די מדינת ישראל טראגעדיע: פודסטעפס אויף סטעראידס

ארטיקלען, אנאליזן, מיינונגען, געדאנקען, און שמועסן

די מדינת ישראל טראגעדיע: פודסטעפס אויף סטעראידס

הודעהדורך חיים נחום הלוי פריעד » דאנערשטאג אפריל 23, 2015 5:51 pm

לרגל "ה' אייר"

מיר דא אין קאווע שטיבל האבן נישט ליב צו זיצן אין א "באקס", מיר ווילן זיך ערלויבן צו טראכטן "אינדרויסן פון באקס", אזוי צו זאגן. אויב זענען מיר געוואוינט אז די וואס וויילן אין דעם באקס האלטן אז די גרינדונג פון דער מדינה איז געווען א טראגעדיע, קען מען דאך לכאורה אננעמען אז אן אינדרויסן-פון-באקס מיינונג זאגט אז די מדינה איז א ישועה פאר כלל ישראל.

לאמיר פארגעסן פון ציונות, ג' שבועות, סאטמאר וכו'. לאמיר באטראכטן מדינת ישראל מיט אונזער אידישע נשמה. מיר האבן אלע ליב אידישקייט, און מיר ווילן איר הצלחה. ווען א איד ווערט פארלוירן פון אידישקייט טוט דאס אונז וויי ביז די טיפענישן פון הארץ, און מיר קוקן ארויס אויף יעדן איד וואס איז מקיים תורה ומצוות.

אידישקייט האט צוויי חלקים: א) אמונה בה' און תורה ומצוות, ב) אידישע פאלק. אן ערליכער איד האט כמעט גארנישט מיט דעם חלק פון "אידישן פאלק". וואס האבן מיר פון דעם אז איינער איז טעכניש א איד? אז א איד איז נישט מקיים תורה ומצוות, און ער באלאנגט צום אידישן פאלק נאר ווייל זיין מאמע איז א איד, וואס האט דאס מיט אונז איינגעלייגט? מיר האבן בעיקר אן אינטערעסע אין דעם ערשטן חלק, אמונה בה' און תורה ומצוות. דער צווייטער חלק איז נוגע פאר די טעכנישע חלקים פון גיטין וקידושין און האט גארנישט מיט די נשמה פון א איד.

א גרויסע טענה פון די אוהבי מדינת ישראל איז אז אין אמעריקע איז דא א גרויסע אסימילאציע ראטע. פרייע אידן פאלן אוועק אין די מאסן, און האבן ל"ע חתונה מיט גוים און גוי'טעס. אבער אין מדינת ישראל, טענה'ן זיי, איז דא א שטארקע "לאומיות", אידישע פאטריאטישקייט, און אסימילאציע איז כמעט נישט פארהאן. לויט זיי איז די מדינה א ישועה פאר אידישקייט, ווייל עס היט אפ אידן פון אסימילאציע, און היט אפ די אידישע צוקונפט.

דער אמת איז אבער אז ווי ווייטאגליך אסימילאציע איז, איז נאך פיל מער ווייטאגליך ווען אידן לייקענען אין דעם מציאת ה' און זענען נישט מקיים תורה ומצוות. אמת, אין אמעריקע פאלן א סך אידן אוועק פון דעם אידישן פאלק, אבער אין אמעריקע, אויב איינער וויל זיך פארבינדן מיט זיין אידישע נשמה, וועט ער דאס טאן דורך דערנענטערן צום אויבערשטן און די תורה הק'. אין מדינת ישראל רעדט ער זיך נעבעך איין אז מיט ציונות און לאומיות איז ער שוין א פארטיגער איד.

א ביישפיל בזעיר אנפין איז די ארגאניזאציע הידועה לשמצה "פוטסטעפס" דא אין אמעריקע. פוטסטעפס העלפט אידישע קינדער וואס האבן ליידער פארלאזט דעם ריכטיגן דרך זיך "איינגלידערן" אין די גוי'אישע וועלט און מיט אנדערע וואס זענען אראפ פון דרך, און זיי באקוועם מאכן מיט זייער באשלוס אפצולאזן תורה ומצוות. איך דארף נישט אויסשמועסן אז מיר פארדאמען די ארגאניזאציע מכל וכל, און מיר זעען אין זיי די אבי אבות הטומאה. וואס טוען זיי דען אזוי שלעכט? פרעגט זיך די פראגע. דער תירוץ איז אז זיי מאכן די פרייע אידישקייט "באקוועם", צופרידנשטעלנד - זיי זענען גורם אז איינער וואס איז אראפ פון דרך זאל נישט צוריקקומען צו אמת'ע אידישקייט.

