ווען ריזן פאלן (צו דער פטירה פון הרב עובדיה יוסף ז"ל)

ארטיקלען, אנאליזן, מיינונגען, געדאנקען, און שמועסן

ווען ריזן פאלן (צו דער פטירה פון הרב עובדיה יוסף ז"ל)

הודעהדורך ראובן » מאנטאג אקטאבער 07, 2013 11:20 pm

איך בין נישט געווען קיין גרויסער אנהענגער פון הרב עובדיה יוסף ז"ל, דער מנהיג פון דער ספרדישער עדה. איך האב נישט געגליכן זיין באנעמונג, זיין אגרעסיווקייט, זיינע חומרות, און געוויסע פון זיינע שיטות. בכלל בין איך נישט קיין גרויסער חסיד פון מנהיגים, אזעלכע וועלכע זעצן זיך באקוועם אריין אין פראכטפולע פאטעלן, און גייען מיט באצירטע בעקישעס. אבער היינט ווען די נייעס פון הרב יוספ'ס פטירה איז אנגעקומען האב איך באלד געשפירט א ציפ, א טיפן שטאך. עטליכע שעה שפעטער, ווען די נייעס איז מיר שוין נישט געלעגן אויפ'ן געוויסן, האב איך אבער נאך געשפירט קאלעמוטנע אויפ'ן הארץ, און איך האב זיך געדארפט דערמאנען וואס עס האט גורם געווען מיין שלעכטן געמוט.

וואס, אייגנטליך, האט מיך אזוי בארירט מיט זיין פטירה? פארוואס בין איך – א קנאפער חסיד פון הרב יוספ'ס שיטות – פארטרויערט געווארן פון זיין טויט? עס איז שווער צו דערגרונטעווען צו די טיפענישן פון נשמה, און דערגיין די ניואנסן פון צווישנמענטשליכע געפילן און באציאונגען. אבער ווען איך טראכט יעצט וועגן הרב יוסף, שפיר איך אז די גוזמאות פון זיינע נאכפאלגער זענען טייל מאל ריכטיג. די וועלט איז טאקע אן אנדערע וועלט אן דעם גאון. די וועלט איז טאקע געווארן ארימער, און מער פאר'יתומ'ט.

און איך דערמאן זיך פון דעם זעלבן ציפ וואס איך האב געשפירט ווען הרב אלישיב ז"ל איז נפטר געווארן, און ווען סטיוו דזשאבס פון דער עפל-פירמע איז געשטארבן, און אפילו ווען קריסטאפער היטשענס, דער מיליטאנטישער אטעאיסט, איז יונג אוועקגעריסן געווארן.

די אלע דערמאנטע זענען דווקא מענטשן וועלכע איך האב נישט געגליכן, מענטשן מיט נעגאטיווע זיטן וועלכע זענען די ערשטע אויף מיין ליסטע פון מידות פון וועלכע מ'טאר זיך נישט אפלערנען. געוויסע זענען געווען אראגאנט, אנדערע שלעכט, אדער עגאאיסטיש, אומסימפאטיש, עקסטרעם אדער ראסיסטיש. דאס הארץ האט אבער געגעבן א ציפ ווען זיי האבן איבערגעלאזט די וועלט, איך האב געשפירט א פארלוסט ווען די נייעס איבער זייער פטירה איז אנגעקומען.

טראץ זייערע ארומנעמענדיגע פעלערהאפטיגע פערזענליכקייטן, האב די אלע געמאכט די וועלט רייך מיט זייערע גאונ'ישע טאלאנטן און זייער פילפארביגער כאראקטער. הרב יוסף מיט זיין גאונות און מנהיגות, הרב אלישיב מיט זיין התמדה, דזשאבס מיט זיין מענטשליכער פארשטאנד און היטשענס מיט זיין שפראך און כח הדיבור.

טראץ דעם וואס מיר אנערקענען אז דור הולך ודור בא, און מיר ווייסן אז פרישע גאונים וועלן ווייטער ארויסשפראצן פון די אינגערע דורות, איז אבער יעצט, ווי מיר שטייען היינט, די וועלט געווארן ארימער. א וועלט מיט הרב עובדיה יוסף איז אנדערש ווי א וועלט אן אים. פון איין טאג צום צווייטן האבן מיר פארלוירן אנציקלאפעדישער תורה-וויסנשאפט, און מנהיגות פון העכסטן קאליבער. און וואס איז נאך וויכטיגער – א מענטש, א סימבאל, פאר הונדערטער טויזנטער מענטשן.

איך בין א סענטימענטאליסט אין א וועג. איך ווער פאר'כישופ'ט פון באדייטפולע חפצים, און איך קען גלאצן אויף אן אור-אלטן שטיינדל אין א מוזעאום. איך טייל צו חשיבות אפילו צו נישט-לעבעדיגע זאכן ווען הינטער זיי באהאלט זיך א געשיכטע, א מענטש, א רצון, א בענקשאפט. די אלע פיר האב איך קיינמאל נישט באגעגנט, אבער איך וואלט זיי געוואלט רייכן די האנט, זיין א וויילע במחיצתם, און זען פון דער נאנט די מענטשן וואס זייער מהות דערציילט א געשיכטע וואס איז גרעסער פון זייער לעבן.

הרב יוספ'ס פטירה שאפט א חלל פון מענטשליכער דערגרייכונג. עס ווייטאגט אז מיר, דער מענטשליכער מין, האט פארלוירן א מענטש וואס איז אזוי ווייט אנגעקומען, האט אזויפיל ביישטייערט צו דער טיפקייט פון מענטשהייט, און האט אזויפיל באדייט פאר אלפים ורבבות.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2621
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3565 מאל
האט שוין באקומען לייקס: 10296 מאל

הודעהדורך שמעקעדיג » מאנטאג אקטאבער 07, 2013 11:34 pm

להבדיל
להבדיל
להבדיל
להבדיל

דא האסטו אפאר שטיק, לייג זיי אריין אוואו זיי באלאנגען אין דיין ארטיקל.
וירח ה' את ריח הניחוח
באניצער אוואטאר
שמעקעדיג
שריפטשטעלער
שריפטשטעלער
 
הודעות: 15259
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 18075 מאל
האט שוין באקומען לייקס: 18459 מאל

הודעהדורך מנשה לוסטיג » מאנטאג אקטאבער 07, 2013 11:39 pm

לא אלמן ישראל
אויב ביסטו מיט טאלאנט געבוירן, וועסטו עס קיינמאל נישט פארלירן!
באניצער אוואטאר
מנשה לוסטיג
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1566
זיך רעגיסטרירט: פרייטאג אפריל 20, 2012 6:07 pm
האט שוין געלייקט: 211 מאל
האט שוין באקומען לייקס: 666 מאל

הודעהדורך קופערניקוס » מאנטאג אקטאבער 07, 2013 11:42 pm

הערליך שיין.
אבער בדרך אגב, הרב יוסף איז רעלאטיוו געווען א גרויסער מקיל און האט נישט מחדש געווען חומרות אין הלכה. פארקערט ער איז געווען א גרויסער מקיל אין גאר שווערע שאלות. ער האט נאר מורא געהאט צו גיין עד הסוף קעגן די חומרות'דיגע ליטווישע העגעמאניע און האט דעריבער נישט איבערגעצויגן די מקיל שטריק.
זיין גאלדענע בעקישע און פאטעל איז גראדע מאדנע, אבער איז נישט קיין אנדייטונג אויף עליטיזם, ער איז געווען אן עכטער פאלקס מענטש וואס האט אייביג געדענקט זיין ארימע יוגנט און זיינע ארימע ברודער.
קריסטאפער היטשענס בין איך נישט אנטציקט ווילסט אפשר לינקן צו א דרשה וואס מאכט אים משכמו ולמעלה?
רעדאגירט געווארן צום לעצט דורך קופערניקוס אום מאנטאג אקטאבער 07, 2013 11:51 pm, רעדאגירט געווארן איין מאל בסך הכל.
קופערניקוס
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1369
זיך רעגיסטרירט: מיטוואך מערץ 07, 2012 9:24 pm
האט שוין געלייקט: 2953 מאל
האט שוין באקומען לייקס: 4222 מאל

