דאס יונגעל וואס האט נישט באקומען א שנעלקע פונעם מלאך

[קינות גירושין]

האט נישט בעלז מסכים געווען יעצט ביי די שלום פראסעס, אז סאטמער רב איז יא גערעכט??

[ליטוואק פון בודאפעסט]

קודם א פליק. נאך דעם קען ער זיין מסכים

[טייערע ברודער]

איך האב געבלעטערט אדורך דעם אשכול און איך וויל זאגען מיינס.

איך קען דער איד וואס אויף איהם זאגט מען דער מעשה. איך האב אמאל געגעס'ן א סעודה ביי זיין שוואגער (זיין שווער'ס זון) און איך האב איהם געפרעגט דער פרטים האט ער מיר אזוי געזאגט:
ר' יחזקאל מאנדל פון ירושלים (נושא הספר 'ויגמול שקדים') איז געווען איין עכטער חסידישער פארצייטישע איד. ער האט געווינט אין ירושלים און האט זיך געדרייט אין בעלזא. א איד א תלמיד חכם וואס האט ליב געהאט ספר האלשיך הקדוש.
איין טאג, ווען זיין זון ר' ישראל משה איז געווען א קליין אינגעל פון דריי יאהר אלט, האט רי"מ געהערט ווי ר' חזק'ל לערנט אלשיך און איז אריין צום טאטען אין צימער און אהנגעהויב'ן פארזאגען אויפ'ן לשון. ער האט געזאגט גאנצע שטיקער בלשונו הקדוש אבער זיין הבנה איז געווען פאסיג פאר זיין עלטער.
דער טאטע האט זיך גע'חידוש'ט אבער האט נישט קיין עסק געמאכט. דער אינגעל איז ווייטער געגאנגען און געלערנט אין חדר כאחד האדם. פארשטייט זיך, אין ביהמ"ד האט מען איהם אפגעשטעלט און געפרעגט אויף געוויסע ספרים און ער האט פאר געזאגט. מ'זאגט אז ס'איז דא רשימות פון ספרים וואס ער האט יא געקענט (בני יששכר, מנחת חינוך וכדו') און ספרים וואס ער האט נישט געקענט, אבער קיינער ווייסט נישט קלאר.
איין טאג, האט ר' חזק'ל'ס פעטער, לעוו פון לונדון, איהם געזאגט אז היות ר' חזק'ל איז א עני ואביון, זאל ער נעמען רי"מ קיין חוצה לארץ און איהם פארשטעלע אלס 'ילד הפלא' און ער וועט קענען מאכ'ן אסאך געלד. האט ר' חזק'ל הנאה געהאט פון דער געדאנק און געזאגט אז פאר אזיי זאך דארף אין פרעגען דעם רבי'ן.

וואס איז געשעהן נאך דעם ווייסט קיינער נישט. אין צימער איז נאר געווען דעם רב זכרונו לברכה, דער אינגעל און ר' שלום פויגעל. דער לעצטע זאך איז געווען אז דער רב זכרונו לברכה האט איהם געהייסען זאגען א משנה אין ברכות. דער פענסטער'ס זענען געווען אין גאנצען פארשווארצט.

דער שוואגער זאגט מיר, אז וויבאלד ער לערנט מיט רי"מ איעדען טאג, האט ער איינמאל גענוצט דעם געלעגענהייט צו פרעגן רי"מ צו זיין משפחה האט עפעס א שייכות געהאט מיט'ן בעלזער רב זכרונו לברכה, he clamped up און האט נישט געוואל רעדען ווייטער וועגען דעם נושא.

לסיכום, קיינער ווייסט נישט וואס איז געשעהן, יתכן אז ער געדענקט נאך אבער טאהר נישט רעדען. היינט ארבעט ער אין שפיטאל לאניאדו און איז איין אמת'ער חסידישער איד מיט אלע באק ציינער.

[טמיר]

די גרעסטע פלא איז ווי מ'האט אויפגענומען די זאך מיט אזא אדישות. היינט וואלט די גאנצע וועלט געוויסט דערפון די טאג וואס מ'באמערקט עס

[טאמבל סאס]

דו פארציילסט די מעשה מיט אזא דראמאטישקייט וואס פאסט זיך פאר א מאלעסטעישאן מעשה. דאס אז ס'איז א שוואגער מאכט א חילוק? די מעשה הערט זיך צו פאנטאסטיש אז איך זאל עס גלייבן סיידן איך זעה עס אליינס.

Sent from my SM-G903F using Tapatalk

[שלום על ישראל]

בין איך די איינציגסטער וואס די מעשה - אויב ס'איז אמת - ברענגט מער ספיקות ווי א התעוררת לתשובה?

דעם בורא כל הברואים האט באשאפן דעם פעלערהאפטיגער מענטש מיט א בחירה. דאס הייסט אזוי, דע בריאת האדם איז נישט פעלערהאפטיג - עס איז גאר א חידוש פון פערפעקשאן; א חידוש פון פערפעקשאן אין פערפעקשאן. א חידוש אז א פערפעקטער בריאה קען זיך אליינס אן עצה גיבן און טון אומפערפעקטע מעשים.

אבער דער מלאך האט נישט קיין בחירה. דער מלאך איז באשאפן מיט מיט פערפעקשאן וואס בלייבט. וויאזוי קען ער זיך פאר'חלמ'ן און עובר זיין אויף זיין שליחות? היש לך התגשמיות יותר מזה?

(איך דערט שוין נישט וואס דער גאנצער "קענסט אים יעצט (!) זענן אין א"י; ער ארבייט דארט." דער ירושלימער אידישער ליכט האט אויך געשריבן פאר די געריבענע יְרושַלמִים אז אין אמעריקע קען מען היינט זעהן ביג-פוט צו ווייסעך וואס. און ווייסע-ווערסא אין די אמעריקאנע פאפירן איבער א"י פאר תקיפת וואטסעפפ ויו-טוב...)

און יא, איך בין געווען דער יונגל וואס האט שוין געהאט גרויסע פראבלעמען (פייגעלעך) אלס קינד ווען מ'האט געלערנט איבער א בחירה'לאזער מלאך וואס האט געמאכט א טעות, א שטייגער די בני ענק מן הנפלים (וואס האט נאך אסאך טיפערע קשיות, ווי וויאזוי קען א מלאך האבן א גוף, ואא"ל עס מקהאט זיי צוגעגיבן א גוף אלס עונש, ווייל דאס וועט הייסן אז ס'איז געווען א נייע בריאה).

[קל וחומר]

אין אנדערע ווערטער, דו שטעלסטיך אויפן קעפל פונעם אשכול.

אפשר איז עס יא געווען א געפלאנטע זאך?
(חוץ מזה וואס מ'זעהט אזא זאך ביים מלאך המוות מיט די מעשה פון מרים)

[ירח בן יומו]

קען זיין אז ס'איז געווען בהשגחה עליונה און בכונה תחילה כדי אונז מחזק זיין אין אמונה אין דברי חז"ל.

[דולה ומשקה]

הודעה דורך מבני משה » זונטאג מאי 26, 2013 3:08 pm

טייערע ייודן עס איז זייער גרינג אוועק צו מאכן מעשיות, (נאך אזוי גרינג ווי צו מאכן די מעשיות), אבער דאס איז אלעס גוט ווען מען פארציילט א מעשה פון הונדערט יאר צוריק, (וואס איז אדער יא אדער נישט), אבער א מעשה פון א ייוד וואס לעיבט, און אלע וואס האבן עים אויס פרובירט לעבן נאך, איז שווער אוועק צו מאכן, מען קען זיי דאך פרעגן,

בדא"ג איך האב געהערט די מעשה פון ר' יעקב מאיר שכטר, און ער האט אויס פרובירט דעם יונגל אויף די ספרים פון ר נחמן מברסלב און דער יונגל האט געזאגט אויף אויסווענדיג אלעס, אויך האט דער יונגל געקענט א טייל פון די ספרים פון ר נתן דער תלמיד פון ר נחמן, (איך ווייס נאר נישט וועלכע יא און וועלעכע נישט)

דער אויבן דערמאנטע יונגל איז היינט א זיידע מיט קינדער און אייניקלאך, ער הייסט ישראל משה מאנדל, ער וווינט אין קרית צאנז נתני' שבארץ ישראל,

קינות גירושין האט געשריבן:
"זיי זאגען דאך אז ער רעדט נישט דערפון"
אמת ער דעדט נישט וואס איז פארגעגאנגען ביים בעלז'ר רב אין שטוב, (איך ווייס נישט אויב ער געדענקט בכלל) אבער פון די גאנצע מעשה, רעדט ער יא, (פארשטייט זיך נאר ווען ער איז אין דע מאד, און פאר וועם עס געפעלט עים).

מאראנצןזאפט האט געשריבן:
"איך קען זיין ברודער, א הענט ליינער און א שטערן זעער"
עס איז נישט א ברידער עס איז א נעפיא (נחמן)

איז דא אפשר א בילד פון איהם אלץ יונגעל און ווי אזוי ער זעהט אויס היינט צו טאג לאורך שנים ארוכים?
אויב וואוינט ישראל משה מאנדעל אין קרית צאנז נתני' געפונט זיך זיין טעלעפאון נומבער אין די דארטיגע טעלפאון ביכל.

[שמעלקא'לע]

אז מ'רעדט פון שמעלקא, מעג איך דאך אריינווארפן מיינע פאר צענט...
אט דאס איז ארויסגענומען פון מיינע ארכיוון, אן ארטיקל קורץ און שארף איבער די געשיכטע.

ווען דער מלאך פארגעסט צו געבן א שנעלקע...
וואס טוט איר ווען איר שטייט אויף איין צופרי קענענדיג כל התורה כולה? גאנץ בא'טעמ'ט געווען, ניין?... און וואס טוט זיך ווען מווערט געבוירן אלס א תלמיד חכם? איר מיינט אוודאי אז איך טרייב שפאס לכבוד חודש אדר, אבער ניין, דאס איז גאנץ ערנסט, ליינט איבער דעם שטוינענדעם געשיכטע פונעם וואונדער-קינד מוה''ר ישראל משה מאנדל הי''ו פון ארץ ישראל, וועלכער האט געקענט כל התורה כולה ביי זיין געבורט...
עס איז באקאנט די גמ' אז איידער א קינד ווערט געבוירן איז ''נר דלוק לו על ראשו, וצופה ומביט מסוף העולם ועד סופו, ואין לך ימים שאדם שרוי בטובה יותר מאותן הימים, ומלמדין אותו כל התורה כולה, וכיון שבא לאויר העולם בא מלאך וסוטרו על פיו ומשכחו כל התורה"... אין אונזער שפראך גערעדט איידער א קינד ווערט באשאפן לערנט מען מיט אים די גאנצע תורה, און ווי חז''ל זאגן אונז זענען דאס די בעסטע טעג פונעם מענטשנס לעבן, ביז עס קומט א מלאך און דערלאנגט אים א געזונטן שנעלקע אויפן מויל, און פון דעם פארגעסט ער אלע זיינע לימודים.
איי פרעגט איר, אויב אזוי פארוואס פעלט בכלל אויס מזאל עס לערנען מיט אים, סתם מזאל האבן וואס צו פארגעסן ? ענטפערט דערויף מרן הרה"ק מ'סאטמאר זי"ע אז באמת איז א בשר ודם נישט ראוי צו לערנען די תורה הקדושה וואס איז א שטיק רוחניות און א פלאמפייער, נאר איינמאל מלערנט עס ווען מאיז נאכנישט א שטיק גשמיות, העלפט דאס אז שפעטער זאל דער איד פארשטיין די תורה טראץ זיין חומריות, אנדערע זאגן אז דאס איז די שפאלט צווישן דעם מויל מיט די ליפן, וועלמיר נישט יעצט אריינגיין אין דעם.
און אצינד צום היינטיגן טעמע: אין יאר תש''י איז געווען א שמחה בביתו פונעם פייערדיגן בעלזער חסיד הר''ר יחזקאל מאנדעל ע''ה, א אינגל איז געבוירן געווארן למז'''ט. קרובים און ידידים פרייען זיך מיט מיטן שמחה, מווינטשט און בענטשט ווי ביי יעדן קינד, ויקרא שמו בישראל: ישראל משה.
דער קליינער האט אנגעהויבן אונטערצעוואקסן, ווי פארשטענדליך זענען די עלטערן באגייסטערט פון זיינע חכמה'לעך, און אלעס גייט ווי געווענליך. ווען ישראל משה'לע איז שוין אלט געווען פיר יאר, האט אים זיין מאמע אויפגעפאסט וויאזוי ער שעפשעט עפעס ווערטער אויף לשון קודש, גענוי וואס ער האט געזאגט האט זי נישט פארשטאנען, אבער דאס איז געווען זייער ענליך צו די ווערטער וואס זי פלעגט הערן אינדערהיים אלס מיידל, ווען איר טאטע הגה''צ ר' משה ארי' לעווי זצ''ל דער טעמעשווארער רבי, פלעגט לערנען הויעך אויפן קול. מתחילה האט זי געקלערט אז דאס קינד פלוידערט נאך וואס ער האט אויפגעכאפט אין שוהל ערגעץ שבת אינמיטן לכה דודי אדער ווען, אבער דער מצב איז בלויז געווארן מער און מער וואונדערליך, הערנדיג ווי ער ווארפט צוזאם מאמרי חז''ל פון יעדן פארשטופטן סוגיא, אויף א פארנעם וואס איז אויך זעלטן ביי די גרעסטע גדולים.
אזא זאך האנדלט מען נישט אליינס, דער טאטע איז אריבער מיטן קינד צו כ''ק הרה''ק רבי אהרן מבעלזא זי''ע זייענדיג א בעלזער חסיד, דער רבי האט גענומען ישראל משה'לען אויפן שויס און אנגעהויבן פארהערן, ווי מאדנע עס קלינגט, יעדע שטיקל וואס דער רבי האט אנגעהויבן, פון וואו ער האט נאר געפרעגט, תורה שבכתב, נ''ך, בבלי, ירושלמי, ספרא, ספרי, תוספתא, זוהר, מוסר, חסידות, אלעס האט דער קינד צוגעענדיגט מיט א קלארקייט! דער בעלזער רב האט געשיקט דעם טאטן צום טשעבינער רב, דער טשעבינער רב איז געווען א גאון מופלג, אבער מיטן פיר יעריגן אינגעלע האט ער זיך נישט געקענט פארמעסטן, עס איז געווען מייסטערהאפטיג צו זען וויאזוי דער גאון טענה'עט זיך איבער א קצות... דער טשעבינער רב האט אים צוריקגעשיקט צום בעלזער רב, דער בעלזער רב האט אים אריינגענומען פריוואט, און...
וואס עס האט ווייטער פאסירט איז פארהאנען צוויי גירסאות, אבער דאס איז זיכער אז ארויסקומענדיג האט ער אלעס אלעס פארגעסן. איין גירסא פארציילט דער וועלט (דער שרייבער פון די שורות האט עס געהערט פונעם מגיד מישרים רבי יוסף חיים גרינוואלד שליט''א) אז דער בעלזער רב האט אים געהייסן זיך טובל'ען אין א פסול'ער מקוה, און ארויסקומענדיג האט ער אלעס פארגעסן. אבער ר' ישראל משה זעלבסט לייקנט דעם גירסא אין א אינטערוויו ביי אן ארץ ישראל'דיגן צייטונג, זאגנדיג אז דאס איז א פון-פינגער-אויסגעזויגענע מעשה'לע פון צייטונג שרייבערס מיט גוטע פאנטאזיעס.
א צווייטער גירסא איז פארהאנען אז דער בעלזער רב האט געעפנט א ברכות גמרא, און ווי נאר דער קינד האט זיך גענומען זאגן, האט זיך דער צדיק אנגערופן "גענוג, מער נישט!" און ער האט דאן אלעס פארגעסן. ר' ישראל משה הי''ו זעלבסט אנטזאגט זיך צו פארציילן גענוי וואס דארט איז אלס פארגעקומען, טענה'דיג אז גענוי ווי א מלחמה-איבערלעבער וויל נישט רעדן איבער אלע זיינע פארלוסטן און קאשמארן דורכאויס דעם קריג, האט ער אויך גאנץ קנאפ חשק צו פארציילן דערוועגן. דער איינציגסטער סיבה פארוואס ער רעדט בעצם דערפון איז- לויט ווי ער טענה'עט אינעם א.ד. אינטערוויו- ווייל דאס האט שוין געברענגט אסאך בעלי תשובה, וואס זעען אז יש מנהיג לבירה.
על כל פנים, אויב ער וויל נישט רעדן דערפון, פארוואס זאלן מיר יא רעדן???

