אלי וויזעל: רבונו של עולם, לאמיר שלום מאכן

ארטיקלען, אנאליזן, מיינונגען, געדאנקען, און שמועסן

אלי וויזעל: רבונו של עולם, לאמיר שלום מאכן

הודעהדורך העניך » זונטאג יולי 03, 2016 11:09 am

פאלגנד איז מיין איבערזעצונג פון אן ארטיקל וואס אלי וויזעל האט פארעפנטליכט אין דעם "ניו יארק טיימס", ראש-השנה תשנ"ח, וואס גיט צו שפירן דעם ווייטאג און פּיין פון א מלחמה איבערלעבער, און זיין קשר מיט'ן אויבערשטן.
–העניך



א תפילה פאר די ימים נוראים

פון אלי וויזעל

רבונו של עולם, לאמיר שלום מאכן. ס'איז צייט. ווילאנג קענען מיר אנגיין זייענדיג אין כעס?

מער פון 50 יאר איז דורך זינט דער קאשמאר האט זיך געענדיגט. אסאך זאכן, גוטע און ווייניגער גוטע, זענען געשען זינט דאן פאר די וואס האבן עס איבערגעלעבט. זיי האבן געלערנט צו בויען אויף די חורבנות. פאמיליע-לעבן איז פריש אויפגעשטעלט געווארן. קינדער זענען געבוירן געווארן, פריינטשאפטן זענען באשאפן געווארן. זיי האבן געלערנט צו גלייבן אין זייער סביבה, אפילו אין מענטשן. דאנקבארקייט האט איבערגענומען ביטערקייט אין זייערע הערצער. קיינער איז נישט אזוי פעאיג צו פארמאגן הכרת הטוב ווי זיי. דאנקבאר צו יעדן וואס איז וויליג צו הערן זייערע מעשיות און ווערן א שותף אין דעם קאמף קעגן אפאטיע און שכחה. פאר זיי איז יעדער מאמענט א חסד.

אה, זיי זענען נישט מוחל די מערדער און זייערע שותפים, און אוודאי זאלן זיי נישט. און דו זאלסט אויך נישט, רבונו של עולם. אבער זיי קוקן מער נישט אויף יעדן עובר ושב מיט חשש. זיי זעען אויך נישט א שפיז אין יעדן האנט.

מיינט דאס דען אז די וואונדן אין זייער נשמה האבן זיך פארהיילט? זיי וועלן זיך קיינמאל פארהיילן. ווילאנג א פונק פון די פלאמען פון אוישוויץ און טרעבלינקע גליען אין זייער זכרון, אזוי לאנג וועט מיין פרייד זיין פעלערהאפטיג.

און וואס טוט זיך מיט מיין אמונה אין דיר, רבונו של עולם?

איך אנערקען יעצט אז איך האב עס קיינמאל נישט פארלוירן, אפילו נישט דארט, דורכאויס די טונקלסטע שעות פון מיין לעבן. איך ווייס נישט פארוואס איך האב ווייטער געשושקעט מיינע טעגליכע תפילות, און די תפילות פאר שבת און יום-טוב, אבער איך האב זיי געזאגט, פיל מאל מיט מיין טאטן, און אום ראש-השנה ביינאכט, מיט הונדערטער ארעסטאנטן אין אוישוויץ. איז עס געווען ווייל די תפילות זענען געבליבן א קשר צו דער פארשוואונדענער וועלט פון מיין קינדהייט?

אבער מיין אמונה איז מער נישט געווען ריין. וויאזוי האט עס דען געקענט זיין? עס איז געווען פול מיט פּיין מער ווי מיט התלהבות, מיט פארלוירנקייט מער ווי מיט ערליכקייט. אין דער מלוכה פון אייביגער נאכט, אין די ימים נוראים, די ימי הדין, זענען מיינע תפילות געווען דירעקטירט צו דיר און אויך קעגן דיר, רבונו של עולם. וואס האט מיר מער געווייטאגט: דיין אפוועזנהייט אדער דיין שווייגן?