הודעהדורך נהורא נפישא » מאנטאג אקטאבער 07, 2013 11:46 pm

ר' ראובן צום באדויערן האסטו עטליכע טעותים איבער דעם גאון אים אראפלייגענדיג אלטץ א מענטש וואס איז געזיצן אויף באקוועמע פאטעלן און געלעבט א ברייט לעבן, ווי אויך ברענגסטו ארויס דאס אז דער גאון איז געווען אן ענצעקלאפעדיא בשעת ווען רב אלישיב איז געווען א גרויסער שקדן ווי אויך איז מאדנע וואס די זאגסט אז דער גאון איז געווען א מחמיר בשעת ווען ער איז גאר געווען באקאנט מיט זיין כחא דהיתרא (אפשר מיינסטו רעלאטיוו צו די קאנסערוואטיוו באוועגונג)
וויסן זאלסטו אז דער גאון איז געווען צו דער זעלבער צייט א שקדן עצום נישט ווייניגער פון רב אלישיב, און זיין לעבן איז ער נישט געפארן וואקאציאנירן אפילו נישט און ארץ ישראל זעלבסט בשעת ווען רב וואזנער שליט"א דארף זיך פון צייט צו צייט אריבערכאפן צו די שווייץ
ביים גאון איז די בעסטע וואקאציע געווען נאך א בלאט גמרא.
וויפיל בילדער ס'זאל נאר זיין פון זיינע פאליטישע באגעגענישן איז דאס אלטץ פארגעקומען בשעה שאינו יום ולא לילה, תיכף דערויף איז ער שוין צוריקגעווען ביי די גמרא.
זכותו תגן עלינו.
למה נקרא שמו רבי נהוראי, שמנהיר עיני חכמים (עירובין:)
נהורא נפישא
שריפטשטעלער
שריפטשטעלער
 
הודעות: 1701
זיך רעגיסטרירט: דינסטאג יולי 23, 2013 9:42 pm
האט שוין געלייקט: 1962 מאל
האט שוין באקומען לייקס: 2226 מאל

הודעהדורך אליצפן » מאנטאג אקטאבער 07, 2013 11:49 pm

ר' איד איר שרייבט שרעקליכע ווערטער. צו לייגן דער אטעיסט היטשענס מיט סטיוו דזשאבס אין איין קאטעגאריע מיט מרן רב אלישיב זצ''ל און מרן הרב יוסף זצ''ל אלס ''מענטשן מיט נעגאטיווע זיטן וועלכע זענען די ערשטע אויף מיין ליסטע פון מידות פון וועלכע מ'טאר זיך נישט אפלערנען'' איז נישט קיין דברים של רשע, נאר ענדערשער דברי טפשות פונעם ערשטן קלאס.
Go do your homework
רעדאגירט געווארן צום לעצט דורך אליצפן אום דינסטאג אקטאבער 08, 2013 12:00 am, רעדאגירט געווארן איין מאל בסך הכל.
אליצפן
ידיד ותיק
ידיד ותיק
 
הודעות: 663
זיך רעגיסטרירט: מאנטאג מאי 20, 2013 12:08 am
האט שוין געלייקט: 733 מאל
האט שוין באקומען לייקס: 580 מאל

הודעהדורך נהורא נפישא » מאנטאג אקטאבער 07, 2013 11:52 pm

ר' קופערניקס, לפי השמועה פלעגט דער גאון פארלערנען שיעורים און בני ברק , דער סטייפלער זצ"ל וואס האט געהאלטן אז מ'דארף גיין אינגאנצן מיט די פסקים פון זיין פעטער ווצבש"פ אז א כזית איז אזוי גרויס ווי א וואסער מעלאנע האט געפירט א מערכה אז דער גאון זאל נישט פארלערנען קיין שיעורים דארט, דער גאון אבער האט זיך פון אים נישט אפגעשראקן.
וויסט איינער צו ר' חיים קאניעווסקי האט זיך באטייליגט ביי די לויה ?
רעדאגירט געווארן צום לעצט דורך נהורא נפישא אום מאנטאג אקטאבער 07, 2013 11:54 pm, רעדאגירט געווארן איין מאל בסך הכל.
למה נקרא שמו רבי נהוראי, שמנהיר עיני חכמים (עירובין:)
נהורא נפישא
שריפטשטעלער
שריפטשטעלער
 
הודעות: 1701
זיך רעגיסטרירט: דינסטאג יולי 23, 2013 9:42 pm
האט שוין געלייקט: 1962 מאל
האט שוין באקומען לייקס: 2226 מאל

הודעהדורך בשבילי! » מאנטאג אקטאבער 07, 2013 11:54 pm

אליצפן האט געשריבן:ר' איד איר דארפט א גרויסן דאקטער.

פארוואס אזוי שארף דעם ערשטן מאל? פרוביר קודם מיט שיינעם יענער קען אויך האב א צד וואס ער האט געמיינט
^*^*^*^
איך האס לייק'ס. אויב ווילסטו מיר אפטוהן. אויב ווילסטו מיר וויי טאן. געמיר א לייק.
באניצער אוואטאר
בשבילי!
היימישער באניצער
היימישער באניצער
 
הודעות: 585
זיך רעגיסטרירט: פרייטאג סעפטעמבער 13, 2013 5:57 pm
האט שוין געלייקט: 556 מאל
האט שוין באקומען לייקס: 567 מאל

הודעהדורך אליצפן » מאנטאג אקטאבער 07, 2013 11:59 pm

בשבילי! האט געשריבן:
אליצפן האט געשריבן:ר' איד איר דארפט א גרויסן דאקטער.

פארוואס אזוי שארף דעם ערשטן מאל? פרוביר קודם מיט שיינעם יענער קען אויך האב א צד וואס ער האט געמיינט

אנטשולדיגט, אבער ווען איינער פארגלייכט די צוויי גרעסטע גדולים פונעם היינטיגן דור, מיט א כופר בעיקר און א נידריגע גוי, אלס מענטשן וואס מ'טאר זיך פון זיי נישט אפלערנען, מיין איך אז ס'קומט צו זיין אביסן שארף.
אליצפן
ידיד ותיק
ידיד ותיק
 
הודעות: 663
זיך רעגיסטרירט: מאנטאג מאי 20, 2013 12:08 am
האט שוין געלייקט: 733 מאל
האט שוין באקומען לייקס: 580 מאל

הודעהדורך אחד העם » דינסטאג אקטאבער 08, 2013 12:07 am

דאכט זיך מיר אז ביי די עגונות סאמטוכע מיט הרב גורן איז ער עפעס אויף געווען א גוזמא פון נעכט און דאס האט אים אויך גורם געווען פראבלעמען מיט זיינע אויגן נאכן זיך אזויפיל איבערשטרענגען,
ראובן, קענסט ר' עובדיה לכאורה נאר פון קוקען אפאר קליפס פון יו טוב... ר' עובדיה קען מען נאר קענען פון זיינע ווערק, און פון זיין פריע יוגענט היסטוריה
באניצער אוואטאר
אחד העם
ידיד ותיק
ידיד ותיק
 
הודעות: 697
זיך רעגיסטרירט: דאנערשטאג אוגוסט 22, 2013 3:44 pm
האט שוין געלייקט: 684 מאל
האט שוין באקומען לייקס: 833 מאל

הודעהדורך קאווע טרינקער » דינסטאג אקטאבער 08, 2013 12:10 am

@ראובן, טויטע שטיינער פארגאפט אייך ביז כלות, און דאס אז א מענטש איז געשטיגן צו ווערן א רועה נאמן און א אב רחמן פאר טויזענטער אידן, אין זיי זעהסטו נאר מידות משחתות, אדזש איר צייכענט זיי אויף א שווארצע ליסטע?

#לאתגורו
ביסט ארויף אויף מיין ליסטע.
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8525 מאל

הודעהדורך יידל » דינסטאג אקטאבער 08, 2013 12:35 am

איך זיץ ביי מיר אינדערהיים און איך וויין. הזאת נעמי? איז דאס דער עם חכם ונבון? בין איך אין קאווע שטיבל?
רבון העולמים, היינט באחרית הימים; רבון העולמים, ווי מיר לעבן היינט איז שווער צו זיין א תמים. - שלמה גרטנר, והתקין
באניצער אוואטאר
יידל
שריפטשטעלער
שריפטשטעלער
 
הודעות: 4919
זיך רעגיסטרירט: זונטאג פעברואר 26, 2012 12:44 am
האט שוין געלייקט: 2926 מאל
האט שוין באקומען לייקס: 4450 מאל

הודעהדורך יידל » דינסטאג אקטאבער 08, 2013 12:37 am

און איך מיין נישט ראובן.
רבון העולמים, היינט באחרית הימים; רבון העולמים, ווי מיר לעבן היינט איז שווער צו זיין א תמים. - שלמה גרטנר, והתקין
באניצער אוואטאר
יידל
שריפטשטעלער
שריפטשטעלער
 
הודעות: 4919
זיך רעגיסטרירט: זונטאג פעברואר 26, 2012 12:44 am
האט שוין געלייקט: 2926 מאל
האט שוין באקומען לייקס: 4450 מאל

הודעהדורך יאיר » דינסטאג אקטאבער 08, 2013 12:38 am

צו אלע מבדילים, ראובן שרייבט דא זיינע כלליות'דיגע געדאנקען אויף די שטערבליכקייט פון אומשטערבליכע טאלאנטן, ממילא איז אייער קריטיק שלא במקומן. אבער אז מ'רעדט שוין, וויל איך טאקע מוחה זיין פאר'ן צושטעלן סטיוו דזשאב, א געלונגענער און גלייכצייטיג קוריאזער מענטש וואס האט אויסגענוצט זיינע טאלאנטן צו פארבעסערן דאס לעבן פאר די מענטשהייט, צו הרב אלישיב.
האדם לא נברא אלא להתענג
באניצער אוואטאר
יאיר
שריפטשטעלער
שריפטשטעלער
 
הודעות: 4765
זיך רעגיסטרירט: דינסטאג יוני 26, 2012 9:42 pm
האט שוין געלייקט: 7221 מאל
האט שוין באקומען לייקס: 8165 מאל

הודעהדורך קאווע טרינקער » דינסטאג אקטאבער 08, 2013 12:40 am

כלומר? אונז פארשטייען נישט צו ראובן'ס art ?
-
יאיר האקט. און מאכט נאך ערגער.
רעדאגירט געווארן צום לעצט דורך קאווע טרינקער אום דינסטאג אקטאבער 08, 2013 12:41 am, רעדאגירט געווארן איין מאל בסך הכל.
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8525 מאל

הודעהדורך יידל » דינסטאג אקטאבער 08, 2013 12:41 am

אנטשולדיגט פארן אויסברוך, נאר די נידעריגע ניווא פון לייענען און פארשטיין דאס געליינטע וואס איז קענטליך אין טייל תגובות אין דעם אשכול איז ווייטאגליך.

יאיר האקט
רבון העולמים, היינט באחרית הימים; רבון העולמים, ווי מיר לעבן היינט איז שווער צו זיין א תמים. - שלמה גרטנר, והתקין
באניצער אוואטאר
יידל
שריפטשטעלער
שריפטשטעלער
 
הודעות: 4919
זיך רעגיסטרירט: זונטאג פעברואר 26, 2012 12:44 am
האט שוין געלייקט: 2926 מאל
האט שוין באקומען לייקס: 4450 מאל

הודעהדורך יאיר » דינסטאג אקטאבער 08, 2013 12:44 am

רבותי, איך האק נישט. און איך מאך נישט ערגער, נאר ארגער.
האדם לא נברא אלא להתענג
באניצער אוואטאר
יאיר
שריפטשטעלער
שריפטשטעלער
 
הודעות: 4765
זיך רעגיסטרירט: דינסטאג יוני 26, 2012 9:42 pm
האט שוין געלייקט: 7221 מאל
האט שוין באקומען לייקס: 8165 מאל

הודעהדורך קופערניקוס » דינסטאג אקטאבער 08, 2013 12:50 am

איך פארשטיי די נקודה פון ראובן און זיינע שטיצער, און הגעו בעצמכם ווען מען רעדט ווען פון די איאטאלע כומעיני קעגן אלי וויזעל וואלט איר נישט געשריגן העי, די איאטאלע'ס התמדה איז מורא'דיג און ער האט מחזיר בתשובה געווען גאנץ פרס ומדי, יעדער וואלט רעדט פארשטאנען אז מען רעדט אביעקטיוו איבער קוואליפיקאציעס.
אבער, ראובן, הוא הנותנת, מען רעדט נישט דא איבערן איאטאלע נאר איבער אידישע סימבאלן וואס זענען נאנט צום הארץ פון די חברה דא, אלזא פארשטיי זייער פראטעסט.
קופערניקוס
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1369
זיך רעגיסטרירט: מיטוואך מערץ 07, 2012 9:24 pm
האט שוין געלייקט: 2953 מאל
האט שוין באקומען לייקס: 4222 מאל

הודעהדורך ראובן » דינסטאג אקטאבער 08, 2013 12:50 am

א טייל עולם האט זייער נישט ריכטיג אפגעלערנט מיין ארטיקל. חומרות? עליטיזם? ברייט לעבן? פארגלייכן? זעט נאר מידות משחתות?

קופערניקוס האט געשריבן:הערליך שיין.
אבער בדרך אגב, הרב יוסף איז רעלאטיוו געווען א גרויסער מקיל און האט נישט מחדש געווען חומרות אין הלכה. פארקערט ער איז געווען א גרויסער מקיל אין גאר שווערע שאלות. ער האט נאר מורא געהאט צו גיין עד הסוף קעגן די חומרות'דיגע ליטווישע העגעמאניע און האט דעריבער נישט איבערגעצויגן די מקיל שטריק.
זיין גאלדענע בעקישע און פאטעל איז גראדע מאדנע, אבער איז נישט קיין אנדייטונג אויף עליטיזם, ער איז געווען אן עכטער פאלקס מענטש וואס האט אייביג געדענקט זיין ארימע יוגנט און זיינע ארימע ברודער.
קריסטאפער היטשענס בין איך נישט אנטציקט ווילסט אפשר לינקן צו א דרשה וואס מאכט אים משכמו ולמעלה?

אוודאי ווייס איך אז הרב יוסף איז געווען א גרויסער מקיל, אפילו די פרייע פרעסע האט אים אויף דעם אויסגעלויבט, און איך האב טאקע נישט געשריבן אז ער איז געווען א "מחמיר". איך האב געשריבן אז געוויסע חלקים פון אים האב איך נישט געגליכן, צווישן זיי זענען זיינע חומרות - און אוודאי האט ער געהאט געוויסע חומרות, צום ביישפיל זיין חומרא אויף פאה נכרית.

איך האב אויך נישט געשריבן אז ער איז געווען אן עליטיסט - נאר אז איך גלייך נישט דעם סארט מענטש וואס זיצט אין דעם פאטעל פון מנהיגות. זאל ער זיין דער איידלסטער און צוגעלאזנסטער מענטש. איך גלייך נישט די סארט מענטשן. איך האב געהאט געשריבן א שורה דארטן וואס איך האב למעשה ארויסגענומען ווייל עס איז נישט נוגע צום ארטיקל. איך האב געשריבן: "איך גלייך די שטילע גאונים, קול-דממה-דקה'ניקעס, וואס אין זייערע ד' אמות זענען זיי בונה עולמות מיט זייערע טאלאנטן." דאס איז א פערזענליכער פרעפערענץ, און איז נישט קיין באשולדיגונג אויף הרב יוסף.

וועגן היטשענס, איך האב געגליכן זיין כוח הדיבור. דו נישט? נישט געפערליך. איך בין נישט אויסן צו איבערצייגן די וועלט.

נהורא נפישא האט געשריבן:ר' ראובן צום באדויערן האסטו עטליכע טעותים איבער דעם גאון אים אראפלייגענדיג אלטץ א מענטש וואס איז געזיצן אויף באקוועמע פאטעלן און געלעבט א ברייט לעבן, ווי אויך ברענגסטו ארויס דאס אז דער גאון איז געווען אן ענצעקלאפעדיא בשעת ווען רב אלישיב איז געווען א גרויסער שקדן ווי אויך איז מאדנע וואס די זאגסט אז דער גאון איז געווען א מחמיר בשעת ווען ער איז גאר געווען באקאנט מיט זיין כחא דהיתרא (אפשר מיינסטו רעלאטיוו צו די קאנסערוואטיוו באוועגונג)
וויסן זאלסטו אז דער גאון איז געווען צו דער זעלבער צייט א שקדן עצום נישט ווייניגער פון רב אלישיב, און זיין לעבן איז ער נישט געפארן וואקאציאנירן אפילו נישט און ארץ ישראל זעלבסט בשעת ווען רב וואזנער שליט"א דארף זיך פון צייט צו צייט אריבערכאפן צו די שווייץ
ביים גאון איז די בעסטע וואקאציע געווען נאך א בלאט גמרא.
וויפיל בילדער ס'זאל נאר זיין פון זיינע פאליטישע באגעגענישן איז דאס אלטץ פארגעקומען בשעה שאינו יום ולא לילה, תיכף דערויף איז ער שוין צוריקגעווען ביי די גמרא.
זכותו תגן עלינו.

טייל פון דיינע באמערקונגען האב איך שוין געענטפערט פריער פאר קופערניקוס. איך ווייס זייער גוט אז הרב יוסף איז געווען א שקדן וועלכער איז געזעסן און געהארעוועט יומם ולילה. אפילו איינער וואס האט נישט געלערנט זיינע פילצאליגע גאונישע ספרים האט זיך אוודאי אנגעשטויסן אין די בילדער ווי ער איז שוקד על דברי תורה אין שפיטאל פאר און נאך אפעראציעס. איך כאפ נאר נישט וואו עס קומט אריין אין מיין ארטיקל. איך האב נישט פרובירט אויסצורעכענען די מעלות פון יעדן מענטש וואס איך האב דערמאנט, כ'האב נאר דערמאנט איינס צוויי זאכן וועלכע כאראקטעריזירן דעם מענטש. הרב יוסף איז בעיקר ארויסגעשטאנען מיט זיין גאונות און מנהיגות, און הרב אלישיב מיט זיין התמדה.

אליצפן האט געשריבן:ר' איד איר שרייבט שרעקליכע ווערטער. צו לייגן דער אטעיסט היטשענס מיט סטיוו דזשאבס אין איין קאטעגאריע מיט מרן רב אלישיב זצ''ל און מרן הרב יוסף זצ''ל אלס ''מענטשן מיט נעגאטיווע זיטן וועלכע זענען די ערשטע אויף מיין ליסטע פון מידות פון וועלכע מ'טאר זיך נישט אפלערנען'' איז נישט קיין דברים של רשע, נאר ענדערשער דברי טפשות פונעם ערשטן קלאס.
Go do your homework

נישט נאר היטשענס און הרב יוסף באלאנגען נישט אין איין קאטאגאריע, נאר אפילו הרב יוסף און הרב אלישיב באלאנגען און באזונדערע קאטאגאריעס. אלע פיר, ווי אנדערש זיי זאלן נאר זיין, באלאנגען אין איין קאטאגאריע מיט דעם אז איך האב געכאפט א ציפ אין הארץ הערנדיג איבער זייער טויט. איך האב אנאליזירט מיין הארץ, נישט די מענטשן וועמען איך האב אויסגערעכנט. איך שעץ יעדן פון די פיר פאר גענצליך אנדערע סיבות, און איך וואלט נישט געוואלט האבן קיין פערזענליכע נאנטשאפט מיט זיי צוליב גאר אנדערע טעמים.

אז דו וועסט מדייק זיין אין מיינע ווערטער וועלכע דו האסט ציטירט וועסטו זען אז נישט די פיר מענטשן געפינען זיך אויף א ליסטע, נאר אלע פיר האבן פארמאגט געוויסע זיטן וואס אט די זיטן געפונען זיך אויף "מיין ליסטע פון מידות פון וועלכע מ'טאר זיך נישט אפלערנען."

קאווע טרינקער האט געשריבן:@ראובן, טויטע שטיינער פארגאפט אייך ביז כלות, און דאס אז א מענטש איז געשטיגן צו ווערן א רועה נאמן און א אב רחמן פאר טויזענטער אידן, אין זיי זעהסטו נאר מידות משחתות, אדזש איר צייכענט זיי אויף א שווארצע ליסטע?

מיין ארטיקל זאגט פונקט פארקערט ווי וואס דו שרייבסט. איך זע נישט קיין מידות משחתות, נאר איך זע טאקע "א רועה נאמן און א[ן] אב רחמן פאר טויזנטער אידן." אט דאס פרוביר איך מסביר צו זיין אין דעם ארטיקל.

---
דער עולם האקט. איך האף אז איינער פון די פרישע מגיבים האט יא געכאפט וואס איך האב געוואלט ארויסברענגען.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2621
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3565 מאל
האט שוין באקומען לייקס: 10296 מאל

הודעהדורך קאווע טרינקער » דינסטאג אקטאבער 08, 2013 12:55 am

ס'וואלט מיר געווען אינטערסאנט צו וויסן וועלעכע גדול "בישראל" האט גע'past די test צו אייער גענויע געשמאק?
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8525 מאל

הודעהדורך נולד מאוחר » דינסטאג אקטאבער 08, 2013 12:55 am

סזעט אויז ווי ס'ווערט א סומאטכע דא
וועלכע שלעכטע מידות מיינט ראובן?
רעדאגירט געווארן צום לעצט דורך נולד מאוחר אום דינסטאג אקטאבער 08, 2013 12:59 am, רעדאגירט געווארן איין מאל בסך הכל.
נולד מאוחר
חבר ותיק
חבר ותיק
 
הודעות: 3817
זיך רעגיסטרירט: מאנטאג אפריל 09, 2012 9:21 pm
האט שוין געלייקט: 4771 מאל
האט שוין באקומען לייקס: 1896 מאל

הודעהדורך קופערניקוס » דינסטאג אקטאבער 08, 2013 12:58 am

ראובן מיר האבן געכאפט, אבער די כאפ אויך אז גענוי ווי די (אדער דיין חברים לדעה) פאדערן אסאך ליבשאפט און מיטגעפיל מיט דעב טאמבור הי"ד זללה"ה און מען טאר נישט ראציאנאליזירן בשעה שמתו מוטל. הרב יוסף מעג דא זיין איינעמס דעבי. איינעמס סאפט ספאט.
איך האב נישט קיין פראבלעם איך ערקלער נאר די פאר פאנאטישע וועמען די קוקסט אן ווי עליענס.
רעדאגירט געווארן צום לעצט דורך קופערניקוס אום דינסטאג אקטאבער 08, 2013 11:59 am, רעדאגירט געווארן 2 מאל בסך הכל.
קופערניקוס
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1369
זיך רעגיסטרירט: מיטוואך מערץ 07, 2012 9:24 pm
האט שוין געלייקט: 2953 מאל
האט שוין באקומען לייקס: 4222 מאל

הודעהדורך יאיר » דינסטאג אקטאבער 08, 2013 12:58 am

קאווע טרינקער האט געשריבן:ס'וואלט מיר געווען אינטערסאנט צו וויסן וועלעכע גדול "בישראל" האט גע'past די test צו אייער גענויע געשמאק?

ער זאגט דאך אז ער האט נישט ליב קיין מנהיגים. דער איינציגער גדול בישראל וואס איז נישט געווען מנהיג וואס איך געדענק יעצט איז רבי אפרים זלמן מרגליות.
נולד מאוחר האט געשריבן:סזעט אויז ווי ס'ווערט א סומאטכע דא

א סומאטאכע צוליב עטליכע ווערטער וואס ראובן האט געלאזט פאלן. גאר פאסיג לעילוי נשמתו פון ר' עובדיה.
האדם לא נברא אלא להתענג
באניצער אוואטאר
יאיר
שריפטשטעלער
שריפטשטעלער
 
הודעות: 4765
זיך רעגיסטרירט: דינסטאג יוני 26, 2012 9:42 pm
האט שוין געלייקט: 7221 מאל
האט שוין באקומען לייקס: 8165 מאל

הודעהדורך אליצפן » דינסטאג אקטאבער 08, 2013 12:59 am

יידל האט געשריבן:אנטשולדיגט פארן אויסברוך, נאר די נידעריגע ניווא פון לייענען און פארשטיין דאס געליינטע וואס איז קענטליך אין טייל תגובות אין דעם אשכול איז ווייטאגליך.

יאיר האקט

אנטשולדיגט איך זעה נישט פארוואס איר רעגט זיך אזוי. צו זענט איר מסכים מיט ראובן אריינצולייגן הרב אלישיב מיט הרב יוסף אינעם קאטעגאריע פון "מענטשן מיט נעגאטיווע זיטן וועלכע זענען די ערשטע אויף מיין ליסטע פון מידות פון וועלכע מ'טאר זיך נישט אפלערנען. געוויסע זענען געווען אראגאנט, אנדערע שלעכט, אדער עגאאיסטיש, אומסימפאטיש, עקסטרעם אדער ראסיסטיש."?
אויב יא פרעג איך די זעלבע קשיא הזאת ק''ש?
אליצפן
ידיד ותיק
ידיד ותיק
 
הודעות: 663
זיך רעגיסטרירט: מאנטאג מאי 20, 2013 12:08 am
האט שוין געלייקט: 733 מאל
האט שוין באקומען לייקס: 580 מאל

הודעהדורך יאיר » דינסטאג אקטאבער 08, 2013 1:04 am

קופערניקוס האט געשריבן:ראובן מיר האבן געכאפט, אבער די כאפ אויך אז גענוי ווי די (אדער דיין אנדערע ניקס אדער חברים לדעה) פאדערן אסאך ליבשאפט און מיטגעפיל מיט דעב טאמבור הי"ד זללה"ה און מען טאר נישט ראציאנאליזירן בשעה שמתו מוטל. הרב יוסף מעג דא זיין איינעמס דעבי. איינעמס סאפט ספאט.

עס שיינט מיר אז קיין איינער פון די מגיבים איז נישט קיין ספרדי אדער עפעס א הוגה ובקי בעשרים חלקים יביע אומר, וואס איז יעצט גאר סענסיטיוו צו די רויע פריצייטיגע פטירה פון זיין 93 יעריגער אידאל, נאר א כלליות'דיגע מחאה אויפ'ן פארגלייכן א גדול באתאיסטים צו א גדול בישראל, אין כאטש וואספארא אבסטראקטע פארנעם, אן כאטש זאגן להבדיל.
אגב, מען דארף טאקע דערגיין ווען די להבדיל'ס האבן זיך אנגעהויבן יאווען, און ווען זיי האבן באקומען זייערע אלפים ורבבות ורבוא פעמים אייניקלעך. פאקטיש האב איך אמאל געזען אין אן אור אלטן ספר ווי ער רעדט וועגן דעם באשעפער און עבודה זרות בנשימה אחת, און ער דערמאנט אפילו נישט קיין פראסטער להבדיל!
דער ספר הייסט חומש בראשית לא נג.
האדם לא נברא אלא להתענג
באניצער אוואטאר
יאיר
שריפטשטעלער
שריפטשטעלער
 
הודעות: 4765
זיך רעגיסטרירט: דינסטאג יוני 26, 2012 9:42 pm
האט שוין געלייקט: 7221 מאל
האט שוין באקומען לייקס: 8165 מאל

נעקסט

גיי צוריק קאווע שטיבל

ווער איז יעצט דא?

באניצער וואס לייענען דעם פארום: Majestic-12 [Bot] און 2 געסט