וואס וואלט געווען אן פוטסטעפס? מ'קען אפילו טענה'ן אז געוויסע אפגעפארענע שטייען בעסער א דאנק פוטסטעפס. אן פוטסטעפס וואלטן זיי פארפאלן געווארן אין די גוי'אישע וועלט און אויב נישט געשטארבן פון א דראג איבערדאזע וואלטן זיי עכ"פ מסתמא חתונה געהאט מיט א גוי. מיט פוטסטעפס זענען זיי מער סטאביל און האבן א גרעסערע שאנס חתונה צו האבן מיט אנדערע אידן. מיר פארשטייען אבער גוט אז דאס איז נישט קיין טענה. ווען מ'קוקט אויפ'ן גרויסן בילד איז פוטסטעפס א סיבה פארוואס אפגעפארענע קומען נישט צוריק צו אידישקייט, הגם מ'קען אנווייזן אז "פאלקליך" גערעדט מאכן פוטסטעפס אז די אפגעפארענע זאלן ווייניגער אסימילירן.

מדינת ישראל איז פוטסטעפס אויף סטעראידס. זי איז דער גורם אז אזויפיל מיליאנען אידן זאלן נישט מקיים זיין תורה ומצוות. אמת, אפשר איז טאקע מדינת ישראל גורם אז אסאך אידן זאלן נישט אוועקפאלן צו אסימילאציע, אבער פון אומאסימילירטע פרייע אידן האבן מיר גארנישט. אין אמעריקע פאלן טאקע אוועק מער אידן צו אסימילאציע, אבער אויב וואלט מדינת ישראל נישט עקזיסטירט וואלטן פרייע אידן איבעראל געוואוסט אז כדי צו זיין א איד איז נישט גענוג לאומיות און ציונות – מ'דארף מקיים זיין די מצוות ה'.
חיים נחום הלוי פריעד
ידיד השטיבל
ידיד השטיבל
 
הודעות: 206
זיך רעגיסטרירט: מוצ"ש פעברואר 25, 2012 11:45 pm
האט שוין געלייקט: 74 מאל
האט שוין באקומען לייקס: 240 מאל

הודעהדורך א איד » דאנערשטאג אפריל 23, 2015 6:13 pm

צו צולייגן א נקודה, וואס הייסט אז עס איז נישטא דארט קיין אסימילאציע, זייער אסאך מענטשן דארט לדוגמה עולי עטאפיע, וואס זענען נישט דורכגעגאנגען קיין געהעריגע גיור, ווי אויך זייער אסאך מדינת ישראל סיטיזענס מיטן זאגן אז מען איז א איד, וערט מען שוין א איד אן קיין געהעריגע גיור כדת, איך זאג נישט יעדעם אבער זייער אסאך איז אזוי.
מאך נישט קאליע די מעשה מיט אמת'ע פאקטן - אבער פונעם אמת וועל איך זיך בשום אופן נישט בייגן.
באניצער אוואטאר
א איד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1320
זיך רעגיסטרירט: מיטוואך אפריל 25, 2012 1:25 pm
געפינט זיך: אויפן אנדערן זייט סמבטיון
האט שוין געלייקט: 708 מאל
האט שוין באקומען לייקס: 779 מאל

הודעהדורך ונבנתה העיר » דאנערשטאג אפריל 23, 2015 6:17 pm

אברהם ווידער רעדט לשון הרע.
מ'דארף צוריק אראפברענגען דעם רבי'ן

אמר ונבנתה: אל עבר החלון נשקפתי ונתתי אל לבי כי שבת האדם ממנו, חומר וגשם – ורוח אין, בחנתיו, והנה הוא תולדת מקריו – כאשר ילך המקרה כך יתעצב לבו ודמותו, לרגעים אבחננו, כאשר יאמר החכם כי אין הוויית רגע מול רגע נוצרת כי אם בהתחדש מקריו, ואל מי יקר המקרה?
באניצער אוואטאר
ונבנתה העיר
חבר ותיק
חבר ותיק
 
הודעות: 3614
זיך רעגיסטרירט: מיטוואך יולי 25, 2012 5:41 am
האט שוין געלייקט: 7110 מאל
האט שוין באקומען לייקס: 7150 מאל

הודעהדורך פלאוויוס » דאנערשטאג אפריל 23, 2015 7:13 pm

סטאטיסטיקס פון אמעריקע: לויט דער פיו באריכט האלט דער אמעריקאנער אידנטום ביי ארום פופציג פראצענט געמישטע חתונות. שווערע מיליאנען ווערן פארלוירן פון כלל ישראל.

סטאטיסטיקס פון ארץ-ישראל: אומצאליגע נישט-פרומע וואס היטן טהרת המשפחה (לויט 'טהרנו' האלט עס ביי נאנט צו פופציג פראצענט. כ'האף אז זיי האבן א קראנטן מקור צו דעם), יום-כיפור, פסח, און נאך וויכטיגע יסודות פון אידישקייט, און א מאסיווע תשובה-באוועגונג (וואס לויט א לעצטיגן ארטיקל אין מאזעיק האלט עס דאכט זיך ביי איבער הונדערט טויזנט).

אין וועלכער וועלט לעבסטו הרב פריעד?
פלאוויוס
היימישער באניצער
היימישער באניצער
 
הודעות: 537
זיך רעגיסטרירט: דינסטאג יולי 22, 2014 10:27 pm
האט שוין געלייקט: 1016 מאל
האט שוין באקומען לייקס: 1078 מאל

Re: די מדינת ישראל טראגעדיע: פודסטעפס אויף סטעראידס

הודעהדורך א איד » דאנערשטאג אפריל 23, 2015 7:56 pm

פון די פופציג פראצענט געמישטע אמעריקאנע חתונות, וויפיל איז די פרוי א אידישע?
מאך נישט קאליע די מעשה מיט אמת'ע פאקטן - אבער פונעם אמת וועל איך זיך בשום אופן נישט בייגן.
באניצער אוואטאר
א איד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1320
זיך רעגיסטרירט: מיטוואך אפריל 25, 2012 1:25 pm
געפינט זיך: אויפן אנדערן זייט סמבטיון
האט שוין געלייקט: 708 מאל
האט שוין באקומען לייקס: 779 מאל

הודעהדורך פלאוויוס » דאנערשטאג אפריל 23, 2015 8:10 pm

איך ווייס נישט. למאי נפקא מינה?

כ'האב געזען אמאל אין אן ארטיקל איבער דער טעמע (כ'מיין אז פון זשעק ווערטהיימער) אז דאס הייבט זיך געווענליך אן ביי בחורים, ווייל זיי האבן ווייניגער דיסציפלין ווען ס'קומט צו אזעלכע פראגעס, און ווען די אידישע מיידלעך דערזעען זיך אז זיי האבן א מאנגל אין שידוכים צווישן אייגענע מוזן זיי עווענטועל אויך נאכגיין דעם טרענד.
פלאוויוס
היימישער באניצער
היימישער באניצער
 
הודעות: 537
זיך רעגיסטרירט: דינסטאג יולי 22, 2014 10:27 pm
האט שוין געלייקט: 1016 מאל
האט שוין באקומען לייקס: 1078 מאל

Re: די מדינת ישראל טראגעדיע: פודסטעפס אויף סטעראידס

הודעהדורך מרדכי » דאנערשטאג אפריל 23, 2015 8:33 pm

ווען מדינת ישראל איז געגרינדעט געווארן איז עס געווען א געפערליכע טראגעדיע פאר אידישקייט סאך ערגער ווי פאטסטעפס. זיי האבן אפגעפירט פין וועג הינדערטע טויזענטע אידן במזיד. געלאזט אידן שטארבען ווייל רק בדם....

היינטיגע צייטן, פינעף אין ניינציג פראצענט פין די פרייע ווייסן ניטאמאל וואס ציונות מיינט. זיי זענען פריי ווייל ס`איז זיי געשמאק אין זיי ווייסען נישט פין עפעס בעסערס. אין ארץ ישראל קימען היינט סאך מער אידן צוריק ווי ספאלט אוועק אין דעי וואס פאלן איז עס נישט וועגן די מדינה.

נאך א זאך
אויב נעמסטי ארויס די שלש שבועות אין אז די ציונים זענען געווען כופרים, פיינט געהאט פרימע אידן, איז עס זייער א שכלדיגע זאך געווען צו אויפשטעלן די מדינה. אידן זענען געווארן אויסגעהארגט פאטריבן יעדע פאר יאהר, האבן זיי געזאגט גענוג געווען! אינז שטעלן אויף אינזער אייגענע מדינה אין אינזער לאנד אין מגייט זעהן סזאל מער נישט געשעהן.
צו די מדינה האט אין גייט פאקטיש העלפן אז ווייניגער אידן זאלן שטארבן בין איך נישט אזוי זיכער.
מרדכי
מאנשי שלומינו
מאנשי שלומינו
 
