קוקען מאוויס, פאסט עס דען פאר א מענטש מיט שכל?

ארטיקלען, אנאליזן, מיינונגען, געדאנקען, און שמועסן

הודעהדורך לעיקוואד » מאנטאג דעצעמבער 04, 2017 6:42 pm

א מאווי ווי מען זעהט דער בעל שם טוב פירען טיש וואלט דאך ליטוואק אויך מסתמא געקוקט, אדער עכ"פ נישט געזאגט עס פאסט נישט פאר א מענטש מיט שכל. איז דער גאנצער דיון אויף די תוכן. ווענדט זיך אויב עס האט תוכן אדער נישט, און יעדער איינער לויט וועלכער תוכן עם געפעלט. איך ווייס נישט ווי שטעקט דא די מחלוקת.
I have a dream
Martin Luther King ~
באניצער אוואטאר
לעיקוואד
שריפטשטעלער
שריפטשטעלער
 
הודעות: 3896
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1791 מאל
האט שוין באקומען לייקס: 6156 מאל

Re: קוקען מאוויס, פאסט עס דען פאר א מענטש מיט שכל?

הודעהדורך ליטוואק פון בודאפעסט » מאנטאג דעצעמבער 04, 2017 6:57 pm

די מחלוקת איז, איך האלט אז דאס ליגען אין יענעמ׳ס פיקציע איז א זלזול אין די מדרגה פון דער בחיר הנבראים דער מענטש, וואס קען נוצען זיין מעלות צוצוקומען צו גדולות ונצורות. אויף אויסלופטערען האב איך נישט קיין טענה. (א ווידיאו פון דער בעש"ט עסען, פאר אנדערהאלב שעה, איז אויך אביסל איבערגעטריבען. ווען ער זאגט תורות צו פסקנ׳ט שאלות צו פארענטפערט שווערע רמב"ם׳ס איז עס נישט אזוי).

אנדערע האלטען אז הנאה האבען האט ווייניג מאראלען, אוו יעדער לויט זיין געשמאק.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9607
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9100 מאל

הודעהדורך לעיקוואד » מאנטאג דעצעמבער 04, 2017 7:19 pm

פיקציע איז דאך נישט קיין שם הכולל, עס ווענדט זיך ווייטער אין די תוכן פון דער פיקציע. פאראן פיקציע וואס איז סתם שטותים און פארהאן וואס האט אין זיך א תוכן.
I have a dream
Martin Luther King ~
באניצער אוואטאר
לעיקוואד
שריפטשטעלער
שריפטשטעלער
 
הודעות: 3896
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1791 מאל
האט שוין באקומען לייקס: 6156 מאל

הודעהדורך טאמבל סאס » מאנטאג דעצעמבער 04, 2017 7:44 pm

נאטורליך זענען מיר נישט געבויעט אריינצונעמען אזויפיהל סענסארי אינפוט וואס מיר נעמען היינט אריין אין אפילו א קורצע וויילע. סיי צוליב די פיזישע לימיטעישאנס, סיי צוליב פארשידענע פארעמען פון אינפוט זענען ארטיפישעל -
ניי פאבריצירט. לבי אומר לי אז די חושים פון די אלטען זענען פיהל אויסגעשפיצטער געווען. די טעמפטעישאן און עדיקשאן צו די קאנסומפשען פון אינפארמאציע איז זעכער אייביג געווען. אפשר אבער איז די מח מער פיקעל ווי מיר מיינען און זי ווערט שנעל (אויסגעמיטשעט איז נישט די ווארט) מיד פון 'נישט מסיח דעת זיין.' ד.ה. "נישט לערנען איז די נסיון נישט לערנען איז די נסיון - ווייס וואו די קאמע געהערט.."
אויב דו מיינסט אז די נומערן וועלן אלעמאל זיגן - דערמאן דיך נאר וויפיל מענטשן די גאז קאמערן האבן געקענט פארנעמען אין א איינצלנע טאג? 10,000 לכל הדעות.
באניצער אוואטאר
טאמבל סאס
חבר ותיק
חבר ותיק
 
הודעות: 3346
זיך רעגיסטרירט: דאנערשטאג מערץ 08, 2012 8:59 am
געפינט זיך: נישט דאס פלאץ.
האט שוין געלייקט: 5514 מאל
האט שוין באקומען לייקס: 2854 מאל

הודעהדורך בענדזשאמין פרענקלין » מאנטאג דעצעמבער 04, 2017 7:51 pm

א תוכנדיגע שמועס, א פיינע מענטעל מעסטערבעשן ווי נולד רופט עס.
כהעלל נאר מצדיק זיין דער צדיק הוגה און זאגן אז מאוויס און שאוס מיט א גוטע סקריפט און עקטערס-עקטרעסעס, וען עס בארירט דעם מענטש, בארירט עס דעם מענטש אין די נשמה, מוח, אין טיפסטע חדרי לב וואס קיין שום אינטעלקטעאלע שמועס אדער ספר קען נישט דערגרייכען. און דער סיבה איז זייער פשןט, ווייל דער מענטש עקספירענסט עס כאילו הוא עצמו יצא ממצרים. אז מען רעדט שוין פון מצרים, מען קען לערנען און ליינען א גאנץ לעבן איבער די שוועריקייטען וואס אידן האבן מיטגעמאכט און מצרים און מען וועט נישט קענען מקיים זיין דעם "כאילו הו עצמו יצא" ווי ווען די זעסט א גוטע פילם אדער נאוועל דערוועגן. אזו איז עס און כמעט יעדע נקודה וואס עקספיריענסן די זאך אליינס ברענגט א קלארקייט און מען דערעהערט די זאך ברמ"ח אברים ושס"ה גידים, בפרט ווען עס האנדעלט זיך און פארשטיין די יומען ספישיס- זייער נייגונגען ,געפיהלן, שוואכקייטן וכו וכו' וכו' ווי שלום שטיסל וואלט געזאגט .
חמין במוצאי שבת מלוגמא
באניצער אוואטאר
בענדזשאמין פרענקלין
שריפטשטעלער
שריפטשטעלער
 
הודעות: 672
זיך רעגיסטרירט: מיטוואך נאוועמבער 14, 2012 11:53 pm
האט שוין געלייקט: 2528 מאל
האט שוין באקומען לייקס: 2947 מאל

הודעהדורך שמעקעדיג » מאנטאג דעצעמבער 04, 2017 8:05 pm

ווער איז נעקסט צו זאגן א מיינונג? משה געציל?
וירח ה' את ריח הניחוח
באניצער אוואטאר
שמעקעדיג
שריפטשטעלער
שריפטשטעלער
 
הודעות: 15272
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 18096 מאל
האט שוין באקומען לייקס: 18486 מאל

Re: קוקען מאוויס, פאסט עס דען פאר א מענטש מיט שכל?

הודעהדורך מפוזרי » מאנטאג דעצעמבער 04, 2017 8:10 pm

צוויי הערות:
א. פיקציע איז אסאך מאל - זייער אסאך מאל - אסאך מער אמת ווי נישט פיקציע.
ב. רט. ראובן, אַרט איז קיינמאל דברים בטלים.
נאר, נישט יעדער מאווי איז ארט. נישט יעדער האט א הרגש צו ארט.
דברי אדוננו המלך בעיני, נגידים ומעולים ונכבדים... אבל לא אשבח אותם שהם אמת! - הרמב״ן ליעקב הראשון.
מפוזרי
ידיד ותיק
ידיד ותיק
 
הודעות: 889
זיך רעגיסטרירט: פרייטאג מערץ 20, 2015 9:01 am
האט שוין געלייקט: 1802 מאל
האט שוין באקומען לייקס: 774 מאל

Re: קוקען מאוויס, פאסט עס דען פאר א מענטש מיט שכל?

הודעהדורך ליטוואק פון בודאפעסט » מאנטאג דעצעמבער 04, 2017 8:11 pm

שמעקעדיג האט געשריבן:ווער איז נעקסט צו זאגן א מיינונג? משה געציל?
פון דא זעט מען אז די אלע אנטלאפענער זענען נאר אנטלאפען ווייל מ׳האט נישט געטראפעו די שמועסען וואס זיי זוכען.

בענדזשאמין פרנקלין איז אפשר גערעכט, אבער די סארט ביכער און מאוויס זענען זייער זעלטען.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9607
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9100 מאל

Re: קוקען מאוויס, פאסט עס דען פאר א מענטש מיט שכל?

הודעהדורך ליטוואק פון בודאפעסט » מאנטאג דעצעמבער 04, 2017 9:19 pm

לאבהורי בעלמא - נאך א פאר אישי׳ס, וויל איך דא ארויס ברענגען אז איך קום נישט משפט׳ן די מענטשען אלס נידריגע מענטשען. נאר די מעשה. איך האב פונקט אזא תאווה ווי יעדעם און נישט אייביג שטייט מען ביי, הגם אז עס איז זעלטען וואס די געלעגנהייט קומט מיר אויס. אבער מיין געפיהל נאכ׳ן טוהן איז ווי אויבענדערמאנט, אז איך האב מיר פארפליישיגט.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9607
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9100 מאל

הודעהדורך יאסל ראקאווער » דינסטאג דעצעמבער 05, 2017 12:18 am

א קומזיץ/בוטע איז אויך נישט משיג צו זיין פאר א מענטש מיט שכל? אדער נגינה און הרגש איז א קונסט וואס האט יא פלאץ ביי די אלפא איד.

און אז מ'רעדט שוין, די ברכת יעקב איז פיל מיט ברכות פאר א שפע פון: געלט, עשירות, וויין און געשמאַקע עסן. נישט ברכות צו זיין בעלי מחשבה און מחברים פון דיקע בענדער ספרים.

שכר ועונש און די תורה ווערט אויך געמאסטן מיט ריינע גשמיות נישט מיט בחינות פון צדיקים יושבין ועטרותיהם בראשיהם ונהנים מזיו השכינה. מ'איז דאך אויף א עולם הזה. מאוויס אדער הנאה האבן פון א פעינטינג איז עולם הזה הנאה פונקט ווי די תאווה פון זיין שבט ביהודה אדער דן ידין עמו כאחד שבטי ישראל. אפגערעדט פון זיין די לענדלארד אויפן חוף היום און האבן אויגן רויט פון הענגאווערס.

צו האלטסטו טאקע אז א גוי וואס עסט נישט לכבוד שבת קודש אויב האט ער שכל איז נישט דא פלאץ פאר גשמיות אויף זיין וועלט?
הנח לו ליוסל, איך בין נישט קיין נביא, איך בין נישט די משנה ברורה. מיינע ווערטער איז נישט געמאסטן!

פארטייטש מיך נישט, און ליין נישט צווישען די שורות
יאסל ראקאווער
ידיד השטיבל
ידיד השטיבל
 
הודעות: 264
זיך רעגיסטרירט: זונטאג סעפטעמבער 15, 2013 2:30 pm
האט שוין געלייקט: 136 מאל
האט שוין באקומען לייקס: 425 מאל

הודעהדורך ביבער » דינסטאג דעצעמבער 05, 2017 1:52 am

את חטאי אני מזכיר איך האב אויך קיינמאל נישט געגליכן קיין פיקציע מאוויס צוליב עטליכע סיבות אבער ליינענדיג יעצט וואס איך פארפאס אלס זעה איך אז ס'נישט מער ווי עצת היצר און מ'וועט זיך בעז"ה מתגבר זיין.
I may not agree with what you say, but I will defend to the death your right to say it. - Voltaire
באניצער אוואטאר
ביבער
ידיד ותיק
ידיד ותיק
 
הודעות: 772
זיך רעגיסטרירט: דאנערשטאג נאוועמבער 29, 2012 4:12 pm
האט שוין געלייקט: 766 מאל
האט שוין באקומען לייקס: 820 מאל

Re: קוקען מאוויס, פאסט עס דען פאר א מענטש מיט שכל?

הודעהדורך ליטוואק פון בודאפעסט » דינסטאג דעצעמבער 05, 2017 6:51 am

יאסל ראקאווער האט געשריבן:א קומזיץ/בוטע איז אויך נישט משיג צו זיין פאר א מענטש מיט שכל? אדער נגינה און הרגש איז א קונסט וואס האט יא פלאץ ביי די אלפא איד.

און אז מ'רעדט שוין, די ברכת יעקב איז פיל מיט ברכות פאר א שפע פון: געלט, עשירות, וויין און געשמאַקע עסן. נישט ברכות צו זיין בעלי מחשבה און מחברים פון דיקע בענדער ספרים.

שכר ועונש און די תורה ווערט אויך געמאסטן מיט ריינע גשמיות נישט מיט בחינות פון צדיקים יושבין ועטרותיהם בראשיהם ונהנים מזיו השכינה. מ'איז דאך אויף א עולם הזה. מאוויס אדער הנאה האבן פון א פעינטינג איז עולם הזה הנאה פונקט ווי די תאווה פון זיין שבט ביהודה אדער דן ידין עמו כאחד שבטי ישראל. אפגערעדט פון זיין די לענדלארד אויפן חוף היום און האבן אויגן רויט פון הענגאווערס.

צו האלטסטו טאקע אז א גוי וואס עסט נישט לכבוד שבת קודש אויב האט ער שכל איז נישט דא פלאץ פאר גשמיות אויף זיין וועלט?
דו זאגסט עטליכע טענות.

1. א קומזיץ\באטע איז עפעס א העכערע סארט פארוויילונג ווי סתם זיך אנפרעסען. עס איז א זאך וואס דרוקט אויס די מעלות פון א מענטש איבער א בהמה. עס האט אויך מעגליך א פאר תכליתים, ווי כבוד שבת, דיבוק חברים, מעורר זיין הרגשים צו גוטע זאכען. איך בין נישט פערזענליך באהאפטען מיט די סארט זאכען, ממילא האב איך זיך קיינמאל נישט באטייליגט אין די זאכען (לאפוקי מדעת די וואס טענה׳ן אז איך רעד נאר פון מיין געשמאקען).

2. דאס וואס די ברכות אין תורה זענען עוה"ז איז שוין ברייט אויסגעמשועסט. ס׳גלויבט זיך שווער אז חכלילי עינים מיין, מיינט אז מ׳זאל האבען געשמאקע הענגאווערס כפשוטו ממש. ׳כמיין דאס ווינטשט מען אויף א שונא נישט קיין זוהן. און דער דן ידין וגו׳ זענען דאך טאקע דערהויבענער סארט ברכות.
מיר זענען צוגעוואוינט אז א טאג אין וואס מ׳האט געארבעט שווער און ערליך און פארדינט אפאר דאללאר, איז אן אויסגעהאלטענעם טאג, מ׳האט עז נישט פארפאטשקעט. די תורה בענטשט די אידען מיט אסאך העכערס, אז דער גשמיות וועט בכלל נישט זיין קיין פראבלעם, אלס וועט גייען לייכט און מיט׳ן שפיץ רואיגקייט. מ׳עט קענען לעבען א לעבען אן די דאגת הפרנסה. עס איז א זאב וואס איז אונז אוממעגליך כמעט פארצושטעלען וואס איז דער מנוחה פון א פאלק היושב על אדמתם וואס שטימט אקוראט לויט זייער געברויכען.

3. דיין שאלה וועגען א גוי איז ריכטיג. א גוי וואס עסט אויף אלע באקען, אן א חשבון פון געזונט צו וואס, איז אויך נידריגע ווי דער וואס עסט נאר להחיות נפשו. איך האב גארנישט געמיינט קיין אידישליכע סארט טענה, נאר א מענטשליכע.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9607
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9100 מאל

הודעהדורך איך אויך » דינסטאג דעצעמבער 05, 2017 11:39 am

הוגה האט געשריבן:
דער וואס געבט זיך ארויס מיט א בלאט גמרא איז נישט ווייניגער פארגרעבט ווי דער וואס גיבט זיך ארויס מיט א גראבע שטיק סטעיק.

וואס??
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5787
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 8074 מאל
האט שוין באקומען לייקס: 2637 מאל

Re: קוקען מאוויס, פאסט עס דען פאר א מענטש מיט שכל?

הודעהדורך קל וחומר » דינסטאג דעצעמבער 05, 2017 2:43 pm

הנאה איז א צורך פארן בעל שכל ליתן ריוח בין פרשה לפרשה.

דאס עצם הנאה לכשעצמו איז נישט די תכלית. ס'איז אן אמצעי פארן מענטש זיך צו אויפפרישן און גיין ווייטער.

יעצט בלייבט פאר יעדעם מיט זיין נאטור צו מחליט זיין וועלכע הנאה עס מאכט די ארבעט ואידך פירושא זיל גמור.
קל וחומר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1957
זיך רעגיסטרירט: פרייטאג דעצעמבער 04, 2015 4:42 am
האט שוין געלייקט: 3119 מאל
האט שוין באקומען לייקס: 2816 מאל

הודעהדורך יעקב מענטש » דינסטאג דעצעמבער 05, 2017 3:46 pm

א דאנק ליטוואק פאר דעם אינטערסאנטן אשכול, דיינע תגובות פארמאגן אין זיך דעם תל של תחיה און איז מחיה מתים...

וויבאלד דיין גאנצע הנחה איז געבויעט אויף 'מאראל', איז מיר שווער עס מגדיר צו זיין אינדרויסן פונעם תחום פון רעליגיע. ווער מאכט אפ אז א סייענטיסט איז מער מאראליש ווי א פוטבאל שפילער צוליב דעם וואס דער ערשטער נוצט פיל מער מחשבה ווי דער צווייטער?


איינמאל די לייגסט אריין רוחניות אינעם בילד, ווי אלץ ציהט צו איין נקודה, קען מען שוין אנהייבן אויסשטעלן די פריאריטעטן, לדוגמה א מאווי מיט א מוסר השכל קומט פאר א קאמעדי וכו' אזוי אויך אויב זיי זענען ביידע אסור עפ"י הלכה צוליב די אקטיארן וואס שפילן (איך האב שוין אמאל געפרעגט די שאלה דא אינעם שטיבל און קיינער איז נאך דערווייל נישט געקומען מיט א היתר) קענען זיי בכלל נישט קומען אין באטראכט.
יעקב מענטש
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1038
זיך רעגיסטרירט: דינסטאג אפריל 28, 2015 5:40 pm
האט שוין געלייקט: 886 מאל
האט שוין באקומען לייקס: 891 מאל

הודעהדורך שמערל » דינסטאג דעצעמבער 05, 2017 4:20 pm

אויב גלייבסטו נישט אין מאראל אלס א עקזיסטירנדער אמת, וועט רעליגיע דיר גארנישט העלפן. ביי דיר איז שעכטן א אייגן קינד אויף גאטס פארלאנג אויף די זעלבע שטאפל ווי געבן מעשר שני פאר א ארימאן,. ביידע טוט מען בלויז ווייל גאט האט פארלאנגט, און עס איז פשוט אומעגליך צו מעסטן וועלכע איז חשובער, ווייל מיר קענען נישט פארשטיין גאטס ווילן.
די גאנצע סיבה פארוואס דו אליינס פארשטייסט אז וואטשן פארן איז פילפאכיג ערגער ווי וואטשן א ריינע קאמעדי, איז נאר ווייל דו ביסט מודה אז די פראבלעם פון פארן איז א מאראלישע, און נישט סתם עפעס א אומפארשטענדליכע חוק ווי פרה אדומה.
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1110
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1214 מאל
האט שוין באקומען לייקס: 1355 מאל

הודעהדורך שבת אחים » דינסטאג דעצעמבער 05, 2017 7:17 pm

יעקב מענטש האט געשריבן:א דאנק ליטוואק פאר דעם אינטערסאנטן אשכול, דיינע תגובות פארמאגן אין זיך דעם תל של תחיה און איז מחיה מתים...

וויבאלד דיין גאנצע הנחה איז געבויעט אויף 'מאראל', איז מיר שווער עס מגדיר צו זיין אינדרויסן פונעם תחום פון רעליגיע. ווער מאכט אפ אז א סייענטיסט איז מער מאראליש ווי א פוטבאל שפילער צוליב דעם וואס דער ערשטער נוצט פיל מער מחשבה ווי דער צווייטער?




פארשטייסט טאקע נישט די חילוק ווען א מענטש וואטשעט א פוטבול געים און א מענטש לערנט זיך סייענס?

סקען טאקע זיין אז אסאך מענטשען (אפשר אפילו רוב מענטשען) וועלן מעהר הנאה האבן צו וואשטען א געים ווי זיך זעצן לערנען וועגן אטאמס און מאליקיולס וכו׳ אבער די תוכן דערפון איז אנדערש. ווען די וואטשסט א געים ווערסטו גארנישט קלוגער חוץ אז דו ווייסט אינפארמאציע וועגן די ספעציפשע געים ווידער ווען די וואטשסט עפעס מיט ׳תוכן׳ בלייבסטו לעולם ועד קלוגער, סאיז אזויווי לערנען עפעס.

א ספורטס געים מאכט נישט די מענטש קלוגער, סהאלט אים נאר פארנומען ווידער אז א מענטש לערנט זיך עפעס ווערט ער קלוגער, און וואס מעהר מענטשען אויף די וועלט ווערן קלוגער און פארשטיין סייענס איז עס א טובה פאר אונז אלע. נאר אזוי איז מען אנגעקומען אז איך קען יעצט קאמיוניקירן מיט דיר אן אפילו וויסן ווער דו ביסט און וויאזוי דו קוקסט אויס.
What made me realize that I was not at home? A spot on the wall. When the Wizsnitzer Rebbe
Died in 1936 we received his photo. He was a beautiful man. I remember putting the nail in the wall. The nail was was still on the same spot with a crucifix on it
אלי וויזעל
באניצער אוואטאר
שבת אחים
חבר ותיק
חבר ותיק
 
הודעות: 6297
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4913 מאל
האט שוין באקומען לייקס: 3711 מאל

Re: קוקען מאוויס, פאסט עס דען פאר א מענטש מיט שכל?

הודעהדורך ליטוואק פון בודאפעסט » דינסטאג דעצעמבער 05, 2017 10:25 pm

לערנען סייענס איז נישט קיין אפרוען מיטעל, נאר אפשר א תכלית פאר׳ן צוקונפט.

לכאורה, אפילו ווען מ׳וויל זיך אויסלופטערען און זיך אפרוען, כאפט זיך א חילוק צווישען א דערהויבענע מענטש און א נידרידע, אוןאין די זעלבע מענטש באשטייט אמאל ביידע בחינות. א דערהויבענע מענטש האט הנאה פון העכערע זאכען, א לייכטער שמועס מיט א בעל תוכן, א מעשה ביכל פון טיפערע מעשה׳ס, מער קאמפליצירטע מוזיק, א שיינעם שפאציר אין א קאלירפולע גארטען, זאכען וואס זענען מרחיב דעתו של אדם. א נידריגע מענטש האט נידריגערע סארט׳ן תאוות, און ער פארוויילט אויף א נידריגערע סארט וועג. איך האב פארברענגט מיט א פאר דערהויבענע בעלי מדרגה, און זייער שמועסען און זיך אפרוען איז אויך אויף א סטאנדארד, נישט נאר ביים לערנען.

איך ברענג זיך אלס משל. איך טוה נישט קיין מצוות מיט׳ן שרייבען דא אין שטיבעל, נאר אביסל פארוויילונגס במשך די ארבעט און אנגעצויגענקייט פון די טאג. איך וואלט געוואלט זאגען אז איך שרייב בעיקר דענקפולע זאכען, נאר ס׳מאכט זיך מ׳ווערט פליישיג און מ׳לאזט זיך אריין אין אן אהרן זלמן לייב שלעגעריי. מיין נידריגקייט דרוקט זיך דארט אויס. און דערנאך שפיר איך ביי זיך טאקע פארפליישיגט, וכנ"ל.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9607
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9100 מאל

הודעהדורך יעקב מענטש » מיטוואך דעצעמבער 06, 2017 4:09 pm

שמערל האט געשריבן:אויב גלייבסטו נישט אין מאראל אלס א עקזיסטירנדער אמת, וועט רעליגיע דיר גארנישט העלפן. ביי דיר איז שעכטן א אייגן קינד אויף גאטס פארלאנג אויף די זעלבע שטאפל ווי געבן מעשר שני פאר א ארימאן,. ביידע טוט מען בלויז ווייל גאט האט פארלאנגט, און עס איז פשוט אומעגליך צו מעסטן וועלכע איז חשובער, ווייל מיר קענען נישט פארשטיין גאטס ווילן.
די גאנצע סיבה פארוואס דו אליינס פארשטייסט אז וואטשן פארן איז פילפאכיג ערגער ווי וואטשן א ריינע קאמעדי, איז נאר ווייל דו ביסט מודה אז די פראבלעם פון פארן איז א מאראלישע, און נישט סתם עפעס א אומפארשטענדליכע חוק ווי פרה אדומה.

איך האב א פראבלעם מיט פארן ווייל מיין תורה לאזט עס נישט.

איך פראביר צו פארשטיין פארוואס פארן איז א פראבלעם זאל איך זיין א אטעאיסט, עני הסבר?

אויב דער באשעפער הייסט מיר שעכטן מיין קינד, איז עס פיל חשובער ווייל ס'איז במציאות שווערער.
יעקב מענטש
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1038
זיך רעגיסטרירט: דינסטאג אפריל 28, 2015 5:40 pm
האט שוין געלייקט: 886 מאל
האט שוין באקומען לייקס: 891 מאל

הודעהדורך ליטוואק פון בודאפעסט » מיטוואך דעצעמבער 06, 2017 4:54 pm

איך מיין אז פארן איז א נידריגקייט פון די אקטרעס זעלבסט, און א מענטש מיט א חשיבות פאר די מענטשהייט דארף זיך עקלען צו זעהן ווי איינער טוט זיך אויס זיין/איר גאנצע מענטשליכע חשיבות.

ולא עוד, אלא דאס קוקן שמוץ טוט דאך שטערן די נארמאלע באציאונגען מיט א באליבטע, אדער היינט אדער שפעטער. איינער וואס ווארפט אוועק אן עתיד פאר א קורץ טערמיניגע הנאה, איז א בהמה, כמ"ש הרמב"ם אויף דער וואס פיהרט זיך אויף נישט געזונט.

און באופן כללי, אזא דערהויבענע טיפע זאך ווי די ליבשאפט צווישן צוויי מענטשן ווערט ביליג געמאכט דורכ'ן אנרירן שלא במקומו. ווען מ'שלעפט אוועק די מצוה פון איהר טיפקייט, האט מען פיהל מער פארשוועכט ווי ווען מ'עסט שלא לשמה וכדו'.
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9607
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9100 מאל

הודעהדורך שמערל » דאנערשטאג דעצעמבער 07, 2017 12:51 pm

יעקב מענטש האט געשריבן:איך האב א פראבלעם מיט פארן ווייל מיין תורה לאזט עס נישט.


ווי שטייט אין דיין תורה אז פאָרן איז נישט ערלויבט?

די איינציגסטע וועג דאס צו וויסן איז נאר אויב מען גלייבט אין מאראל, דאס הייסט מען גלייבט אז עס זענען דא זאכן אויף דער וועלט וואס זענען ביסודו גוט אדער שלעכט, דאס איז וויאזוי חז"ל האבן געקענט ארויסלערנען פון ונשמרתם מכל דבר רע אז מ'טאר נישט טראכטן קיין מחשבת זנות. ווייל זיי האבן געגלייבט אין מאראל און געהאלטן אז הרהור טראכטן פון פרויען איז שלעכט, האבן זיי פארשטאנען אז ווען די תורה רעדט פון שלעכטס מיינט ער זאכן וואס זענען מאראליש שלעכט. אויב גלייבסטו נישט אין קיין מאראל, איז דאס אוממעגלעך צו וויסן אפילו מיט א גאט און א תורה, וויבאלד מען קען נישט וויסן אויב גאט וויל בכלל מאראלישקייט פון דיר, אפשר איז גאט נאר מקפיד אויף געוויסע חוקים און האט גארנישט מיט מאראל? אפשר רופט ער שלעכטס וואס דו מיינסט איז גוט?

עס איז אבער קלאר נישט אזוי, די גאנצע תורה איז אויסגעשטעלט צו רעדן פון מאראלישקייט וואס מענטשן פארשטייען פון זיך אליינס, די תורה נעמט אן מיט א פשטות אז מענטשן ווייסן וואס עס מיינט גוט און שלעכטס, קדושה און טומאה, ער דארף עס נישט מסביר זיין, ווייל מאראל איז עפעס וואס האט גארנישט מיט א תורה אדער רעליגיע, עס איז עפעס וואס אויב גלייבט מען דערין טוט מען עס אן א גאט, און אויב לייקענט מען דערין איז מען ערגער ווי א חיה אפילו אויב איז מען מקיים כל התורה כולו. (אין די ספרים ווערט עס אנגערופן א נבל ברשות התורה.)
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1110
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1214 מאל
האט שוין באקומען לייקס: 1355 מאל

Re: קוקען מאוויס, פאסט עס דען פאר א מענטש מיט שכל?

הודעהדורך ליטוואק פון בודאפעסט » דאנערשטאג דעצעמבער 07, 2017 12:58 pm

א. פארן איז אסור ווייל עס ברענגט צו אינטרנט, ופשוט.

ב. ונשמרת מכל דבר רע, אאל"ט, איז א דרשה אז מ׳זאל נישט טוהן איין זאך וואס עס קומט ארויס דערפון א צווייטע זאך וואס איז שלעכט. וויבאלד די תורה זאגט אז שכבת זרע איז מטמא, און א הרהור ביום קען עס פאראורזאכען, איז עס א סברא אז עס מיינט דאס. נישט ווייל גוים (מסתמא מושפע געווארען פון תורה) האבען עס באשטעטיגט אלס שלעכט.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9607
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9100 מאל

הודעהדורך שמערל » דאנערשטאג דעצעמבער 07, 2017 1:14 pm

הוצאת שכבת זרע איז נישט קיין שלעכטע זאך על פי תורה, קיום מצוות עונה איז א מצות עשה דאוריתא, די מושג אז קרי בלילה איז שלעכט איז אלס זרע לבטלה, וואס האט גארנישט מיט טומאה צו טוהן, נאר איז בלויז א מאראלישע פראבלעם.

די וועג וויאזוי חז"ל האבן געטראפן אז זרע לבטלה איז א פראבלעם על פי תורה, איז ווייל זיי האבן עס שוין פארדעם געהאלטן פאר א פראבלעם, און פילע פעלקער אפילו אזוינע וואס האבן קיינמאל נישט געהערט פון א תורה האלטן אויך אזוי.
איינער וואס האלט נישט אז זרע לבטלה איז א פראבלעם, וועט נישט טרעפן אין תורה א רמז כל שהוא אז די תורה האט עפעס דערקעגן.
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1110
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1214 מאל
האט שוין באקומען לייקס: 1355 מאל

הודעהדורך יעקב מענטש » דאנערשטאג דעצעמבער 07, 2017 1:25 pm

שמערל האט געשריבן:
יעקב מענטש האט געשריבן:איך האב א פראבלעם מיט פארן ווייל מיין תורה לאזט עס נישט.


ווי שטייט אין דיין תורה אז פאָרן איז נישט ערלויבט?

די איינציגסטע וועג דאס צו וויסן איז נאר אויב מען גלייבט אין מאראל, דאס הייסט מען גלייבט אז עס זענען דא זאכן אויף דער וועלט וואס זענען ביסודו גוט אדער שלעכט, דאס איז וויאזוי חז"ל האבן געקענט ארויסלערנען פון ונשמרתם מכל דבר רע אז מ'טאר נישט טראכטן קיין מחשבת זנות. ווייל זיי האבן געגלייבט אין מאראל און געהאלטן אז הרהור טראכטן פון פרויען איז שלעכט, האבן זיי פארשטאנען אז ווען די תורה רעדט פון שלעכטס מיינט ער זאכן וואס זענען מאראליש שלעכט. אויב גלייבסטו נישט אין קיין מאראל, איז דאס אוממעגלעך צו וויסן אפילו מיט א גאט און א תורה, וויבאלד מען קען נישט וויסן אויב גאט וויל בכלל מאראלישקייט פון דיר, אפשר איז גאט נאר מקפיד אויף געוויסע חוקים און האט גארנישט מיט מאראל? אפשר רופט ער שלעכטס וואס דו מיינסט איז גוט?

עס איז אבער קלאר נישט אזוי, די גאנצע תורה איז אויסגעשטעלט צו רעדן פון מאראלישקייט וואס מענטשן פארשטייען פון זיך אליינס, די תורה נעמט אן מיט א פשטות אז מענטשן ווייסן וואס עס מיינט גוט און שלעכטס, קדושה און טומאה, ער דארף עס נישט מסביר זיין, ווייל מאראל איז עפעס וואס האט גארנישט מיט א תורה אדער רעליגיע, עס איז עפעס וואס אויב גלייבט מען דערין טוט מען עס אן א גאט, און אויב לייקענט מען דערין איז מען ערגער ווי א חיה אפילו אויב איז מען מקיים כל התורה כולו. (אין די ספרים ווערט עס אנגערופן א נבל ברשות התורה.)


@שמערל.

די תורה שבעל פה איז פונקט אזוי מסיני ווי די תורה שבכתב, און די חכמים האבן נישט געמאכט דרשות און פירושים אויף די תורה פשוט ווייל אזוי איז געווען די דעפיניציע צו יענע צייט אין די אלגעמיינע וועלט, אבסאלוטלי נישט! די חכמים האבן 'מקבל' געווען א פירוש אויף די תורה און ס'איז נתגלה געווארן אין געוויסע צייטן (דאס שרייבן די ראשונים, נישט קיין אייגענע השערה).

ביי אונז אידן ווערט נישט טוב און רע דעפינירט לויט ווי אזוי די אלגעמיינע וועלט באשלוסט, ביי אונז וועט געי מערידזש אלץ בלייבן געמיין (ביז אפשר אז מ'וועט אונז גוט פארטושען דעם מוח אז זיי זענען פשוט אזוי געבוירן, מיט די אלע אנדערע נאנ-סענס תירוצים, וואס די זעלבע פארטיידיגער זענען נישט גרייט צו נוצן אויף א פעדאפייל). ביי אונז ווערט עפעס טוב אדער רע לויט ווי אזוי די תורה האט אפגעמאכט, מציצה בפה איז א הייליגע מנהג, און גיין אנגעטוהן האלב נאקעט אויפן גאס איז א עקל.

דיין מורה דרך אויף מאראל שטייט אויף הינערנע פיס, 80 יאר צוריק זענען אינגן און מוידן געזעצן אפגעטיילט אין קלאס, א טיטשער האט נישט געטארט גיין מיט א קלייד קורצער פון די קני, און נישט געטארט רעדן הויעך צו מענער (האט גארנישט געהאט צוטוהן מיט 'פרויען רעכטן', די פרויען זעלבסט האבן געוואלט און געשעצט אזא לעבנסשטייגער).
היינט ברויך מען שוין לאזן א קוקו וואס האט זיך דערקלערט פרוי, נוצן די פרויען בעסקיסע (איינער פארשטייט נאך פארוואס מ'דיסקרימינירט און מ'האלט אויף 2 עקסעטער בתי כבוד בכלל?)

מיין מורה דרך איז לא תהא מוחלפת ולא תהא תורה אחרת מאת הבורא יתברך שמו.

דא האב א צוויי בלאט וואס איך האב אמאל געטראפן אנליין וואס איז מבאר די מקור האיסור, אבער צו מאכן א שארטקאט, די איסור פון מביא לידי הרהור איז זיכער דא בלי שום פקפוק.
בייגעלייגטע פיילס
מקור איסור הסתכלות בנשים.docx
(19 KiB) אראפגעלאדנט 47 מאל
יעקב מענטש
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1038
זיך רעגיסטרירט: דינסטאג אפריל 28, 2015 5:40 pm
האט שוין געלייקט: 886 מאל
האט שוין באקומען לייקס: 891 מאל

Re: קוקען מאוויס, פאסט עס דען פאר א מענטש מיט שכל?

הודעהדורך קל וחומר » דאנערשטאג דעצעמבער 07, 2017 1:36 pm

הרב יעקב מענטש,
וואס טוט זיך מיט די מצות יעוד?
לויטן היינטיגן סטאנדארט איז דאס ריין רעיפ און פארקויפן א זעקס יעריג טאכטער אלס שקלאף איז ריין טשיילד אביוס.
טוישט זיך די הלכה אדער נישט?
קל וחומר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1957
זיך רעגיסטרירט: פרייטאג דעצעמבער 04, 2015 4:42 am
האט שוין געלייקט: 3119 מאל
האט שוין באקומען לייקס: 2816 מאל

פריערדיגענעקסט

גיי צוריק קאווע שטיבל

ווער איז יעצט דא?

באניצער וואס לייענען דעם פארום: Google [Bot] און איין גאסט