[berlbalaguleh]

לפענ"ד איז די גאנצע וואונדערליכע געשיכטע מיט דעם יונגל וועלכער האט געקענט כל התורה כולה אן אינטרעסאנטער פענאמענאן, וועלכער טרעפט זיך זעלטן. אבער, ס'איז פארהאן געוויסע קיעסעס וועלכע זענען אין אן ענליכע בחינה פון דעם.
ערשטנס. זענען מיר זיך מפלפל איבער וויאזוי ס'קומט אז א קליין יונגל זאלל קענען כל התורה כולה. לערנט דער עולם פארשידענע פשטים. איינס פון די זאכן וואס מ'זאגט, איז אז, דער מלאך וועלכער האט געלערנט מיט איהם תורה האט..."פארגעסן"... איהם צו געבן א שנעלקע אויפ'ן מויל. ווי די גמ' (אין מס' נדה) זאגט..."וסוטרו על פיו"...! נאר אז דאס מיינט דער שפאלט וואס א יעדער מענטש האט העכער זיינע ליפן, דאס איז אפגעפרעגט מלכתחילה. מכח כמה טעמים. ערשטנס, ווייל גויים האבן אויכעט דעם סימן. און א גוי לערנט דאך זיכער נישט קיין תורה מיט א מלאך. והשנית. א מלאך..."פארגעסט נישט"...אזוי ווי א בשר ודם. אויף דעם זאגט מען א זיס ווערטל. אז דער מלאך איז דאך ממונה אויף שכחה... ממילא פארגעסט ער אויכעט פון מאל צו מאל...!
און ממילא, די מענטשן וועלכע האבן מיטגעהאלטן די אינטרעסאנטע געשיכטע בשעתו זאגן אז דער בעלזער רב זצוק"ל האט איהם אריינגענומען אין א שטוב, און ר'האט איהם געגעבן א קלאפ אויפ'ן מויל און ר'האט אלעס פארגעסן. דער מהלך איז אויכעט נישט זייער שטארק מסתבר.
לעומת זה איז דא אן אנדער מהלך. די גאנצע ידיעת התורה פונ'ם קינד איז געקומען פון א מין דיבוק. א צוטשעפעניש צו זיין נשמה. (שורש."דיבוק".) פון א גרויסן תלמיד חכם וועלכער איז מכח איזה סיבה מגולגל געווארן. אדער אריין אין דעם קינד.
ס'איז דא א ראיה צו די טעאריע פון די אלגעמיינע וועלט. אין ארץ ישראל איז פארהאן א מיידל פון עטליכע צוואנציג יאר, וועלכע האט בערך 20 פארשידענע פערסאנאליטעטן. און בשעת די געוויסע פערסאנאליטי איז שולט אויף איהר, נעמט זי איבער איר גאנצע מהות. למשל זי רעדט אומפארשטענדליכע ווערטער, און זי שפיעלט אויף א פיאנא. בשעת זי האט דאס קיינמאל נישט געלערנט. נאר די נישט רעליגיעזע באפעלקערונג (מיט זייערע פסיכאלאגן) ווילן נישט מודה זיין אז דאס האט צו טון מיט די עולם הנשמות. זוכן זיי ארויס אלערליי נארישע און אומפארשטענדליכע תירוצים. אבער דאס האט קלאר צו טון מיט די מיסטעריע פון גילגולים. וואס אונז, אנשים פשוטים פארשטייען נישט. און דער צדיק הקדוש האט ארוסגענימען פון דעם יונגל דעם דיבוק. דורך זיין גרויס קדושה. און די נשמה האט זיכער געהאט א תיקון...!

[נולד מאוחר]

כהאב געליינט לעצטענס איינער איז האט זוך אויפגעוועקט פון א לאנגע דרימעל און האט אנגעפאנגן רעדן פליסיג א נייע שפראך.
www.foxnews.com/health/2016/10/24/high-school-athlete-wakes-up-from-coma-speaking-spanish-after-concussion.html
האט דאס א שייכות מיטן די מאלך וואס פליקט?

[קל וחומר]

פון אריה"ק שטייט אויף א פלאץ אז פון א נאכמיטאג שלאף קען אריינקומען א צווייטע נשמה.

[ליטוואק פון בודאפעסט]

ווען די מושג פון 'דיבוק' האט א מקור אין אידישקייט, האט ר' בערעל אפשר א תירוץ.
נאר וויבאלד אין ש"ס בבלי און ירושלמי, ספרא ספרי תוספתא און מדרשים, זוהר און כתבי אריז"ל ווערט נישט דערמאנט א רמז פון די גאנצע מושג, לא מיניה ולא מקצתיה, דארף מען גארנישט גלויבען קיין איין מעשה, און די בוך פון גרשון וינקלר (מסתמא ווייסט מען וואס איז געווארען מיט איהם) וואס האט מיר אויפגעהאלטען ביי נאכט אלס קינד מיט זיין שוידערליכע מעשה'ס איז גוט פאר העלאווי"ן ותו לא.
דעריבער איז די תירוץ פונקט אזוי גוט ווי די קשיא.

[berlbalaguleh]

ר' ליטוואק פון בודאפעסט: איך וועלל מודה זיין אז איך האב נאכנישט אדורך געלערנט די אלע חלקים פון די תורה וועלכע דו רעכנסט אויס. ממילא קען איך מיך נישט מתווכח זיין אויב די ענין פון דיבוקים און גילגולי נשמות ווערט יא, אדער נישט דערמאנט. אבער איך ווייס פון פאקטן, וואס צדיקים האבן ארויסגענומען א דיבוק/גילגול נשמה פון א מענטש. ביים חפץ חיים זצ"ל איז אויך געווען א מעשה. וואס ער האט ארויסגענומען א דיבוק פון א מיידל...!
זיכער איז דא א סאך לעגענדעס און א יעדער שרייבער האט צוגעלייגט זיין אייגענע פאנטאזיע כיד ה' הטובה עליו. אבער דער תכלית פון ארויסנעמען א דיבוק פון א לעבעדיגן מענטש איז אז די נשמה וואס איז אריין אין איהם/איהר זאלל האבן א תיקון. איך בין נישט קיין גרויסער ספעציאליסט (קוים א קליינער) אין דעם גאנצן ענין. איך האב נאר אויסגעדרוקט מיין פערזענליכע מיינונג. באזירט אויף ראיות פון מציאות. כמו שכתבתי שם. אז ס'איז פארהאן אזא פענאמען ווי..."מולטיפל פערסאנאליטי"...און מ'זעהט ביי די מענטשן געוויסע וואונדערליכע אויפפיהרונגען וועלכע האבן נישט קיין הסבר לויט לאגיק אדער סייענס. ווען איך וואלט נישט געווען אזא ע"ה אין טעקנאלאדזשי, וואלט איך צו געלינקט צו די עטליכע קעיסעס אויף יו טוב און גוגל, וועלכע רעדן פון אט דעם סובדזשעקט...!

[נ נח]

ווען די מושג פון 'דיבוק' האט א מקור אין אידישקייט, האט ר' בערעל אפשר א תירוץ.
נאר וויבאלד אין ש"ס בבלי און ירושלמי, ספרא ספרי תוספתא און מדרשים, זוהר און כתבי אריז"ל ווערט נישט דערמאנט א רמז פון די גאנצע מושג, לא מיניה ולא מקצתיה, דארף מען גארנישט גלויבען קיין איין מעשה, און די בוך פון גרשון וינקלר (מסתמא ווייסט מען וואס איז געווארען מיט איהם) וואס האט מיר אויפגעהאלטען ביי נאכט אלס קינד מיט זיין שוידערליכע מעשה'ס איז גוט פאר העלאווי"ן ותו לא.
דעריבער איז די תירוץ פונקט אזוי גוט ווי די קשיא.

אין כתבי האר״י שער רוח הקודש
"יש לפעמים נפש איזה אדם רשע, שנפשו אינה יכולה להכנס בגיהנום עדיין מרוב עוונותיו, והולכת נעה ונדה, ונכנסת לפעמים בגוף איזה אדם או אשה וכופה אותו ונקרא חולי הנופל."

[berlbalaguleh]

נ נח: ייש"כ. פאר די ראיה וואס דו ברענגסט צו. אבער וואס דער אר"י הק' שרייבט איבער ..."חולי הנופל"...מיינט מען זיכער נישט די מחלה..."עפילעפסי", רח"ל. ווייל דאס איז א דיאגנאזירטע דיספונקציע פון די רהיטם פון מח...און קען ווערן קאנטראלירט דורך מעדיצין...!

[שיטה מקובצת]

Cp

בקשר למה ששאלו על הסיפור של הילד שידע כל התורה כולה בע"פ. והבעלזער רוב נתן לו שנעדל באף וכך שכח את הכל. אני רוצה לספר לכם שלפני כ-4 שנים היה כנס חיזוק לבחורים ובכדי לחזק אותם באמונת צדיקים הביאו את הרב מנדל מקרית צאנז נתניה. (שהוא הילד המדובר) וגם אני הייתי נוכח בכנס זה. והיה לכולם מפח נפש. כי כששאלו אותו אם זה אמת שהוא ידע את כל התורה בעל פה. הוא אמר שהוא רק זכר כמה דפים מספר בן איש חי, ועוד איזה ספר. והבעלזער רוב לא נתן לו שנעדל. ולמעשה. כל הסיפור גדל והתנפח מעל ומעבר. ולמעשה יצא מזה מכשול גדול. כי כולם חשבו שיספר בפרוטרוט סיפור מופת מהבעלזער רוב. ולבסוף ראו שלא היה ולא כלום והנזק היה גדול באמונת חכמים.

[יעקב מענטש]

Cp

בקשר למה ששאלו על הסיפור של הילד שידע כל התורה כולה בע"פ. והבעלזער רוב נתן לו שנעדל באף וכך שכח את הכל. אני רוצה לספר לכם שלפני כ-4 שנים היה כנס חיזוק לבחורים ובכדי לחזק אותם באמונת צדיקים הביאו את הרב מנדל מקרית צאנז נתניה. (שהוא הילד המדובר) וגם אני הייתי נוכח בכנס זה. והיה לכולם מפח נפש. כי כששאלו אותו אם זה אמת שהוא ידע את כל התורה בעל פה. הוא אמר שהוא רק זכר כמה דפים מספר בן איש חי, ועוד איזה ספר. והבעלזער רוב לא נתן לו שנעדל. ולמעשה. כל הסיפור גדל והתנפח מעל ומעבר. ולמעשה יצא מזה מכשול גדול. כי כולם חשבו שיספר בפרוטרוט סיפור מופת מהבעלזער רוב. ולבסוף ראו שלא היה ולא כלום והנזק היה גדול באמונת חכמים.

פון ווי קומט דאס?

[הקטן]

די "כנס חיזוק לבחורים" שמעקט צי זיין פאלש.

[אישתישבי]

האט דאך די שנעלקע יא געארבעט, ער האט פארגעסן וואס ער האט געדענקט, און ער האט אפילו פארגעסען די שנעלקע.

[berlbalaguleh]

Cp

בקשר למה ששאלו על הסיפור של הילד שידע כל התורה כולה בע"פ. והבעלזער רוב נתן לו שנעדל באף וכך שכח את הכל. אני רוצה לספר לכם שלפני כ-4 שנים היה כנס חיזוק לבחורים ובכדי לחזק אותם באמונת צדיקים הביאו את הרב מנדל מקרית צאנז נתניה. (שהוא הילד המדובר) וגם אני הייתי נוכח בכנס זה. והיה לכולם מפח נפש. כי כששאלו אותו אם זה אמת שהוא ידע את כל התורה בעל פה. הוא אמר שהוא רק זכר כמה דפים מספר בן איש חי, ועוד איזה ספר. והבעלזער רוב לא נתן לו שנעדל. ולמעשה. כל הסיפור גדל והתנפח מעל ומעבר. ולמעשה יצא מזה מכשול גדול. כי כולם חשבו שיספר בפרוטרוט סיפור מופת מהבעלזער רוב. ולבסוף ראו שלא היה ולא כלום והנזק היה גדול באמונת חכמים.

שיטה מקובצת: דו ביסט נישט אינגאנצן גערעכט. ווייל מיינע עלטערן האבן דאמאלס געוואוינט אין ארץ ישראל. און מיין טאטע האט געזאגט אז גאנץ ארץ ישראל האט גערעדט וועגן דעם אז דער יונגל קען כל התורה כולה. און מיין רבי אין חדר האט אויך פארציילט פון דעם. אפשר געדענקט דער הרב מאנדל שוין נישט אלע פרטים פון די מעשה...!

[שיטה מקובצת]

מיין זוהן'ס רבי האט אויך דערציילט אז א פיש אין סקווער האט גערעדט.

[berlbalaguleh]

שיטה מקובצת: איך האב געקענט דעם פיש...הא הא...! בחיים חיותו . אין מאנטריאל. ער האט געדרייווט א טעקסי. ער האט געהייסן משה יודא געשטעטנער. המכונה ..."מישא"...!

דער בלאט האט נאך קיינמאל לא לפניו ולא לאחריו נישט פארקויפט אזויפיהל צייטונגען ווי יענע וואך ווען די רעדנדיגע פיש איז געווען באריכטעט...!

[רביה''ק זי''ע]

די פרט פונעם שנעלקע איז צוגעקומען מיט יארן שפעטער. אויב ווילסטו טאקע אמונת חכמים, קוק די מעשה. און דאס איז נישט קיין דמיונות פון פופציג יאר צוריק, דאס קענסטו יעצט זען לייוו, טויזענטער מענטשן האבן זיך שוין מגייר געווען צוליב דעם יונגעל.