מיין פראבלעם מיט'ן ריבניצער

ארטיקלען, אנאליזן, מיינונגען, געדאנקען, און שמועסן

מיין פראבלעם מיט'ן ריבניצער

הודעהדורך העניך » מיטוואך נאוועמבער 15, 2017 12:13 am

בנוהג שבעולם אז ווי נענטער צו א געשעעניש הערט מען מער דערוועגן, און ווי ווייטער אלס ווייניגער פרישע פרטים וועלן ארויסקומען. צום ביישפיל, אין די טעג נאך סעפטעמבער 11 האט מען געהערט טויזנטער געשיכטעס פון קרבנות און איבערלעבער, אבער ווי די צייט איז פארלאפן, האט מען אנגעהויבן הערן ווייניגער און ווייניגער פרישע געשיכטעס. אזוי אויך, די פרישע געשיכטעס וועלכע מ'הערט שפעטער זענען געווענליך ווייניגער דראמאטיש, ווייל די דראמאטישערע סארט געשיכטעס ווערן געווענליך דערציילט גאנץ נאנט צו די געשעענישן. אוודאי איז גאר זעלטן אז היינט, 16 יאר שפעטער, זאל מען נאך הערן א פרישע פערזענליכע איבערלעבעניש, וואס מ'האט נישט דערציילט ביז יעצט.

אנדערש איז אבער סיפורי צדיקים. וואס א יאר עס גייט פארביי פון דער פטירה פון א צדיק קומען אלץ מער אפיר עדות'שאפטן פון אלץ מער פאנטאסטישע סיפורים וועלכע האבן זיך אפגעשפילט ביים צדיק. אפענע רוח הקודש'ן וועלכע האבן זיך אפגעשפילט ביים צדיק האבן די באטייליגטע געהאלטן אין בויך פאר צענדליגער יארן, ביז זיי האבן פלוצלינג מחליט געווען צו דערציילן גענוי וואס זיי האבן איבערגעלעבט.

און וואס א יאר עס גייט פארביי אלץ פאנטאסטישער ווערן די געשיכטעס. אויב ווען דער צדיק האט געלעבט האט נאר א שוואנץ אדער צוויי זיך ערלויבט צו דערציילן אן אינטערעסאנטן צופאל ווי דער צדיק "האט מרגיש געווען," נעמט עטליכע יאר פון דער פטירה, און פלוצים דערמאנען זיך אידן ווי דער צדיק האט מבטיח געווען שמים וארץ און משנה געווען סדרי בראשית. גייט דורך נאך א צענדליג יארן און מ'דערמאנט זיך פרישע פערזענליכע איבערלעבענישן ווי דער צדיק האט איינעם געשלעפט ביים גארטל פון אנדערן עק וועלט, און ווי ער האט איבערגעגעבן גענויע קאמוניקאציעס מיט'ן הימלישן "שר של אש". און ממש אזוי, די מעשיות זענען אן אומאויסשעפבארן קוואל, און וואס א יאר עס גייט פארביי ווערן די דערציילונגען נישט נאר מער בכמות, נאר אויך באיכות – פיל מער בעל-שמ'סקעדיג און הימליש.

אבער נישט די דאזיגע נקודה בין איך דא אויסן. איך בין געווען בערך 7 יאר אלט ווען דער ריבניצער איז נפטר געווארן, און דורכאויס די יארן פון מיין לעבן האב איך מיטגעהאלטן ווי זיין לעגענדע איז געוואקסן צו אומגעהויערע מאָסן. כ'ווייס וועגן דעם ריבניצער גארנישט חוץ די מעשיות וואס מ'דערציילט וועגן אים. קיין ספרים האט ער נישט געשריבן, קיין דרשות אדער שיעורים זיינע זענען נישט רעקארדירט, בלייבט מיר איבער אים אפצושאצן לויט די מעשיות.

לייען איך א מעשה, דוכט זיך אין דער "מעלות" אויסגאבע, אז ווען עס האט דעם ריבניצער אמאל געפעלט מנין אין שטיבל האט ער אריינגערופן איינעם פון דער גאס, א פארשוין וועלכער האט אויסגעזען ווי א גוי, און אים מצרף געווען צו מנין. יענער האט קענטיג נישט געהאט די מינדעסטע אנונג וואס מ'דארף טון אין א ביהמ"ד, און קיין סידור האט ער נישט געקענט עפענען. דער ריבניצער האט אים זאגאר געגעבן אן עליה לתורה, און היות יענער האט נישט געהאט קיין מושג וואס צו טון, און אוודאי האט ער נישט געוואוסט וויאזוי צו מאכן א ברכה, האט דער ריבניצער געזאגט די ברכות אנשטאט יענעם. נאכ'ן דאווענען איז יענער זיך געגאנגען זיין וועג, און דער ריבניצער האט געגעבן אנצוהערן אז דאס איז געווען אליהו הנביא – אדער אפשר אברהם אבינו, כ'געדענק שוין נישט גענוי. אן אנדערע מעשה'לע וואס איז געווארן פאפולער אין די לעצטע וואכן דערציילט ווי דער ריבניצער האט איינעם געראטעוועט פון א סכנה דורך פארהאנדלען אין די הימלען דירעקט מיט'ן "שר של אש".

אויב זאל איך גלייבן די דערציילונגען, שטייען פאר מיר צוויי ברירות: אדער איז דער ריבניצער געווען א הימל מענטש וועלכער האט אויף אן אמת געזען מלאכים ושרפים, אדער איז ער געווען א סקיצאפרענישער חולה וועלכער האט געזען און געהערט וואס געזונטע מענטשן זעען און הערן נאר אין חלום. נישטא קיין ברירה ערגעץ אינצווישן – אדער אהער אדער אהין.

אזא דילעמא ווערט גענוצט דורך דעם קריסטליכן שרייבער סי-עס לואיס אלס אן עמאציאנעלע טענה לטובת די געטליכקייט פון דעם אותו האיש. רעדנדיג צו מענטשן וואס האבן געזען דעם קריסטליכן משיח ווי א געוואלדיגער מאראלישער רבי, אבער האבן געהאט צווייפלען אין זיין געטליכקייט, האט לואיס גע'טענה'ט אז פלגינן דיבורא ארבעט נישט דא.

דער אותו האיש, דער זעלבער וועלכער האט געזאגט די אלע געוואלדיגע מאראלישע דברי מוסר אין וועלכע זיי ווילן יא גלייבן, האט אליין געזאגט אז ער איז דער זון פון גאט. טא, קען מען נישט בלויז אננעמען זיינע מאראלישע לערעס, און אפווארפן דאס וואס ער האט געזאגט איבער זיין געטליכקייט. ווייל אדער איז ער באמת געווען דער זון פון גאט – וואס דאן דארף מען אלעס אננעמען, אדער איז ער געווען א משוגענער וועלכער האט זיך אזוי איינגערעדט, אדער איז ער געווען א שקרן און שווינדלער – וואס דאן קען מען פון אים גארנישט מקבל זיין. פאר אונז אידן איז זייער גרינג צו זאגן אז דער אותו האיש איז געווען א משוגענער אדער א שקרן, אבער פאר איינעם וואס איז אויפגעוואקסן ווי א קריסט איז אזא דילעמא אן ערנסטער נסיון, ווייל ס'איז אים שווער אינגאנצן אוועקצומאכן דעם משיח זיינעם.

איך זע מיך אין אן ענליכער פאזיציע בנוגע – להבדיל – דער ריבניצער. אויב האב איך א ספק אויף א מענטש צי ער זעט אין די הימלען אדער ליידט אויף א גייסטישער מחלה, וועל איך גיין צו דאס וואס איך ווייס. א מענטש וואס פליט אין די הימלען האב איך אין מיין לעבן נאך נישט געזען; משוגעים האב איך שוין געזען אסאך. צו זאגן אז ס'איז דא אזא זאך אז מענטשן זעען אין די הימלען איז א היבשער שפרינג, און איך דארף א באווייז דערויף; אז עס זענען דא משוגעים האב איך גענוג באווייזן. אלזא, אויב זאל איך אננעמען אז די מעשיות אויפ'ן ריבניצער זענען אמת און איך וויל זיין א לאגישער מענטש, האב איך לכאורה נישט קיין ברירה, און כ'וועל מוזן אננעמען אז ער איז נעבעך געווען א חולה מסוכן.

אבער כ'האב נאך אן אפציע, דאס איז נישט צו גלייבן די מעשיות. פונקט ווי משוגעים, האב איך שוין אויך גענוג שקרנים און בעלי דמיון געזען אין מיין לעבן. און אויב האב איך צוויי לאגישע טעאריעס, אפשטעמלען דעם ריבניצער ווי א חולה אדער אננעמען אז דער בעל מספר איז א בעל דמיון, איז מיר טאקע מער ניחא צו גיין מיט דער לעצטער טעאריע.

עכ"פ בלייבן מיר מיט דעם אז די מעשה'לעך זענען לכאורה א געמיש פון שקר, דמיון, פארדרייטע זכרונות, און "ווישפול טינקינג". דאס איז מיר בעסער און באקוועמער ווי אננעמען אז דער ריבניצער איז געווען א חולה, אבער עס לאזט מיר איבער מיט א ליידיגן חלל איבער דער פערזענליכקייט וואס ווערט אלץ מער און מער פאפולער.

ווער און וואס איז ער געווען, דער ריבניצער? אויב זאל איך אוועקמאכן די מעשה'לעך וועלכע ווערן דערציילט אויפ'ן סאטמארער רבי'ן, בלייב איך כאטש מיט א תורה שלימה; מיט'ן רבי'ן רבי אלימלך, בלייב איך נאך מיט זיין "נועם אלימלך". אז כ'זאל איגנארירן דעם "שבחי בעל שם", בלייב איך נאך מיט צענדליגער שיטות און הדרכות פונעם בעל שם טוב פארשפרייט אין די ספרים פון זיינע תלמידים און זייערע ווייטערדיגע לערעס. אבער ביים ריבניצער, מיט וואס בלייב איך? אן קיין שום גייסטישע מורשה, איז דאך זיין גאנצער לעגענדע נאר די מעשה'לעך, און אז די מעשה'לעך זענען נישט אננעמבאר איז גארנישט דא.
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
באניצער אוואטאר
העניך
שריפטשטעלער
שריפטשטעלער
 
הודעות: 521
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 601 מאל
האט שוין באקומען לייקס: 2636 מאל

הודעהדורך געוואלדיג » מיטוואך נאוועמבער 15, 2017 12:36 am

איך ווייס אדער נישט, פארוואס מוז זיין אדער ''אלע'' מעשיות אמת, אדער ''אלע'' מעשיות שקר?
עס נעמט א מאנקי בערך 3 שעה צו טרענירן א מענטש אים צו געבן באנאנעס יעדע פאר מינוט...

-יין שרף-
באניצער אוואטאר
געוואלדיג
חבר ותיק
חבר ותיק
 
הודעות: 3930
זיך רעגיסטרירט: מיטוואך דעצעמבער 10, 2014 5:15 pm
געפינט זיך: באתרא דנשקי שמיא וארעא להדדי
האט שוין געלייקט: 7295 מאל
האט שוין באקומען לייקס: 4881 מאל

הודעהדורך שמעון וואלף » מיטוואך נאוועמבער 15, 2017 12:42 am

שכוח העניך פאר אזא שיינע ארטיקל, יעדעס ווארט איז צום באלעקן, אזויווי אייביג.

יעצט צום ענין. אמת, ס'האט נישט קיין פשט צו גלייבן די הימלישע מעשיות ספעציעל די וואס ווערן נתפרסם צוואנציג יאר נאך זיין פטירה. ס'זענען אבער דא אסאך סיפורים וואס מ'האט געוויסט נאך בחיים חיותו איבער די מסירות נפש וואס ער האט געהאט אינטער די קאמוניסטן, מזכה צו זיין אידן מיט כשר פלייש און צו מאכן ברית'ן ועוד. אויך איבער זיינע אויסטערלישע סיגופים וואס ער האט געטון זיך מצער צו זיין על גלות השכינה, דאס זענען אלטע באקאנטע מעשיות, נישט פון היינט. די מופתים וואס דרייען זיך ארום די מעשיות, וויאזוי ער האט באוויזן מקיים צו זיין די מצוות, איז אירעלעווענט און דאס קען מען איגנארירן.
באניצער אוואטאר
שמעון וואלף
חבר ותיק
חבר ותיק
 
הודעות: 2637
זיך רעגיסטרירט: זונטאג דעצעמבער 14, 2014 2:33 pm
געפינט זיך: אין דרום
האט שוין געלייקט: 4137 מאל
האט שוין באקומען לייקס: 2736 מאל

הודעהדורך סמבטיון » מיטוואך נאוועמבער 15, 2017 12:45 am

און אויף ר' זושא האסטו אויך ספקות? די מעסט צדיקים לויט זייערע ספרים אדער שיטות? ריבניצער רבי איז געווען א הייליג יוד, כזאג נישט אז ער האט געהאט א שיעור מיט אליהו הנביא און אחיה השילוני, נאך אלטס איז ער געווען א צדיק פון א יוד, עס טוט מיר זייער וויי צו הערן אזעכע שענדליכע ווערטער פון דיר אויף אזא אדם גדול...
סמבטיון
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1091
זיך רעגיסטרירט: זונטאג דעצעמבער 15, 2013 6:43 pm
האט שוין געלייקט: 915 מאל
האט שוין באקומען לייקס: 1142 מאל

Re: מיין פראבלעם מיט'ן ריבניצער

הודעהדורך דער גאלדענער אדלער » מיטוואך נאוועמבער 15, 2017 12:47 am

געוואלדיג האט געשריבן:איך ווייס אדער נישט, פארוואס מוז זיין אדער ''אלע'' מעשיות אמת, אדער ''אלע'' מעשיות שקר?
ווייל ס'נישטא פון עם איין גראדע מעשה וואס זאל מאכן סענס.
דער גאלדענער אדלער
ידיד ותיק
ידיד ותיק
 
הודעות: 833
זיך רעגיסטרירט: דאנערשטאג אפריל 27, 2017 6:30 pm
האט שוין געלייקט: 4012 מאל
האט שוין באקומען לייקס: 1538 מאל

הודעהדורך העניך » מיטוואך נאוועמבער 15, 2017 12:47 am

ווייל ניינציג פראצענט פון די מעשיות וועלכע ווערן דערציילט זענען הימלישע מעשיות, און אז די אלע מעשיות פאלן אוועק בלייבט נישט איבער קיין חתיכה הראויה להתכבד צו קענען בויען א פראפיל אויף דעם מענטש. און אפילו אז יא, איז נישט לאגיש צו גלייבן סיי וואס אויב ס'איז קלאר אז אזויפיל שקרים און דמיונות ווערן דערציילט בשייכות מיט דעם ריבניצער.
____________
שמעון וואלף האקט
די אלע זאכן, מסירת נפש פאר חוקים פון דער תורה, דארפן קומען באגלייט מיט אנדערע זאכן, ווי טון חסד פאר אנדערע מענטשן, אדער עכ"פ עפעס א מהלך החיים, א שיטה אין אידישקייט. אדרבה, ווייז אן איין אנגענומענער צדיק אין אונזער היסטאריע וואס אלעס וואס מ'דערציילט אויף אים איז מסירת נפש פאר די חוקים פון דער תורה.

בנוסף צו דעם קומט צו דער פאקט אז מאיזה סיבה, אפשר צוליב זיין מאדנע הנהגה, אדער אפשר צוליב מאדנע שטוב-מענטשן, האט זיך געמאכט אז מענטשן האבן ליב צו דערציילן איבערטריבענע זאכן איבער דעם ריבניצער. פארוואס זאל איך גלייבן אז ער האט געבראכן אייז פאר מקוה, ווען דער זעלבער מספר זאגט אויך אז דער ריבניצער האט געמאכט אז א קאר אָן א מאטאר זאל פארן?
באניצער אוואטאר
העניך
שריפטשטעלער
שריפטשטעלער
 
הודעות: 521
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 601 מאל
האט שוין באקומען לייקס: 2636 מאל

הודעהדורך העניך » מיטוואך נאוועמבער 15, 2017 12:51 am

סמבטיון האט געשריבן:און אויף ר' זושא האסטו אויך ספקות? די מעסט צדיקים לויט זייערע ספרים אדער שיטות?

פון רבי'ן ר' זושא ווייס איך גראדע נישט קיין מופתים, נאר שיינע הארציגע פאלקסישע דערציילונגען וואס דערווארעמען א אידיש הארץ.

סמבטיון האט געשריבן:ריבניצער רבי איז געווען א הייליג יוד, כזאג נישט אז ער האט געהאט א שיעור מיט אליהו הנביא און אחיה השילוני, נאך אלטס איז ער געווען א צדיק פון א יוד, עס טוט מיר זייער וויי צו הערן אזעכע שענדליכע ווערטער פון דיר אויף אזא אדם גדול...

שענדליכע ווערטער? חלילה. מיין ארטיקל גיט דיר איבער מיין גאנצן מהלך המחשבה, train of thought, אין ענגליש. מיין מסקנא איז אז כ'קען נישט קיין סאך וויסן איבער דעם ריבניצער. אוודאי איז יתכן אז ער איז געווען א הייליגער איד (מסתמא טאקע אזוי) - אבער כ'ווייס נישט, און ס'איז גארנישט דא וואס בארעכטיגט דאס מאכן אזא אויסנאמליכן עסק פון אים.
באניצער אוואטאר
העניך
שריפטשטעלער
שריפטשטעלער
 
הודעות: 521
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 601 מאל
האט שוין באקומען לייקס: 2636 מאל

הודעהדורך עמעזאן » מיטוואך נאוועמבער 15, 2017 1:27 am

העניך הימלישע מעשיות האט מען שוין געוויסט בחיים חיותו ווער עס האט צוגעלייגט אן אויער צוהערן.

בפרט דאס קינדער פארטיילונג איז געווען פלאי פלאות, די מעשה פון הרב אלימלך גלאנץ און הרב גרינוולד פון די גראסערי איז ברייט באקאנט.

די מעשה מיט שר של אש דרייט זיך א רעקארדירונג ווי די בעל במעשה ר' מענדל זיידענפעלד פארציילט דאס גענוי מיט די פרטים, אפילו איך זאל אננעמען אז א חלק איז דמיון און א חלק איז מוגזם איז עס צו דיטעל און נאך אלס הפלא ופלא.
עמעזאן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1968
זיך רעגיסטרירט: מיטוואך אפריל 24, 2013 11:24 pm
האט שוין געלייקט: 1033 מאל
האט שוין באקומען לייקס: 1072 מאל

Re: מיין פראבלעם מיט'ן ריבניצער

הודעהדורך גראף » מיטוואך נאוועמבער 15, 2017 1:30 am

אז ער איז געווען א מסירת נפש איד איז שוין געווען באקאנט ביים לעבן. פאר די אלע מופתים קען (דארף) מען פרעגן דער בעל העובדה אליין. עפ''ר לעבן זיי נאך סאו מען קען וועריפייען ווער איז נארמאל און ווער דימיון'ט אוועק.

Sent from my XT1096 using Tapatalk
גראף
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1002
זיך רעגיסטרירט: זונטאג אפריל 06, 2014 4:10 am
געפינט זיך: אויפן גיט אין דער אלטע הײם
האט שוין געלייקט: 834 מאל
האט שוין באקומען לייקס: 542 מאל

Re: מיין פראבלעם מיט'ן ריבניצער

הודעהדורך דער גאלדענער אדלער » מיטוואך נאוועמבער 15, 2017 2:10 am

גראף האט געשריבן:אז ער איז געווען א מסירת נפש איד איז שוין געווען באקאנט ביים לעבן. פאר די אלע מופתים קען (דארף) מען פרעגן דער בעל העובדה אליין. עפ''ר לעבן זיי נאך סאו מען קען וועריפייען ווער איז נארמאל און ווער דימיון'ט אוועק.

Sent from my XT1096 using Tapatalk
רוב מאל העלפט נישט אפילו ווען מ'פרעגט דעם בעל העובדא אליינס, ווייל זיי אליין דמיונן ביגטיים, פרוביר צו רעדן מיט ליובאוויטשע חסידים, און איך רעד נישט יעצט פון משיח'סטן אדער סתם משוגעים, נאר פון היפש נארמאלע מענטשן וואס פירן אן ביזנעסער, וועלן דיר דערציילען ווי זיי האבן געזען דעם רבין בהקיץ ממש, כ'האב שוין אליין געהערט דערפון, און ביי יעדע רבי איז די זעלבע, די חלומות וואס מ'פארציילט איז אנבעליוועיבל, און די חידוש איז אז קיינמאל געשעהט עס נישט ביי מיר, ס'מוז זיין אז דע מענטשן וואס דערציילען עס, שפירן עפעס א מין פאנטאזירטע כבוד וואס דריקט זיי צו באקן אזעלעכע מעשיות.
דער גאלדענער אדלער
ידיד ותיק
ידיד ותיק
 
הודעות: 833
זיך רעגיסטרירט: דאנערשטאג אפריל 27, 2017 6:30 pm
האט שוין געלייקט: 4012 מאל
האט שוין באקומען לייקס: 1538 מאל

הודעהדורך ריכטיג » מיטוואך נאוועמבער 15, 2017 2:16 am

העניך האט געשריבן:כ'ווייס וועגן דעם ריבניצער גארנישט חוץ די מעשיות וואס מ'דערציילט וועגן אים. קיין ספרים האט ער נישט געשריבן, קיין דרשות אדער שיעורים זיינע זענען נישט רעקארדירט, בלייבט מיר איבער אים אפצושאצן לויט די מעשיות.

.

https://m.youtube.com/watch?v=T0t5hj6u5 ... l=en&gl=US
אפשר דאס קען אביסל העלפן, אביסל רעגיולאר הלוך ילך, מאכט גראדע א רושם פון זייער א נארמאלע down to earth מענטש.
ס'אינטערסירט דא איינער בכלל? ניין ? או קעי ביי. (קרעדיט:@גראף)
באניצער אוואטאר
ריכטיג
שריפטשטעלער
שריפטשטעלער
 
הודעות: 2375
זיך רעגיסטרירט: דאנערשטאג יאנואר 31, 2013 7:11 pm
האט שוין געלייקט: 1857 מאל
האט שוין באקומען לייקס: 1913 מאל

הודעהדורך אויערבאך » מיטוואך נאוועמבער 15, 2017 3:03 am

די מעשה מיט זיידינפעלד איז בכלל נישט קיין נייעס , כהאב עס שוין געהערט יארן צוריק , אסאך מענטשן געדענקן דאס און נאך צענדליגע אפענע זאכן וואס מען האט געזען ביים הייליגן ריבניצער, סנאריש צו ברענגן א ראי' פון דעם אז מהאט נישט געוויסט בחייו פון דעם , כידוע האט ער געהאט גאר א קליינע עולם וואס האט זיך געדרייט ביי אים
אויערבאך
מאנשי שלומינו
מאנשי שלומינו
 
הודעות: 25
זיך רעגיסטרירט: זונטאג אקטאבער 29, 2017 1:35 pm
האט שוין געלייקט: 7 מאל
האט שוין באקומען לייקס: 6 מאל

הודעהדורך שבת אחים » מיטוואך נאוועמבער 15, 2017 3:51 am

אויערבאך האט געשריבן:די מעשה מיט זיידינפעלד איז בכלל נישט קיין נייעס , כהאב עס שוין געהערט יארן צוריק , אסאך מענטשן געדענקן דאס און נאך צענדליגע אפענע זאכן וואס מען האט געזען ביים הייליגן ריבניצער, סנאריש צו ברענגן א ראי' פון דעם אז מהאט נישט געוויסט בחייו פון דעם , כידוע האט ער געהאט גאר א קליינע עולם וואס האט זיך געדרייט ביי אים


ווען ער איז געוועהן געזונט האט ער געהאט א ריזיגער עולם, מיין טאטע איז געוועהן א גבאי און פון זיינע נאנטסטע מענטשען, ער איז געוועהן מיינע עלטערנס שדכן און מסדר קידושין, מיין מאמעס טאטע איז געוועהן פון זיינע גאר נאנטע מענטשען אין רוסלאנד. מיין טאטע פארציילט אז אין בארא פארק ווען ער איז אנגעקומען פון אר״י איז געוועהן ליינס פון הונדעטער מענטשען אריינצוגיין צו אים, מהאט זיך געשטיפט און געהרגט אריינצוגיין צו אים, נאר ווען ער איז קראנק געווארן איז געוועהן א קליינע עולם.אפגערעדט אין ארץ ישראל, מיין טאטע זאגט מיר אז די תקופה ווען ער איז געוועהן אין סנהדרי-מורחבת אין ירושלים איז מען געקומען צולויפן פון די גאנצע לאנד צו אים, מהאט דעמאלטס געשמוסט אז א ״וואונדער-ראבינער״ איז געקומען פון רוסלאנד.

מיין אפיניען:
די ריבניצער איז געוועהן א אינטערסאנטע וויואלע מענטש. א בעל מופת? כ׳וועל עס גלייבן ווען איך אליינס וועל זוכה זיין עס צו זעהן, דערווייל זענען אלע מופתים געשעהן פונקט פאר איך בין געבוירן געווארן. ווער מאכט היינט מופתים? איך וויל עס אליינס בייגעוואינען און נאכדעם וועל איך אפשר גלייבן דערינען.
What made me realize that I was not at home? A spot on the wall. When the Wizsnitzer Rebbe
Died in 1936 we received his photo. He was a beautiful man. I remember putting the nail in the wall. The nail was was still on the same spot with a crucifix on it
אלי וויזעל
באניצער אוואטאר
שבת אחים
חבר ותיק
חבר ותיק
 
הודעות: 6293
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4911 מאל
האט שוין באקומען לייקס: 3708 מאל

הודעהדורך שבת אחים » מיטוואך נאוועמבער 15, 2017 4:27 am

איינע פון די אינטערסאנטע מעשיות פארציילט מיר מיין פאטער, ער איז אמאל געזיצן אין א בעיסמענט אין בארא פארק, א מוצאי שבת און ער האט געוואלט בענטשען מיט א מנין סאיז נאר געוועהן דארט 9 מענטשען מיין טאטע האט געוואלט ארויסגיין אין גאס קוקן צו ער קען אריינרופן איינעם, און דער ריביניצער האט זיך אנגערופן גיי נישט א קארפאטישע איד איז אויפן וועג. אפאר מינוט שפעטער הערט מען ווי איינער קומט אראפ די שטיגן צוגיין צום בעיסמעינט און ער רופט זיך אן הויך ״ר׳ אלי׳ פון הארינטש איז דא״

נאך פאר מהאט געקענט זעהן ווער סאיז אריינגעקומען, ווען ער איז נאך אראפ די שטיגן

און ר׳ אלי דאווידאוויטש איז אריינגעקומען.... פון ווי האט ער געוואוסט??? ער האט פונקט צוגעטראפן? אפשר האט ער געקענט דערקענען לויט די קולות פון די סטעפס ווער ס׳קומט אראפ?


ר׳ אלי׳ דאווידאוויטש איז געוועהן פון זיינע נאנטע חסידים אין רוסלאנד. געשטאמט פון ווזיניצער חסידים. נאכן קריג האט ער געוואוינט אין קארפאטן אוקריינע. ער איז ארויסגעקומען אין די ענדע זעכציגער יאהרן צוזאמען מיט מיין זיידע. ער איז געוועהן מיין עלטער פעטער. ער איז געוועהן ר׳ משה טובי׳ גרינצווייג ז״ל שווער בזיווג שני, און שווער פון הרה״ח ר׳ נחום דאנצינגער ע״ה מחסידי סאטמאר, און שווער פון הרה״ח ר׳ חיים פריעדמאן מחשובי חסידי סאטמאר מהר״א און טאטע פון הרה״ח ר׳ ישראל דאווידאוויטש מחשובי חסידי מאנסי-וויזניץ במאנטריאל.
What made me realize that I was not at home? A spot on the wall. When the Wizsnitzer Rebbe
Died in 1936 we received his photo. He was a beautiful man. I remember putting the nail in the wall. The nail was was still on the same spot with a crucifix on it
אלי וויזעל
באניצער אוואטאר
שבת אחים
חבר ותיק
חבר ותיק
 
הודעות: 6293
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4911 מאל
האט שוין באקומען לייקס: 3708 מאל

Re: מיין פראבלעם מיט'ן ריבניצער

הודעהדורך ליטוואק פון בודאפעסט » מיטוואך נאוועמבער 15, 2017 5:08 am

ייש"כ פאר דיין אויסשרייבען דיין הרגשות אין דער ענין. א צווייטע וואלט שוין געכאפט א ריזיגע פארציע פאר׳ן זיך אזוי מסתפק זיין אין מוסכמות......

למעשה איז עס ברייט באקאנט אז די שטוב מענטשען פון דער ריבניצער זענען געווען געפערליכע מענטשען. רמי קאהן ווייסט צו פארציילען אז דער ריבניצער האט זיך געבעטען ביי איהם "ראטעווע מיר". דאס איז נאך בחיים חיותו געווען באקאנט.
איך האב געהערט פון מענטשען אז ווען ער איז ערשט אנגעקומען אין אמעריקא, איז מען געשטאנען אין רייע און זיך געשטופט און געהרג׳ט אריינצוגייען. נאך א קורצע פאר מאנאטען האט זיך עס אויפגעהערט. פארוואס? ווייל ס׳האט זיך גלייך צוגעטשעפעט א פאר ליידיגייערס און געלט רייסערס און מ׳האט זיך שוין גע׳עקעלט דערפון.
ווידער פון רוסלאנד הערט מען פיהל ווייניגער מופתים און פיהל מער נארמאלע מעשה׳ס.
לכאורה איז די מסקנא פשוט.

דער אמת איז אבער, אז די גאנצע זאך מאכט גענצליך נישט אויס. ווען ער האט דען א שיטה איבערגעגעבען, איז עס וויכטיג צו וויסען די הכרעה צווישען דיין צוויי צדדים. יעצט אבער, וועמען דארף עס אנגייען? איז יא איז נישט, וואס פארא נ"מ איז עס צו אונז? מוסדות ריבניץ אדער זיי עגזיסטירען אדער זיי עגזיסטירען נישט, און זייער מעלות צו חסרונות האט גארנישט צוטוהן מיט זיין פערזאנאליטעט.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9606
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3279 מאל
האט שוין באקומען לייקס: 9079 מאל

הודעהדורך שבת אחים » מיטוואך נאוועמבער 15, 2017 5:36 am

ליטוואק פון בודאפעסט האט געשריבן:ייש"כ פאר דיין אויסשרייבען דיין הרגשות אין דער ענין. א צווייטע וואלט שוין געכאפט א ריזיגע פארציע פאר׳ן זיך אזוי מסתפק זיין אין מוסכמות......

למעשה איז עס ברייט באקאנט אז די שטוב מענטשען פון דער ריבניצער זענען געווען געפערליכע מענטשען. רמי קאהן ווייסט צו פארציילען אז דער ריבניצער האט זיך געבעטען ביי איהם "ראטעווע מיר". דאס איז נאך בחיים חיותו געווען באקאנט.
איך האב געהערט פון מענטשען אז ווען ער איז ערשט אנגעקומען אין אמעריקא, איז מען געשטאנען אין רייע און זיך געשטופט און געהרג׳ט אריינצוגייען. נאך א קורצע פאר מאנאטען האט זיך עס אויפגעהערט. פארוואס? ווייל ס׳האט זיך גלייך צוגעטשעפעט א פאר ליידיגייערס און געלט רייסערס און מ׳האט זיך שוין גע׳עקעלט דערפון.
ווידער פון רוסלאנד הערט מען פיהל ווייניגער מופתים און פיהל מער נארמאלע מעשה׳ס.
לכאורה איז די מסקנא פשוט.

דער אמת איז אבער, אז די גאנצע זאך מאכט גענצליך נישט אויס. ווען ער האט דען א שיטה איבערגעגעבען, איז עס וויכטיג צו וויסען די הכרעה צווישען דיין צוויי צדדים. יעצט אבער, וועמען דארף עס אנגייען? איז יא איז נישט, וואס פארא נ"מ איז עס צו אונז? מוסדות ריבניץ אדער זיי עגזיסטירען אדער זיי עגזיסטירען נישט, און זייער מעלות צו חסרונות האט גארנישט צוטוהן מיט זיין פערזאנאליטעט.

Sent from my LG-K373 using Tapatalk


מיין טאטע איז געוועהן זיין גבאי אין ארץ ישראל, דא אין אמעריקא איז ער געוועהן נאנט מיט אים אבער ער האט זיך אפגעשאקעלט פון די גבאות-שאפט ער האט אים אפאר מאל געבעטן ער זאל צוריק קומען ווייל ער קען עס נישט אויסהאלטן.

גראדע ביסטו נישט גערעכט, פון רוסלאנד איז דא פונקט אוזיפיל מעשיות, די אלע רויסישע און קארפאטישע אידן האבן פארציילט אותות ומפותים אויף אים. נישט אז ס׳מאכט עס אמת. נאר ביסט פשוט נישט גערעכט. מיין זיידע האט געשריבן פאר די משפחה מאגאזין אדער די השבוע (כ׳געדענק נישט וועלכע) אכט בלעטער מיט מופתים פון רוסלאנד.

הער אויס פון אזויפיל טויזענטער מענטשען וואס זענען געקומען בעטן א ברכה פון אים, דארף נאר אפילו א קליינע פראצענט געלונגען אז מזאל ווערן א ״פועל ישיעות״ ווייל די מעשיות וואס געלונגט נישט פארציילט מען דאך נישט איבער קיינמאל.

קום איך וועל ענק פארציילן א מוראדיגע מופות

א מענטש איז געוועהן א בלוטיגע ארימאן, ער איז געוועהן אובד עצות, איז ער אריין אין געשעפט און געקויפט א לאטערי און ער האט געוואונען.

אבער פון די אנדערע זייט יעדע וואך קויפן מיליאנען מענטשען די לאטערי און געוואונען נישט. אבער פונקט אייביג טרעפט איינער אן די ריכטיגע נומערן, אסאך מאל קיינער נישט, און אסאך מאל איז דא צוויי אדער דריי געווינער.

אז ער איז געוועהן אזא בעל מופת וואלט ער אליינס אויך געקענט האבן קינדער. ער האט דאך נישט זוכה געוועהן צו קיין זש״ק? פארוואס האט ער נישט געקענט פועלן ביי די מלאכים אין הימל מיטן וועמען ער פלעגט רעדן אז זיי זאלן אים עפעס ערלעדיגן?

איין זאך איז זיכער, ער איז געוועהן א אמתע מענטש, ער האט נישט הנאה געהאט פון קיין גשמיות, ער האט געלעבט אין די העכערע ספערן. ער האט געלעבט פאר יענעם.
What made me realize that I was not at home? A spot on the wall. When the Wizsnitzer Rebbe
Died in 1936 we received his photo. He was a beautiful man. I remember putting the nail in the wall. The nail was was still on the same spot with a crucifix on it
אלי וויזעל
באניצער אוואטאר
שבת אחים
חבר ותיק
חבר ותיק
 
הודעות: 6293
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4911 מאל
האט שוין באקומען לייקס: 3708 מאל

הודעהדורך berlbalaguleh » מיטוואך נאוועמבער 15, 2017 5:37 am

גראף האט געשריבן:אז ער איז געווען א מסירת נפש איד איז שוין געווען באקאנט ביים לעבן. פאר די אלע מופתים קען (דארף) מען פרעגן דער בעל העובדה אליין. עפ''ר לעבן זיי נאך סאו מען קען וועריפייען ווער איז נארמאל און ווער דימיון'ט אוועק.

Sent from my XT1096 using Tapatalk

גראף: לגבי די מסירת נפש וואס ער האט געהאט מקיים צו זיין א מצווה צו שחט'ן בהמות און עופות מזכה צו זיין אידן מיט כשר פלייש, אדער זיין מסירות נפש צו מל'ן אידישע קינדער. דאס לייגט זיך אויפ'ן שכל און איז בגדר גלייבבאר. אבער לגבי די אלע לעגענדעס פון מופתים וועלכע האבן זיך ארומגעדרייט און דרייען זיך נאכאלץ ארום איהם, קענמען ראציאנאליזירן א יעדע איינציגע זאך. (פי' ס'האט געקענט פונקט אזוי געשעהן בדרך הטבע און צופאל.). און א סאך פון אט די מעשיות זענען הוילע פאנטאזיעס פון די מענטשן ארום איהם, וועלכע ווילן גלייבן.

אדרבה. איך ווייס א מעשה פון איינעם א פארשוין וועלכער איז געווען ביי איהם זיך מזכיר זיין. און איך האב דערווארט אז ער זאלל דערקענען דעם מהות פון יענעם. לויט די רוח הקודש לעגענדעס וועלכע האבן זיך געדרייט ארום איהם. און ער האט נישט דערקענט יענעם'ס מהות. ווייל אויב יא, וואלט ער געדארפט יענעם אנ'שייגעצ'ן און ארויסטרייבן פון זיין שטוב. ווען דאס וואלט געשעהן וואלט איך געגלייבט אז ער האט רוח הקודש. אזוי ווי כ'האב געליינט כמה סיפורי צדיקים, ווי ביי ר' מאיר מ'פרימישלאן און אנדערע...!

אויך די מופתים, קענמען רוב פון זיי ערקלערן עפ"י דרך הטבע. למשל, איך ווייס א מעשה וועלכע איך האב אליינס מיטגעהאלטן. ביי א סאך א קלענער'ן און ווייניגער מופרסם'דיגן רבי'ן. וואס ער האט געראטעוועט איינעם'ס לעבן. ויהי היום. און די רבי זאגט פאר מיר..."גיי רוף יענעם מענטש. ער זאלל שוין קומען".... איך האב באמערקט ווי יענער פארשוין האלט ביי אריבערגיין די גאס. אבער ר'איז געווען זייער שטארק פארחלומ'ט. שריי איך צו איהם..."די רבי רופט דיך. ער זאגט דו זאלסט שוין גיין"...! די רגע וואס יענער האט זיך צוריקגעדרייט איז געקומען א קאר צו פליען זייער שנעלל וואס אויב ער וואלט אריבערגעגאנגען די גאס וואלט ער ח"ו שוין נישט געווען לעבעדיג...! רבותיי. איך בעט ענק עטץ זאלטץ נישט לאכן...! איך האב עס נאר געברענגט אלס משל וויאזוי א מענטשנ'ס דמיון ארבעט. און אז מ'ווילל קענמען אלעס אריינטייטשן אלס מופת און רוח הקודש...!
באניצער אוואטאר
berlbalaguleh
שריפטשטעלער
שריפטשטעלער
 
הודעות: 13951
זיך רעגיסטרירט: דינסטאג יולי 17, 2012 12:57 pm
האט שוין געלייקט: 15992 מאל
האט שוין באקומען לייקס: 9067 מאל

הודעהדורך berlbalaguleh » מיטוואך נאוועמבער 15, 2017 6:02 am

עוד באותו ענין: כ'האב געזעהן א קליפ פון ריבניצער רבי'ן ווען ער האט געוואוינט אין לאס אנדזשעלעס. דארט איז געווען אן אפענע שטוב און כל מיני פארשוינען האבן זיך געדרייט. איינער האט סתם אזוי געזונגען. א צווייטער האט געשפיעלט אויף א גיטאר. עטליכע זענען געזיצן ארום דעם טיש און געשמועסט און סתם אזוי פארברענגט. און די רבי איז געזיצן אויבן אן און געשמייכלט. מ'האט געזעהן אויף זיין פנים די קורת רוח אז ער איז צופרידן אז אידן זענען פרייליך. אבער זיינע גבאים האבן געשמועסט אז דאס איז נישט קיין תכלית. ווייל סאיז נישטא קיין געלט. האט מען מחליט געווען איהם אריבערצוברענגען קין ניו יארק. און מ'האט געשטעלט פעסטע שומרים ביים טיר. און זיי האבן געמאכט גרויסע שוועריגקייטן צו צו קומען צום רבי. נאר אויב מ'צאלט זיי גרויס געלט. איך ווייס פון א פאלל וואס מ'איז געקומען מזכיר זיין א חולה. (איך בין דארט געווען) אין די תקופה וואס די רבי האט געואוינט אין סי-געיט. און די גבאים און שטוב מענטשן האבן נישט אריינגעלאזט די בחורים וועלכע זענען געקומען. איך האב אונטערגעהערט ווי זיי (די גבאים) זאגן צווישן זיך. אז שפעטער וועט קומען דער זון פון יענעם מענטש וועלכער איז א גרויסער עושר. דאמאלס וועט מען אריינלאזן...וד"ל...!
באניצער אוואטאר
berlbalaguleh
שריפטשטעלער
שריפטשטעלער
 
הודעות: 13951
זיך רעגיסטרירט: דינסטאג יולי 17, 2012 12:57 pm
האט שוין געלייקט: 15992 מאל
האט שוין באקומען לייקס: 9067 מאל

Re: מיין פראבלעם מיט'ן ריבניצער

הודעהדורך ליטוואק פון בודאפעסט » מיטוואך נאוועמבער 15, 2017 6:16 am

רוב דער ריבניצער׳ס מעשה׳ס קען מען נישט ראציאנאליזירען.

למעשה אבער, טאמער מ׳גלויבט די מופתים, איז דער מסירות נפש גאנץ שוואך. ער האט דאך געהאט קונצ׳ן און מעשה׳ס געקענט באארבעטען אנצוווארעמען די אייז אין טייך, ווי אויך פטור צו ווערען פונ׳ם רשעים, וואס איז דער גרויסע מסירות נפש? (איך מיין עס נישט ערנסט, אטאקיר מיר נישט).

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9606
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3279 מאל
האט שוין באקומען לייקס: 9079 מאל

הודעהדורך cictim » מיטוואך נאוועמבער 15, 2017 7:06 am

די אמונה אין רבין זכיתעליינע איז אזוי שטארק, אפילו "סיפורי צדיקים" וואס דיין טאטע/זיידע/פעטער/קאזין/מחותן, און סתם גוטע פריינט האבן אליין מיטגעלעבט, זייער פערזענליכע מעשה'עס גלייבט מען אויך נישט.
cictim
ידיד השטיבל
ידיד השטיבל
 
הודעות: 258
זיך רעגיסטרירט: דאנערשטאג מאי 14, 2015 3:13 pm
האט שוין געלייקט: 3 מאל
האט שוין באקומען לייקס: 141 מאל

הודעהדורך chosen people » מיטוואך נאוועמבער 15, 2017 7:07 am

די מעשה פון שר של אש, קען מען קודם נאכקוקען איו די קאורט טרענסקריפט צו די ווערטער וואס ער האט געזאגט אין קאורט - לויט ווי אזוי ער דערציילט, צו עס איז אמת, נאכדעם קען מען אריין גיין צו אלע אנדערע דיטעילס איז אמת..
chosen people
היימישער באניצער
היימישער באניצער
 
הודעות: 385
זיך רעגיסטרירט: דינסטאג יוני 26, 2012 6:00 pm
האט שוין געלייקט: 1197 מאל
האט שוין באקומען לייקס: 353 מאל

הודעהדורך אישתישבי » מיטוואך נאוועמבער 15, 2017 8:43 am

מען דארף נישט זיין נאריש, מעשה'לעך וואס זענען קעגען דער שכל, זענען קיינמאל נישט געשעהן. אמאהל איז דא א ראציאנאלער הסבר, נאר דער בעל העובדא איז משנה בכוונה כדי דער מופת הסבר זאל זיין דער איינציגסטער הסבר. פארשטייט זיך אז מעשיות וואס קומען אפיר שפעטער זענען מן הסתם אויסגעזויגן פין פינגער.

קיינמאל איז נישט געוועהן קיין פרוף אויף ווידעא פין שדים און אחיזת עיניים כישוף וואס מען קען נישט מסביר זיין בדרך הטבע, ווייל די זאכען געשעהן נישט.
א קונץ צו זיין אליהו הנביא? א קונץ צו זיין איש תשבי!
אישתישבי
חבר ותיק
חבר ותיק
 
הודעות: 2570
זיך רעגיסטרירט: מיטוואך מערץ 09, 2016 12:19 am
האט שוין געלייקט: 99 מאל
האט שוין באקומען לייקס: 1353 מאל

הודעהדורך חצוצרות » מיטוואך נאוועמבער 15, 2017 10:26 am

אויערבאך האט געשריבן:די מעשה מיט זיידינפעלד איז בכלל נישט קיין נייעס , כהאב עס שוין געהערט יארן צוריק , אסאך מענטשן געדענקן דאס און נאך צענדליגע אפענע זאכן וואס מען האט געזען ביים הייליגן ריבניצער, סנאריש צו ברענגן א ראי' פון דעם אז מהאט נישט געוויסט בחייו פון דעם , כידוע האט ער געהאט גאר א קליינע עולם וואס האט זיך געדרייט ביי אים


דאס איז א שטארקע טענה, ועוד אז סאציאלע מידיע איז פארהעלטניסמעסיג גאר א נייע זאך, מיין באנוץ פון וואטסעפפ איז אונטער דריי יאר אלט, זיידנפעלד האט געקענט דערציילן די געשיכטע פאר צוואנציג יאר אין א צי און עס זאל זיך נישט ארומטראגן ווייטער ווי די איינהייטליכע ריבניצער מלוה מלכה צירקלען. היינט אז עס קומט איינער און לייגט עס אויף וואטסעפפ ווערט עס די געשפרעך פון טאג ביי קינד און קייט.
חצוצרות
מאנשי שלומינו
מאנשי שלומינו
 
הודעות: 34
זיך רעגיסטרירט: דאנערשטאג יאנואר 19, 2017 6:22 pm
האט שוין געלייקט: 73 מאל
האט שוין באקומען לייקס: 68 מאל

Re: מיין פראבלעם מיט'ן ריבניצער

הודעהדורך ליטוואק פון בודאפעסט » מיטוואך נאוועמבער 15, 2017 10:30 am

או כלך לדרך זה. פארוואס איז נישט מעגליך אז ביידע זענען אמת? אפשר האט ער געהאט א צד שטות און א צד צדקות? פארוואס זענען זיי א סתירה איינער צום צווייטען?
ווען מ׳רעדט פון א תורה׳דיגי אטאריטעט, א וועג ווייזער פאר די דורות, איז עס אוממעגליך. א צודרייטער קען מען נישט טרויערען. אבער אין די פאל איז עס נישט נייטיג. זאל ער זיין ביידער אינאיינעם.

(איך נעם נישטדי שטעלונג, איך קלער נאר. באשטיינער מיר נישט)

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9606
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3279 מאל
האט שוין באקומען לייקס: 9079 מאל

Re: מיין פראבלעם מיט'ן ריבניצער

הודעהדורך ראש הכולל » מיטוואך נאוועמבער 15, 2017 11:57 am

א איד וואס איז אדורך געגאנגען דעם רוסיש׳ען סוביר און האט זיך געהאלטען שטארק און נאכדערצו געבליבן כמעט ערליכע איז איז זיכער איינער א עובד.


Sent from my iPhone using Tapatalk
ראש הכולל
א גאסט אין שטיבל
א גאסט אין שטיבל
 
הודעות: 14
זיך רעגיסטרירט: זונטאג אקטאבער 15, 2017 6:00 pm
האט שוין געלייקט: 0 מאל
האט שוין באקומען לייקס: 5 מאל

נעקסט

גיי צוריק קאווע שטיבל

ווער איז יעצט דא?

באניצער וואס לייענען דעם פארום: AhrefsBot [Bot] און איין גאסט