צדיקים ואדמורי"ם לבית וויזניץ

תולדות און ‫ביאגראפיע, פראפילן און אנאליזן פון אידישע און אלגעמיינע פערזענליכקייטן, אמאל און היינט

צדיקים ואדמורי"ם לבית וויזניץ

הודעהדורך גדליה » דאנערשטאג יוני 28, 2018 6:32 pm

אזוי ווי עס איז געווארן ב"ה א פארפלייצונג פון וויזניצער רביים לעצטנס, און זיי זענען אסאך אין די נייעס, וויל איך ווידמען א ספעציעלן אשכול וואס זאל זיך קאנצענטרירן אויף אלע צדיקי בית וויזניץ. איך וויל בעטן מען זאל ביטע נישט דיסקוסירן פאליטיק דא, אויף דעם זענען שוין דא אנדערע אשכולות, נאר מען זאל ארומרעדן פון די אלע צדיקים וקדושים וטהורים, סיי די וואס זענען שוין אויף יענע וועלט און סיי די וואס לעבן נאך מיט אונז, כולם אהובים כולם ברורים.
איך וועל שרייבן א קליינע פתיחה, און צום באמערקן אז איך שרייב בעיקר פון זכרון, ממילא וויל איך בעטן די וואס זענען מער באקאנט זאלן פאררעכטן און צולייגן כיד ה' הטובה עליהם.
(בדרך אגב וויל איך בעטן אז אלע וואס האבן שיינע הערות און מעשיות איבער די וויזניצער צדיקים זאלן עס אריינשטעלן דא, אדער אין אנדערע וויזניצער אשכולות, כדי מען זאל אלעס קענען טרעפן אויף איין פלאץ, און נישט למשל אין יעדע אשכול פון סיי וועלכע נושא זאל מען זיך אנשטויסן אין די גדלות פון די הייליגע רביים).
דער וויזניצער חסידות איז געווארן באזירט אין בוקאווינע. עס איז בעצם א צווייג פון דער קאסובער גזע, וואס האט זיך אנגעהויבן מיט'ן ערשטן קאסובער רבי'ן הרה"ק רבי מענדעלע, בעל אהבת שלום, וועלכער איז געווען א זון פון רבי יעקב קאפל חסיד, א תלמיד פון בעל שם טוב. שפעטער האט איבערגענומען זיין זון, באקאנט אלס דער תורת חיים פון קאסוב, וועלכער איז געווען אן אדם גדול מאוד, א גרויסער למדן, און ער איז געווען נאנט מיט רוב צדיקי הדור פון זיין תקופה. דער תורת חיים איז אויך געווען א מחותן מיט'ן הייליגן ריזשינער זי"ע. זיין זון, דער צמח צדיק, הרה"ק ר' מענדל זי"ע, איז געווען אן איידעם ביים ריזשינער. אויב כ'געדענק גוט האט דער ריזשינער זיך נישט באטייליגט ביי די חתונה צוליב די רדיפות וואס ער איז אויסגעשטאנען פון די רעגירונג און ער האט נישט געקענט ארומפארן.
נאכ'ן תורת חיים האט דער צמח צדיק איבערגענומען. ביי אים האט זיך אנגעהויבן די וויזניצער גזע. נאך אים האט איבערגענומען זיין זון דער אמרי ברוך, און דערנאך איז געווען דער אהבת ישראל, וועלכער איז שוין היינט גוט באקאנט אין קאווע שטיבל.
אינדערהיים זענען געווען די צוויי הויפט הויפן אין מארמאראש, קאסוב-וויזניץ און סיגוט. מען האט זיך אסאך ארומגע'הרג'עט צווישן זיי, די כהנא'ס פון סיגוט, וועלכע האבן מורד געווען במלכות אין די סיגוטער רביים, זענען געווען קאסובער חסידים. היינטיגע צייטן איז שוין קאסוב אריינגעפלאכטן אין וויזניץ, גלייך ווי סיגוט איז געווארן אריינגעפלאכטן אין סאטמאר.
דער וויזניצער הויף האט אסאך אייגנארטיגקייטן, קודם כל איז עס א שטיקל באטשי חסידות (צו אויסבארגן א לשון פון דעם באקאנטן דרשה), און ביז היינט, כאטש וואס די וויזניצער קהילות האבן פון די חשוב'סטע יונגעלייט און חסידישע אידן, האט דאס א באטשי נאך-טעם. אסאך פון די וויזניצער רביס זענען אליין געווען גרויסע תלמידי חכמים (צווישן די לעצטערע איז באקאנט ר' חיים מאנטוניא וועלכער האט געהייסן א שארפער למדן). אבער די הנהגה איז געווען אביסל אויף א פויערישע אופן, מסתמא וויבאלד דאס האבן זיי געדארפט.
אין וויזניץ איז פארהאן א מנהג אז יעדער קינד אדער אייניקל ווערט א רבי. אזא מנהג איז דא. פארדעם איז שטענדיג געווען א פארפלייצונג פון וויזניצער רביים. דאס האט אנגעהאלטן ביז'ן קריג ווען ליידער איז רוב פון וויזניצער הויף אויפגעגאנגען אוין פלאמען. איין צווייגל איז געבליבן, ר' חיים מאיר'ל, וועלכער האט צוריק געבויעט די חסידות און פון וועלכן ס'איז ארויסגעוואקסן די היינטיגע ויזניצער אימפעריע.
יודעי דבר זאגן אז בעצם האט דער אמרי חיים געהאט ברידער וואס זענען געווען גרעסער פון אים. ר' חיים מאיר'ל איז געווען אן ארויפגעקוקטער חסידישער רבי, אבער ס'האט געזאלט הייסן אז ער טויג מער צו קוגל ווי צו קצות. דווקא זיינע קינדער, דער ישועת משה און קדושת/גדולת מרדכי, האט געהייסן אז זיי קענען לערנען אסאך בעסער פאר אים.
דער אמרי חיים האט אבער באמת יא געקענט פיין לערנען, און לויט מיין אינפארמאציע איז ער געווען א גרויסער בקי און מסכת והלכות שבת. תורה האט ער געזאגט גימטריאות און ראשי תיבות, כמנהג בית וויזניץ.
שוין, יעצט קען יעדער קומען און אנפירקלען דעם אשכול.
פרעג מיך אפ.
גדליה
ידיד ותיק
ידיד ותיק
 
הודעות: 984
זיך רעגיסטרירט: דאנערשטאג יאנואר 18, 2018 4:34 pm
האט שוין געלייקט: 588 מאל
האט שוין באקומען לייקס: 1540 מאל

הודעהדורך סקרן » דאנערשטאג יוני 28, 2018 6:42 pm

ר' חיים פון אנטניא מיט'ן ברידער די אהבת ישראל זענען געווען קאנאנען תלמידי חכמים
ביידע האבען גע'שם'ט אינדערהיים אלס לומדים מופלגים

די אור מרדכי האט מער אריינגעבאקען די תורה אין זיינע קינדער און חסידים
אלע זיינע קינדער האט ער געפאדערט שעות פון לערנען א טאג
פון ר' ישראל מ"מ אין מאנסי האט ער געפאדערט גוזמאות
און זיינע קינדער זענען אויסגערופענע ת"ח און מתמידים {פארשטייט זיך פאר די וואס ווילען קוקען אהן נגיעות}
און פון זיינע חסידים שעות צעטליך וואס ביז די לעצטע יאהרן פלעג ער איבערקוקן יעדע איינס און אזוי האט ער געהאט א שייכות מיט די בחורים און יונגעלייט
באניצער אוואטאר
סקרן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1074
זיך רעגיסטרירט: פרייטאג מאי 20, 2016 1:22 pm
געפינט זיך: הלואי ווען איך וואלט געוויסט!
האט שוין געלייקט: 268 מאל
האט שוין באקומען לייקס: 649 מאל

הודעהדורך איסר האטלקי » דאנערשטאג יוני 28, 2018 7:15 pm

פון די 8 רבי'ס הייסט עס אז נאר דער לאנדאנער קען לערנען. קען זיין אז די איבריגע קענען אויך, אבער קיין אויסגערופענע גאונים זענען זיי זיכער נישט.
איסר האטלקי
חבר ותיק
חבר ותיק
 
הודעות: 2064
זיך רעגיסטרירט: מאנטאג מאי 23, 2016 2:00 am
געפינט זיך: צווישן קאסוב אין וויזניץ
האט שוין געלייקט: 1058 מאל
האט שוין באקומען לייקס: 1280 מאל

הודעהדורך יין שרף » דאנערשטאג יוני 28, 2018 8:21 pm

מעולם לא שמעתי אז דודי בלשון חיבה, ווי ער'ז באקאנט (רביה"ק מלאנדאן שליט"א) איז עפעס מער ת"ח צו למדן ווי סיי וועלכע אנדערע ברודער. אויב עפעס איז עס די אינגסטע ברודער פון בי"ש, ער קען רבי חיים'ס מיט לומדות'ן. ער פלעכט עס אריין ביי זיינע שיעורים און דרשות. ער'ז אבער א שטיקל רבי'ש קינד, און ער קען מאכן חסידישע ענינים פון דעם (חוץ מזה איז ער א שטיקל בעל דמיון, ואכהמ"ל)
באניצער אוואטאר
יין שרף
חבר ותיק
חבר ותיק
 
הודעות: 2003
זיך רעגיסטרירט: מיטוואך פעברואר 27, 2013 8:11 pm
געפינט זיך: ביים שוויגער...
האט שוין געלייקט: 4139 מאל
האט שוין באקומען לייקס: 2524 מאל

הודעהדורך ריכטיג » דאנערשטאג יוני 28, 2018 8:50 pm

עס דארף צו הייסן אז ר"ד מלאנדאן האט זיך פארהערט ש"ס אלץ בחור (פארגעסט נישט אז אין וויזשניטץ האט מען חתונה מיט א צומי אין מויל, ד.ה. אז "אלץ בחור" מיינט גאר אינג).
ס'אינטערסירט דא איינער בכלל? ניין ? או קעי ביי. (קרעדיט:@גראף)
באניצער אוואטאר
ריכטיג
חבר ותיק
חבר ותיק
 
הודעות: 2266
זיך רעגיסטרירט: דאנערשטאג יאנואר 31, 2013 7:11 pm
האט שוין געלייקט: 1799 מאל
האט שוין באקומען לייקס: 1775 מאל

הודעהדורך שבת אחים » פרייטאג יוני 29, 2018 1:31 am

יישר כח. איך וואונדער מיך אז די דערמאנסט נישט ווישעווער רב׳ס גאונות און חריפות.
די לעצטע גאון אין די וויזניצער אימפעריע איז נישט די אנטוניער נאר ר׳ מנחם מענדל ווישעווער זצ״ל. באוואוסט די מעשה אז מהאט אים נישט געוואלט ארייננעמען אין די קאנצלעריי ווילאנג די אנדערע רבנים האבן אים פארהערט און איינגעזעהן אז ער איז א גרעסערע תלמיד חכם פון זיי אלע. דער אהבת ישראל האט גערופן זיין זוהן ר׳ מענדל ווישעווער-די ״ספרים שאפע״ און ר׳ חיים מאירל דער ״שווארצער גנב״ היות ער האט געהאט דאן א שטארקע שווארצע בארד, און איז געוועהן א גרויסע עניו וואס האט קיינמאל נישט באוויזן אין די עפענטליכקייט אז ער קאן-לערנען, האט ער אים גערופן גנב (מלשון גניבת דעת). איינמאל איז געוועהן א מיטינג פון רבנים און זיי האבן זיך מפלפל געוועהן שעות אין לערנען, ר׳ מענדלע ווישעווער האט אנגעפירט די דעבאטע און ר׳ חיים מאירל איז די גאנצע צייט געזיצן שטיל כאילו ער פארשטייט גארנישט. נאכן אסיפה ווען ר׳ חיים מאירל האט גערעדט צו זיין ברודער פריוואט אינדורסען האט ער געפרעגט די ווישעווער פארוואס ער האט יענעם נישט גענטפערט דאס און דאס און ער האט אנגעהויבן צו פאקן בקיאות. אויפן דמשק אליעזר האט דער אהבת ישראל געזאגט ווען איך וועל ארויפקומען אויף יענע וועלט און מוועט מיך פרעגן ווער ביסטו וועל איך זאגן איך בין די טאטע פון ר׳ אליעזר׳ל. אמאל איז דער אהבת ישראל געקומען אין א שטאט און סאיז געוועהן א גרויסע עולם און שטופעניש, האט ער זיך אנגערופן די אלע מענטשען זענען נישט געקומען צו מיר נאר זענען געקומען קוקן ווער איז די טאטע פון ר׳ אליעזרל. די סקלענער רביס זענען געוועהן זייער נאנט מיטן דמשק זצ״ל.
רעדאגירט געווארן צום לעצט דורך שבת אחים אום פרייטאג יוני 29, 2018 2:17 am, רעדאגירט געווארן 2 מאל בסך הכל.
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5906
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4774 מאל
האט שוין באקומען לייקס: 3477 מאל

הודעהדורך שבת אחים » פרייטאג יוני 29, 2018 1:44 am

אין אמתן אריין דארף מען אויך דערמאנען אז ר׳ יודלע האראוויץ אייניקל פון אהב״י און איידעם פון אמרי חיים, וואס איז אויפגעוואקסן און זיך געווייקט ביים זיידען פארן יאהרן לאנג. איז אויך געוועהן א גדול בתורה.
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5906
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4774 מאל
האט שוין באקומען לייקס: 3477 מאל

הודעהדורך שבת אחים » פרייטאג יוני 29, 2018 1:56 am

גדליה: סאיז געבליבן מעהר ווי איין צווייגל פון די קאסוב-ווינזיץ גזע. דער אמרי חיים מיטן זיינע ברידער, זיין ברודער דער דמשק (איז אוועק אן קיין קינדער) און דער סערטער וואס האט אויפגעבויעט א אייגענע ווינזיצער שיכון און חסידות אין חיפה.
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5906
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4774 מאל
האט שוין באקומען לייקס: 3477 מאל

הודעהדורך רביה''ק זי''ע » פרייטאג יוני 29, 2018 2:15 am

האסט פארגעסן פונם רויטן רבין... :lol: :lol: :lol: :lol:
באניצער אוואטאר
רביה''ק זי''ע
חבר ותיק
חבר ותיק
 
הודעות: 2513
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2421 מאל
האט שוין באקומען לייקס: 1559 מאל

הודעהדורך שבת אחים » פרייטאג יוני 29, 2018 2:18 am

רביה''ק זי''ע האט געשריבן:האסט פארגעסן פונם רויטן רבין... :lol: :lol: :lol: :lol:


איך האב אים זייער פיינט און איך האלט נישט פון אים. אבער היות איך בין א אמתע מענטש. זאג איך דיר אז א ת״ח איז ער גראדע. א גרויסע ת״ח. די אנדערע זאכן איז נישט פאר די אשכול.
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5906
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4774 מאל
האט שוין באקומען לייקס: 3477 מאל

הודעהדורך שבת אחים » פרייטאג יוני 29, 2018 2:39 am

גדלי, דאס אז וויזניצער חסידים זענען אייביג געוועהן אזעלכע שווענץ און פארקויפט פאר זייערע רביס אזש אז זענען געוועהן גרייט צו דערהארגענען איינעם אויב מהאט גערעדט אויפן רעבאו שטאמט נאר פון די אהבת ישראל׳ס צייטן אדער דאס איז א אלטע אזיאטישע מארמאראשע מנהג? פון וואו/ווען שטאמט דאס? מ׳פלעגט זאגן אז די וויזניצער חסידים זענען די מערסטע פארגלייבט אין זייער רביס פון אלע אנדערע חסידותן. סאיז געוועהן א נארמאלע זאך צוהאלטן אז די רבי איז ממש אין הימל...דער אלטער דזיקובער רבי זצ״ל האט געזאגט אמאל: פרעג דעם גרעסטען דזיקובער חסיד, דיין רבי איז א גרויסע איד? וועט ער זאגן, יא, ער קען אביסל לערנען, א וויואלער איד. קען ער מחי מתים זיין אויך? וועט ער זאגן, דאס ווייס איך שוין נישט... טא, געב נאר א פרעג ר׳ מרדכי חנא אדער ר׳ יודל עביר דיין רבי [הסב״ק זצ״ל] קען מחי׳ מתים זיין? זיכער...! וואס פארא א פראגע...?
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5906
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4774 מאל
האט שוין באקומען לייקס: 3477 מאל

הודעהדורך שבת אחים » זונטאג יולי 01, 2018 7:51 pm

בן ישי האט געשריבן:שבת אחים איך האב דיר שוין געשריבן אין א אנדערע אשכול אז איך האלט זאלסט עפענען א אשכול מיט אלע דיינע אינטערשריפטן בנוגע די אהבת ישראל.
אגב די נעמסט אלעס פון איין פלאץ? א וויזניצע ביכל?


איך נעם עס פון פארשידנע פלעצער. אסאך איז פון די געדרוקטע שמועסן פון ר׳ מאטעלע זצ״ל וואס איז דרך אגב אוצרות פון שמועסן און א בליק אויף צוריק צו א פענסטער׳ל פון דער ״אלטער היים״ פון א מקור מוסמך וואס איז זייער אויסגעהאלטן, ווער ס׳ליינט עס קען זעהן ווי שטארק ר׳ מאטעלע גיט אכטונג אז יעדע ווארט זאל זיין הונדערט פראצענט אויסגעהאלטן ע״פ אמת און פון א מקור ראשון, רוב פון די זאכן וואס איך שרייב שטייט לכאורה אין די ספר ״קדוש ישראל״ פון הרה״ח ר׳ נתן אלי ראטה ז״ל פון גרויסווארדיין (ער איז נפטר געווארן אפאר חדשים צוריק-ט׳ ניסן אין די טאג פון די יארצייט פון רבו בעל האמרי חיים זצ״ל) ער איז געוועהן די היסטאריקער פון ״בית-וויזניץ״ און געשריבן די באוואוסטע ספרים אויף די וויזניצער רביים א שטייגער ווי: קדוש ישראל, כתר מלכות, נזר החיים, קדוש וברוך, מאיר החיים, הגה"ק מווישויא, בעל דמשק אליעזר ועוד.

די ספר ״קדוש ישראל״ איז א פארלעסליכע מקור. ר׳ יודלע הארוויץ האט איבערגעקוקט די ספר א לאנגע צייט און אסאך שטיקלעך ארויסגענומען און מגיה געוועהן. ווי אויך די צוויי ווינזיצער רבי׳ס ר׳ מוישלע און ר׳ מאטעלע. ביי איינע פון די שיחות פון ר׳ מאטעלע פארציילט ער אז ר׳ נתן אלי׳ ראטה האט אים איינמאל געזאגט ״באלד וועסטו מיר אפ פסל׳ן דאס גאנצע ספר״... מ׳האט אריינגעלייגט אסאך כוחות אז די ספר זאל זיין הונדרעט פראצענט אמת און אויסגעהאלטן.

די ספר איז עוועלעיבל אין PDF אויף Hebrew books

קדוש ישראל חלק א׳
http://www.hebrewbooks.org/35548

קדוש ישראל חלק ב׳
http://www.hebrewbooks.org/35549

די שמועסן פון ר׳ מאטעלע דארף אויך זיין ערגעץ עוועילבעל אנליין. דאכצעך אויף אייוועלט קען מען עס טרעפן.
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5906
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4774 מאל
האט שוין באקומען לייקס: 3477 מאל

הודעהדורך berlbalaguleh » זונטאג יולי 01, 2018 10:56 pm

שבת אחים: איך מיין כ'האב שוין פארציילט די מעשה (אפשר מער ווי איין מאל.). ביים אהבת ישראל האבן געהאט פלאץ אלע סארט אידן. אפילו די גרעסטע פויערן. ווייל דער אהבת ישראל האט זיי אלע מקרב געווען און בדרכי נועם געטרייט זיי צו האלטן ביי אידישקייט.. איז געווען אמאל איינער א פשוט'ער איד און ער האט געהאט גרויס השתוקקות צו זיין ביים רעבא. איז ער ל"ע געפארן אום שבת ווען ער איז אנגעקומען, האט איהם דער אהבת ישראל געוואלט אויפמערקזאם מאכן אז ער זאלל נישט פארן אום שבת. האט ער איהם געבעטן אז ער זאלל קומען צו איהם נאכדעים וואס ער מאכט הבדלה. די נעקסטע מאל האט ער זיך אנגעריקט אום שב"ק בייטאג. ווען דער אהבת ישראל האט איהם געזעהן האט ער איהם געזאגט..."איך האב דיך דאך געבעטן אז דו זאלסט קומען צו מיר נאר נאך הבדלה...! רופט ער זיך אן..."רעבא...איך האב שוין געמאכט הבדלה ......"...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13102
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14519 מאל
האט שוין באקומען לייקס: 8343 מאל

הודעהדורך טוביה » זונטאג יולי 01, 2018 11:51 pm

פעם ביקש אחד תשובה מאהבת ישראל על שלא אמר זמירות שבת אמר הרבי למה לא הזכיר אותך אשתך אמר גויה לא מבינה עניין זמירות
טוביה
מאנשי שלומינו
מאנשי שלומינו
 
הודעות: 52
זיך רעגיסטרירט: מיטוואך יוני 13, 2018 5:19 am
האט שוין געלייקט: 0 מאל
האט שוין באקומען לייקס: 4 מאל

הודעהדורך שמעון וואלף » מאנטאג יולי 02, 2018 1:16 am

מונח בזכרוני אז די דמשק האט געגרינדעט די וויזניצע ישיבה אין א"י און וויבאלד ער האט נישט געהאט קיין קינדער איז עס אריבער צום אמרי חיים/ישועת משה.
בין איך גערעכט?
באניצער אוואטאר
שמעון וואלף
חבר ותיק
חבר ותיק
 
הודעות: 2507
זיך רעגיסטרירט: זונטאג דעצעמבער 14, 2014 2:33 pm
געפינט זיך: אין דרום
האט שוין געלייקט: 3917 מאל
האט שוין באקומען לייקס: 2620 מאל

הודעהדורך טוביה » מאנטאג יולי 02, 2018 1:50 am

הוא בעצמו מינה את ישועות משה לנהל הישיבה
טוביה
מאנשי שלומינו
מאנשי שלומינו
 
הודעות: 52
זיך רעגיסטרירט: מיטוואך יוני 13, 2018 5:19 am
האט שוין געלייקט: 0 מאל
האט שוין באקומען לייקס: 4 מאל

הודעהדורך שבת אחים » מאנטאג יולי 02, 2018 2:34 pm

berlbalaguleh האט געשריבן:שבת אחים: איך מיין כ'האב שוין פארציילט די מעשה (אפשר מער ווי איין מאל.). ביים אהבת ישראל האבן געהאט פלאץ אלע סארט אידן. אפילו די גרעסטע פויערן. ווייל דער אהבת ישראל האט זיי אלע מקרב געווען און בדרכי נועם געטרייט זיי צו האלטן ביי אידישקייט.. איז געווען אמאל איינער א פשוט'ער איד און ער האט געהאט גרויס השתוקקות צו זיין ביים רעבא. איז ער ל"ע געפארן אום שבת ווען ער איז אנגעקומען, האט איהם דער אהבת ישראל געוואלט אויפמערקזאם מאכן אז ער זאלל נישט פארן אום שבת. האט ער איהם געבעטן אז ער זאלל קומען צו איהם נאכדעים וואס ער מאכט הבדלה. די נעקסטע מאל האט ער זיך אנגעריקט אום שב"ק בייטאג. ווען דער אהבת ישראל האט איהם געזעהן האט ער איהם געזאגט..."איך האב דיך דאך געבעטן אז דו זאלסט קומען צו מיר נאר נאך הבדלה...! רופט ער זיך אן..."רעבא...איך האב שוין געמאכט הבדלה ......"...!


דאכצעך איך האב דיר פארציילט די מעשה...
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5906
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4774 מאל
האט שוין באקומען לייקס: 3477 מאל

הודעהדורך יין שרף » דינסטאג יולי 03, 2018 6:39 pm

שבת אחים האט געשריבן:גדליה: סאיז געבליבן מעהר ווי איין צווייגל פון די קאסוב-ווינזיץ גזע. דער אמרי חיים מיטן זיינע ברידער, זיין ברודער דער דמשק (איז אוועק אן קיין קינדער) און דער סערטער וואס האט אויפגעבויעט א אייגענע ווינזיצער שיכון און חסידות אין חיפה.

גאר זיסע קליפ ווי די בעל ברכת אליעזר זצ"ל טאנצט מיט זיין ברודער די בעל ברכת משה זצ"ל.
דערמאנט אביסל פון די אלטע אידישיסטישע פילמען.
באניצער אוואטאר
יין שרף
חבר ותיק
חבר ותיק
 
הודעות: 2003
זיך רעגיסטרירט: מיטוואך פעברואר 27, 2013 8:11 pm
געפינט זיך: ביים שוויגער...
האט שוין געלייקט: 4139 מאל
האט שוין באקומען לייקס: 2524 מאל

הודעהדורך הוגה » דינסטאג יולי 03, 2018 7:13 pm

הערליך שיין! ספעציעל דעם חיבוק ביים ענדע. עס מאכט זיי רילעיטעביל צום המון עם. עס איז נישט קלאר אויב די מוזיק איז ארגינעל אדער עס איז צוגעלייגט צום קליפ.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2809
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7243 מאל
האט שוין באקומען לייקס: 6386 מאל

הודעהדורך שבת אחים » מיטוואך יולי 04, 2018 7:47 pm

יין שרף האט געשריבן:
שבת אחים האט געשריבן:גדליה: סאיז געבליבן מעהר ווי איין צווייגל פון די קאסוב-ווינזיץ גזע. דער אמרי חיים מיטן זיינע ברידער, זיין ברודער דער דמשק (איז אוועק אן קיין קינדער) און דער סערטער וואס האט אויפגעבויעט א אייגענע ווינזיצער שיכון און חסידות אין חיפה.

גאר זיסע קליפ ווי די בעל ברכת אליעזר זצ"ל טאנצט מיט זיין ברודער די בעל ברכת משה זצ"ל.
דערמאנט אביסל פון די אלטע אידישיסטישע פילמען.


הערליכע קליפ. איך האב זוכה געוועהן דאס מיט צולעבן אפאר מאל, דאס איז די ארגעניעלע מוזיק. פארוואס דערמאנט עס דיר פון די אידישיסטן פארשטיי איך נאכנישט.

די וויזנצער רביים האבן זיך אייביג געלעבט באהבה ואחוה ושלום ורעות. דער אמרי חיים מיט זיין ברודער דער מקור ברוך פון סערט האבן אויך אזוי געטאנצן ברידערלעך אינאיינעם. מקען זעהן פון די בריווען וואס ר׳ חיים מאירל שרייבט צוזיין ברודער דער סערטער, די ווארימקייט און א אהבה וואס זיי האבן געהאט איינער צום צווייטן... די ווארימע זיסע לשונות, די בענקשאפט צום טאטן דער אהבת ישראל... די זעלבע איז געוועהן מיט דער אהבת ישראל און זיינע ברודערס, דער אנטוניער, בארשער, שאצער, הורדענקער, סטרוזניצער, זאלישטיקער. זיי אלע האבן זיך געלעבט ברודערלעך, באהבה ואחוה און סאיז נישט געוועהן קיין שום פירוד לבבות צווישן זיי!

כהאב געהערט אלץ קינד פון אלטע ווינזיצער חסיד הרה״ח ר׳ הערשל סאלמאן ז״ל וואס האט געהערט אמאל ווי דער אמרי חיים האט געזאגט אז סאיז דא אסאך מענטשען וואס האבן געוואלט אנארבעטן אז איך זאל מיך קריגן מיט מיין ברודער דער סערטער, אבער דאס וועט קיינמאל נישט געשעהן יהיה מה שיהיה.
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5906
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4774 מאל
האט שוין באקומען לייקס: 3477 מאל

Re: צדיקים ואדמורי"ם לבית וויזניץ

הודעהדורך אונטער חכם » מיטוואך יולי 04, 2018 10:09 pm

וואס מיינט ברידער טאנץ?
איז עס עפעס א ספעציעלע טאנץ?
אונטער חכם
ידיד ותיק
ידיד ותיק
 
הודעות: 622
זיך רעגיסטרירט: דאנערשטאג מערץ 02, 2017 5:42 pm
האט שוין געלייקט: 593 מאל
האט שוין באקומען לייקס: 290 מאל

הודעהדורך שבת אחים » דאנערשטאג יולי 05, 2018 1:48 am

אונטער חכם האט געשריבן:וואס מיינט ברידער טאנץ?
איז עס עפעס א ספעציעלע טאנץ?


כמיין אז סמיינט פשוט און גראד ״א טאנץ פון ברודער׳ס״. ער פלעגט טאנצן מיטן ברודער. און אויך די ״אשת חיל״ טאנץ ווי ער פלעגט טאנצן לפני הכלה, ער פלעגט טאנצן ווי א סאלדאט :lol: אסאך האבן עס גערופן אשת חייל... לאמיר נישט פארצימסען די אשכול. ער מיט זיין ברודער זענען געוועהן אמתע וויואלע פיינע מענטשען און האט געפירט א שיינע חסידות.
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5906
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4774 מאל
האט שוין באקומען לייקס: 3477 מאל

הודעהדורך שבת אחים » זונטאג יולי 15, 2018 4:23 am

סאיז באוואוסט אז ווינזיצער נוסח איז פול מיט בא-בא-בא-באם... אוי וועי אויוועי... ווען כהאב חתונה געהאט האט מיך מיין געוועזנע (וואס האט נישט געהערט קיין וויזניצער נוסח ביפאר) געפרעגט צו די ערשטע וויזניצער רבי האט געשטאמפעלט/גע׳קעקעצט??? :lol: (למעשה האט זי שפעטער זייער ליב געהאט די וויזניצער-נוסח... ווער נישט? סאיז דאך איין שטיק הארץ!)

מ׳האט אמאל געפרעגט הגה״ק ר׳ יודעלע האראוויץ מדזיקוב זצ״ל וואס איז פשט אז מהאט אריינגעלייגט אין דאווענען אזויפיל אויוועיס און באבא באם. האט ער געזאגט פשוט, יעדע פלאץ ווי מהאט געהאט עקסטערע כוונת און סאיז נישט געוועהן קיין ווערטער האט מען געזאגט אוי וועי אדער באבא באם. איז אויב דער אהבת ישראל האט געדאווענט און ער האט געהאט געוויסע כוונת אנשטאט שטיל צו בלייבן האט ער געגעבן אזא קרעכץ אדער גענוצט אזא תנועה ווי אוי וועי וועי וועי... ער האט דאך אינזין געהאט צענדליגער טויזנטער אידן פון די געגענט וואס זענען געקומען צו אים. ער האט נישט גענומען קיין קוויטלעך און קיין געלט סתם אזוי. נאר אידן האבן אים געגעבן קוויטלעך מיט פדיונות אז ער זאל דאווענען פאר זיי, און דאס האט ער געטוהן. (און די געלט וואס ער האט פארדינט האט ער ווייטער אויסגעטיילט פאר אנדערע ארימע אידן, די אהבת ישראל מיט זיינע ברודער האבן בכלל נישט געלעבט אין קיין רייכטום- נאר גאר פארקערט) זיין דאווענען און תהילים זאגן איז געוועהן מיט בכיות, מתיקות וואס איז נישט צו באשרייבן. דער גרעסטער וויזניצער חסיד הרה״צ ר׳ מרדכי חנא זצ״ל האט געזאגט אזא דאווענען וואס דער סב״ק האט אראפגעלייגט האט מען נישט געזעהן נישט ביין זיין טאטען דער אמרי ברוך זצ״ל און נישט ביין זיין זיידע דער צמח צדיק (דער ערשטער וויזניצער רבי). נישט אומזיסט האט דער באר מנחם פון קאלוב געזאגט ״ווער סהאט נאר צוגעזעהן ווי דער ״אהבת ישראל״ זאגט תהילים, האט געקענט זעהן וואס מיינט א אמתדיגע איד מיט א צובראכנע הארץ קלאגן אויף גלות השכינה״... און נישט אומזיסט איז דער גאלאנטער רב מיט הרב דשונסקי זצ״ל געגאנגען הערן וויאזוי דער אהבת ישראל זאגט תהילים. און דערנאך געזאגט אזא מתיקות קען נאר קומען פון א נצוץ נשמה פון דוד המלך ע״ה.
רעדאגירט געווארן צום לעצט דורך שבת אחים אום זונטאג יולי 15, 2018 6:06 am, רעדאגירט געווארן 4 מאל בסך הכל.
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5906
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4774 מאל
האט שוין באקומען לייקס: 3477 מאל

הודעהדורך שבת אחים » זונטאג יולי 15, 2018 4:54 am

אין ספר מעשה איש שטייט אז ביי די לוי׳ פון דער אהבת ישראל (ווען מ׳האט ארויפגעברענגט זיין ארון פון רומעניע קיין אר״י) און מ׳איז א דורך געגעאנגען דעם הויז פון דער חזון איש זצ״ל איז ער ארויסגעקומען און באגלייט די ארון א לאנגע וועג ביז נאך די סתימת הגולל... אפשר וועט ליטוואק קענען מסביר זיין פארוואס די חזו״א איז זיך געקומען באטייליגן ביי א לוי׳ פון אזא לץ און א פערפאומער/זינגער ווי דער אהב״י... אפשר ווייל ער האט געוואוסט אז ער איז געוועהן א גאון און א צדיק וואס האט געהאלטן צענדליגער טויזנטער אידן אין רומעניע ביי אידישקייט מענטשען וואס האבן וועגן זייער ארימקייט און די דחקות פון די אמאליגע צייטן נישט באקומען קיין שום עדיוקאציע און חינוך און זענען אויפגעוואקסן ווי אומגעלערנטע פויערן אבער מיט דעם אלעמען געוואלט זיין גוט און ערליך, און דער אהבת ישראל האט זיי אריינגענומען מיט ליבשאפט און זיי געהאלפן ברוחניות ובגשמיות. ליטוואק דער חזו״א איז געגאנגען צו די לוי׳ פונעם אהב״י אלץ מליצות???

סאיז אפילו דא א גירסא (ווער סווייסט מעהר זאל זאגן) אז הגה״צ טשימפער רב זצ״ל (מגדולי חסידי וויזניץ-דער אמרי חיים פלעגט אים פרעגן אלע שאלות אין הלכה) האט געפרעגט דעם חזו״א צי מזאל נישט לייגן דעם אהבת ישראל אין ירושלים, צפת, טברי׳ און דער חזו״א האט געזאגט מ׳זאל אים לייגן דא אין ב״ב, ער וועט זיין פאר מיר א ״שכן טוב״. פאר הרב היילפרין די אייגענטימער פון די ביה״ח האט ער געזאגט די זעלבע זאך...

אויך איז כדאי ליטוואק זאל פארענטפערן וואס איז פשט אז דער הייליגער חפץ חיים וואס האט נאר באזיצט בערך 30 אייגענע ספרים מיט זיין זיגל, און איינע פון דעם איז א ״אהבת שלום״ פון הרה״ק ר׳ מענדלע קאסובער זצ״ל דער ערשטע פון די קאסובער-וויזניצער רביס און זוהן פון הרה״ק ר׳ יעקב קאפיל חסיד, די בעל-תפילה פון בעש״ט און איינע פון די בעש״ט׳ס חברייא??? יעדע פון זיינע ספרים האט ער געלערנט דערינען (נישט ווי היינטיגע צייטן) און מקען קלאר זעהן אז ער האט געלערנט דערינען. זעהט זיך אויס אז דער הייליגער חפץ חיים האט געלערנט ״חסידישע ספרים״ און געשעפט פון די קאסובער ברינע.... ביטע זאג מיר נישט אז דאס איז אלעס מליצות :lol:
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5906
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4774 מאל
האט שוין באקומען לייקס: 3477 מאל

הודעהדורך שבת אחים » זונטאג יולי 29, 2018 2:46 am

״בוקאווינער וויזניצער פויערן״...
viewtopic.php?f=8&t=12475
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5906
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4774 מאל
האט שוין באקומען לייקס: 3477 מאל

נעקסט

גיי צוריק אנשי שם

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט