אראומא #7 אפילו בהסתרה אין דינסט פון די סיסטעם

ארטיקלען, אנאליזן, מיינונגען, געדאנקען, און שמועסן

אראומא #7 אפילו בהסתרה אין דינסט פון די סיסטעם

הודעהדורך איש עברי » דינסטאג אקטאבער 07, 2014 6:36 am

אלזא איך האב פיינט אפילו בהסתרה, ניין נישט וועגן די מעלאדי איז נישט שיין איך בין א קנאפע פארשטייער אין מוזיק, נישט וועגן די ווערטער זענען נישט אמת, איך גלייב אז דער אייבערשטער איז עיניו פקוחות על כל דרכי בני אדם, (הגם איך פארשטיי נישט די קאנסעפט פון די ניגון און די סכסוך צווישן די אייבערשטער אין די רבי) די ניגון כשלעצמו קען זיין איז א הערליכע קאמפאזיציע וואס פארדינט א הויכע אויסצייכענונג, אבער לדעתי צייגן די פאפולאריטעט פון די ניגונים אויף טיפערע זאך און האט א פסיכאלאגישע דינסט פאר אונזער פארשאלטענע סיסטעם.
איך האף אז איר וועט פארשטיין מיין פוינט, און איך מיין נישט דווקא אפילו בהסתרה איך מיין די גאנצע חיזוק/אמונה אינדוסטרי וואס ארבעט ביי אונז אויף קעסל כלים.
מיר לעבן אין א דור וואס סאיז נישטא קיין פירערשאפט נישטא קיין קלארע ריכטונג, א סטאדע שאף וואס גייט אין די פינסטער נאך יעדע שמע קולנו פון עפעס א ארבעט'סלאזע רבי'שע אייניקל, מען לויפט צו כינוסים יעדע מאנטאג און דענערשטאג, מען ארגאניזירט מאסן פארזאמלונגען צו הייבן די מאראל אויף א מאנאטליכע באזיס, און דאן רייבט מען זיך אין די פלייצע מיט הוילע פראזן איבער די געוואלדיגע אחדות און קידוש ה' און עולם גולם זעטיגט זיך פאר נאך צוויי וואכן.
צייטונגען וואס האבן שוין אויפגעהרט דינען זייער צוועק און זענען מער ווייניגער געווידמעט צו דרייען א קאפ און וואשן די מוחות פאר זייערע אגענדעס, און דינען אלס שופר פאר יעדע נערוון קראנקע עסקן, אין די ברייוון צו די רעדאקציע טוט זיך א קאנטעסט ווער עס האט מער קרעאטיווע פירצות מוחה צו זיין, אזאנע וואס ווייטאגן אויף די מאמעס וואס ווארטן אויף די באסעס מיט טורבאנס און אזעלכע וואס האלטן אז דער עולם האט א טעות אין די נקודות ביי אלוקי נצור ווי סאיז דא ווארט ווי מען דארף זאגן מיט א חיריק און ס'דא וואס זאגן מיט א חיריק.
און בית המדרש רעדט מען איבער די פרישע גט'ן און אלטע מחלוקת'ן און מקווה קעדט מען איבער דעם פוטין און מען טוישט אויס מיינונגען צו ער וועט עס מאכן צו נישט, און מען נאמינירט קאנדידאטן פאר די וויצע פרעזידענטשאפט פון 2018 און מען פאסט קריטישע באשלוסן איבער אינטערנאציאנאלע אנלעגנהייטן.
מנהיגים? מורי דרך? וואס ווי ווען, מאקסימום האקן זיי אויף טייערע חתונות טאמער זיי ווייסן אז ס'איז פאפולער ביים עולם, אדער איבער טשיקענס וואס מען איז אויך בודק די בלינדע קישקע און בהמות וואס מען שחט אפרקדן, דאס איז די גאנצע וואס זיי האבן צו אפערען פאר א צוריסענע צושפליטערטע צובלוטיגטע סאסייעטי, און דאס איז שוין אין בעסטן פאל, די רוב רבנים און רבי'לעך ווארימען זיך אין די טילעפעס און ביי ניחום אבלים'ס קרעכצן זיי אויף די שוואכע דורות.
אז מען נעמט אפיר א פראבלעם וויסן מיר שוין די לעזונגען פון פאראויס, קיינמאל נישט קיין טויש פון ריכטונג, אלעמאל ווייטער מיט די קאפ אין וואנט אריין, קרעאטיוויטעט איז לגמרי מחוץ לתחום, פארשטייט זיך אז אלעס איז איינגעהילט אין ציטאטן פון הייליגע ספרים איבער די הארבקייט פון הייליגע מנהגים וואס עפעס א פארשאלטענע באבע איז איינגעפאלן ווען זי איז געווען אין א שלעכטע גיסטע, און אז יעדע מנהג איז יסודתו בהררי קודש, און אונטער די הררי קודש ליגן מיר נעבעך באגראבן, שם תהא קבורתכם.
