מילתא דעבידא לאיגלויי לא משקרי בה אינשי? (א 9/11 נס)

ארטיקלען, אנאליזן, מיינונגען, געדאנקען, און שמועסן

מילתא דעבידא לאיגלויי לא משקרי בה אינשי? (א 9/11 נס)

הודעהדורך העניך » מאנטאג דעצעמבער 17, 2018 6:08 pm

לייען איך אזוי דעם פארגאנגענעם שבת אינעם גליון "הליכות החיים", פון הרב נחום צבי מאיר ראזענפעלד, א מעשה נורא וואס איינער האט געהערט פון האדמו"ר ר' צבי מאיר זילבערבערג וועגן א איד וואס איז געראטעוועט געווארן פון 9/11 א דאנק דעם וואס ער איז נזהר געווען אינעם כבוד פון זיין טלית ותפילין. און נישט נאר ער איז געראטעוועט געווארן, נאר ער איז אויך געווען דער גורם אז צענדליגער טויזנטער מענטשן זאלן אויך געראטעוועט ווערן א דאנק זיין ערליכקייט.

ומעשה שהיה, דערציילט ער, כך היה. דער איד האט געדארפט פליען פון באסטאן קיין ניו יארק סיטי מיט יונייטעד עירליינס פלייט 175, וואס האט עווענטועל אריינגעקראכט אינעם צווייטן בנין פונעם "ווארלד טרעיד סענטער". זיצנדיג אויפ'ן עראפלאן שוין נאכ'ן פארשפארן די טירן, האט ער זיך דערמאנט אז ער האט בטעות איבערגעלאזט זיין טלית ותפילין אינעם עירפארט. הגם ער וואלט זיך געקענט פארלאזן אז ס'וועט שוין אנקומען צו אים צוריק, האט ער נישט געוואלט אז עס זאל ארומגעווארפן ווערן דורך "ערלים", און ער האט פארלאנגט אז מ'זאל אים זאפארט ארויסלאזן פונעם עראפלאן.

אזא זאך, ווייסט איר דאך, גייט נישט אזוי גרינג. די שטאב פונעם עראפלאן האבן אים נישט געוואלט אראפלאזן, היות מ'איז דאך שוין געווען גרייט אט אט צו פארן. האט ער זיך ארומגע'טענה'ט מיט זיי פאר צוואנציג מינוט, ביז זיי האבן אים אראפגעלאזט. פארשטייט זיך אז ער האט מער נישט געקענט צוריק ארויף אויפ'ן עראפלאן, און ער איז אזוי געראטעוועט געווארן. נאך מער פון דעם, א דאנק זיין טענה'ריי איז דער עראפלאן ארויסגעפלויגן צוואנציג מינוט שפעט, און דאס האט גורם געווען אז ס'זאל אריינקראכן צוואנציג מינוט שפעטער ווי געפלאנט. ווייל "מיליטערישע עקספערטן" זאגן, אז אויב וואלטן ביידע עראפלאנען אריינגעקראכט צוזאמען וואלטן געווען צענדליגער טויזנטער טויטע, אנשטאט נאר די 3,000 וואס זענען אומגעקומען.

כ'מיין אז יעדער בר דעת וואס זעט אזא מעשה שטעלט זיך גלייך אפ טראכטן אז דאס לייגט זיך בכלל נישט אויפ'ן שכל, און אויב יא, וואלט דאס געווען וועלט-נייעס תיכף אין די ערשטע טעג נאך 9/11. אז אן עראפלאן זאל זיך נישט קענען הייבן פאר צוואנציג מינוט וועגן א מאדנעם אידל וואלט געווען קלאר דאקומענטירט, און אויך וואלט געווען דאקומענטירט אז א מענטש וואס איז שוין געזעסן אויף דעם טראגישן עראפלאן גרייט אפצופליען איז געראטעוועט געווארן אין דעם לעצטן מינוט.

די עצם פראגע אויב פלייט 175 האט געשפעטיגט איז דאך ממש א מילתא דעבידא לאיגלויי. לויט וויקיפעדיע, איז דער עראפלאן אוועק פונעם טערמינאל אין צייט אום 7:58 (דער פלייט צייט איז געווען באשטימט אויף 8 אזייגער). נאכ'ן אוועקגיין פונעם טערמינאל איז בכלל נישט פאראן אזא זאך אז מ'זאל אראפלאזן א פאסאזשיר חוץ פאר א ריכטיגער עמוירדזשענסי. עס נעמט אייביג נאך עטליכע מינוט ביז דער עראפלאן גייט ארויף אין די לופטן - אין דעם פאל האט עס גענומען נאך 16 מינוט ביז ליפט-אף בשעה 8:14. דאס מיינט א נארמאלע ליפט-אף לכל דבר.

אבער אין א וועלט וואו פאקטן און אמת זענען ניטאמאל אויפ'ן ראדאר, שטעלט זיך קיינער נישט אפ פרעגן אזעלכע פשוט'ע פראגעס וואס אן אינטעליגענטער כתה ו' אינגל וואלט געפרעגט, און יעדער וואלט געקענט ענטפערן מיט אביסל שכל און וויקיפעדיע.

אויף דער פראגע פארוואס מיר ווייסן נישט דעם נאמען פון דעם מיט וועמען די מעשה האט פאסירט, ענטפערט דער מספר אינעם גליון: "צוליב פריוואטע סיבות האט דער געראטעוועטער איד דאס נישט געוואלט דערציילן ברבים, אבער ער האט דאס מיטגעטיילט פאר א געוויסן רב [וואס ווייזט אויס אז ער וויל אויך נישט מיטטיילן זיין נאמען ברבים צוליב פריוואטע סיבות], און יענער רב האט עס דערציילט פאר הגרצ"מ זילבערבערג שליט"א."

דער וואס האט געשיקט דעם בריוו צום גליון, שרייבט זיך אונטער: "(-)" - ווארשיינליך צוליב פריוואטע סיבות. אבער דער ארויסגעבער פונעם גליון, וועלכער האט מחליט געווען צו דרוקן אזא לעכערליכע דערציילונג, שרייבט צו מזל יא זיין נאמען גלייך אונטערן נאמען פונעם גליון. עס בלייבט איבער זיך צו וואונדערן צי הרב צ"מ זילבערבערג האט טאקע דערציילט די מעשה.
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
העניך
היימישער באניצער
היימישער באניצער
 
הודעות: 409
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 412 מאל
האט שוין באקומען לייקס: 2111 מאל

הודעהדורך קאצקע ציקער » מאנטאג דעצעמבער 17, 2018 6:15 pm

גראדע ווען איך האב עס געליינט שבת האב איך געהאט נאך פראגעס אבער וואטעווער
באניצער אוואטאר
קאצקע ציקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1472
זיך רעגיסטרירט: פרייטאג אפריל 06, 2012 1:46 am
האט שוין געלייקט: 837 מאל
האט שוין באקומען לייקס: 768 מאל

הודעהדורך העניך » מאנטאג דעצעמבער 17, 2018 6:17 pm

ממה נפשך, אויב וואטעווער, וואס איז פשט פון דיין תגובה? אויב איז עס אינטערעסאנט, זאג שוין וואס דיינע פראגעס זענען געווען.
העניך
היימישער באניצער
היימישער באניצער
 
הודעות: 409
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 412 מאל
האט שוין באקומען לייקס: 2111 מאל

הודעהדורך קאך_לעפל » מאנטאג דעצעמבער 17, 2018 6:32 pm

ווארשיינליך האט רבי צבי מאיר געמיינט צו זאגן, אז אויב דער איד וואלט ווען ווירקליך געווען אויפן פליגער, און ער וואלט ווען אראפגעגאנגען צוליב זיין טלית און תפילין, און דער פליגער וואלט ווען געשפעטיגט, וואלטן ווען די פליגער אריינגעקראכט אין די צווילינג-טורעמס אין די סאמע זעלבע צייט. און דאן איז שטארק מעגליך אז מיליטערישע עקספערטן וואלטן געהאלטן אז דער אומגליג וואלט ווען געווען א פולפאכיגער.
רבי צבי מאיר זעט די אנוועזנהייט פונען אלמעכטיגן אימעטום, און אז נישט, באנוצט ער זיך מיט זיין גראנדיעזע אילוזיעזישע טאלאנטן, אויסצושטעלן די פאקטן אויף א וועג וואס ג-טס האנט איז וואס מער אימעטום. די געשיכטעס און די פאקטן זענען מער ווייניגער רייפע פרוכט פון זיין ג-ט געבענטשטע פאנטאזיע...
קאך_לעפל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1630
זיך רעגיסטרירט: מאנטאג דעצעמבער 10, 2012 12:16 pm
האט שוין געלייקט: 152 מאל
האט שוין באקומען לייקס: 1744 מאל

Re: מילתא דעבידא לאיגלויי לא משקרי בה אינשי? (א 9/11 נס)

הודעהדורך דער גאלדענער אדלער » מאנטאג דעצעמבער 17, 2018 6:56 pm

כ'קען נישט דעם הרב ר'צבי מאיר זילבערבערג, נאר געהערט פונעם דא און דארט, כ'ווייס נישט צו ער איז א פאנטאזירער צו נישט, אבער כ'וואלט ווען געגאנגן א שטאפל ווייטער, און בכלל ג'קוועשטענד צו ר' צבי מאיר האט בכלל דערציילט אזא מעשה, קען זיין אז דער בעל הבריוו האט סתם פאנטאזירט אויף ר' צבי מאיר'ס חשבון, מיטן תירץ אז אויב איז די מעשה נישט אמת, קען עס דאך זיין אמת, נישט אזוי זאגט מען נאך פון איינע פון די תלמידי בעש"ט. אפשר האט דער איד עפעס א חשבון גרעסער צו מאכן ר' צבי מאיר, אפשר טוט ער עס פאר זיין פרנסה, אזוי ווי אלע אותות ומופתים מיט שקרים וכזבים וואס מ'הענגט אויף סיי וועלעכן כ"ק אדמו"ר מ'קען נאר.
דער גאלדענער אדלער
ידיד ותיק
ידיד ותיק
 
הודעות: 663
זיך רעגיסטרירט: דאנערשטאג אפריל 27, 2017 6:30 pm
האט שוין געלייקט: 3413 מאל
האט שוין באקומען לייקס: 1290 מאל

הודעהדורך מיימון » מאנטאג דעצעמבער 17, 2018 7:29 pm

דאס וואס ער זאגט וועגן מיליטערישע עקספערטן מיינט ער מן הסתם דאס וואס מען האט ברייט שפעקולירט דעמאלטס אז די צייט צווישן די צוויי אטאקעס האט געגעבן צייט פאר די מענטשן פונעם צווייטן טורעם ארויסצולויפן באצייטנס.

לגבי די מעשה זעלבסט האט ער מסתמא געמיינט איינע פון די פילצאליגע מעשה'לעך וואס האבן זיך דעמאלטס ארומגעדרייט ווי באקאנט מיט סליחות אד"ג עס איז ארויסגעקומען דעמאלטס א גאנצן בוך מיט די מעשיות. איי די פרטים איז דאך נישט קיין קשיא ווייל מיט די יארן ווערט דער זכרון אפגעשוואכט און מענטשן פארגעסן און 'דערמאנען זיך' פרטים אנדערש ווי דעם מציאות, אפילו מיט זאכן וואס האבן פאסירט מיט זיי אליין. פאריגע וואך האב איך געהערט ווי איינער פארציילט א מעשה פונעם ריבניצער, און איז מפליא וויאזוי וואס מער יארן עס גייט אדורך ווערן מיר אלס מער געוואויר זיין גרויס קדושה... גראדע ער זאגט דארט אז ער האט די מעשה פארציילט ביים ריבניצער נאך בחייו, אבער ווער ווייסט, אפשר האט ער דאס זיך אויך דערמאנט שפעטער....
מיימון
ידיד השטיבל
ידיד השטיבל
 
הודעות: 320
זיך רעגיסטרירט: דאנערשטאג פעברואר 26, 2015 1:17 am
האט שוין געלייקט: 160 מאל
האט שוין באקומען לייקס: 858 מאל

הודעהדורך העניך » מאנטאג דעצעמבער 17, 2018 7:37 pm

מיימון האט געשריבן:איי די פרטים איז דאך נישט קיין קשיא ווייל מיט די יארן ווערט דער זכרון אפגעשוואכט און מענטשן פארגעסן און 'דערמאנען זיך' פרטים אנדערש ווי דעם מציאות, אפילו מיט זאכן וואס האבן פאסירט מיט זיי אליין. פאריגע וואך האב איך געהערט ווי איינער פארציילט א מעשה פונעם ריבניצער, און איז מפליא וויאזוי וואס מער יארן עס גייט אדורך ווערן מיר אלס מער געוואויר זיין גרויס קדושה... גראדע ער זאגט דארט אז ער האט די מעשה פארציילט ביים ריבניצער נאך בחייו, אבער ווער ווייסט, אפשר האט ער דאס זיך אויך דערמאנט שפעטער....

זע מיין ארטיקל דא, וואו איך מאך טאקע דעם פוינט בנוגע 9/11 און דעם ריבניצער:
viewtopic.php?f=4&t=11979
העניך
היימישער באניצער
היימישער באניצער
 
הודעות: 409
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 412 מאל
האט שוין באקומען לייקס: 2111 מאל

הודעהדורך berlbalaguleh » מאנטאג דעצעמבער 17, 2018 8:56 pm

העניך: די מעשה איז מעגליך יא געשעהן. נאר מיט עטליכע קליינע אבער וויכטיגע שינויים. אז דער איד האטציך דערמאנט פון זיין טלית ותפילין ווען מ'האט שוין געדארפט איינשטייגן אין עראפלאן. ביים געיט. און ער האטציך צוריקגעדרייט...נאר דער בעל מספר האט עס געוואלט מאכן מער דראמאטיש. ווייל אקעגן א מציאות קענמען זיך נישט שלאגן. אן עירפלעין קרו וועט נישט מסכים זיין צוריקצודרייען אן עראפלאן צוליעב די קאפריזן פון עפעס א איד'ל. ראשית כל ס'שטעלט איין די סעיפטי פון די קרו און פאסאזשירן. צווייטנס. דאס קאסט אפ פאר די עירליין שווערע טויזנטערס... אויסער דעם. קען דער פיילאט נישט אויסדרייען דעם עראפלאן ווען ער ווילל. ער דארף בעטן ערלויבעניש פן קאנטראל טאוער. און זיי דארפן האבן א גוטע סיבה צו ערלויבן פאר דעם עראפלאן צוריקצוקומען צום טערמינאל...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13102
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14519 מאל
האט שוין באקומען לייקס: 8343 מאל

הודעהדורך העניך » מאנטאג דעצעמבער 17, 2018 9:49 pm

יעצט געטראפן אז "סנאופס" האט שוין 12 יאר צוריק אפגע'פסק'נט די מעשה אלס: False

https://www.snopes.com/fact-check/spared-by-piety/
העניך
היימישער באניצער
היימישער באניצער
 
הודעות: 409
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 412 מאל
האט שוין באקומען לייקס: 2111 מאל

הודעהדורך קאצקע ציקער » מאנטאג דעצעמבער 17, 2018 10:08 pm

העניך האט געשריבן:ממה נפשך, אויב וואטעווער, וואס איז פשט פון דיין תגובה? אויב איז עס אינטערעסאנט, זאג שוין וואס דיינע פראגעס זענען געווען.

קודם כל אויב מען האט עים אראפגעלאזט פון פליגער האט מען דאך נישט געווארט פאר עים ממילה האט די פליגער נישט געשפעטיגט אקעי איך זעה אז דו שרייבסט ער האט זיך ארימגטענהט . מאכט נישט סענס אז מען זאל זיך שלאגן מיט עים 20 מיניט צווייטענס וועלכע נארמאלע מענטש לאזט זיין תפילין אין עיר פארט דריטנס געדענק איך שוין נישט
באניצער אוואטאר
קאצקע ציקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1472
זיך רעגיסטרירט: פרייטאג אפריל 06, 2012 1:46 am
האט שוין געלייקט: 837 מאל
האט שוין באקומען לייקס: 768 מאל

הודעהדורך ביבער » מאנטאג דעצעמבער 17, 2018 11:41 pm

די מילתא דעבידא לגלויי לא משקרי איז נישט אפגעפרעגט ווייל ר' צבי מאיר ווייסט נישט פון וויקיפידיע מיט סנאופס.
I may not agree with what you say, but I will defend to the death your right to say it. - Voltaire
באניצער אוואטאר
ביבער
ידיד ותיק
ידיד ותיק
 
הודעות: 714
זיך רעגיסטרירט: דאנערשטאג נאוועמבער 29, 2012 4:12 pm
האט שוין געלייקט: 670 מאל
האט שוין באקומען לייקס: 737 מאל

הודעהדורך אישתישבי » מיטוואך דעצעמבער 19, 2018 1:15 am

די חברה פין סנאופס זענען געהעריגע אפיקורסים, ווען נישט, וואס שטערט זיי אז די מעשה איז יא אמת?
ותאמרנה הבנות, הכי קראת שמו ספייקי, ויספקני זה פעמיים, באחוריים.
מקור
אישתישבי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1755
זיך רעגיסטרירט: מיטוואך מערץ 09, 2016 12:19 am
האט שוין געלייקט: 74 מאל
האט שוין באקומען לייקס: 938 מאל

הודעהדורך גדליה » מיטוואך דעצעמבער 19, 2018 1:51 am

די עיקר לימוד פון די מעשה איז אז מ'זאל ווייטער זיך ארומקריגען מיט די פלייט אטענדענטס און מאכען א מצב יעדעס מאל א חסידישע יוד גייט אויפ'ן פליגער
קענסט דאך נישט וויסען, אפשר איז דא א טעראריסט אויפ'ן פליגער אין די ראטעוועסט טויזענטער מענטשען
פרעג מיך אפ.
גדליה
ידיד ותיק
ידיד ותיק
 
הודעות: 983
זיך רעגיסטרירט: דאנערשטאג יאנואר 18, 2018 4:34 pm
האט שוין געלייקט: 585 מאל
האט שוין באקומען לייקס: 1539 מאל

הודעהדורך וויליאמסבורגער » מיטוואך דעצעמבער 19, 2018 3:44 pm

טאקע א נארישע מעשה וואס מאכט נישט קיין סענס, אבער וואס געשעהט דען אז די מעשה איז נישט אזוי אמת? איינער איז אפשר געשעדיגט געווארן פון דעם? איינער האט זיך פון דעם אויסגעלערענט נישט צו קעירן פאר טלית ותפילין?

(כ'פארשטיי די טענה, אבער איך פיל אז איך וויל מיך אננעמען פאר א גליון וואס איז מיך זייער מהנה יעדע צווייטע וואך ווען עס קומט ארויס און איך האב שוין אסאך קונה געווען הלכות פון דעם)
וויליאמסבורגער
היימישער באניצער
היימישער באניצער
 
הודעות: 431
זיך רעגיסטרירט: מאנטאג אפריל 02, 2012 1:16 am
האט שוין געלייקט: 531 מאל
האט שוין באקומען לייקס: 407 מאל

הודעהדורך גדליה » מיטוואך דעצעמבער 19, 2018 4:05 pm

העניך האט געשריבן:יעצט געטראפן אז "סנאופס" האט שוין 12 יאר צוריק אפגע'פסק'נט די מעשה אלס: False

https://www.snopes.com/fact-check/spared-by-piety/

וואס האלט רב זילבערבערג וועגען סנאופס?
פרעג מיך אפ.
גדליה
ידיד ותיק
ידיד ותיק
 
הודעות: 983
זיך רעגיסטרירט: דאנערשטאג יאנואר 18, 2018 4:34 pm
האט שוין געלייקט: 585 מאל
האט שוין באקומען לייקס: 1539 מאל

הודעהדורך אישתישבי » מיטוואך דעצעמבער 19, 2018 4:12 pm

דער אמת איז אז רב זילבערבערג איז גערעכט. ווייל עס איז נישט א מילתא דעבידא לגלויי, ווייל פארוואס זאל איינער קוקען אויף די אינטערנעט בכלל?
ותאמרנה הבנות, הכי קראת שמו ספייקי, ויספקני זה פעמיים, באחוריים.
מקור
אישתישבי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1755
זיך רעגיסטרירט: מיטוואך מערץ 09, 2016 12:19 am
האט שוין געלייקט: 74 מאל
האט שוין באקומען לייקס: 938 מאל

הודעהדורך העניך » זונטאג דעצעמבער 23, 2018 12:06 am

וויליאמסבורגער האט געשריבן:טאקע א נארישע מעשה וואס מאכט נישט קיין סענס, אבער וואס געשעהט דען אז די מעשה איז נישט אזוי אמת? איינער איז אפשר געשעדיגט געווארן פון דעם? איינער האט זיך פון דעם אויסגעלערענט נישט צו קעירן פאר טלית ותפילין?


ממש אזוי האט טאקע דער ארויסגעבער פונעם גליון גע'טענה'ט צו מיר אין אן אימעיל-קארעספאנדענץ.

הליכות החיים האט געשריבן:בנוגע די הערה אויף די מעשה די וואך איך האב נישט מברר געווען די מעשה ווייל יענער האט צוגעשריבן צו דעם א נאמען פון א גברא רבה ווי הרב זילבערבערג שליט״א וואס איז א בר סמכא און לעבט ברוך ה׳ מען קען עס מיט אים מברר זיין

יעצט אייערע הוכחות אז עס שטימט נישט זענען זייער שטארקע אבער לאמיר זאגן אז לא דובים ולא יער די מעשה איז קיינמאל געשען
נו קיינער האט נישט געהאט שאדן פון די מעשה עס האט קיינעם נישט אפגעקילט פון עבודת ה׳ און נישט מבייש געווען קיין איד חלילה


פאלגנד איז מיין ענטפער:
דאס איז נישט א פראבלעם וואס איז ספעציפיש צום הליכות החיים, נאר איז ליידער פארשפרייט אין רוב אויסגאבעס און גליונות. און כ'בין געוואוינט אז די אלע אויסגאבעס קימערן זיך בכלל נישט איבער דעם ענין, און ס'איז א שאד צו רעדן צו זיי. עס איז א קריטיק אויף אונזער געזעלשאפט בכלליות אז דער ענין פון "אמת" -- פשוט און פראסט דעם לויטערן אמת -- איז בכלל נישט קיין ענין וואס מ'שטרעבט דערפאר.

כ'זע אז איר זענט אנדערש ווי די אנדערע, און איר האט אנגענומען מיין קריטיק, אבער אפילו אין אייער ענטפער זעט מען אז איר פארשטייט נישט דעם ענין כהוגן. עס איז נישט אז די מעשה אדער יענע מעשה האט איינעם געשעדיגט אויפ'ן פלאץ, נאר פאלשע מעשיות בכלליות, אין אייער גליון און אין אויסגאבעס, ספרים, וכו', שעדיגן נאמנות און ברענגען אונטער דעם פשוט'ן מושג וואס אפילו די מתוקנים שבאומות וואקסן מיט דעם אויף אז א מענטש דארף שטרעבן אז א ווארט וואס גייט ארויס פון זיין מויל זאל זיין אמת, בפרט ווען מ'רעדט פאר א רבים. א מענטש וואס וואקסט אויף מיט פאלשע מעשיות, מיט דערציילונגען וואס שטימען נישט מיט לאגיק, באקומט א פארדרייטן לאגיק וואס שעדיגט אים אין אלע אספעקטן פון לעבן ברוחניות ובגשמיות.

אידישע קינדער, אלס דער עם חכם ונבון, דארפן זיין די ערשטע צו שטרעבן אויף אמת, נאכצופארשן צי עפעס וואס מ'דערציילט איז אמת, אדער עכ"פ זיך אפשטעלן א מינוט און טראכטן מיט א חוש הביקורת צי עפעס לייגט זיך אויפ'ן שכל.
העניך
היימישער באניצער
היימישער באניצער
 
הודעות: 409
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 412 מאל
האט שוין באקומען לייקס: 2111 מאל

הודעהדורך רביה''ק זי''ע » זונטאג דעצעמבער 23, 2018 12:28 am

העניך האט געשריבן:אידישע קינדער, אלס דער עם חכם ונבון, דארפן זיין די ערשטע צו שטרעבן אויף אמת, נאכצופארשן צי עפעס וואס מ'דערציילט איז אמת.

פונקט קאפויער...

וכבר אמר מי שאמר, "כל כדבייא בישין וכדבייא דאורייתא טבין..." (ירושלמי ברכות פ"ט ה"ה). ועיין גם ערך אמונות הכרחיות.

גראדע די מאמר חז"ל פארענטפערט כמעט אלע קשיות אויף אידישקייט, דוק ותשכח.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2511
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2419 מאל
האט שוין באקומען לייקס: 1559 מאל

הודעהדורך וואלווי » זונטאג דעצעמבער 23, 2018 3:42 am

רביה''ק זי''ע האט געשריבן:
העניך האט געשריבן:אידישע קינדער, אלס דער עם חכם ונבון, דארפן זיין די ערשטע צו שטרעבן אויף אמת, נאכצופארשן צי עפעס וואס מ'דערציילט איז אמת.

פונקט קאפויער...

וכבר אמר מי שאמר, "כל כדבייא בישין וכדבייא דאורייתא טבין..." (ירושלמי ברכות פ"ט ה"ה). ועיין גם ערך אמונות הכרחיות.

גראדע די מאמר חז"ל פארענטפערט כמעט אלע קשיות אויף אידישקייט, דוק ותשכח.


ביסט גערעכט בשיטה, אבער שקר אין לו רגלים און סוכ"ס ארבעט עס נישט פון א מענטשליכע שטאנדפונקט. די הליכות חיים האט קנאפ א טובה געטון מיט די בעלאני.
באניצער אוואטאר
וואלווי
חבר ותיק
חבר ותיק
 
הודעות: 2220
זיך רעגיסטרירט: זונטאג נאוועמבער 01, 2015 12:34 pm
האט שוין געלייקט: 3091 מאל
האט שוין באקומען לייקס: 2900 מאל

הודעהדורך ונבנתה העיר » זונטאג דעצעמבער 23, 2018 2:56 pm

שכוח העניך, פאר'ן אויפברענגען דער וויכטיגער נושא.

גלייבטס מיר רבותי, דאס איז דער הונטערטיר'ל פון וואו דער דעוויל וועט סוף סוף ערלעדיגען דאס הייפל קניען שלא כרעו.

אזויווי כ'בין נישט מיסתפינא, קען איך אייך מגלה זיין אז דאס פארקויפען בלאף, גוזמאות און דמיונות, נאכדערצו אין דער אינטערנעט עפאכע, איז די לעצטע נסיון פאר משיח'ס טאג.

דרוקטס פלאקאטן אין בארא פארק, מאכטס אסיפות אין וויליאמסבורג, פראטעסטירט אין מאנסי; אמרו, הושע ה' את שארית ישראל, גיבט איבער פאר סקולענער רבי אז כ'האב זיך אויסגעדרוקט בזה"ל: וויי אז כ'האב דאס דערלעבט. שארף.

צופידעלטע אידן, הערט דעם דבר ה'. ווילאנג איר וועט נישט אויפהערען פארקויפען חלומות, וועט ווייטער פאלן שטיקער פון כלל ישראל. ומה יעשה הבן שלא יאמר כל אפיא שוין.

כ'האב לעצטענס געהאט די געלעגנהייט איבערצוגיין א ספר פאר'ן דרוק. תיתי לי אז כ'האב גע'גירא'ט דעם שטן אין די אויגען. בזכות אבותי ורבותי פארשטייט זיך.

דער מחבר גייט אויס פאר התפעלות ווי מ'קען זיך איבערצייגען בחוש, בעולם הזה הגשמי, אז דעם מענטש'נס אברים זענען בטל צו זיין נפש.

עס ווייסט דאך יעדער חדר-יונגעל אז א טויטע גוף וועגט מער ווי א לעבעדיגער. מען האט עס מסתמא אריינגעלייגט אין די משנה, החי נושא את עצמו.

און נישט סתם מער, זאגט אונזער מחבר, נאר שלא בערך מער. עס דאך מרפסין איגרא. טראכט אריין, עס ליגט א גוסס אויף א וואג און וועגט כך וכך. אבער די רגע זיין נשמה גייט ארויס קומט צו א שיינע פאר פונט אויפ'ן וואג. כ'מיין, וואט דע העק איז גאואינג אן? ס'איז צוגעקומען דא מער חומר?

האמיר דאך אן הוכחה שאין עליה תשובה, וואו מ'קען זיך אליין איבערצייגען מיט די פליישיגע אויגן, אז ווילאנג דער מענטש לעבט זענען זיינע אברים בטל צום נפש.

וואס זאל איך אייך זאגן, כ'האב נישט סעלעקטירט די גאנצע מעשה און געקוועטשט דיליעט. ניין. כ'האב גע'בעקספעיס'ט פון אונטן אויף ארויף, יעדע קערעקטער באזונדער. זאלן מיר זיי גערעכענט ווערן צום יום הדין.

וואס איז? דער גאנצער חשבון האט א קליינע פראבלעם; ס'הייבט זיך נישט אן.

ס'איז שקר. ס'איז כזב. ס'איז דמיון. ס'איז א רעמנאנט פון די פאר-אינטערנעט עפאכע.

זענט איר אויפן קאפ געפאלן? איר האלט טאקע אז די רגע מ'שטארבט קומען צו פונט אוט אוו דע בלו? ס'פאלט מיר יעצט איין אז ס'וואלט געווען א געוואלדיגע וועג מכריע צו זיין די רגע המיתה.

וואס יא? א טויטע גוף איז מער אומבאלומפערט צו טראגן, אבער וועגן וועגט זי די זעלבע.

זאל מיר דער זכות ביישטיין.
מ'דארף צוריק אראפברענגען דעם רבי'ן

אמר ונבנתה: אל עבר החלון נשקפתי ונתתי אל לבי כי שבת האדם ממנו, חומר וגשם – ורוח אין, בחנתיו, והנה הוא תולדת מקריו – כאשר ילך המקרה כך יתעצב לבו ודמותו, לרגעים אבחננו, כאשר יאמר החכם כי אין הוויית רגע מול רגע נוצרת כי אם בהתחדש מקריו, ואל מי יקר המקרה?
באניצער אוואטאר
ונבנתה העיר
חבר ותיק
חבר ותיק
 
הודעות: 3592
זיך רעגיסטרירט: מיטוואך יולי 25, 2012 5:41 am
האט שוין געלייקט: 7096 מאל
האט שוין באקומען לייקס: 7054 מאל

Re: מילתא דעבידא לאיגלויי לא משקרי בה אינשי? (א 9/11 נס)

הודעהדורך חסיד פון ליטא » זונטאג דעצעמבער 23, 2018 6:03 pm

די גמרא זעלבסט זאגטעך אז ווען מ'איז כפות אדער ישן איז נישט חי נושא את עצמו.
חסיד פון ליטא
ידיד השטיבל
ידיד השטיבל
 
הודעות: 179
זיך רעגיסטרירט: דינסטאג אפריל 19, 2016 12:18 am
האט שוין געלייקט: 330 מאל
האט שוין באקומען לייקס: 193 מאל

הודעהדורך גדליה » זונטאג דעצעמבער 23, 2018 6:06 pm

כ׳מיין פאר דעם אליין טאר מען נישט שרייבען אזעלכע פאלטשע מעשיות. וואס דארפען מיר געבען שטאף פאר די קאווע שטיבעל אפיקורסיםלעך זאלען קומען אפלאכען פון יעדע דבר שבקדושה?
פרעג מיך אפ.
גדליה
ידיד ותיק
ידיד ותיק
 
הודעות: 983
זיך רעגיסטרירט: דאנערשטאג יאנואר 18, 2018 4:34 pm
האט שוין געלייקט: 585 מאל
האט שוין באקומען לייקס: 1539 מאל

הודעהדורך הקטן » זונטאג דעצעמבער 23, 2018 8:10 pm

העניך האט געשריבן:
הליכות החיים האט געשריבן:נו קיינער האט נישט געהאט שאדן פון די מעשה עס האט קיינעם נישט אפגעקילט פון עבודת ה׳ און נישט מבייש געווען קיין איד חלילה


געב איבער פאר די הליכות החיים אז ער האט מיך פרעזעטליך מבייש געווען, און לויט ונבתה אויך אפגעקילט אנדערע פון עבודת ה!
I want atheism to be true and am made uneasy by the fact that some of the most intelligent and well-informed people I know are religious believers

Thomas Nagel
הקטן
חבר ותיק
חבר ותיק
 
הודעות: 2300
זיך רעגיסטרירט: דינסטאג מאי 15, 2012 7:30 pm
האט שוין געלייקט: 1790 מאל
האט שוין באקומען לייקס: 1028 מאל

הודעהדורך העניך » דינסטאג דעצעמבער 25, 2018 7:33 pm

עס קוקט ליידער אויס אז האדמו"ר ר' צבי מאיר זילבערבערג האט טאקע נאכגעזאגט די מעשה ביי זיין שלוש-סעודות תורה...

נאר איין חילוק, אין הליכות החיים איז געשטאנען אז א רב האט עס דערציילט פאר הרב זילבערבערג דירעקט, און דא שטייט סתם אז יענער האט עס דערציילט.
בייגעלייגטע פיילס
ftr56.JPG
העניך
היימישער באניצער
היימישער באניצער
 
הודעות: 409
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 412 מאל
האט שוין באקומען לייקס: 2111 מאל

Re: מילתא דעבידא לאיגלויי לא משקרי בה אינשי? (א 9/11 נס)

הודעהדורך נעגעל וואסער » דינסטאג דעצעמבער 25, 2018 7:40 pm

איך פארשטיי נישט עפעס אנדערש, וואס פונקטליך וואלט געווען אנדערש ווען ביידע פליגערס קראכן אריין צוזאמען, אזש צוואנציג טויזנט מענטשן וואלטן אומגעקומען?? ביידע בנינים זענען געפאלן סיי וויי סיי צום תהום.
נעגעל וואסער
ידיד ותיק
ידיד ותיק
 
הודעות: 660
זיך רעגיסטרירט: מיטוואך דעצעמבער 30, 2015 10:44 pm
האט שוין געלייקט: 1547 מאל
האט שוין באקומען לייקס: 706 מאל

נעקסט

גיי צוריק קאווע שטיבל

ווער איז יעצט דא?

באניצער וואס לייענען דעם פארום: נישטא קיין אנליין באניצער און 5 געסט