הודעות: 102
זיך רעגיסטרירט: מאנטאג אוגוסט 06, 2012 10:56 pm
האט שוין געלייקט: 130 מאל
האט שוין באקומען לייקס: 132 מאל

הודעהדורך ביבער » דאנערשטאג אפריל 23, 2015 8:59 pm

חיים נחום הלוי פריעד האט געשריבן:לרגל "ה' אייר"
אידישקייט האט צוויי חלקים: א) אמונה בה' און תורה ומצוות, ב) אידישע פאלק. אן ערליכער איד האט כמעט גארנישט מיט דעם חלק פון "אידישן פאלק". וואס האבן מיר פון דעם אז איינער איז טעכניש א איד? אז א איד איז נישט מקיים תורה ומצוות, און ער באלאנגט צום אידישן פאלק נאר ווייל זיין מאמע איז א איד, וואס האט דאס מיט אונז איינגעלייגט? מיר האבן בעיקר אן אינטערעסע אין דעם ערשטן חלק, אמונה בה' און תורה ומצוות. דער צווייטער חלק איז נוגע פאר די טעכנישע חלקים פון גיטין וקידושין און האט גארנישט מיט די נשמה פון א איד.
.

אידישקייט האט נאר איין חלק און דאס איז די תורה, וויאזוי אויסטייטשן און האלטן די תורה איז דא אסאך וועגן, פון אולטרא ארטאדאקס ביז רעפארם אלע פאררופן זיך אויף די תורה, אפילו דו האלטסט אז זייער אויסטייטש איז אומאויסגעהאלטן מיינט דאס אבער גארנישט לעצם הענין, און אויב זיי פאררופן זיך אויף די תורה זענען זיי אידן.

סטאטיסטיקס ווייזן אז 98% איזראעליס זענען אידן און האלטן די תורה אין איין וועג אדער די אנדערע.
I may not agree with what you say, but I will defend to the death your right to say it. - Voltaire
באניצער אוואטאר
ביבער
ידיד ותיק
ידיד ותיק
 
הודעות: 724
זיך רעגיסטרירט: דאנערשטאג נאוועמבער 29, 2012 4:12 pm
האט שוין געלייקט: 684 מאל
האט שוין באקומען לייקס: 749 מאל

הודעהדורך מאטי » דאנערשטאג אפריל 23, 2015 9:17 pm

נישט געמישטע הייראט איז - חוץ די גרעניץ צווישן א איד און א נישט איד- אויך א מצוה ווי אלע אנדערע מצוות אויף וואס מ'וואלט געמעגט עובר זיין אויף די שלש שבועות בלויז צו ראטעווען אפילו איין איד דערפון.
My enemy showed me an Olive Branch, upon closer observation it turned out to be covered in Fig Leaves
באניצער אוואטאר
מאטי
חבר ותיק
חבר ותיק
 
הודעות: 2992
זיך רעגיסטרירט: מאנטאג אוגוסט 27, 2012 5:06 pm
האט שוין געלייקט: 3756 מאל
האט שוין באקומען לייקס: 4313 מאל

הודעהדורך הוגה » דאנערשטאג אפריל 23, 2015 9:24 pm

איך וועל נישט ענטפערן מיין פערזענליכע שיטה, ווייל די וואס שרייבן אזעלכע ארטיקלן זענען נישט אינטערעסירט צו הערן א דעה פון אן אנדערע שטאנדפונקט. איך וועל מכבד זיין זייער רצון. איך וועל ענטפערן פון די קוק ווינקל פון די גדולים ווי לדוגמא, די חזון איש, טשעבינער רב, הרב שך, רבי איסר זלמן, די בית ישראל, די אמרי חיים וכדומה. וואס וואלט געווען זייער אנטווארט צו אזא לאגישע ארטיקל? זיי וואלטן געזאגט אזוי.

ביסט גערעכט חיים נחומ'ל. ואשר על כן? וואס ווילסטו אז מיר זאלן יעצט טון? ארויסגיין מיט געווער און הרג'נען ציונים? שטויסן? בריקעווען? מאכן הפגנות? מיר קענען דאך נישט אפשליסן די מדינה, עס איז נישט בידינו. ס"ה וואס מיר קענען טון איז זיין ערליכע אידן, בויען ישיבות ומוסדות התורה בכל קצוי ארץ ישראל, אויפמאכן קירוב ארגעניזאציעס, זיין א מוסטער אז פרייע אידן זאלן זיך וועלן לערנען פון אונז. אין כוחנו אלא בפה, מיר קענען וויינען און בעטן דער אייבישטער א יעדע טאג את צמח דוד עבדך מהרה תצמיח, און עסן אסאך טשולענט באנדלעך. אזוי וואלטן זיי מן הסתם געענטפערט.


.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2825
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7297 מאל
האט שוין באקומען לייקס: 6475 מאל

הודעהדורך יואליש » דאנערשטאג אפריל 23, 2015 9:35 pm

כ'האב אלעמאל געהאלטן אז פודסטעפס איז אזוי הארב ווי מדינת ישראל. יעצט בין איך איבערצייגט אז מדינת ישראל איז אזוי הארב ווי פודסטעפס.
באניצער אוואטאר
יואליש
חבר ותיק
חבר ותיק
 
הודעות: 2502
זיך רעגיסטרירט: זונטאג אפריל 22, 2012 7:36 pm
האט שוין געלייקט: 1573 מאל
האט שוין באקומען לייקס: 3839 מאל

הודעהדורך מאטי » דאנערשטאג אפריל 23, 2015 9:39 pm

.


My enemy showed me an Olive Branch, upon closer observation it turned out to be covered in Fig Leaves
באניצער אוואטאר
מאטי
חבר ותיק
חבר ותיק
 
הודעות: 2992
זיך רעגיסטרירט: מאנטאג אוגוסט 27, 2012 5:06 pm
האט שוין געלייקט: 3756 מאל
האט שוין באקומען לייקס: 4313 מאל

הודעהדורך חסידי לאומי » דאנערשטאג אפריל 23, 2015 9:49 pm

חיים נחום הלוי פריעד האט געשריבן:לרגל "ה' אייר"
אידישקייט האט צוויי חלקים: א) אמונה בה' און תורה ומצוות, ב) אידישע פאלק. אן ערליכער איד האט כמעט גארנישט מיט דעם חלק פון "אידישן פאלק". וואס האבן מיר פון דעם אז איינער איז טעכניש א איד? אז א איד איז נישט מקיים תורה ומצוות, און ער באלאנגט צום אידישן פאלק נאר ווייל זיין מאמע איז א איד, וואס האט דאס מיט אונז איינגעלייגט? מיר האבן בעיקר אן אינטערעסע אין דעם ערשטן חלק, אמונה בה' און תורה ומצוות. דער צווייטער חלק איז נוגע פאר די טעכנישע חלקים פון גיטין וקידושין און האט גארנישט מיט די נשמה פון א איד.


ר' חיים נחום טייערע פון וועלכע רעליגיע רעדסטו דא? גראדע ענדעלט עס גאנץ שטארק צו יהדות, על כל פנים האלב דערפון.

די פאקטן וואס די האסט רעפרעזענטירט איז בערך אזוי אינפארמאטיוו ווי די השקפה, ממש א עכטע עני מהפך בחררה שאינו שלו, דאס איגנארענס שרייט פון איעדען שורה.

איך מיין נישט חס ושלום וויי צוטוען, אבער נאר הלל וואס קען העלפן לערנען תורה על רגל אחת קען צוהילף קומען דא, ואתכם הסליחה.
חסידי לאומי
מאנשי שלומינו
מאנשי שלומינו
 
הודעות: 58
זיך רעגיסטרירט: דאנערשטאג אפריל 23, 2015 11:05 am
האט שוין געלייקט: 20 מאל
האט שוין באקומען לייקס: 41 מאל

הודעהדורך הוגה » דאנערשטאג אפריל 23, 2015 9:51 pm

מאטי האט געשריבן:.




זיי נישט אזא אויבער חכם.


.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2825
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7297 מאל
האט שוין באקומען לייקס: 6475 מאל

הודעהדורך איש את רעהו » מאנטאג אוגוסט 07, 2017 6:02 pm

natrun.jpg
איש את רעהו
חבר ותיק
חבר ותיק
 
הודעות: 2161
זיך רעגיסטרירט: פרייטאג נאוועמבער 28, 2014 10:21 am
האט שוין געלייקט: 144 מאל
האט שוין באקומען לייקס: 476 מאל

הודעהדורך diff » דינסטאג אוגוסט 08, 2017 2:43 am

ער זאגט אז ער איז True Torah Jews. מאן יימר?
Hearsay is not Torah
diff
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1717
זיך רעגיסטרירט: מיטוואך אוגוסט 22, 2012 1:07 pm
האט שוין געלייקט: 194 מאל
האט שוין באקומען לייקס: 298 מאל


גיי צוריק קאווע שטיבל

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט