיט דעפארטמענט געבן א קאמפלעין אבער איך האב זיך עפעס נישט קיין עצה געגעבען, איך וויל הערן פון אייך, וואס קען מען טוהן? צו איז נישט העכסט צייט אז מען זאל קענען פארן נארמאל פון וויליאמסבורג קיין בארא פארק אן אריבערגיין דעם קאשמאר וואס רופט זיך די וויליאמסבורג בארא פארק באס?
בן זכאי
א גאסט אין שטיבל
א גאסט אין שטיבל
 
הודעות: 8
זיך רעגיסטרירט: זונטאג אוגוסט 31, 2014 4:27 pm
האט שוין געלייקט: 9 מאל
האט שוין באקומען לייקס: 58 מאל

הודעהדורך ליפא » דאנערשטאג פעברואר 18, 2016 7:10 pm

טראמפ 2020! טראמפ 2024! טראמפ 2028!
באניצער אוואטאר
ליפא
חבר ותיק
חבר ותיק
 
הודעות: 2116
זיך רעגיסטרירט: דינסטאג יוני 23, 2015 4:09 am
האט שוין געלייקט: 2271 מאל
האט שוין באקומען לייקס: 1843 מאל

הודעהדורך שמעון וואלף » דאנערשטאג פעברואר 18, 2016 7:12 pm

מיר קרענקט זייער ווען די איזראעליס קומען אהער און מאכן אפילס פאר זייער מהדרין באסעס בעת עניי עירך פארן ווי סארדינען און די וואגאנען.
באניצער אוואטאר
שמעון וואלף
חבר ותיק
חבר ותיק
 
הודעות: 2639
זיך רעגיסטרירט: זונטאג דעצעמבער 14, 2014 2:33 pm
געפינט זיך: אין דרום
האט שוין געלייקט: 4149 מאל
האט שוין באקומען לייקס: 2737 מאל

Re: וויליאמסבורג בארא פארק באס - חרפה היא לנו

הודעהדורך ירא שמים » דאנערשטאג פעברואר 18, 2016 7:37 pm

ממאכט אפילס פאר מהדרין באסעס?
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2669 מאל
האט שוין באקומען לייקס: 1007 מאל

הודעהדורך בן זכאי » דאנערשטאג פעברואר 18, 2016 9:34 pm

באקומען אין אישי די נאמבער פונעם ברוקלין די, או, טי קאמישאנער, ווער עס קען זאל אים קאנטקאקטירן און זיך אפרעדן:

Brooklyn Borough Commissioner Keith Bray
646-892-1350
בן זכאי
א גאסט אין שטיבל
א גאסט אין שטיבל
 
הודעות: 8
זיך רעגיסטרירט: זונטאג אוגוסט 31, 2014 4:27 pm
האט שוין געלייקט: 9 מאל
האט שוין באקומען לייקס: 58 מאל

הודעהדורך רימון » דאנערשטאג פעברואר 18, 2016 9:49 pm

די חוצפא פון העכערן פרייזן ווען גאז האלט אין איין פאלן איז אויך אומדערהערבאר.
בכל אופן צושטעלן אזעלכע דרייווערס וואס רעדן מאלפע שפראך צו די קאסטומערס איז א חוצפא נוראה.
רימון
שריפטשטעלער
שריפטשטעלער
 
הודעות: 262
זיך רעגיסטרירט: דינסטאג אקטאבער 21, 2014 9:12 pm
האט שוין געלייקט: 1145 מאל
האט שוין באקומען לייקס: 734 מאל

הודעהדורך בן זכאי » דאנערשטאג פעברואר 18, 2016 9:59 pm

צו ווייסט איינער מער פרטים ווער איז דער בעל הבית? עס איז אינטרעסאנט צו וויסן צו איז די קאמפאני טאקע אין אזא שווערע מצב אז זיי קענען זיך נישט ערלויבן נארמאלע באסעס און דרייווערס וואס נעמען מער ווי מינימום וועידש, איך ווייס נישט ווער די בעל הבית איז [לויט די רעקארדס א געוויסע דשעיקאב מערמעלסטיין] אבער לכאורה איז ער פשוט א געלדגייציגע מענטש וואס זוכט צו פארדינען נאך אפאר דאלער אויפ'ן חשבון פון כלל ישראל, און ווארשיינליך איז ער ערגעץ וואו אויך א נדבן און באקומט כבוד פאר'ן געבן געלט בשעת ער פייפט זיך אריין אין זיינע קליענטן.
בן זכאי
א גאסט אין שטיבל
א גאסט אין שטיבל
 
הודעות: 8
זיך רעגיסטרירט: זונטאג אוגוסט 31, 2014 4:27 pm
האט שוין געלייקט: 9 מאל
האט שוין באקומען לייקס: 58 מאל

Re: וויליאמסבורג בארא פארק באס - חרפה היא לנו

הודעהדורך קל וחומר » דאנערשטאג פעברואר 18, 2016 10:12 pm

אזוי פיל ווייסעך יא, אז ער האט א גרויסע באס פירמע וואס טראגט און ברענגט מענטשן פון מאנהעטן צום עירפארט וכו', דארט מאכט ער זיין גרויס געלט, די וויליאמסבורג בארא פארק באס איז נאר א צושפייז.
קל וחומר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1954
זיך רעגיסטרירט: פרייטאג דעצעמבער 04, 2015 4:42 am
האט שוין געלייקט: 3100 מאל
האט שוין באקומען לייקס: 2803 מאל

Re: וויליאמסבורג בארא פארק באס - חרפה היא לנו

הודעהדורך ראשעקאל » דאנערשטאג פעברואר 18, 2016 10:14 pm

ער איז נאך א צדיק אויך ווייל ער חזיר'ט אהן די באסעס מיט אמן ואמן
וואס פארט איבער די גאנצע וועלט אבער בלייבט אין איין ווינקעל?
א פאוסטעזש סטעמפ!!
באניצער אוואטאר
ראשעקאל
חבר ותיק
חבר ותיק
 
הודעות: 6105
זיך רעגיסטרירט: דאנערשטאג פעברואר 23, 2012 11:12 pm
האט שוין געלייקט: 7976 מאל
האט שוין באקומען לייקס: 5437 מאל

הודעהדורך יואב » דאנערשטאג פעברואר 18, 2016 10:35 pm

בן זכאי, געווענליך בין איך נישט קיין גרויסער, און דוקא א קנאפער חסיד פון ארטיקלען וועלכע קוקן אויס צו שטארק קעסטלדיג, עקסטרעם אדער איבערגעטריבן. (הגם כ'באנוץ מיך טאקע מיט א סך אדעקטיוון און בלאז אויף זאכן צו אן עקסטרעם צי ארויס פון פראפארץ, איז דאס נאר להגדיל השמייכל, נישט אין ערנסטע ענינים.)

ס'איז אבער א פלא נורא וויאזוי דער חיה רעה גייט אן מיט זיין אומהומאנטעריש ביזנעס ועולם כמנהגו נוהג. נישט אז כ'האלט אז ס'איז דא וואס אדער ווער צו טון, אבער ס'איז האר-אויפשטעלנד וויאזוי דער צייכנט זיך אויס מיט א סארט גרויליקייט אין ממש יעדן שטאפל פון דעם פארצווייגטן ביזנעס.

און דער יאלד האט נאך דעם נערוו אריימצושיקן זיינע סרוחה'דיגע וואגאנען איבער די שטעט גרויס צו מאכן דעם נאמען פון גאט מיט'ן אמנ'יזירן דאס מענטשהייט ערב בוקר וצהרים. כ'ווייס נישט ווער ס'איז דער בעל הבית, און איך בין נישט אינטערסירט צו וויסן. נעמט אייך דעם קידוש-לבנה'דיג אמן יהא שמיה רבא און ווישט דערמיט אונטער אייער קאלטבלוטיגע מחילה.
וועקער #18 - סטעי טונד!
באניצער אוואטאר
יואב
שריפטשטעלער
שריפטשטעלער
 
הודעות: 1615
זיך רעגיסטרירט: מיטוואך פעברואר 27, 2013 3:55 am
געפינט זיך: ב"ה אין אַ סטאַבּילן צושטאנד — דער ציבור ווערט געבעטן צו ווייטער מתפלל זיין.
האט שוין געלייקט: 6520 מאל
האט שוין באקומען לייקס: 5949 מאל

הודעהדורך קאווע טרינקער » פרייטאג פעברואר 19, 2016 12:20 am

ענק שפילן זיך מיט פייער!
צי ווייסען ענק וויפיל אידן זאגן שוין ב"ה ברכת התורה בחברותא א דאנק דעם באס?!
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8525 מאל

הודעהדורך שמעון וואלף » פרייטאג פעברואר 19, 2016 1:08 am

ירא שמים האט געשריבן:ממאכט אפילס פאר מהדרין באסעס?


זיכער. כ'מיין פאראיאר אדער צוויי יאר צוריק זענען שד"ר ארויסגעקומען צו די אמעריקאנער ברודער מעורר צו זיין אויף די וויכטיגקייט פון די מהדרין ליניע ירושלים - בית שמש און מ'דארף צושטעלן שיינע באסעס אז מ'זאל נישט האבן קיין נסיון צו פארן מיט אגד.

איך דערמאן מיך ווי איך פלעג מיך שלעפן קיין מאנהעטן מיט די אידישע באס, אדער ווען איך פלעג גיין מיט'ן ב"פ - וויליאמסבורג באס אונטער שרעקליכע אומשטענדן און דא קומען אפגעריסינע איזראעליס רייסן געלט פאר זייערע באקוועמליכקייטן
באניצער אוואטאר
שמעון וואלף
חבר ותיק
חבר ותיק
 
הודעות: 2639
זיך רעגיסטרירט: זונטאג דעצעמבער 14, 2014 2:33 pm
געפינט זיך: אין דרום
האט שוין געלייקט: 4149 מאל
האט שוין באקומען לייקס: 2737 מאל

וויליאמסבורג בארא פארק באס - חרפה היא לנו

הודעהדורך ירא שמים » פרייטאג פעברואר 19, 2016 1:17 am

אה דאס איז דאך אלס די מלחמה קעגן די ציונים… נישט סתם פאר באקוועמליכקייט! ווייל ווי יעדער ווייסט איז דא מהדרין באסעס בשופי פון אגד.
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2669 מאל
האט שוין באקומען לייקס: 1007 מאל

Re: וויליאמסבורג בארא פארק באס - חרפה היא לנו

הודעהדורך קול הלשון » פרייטאג פעברואר 19, 2016 1:21 am

וועלכע נאמבער דארף מען ריפען אריינצוגעבען א קלאגע קעגן די באס קאמפעני
קול הלשון
מאנשי שלומינו
מאנשי שלומינו
 
הודעות: 116
זיך רעגיסטרירט: מוצ"ש דעצעמבער 05, 2015 10:32 pm
האט שוין געלייקט: 21 מאל
האט שוין באקומען לייקס: 20 מאל

Re: וויליאמסבורג בארא פארק באס - חרפה היא לנו

הודעהדורך ירא שמים » פרייטאג פעברואר 19, 2016 1:31 am

פארוואס עפנט מען נישט קיין קאמפיטישאן?
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2669 מאל
האט שוין באקומען לייקס: 1007 מאל

Re: וויליאמסבורג בארא פארק באס - חרפה היא לנו

הודעהדורך ביליג » פרייטאג פעברואר 19, 2016 1:58 am

די בעה''ב הייסט יעקב מערמלשטיין איך האב שוין אפאר מאל גערעדט צו עים. ער האלט(אזוי זאגט ער לכה"פ) אז ער געט גיטע סערוויס.
און ווער עס וויל נישט זאל נישט פארן
ביליג איז טייער...
באניצער אוואטאר
ביליג
היימישער באניצער
היימישער באניצער
 
הודעות: 561
זיך רעגיסטרירט: דאנערשטאג מאי 07, 2015 10:54 pm
האט שוין געלייקט: 431 מאל
האט שוין באקומען לייקס: 347 מאל

Re: וויליאמסבורג בארא פארק באס - חרפה היא לנו

הודעהדורך ביליג » פרייטאג פעברואר 19, 2016 1:59 am

איך האב זיין טעלעפאן נאמבער אבער איך וויל עס נישט ארויף לייגן דא לעיני כל
ביליג איז טייער...
באניצער אוואטאר
ביליג
היימישער באניצער
היימישער באניצער
 
הודעות: 561
זיך רעגיסטרירט: דאנערשטאג מאי 07, 2015 10:54 pm
האט שוין געלייקט: 431 מאל
האט שוין באקומען לייקס: 347 מאל

הודעהדורך וכדומה.. » פרייטאג פעברואר 19, 2016 2:32 am

בן זכאי האט געשריבן: אפילו צווישן אונזערע היימישע געשעפטן וואס צייכנען זיך נישט אויס אין קאסטומער סערוויס, עס איז א זעלטנהייט


איך בין מסכים מיט וואס דו זאגסט לגבי די באסעס, אבער דעי ווערטער מוז איך מיך דינגען.

ס'האט זיך שוין געענדיגט די צייטן וואס ביי די היימישע געשעפטען האט נישט עקזעסטירט די ווארט סערוויס בכלל, ס'ווערט ב"ה בעסער און בעסער, די קאמפאטישען איז שוין היינט גענוג גרויס און מ'קען שוין נישט טוהן וואס מ'וויל,
צענדליגע היימישע געשעפטען וואס שטעלן שוין היינט צו סערוויס אויפן העכסטן סטאנדארט.

יא, ס'דא די פאר אויסגערופונע וואס האבן נאך די מאנאפאל אויף געוויסע מארקעטס, טוהן וואס זיי ווילן און האבן פארפאקט דעם עולם, געב עס נאך אפאר יאר און זיי וועלן זיך אויך צולערנען אדער ארויס גיין פון ביזנעס
וכדומה..
היימישער באניצער
היימישער באניצער
 
הודעות: 431
זיך רעגיסטרירט: מוצ"ש יאנואר 31, 2015 8:15 pm
האט שוין געלייקט: 2257 מאל
האט שוין באקומען לייקס: 730 מאל

הודעהדורך קאצקע ציקער » פרייטאג פעברואר 19, 2016 2:42 am

יא אמת ביזט גערעכט דזי ענד דזי האט זייער גיטע סערוויס...
באניצער אוואטאר
קאצקע ציקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1723
זיך רעגיסטרירט: פרייטאג אפריל 06, 2012 1:46 am
האט שוין געלייקט: 938 מאל
האט שוין באקומען לייקס: 876 מאל

הודעהדורך עמעזאן » פרייטאג פעברואר 19, 2016 3:00 am

ירא שמים האט געשריבן:פארוואס עפנט מען נישט קיין קאמפיטישאן?

עס דארף צו הייסען אז ער האט די בעלות ליגאל אויף די רוט.

און דאס אז ער איז נישט גורס ניי ווילימסבורג איז אויך א שטיקל טענה
עמעזאן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1972
זיך רעגיסטרירט: מיטוואך אפריל 24, 2013 11:24 pm
האט שוין געלייקט: 1034 מאל
האט שוין באקומען לייקס: 1073 מאל

הודעהדורך ליפא » פרייטאג פעברואר 19, 2016 3:02 am

עמעזאן האט געשריבן:
ירא שמים האט געשריבן:פארוואס עפנט מען נישט קיין קאמפיטישאן?

עס דארף צו הייסען אז ער האט די בעלות ליגאל אויף די רוט.

און דאס אז ער איז נישט גורס ניי ווילימסבורג איז אויך א שטיקל טענה

אפשר נישט. אונז רופן עס ניי ווילי, אבער אויפן מאפע איז עס קלינטאן היל. זיין באס איז בארא פארק -''וויליאמסבורג''
טראמפ 2020! טראמפ 2024! טראמפ 2028!
באניצער אוואטאר
ליפא
חבר ותיק
חבר ותיק
 
הודעות: 2116
זיך רעגיסטרירט: דינסטאג יוני 23, 2015 4:09 am
האט שוין געלייקט: 2271 מאל
האט שוין באקומען לייקס: 1843 מאל

Re: וויליאמסבורג בארא פארק באס - חרפה היא לנו

הודעהדורך בן זכאי » פרייטאג פעברואר 19, 2016 3:05 am

קול הלשון האט געשריבן:וועלכע נאמבער דארף מען ריפען אריינצוגעבען א קלאגע קעגן די באס קאמפעני

איך האב אויבן געשריבען א נאמבער, קענסט אויך אריינגעבן א פארמאלע קלאגע אין די וועבסייט פון dot


Sent from my iPhone using Tapatalk
בן זכאי
א גאסט אין שטיבל
א גאסט אין שטיבל
 
הודעות: 8
זיך רעגיסטרירט: זונטאג אוגוסט 31, 2014 4:27 pm
האט שוין געלייקט: 9 מאל
האט שוין באקומען לייקס: 58 מאל

Re: וויליאמסבורג בארא פארק באס - חרפה היא לנו

הודעהדורך בן זכאי » פרייטאג פעברואר 19, 2016 3:07 am

עמעזאן האט געשריבן:
ירא שמים האט געשריבן:פארוואס עפנט מען נישט קיין קאמפיטישאן?

עס דארף צו הייסען אז ער האט די בעלות ליגאל אויף די רוט.

און דאס אז ער איז נישט גורס ניי ווילימסבורג איז אויך א שטיקל טענה


ער האט א טשארטער אויף די ליניע ער האט געווינען א ביד פון די dot אבער ער איז נישט גענצליך א פריוואטע קאמפאני ער איז אונטערגעווארפן אונטער די dot


Sent from my iPhone using Tapatalk
בן זכאי
א גאסט אין שטיבל
א גאסט אין שטיבל
 
הודעות: 8
זיך רעגיסטרירט: זונטאג אוגוסט 31, 2014 4:27 pm
האט שוין געלייקט: 9 מאל
האט שוין באקומען לייקס: 58 מאל

הודעהדורך berlbalaguleh » פרייטאג פעברואר 19, 2016 5:04 am

בן זכאי האט געשריבן:צו ווייסט איינער מער פרטים ווער איז דער בעל הבית? עס איז אינטרעסאנט צו וויסן צו איז די קאמפאני טאקע אין אזא שווערע מצב אז זיי קענען זיך נישט ערלויבן נארמאלע באסעס און דרייווערס וואס נעמען מער ווי מינימום וועידש, איך ווייס נישט ווער די בעל הבית איז [לויט די רעקארדס א געוויסע דשעיקאב מערמעלסטיין] אבער לכאורה איז ער פשוט א געלדגייציגע מענטש וואס זוכט צו פארדינען נאך אפאר דאלער אויפ'ן חשבון פון כלל ישראל, און ווארשיינליך איז ער ערגעץ וואו אויך א נדבן און באקומט כבוד פאר'ן געבן געלט בשעת ער פייפט זיך אריין אין זיינע קליענטן.

בן זכאי: לויט ווי איך זעה קענסטו איהם טאקע נישט. ווען דו קענסט איהם, וואלסטו שוין נישט געפרעגט קיין קשיות...!
די איינציגע צייט וואס איך האב איהם געזעהן ארומלויפן ווי א פארסמ'טע מייזל, איז געווען ווען זיין פרענטשייז איז אפגעלאפן. און ער האט דאס געדארפט באנייען, איז ער ארומגעלאפן צו די אידישע מוסדות אז זיי זאללן אונטערשרייבן די פעטיש'ן צו די סיטי גאווערנמענט אז מ'זאלל למען ה' באנייען זיין פרענטשייז, ווייל אן דעם וועט ח"ו דער אידישער יישוב אין ב.פ.-ווילי חרוב ווערן. איך געדענק איהם נאך אלס דרייווער ווען ער איז געקומען פון א"י, וואספארא ווילדע שטיק ער האט דאמאלס אפגעטון. ווי למשל, ארויפגיין אויפ'ן סיידוואק אויף ראטלידזש סטריעט, ווען א קאר איז געווען דאבל-פארקט. נאר עפעס א רשעות'דיג'ער בוים איז איהם געווען אין וועג. און זיינע טעראריסטישע שטיק, וואס ער האט אפגעטון, ווען ער האט אנגע'מקל'ט אנדערע דרייווערס וואס ס'האטציך איהם געדאכט אז זיי וויללן גיין קאמפעטישן מיט איהם. און זיי געבן ריידס פאר מענטשן. און ווען ר'האטציך ...שוין. מ'טאר נישט רעדן לשון הרע...!
נאר ווען ד'רעולם וועט נעמען מאכן מאסן טעלעפאן קאללס צו די סיטי אדער סיינען א פעטישן אקעיגן איהם און זיין קאמפעני וועט מען הייסן א מסור, לויט די היינטיגע פארדרייטע און פארקרומטע סטאנדארטן פון די אזוי-גערופענע התאחדות הרע-בנים...!
באניצער אוואטאר
berlbalaguleh
שריפטשטעלער
שריפטשטעלער
 
הודעות: 13988
זיך רעגיסטרירט: דינסטאג יולי 17, 2012 12:57 pm
האט שוין געלייקט: 16050 מאל
האט שוין באקומען לייקס: 9096 מאל

הודעהדורך berlbalaguleh » פרייטאג פעברואר 19, 2016 11:23 am

ירא שמים האט געשריבן:פארוואס עפנט מען נישט קיין קאמפיטישאן?

ירא שמים: ווייל מ'ווילל בלייבן לעבן... :roll:
באניצער אוואטאר
berlbalaguleh
שריפטשטעלער
שריפטשטעלער
 
הודעות: 13988
זיך רעגיסטרירט: דינסטאג יולי 17, 2012 12:57 pm
האט שוין געלייקט: 16050 מאל
האט שוין באקומען לייקס: 9096 מאל

נעקסט

גיי צוריק קאווע שטיבל

ווער איז יעצט דא?

באניצער וואס לייענען דעם פארום: SEMrush [Bot] און 2 געסט