יוסטיץ (און תפיסות) אין אמעריקע

ארטיקלען, אנאליזן, מיינונגען, געדאנקען, און שמועסן

יוסטיץ (און תפיסות) אין אמעריקע

הודעהדורך שמעקעדיג » דינסטאג אקטאבער 23, 2012 6:24 am

אצינד קומט די בשורה אז מען וועט נישט אנקלאגן דעם בחור פון קרוינהייטס, וועמען די פאליציי האט ברוטאל אטאקירט און דערנאך ארעסטירט פאר 4 טעג אין רייקערס איילענד. נאך א מזל ס'איז דא א ווידיאו.

פאר 3 חדשים צוריק איז געווען אין די נייעס, אז מען האט באפרייט פון תפיסה (אויך רייקערס איילענד) א מ'כלומר'טשן מערדער וועלכער איז פאר'משפט געווארן אויף 20 יאר, און נאך 15 יאר קעמפן מיט ציין און נעגל האט ער אויפגעוויזן אז ער איז נישט געווען דער מערדער, נאר ליבערשט א אומשולדיגער שעיר לעזאזל אויף וועמען די פאליציי אגענטורן מיט די פראקורארן האבן זיך אנגעטשעפעט.

און די פאסירונגען זענען נישט קיין איינצעלנע. עס גייט נישט אדורך קיין קורצע תקופה, וואס מען הערט נישט נאך אזעלכע האר-אויפשטעלנדע באריכטן, ווי אומ'יושר'דיג דער "יוסטיץ סיסטעם" אין אמעריקע איז. ווער עס לייענט (רח"ל) דער שטערן/שפאקטיוו, האט זיך שוין זיכער אנגעשטויסן אין מערערע באשרייבונגען וועלכע פאראורזאכן הארץ ווייטאג אז מיר לעבן אין אזא "מלכות של חסד" מיט סדומ'ער געזעצן, אן קיין יושר, רשעות און בלבולים, שווערע רשעות'דיגע תפיסות, קאלטע בלוטדורשטיגע פראקורארן, אלעס אונטערן נאמען פון יוסטיץ. אבער מען קען טרעפן גענוג פארווייטאגטע ארטיקלען אפילו פשוט אין די היימישע צייטונגען.

און די גרעסטע חידוש איז נאך, אז מיליאנען מענטשן זענען איינגערעדט און פארגלויבט דערין. גיב נאר א קוק אביסל אין די קאמענטס אויף "וואס איז נייעס", און באמערק די בלינדע באגלויבטקייט אינעם "סיסטעם". די קאמענטירער און גלויבער פארשטייען נישט אז זיי (די יוסטיץ דעפארטמענט) קענען טרעפן ביי יעדן מענטש צענדליגער קרימינאלע אנקלאגעס, זאל דאס זיין אפילו אויפן פרעזידענט אליין. דאס איז דערפאר ווייל ברצותם קענען זיי דרייען וואס דער מענטש האט געטון און געזאגט און געמיינט און געטראכט, און יעצט שטעל זיך אויפן קאפ. און אז זיי ווילן איינעם חרוב מאכן דאס לעבן, הכח בידם. אלמלא מען טרעפט נישט דעם ווידיאו פון דעם בחור'ל, וואלט ער מסתמא באקומען צוגעטיילט נישט ווייניגער ווי 6-7 יאר. וויפיל ווידיאוס ווערן בכלל נישט געטראפן אדער רעקארדירט, וואס וואלטן געקענט העלפן שטעלן א קעיס אינעם ריכטיגן פרעספעקטיוו?

די בלוט ברויזט ווען מען לייענט זיך אן אדער מען הערט די שרעקליכע מעשיות, און די עינויים וואס די אנגעקלאגטע גייען אדורך, ממש נוסח רוסלאנד און מיטל-אלטער. איי וועסטו פרעגן, וואס וועט דער אשכול אויפטון? איז קודם כל "ישיחנה", איך וויל מיר אויסרעדן אין פאבליק, און נאכדעם, אפשר וועט דאס איינער פון די פאליטישאנס לייענען און עפעס טון דערוועגן (פליז וועקטס מיך נישט אויף).

איך בין זייער שטארק פאר "יוסטיץ רעפארם". אונזער סיסטעם מוז זיך דראסטיש טוישן. די אן א שיעור מעשיות וואס איך האב שוין געהערט און געלייענט, איז איבער גענוג צו זיין איבערצייגט אז עס פאדערט זיך אן ערנסטן תיקון. (אגב, 2 סייטס - צווישן אנדערע - וואו איך האב זיך אסאך אנגעלייענט זענען http://www.prisontalk.com און http://www.prisoners.com. די צווייטע איז דעמאקראטיש געשטימט, און איז בעיקר פון פענסילוועניע, אבער נעווער-דע-לעס, גיט א גוטן בליק אריין אינעם סיסטעם, די גיהנם וואס די אומגליקליכע גייען אדורך).

וואס גענוי דארף מען טוישן? , אה, די ליסטע איז גאר א לאנגע. איך וועל נישט אנקומען צו אלעם יעצט, אבער לאמיר כאטשיג אנהייבן, און מ'וועט ממשיך זיין שפעטער אי"ה. און איר קענט צולייגן אייער אייגענע.

