גליון ד' (97 בלעטער)

[פישלע העררינג]

עקספייערט.

[נאר,,פרייליך]

וואטש פינעם לדעת, פאריגע מאל איז'ס געווען אומ'בעטעמ'ט.

[ונבנתה העיר]

זייער שיין, פישעל'ע, א דאנק פאר דיין ארבעט און א ספעציעלן דאנק פאר'ן אריינשטעלן מיינע מאמרים.

[רויטע וואנצעס]

wow וויאזוי האב איך פארפאסט א שיין ביסל פון די הערליכע מאמרים? א דאנק!!!

[דער (פינטעל) איד]

wow איך זע גוט? אן ארטיקל פון מיר איז אריין!!!?

און איך האב געמיינט אז ''לייקס'' איז דער בעסטע זאך וואס קען געשען צו מיר?.....!!! ס'דא עפעס בעסערס!

שכויעח פישעלע!

[מצטמק ויפה]

א גרויסען דאנק פישעל'ע, הערשט יעצט זעה איך וויפיל ארבעט די לייגסט אריין אין דעם גליון, אזוי שיין אויסגעשטעלט א נחת צו ליינען, האסט גענומען מיין ארטיקעל און געמאכט דערפון א לייט, א דאנק פארן אריין לייגען, און נאך צולייגן א שיינעם קעפל דערפאר.

[shem-tov]

א ריזיגער דאנק פישעלע. דאס מאל גיט עס א חשק צו גיין ווייטער

[איחוד פעלד]

דעס איז מורא'דיג.

מען דארף פרינטען און שיקען קאפיס צו אלע מנהיגים, באהאלטענע מנהיגים, בעלי בתים אינגעלייט כולל אינגעלייט און בחורים.

דעס האט מער אינהאלט און הדרכה ווי עני אידישע צייטונג אדער מאגאזין. (הגם דעס זאגט נישט פיל).

[סמבטיון]

ווי קען מען זעהן די גליונות ביז אהער?

[ראובן]

הערליך פישעלע!
איך בין אין די בלעטער געוואויר געווארן פון @מצטמק ויפה'ס שיינע רעוויו אויף מיכאל שניצלער'ס נייעם אלבום. האב איך עס אויפגעזוכט כדי צו געבן א לייק. דא באהאלט זיך עס פאר אנדערע וואס ווילן ארויסווייזן הכרה:
viewtopic.php?p=180170#p180170

[מצטמק ויפה]

א שיינעם דאנק @ראובן פאר'ן לייקען, און אהערברענגן א לינק, דאס אלעס געט א שטופּ אויף שרייבן נאך.

אגב, איך וויל נאר מוסר ומודעה זיין אז מיין ארטיקעל האב איך געשריבן נאכ'ן הערן די טעיפ נאר סך הכל איין מאל, ממילא איז עס ממש נאר א קליינעם איבערבליק אויפן שפיץ פינגער, פונם טעיפ.

[פישלע העררינג]

יישר כח גוטע פריינט פאר די קאמפלימענטן. די אמת'ע שיינע ארבעט אויף וואס עס קומט זיך קאמפלימענטן איז דאס וואס די שרייבער האבן אהערגעשטעלט אזוי מייסטערהאפט, להנות בהם בני אדם. געדענקטס זיי צו לייקען.

[פישלע העררינג]

דעס האט מער אינהאלט און הדרכה ווי עני אידישע צייטונג אדער מאגאזין.

פארשטייט זיך אז עס ווערן אויסגעליפטערט אין שטיבל פילפארביגע נושאים, נישט נאר הדרכה אדער אינהאלטסווערדיגע רייד. די בלעטער נעמען צעזאם בלויז די מאמרים וואס לכל הפחות 10 אקטיווע און באזעסענע ניקס האבן געלייקט, און איז לענגער ווי סתם א תגובה'לע.

יישר כח יעדער איינער פאר די פאזעטיווע אישי'ס, אבער געדענקטס צו לייקן די מחברים זעלבסט.

[נח בער]

א שיינעם דאנק פאר ר' פישל'ע פאר די ארבעט וואס דו טוסט אזוי שיין און האט מיר שוין אין דער פארגאנגענהייט פיל מחי' געווען ווען מחמת דוחק הזמן קום איך נישט אן קיין סאך צו ליינען אין שטיבל זעלבסט.

דאס מאל האב איך שנעל איבערגעבליקט די ערגעץ-איבער-זעכציג בלעטער צו זען אויב שמי הקטן איז אויך בין הנמנים און אויב איך האב געשריבן א גענוג גוטער ארטיקל וואס זאל זוכה זיין אריינצוגיין אינעם רעספעקטירטן "קאווע בלעטער" אויסגאבע, און יא, איך האב עס געמאכט, און טראץ וואס נישט דאס איז מיין ערשטער ציל ווען איך שרייב עפעס דא, וועל איך אויס הכרת הטוב פארן געבן דעם גוטן געפיל אפשרייבן עפעס אין דעם אשכול פון וואו מיין מאמר איז גענומען געווארן.

[פישלע העררינג]

איך האב אצינדע געענדיגט אויסשטעלן דאס גאנצע. עס באשטייט פון 97 בלעטער, כולן שוין לטובה. דער לינק אינעם ערשטן הודעה גייט צום גאנצן קובץ, אבער דער וואס וויל קען עס פון דא נעמען.

לייענט און האט הנאה.

די חשוב'ער ניקס וואס זייער ארבעט איז אריין אין דאזיגע קובץ:

@לולקע-ציבעך

@שיטה מקובצת

@הוגה

@שמעקעדיג

@ונבנתה העיר

@מצטמק ויפה

@דער (פינטעל) איד

@היימישער ליטוואק

@סלינקי

@ראשעקאל

@shem-tov

@שפתים ישק

@גנדי

@הערשי

@איחוד פעלד

@ברסלבער

@משה געציל

@חזקיהו המלך

@מאטי

@איש עברי

@נח בער

@יאיר

@הילל

@לעיקוואד

@סופר ומונה

@פשוט-קאמפליצירט

@יואב

@רויטע וואנצעס

@פאטעטא טשיפס

@קארל

@ליטוואק פון בודאפעסט

@מ גפני

@פארוואס?



נ.ב. מען קען שרייבן אין אנדערע מקומות וואס מען וויל איבער קאווע שטיבל, אבער עס טוישט נישט די מציאות. כל חיך אוכל יטעום וואספארא שיינע און אינטעליגענטע שמועסן עס קומען דא פאר. כה לחי!

[ברסלבער]

זייער שיין פישעלע. א גרויסן דאנק!

[מ גפני]

א ריזיגער דאנק פישעלע. דאס מאל גיט עס א חשק צו גיין ווייטער

כשם-טוב ועוד..........

[געפילטע פיש]

האסט פארגעסן פון אברמי, ברוך, געציל, און הערשי, פון די וואטסעפפ גרופ.

[מאטי]

ער האט אויך פארגעסן צאמצונעמן אלע דברי חכמה וואס איז געשריבן געווארן דורכן חכם ונבון אלעס ווייסער "געפילטע פיש" כ'מיין מ'קען מאכן א קונטרס בלויז פון דעם. וכאן הקריאה יוצא צו החכם וגדול כל רז לא אניס ליה "הרב געפילטע פיש שליט"א זאל זיך אראפלאזן צו אונז קליינע מענטשעלעך און צוווארפן א ניקל פון זיין חכמה אין פארם פון א פרישער אשכול.

[געפילטע פיש]

מאך נישט אוועק, איך האב שוין געעפענט גאנצע 18 אשכולות (כמנין 18), וואס לפחות 4 פון זיי האב איך אפילו נישט געעפענט, נאר די הנהלה האט עס אפגעטיילט פון א צווייטע אשכול.

[נח בער]

האסט פארגעסן פון אברמי, ברוך, געציל, און הערשי, פון די וואטסעפפ גרופ.

ביטע לייג א לינק פאר די וואס ליינען נישט "אלעס".

א דאנק.

[קרעקער]

יעדער זאל זיך אינטערנעמען ארויסציפרינטען כאטש 1 קאפי און עס איבערלאזען אין ביכ"ס אין זיין שוהל
און אויך ארומשיקען צו 20 אימעילס

[שפתים ישק]

שפתים קישאקTM!

[ראשעקאל]

יעדער זאל זיך אינטערנעמען ארויסציפרינטען כאטש 1 קאפי און עס איבערלאזען אין ביכ"ס אין זיין שוהל
און אויך ארומשיקען צו 20 אימעילס

ארויסגעפרינט צוויי קאפיס צו לאזן אין טוילעט

[סאשי פיש]

@ראשעקאל ביסטו יעצט געווען אין ראדני אונטען?!