אין מיין עדות'שאפט האב איך געשריבן הארבע ווערטער, ברענעדיגע ווערטער וועגן דיין ראלע אין אונזער טראגעדיע. היינט וואלט איך זיי נישט איבערגעזאגט. אבער דעמאלט האב איך זיי געפילט. איך האב זיי געשפירט אין יעדן צעל פון מיין וועזן. פארוואס האסטו ערלויבט – אויב נישט ערמעגליכט – דעם מערדער טאג נאך טאג, נאכט נאך נאכט, צו פייניגן, מארדן און אויסמעקן צענדליגער טויזנטער אידישע קינדער? פארוואס זענען זיי פארלאזט געווארן דורך דיין יצירה? אט די מחשבות האבן אין קיין שום וועג נישט געזאלט פארקלענערן דעם שולד פון די שולדיגע. זייער אנערקערטער שולד איז נישט נוגע צו מיין "פראבלעם" מיט דיר, רבונו של עולם. אין מיין יוגנט האב איך נישט ערווארטעט קיין סאך פון מענטשן. אבער איך האב אלעס ערווארטעט פון דיר.

וואו ביסטו געווען, גאט פון חסד, אין אוישוויץ? וואס איז פארגעגאנגען אויבן, אין הימלישן בית-דין, ווען דיינע קינדער זענען געצייכנט געווארן פאר השפלה, איזאלאציע און טויט נאר וועגן זיי זענען געווען דיינע קינדער?

די פראגעס זענען מיך נאכגעלאפן פאר מער פון פופציג יאר. דו האסט פארטיידיגער וועלכע לאזן זיך הערן, ווייסטו. פילע טעאלאגישע ענטפערס זענען מיר געגעבן געווארן, ווי: "גאט איז גאט. ער אליין ווייסט וואס ער טוט. א מענטש האט נישט קיין רעכט צו צווייפלען אין אים אדער אין זיינע וועגן." אדער: "אוישוויץ איז געווען אן עונש פאר דער אייראפעאישן אידנטומ'ס זינד פון אסימילאציע און/אדער ציונות." און: "איז נישט ישראל די לעזונג? אָן אוישוויץ, וואלט נישט געווען קיין ישראל."

איך ווארף צוריק די אלע ענטפערס. אוישוויץ מוז און וועט אייביג בלייבן נאר א פראגע-צייכן: מ'קען עס משיג זיין נישט מיט גאט און נישט אן גאט. ביי איין פונקט, האב איך אנגעהויבן זיך וואונדערן צי איך בין אפשר נישט געווען מענטשליך מיט דיר. נאך אלעם איז אוישוויץ נישט עפעס וואס איז אראפגעקומען פארטיג פון הימל. עס איז אויסגעטראכט געווארן דורך מענטשן, אויסגעפירט געווארן דורך מענטשן, און דורך א מענטשליכן שטאב. און זייער ציל איז געווען נישט נאר אונז צו פארלענדן, נאר אויך דיר. צי דען דארפן מיר נישט אויך טראכטן פון דיין צער? צוקוקנדיג דיינע קינדער ווי זיי ליידן אין די הענט פון דיינע אנדערע קינדער, האסטו דען נישט אויך געליטן?

ווען מיר אידן גייען יעצט נאכאמאל אריין אין די ימים נוראים, און מיר מאכן זיך גרייט צו מתפלל זיין פאר א יאר פון שלום און צופרידנקייט פאר אונזער פאלק און אלע פעלקער, לאמיר שלום מאכן, רבונו של עולם. טראץ אלעס וואס האט פאסירט? יא, טראץ דעם. לאמיר שלום מאכן: פאר דעם קינד אין מיר איז עס אומדערטרעגליך צו זיין אפגעשיידט פון דיר פאר אזוי לאנג.
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
העניך
היימישער באניצער
היימישער באניצער
 
הודעות: 420
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 423 מאל
האט שוין באקומען לייקס: 2172 מאל

הודעהדורך שמעקעדיג » זונטאג יולי 03, 2016 11:19 am

WOW, הארץ רייסענד!

עס קוקט מיר אויס אז דער וויזל האט געהאט אין זיך א ברסלב'ע ניצוץ ;)
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15096
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17803 מאל
האט שוין באקומען לייקס: 18099 מאל

הודעהדורך העניך » דאנערשטאג יולי 07, 2016 12:40 pm

פאלגנד איז מיין הקדמה צו דעם ארטיקל, וואס ערשיינט אין דעם פרישן "וועקער".


אלי וויזעל, תרפ"ט – תשע"ו


דער פארגאנגענער שבת פרשת שלח, כ"ו סיון, איז נפטר געווארן דער וועלט-בארימטער טשאמפיאן פאר חורבן-זכרון און שלום, אלי (אליעזר) וויזעל, אין עלטער פון 87 יאר.

אין 1986 האט וויזעל באקומען דעם נאבל פרייז פאר שלום, צו אנערקענען זיינע אויפטוען צו פארמערן שלום און טאלעראנץ אויף דער וועלט.

נאכ'ן חורבן האט וויזעל געשריבן זיין טיף עמאציאנעלן און הארץ-רייסנדן בוך פון זכרונות "און די וועלט האט געשוויגן". דאס בוך האט ער שפעטער איבערגעזעצט אויף פראנצויזיש און ענגליש אלס "נאכט". דאס בוך ווערט באטראכט ווי איינער פון די ספרי יסוד אויף דעם האלאקאסט, און איז איבערגעזעצט געווארן אויף 35 שפראכן.

וויזעל איז אויפגעוואקסן אין סיגוט, ראמעניע, וואו ער האט באקומען א חסידישן חינוך. נאך די שוידערליכע צרות ביים קריג האט וויזעל אפט באוויינט די אמונה וואס ער האט פארלוירן. ער האט זיך אבער נאך ווייטער געהאלטן ווי א חסידישער איד, און האט פיל געשריבן וועגן חסידישע רבי'ס און לערעס.

מיר שטייען יעצט אין חודש תמוז, אויף וואס צדיקים האבן געזאגט אז דאס איז ראשי-תיבות ז'מני ת'שובה מ'משמשים ו'באים. פאלגנד איז אן איבערזעצונג פון אן ארטיקל וואס אלי וויזעל האט פארעפנטליכט אין דעם "ניו יארק טיימס", ראש-השנה תשנ"ח, וואס גיט צו שפירן דעם ווייטאג און פּיין פון א מלחמה איבערלעבער, און זיין קשר מיט'ן אויבערשטן.
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
העניך
היימישער באניצער
היימישער באניצער
 
הודעות: 420
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 423 מאל
האט שוין באקומען לייקס: 2172 מאל

Re: אלי וויזעל: רבונו של עולם, לאמיר שלום מאכן

הודעהדורך מפוזרי » דאנערשטאג יולי 07, 2016 3:15 pm

אדאנק ר' העניך,
מ'קען אננעמען אז די דאזיגע תפילה, ווען ס'איז נתלבש געווארן אין אותיות, נאך אין הארץ פון ר' אליעזר'ן, איז עס געווען אויף אידיש. די ענגלישע ווערסיע, איז נאר אן איבערזעצונג.
יעצט, האסטו זוכה געווען מחזיר צו זיין עטרה ליושנה.

וענתה השירה הזאת לעד בבני ישראל. א פייל אין די אויגן פון די משטינים, וואס זענען מוציא לעז אויף דעם הייליגן איד, און באשולדיגן אים מיט כפירה רח״ל.

אזא איד, וואס כאטש ס'איז מקוים געווארן ביי אים דער „וראית את אחורי ופני לא יראו“, פונדעסטוועגן האט ער מקיים געווען דעם „פה אל פה אדבר בו“.
דברי אדוננו המלך בעיני, נגידים ומעולים ונכבדים... אבל לא אשבח אותם שהם אמת! - הרמב״ן ליעקב הראשון.
מפוזרי
ידיד ותיק
ידיד ותיק
 
הודעות: 889
זיך רעגיסטרירט: פרייטאג מערץ 20, 2015 9:01 am
האט שוין געלייקט: 1773 מאל
האט שוין באקומען לייקס: 760 מאל

הודעהדורך העניך » מיטוואך אקטאבער 05, 2016 7:56 am

אין די ימים נוראים טעג, טרייסלט מיר ווידער דאס הארץ מיט אלי וויזעל'ס צייטלאזע געבעט.
העניך
היימישער באניצער
היימישער באניצער
 
הודעות: 420
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 423 מאל
האט שוין באקומען לייקס: 2172 מאל

הודעהדורך צום פינטל » מיטוואך אקטאבער 05, 2016 10:49 am

האט אפשר איינער א לינק פאר זיין בוק אדער גאר די בוק אליינס?
צום פינטל
א גאסט אין שטיבל
א גאסט אין שטיבל
 
הודעות: 23
זיך רעגיסטרירט: דאנערשטאג סעפטעמבער 08, 2016 10:18 pm
האט שוין געלייקט: 5 מאל
האט שוין באקומען לייקס: 5 מאל

הודעהדורך צום פינטל » דאנערשטאג דעצעמבער 01, 2016 9:41 pm

דא איז א לינק פאר די ענגלישע בוק
night

האסט הנאה ביטע לייק
צום פינטל
א גאסט אין שטיבל
א גאסט אין שטיבל
 
הודעות: 23
זיך רעגיסטרירט: דאנערשטאג סעפטעמבער 08, 2016 10:18 pm
האט שוין געלייקט: 5 מאל
האט שוין באקומען לייקס: 5 מאל

הודעהדורך אחד העם » זונטאג דעצעמבער 04, 2016 4:57 pm

א דאנק @העניך.
האט איר אפשר א לינק צו דעם ארגינעלן ארטיקל, אין די ניו יארק טיימס?
באניצער אוואטאר
אחד העם
ידיד ותיק
ידיד ותיק
 
הודעות: 697
זיך רעגיסטרירט: דאנערשטאג אוגוסט 22, 2013 3:44 pm
האט שוין געלייקט: 684 מאל
האט שוין באקומען לייקס: 829 מאל

הודעהדורך מיש-נייעס » זונטאג דעצעמבער 04, 2016 8:50 pm

העניך האט געשריבן:פאלגנד איז מיין איבערזעצונג פון אן ארטיקל וואס אלי וויזעל האט פארעפנטליכט אין דעם "ניו יארק טיימס", ראש-השנה תשנ"ח, וואס גיט צו שפירן דעם ווייטאג און פּיין פון א מלחמה איבערלעבער, און זיין קשר מיט'ן אויבערשטן.
–העניך



א תפילה פאר די ימים נוראים

פון אלי וויזעל

רבונו של עולם, לאמיר שלום מאכן. ס'איז צייט. ווילאנג קענען מיר אנגיין זייענדיג אין כעס?

מער פון 50 יאר איז דורך זינט דער קאשמאר האט זיך געענדיגט. אסאך זאכן, גוטע און ווייניגער גוטע, זענען געשען זינט דאן פאר די וואס האבן עס איבערגעלעבט. זיי האבן געלערנט צו בויען אויף די חורבנות. פאמיליע-לעבן איז פריש אויפגעשטעלט געווארן. קינדער זענען געבוירן געווארן, פריינטשאפטן זענען באשאפן געווארן. זיי האבן געלערנט צו גלייבן אין זייער סביבה, אפילו אין מענטשן. דאנקבארקייט האט איבערגענומען ביטערקייט אין זייערע הערצער. קיינער איז נישט אזוי פעאיג צו פארמאגן הכרת הטוב ווי זיי. דאנקבאר צו יעדן וואס איז וויליג צו הערן זייערע מעשיות און ווערן א שותף אין דעם קאמף קעגן אפאטיע און שכחה. פאר זיי איז יעדער מאמענט א חסד.

אה, זיי זענען נישט מוחל די מערדער און זייערע שותפים, און אוודאי זאלן זיי נישט. און דו זאלסט אויך נישט, רבונו של עולם. אבער זיי קוקן מער נישט אויף יעדן עובר ושב מיט חשש. זיי זעען אויך נישט א שפיז אין יעדן האנט.

מיינט דאס דען אז די וואונדן אין זייער נשמה האבן זיך פארהיילט? זיי וועלן זיך קיינמאל פארהיילן. ווילאנג א פונק פון די פלאמען פון אוישוויץ און טרעבלינקע גליען אין זייער זכרון, אזוי לאנג וועט מיין פרייד זיין פעלערהאפטיג.

און וואס טוט זיך מיט מיין אמונה אין דיר, רבונו של עולם?

איך אנערקען יעצט אז איך האב עס קיינמאל נישט פארלוירן, אפילו נישט דארט, דורכאויס די טונקלסטע שעות פון מיין לעבן. איך ווייס נישט פארוואס איך האב ווייטער געשושקעט מיינע טעגליכע תפילות, און די תפילות פאר שבת און יום-טוב, אבער איך האב זיי געזאגט, פיל מאל מיט מיין טאטן, און אום ראש-השנה ביינאכט, מיט הונדערטער ארעסטאנטן אין אוישוויץ. איז עס געווען ווייל די תפילות זענען געבליבן א קשר צו דער פארשוואונדענער וועלט פון מיין קינדהייט?

אבער מיין אמונה איז מער נישט געווען ריין. וויאזוי האט עס דען געקענט זיין? עס איז געווען פול מיט פּיין מער ווי מיט התלהבות, מיט פארלוירנקייט מער ווי מיט ערליכקייט. אין דער מלוכה פון אייביגער נאכט, אין די ימים נוראים, די ימי הדין, זענען מיינע תפילות געווען דירעקטירט צו דיר און אויך קעגן דיר, רבונו של עולם. וואס האט מיר מער געווייטאגט: דיין אפוועזנהייט אדער דיין שווייגן?