צום ערשטן אלעם, די תפיסות אליין דארף ווערן געטוישט לטובה. די רשעות און די צרות וואס די אינמעיטס גייען אדורך איז הארצרייסענד. בפרט נעמענדיג אין באטראכט אז מערערע פון זיי זענען אומשולדיגע! לאמיר נישט רעדן פון די געצעלטן תפיסות פון דעם שטרענגן שעריף "דזשאו" ימ"ש, אין אריזאנע, וואס איז דער טייוול אליין און האט הנאה ווי מער צו פייניגן זיינע ארעסטאנטן ממש ברוטאל. איך רעד פון דורכשניטליכע תפיסות, בפרט ביי די הויכע-סעקיוריטי תפיסות.

לאמיר נעמען א משל. אין די מאקסימום-סעקיוריטי תפיסות, געפינט זיך אין יעדן ענגן צימערל – וואו מען שטופט אריין מער מענטשן וואו עס קען פארנעמען, צוליב מאנגל אין פלאץ – א טוילעט, וועלכע איז אפן לעיני כל. וויבאלד די ארעסטאנטן זענען פארשלאסן אינעם פיצעלע צימער פאר 23 שעה א טאג, מיטן אויסנאם פון איין שעה וועלכע זיי טוען עקסערסייז אדער נעמען שאוערס וכדומה, מוזן זיי האבן דעם טוילעט אין צימערל. אבער היות די ארעסטאנטן דארפן זיין אנזעהבאר 24 שעה, און זיך נישט קענען באהאלטן, איז די טוילעט ברבים אז מען קען אריינזעהן פון די האלוועיס, און פארשטייט זיך אז אינעם צימערל אליין לעבט מען ווי א בהמה. די טוילעט איז לעבן דיין בעט, און ווען דו אדער איינע פון דיינע סעל מעיטס וויל גיין הכנות, גייט ער בפרהסיא, יעדער הערט, זעהט און שמעקט אלעס ארום. דאס איז א מין נידריגקייט וואס לאזט זיך נישט זאגן.

לויט א בריוו וואס איך האב געלייענט אין איינע פון די סייטס הנ"ל, ווערן די טורמע אפיצירן געטרעינט נישט צו פייניגן די ארעסטאנטן, נאר זיי ווייסן אז "צונעמען די פרייהייט" איז בעיקר די שטראף, ותו לא. אבער ווער עס ווייסט אביסל די הפקרות וואס טוט זיך אפ, ווי די סי.או'ס טוען ככל העולה על רוחם הטמא, אלע געמיינהייטן, און ליידער איז נישטא קיין דין וחשבון ווער עס קוקט זיי נאך, עס איז געהעריג א הפקר וועלט, מען פייניגט, מ'יאגט און מ'שלאגט, מען באשטראפט (בפרט אינעם לאך, ווי כ'וועל שפעטער מאריך זיין). זייער ווייניג גייען אנקלאגן זייערע אפיצירן, אפגערעדט בשעת דו זיצט נאך ווען דו האסט נישט קיין רעכטן, דו ביסט גענצליך תלוי בדעת אחרים; אבער אפילו נאכן ארויסגיין פון דעם קאשמאר, זעירין אינון אזעלכע וואס ווילן זיך זעהן צוריק אין קאורט, אפילו נאר כדי אנצוקלאגן אנדערע.

ווער רעדט נאך פון די הפקרות וואס טוט זיך צווישן די ארעסטאנטן, וועלכע רצח'ענען זיך ארום צווישן זיך, און די טורמע טאטעס אינטרעסירט עס נישט. וויפיל מענטשן – גענצליך אומשולדיגע – זענען שוין ארויס צוקלאפט און צוביילט, צובלוטיגט און פאר'חלש'ט פון די וואונדן וואס זיי האבן געכאפט פון די רוצחים. און אפילו טויטע! לעצטנס איז געווען אין די נייעס (אויך אין רייקערס איילענד) ווי איינער איז אויסגעגאנגען פון די וואונדן, נאכן ווערן אנגעהאקט און אראפגעווארפן אלע טרעפ מיט א רציחה. ואין פוצה פה ומצפצף. קיינער נעמט זיך נישט אן פאר די אומשולדיגע (אקעי, שולדיגע!) קרימינאלן. זיי זענען א שטח הפקר וואס זייער בלוט איז גרין און עס שטערט נישט קיינעם. קיינער פארלירט נישט קיין שלאף דערוועגן (חוץ זייערע נאנטע פארווייטאגטע קרובים).

איך וועל זיך דא אפשטעלן און באלד מאריך זיין ווייטער.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14941
זיך רעגיסטרירט: מיטוואך אפריל 11, 2012 11:11 pm
האט שוין געלייקט: 17458 מאל
האט שוין באקומען לייקס: 17802 מאל

הודעהדורך gehlungen » דינסטאג אקטאבער 23, 2012 7:02 am

I heard in Otisville in the camp there is only "taking away the freedom " !
gehlungen
ידיד ותיק
ידיד ותיק
 
הודעות: 681
זיך רעגיסטרירט: דינסטאג אפריל 03, 2012 7:05 am
האט שוין געלייקט: 213 מאל
האט שוין באקומען לייקס: 49 מאל

הודעהדורך לעיקוואד » דינסטאג אקטאבער 23, 2012 7:49 am

זיי ביטע מסביר וואס דו זעהסט אלץ דער יסודתודיגער סיסטעמאטישער פראבלעם, נישט פרטיתדיגע עוולות וואס איז דא אין יעדער סיסטעם כל זמן וואס די וועלט ארבעט אויף מענטשען און זיי האבן שלעכטע מידות אדער טעותים. וואס איז ביסוד נישט ריכטיג אין וויאזוי דער סיסטעם ארבעט, און וואס קען מען טוהן עס צו פאררעכטן?
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3743
זיך רעגיסטרירט: מאנטאג סעפטעמבער 10, 2012 6:22 am
האט שוין געלייקט: 1727 מאל
האט שוין באקומען לייקס: 5546 מאל

הודעהדורך חכם מחוכם » דינסטאג אקטאבער 23, 2012 7:50 am

שמעקעדיג, שקויעך פארן עפענען די אשכול איך האב שוין אויך לאנג געוואלט עפענען אזא אשכול.
לכשהזמן יפנה וועל איך אנפילן דעם אשכול מיט מעשה'ס וואס האר פון קאפ קענען זיך אויפשטעלן, איך קען אביסל אין די ענינים, ווייל איינער פון מיינע משפחה מיטגלידער טוט אין דעם.

איך וועל אנהייבן מיט א באקאנטע מעשה וואס האט פאסירט מיט ארי יאקאבאוויטש, די ערשטע טאג ווען ער איז אריינגעקומען, ס'דא אזא בעלל אין דשעיל וואס ס'איז געמאכט צו רופן דעם אויפזעהער, זעהט זיך אויס אז ארי האט עפעס געוואלט האט ער דאס געקוועטשט, מ'האט זיך נישט וואוסענדיג געמאכט, )ווייל פאר דו ביסט נישט א חודש אין דשעיל ביסטו בכלל נישט קיין מענטש, ביסט א ראזינקע, און אלעס וואס דו וועסט בעהטן וועט ווערן צוריקגעוויזן, ביז דו וועסט דא זיין א חודש, וועסטו געוואר ווערן וואס דא טוט זיך, נאכדעם וועט מען אויסהערן וואס דו האסט צו זאגן), איז ארי געגאנגען און געקוועטשט נאכאמאל, דער אויפזעהער האט אים געוויזן מיטן פינגער ער זאל אויפהערן, ארי האט אבער געקוועטשט נאכאמאל, לכבוד דעם עולה איז ער געזיצן 24 שעה אינעם לאך.
באניצער אוואטאר
חכם מחוכם
ידיד השטיבל
ידיד השטיבל
 
הודעות: 184
זיך רעגיסטרירט: מאנטאג אוגוסט 06, 2012 7:56 pm
האט שוין געלייקט: 32 מאל
האט שוין באקומען לייקס: 90 מאל

הודעהדורך outspoken » דינסטאג אקטאבער 23, 2012 8:21 am

די עיקר פראבלעם איז, אז פאליטישענ'ס לויפן אוועק פון דעם ווי פון פייער, ווייל מ'זאל זיי נישט חושד זיין אז זיי האבן פוטער אויפן קאפ (און ס'איז נישט popular, וועגן דעם ווען ס'דא איין מעשה גניבה וואס רודערט אויף די לאנד וועט איין משוגע'נער קאנגרעסמאן אריינגעבען א אומנארמאלע שטרענגע געזעץ, וועט קיינער נישט וואטן דערקעגן, און סתם עמך מענטשן וואס פאלן אריין מיטן געזעץ וועלן יארן נאכדעם ליידען צרות צרורות ר''ל.

אנטער די קוליסען לאביט מען איצט מיט קאנגרעסלייט וואס זאל העלפן אחב''י, און מ'קייט ליידער שטיינער.
פאקט, אז מ'זאל נעמען אלע נסיונות פונם דור אריינגערעכענט אינטערנעט און ארונים אויף איין זייט און ציונות אויף די אנדערע וועט דאס לעצטע איבערוועגן SO LETS BE FOCUSED NOT STUPID
באניצער אוואטאר
outspoken
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1227
זיך רעגיסטרירט: דאנערשטאג יוני 21, 2012 9:43 am
האט שוין געלייקט: 304 מאל
האט שוין באקומען לייקס: 796 מאל

הודעהדורך סופר ומונה » דינסטאג אקטאבער 23, 2012 8:56 am

איך מיין אז מיר דארפן דא באהאנדלען דריי פונקטן. איינס, דעם וועג וויאזוי מ'באשולדיקט מענטשן; צוויי, וויאזוי די אורטיילן ווערן צוגעטיילט; און דריי, וויאזוי באשולדיקטע ווערן באהאנדלט אין טורמע. (כדי נישט צו ווערן אריינגעשלעפט אין נגיעות'דיקע געפעכטן לאמיר נישט דערמאנען קיין ספעציפישע פעלער, א-ווי רובאשקין.)

א) בנוגע דעם וועג וויאזוי פראקורארן באשולדיקן א מענטשן איז דער עיקר פראבלעם וואס עס איז נישט דא קיין סיסטעם צו פארזיכערן אז זיי זוכן יושר. עס איז א פאקט אז פיל מאל ווענדט זיך צי מען גייט ארויס שולדיק צי נישט בלויז אויב מ'האט זיך ערמעגלעכט א גוטן אדוואקאט. א יושרדיקער יוסטיץ-סיסטעם וואלט געדארפט אויסשפייען אומשולדיקע אפגעזען צי דער אנגעקלאגטער איז גענוג פארמעגלעך זיך צו באצאלן א טייערן אדוואקאט.

ב) בנוגע אורטיילן - עס איז גענצלעך אומאקצעפטירבאר אז א געלט-שווינדלער - אפגעזען דעם סכום פון זיין שווינדל - זאל פארוויילן אין טורמע נאך מער ווי א ברוטאלן מערדער, ובפרט לויט דעם היינטיקן סיסטעם אז די געזעלשאפט פארדינט גארנישט פון אן ארעסטאנטס וויילן אין טורמע.

ג) דער פראבלעם אין תפיסות גופא איז צווייפאכיק. 1) ווי שמעקעדיג האט שיין אויסגעשמועסט: דאס צומאל-ברוטאלע באהאנדלונג אויף די ארעסטאנטן. 2) אנשטאט די געזעלשאפט זאל פארדינען דורך די ארעסטאנטן, קאסט גאר גרויס געלט פאר די שטייער-צאלער אויסצוהאלטן יעדן ארעסטאנט. ארעסטאנטן וואלטן געדארפט ארבעטן פאר דער געזעלשאפט; אין יעדער טורמע וואלט געדארפט זיין א פירמע צו פראדוצירן פראדוקטן פאר דער ברייטער געזעלשאפט (לאמיר זאגן אויל פאר אויטאמאבילן, אראפצוקלאפן די הויכע פרייזן), און די ארעסטאנטן וואלטן געדארפט באקומען באצאלט ווייניק, אבער גענוג אז זיי זאלן קענען שיקן עפעס געלט פאר זייערע משפחה-מיטגלידער וועלכע זענען פארבליבן אן קיין פרנסה-ברענגער, ווי אויך צוביסלעך צאלן גניבות - אין פאל פון א געלט-שווינדלער. אזא פירמע וואלט געדארפט ווערן געפירט פונקט ווי א ביזנעס, און די 'ארבעטער' וואלטן געדארפט זייער מענטשלעך באהאנדלט ווערן.
באניצער אוואטאר
סופר ומונה
ידיד השטיבל
ידיד השטיבל
 
הודעות: 279
זיך רעגיסטרירט: דאנערשטאג סעפטעמבער 27, 2012 9:16 pm
האט שוין געלייקט: 228 מאל
האט שוין באקומען לייקס: 604 מאל

הודעהדורך שמעקעדיג » דינסטאג אקטאבער 23, 2012 9:58 am

סופר ומונה, איך מוז דיר קאנגראטולירן פאר דיין תגובה, האסט קלאר און דייטליך ארויסגעברענגט, אין בלויז געציילטע שורות, כמעט אלע מיינע געדאנקען, פון וואס איך האב געפלאנט מאריך אף צו זיין...

איז אזוי, לאמיר עס טאקע צוטיילן אין די 3 חלקים, יעדע איינע איז כדאי לעצמו צו באשרייבן באריכות.

חלק א':

בנוגע באשולדיגן א מענטש, איז דער סיסטעם בכלל נישט יושר'דיג מחמת כמה סיבות. קודם כל, די פראקורארן זוכן "נישט" קיין יושר. נאר כבוד. עס איז גאר געווארן א כבוד ווי מער "פארברעכער" מען באשולדיגט און ווי לענגערע טערמינען מען זעצט אים איין. איזהו מכובד? המענה את הבריות. ער פייניגט אנדערע. דער פראקוראר גייט אהיים פרעסן און געבן/באקומען ליבשאפט פון זיין ווייב און קינדער, פארגעסנדיג אז ער האט איינעם חרוב געמאכט דאס לעבן, און מארגן גייט ער חרוב לייגן א צווייטנס.

דער סיסטעם איז ווייט פון יושר פאר נאך א סיבה. די פראקורארן, אויספארשער און דעטעקטיווס, און אנדערע פעדעראלע אדער סטעיט אגענטן, האבן די וועלטס צייט און די וועלטס געלט. זיי זיצן על סיר הבשר אויפן פעטער סעמ'ס קאנטע, און קענען נאכגיין א זאך יארן לאנג, מיט האלב אמת'ע און גאנצע ליגנטס, און האבן צו די זייט וויפיל געלט זיי דארפן. ווען דער אנגעקלאגטער דארף זיך פארטיידיגן, דארף ער זוכן א לאיער, וואס אויב האט ער גענוג געלט, צייט, און מזל, כולי האי ואולי קען ער אפקומען גרינגער. אויב האט ער נישט קיין געלט, וועט די רעגירונג אים צושטעלן א לאיער... א לאיער האבעך געזאגט? ענדערש א שוסטער. פארוואס זאל נישט זיין אייניג? דער לאיער זאל באקומען די געלט און די צייט וואס די אנקלעגער באקומען, צו פארזיכערן א יושר'דיגן משפט!

לאמיר נאר צוריקגיין א רגע בעפארן אנקלאגן. ווען מען ארעסטירט א מענטש, וואס מען טאר נישט רעזיסטען, נאר זיך לאזן שיין ווי א חדר אינגל, כאטש עס איז מעגליך א חושד בכשרים, טראגט מען דעם ארעסטאנט צו א פלאץ וואס איז נאך ערגער ווי א תפיסה, מיט כל מיני רוצחים און כאלאזן מיט א הפקרות, אנע עסן אן א בעט צו שלאפן, אונטער אומנארמאלע אומשטענדן. פארוואס קומט זיך עס אים? מען האט אים נאך אפילו נישט אנגעקלאגט! די רעגירונג וואלט געדארפט צושטעלן א נארמאלע פלאץ, פאר די אומשולדיגע-אנטיל-פראווען-גילטי מענטשן!

חלק ב':

בנוגע אורטיילן און תפיסה טערמינען. יוסי געשטעטנער שרייבט אויף זיין סייט, אז מען וואלט געדארפט איבערשרייבן אלע געזעצן פון סקרעטש. אמעריקע האט מיליאנען (אויב נישט ביליאנען) געזעצן, קיינער ווייסט נישט אלע פון זיי, און קיינער קען נישט געדענקען אלע פון די יעדע מינוט אין לעבן, אבער טאמער האסטו פארגעסן אדער נישט געוואוסט, באקומסטו א שטראף, נישט וויסן איז נישט קיין תירוץ, לא ראינו אינו ראיה.

קודם וואלט איך פארגעשלאגן אז מען קען נישט געבן מער ווי איין שטראף אויף 1 עוולה. אין איסור חל על איסור. למשל אויב האט איינער געזאגט ליגנט פאר די באנק אויפן טעלעפאן, קען מען אים אנקלאגן פאר 2 עבירות, באנק-פראוד און ווייער-פראוד, און מען קען אים באשטראפן פאר ביידע. פארוואס? דאס איז נישט קיין יושר. רובאשקין איז דוכט זיך געווארן באשולדיגט מיט קרוב צו 2,000 קאונטס, איך געדענק נישט דעם נומבער פונקטליך. צו וואס איז די משוגעת??? און בכלל דאס אויפזוכן פארשטופטע עבירות און געזעצן וואס קיינער ווייסט נישט דערפון איז אויך א משוגעת שאין כמוהו. ורובאשקין יוכיח. מען האט אפירגעקראצט עפעס אן אומבאקאנטן געזעץ אז מען דארף צאלן בהמה סוחרים אין צייט, קיינער האט נישט געוואוסט דערפון, אבער איין פראקוראר האט דאס אויסגעטראפן און מען האט דאס צוגעלייגט צו זיין ליסטע פון עבירות.

נאכדעם, האלט איך אז א ערשטע מאל וואס מען באשולדיגט איינעם אויף ווייט-קאלער קריימס זאל ער נישט באקומען קיין מערדערליכע שטראפן. איינס-צוויי יאר איז פונקט גענוג צו שיקן א שטארקן מעסעדזש. געבן 20-30 יאר איז סתם משוגע פאר פארשידענע סיבות, אבער בעיקר ווייל עס בלייבט נישט איבער ווי אזוי צו באשטראפן די עכטע קרימינאלן. אזא מעידאף מוז מען געבן "סימבאלישע" 150 יאר, אויך מיר א שטראף.

מען דארף טוישן אלע געזעצן פון "יארן" צו "חדשים". אין "די צייטונג" איז געווען שיין באשריבן ווי יארן צוריק האבן די געזעץ געבער געזעהן א שטיקל שוואכקייט אין היטן די געזעצן, בעיקר אין דראגס, האט מען זיך גענומען העכערן שטראפן אין די וועלט אריין. למעשה זאגן זיי היינט אז ס'האט קיין סאך נישט אויפגעטון. רוב ארעסטאנטן קומען צוריק אן אין תפיסה. מער וועגן דעם, אין חלק ג'.

די לאנגע טערמינען מאכט שאדן פאר די סאסייעטי אין אסאך וועגן, קודם כל, ווי סופר ומונה האט שוין דערמאנט, קאסט עס אפ די שטייער צאלער ממון ודמים, און בשעת די רעגירונג דערשטיקט זיך מיטן בודזשעט, וואלט מען רואיג געקענט שניידן ביליאנען דאלארן א יאר. אין קאליפארניע איז געווען באריכטעט אז זיי גייען באפרייען איבער 16,000 ארעסטאנטן צוליב זייער דעפיציט.

נאכדעם אן אנדער פראבלעם, (אויך שוין דערמאנט) איז אז די משפחה דארף ליידן און בלייבן אנע ברויט אין שטוב. ס'איז נישט יושר.

===

איך מוז יעצט גיין, אבער מיין פעדער איז נאך אנגעפילט מיט טינט.
פארזעצונג קומט בקרוב אי"ה.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14941
זיך רעגיסטרירט: מיטוואך אפריל 11, 2012 11:11 pm
האט שוין געלייקט: 17458 מאל
האט שוין באקומען לייקס: 17802 מאל

הודעהדורך לעמיל » דינסטאג אקטאבער 23, 2012 10:12 am

מר' שמעעדיג עס קוקט אויס ווי דו ארבעסט און א פדון שביום ארגענזאציע.... זייער שיין אראפ געלייגט
לעמיל
חבר ותיק
חבר ותיק
 
הודעות: 2901
זיך רעגיסטרירט: דינסטאג אפריל 17, 2012 12:10 pm
האט שוין געלייקט: 1154 מאל
האט שוין באקומען לייקס: 814 מאל

הודעהדורך Espresso » דינסטאג אקטאבער 23, 2012 10:58 am

שמעקעדיג האט געשריבן: גיב נאר א קוק אביסל אין די קאמענטס אויף "וואס איז נייעס", און באמערק די בלינדע באגלויבטקייט אינעם "סיסטעם".

מ'טאר נישט ליינען די קאמענסט אויף VIN, סע קען גורם זיין הארץ ווייטאג.
באניצער אוואטאר
Espresso
מאנשי שלומינו
מאנשי שלומינו
 
הודעות: 108
זיך רעגיסטרירט: זונטאג מערץ 25, 2012 10:23 pm
האט שוין געלייקט: 7 מאל
האט שוין באקומען לייקס: 59 מאל

הודעהדורך קליגער איד » דינסטאג אקטאבער 23, 2012 11:29 am

איך ווייס נישט צו דו וועסט טרעפן איינער וואס זיצט אין תפיסה און ער וועט האלטן אז ער איז שולדיג.
אויב האט קיינער נישט קיין טענות אויף דיר, דאן געפינסטו זיך אין א בית הקברות!
קליגער איד
ידיד השטיבל
ידיד השטיבל
 
הודעות: 167
זיך רעגיסטרירט: דאנערשטאג סעפטעמבער 27, 2012 11:55 am
האט שוין געלייקט: 71 מאל
האט שוין באקומען לייקס: 29 מאל

הודעהדורך שמעקעדיג » דינסטאג אקטאבער 23, 2012 11:44 am

קליגער איד האט געשריבן:איך ווייס נישט צו דו וועסט טרעפן איינער וואס זיצט אין תפיסה און ער וועט האלטן אז ער איז שולדיג.


איך ווייס נישט אויב ס'איז אמת,
אבער אלענפאלס, דאס איז נישט מעלה אדער מוריד כלפי אונזער שמועס דא.
יוסטיץ איז צובראכן און צושמעטערט. טיף אין די אדמה. מ'דארף עס פאררעכטן.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14941
זיך רעגיסטרירט: מיטוואך אפריל 11, 2012 11:11 pm
האט שוין געלייקט: 17458 מאל
האט שוין באקומען לייקס: 17802 מאל

הודעהדורך זר זהב » דינסטאג אקטאבער 23, 2012 12:19 pm

דער פוינט פון אז א שווינדלער טאר נישט זיצן מער ווי א רוצח איז וואס איז די מערסטע ראנג מיט אמעריקע! דער לעבן איז גארנישט אלעס איז געלט. אין קאנאדע איז דער סיסטעם אזוי סאך בעסער, דארט ווארפט זיך נישט קיין יארן אין תפיסה פאר איינער וואס שווינדעלט, איבערהויפט דאס ערשטע אפפענס. אמעריקע איז א סדום לאנד.

ווער האט נאר געשריגן אז מ'דארף גיין וואוטען דא ווייל זיי געבן פרידאם? א הויקער. ווילסט פרידאם? מוף קיין קאנאדע! אמעריקע איז א סדום לאנד און די סעפט 11 אטאקעס איז זיך זיי ערליך געקומען, נאר אשאד ס'האט מיטגענומען אומשולדיגע מענטשן.
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9465
זיך רעגיסטרירט: דינסטאג מערץ 06, 2012 4:23 am
האט שוין געלייקט: 4426 מאל
האט שוין באקומען לייקס: 4178 מאל

הודעהדורך לעמיל » דינסטאג אקטאבער 23, 2012 12:20 pm

זר! צוריך איז נישט בעסער מיט דעים???
לעמיל
חבר ותיק
חבר ותיק
 
הודעות: 2901
זיך רעגיסטרירט: דינסטאג אפריל 17, 2012 12:10 pm
האט שוין געלייקט: 1154 מאל
האט שוין באקומען לייקס: 814 מאל

הודעהדורך מורינו הרב » דינסטאג אקטאבער 23, 2012 12:22 pm

זר זהב האט געשריבן:דער פוינט פון אז א שווינדלער טאר נישט זיצן מער ווי א רוצח איז וואס איז די מערסטע ראנג מיט אמעריקע! דער לעבן איז גארנישט אלעס איז געלט. אין קאנאדע איז דער סיסטעם אזוי סאך בעסער, דארט ווארפט זיך נישט קיין יארן אין תפיסה פאר איינער וואס שווינדעלט, איבערהויפט דאס ערשטע אפפענס. אמעריקע איז א סדום לאנד.

ווער האט נאר געשריגן אז מ'דארף גיין וואוטען דא ווייל זיי געבן פרידאם? א הויקער. ווילסט פרידאם? מוף קיין קאנאדע! אמעריקע איז א סדום לאנד און די סעפט 11 אטאקעס איז זיך זיי ערליך געקומען, נאר אשאד ס'האט מיטגענומען אומשולדיגע מענטשן.


רעד נישט אזוי אויף אונזער לאנד, ווען באמת איז דאס א מלכות של חסד. איינמאל דו פארפלאנטערסט זיך מיטן געזעץ, דעמאלס איז ממש... קיין איד זאל נישט אנקומען אהין.
מורינו הרב
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1125
זיך רעגיסטרירט: זונטאג אוגוסט 05, 2012 3:48 pm
האט שוין געלייקט: 188 מאל
האט שוין באקומען לייקס: 553 מאל

הודעהדורך קליגער איד » דינסטאג אקטאבער 23, 2012 12:26 pm

מען רעדט טאקע דא פון איינעם וואס האט זיך פארפלאנטערט מיטן געזעץ.
אויב האט קיינער נישט קיין טענות אויף דיר, דאן געפינסטו זיך אין א בית הקברות!
קליגער איד
ידיד השטיבל
ידיד השטיבל
 
הודעות: 167
זיך רעגיסטרירט: דאנערשטאג סעפטעמבער 27, 2012 11:55 am
האט שוין געלייקט: 71 מאל
האט שוין באקומען לייקס: 29 מאל

הודעהדורך זר זהב » דינסטאג אקטאבער 23, 2012 12:29 pm

ס'נישט מיין לאנד און ס'גארנישט מער מלכות של חסד ווי קאנאדא. קאט איט. אויף "דיין" לאנד גייט דאס ווארט:

YOU ARE ONE MISTAKE AWAY FROM PRISON
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9465
זיך רעגיסטרירט: דינסטאג מערץ 06, 2012 4:23 am
האט שוין געלייקט: 4426 מאל
האט שוין באקומען לייקס: 4178 מאל

הודעהדורך זר זהב » דינסטאג אקטאבער 23, 2012 12:29 pm

לעמיל האט געשריבן:זר! צוריך איז נישט בעסער מיט דעים???

יא, די שוייצע טורמעס זענען א גן עדן קעגן אמעריקעס.
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9465
זיך רעגיסטרירט: דינסטאג מערץ 06, 2012 4:23 am
האט שוין געלייקט: 4426 מאל
האט שוין באקומען לייקס: 4178 מאל

הודעהדורך לעמיל » דינסטאג אקטאבער 23, 2012 12:33 pm

גיימער אהין?? :lol:
לעמיל
חבר ותיק
חבר ותיק
 
הודעות: 2901
זיך רעגיסטרירט: דינסטאג אפריל 17, 2012 12:10 pm
האט שוין געלייקט: 1154 מאל
האט שוין באקומען לייקס: 814 מאל

הודעהדורך שמעקעדיג » דינסטאג אקטאבער 23, 2012 12:56 pm

זר וואוינט דאך דארטן אין שווייץ...
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14941
זיך רעגיסטרירט: מיטוואך אפריל 11, 2012 11:11 pm
האט שוין געלייקט: 17458 מאל
האט שוין באקומען לייקס: 17802 מאל

הודעהדורך שמעקעדיג » זונטאג נאוועמבער 04, 2012 4:43 pm

די וואך אין "די צייטונג".
בייגעלייגטע פיילס
Jail_Free.jpg
Jail_Free.jpg (124.54 KiB) געזען געווארן 7433 מאל
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14941
זיך רעגיסטרירט: מיטוואך אפריל 11, 2012 11:11 pm
האט שוין געלייקט: 17458 מאל
האט שוין באקומען לייקס: 17802 מאל

הודעהדורך שמעקעדיג » פרייטאג נאוועמבער 16, 2012 11:00 am

אין די "שפאקטיוו" דעם חודש (כסלו תשע"ג) האט הרב אשר לעווין געשריבן אן אויסערגעווענליכע ארטיקל פון אונזערע תפיסות אין אמעריקע, אין בעפארברייטונג צו די פרעזידענט עלעקשאנס.
יעדעס ווארט איז דאך ליידער אזוי אמת, און שפיגלט אפ מיינע געדאנקען.

איך שפיר אז איך מוז עס ארויפשטעלן פאר אונזערע ליינער דא.
איך בעט מחילה פונעם שפאקטיוו אויב דאס איז קאפירייט מאטעריאל, איך האף אז לכבוד אזעלכע ארטיקלען וועלן זיי פארדינען נאך קונים און אדווערטייזער, און מיט דעם וועט זיך עס האבן געלוינט.
בייגעלייגטע פיילס
01.JPG
01.JPG (163.38 KiB) געזען געווארן 7308 מאל
02.JPG
02.JPG (239.33 KiB) געזען געווארן 7308 מאל
03.JPG
03.JPG (235.35 KiB) געזען געווארן 7308 מאל
04.JPG
04.JPG (228.97 KiB) געזען געווארן 7308 מאל
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14941
זיך רעגיסטרירט: מיטוואך אפריל 11, 2012 11:11 pm
האט שוין געלייקט: 17458 מאל
האט שוין באקומען לייקס: 17802 מאל

הודעהדורך berlbalaguleh » זונטאג נאוועמבער 18, 2012 10:26 pm

Espresso האט געשריבן:
שמעקעדיג האט געשריבן: גיב נאר א קוק אביסל אין די קאמענטס אויף "וואס איז נייעס", און באמערק די בלינדע באגלויבטקייט אינעם "סיסטעם".

מ'טאר נישט ליינען די קאמענסט אויף VIN, סע קען גורם זיין הארץ ווייטאג.

איך, אלס גאר אפטער באזוכער אין וו.אי.נ. פאר די לעצטע זיבן יאר, קען עדות זאגן אז אין אנהויב איז עס געווען זייער א געשמאקע סייט. נאר די לעצטע צוויי יאהר איז עס געווארן אנגעפולט מיט שנאה און פערזענליכע אטאקעס דורך געציילטע אינשי דלא מעלי וואס האבן זיך ארויפגעכאפט און זיי שפייען מיט גרויס שנאה. כאטש ס'איז קעגן די תקנות. נאר די עדיטארס לאזן כמעט אלעס אדורך גיין. לדוגמא, אין די פרשה פון רובאשקין האבן די מערסטע פאוסטערס געשריבן בטוב טעם ודעת מיט א אידישן געשמאק. אויסער עטליכע פראסטאקעס וואס האבן געטאנצט מיט א שמחה לאיד אז מ'האט איהם אזוי שטרענג פאר'משפט און זיי האבן געשריבן אז ס'קומט איהם נאך מער. מהאי טעמא שרייב איך שוין דארט כמעט נישט.
באניצער אוואטאר
berlbalaguleh
חבר הכבוד
חבר הכבוד
 
הודעות: 12193
זיך רעגיסטרירט: דינסטאג יולי 17, 2012 11:57 am
האט שוין געלייקט: 13580 מאל
האט שוין באקומען לייקס: 7784 מאל

הודעהדורך סופר ומונה » מאנטאג נאוועמבער 19, 2012 3:20 pm

שמעקעדיג, א דאנק פארן ברענגען דעם ארטיקל פון הרב אשר לעווין. עס קוקט מיר אויס אביסל מיסטעריעז ווי מיינס א שורה איז אריינגעפלויגן אין הרב לעווינס ארטיקל, כמעט ווארט-נאך-ווארט...
בייגעלייגטע פיילס
Plag.png
Plag.png (140.92 KiB) געזען געווארן 7176 מאל
באניצער אוואטאר
סופר ומונה
ידיד השטיבל
ידיד השטיבל
 
הודעות: 279
זיך רעגיסטרירט: דאנערשטאג סעפטעמבער 27, 2012 9:16 pm
האט שוין געלייקט: 228 מאל
האט שוין באקומען לייקס: 604 מאל

הודעהדורך שמעקעדיג » מאנטאג נאוועמבער 19, 2012 4:10 pm

טאקע אינטרעסאנט.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14941
זיך רעגיסטרירט: מיטוואך אפריל 11, 2012 11:11 pm
האט שוין געלייקט: 17458 מאל
האט שוין באקומען לייקס: 17802 מאל

הודעהדורך outspoken » מאנטאג נאוועמבער 19, 2012 4:25 pm

כ'האב געהאט אמאל א דין ודברים מיט א ליטווישען וואס האט פארשטאנן אז ס'קומט פאר רובאשקין 27 יאר ר''ל, מיט די אויסרייד YOU DO THE CRIME , YOU DO THE TIME

האב איך אים געזאגט, פארשטייסט אז אויב ער טוט דאס אין ירושלים 2000 יאר צירוק וואלט מען אים פארקויפט פאר א עבד עברי פאר 6 יאר(און דאס אויך נישט), אין קאנעדע וואלט מען אים באשטראפט מיט געלט און נישט קיין תפיסה, אין ניו יארק וואלט ער זיכער באקומען ווייניגער, נאר אזוי ווי ער איז געווען אין די אנטיסעמיט'שע 'אייווא' וואס האט אים קודם אונטער געברענגט זיין ביזנעס וואס דאס איז זיכער געווען אנטיסעמיט'יש (ווייל אסאך קאמפעניס האבן NON DOCUMENT ארבייטערס און מ'טוט זיי גארנישט) און דערנאך האט מען געזוכט אויף די אפליקעשאנ'ס פאר עפעס נומערן וואס שטימען נישט.

אויב אזוי , אפשר איז היטלער ימ''ש גערעכט געווען אז ער האט געהארגעט דיין זיידע אין דייטשלאנד, ווייל ער איז געווען א איד, וואס זיי האבן בארויבט די ארימע דייטש, און די געזעץ האט געזאגט אז ס'קומט אים מיתה ר''ל.

מיט אזעלעכע ברודער , ווער דארף נאך אנטיסעמיטן?
פאקט, אז מ'זאל נעמען אלע נסיונות פונם דור אריינגערעכענט אינטערנעט און ארונים אויף איין זייט און ציונות אויף די אנדערע וועט דאס לעצטע איבערוועגן SO LETS BE FOCUSED NOT STUPID
באניצער אוואטאר
outspoken
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1227
זיך רעגיסטרירט: דאנערשטאג יוני 21, 2012 9:43 am
האט שוין געלייקט: 304 מאל
האט שוין באקומען לייקס: 796 מאל

נעקסט

גיי צוריק קאווע שטיבל

ווער איז יעצט דא?

באניצער וואס לייענען דעם פארום: Majestic-12 [Bot] און 4 געסט