איז אמאל אויפגעברענגט געווארן צו א ריכטיגע ציבורישע דעבאטע די ברענעדיגע פראבלעם אז 80 פראצענט פון אונזער יוגנט טוט מער ווייניגער גארנישט אין זייערע בעסטע יארן פון לעבן, אז די ישיבות זענען נישט מער ווי א פינסטערע אילוזיע און א לעזונג פאר אפאר טויזנט יושבי אהל פון ווי צו ציען חיונא? צו האט מען אמאל ערנסט דיסקוטירט די שוידערליכע מצב הפרנסה ביי אונז, און אז אונזער וועג פון ברענגען פרנסה האט נישט קיין עתיד, צו ווערן ערגעצוואו איבערגעשמועסט די פאקט אז א גרויס חלק בחורים אין די ישיבות טוען מעשים מגונים איינע מיט די צווייטע נעבעך וויבאלד זיי זענען איינגעשפארט פיזיש און גייסטיש? צו האט מען אמאל ערנסט באטראכט די מעגליכקייט אז מען זאל בכלל איבערקלערן די אומפארשטענדליכע איסור אויף בירטקאנטראל וואס די פרייז דערפון איז, עניות, עגמת נפש, נערוון צוזאמענראכן, חתונה קריזיס, דירות קריזיס, שידוכים קריזיס, בשעת די גאנצע איסור איז תולה על בלימה, אן קיין ריכטיגע הסבר.
שוין אפגערעדט וואס טוט זיך אין די אידישע שטובער יעדערע איינער שטיקט זיך מיט זיינע פראבלעמען, מיר האבן אויפגעבויט אזא גלאנציגע סאסייעטי ווי יעדער מוז זיך איינרעדן אז ביים שכן קלאפט אלעס, יעדער איינער דארף שפייען בלוט אינדערהיים צוליב די בושה פון די גאס וד"ל
מיר האבן אויפגעבויט א גאנצע דיקשענערי פון ווערטער כדי זיך צו אפשאקלן פון אחריות אויף אונזער אייגענע לעבן, יעדע מקווה זיצער האט גאנצע פיליזאפיעס אין ענייני השגחה והשתדלות, דארט ווי מען וויל נישט עפענען א קענזערוו פון ווערים איז גענוג צו געבן א ווארף א ווארט דער אייבערשטער פירט דאף די וועלט, און ס'איז הס קטיגור, וואס קענסטו ענטפערן, א שידוכים קריזיס? גלייב מיר אלעס איז באשערט! א פרנסה קריזיס? גלייב מיר יעדע פעני איז פונקטליך פארשריבען פון אויבן, א ישיבה קריזיס? נו מייסנטו אז ביים גוי איז בעסער? מיינסט אז דער אייבערשטער פירט נישט די וועלט? און ווי די מנהג ביי גוטע אידן פארצוקערט מען עס נאך מיט אנעקדאטן פון שוואגערס מיט עלטער מומעס וואס האבן געזעהן באשיינפערליכע סייעתא דשמיא, ממילא וואס האבן אונז קליינע מענטשעלעך זיך צו מוטשען בכלל צו ארויסהעלפן גאט ברוך הוא צו פירן די וועלט.
מיר האבן אנשטאט נעמען אחריות אויף אונזער גורל אויסגעקליבן א וועג פון זיין בלינדע שפעלעך, מיר האבן אנטוויקלט א באקוועמע שפראך וואס שאקלט אונז אפ פון יעדעס ביסל אחריות אויף אונזער גורל און אויף די גורל פון אונזערע קינדער, און די שפעטערדיגע דורות, און טאמער איז שוין ממש נישט דא קיין לעזונג נעמט מען ארויס די משיח געווער, משיח קומט שוין עניוועי בקרוב אלזא וואס דארף מען זיך מוטשען לאמיר אריינלייגן אונזער ענערגי אין לוחם זיין קעגן סמארטפאנס מיט קברים אין בית שמש.
אבער עס הערשט א אנזעץ א ביטערקייט און א פיסטערקיט ביי אונז, און אפילו א צארן, אלזא ווי געט מען דאס אויס? וואס טוט מען מיט די ווייטאג? צו וועט די ווייטאג פירן צו עפעס זאכליך, דא קומט אריין די "אפילו בהסתרה" קולטור, מען פאסט צו אונזער אמונה צו די געברויכן פון סאסייעטי, מען שטאפט אונז מיט פאלקסלידער וואס מאכט אביסל ווארים אויף די נשמה און פארזיכערט אז דאס פאלק לייגט זיך שלאפן פאר נאך א טויזנט יאר און לאזט זיך פירן פארפירן פון די נארישע סיסטעם (יא איך האב נאכנישט געטראפן קיין בעסערע ווארט ווי סיסטעם הגם עס גריצלט שוין אין די אויערן)
די אונטערשטע שורה, די פאלקס ליטעראטור אויף אמונה/בטחון/משיח דינט טיילמאל ביי אונז אלס געווער קעגן טויש, קעגן זאכליך זיך נעמען אין די האנט אריין און טון צו די זאך
באניצער אוואטאר
איש עברי
ידיד ותיק
ידיד ותיק
 
הודעות: 790
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1122 מאל
האט שוין באקומען לייקס: 1800 מאל

הודעהדורך בר דעת » דינסטאג אקטאבער 07, 2014 8:12 am

אונטער די הררי קודש ליגן מיר נעבעך באגראבן, שם תהא קבורתכם...
וויטאגליך און שפיזיג.
עס האט מיר געברענגט טרערן
בר דעת
ידיד השטיבל
ידיד השטיבל
 
הודעות: 282
זיך רעגיסטרירט: דאנערשטאג מערץ 06, 2014 7:17 pm
האט שוין געלייקט: 990 מאל
האט שוין באקומען לייקס: 706 מאל

הודעהדורך איש עברי » דינסטאג אקטאבער 07, 2014 8:15 am

למען האמת איך האב עס געשריבן אונטערן רושם פון די ווינדערליכע "אכן כפרות העם" ארטיקל פון ידידי בר דעת
באניצער אוואטאר
איש עברי
ידיד ותיק
ידיד ותיק
 
הודעות: 790
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1122 מאל
האט שוין באקומען לייקס: 1800 מאל

הודעהדורך כוכב » דינסטאג אקטאבער 07, 2014 8:20 am

אין איין ווארט וואס סאיז דא נתחדש געווארן, אז דער 'סיסטעם' איז אזא סארט באקטעריע וואס פארפעסטעט אלעס און נוצט איר אלס וואפן, כל העולם כולו לא נברא אלא לשמשנו און אפילו אזא אומשולדיגע ניגון ווי ואפילו בהסתרה דינט אויך געטריי אירע אינטערעסן.
כוכב
חבר ותיק
חבר ותיק
 
הודעות: 2436
זיך רעגיסטרירט: מוצ"ש דעצעמבער 07, 2013 7:35 pm
האט שוין געלייקט: 5009 מאל
האט שוין באקומען לייקס: 6808 מאל

הודעהדורך איש עברי » דינסטאג אקטאבער 07, 2014 8:25 am

נישט ממש, די ניגון אפילו בהסתרה איז א דוגמא פאר א ברייטערע פראבלעם ביי אונז אז מיר זוכן כסדר חיזוק אנשטאט לעזונגען.
ואידך פירושא זיל גמור
באניצער אוואטאר
איש עברי
ידיד ותיק
ידיד ותיק
 
הודעות: 790
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1122 מאל
האט שוין באקומען לייקס: 1800 מאל

הודעהדורך קאך_לעפל » דינסטאג אקטאבער 07, 2014 8:50 am

יעדעס ווארט הייליג אמת, נאר איין הספה: עס איז נאך פול מער פון דעם........מיר זענען אזוי טיף און דער ערד, אז ווען אונזער אויסלייזער וועט קומען, וועט ער מוזן מיטברענגען מיט זיך, א באטלאן מיט טראקטארן, אונז ארויסצוגראבן.
קאך_לעפל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1736
זיך רעגיסטרירט: מאנטאג דעצעמבער 10, 2012 12:16 pm
האט שוין געלייקט: 171 מאל
האט שוין באקומען לייקס: 1944 מאל

הודעהדורך פליקער » דינסטאג אקטאבער 07, 2014 10:38 am

פשיהא, א שטארקע ארטיקל, איצט קענעך שוין גיין שלאפן,
Stay away from negative people
they have a problem for every solution

קענסער קאפיטל 1 (הקדמה) קענסער 2 קאפיטל 3קאפיטל 4קאפיטל 5
באניצער אוואטאר
פליקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1690
זיך רעגיסטרירט: פרייטאג פעברואר 28, 2014 1:45 pm
האט שוין געלייקט: 1168 מאל
האט שוין באקומען לייקס: 3623 מאל

הודעהדורך ברסלבער » דינסטאג אקטאבער 07, 2014 11:27 am

@איש עברי, זייער שיין געשריבן. און ליידער אמת'דיג און ווייטאגליך, ואפילו בהסתרה..

די מעלה פון 'ואפילו בהסתרה' איז אז עס איז פלעקסיבל. מען קען עס נוצן זיך צו באפרייען פון די פליכטן, און מען קען עס נוצן צו וויינען אויף די וואס ווילן זיך באפרייען פון די פליכטן.
די וועלט זאגט אז שכחה איז א חסרון, און איך זאג אז עס איז א גרויסע מעלה. אזוי קען מען פארגעסן אלע צרות און פראבלעמען און אנהויבן יעדן טאג פון ניי. (רבי נחמן מברסלב)
באניצער אוואטאר
ברסלבער
חבר ותיק
חבר ותיק
 
הודעות: 2038
זיך רעגיסטרירט: דינסטאג נאוועמבער 27, 2012 12:07 pm
האט שוין געלייקט: 4342 מאל
האט שוין באקומען לייקס: 4021 מאל

הודעהדורך בענדזשאמין פרענקלין » דינסטאג אקטאבער 07, 2014 11:36 am

איש עברי האט געשריבן:למען האמת איך האב עס געשריבן אונטערן רושם פון די ווינדערליכע "אכן כפרות העם" ארטיקל פון ידידי בר דעת

מיר קוקט אויס אז דער צארענדע 'אכן כפרות העם' ארטיקל איז געשריבען געווארן לפני יאוש, ווען מען צארנט און מען ברויזט נאך, און דער 'אפילו בהסתרה' ארטיקל איז געשריבן לאחר יאוש, ווען דער צארן וועפט אויס און במקומו זעצט זיך אריין א אזא יאוש און דעפרעסיע אז עס איז א פאלוירענע קאמפ.
בכל אופן אן הערליכע ארטיקל!
חמין במוצאי שבת מלוגמא
באניצער אוואטאר
בענדזשאמין פרענקלין
ידיד ותיק
ידיד ותיק
 
הודעות: 644
זיך רעגיסטרירט: מיטוואך נאוועמבער 14, 2012 11:53 pm
האט שוין געלייקט: 2458 מאל
האט שוין באקומען לייקס: 2740 מאל

הודעהדורך שפתים ישק » דינסטאג אקטאבער 07, 2014 1:35 pm

שפתים קישאקTM!
שפתים ישק
מאנשי שלומינו
מאנשי שלומינו
 
הודעות: 117
זיך רעגיסטרירט: מיטוואך אקטאבער 02, 2013 11:24 pm
האט שוין געלייקט: 214 מאל
האט שוין באקומען לייקס: 179 מאל

הודעהדורך שמערל » דינסטאג אקטאבער 07, 2014 2:57 pm

א שטארקע נקודה, אבער ווי א קנאפער חסיד איך בין פון ברעסלאוו, האלט איך אז זיי וועלן אונז די שנעלסטע אויסלייזן פון דעם גלות הסיסטעם, במילא נישט קיין חילוק וואסערע תעמולה זיי נוצן צו אריינברענגן זייער גלויבן אינעם אלגעמיינעם עולם, זאל עס אפילו זיין אזא נערישע אנגעזעצטע תנועה, מיז עס נאכאלטס באגריסט ווערן.
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1053
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1150 מאל
האט שוין באקומען לייקס: 1258 מאל

הודעהדורך איש עברי » דינסטאג אקטאבער 07, 2014 3:13 pm

ברסלב איז א גאולה אויף א געוויסע נקודה, דהיינו די עקטרעמע קאנפארמיזם און קאנסערוואטיזם אין וועלכע מיר לעבן, ברסלב מוטיגט אינדיווידואליזם און עס איז זיכער אז ברסלב איז א פאזעטיווע ערשיינונג, אבער לגבי דעם פראבלעם וואס איך ריר אן איז ברסלב נישט קיין ישועה.
באניצער אוואטאר
איש עברי
ידיד ותיק
ידיד ותיק
 
הודעות: 790
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1122 מאל
האט שוין באקומען לייקס: 1800 מאל

הודעהדורך כוכב » דינסטאג אקטאבער 07, 2014 3:20 pm

איש עברי האט געשריבן:ברסלב איז א גאולה אויף א געוויסע נקודה, דהיינו די עקטרעמע קאנפארמיזם און קאנסערוואטיזם אין וועלכע מיר לעבן, ברסלב מוטיגט אינדיווידואליזם און עס איז זיכער אז ברסלב איז א פאזעטיווע ערשיינונג, אבער לגבי דעם פראבלעם וואס איך ריר אן איז ברסלב נישט קיין ישועה.


:like עמוק עמוק.
כוכב
חבר ותיק
חבר ותיק
 
הודעות: 2436
זיך רעגיסטרירט: מוצ"ש דעצעמבער 07, 2013 7:35 pm
האט שוין געלייקט: 5009 מאל
האט שוין באקומען לייקס: 6808 מאל

הודעהדורך קאווע טרינקער » דינסטאג אקטאבער 07, 2014 3:44 pm

א געשמאקע ארטיקל געשריבן דורך א געשמאקע אינגערמאן. @איש עברי, ייש"כ.
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8477 מאל

הודעהדורך איש עברי » דינסטאג אקטאבער 07, 2014 3:47 pm

געשריבן מדם לבבי, און דו רעדסט וועגן געשמאק.
באניצער אוואטאר
איש עברי
ידיד ותיק
ידיד ותיק
 
הודעות: 790
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1122 מאל
האט שוין באקומען לייקס: 1800 מאל

הודעהדורך געפילטע פיש » דינסטאג אקטאבער 07, 2014 4:51 pm

בענדזשאמין פרענקלין האט געשריבן:
איש עברי האט געשריבן:למען האמת איך האב עס געשריבן אונטערן רושם פון די ווינדערליכע "אכן כפרות העם" ארטיקל פון ידידי בר דעת

מיר קוקט אויס אז דער צארענדע 'אכן כפרות העם' ארטיקל איז געשריבען געווארן לפני יאוש, ווען מען צארנט און מען ברויזט נאך, און דער 'אפילו בהסתרה' ארטיקל איז געשריבן לאחר יאוש, ווען דער צארן וועפט אויס און במקומו זעצט זיך אריין א אזא יאוש און דעפרעסיע אז עס איז א פאלוירענע קאמפ.
בכל אופן אן הערליכע ארטיקל!


The 5 stages of Grief

1. Denial and Isolation
אייוועלט, סיסטעם, בלאט, וכו'.

2. Anger
אכן 'פריקען' כפרות העם

3. Bargaining
ברוקלין-איינוואוינער וועלן שטימען "ניין"...

4. Depression
אפילו בהסתרה אין דינסט פון די סיסטעם

5. Acceptance
מ'ווארט נאך.
געפילטע פיש
חבר ותיק
חבר ותיק
 
הודעות: 6943
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5483 מאל
האט שוין באקומען לייקס: 7503 מאל

הודעהדורך איש עברי » דינסטאג אקטאבער 07, 2014 6:21 pm

ווי געפונען זיך די וואס האלטן ביים פיפטן שטאפל? אייוועלט? בלאט?
באניצער אוואטאר
איש עברי
ידיד ותיק
ידיד ותיק
 
הודעות: 790
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1122 מאל
האט שוין באקומען לייקס: 1800 מאל

הודעהדורך אויס מענטש » דינסטאג אקטאבער 07, 2014 8:38 pm

געוואלדיג וואונדערבאר!

א שאד איש עברי איז נאך פאר מתן תורה, מען קען טרעפן סמוכין לדבריך פון פילע ראשונים ואחרונים כמעט אויף יעדע נקודה וואס איז בארירט געווארן, ארויס צו ברענגען בקיצור וואס איך מיין, וועל איך צו לייגן די מעשה פון אלי וויזעל ווען עס האט אים געפרעגט איינער ווי אזוי האט דער באשעפער צוגעלאזט דעם האלאקואסט ? (ער פלעגט פיל מאל ענטפערן אנדערש אבער איינמאל ער האט ער דאס געאנטווארט) דער באשעפער פרעגט דאס פון אונז! ווי אזוי האט די וועלט געקענט צו לאזן א האלאקואסט?!.
מיר מאכן די טעותים און בלעימען נאר גאט דערויף, דער דייטש שעכט דער גוי מאכט זיך נישט וויסנדיג און גאט איז נאך שולדיג!
דיין חתימה איז טאקע גוט,
זעה נאר דיין תגובה זאל אויך שטימען.
אויס מענטש
ידיד ותיק
ידיד ותיק
 
הודעות: 826
זיך רעגיסטרירט: זונטאג יולי 22, 2012 10:35 pm
האט שוין געלייקט: 294 מאל
האט שוין באקומען לייקס: 629 מאל

הודעהדורך לעיקוואד » זונטאג אקטאבער 12, 2014 2:20 am

דאס האט דאך שוין רבינו קארל היינריך מארקס געשריגען "רעליגיע איז אפיאם פאר די מאסען", מיינענדיג דערמיט אז די וועלט איז דא פראבלעמען וחוסר צדק און לעולם וואלט די עולם געדארפט ארויסגיין אויף די גאסן שרייען הייתכן ווי איז די גערעכטיגקייט און אויף דעם קומט רעליגיע און איז מנחם דער עולם עס איז בסדר מ'וועט גיין אין גן עדן די ייסורים מכפרים וכו' און דאס מאכט דער עולם גלייכגילטיג זיי זאלן נישט תובע זיין זייער אייגענע גאולה וואס איז לא רחוקה היא בעולם הזה.
די הערה אויף דעם איז נאר אז דער נסיון פון די הונדרעט יאר זייט די תורה האט לכאורה געוויזען אז די פראבלעמען גיין נישט אוועק וויפיל מזאל נאר שרייען, און אויב פראבלעמען, איז דאך שוין בעסער פראבלעמען מיט אפיאם ווי פראבלעמען אנע אפיאם. אלזא איז נישט מן היושר ומן הטאקטיק צו טענה'ן דווקא אויף די חיזוק אז דאס אי די פראבלעם, שרייען זאל מען אויף די פראבלעם גופא. אויף דאס וואס העלפט אפילו בבחינת א לאטע איז בעסער לאז ווי עס איז.
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3810
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1756 מאל
האט שוין באקומען לייקס: 5908 מאל

הודעהדורך ליטוואק פון בודאפעסט » מאנטאג אקטאבער 20, 2014 8:22 pm

דער עקסטרעם גערעדעכץ האט מיר אביסל געשטערט. דו מיינסט טאקע אז 80% פון בחורים דרייען זיך ליידיג אין ישיבות? יעדער מוטשעט זיך מיט פרנסה און האט נישט קיין וועג ארויס? יא, דער פארלאזען זיך אזוי פיל אויפ'ן רעגירונג געלטער טויג נישט, אבער דאס האסטו נישט דערמאנט. אמת, ס'איז נישט דא קיין פיהרשאפט אינ'ם חרדיש'ע קהלה, מיר האבען אלע מורא פאר דער lowest common denominator דער ליידיגייער וואס מאכט אן איסור אויף עפעס אן א מקור, אדער דער וואס לבו נוקפו אויף מצות וואס אלע האבען געגעסען, אדער נייע מחיצות צווישען מענער און פרויען וואס נישט דער הלכה, נישט דער שכל און נישט דער מסורה פאדערען. אבער למעשה, רוב מענטשען זענען צופרידען מיט'ן א.ג. סיסטע"ם, און אפילו ווען ס'איז דא טענות, ווילען זיי נישט פארמאכען דער גאנצע זאך. מיט'ן ארויסהעלפען אפאר צובראכענע בחורים האסטו אסאך מער אויפגעטוהן ווי מיט שרייען אויפ'ן גאנצע סיסטע"ם און אלס וועלען אונטערברענגען.
ווען איך קוק מיר ארום אויף מענטשען, באמערק איך אז ס'איז דא א נאטור פון געוויסע מענטשען ליב צו האבען א שטארקע סיסטעם, זיי פילען באקוועם ווען אסאך מענטשען טאנצען מיט איין מהלך, זיי זען א גרויסע רעביש'ע חתונה און זיי פילען גוט אז ס'איז דא אזויפיל מענטשען וואס טאנצען מיט איין זאך. ווען מ'זאגט זיי אז דער זאך שטינקט, פילען זיי אז מ'גראבט אונטער זייער לעבען. ווידער איז פארהאנען א צאל מענטשען וואס פילען דערדרוקט אין א סיסטע"ם. זיי פילען אז זיי זענען שוין נישט קיין מענטשען, קיינער איז נישט אינטרעסירט אין טראכטען צום זאך, און די אלע זאכען וואס ווערען אנגעקוקט ווי מעלות ביים ערשטען כת, זענען גאר חסרונות ביי דער כת. איך פערזענליך בין פון די צווייטע כת, אבער מ'דארף פארשטייען אז ס'איז בלויז א נאטור פון א מענטש. יעדער איינער האט זיך זיין נאטור און מ'קען נישט צווינגען אויף א צווייטען אונזער באקוועמליכקייטען.
איך האב געוויזען פאר א חבר מיינער א בילד פון דער גערער רעבע ווי ער שטייט אויף א באלקאן נאך א חופה און קוקט ארום אויף זיין שעפעלעך, טויזענטער חסידים מיט הויכע שטריימלעך וואס לעכצען פאר א בליק פון זייער רעבע. מיין חבר זאגט מיר 'ס'זעט אויס ווי היטלער ביי א נאצי פארזאמלונג'. ער איז פון די מענטשען. ווען א רעבע איז געקומען צו מיין היימשטאט און זיך מסדר געווען א באגלייטונג מיט פאקעלען, האט מיין מאמע געזאגט 'ס'איז אזוי שיין צו זען אזא ציבור צוזאמען'. איך האב זיך פאר'עקעלט, אבער אזוי איז זי. א חכם אחד האט געזאגט אויפ'ן סיום הש"ס 'פופציג טויזענט מענטשען זענען געגאנגען זען פופציג טויזענט מענטשען'. אסאך האבען אבער הנאה געהאט פון אט דער 'אחדות' און 'שמחה של מצוה' וכדו'.
כשם שאין פרצופיהן שוות כך אין דעותיהן שוות.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8822
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3072 מאל
האט שוין באקומען לייקס: 8280 מאל

הודעהדורך איך אויך » מאנטאג אקטאבער 20, 2014 8:24 pm

ופשוט הוא.
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5644
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 7731 מאל
האט שוין באקומען לייקס: 2554 מאל

הודעהדורך איש עברי » דינסטאג אקטאבער 21, 2014 7:14 pm

עס פארדינט א לענגערע תגובה וואס איך האב נישט קיין צייט דערצו ועוד חזון לחול המועד
באניצער אוואטאר
איש עברי
ידיד ותיק
ידיד ותיק
 
הודעות: 790
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1122 מאל
האט שוין באקומען לייקס: 1800 מאל


גיי צוריק קאווע שטיבל

ווער איז יעצט דא?

באניצער וואס לייענען דעם פארום: נישטא קיין אנליין באניצער און 4 געסט

cron