אין מיין עדות'שאפט האב איך געשריבן הארבע ווערטער, ברענעדיגע ווערטער וועגן דיין ראלע אין אונזער טראגעדיע. היינט וואלט איך זיי נישט איבערגעזאגט. אבער דעמאלט האב איך זיי געפילט. איך האב זיי געשפירט אין יעדן צעל פון מיין וועזן. פארוואס האסטו ערלויבט – אויב נישט ערמעגליכט – דעם מערדער טאג נאך טאג, נאכט נאך נאכט, צו פייניגן, מארדן און אויסמעקן צענדליגער טויזנטער אידישע קינדער? פארוואס זענען זיי פארלאזט געווארן דורך דיין יצירה? אט די מחשבות האבן אין קיין שום וועג נישט געזאלט פארקלענערן דעם שולד פון די שולדיגע. זייער אנערקערטער שולד איז נישט נוגע צו מיין "פראבלעם" מיט דיר, רבונו של עולם. אין מיין יוגנט האב איך נישט ערווארטעט קיין סאך פון מענטשן. אבער איך האב אלעס ערווארטעט פון דיר.

וואו ביסטו געווען, גאט פון חסד, אין אוישוויץ? וואס איז פארגעגאנגען אויבן, אין הימלישן בית-דין, ווען דיינע קינדער זענען געצייכנט געווארן פאר השפלה, איזאלאציע און טויט נאר וועגן זיי זענען געווען דיינע קינדער?

די פראגעס זענען מיך נאכגעלאפן פאר מער פון פופציג יאר. דו האסט פארטיידיגער וועלכע לאזן זיך הערן, ווייסטו. פילע טעאלאגישע ענטפערס זענען מיר געגעבן געווארן, ווי: "גאט איז גאט. ער אליין ווייסט וואס ער טוט. א מענטש האט נישט קיין רעכט צו צווייפלען אין אים אדער אין זיינע וועגן." אדער: "אוישוויץ איז געווען אן עונש פאר דער אייראפעאישן אידנטומ'ס זינד פון אסימילאציע און/אדער ציונות." און: "איז נישט ישראל די לעזונג? אָן אוישוויץ, וואלט נישט געווען קיין ישראל."

איך ווארף צוריק די אלע ענטפערס. אוישוויץ מוז און וועט אייביג בלייבן נאר א פראגע-צייכן: מ'קען עס משיג זיין נישט מיט גאט און נישט אן גאט. ביי איין פונקט, האב איך אנגעהויבן זיך וואונדערן צי איך בין אפשר נישט געווען מענטשליך מיט דיר. נאך אלעם איז אוישוויץ נישט עפעס וואס איז אראפגעקומען פארטיג פון הימל. עס איז אויסגעטראכט געווארן דורך מענטשן, אויסגעפירט געווארן דורך מענטשן, און דורך א מענטשליכן שטאב. און זייער ציל איז געווען נישט נאר אונז צו פארלענדן, נאר אויך דיר. צי דען דארפן מיר נישט אויך טראכטן פון דיין צער? צוקוקנדיג דיינע קינדער ווי זיי ליידן אין די הענט פון דיינע אנדערע קינדער, האסטו דען נישט אויך געליטן?

ווען מיר אידן גייען יעצט נאכאמאל אריין אין די ימים נוראים, און מיר מאכן זיך גרייט צו מתפלל זיין פאר א יאר פון שלום און צופרידנקייט פאר אונזער פאלק און אלע פעלקער, לאמיר שלום מאכן, רבונו של עולם. טראץ אלעס וואס האט פאסירט? יא, טראץ דעם. לאמיר שלום מאכן: פאר דעם קינד אין מיר איז עס אומדערטרעגליך צו זיין אפגעשיידט פון דיר פאר אזוי לאנג.


זייער גוט איבערגעטייטש
יישר כח פאר די ארבעט
די בריוו איז א שטארקע יסוד און ווי אזוי מען דארף אנקוקען די האלעקאסט פון די טאג וואס די מלחמה האט זיך געענדיגט...
די נקודה ווערט אויך שטארק ארויסגעברענגט זייער שטארק אין ספר "בסתר רעם"
ענדערש פון מישן נייעס, מיש א משניות, זאג א פרק נאך א פרק, איי דו פארשטייסט נישט, און צו נייעס פארשטייטו יא...?
מיש-נייעס
היימישער באניצער
היימישער באניצער
 
הודעות: 424
זיך רעגיסטרירט: מיטוואך אפריל 06, 2016 7:07 pm
האט שוין געלייקט: 434 מאל
האט שוין באקומען לייקס: 208 מאל

הודעהדורך ארי נוהם » פרייטאג יוני 22, 2018 2:50 am

כ'האב מיך היינט אנגעשטויסן אין אן אלטן אינטערוויו וואס אלי וויזעל האט אפגעהאלטן מיטן איזרעאלישן מאגאזן "בקהילה", (גליון כ"ז חשון תשע"ב), וואו אלי וויזעל איז מעיד איבער זיך דאס פאלגענדע:

גם אני אדם המאמין באלוקים ללא שיור. לפני ואחרי אושוויץ. בכל כתביי אני לא מביא דברי חוצפה, רק התדיינות כלפי שמיא. ביטויי כאב, שאלות ותהיות כדרכו של איוב.

בספרי אני כותב: המדרש מספר שכאשר הקב"ה רואה בסבלם של בניו הנפוצים בין הגויים, הוא מזיל שתי דמעות לאוקיינוס, וקולן הולך מסוף העולם ועד סופו. מדי פעם אני לומד את המדרש הזה ואומר לעצמי: במהלך הטרגדיה הנוראה הזין הקב"ה דמעות כה רבות על סבל בניו שהלכו מסוף העולם ועד קצהו, אך אנו, בני האדם, סירבנו לשמוע את קולן.



עד כאן דבריו הקדושים, דברי אלקים חיים.
אין ארי נוהם מתוך קופה של תבן, אלא מתוך קופה של בשר (ברכות לב.) ובימינו אין ארי נוהם אלא מתוך קופה של תבן (ארי נוהם)
באניצער אוואטאר
ארי נוהם
ידיד השטיבל
ידיד השטיבל
 
הודעות: 307
זיך רעגיסטרירט: זונטאג מערץ 27, 2016 3:13 am
האט שוין געלייקט: 881 מאל
האט שוין באקומען לייקס: 1142 מאל

הודעהדורך berlbalaguleh » פרייטאג יוני 22, 2018 3:10 pm

שמעקעדיג האט געשריבן:WOW, הארץ רייסענד!

עס קוקט מיר אויס אז דער וויזל האט געהאט אין זיך א ברסלב'ע ניצוץ ;)

שמעקעדיג: שרייבן קען (כמעט) א יעדער, שיין. וויאזוי מ'פיהרט זיך אויף איז דער עיקר. טאקע א נאה דורש. אבער מ'דארף צו זיין א נאה מקיים אויכעט...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13136
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14573 מאל
האט שוין באקומען לייקס: 8357 מאל

הודעהדורך berlbalaguleh » מאנטאג יוני 25, 2018 10:59 pm

איך האב אזוי אריינגעטראכט אז לכאורה האט דאך אלי וויזעל געטון דאס וואס א סאך פריערדיגע צדיקים האבן געטון. ער האטציך אויסגעטענה'ט כביכול מיט דעם באשעפער. ס'איז דאך דא כמה מעשיות פונ'ם הייליגן בארדיטשוב'ער רבין זצוק"ל ווי ער טענה'ט זיך אויס כביכול מיט הקב"ה. אויך פון אנדערע צדיקים איז באוואוסט אז זיי זענען געגאנגען אויף אן ענליכן דרך...!

איז אבער דא איין גרויסער חילוק. די אלע פריער'דיגע צדיקים וועלכע האבן זיך אויסגעטענה'ט מיט'ן אייבישטן, זענען אבער געבליבן 100% ביי זייער אמונה אין בורא כל עולמים. און ר' אליעזר וויזל, ליידער נישט. ווייל גלייך נאך די מלחמה האט ער געזאגט פארשידענע אויסדרוקן וועלכע קענען אויסגעטייטשט ווערן ווי כפירה, רח"ל. למשל, איינס פון זיינע סטעיטמענטס איז געווען אז...זיין גאט איז פארברענט געווארן אין אוישוויץ"...און. הגם די גמ' זאגט דאך אז אין אדם נתפס על צערו. און ער האט שוין שפעטער אויסגעדרוקט חרטה. אעפ"כ. זיינע סטעיטמענטס קענען נישט אנגענומען ווערן מיט די זעלבע שטארקקייט ווי די ווערטער פון די פריער'דיגע צדיקים. ווייל סוכ"ס אין זיין פערזענליכן לעבן איז ער נישט געווען קיין שומתומ"צ...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13136
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14573 מאל
האט שוין באקומען לייקס: 8357 מאל

הודעהדורך אישתישבי » מאנטאג יוני 25, 2018 11:41 pm

חוץ פין זיינע חשבונות מיט גאט וואס איז בעסער אז מען רעדט ווייניגער, איז ער אויך געוועהן זייער אנגעווייטאגט אויף דער מהלך המחשבה פין די חריידישע אידען פאר די קריג, וואס האבען נישט געוואלט גלייבען אז עס קומט א חורבן, ער שרייבט וועגען דעם באריכות אין זיין בוך, ווי ער שעלט אויס ווערטער און אויסדריקען וואס מען ניצט אבי נישט צו גלייבען אין שלעכטס וואס איז אימינענט.

הגם עס איז א נאטור פין מענטשהייט, האט ער זעהט אויס עס גענומען אנדרעש.
ותאמרנה הבנות, הכי קראת שמו ספייקי, ויספקני זה פעמיים, באחוריים.
מקור
אישתישבי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1858
זיך רעגיסטרירט: מיטוואך מערץ 09, 2016 12:19 am
האט שוין געלייקט: 76 מאל
האט שוין באקומען לייקס: 986 מאל

הודעהדורך העניך » זונטאג סעפטעמבער 22, 2019 6:10 pm

אחד העם האט געשריבן:א דאנק @העניך.
האט איר אפשר א לינק צו דעם ארגינעלן ארטיקל, אין די ניו יארק טיימס?

יא, דא:
https://www.nytimes.com/1997/10/02/opin ... f-awe.html
העניך
היימישער באניצער
היימישער באניצער
 
הודעות: 420
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 423 מאל
האט שוין באקומען לייקס: 2172 מאל

הודעהדורך שבת אחים » דינסטאג סעפטעמבער 24, 2019 11:15 am

יעצט געליינט די גאנצע אשכול, די אלע וואס שרייבן אלי וויזל׳ס ביאגראפיע זענען זעהט אויס זייער קארג צושרייבן אז ער איז געוועהן א עכטער וויזניצער חסיד פון סיגוט-מארמארוש. סיי פון זיין טאטעס זייט און סיי פון זיין מאמעס זייט. וויזל און פייג זענען צוויי גאר באוואוסטע משפחות אין וויזניץ עד היום הזה. ער האט כל ימיו גערעדט מיט נאסטאלגיע פון וויזניץ אינדערהיים און פון דער אהבת ישראל און ער האט זייער שטארק געגליכן און זיך גוט אויסגעקענט אין וויזניצער נוסח און ניגונים.
“You know how I define the economic and social classes in this country? The upper class keeps all of the money, pays none of the taxes. The middle class pays all of the taxes, does all of the work. The poor are there just to scare the shit out of the middle class. Keep 'em showing up at those jobs”
באניצער אוואטאר
שבת אחים
חבר ותיק
חבר ותיק
 
הודעות: 6018
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4784 מאל
האט שוין באקומען לייקס: 3527 מאל

הודעהדורך קאך_לעפל » דינסטאג סעפטעמבער 24, 2019 11:21 am

ווייטער... וויזניץ און סאציאליזם..... מ'ווערט נישט פארטיג....
קאך_לעפל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1675
זיך רעגיסטרירט: מאנטאג דעצעמבער 10, 2012 12:16 pm
האט שוין געלייקט: 158 מאל
האט שוין באקומען לייקס: 1833 מאל

הודעהדורך שבת אחים » דינסטאג סעפטעמבער 24, 2019 11:24 am

קאך_לעפל האט געשריבן:ווייטער... וויזניץ און סאציאליזם..... מ'ווערט נישט פארטיג....


גיי קאקן מיט טראמפ אינאיינעם. יא ווען מ׳שרייבט אלי וויזל׳ס ביאגראפיע שרייבט מען אז ער איז געקומען פון וויזניץ. קוק אפילו וויקיפידיע שרייבט עס.

גיי פייניק יעצט ספאנישע קינדער און שטיצט די אלע רוצחים מיט זייער הונדערט רעוואלווערס!
“You know how I define the economic and social classes in this country? The upper class keeps all of the money, pays none of the taxes. The middle class pays all of the taxes, does all of the work. The poor are there just to scare the shit out of the middle class. Keep 'em showing up at those jobs”
באניצער אוואטאר
שבת אחים
חבר ותיק
חבר ותיק
 
הודעות: 6018
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4784 מאל
האט שוין באקומען לייקס: 3527 מאל

הודעהדורך קאך_לעפל » דינסטאג סעפטעמבער 24, 2019 11:26 am

בלא בלא בלא. הוילע דעמאגאגיע און פיסטע פראפאגאנדע...
קאך_לעפל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1675
זיך רעגיסטרירט: מאנטאג דעצעמבער 10, 2012 12:16 pm
האט שוין געלייקט: 158 מאל
האט שוין באקומען לייקס: 1833 מאל

הודעהדורך שבת אחים » דינסטאג סעפטעמבער 24, 2019 11:26 am

Elie Wiesel was born in Sighet (now Sighetu Marmației), Maramureș, in the Carpathian Mountains in Romania.[9] His parents were Sarah Feig and Shlomo Wiesel. At home, Wiesel's family spoke Yiddish most of the time, but also German, Hungarian, and Romanian.[10][11] Wiesel's mother, Sarah, was the daughter of Dodye Feig, a celebrated Vizhnitz Hasid and farmer from a nearby village. Dodye was active and trusted within the commun
“You know how I define the economic and social classes in this country? The upper class keeps all of the money, pays none of the taxes. The middle class pays all of the taxes, does all of the work. The poor are there just to scare the shit out of the middle class. Keep 'em showing up at those jobs”
באניצער אוואטאר
שבת אחים
חבר ותיק
חבר ותיק
 
הודעות: 6018
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4784 מאל
האט שוין באקומען לייקס: 3527 מאל

הודעהדורך שבת אחים » דינסטאג סעפטעמבער 24, 2019 11:26 am

קאך_לעפל האט געשריבן:בלא בלא בלא. הוילע דעמאגאגיע און פיסטע פראפאגאנדע...


קענעדי איז געוועהן א אנטיסעמיט!!! בלא בלא בלא!!!
“You know how I define the economic and social classes in this country? The upper class keeps all of the money, pays none of the taxes. The middle class pays all of the taxes, does all of the work. The poor are there just to scare the shit out of the middle class. Keep 'em showing up at those jobs”
באניצער אוואטאר
שבת אחים
חבר ותיק
חבר ותיק
 
הודעות: 6018
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4784 מאל
האט שוין באקומען לייקס: 3527 מאל

הודעהדורך קאך_לעפל » דינסטאג סעפטעמבער 24, 2019 11:31 am

א וויזניצער איז ער געווען....
קאך_לעפל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1675
זיך רעגיסטרירט: מאנטאג דעצעמבער 10, 2012 12:16 pm
האט שוין געלייקט: 158 מאל
האט שוין באקומען לייקס: 1833 מאל

הודעהדורך שבת אחים » דינסטאג סעפטעמבער 24, 2019 11:35 am

קאך_לעפל האט געשריבן:א וויזניצער איז ער געווען....


ער איז געוועהן א בעסערע מענטש ווי דיר! דאס איז זיכער! ער וואלט זיכער נישט געשטיצט טראמפ. די היינטיגע נאציס! ער וואלט נישט געשריבן גאנצע ״שטירמער-סטייל״ ארטיקלען צו בארעכטיגן די רשעות וואס מ׳טוט היינט אין אמעריקע צו די ספאנישע... זיכער נישט!

ער איז געוועהן א גוטע מענטש און דו ביסט א שלעכטער רשע מרושע! א פאשיסט!
“You know how I define the economic and social classes in this country? The upper class keeps all of the money, pays none of the taxes. The middle class pays all of the taxes, does all of the work. The poor are there just to scare the shit out of the middle class. Keep 'em showing up at those jobs”
באניצער אוואטאר
שבת אחים
חבר ותיק
חבר ותיק
 
הודעות: 6018
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4784 מאל
האט שוין באקומען לייקס: 3527 מאל

הודעהדורך קאך_לעפל » דינסטאג סעפטעמבער 24, 2019 11:39 am

בלא בלא בלא... אפילו דער הייליגער אהבת ישראל זי''ע... האט נישט געקענט אזוי גוט שעלטן....
קאך_לעפל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1675
זיך רעגיסטרירט: מאנטאג דעצעמבער 10, 2012 12:16 pm
האט שוין געלייקט: 158 מאל
האט שוין באקומען לייקס: 1833 מאל

הודעהדורך אישתישבי » דינסטאג סעפטעמבער 24, 2019 1:52 pm

שבת
די וואס רופען זיך וועזיל זענען אויך די זעלבע משפחה?
ותאמרנה הבנות, הכי קראת שמו ספייקי, ויספקני זה פעמיים, באחוריים.
מקור
אישתישבי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1858
זיך רעגיסטרירט: מיטוואך מערץ 09, 2016 12:19 am
האט שוין געלייקט: 76 מאל
האט שוין באקומען לייקס: 986 מאל


גיי צוריק קאווע שטיבל

ווער איז יעצט דא?

באניצער וואס לייענען דעם פארום: רביה''ק זי''ע און 4 געסט