אנטי וואקסינירער זענען טעקניקעל עמי הארצים און בעד עט דיטעיל

ארטיקלען, אנאליזן, מיינונגען, געדאנקען, און שמועסן
רעאגיר
באניצער אוואטאר
טאמבל סאס
שריפטשטעלער
שריפטשטעלער
הודעות: 4222
זיך רעגיסטרירט: דאנערשטאג מערץ 08, 2012 7:59 am
געפינט זיך: נישט דאס פלאץ.
האט שוין געלייקט: 7148 מאל
האט שוין באקומען לייקס: 3601 מאל

אנטי וואקסינירער זענען טעקניקעל עמי הארצים און בעד עט דיטעיל

שליחה דורך טאמבל סאס »

אנדערש ווי פיהל אנדערע דא האב איך יא געהערט פערזענליך פון מומחים, ריסערטשערס און דאקטורים, איבער די קרעדיביליטי פון וואקסינען און די טפשות'דיגע רשעות פון די אנטי-וואקסינירער, קאנס-פיראטן. נישט אז איך פארשטיי אסאך צו ביאלאגיע און די טערמינען פארבינדן צו דער נושא, אזוי אז איך קען נישט אליינס אפלייענען און פארשטיין אן ארטיקל און די נאטור אדער סייענס מאגאזינען למשל, אבער די ערשטע קענען יא.

נאר דא וויל איך מיר באציען צו די גרויס-שטאקיגע פערדן וואס כאטש וואס מאנכע פון זיי האבן ווי עס שיינט געלערנט א באנטש מיט ספרים און געלייענט (פאפולער-סייענס – סייענס פאר די פאפוליס) ביכער פון גרויסע פראפעסארן קומט זיי נישט אין באטראכט אז כדי צו שטעלן א צד אין דער נושא און נאך ארגיוען דערפאר, זענען די אלע געלייענכצער גארנישט ווערט. צו דעם דארפן זיי פשוט לייענען און פארשטיין די מאניולס, דהיינו די ביאלאגיע ביכער און זיין אפ טו דעיט מיט די פובליצירטע שטודיעס אין די (נישט פאר פאפולוס און נישט עסטאבילירטע) זשורנאלן. נאר דער פראבלעם פארשטיי איך איז אז צו פארשטיין ווי אזוי א מאשין ארבעט פעלט זיך אויס נישט נאר צו לייענען פריער דעם מאניול און האבן א גא עט איט אין פרעקטיס, נאר אויכעט ברויך מען נאך פאר מען נעמט זיך דערצו האבן דער ריכטיגער פארשטאנד, וואס איז דאס קאוז און עפעקט, אנישט איז מען פשוט, אין א פרעקטיקעל מציאות, נישט געמאכט פארדעם. נישט געמאכט פאר דער פעלד. גיי זיי א לויער אדער א סעילסמאן.

איך האב געשמועסט מיט מיין באבע זז"ג נישט לאנג צוריק, זאגט זי מיר אזוי בתוך הדברים אז היינט דארף זיין זייער געווארנט זיין און ליגן אין בעט אגאנצן טאג כדי נישט זיך איבערצושטרענגען; אזוי מיינט זי וועט זי לעבן ביז 120. אפנים, עס פאלט איר גארנישט איין אז ראסטיגן דעם קערפער פירט נאר שנעלער צו צום גרוב. זי איז שוין באלד אכציג און דורכאויס איר גאנצן לעבן האט זי מסתמא נישט געהערט דער מושג אז ווען מען מאכט עקסערסייז, וואס ברויך לכאורה אפשוואכן דעם קערפער, האט עס דער פארקערטער עפעקט, עס שטארקט דעם קערפער. נו, גיי טענה דיך מיט א פערפעקטלי לאגישע ארגומענט. און אזוי כהנה וכהנה קען מען טרעפן פיהלע משלים און דוגמאות אין אונזער אויפברענגונג אוואו מענטשן באשטימען דעם מציאות באזירט גענצליך אויף דער לאגיק אין זייער קאפ אדער געפיהל אין זייער קערפער און פארשטייען גארנישט אז דער מציאות קימערט זיך נישט מיט דיין איינזאמע וועג פון טראכטן. און אפילו ווען עס איז נישט אזוי איינזאם, די גאנצע וועלט זאל טראכטן אז מסברא זענען מיר די צענטער פון די יקום, קען מציאות דיך אויך פאטשן אין פנים.

אלזא, לדעתי איז דער שורש פון אזא וויסטע אנטי-וואקסינאציע שיטה מחמת אונזער אומפארשטענדעניש, פחד און בושה (אזא פון גאווה – ס'פאסט מיר נישט אז איך פארשטיי נישט דערצו) פון סייענס בכלל און מעקעניקעל ביאלאגיע (פאר וואנט פון א בעסערע טערם) בפרט. איך וואלט מוסיף געווען אז אונזער טענדענסי צו טיילן זיך נאכאנאנד, נאך ווען די עמבריאו איז פיצל, איז גורם אזא יהושע בן לוי ואליהו עפעקט, אוואו יעדערער איז א ראש; אוואו עס זענען דא צוויי צדדים און א הונדערט מיינונגען – ווייל מיך האט מען דאך אויסגעלערנט אז נאר מיין מיינונג איז קדוש און נאר מיר זענען די אמת'ע אידן. כאאס און אנארכיע.

ריכטיג מיר זענען נישט מאשינען, אבער ווי ווייט מיר זעען ביז אהער, האבן רובא דיסקאוועריס אין סייענס זיך ארויסגעוויזן געגן די אינטואציה און אנגעקומען מיט בלוט און פארעך (עיין ערך וויקי פאול ערליך – אפשר דאס וועט איבערצייגן די פת במלח תאכל'ניקעס וועלכע גלייבן, ווידער מיט בלויזע אינטואציה, אז נאר ווען מען לאזט זיך פייניגן (און די בני בית אויכעט) קען מען מגלה זיין נשגבות.), פארוואס? ווייל מיר-נישט-מאשינען אינטערעקטן מיט א פיזישע וועלט מחוץ פון אונזערע געווילטער (preferred) רעאליטי אין קאפ, און דער פיזישער וועלט, אזוי ווי אונזערע אייגענע קערפער, האבן רולס ווי אזוי עס פונקציאנירט, וואס מאכט נישט-דוקא אדער דוקא-נישט סענס מיט ווי אזוי זאכן וואלט געדארפט זיין אקארדינג צו אונזער מיינונגען, געפיהלן און מאראלישע איבערצייגונגען. א ראיה, כדי צו פארשטיין עני מעקעניקעל פענאמענאן, נעמט יגיעה. דו זאגסט דו פארשטייסט נישט? 'קלאר' (אין דער אנדערער אשכול וואס ליטוואק האט צוגעלינקט), שרייט מחמת געפיהל, 'פראפעסאר שפירא' שרייט מחמת אינטואציה און אדנירם ברענגט גאר הארטע לאגיק, צושטעלונגען און אומצאליגע לא הרי'ס אבער קלוגערע פון זיי האבן שוין מקדים געווען מיט די קשיא פון צדיק ורע לו, וואס לדעתי שטאמט פון דער זעלבער מקור. ווי קען זיין אז די וועלט ארבעט נישט לויט ווי אלעמענס קאפ זאגט אז ס'דארף? ווייל דו ווייסט נישט ווי אזוי דיין אייגענע קאפ ארבעט, זאלסטו ווילן וויסן שוין ווי אזוי, און גאר פארוואס, די וועלט ארבעט די וועג ווי זי ארבעט? אז דו ווילסט באמת וויסן, גיי זעץ דיך לערנען. נאר וואס דען, דו קענסט נישט קאופן מיט די דיטעיל - און כמאמר החכם, די דעוויל איז אין די דיטעיל.

ווען נישט וואס כ'ווייס וויפיל האפט דאס האט וואלט איך געזאגט אז דער 'איינס פון מיליאן' שאנס וואס שמערל זאגט עקזעסטירט אז וואקסינירן זאל עמיצן שאטן דארף אויך האבן אזא קינד וועמענס האדעוונג איז אויף די שיטה אז ארבעטן מאטערט אויס און ווי מער ליגן אין בעט אלץ בעסער, און מסתמא א קינד פון עלטערן – ערשטע קאזינס (ווי כאילו אן ארוני מיט א זלוני איז בעסער). אזא שוואכלינג איז דען א חידוש? דער וועט דאך אדערווייז זיין א לאסט אויף פובליק העלטה פאר'ן לעבן עפ"ל.
דאס איז נישט מייניגע, דאס איז אויך נישט פון באשעפער. דאס איז פון די מאדערנע אחיה השילוניס פון היינט.
פארוואס זאג איך אייך דאס? ווייל כל מי שאינו אומר דבר בשמם מתעטר בעטרה שאינו שלו ומביא בערות, גסות רוח ואמונות טפלות בעולם.

דער אשכול פארמאגט 31 תגובות

איר דארפט זיין א רעגיסטרירטער מעמבער און איינגעשריבן צו זען די תגובות.


רעגיסטרירן איינשרייבן
 
רעאגיר