פינקי, אן אריגינעל!

תולדות און ‫ביאגראפיע, פראפילן און אנאליזן פון אידישע און אלגעמיינע פערזענליכקייטן, אמאל און היינט

פינקי, אן אריגינעל!

הודעהדורך מאראנצןזאפט » מיטוואך מאי 01, 2013 10:17 pm

שווער צו דעפיצינירן דעם פונקטליכן אפטייטש פון 'אריגינעל' אויף אידיש.

גיט א קוק למשל ביי אונז אין קאווע שטיבל, דא מאנגלט ב"ה נישט קיין אריגינעלע. מיר האבן דא אזא איינעם ווי לעיקוואד, א יונגערמאן מיט די שמונה בגדים, פעפעטע הויזן און א מעליצער ווייס-וועסטל ביז צו די קראגן, און דאך, א געדאנקענגאנג ווי א פיליזאף פונעם מיטל אלטער, א גלגול פון די דארק עידזשעס. דאס הייסט אריגינעל, עפעס וואס האט נישט קיין פארגייער, און געווענליך אויך נישט קיין נאכגייער.

אדער אונזער באליבטער קופערניקעס, ער איז דאך דער סאמער וועלטס איינציגער וואס האלט אן דעם פרעסטיזשפולן פאזיציע אלס שיבער ווישערשאפטלער, איז דאס נישט אריגינעל?! נישטא נאך אזאנס.

וכהנה וכהנה, אזא חיבור ווי נטעי משה געציל, אריגינעל! אזא יאנקל וואס אז ס'האט נאר גענעכטיגט אונטער דעם זעלבן לבנה וואס פיגורירט איבער דעם גרים-פארהאסטן 'סיסטעם', וועט ער שוין טרעפן א וועג דאס צו בעשן, אריגינעל!

און מאראנצןזאפט איז אויך אריגינעל. ער קען גארנישט און ווייסט גארנישט, און דאך נעמט ער זיך אזוי איידעלערהייט ארויס זיין חלק.

אין דער אמעריקאנער קולטור שטייען ארויס אסאך אריגינעלע. נעמט א משל די ביטעלס, זיי ווערן געקרוינט אלס היילי אריגינעל, זיי האבן געפארמט א פרישע 'ראק' סטיל מוזיק, און געשטעלט די גאנצע מוזיק אינדורסטרי פון ראק ענד ראל און אר ענד בי אויף נייע רעלסן.
און אין בארא פארק האבן מיר קאפי קעט, מיט זייער סלאגאן "איטס אריגינעל"!

אבער אין א ראפאגאש געזעלשאפט, וואו אלעס פארט ווי א פראגראמאטישער קאנוואויער בעלט, אז פונעם באגעבא ביז צום ענדגילטיגן מקום מנוחה אין קעי דזשעי דארף א מענטש נישט שטעלן קיין איין טריט, אלעס אלעס איז פונקטליך אויסגעשטעלט פאר אים, איז שווער צו באגעגענען עפס אריגינעל, אזא אומר הבא מן החדש'דיגער פארנעם. פרנסה גיט דער אייבערשטער, און אויב האט איר טאלאנטן זאלט איר אהערשטעלן שיינע נוי סוכה.

כלפי מה דברים אמורים:

כלל ישראל, און מער אזוי דעם וויליאמסבורגער עם בפני עצמן, איז באשאנקען געווארן פאר די לעצטע 3 צענדליג יאר מיט א מתנה טובה אונטערן נאמען ר' פנחס מרדכי וועבער.

פארשלייערט אין א רויטן קנאבל בארד, א ג' רבעיים ראק, און א טשאלנט טאפ, זיצט דארט באהאלטן א אידל, אן אריגינעל!

אן אריגינעל אין בדחנות, אין קאמפאזיציע, אין קאלעראטור, און אין הארמאניע.

קלאר ווי דער טאג אז די פארגוסס'טע חיים מענדל סטיל בדחנות פון גיין שיין ביין ליין מיין פיין דיין חן איין, וואלט אונטערגעגאנגען (און איז אין א געוויסן זין שוין אונטערגעגאנגען) ווען נישט פינקי. עס איז קלאר אז ביי א מצוה טאנץ, אדער איז עס פינקי סטייל למחצה לשליש ולרביע, אדער גארנישט.

פינקי האט אוועקגעשטעלט נייע סטאנדארטן אין בדחנות. אז דו קענסט דאס נאכקאפירן אדער כאטשיג נאשן אביסל דערפון איז גוט, און אז דו ביזט פון די אלטע, דעמאלט פאפט דער עולם אויף טערקיש. אויסער דעם מחותן אליין וואס מ'איז מספיד זיין אינטערעסירט נישט קיינעם וואס דו זאגסט, און דער עולם קוקט ארויס ווען זיינע פוס וועלן אפנויגן פונעם בענקל שפיץ.

ווער איז דאס דער לענגנדארער פינקי וועבער?

איך האב נישט קיין אנונג. ער דארף צו זיין א וויליאמסבורגער איד וואס וואוינט ערגעץ אין ראדני גלילות, ומצאתי סמוכין לזה בס' הק' מעומקא דליפא. ער איז א גראדואירטער פונעם נייטרער סעטלמענט פארם אינסטיטוציע וואו ער האט שטודירט מיט אזעלכע מוזיק ריזן ווי אייזיק האניג, און מאיר ברוך קאהן.

במעללין יתנכר נער, בוצין בוצין מקטפיה, שוין אלס יונג בחור'ל אין ישיבה האט ער פורים געגראמט אן א צעטל, נוסח זקן ורגיל. פאר ווער ס'ווייסט האט ער נישט געהאט קיין לייכט לעבן וואס דא איז נישט דער פלאץ, און דאך: וצדיק בשמחתו ובטאלאנטפלותו יחי'.

אונטערן 'רבי פנחס מרדכי' טיטל לערנט ער טעגליך פאר א שיעור אין ראדני. אלס שומר הפתח קען איך קלאר מעיד זיין אז ער קומט שוין דארט אן א גע'טובל'טער, די בארד טריפט אים שוין ביים טיר. פארוואס ער גייט ענדערש אין א צווייטער מקוה ווי ראדני לאזט זיך דאבאטירן. א סברא זאגט אז דאס איז אזא סארט סטאטוס, ווייל נעכטן האט מיר דער איד באצאלט א פינעווער פלאס איך זאל אים באזינגען, און דא טרעפט ער מיך מיט די לבנים ביים כשר זייף שיסל זוכן א גאנצע, ס'איז עפעס נישט פראקטיש.

צוריק צו זיין ביאגראפיע, פינקי האט אנגעהויבן זיין קאריערע מיט ארום 25 יאר צוריק אלס... א פשוטער וואן מען בענד! יא, איר הערט גוט, גארנישט מער ווי ליפא שטראלי און גארנישט ווייניגער.
מיט דער צייט האט ער דאס געלאזט לויפן און איז אריין אין בדחנות. ביז נאך א קורצע תקופה איז ער געקרוינט געווארן אלס מלך הבדחנים, א טיטל וועלכער ער טראגט מיט ווירדע שוין פאר לאנגע יארן.

פינקי איז אן אריגינעל אין פעלד פון בדחנות, פשוט מיט זיין וועג פון זאגן גראמען. ער האט מחדש געווען אזא מושג פון צוזאמצושטעלן 2 ווערטער גראמען, און געשאפן א נייער שניט אין בדחנות וואס ווערט ברייט קאפירט דורך אנדערע.
א משל, בראשית גראמט מיט פלייש-איז, דאס איז ארגינעלע ווערק! מעשה ידי אומן נפלא במלאכת הליריקס ופינקי שמו, ולא שמע כזה אוזן מעולם. וכהנה וכהנה, 'קיינער וואגט נישט איבער האקט נישט' איז א טיפיקל פינקי גראם. אויסער די חידוש פון אזעלכע סארט גראמען, איז דאס אינטעלעקטועל און אינטערטענפול.

פינקי איז אן אריזשינעל אין דער וועג וויאזוי ער לייגט אראפ א ניגון. קודם כל איז ער געבענטשט מיט א ריזן הארץ, ימ'ן פון געפיל און נשמה גיסן זיך ווען ער זינגט אזעלכע פשוט ווערטער ווי עיני אוי אוי עיני עיני ירדה מים כי נטל ממנו מנחם משיב נפשי. ווער ס'איז נאר א שטיקל בעל הרגש לעבט מיט די ווערטער. און בעיקר האט ער א גאנג פון זינגען און פארדרייען א ניגון מיט אזעלכע מאדנע בערישע קינצן-תנועות, אויף זייער אן אייגנארטיגן, העכסט אריגינעלן, הארציגן, געשמאקן, און אינטערעסאנטן אופן. ווען פינקי זינגט סיי וואספארא ניגון, ווערט עס באלד א נייער ניגון מיט פינקי פינגער אפדרוקן.

ווען עס קומט צו זיין קאלעראטור אין הארמאניע איז ער ממש א דזשעני, פינקי באזיסט א גאונות שניט אין הארמאניע, אזעלכע האלבע טרענספאזעס וואס איז שווער נאכצוזינגען. ווער ס'האט אים שוין אמאל געהערט ווייסט פון וואס איך רעד. אין צוגאב איז ער א חזן נישקשה, און ווען ער ציעט ארויף איז דא וואס צו הערן, און פון וואס צושטוינען.

פינקי איז א וועלט קאמפאזירער, און כמעט קיין איין היימישער טעיפ פון די לעצטערע יארן וואס זאל נישט האב א ניגון פון אים, פון מרדכי ביז ליפא און אלעס אינדערמיט. זיינע ניגונים זענען איינס גוט און איינס נאך בעסער. זיי ווערן געווענליך די היט פון דער טעיפ. זיין קאמפאזירונגען גייען שוין אן א שיינע פאר יאר, נאך פון פאר מיין בר מצוה. מרדכי'ס אלוקים צבקות שוב נא, איז פינקיס. און ווער געדענקט דען נישט דעם באבובער מייזעלס גארגלען פינקיס עד אנה תסתיר, אדער יואלי טייכמאן זינגען אולי יחוס עם עני ואביון.

הרב שוועקעוויטשעס גאנצער גדלות איז צו פארדאנקען פינקיס 'רחם', אני כשלעצמי האט עס אלץ אנגעקוקט ווי עפעס א מאכל בן דורסאי ניגון, די פעלער זענען אין מיינע אויגן נישט אינגאנצן געצייטיגט. אפשר גיט דאס צו צו פינקיס ארגיניעלקייט ארויסצוגעבן אזעלכע נא האלב געקאכטע קאמפאזיציעס. ווייטער, וועמען ס'קומט נאכנישט פון דער נאז פינקיס לעכטעלע ניגון, וואס איז טראנספארמירט געווארן אלס דער עקסקלוסיווער ניגון פאר א יום טוב'דיגן ממקומך, דער איז זיכער א גר צדק.

משפחה האט געהאט אן אינטערוויו מיט פינקי וואו זיי האבן נאכגעשריבן פאלשע אינפארמאציע פונעם עברית'שן וויקיפעדיע אז ליפא'ס 'געלט' ניגון אויפ'ן קאסעטע 'מי שאמר' איז פון פינקי. וויל איך יעצט מוסר ומודעה זיין: ליפא האט נישט קיין קאסעטע 'מי שאמר' נאר אזא 'ניגון' אויף 'בדרך', און 'געלט' איז קלאר נישט זיינס, נאר יוסי גרינס.

דאס אז פינקי אז א קאמפאזירער איז צו פארדאנקען ר' מיכאל'ן, ער האט אים דאס איינגערעדט... אין משפחה איז געשטאנען אז די ערשטע מאל ער האט געשריבן אידישע ניגונים איז געווען 10 ניגונים פאר מיכאל'ס נשמה פלאם. דאס איז ריין דאמירן בעלמא אויף א מילתא דעבידא לגילויא. פינקי האט נישט דארט קיין 10 ווייל די גאנצע קאסעטע האט נאר 9. און 3 זענען פון פינקי, דער בעל שם טוב, לעכטעלע, און דער ריזשינער ניגון. מיכאל איז טאקע געווען דער וואס האט אויסגעטראפן פניקיס אידישע ניגונים, אבער לאנג בעפאר נשמה פלאם, נאך אויף זיינע אמאליגע חתונה טעיפס.

(שמעתי אז טייל פון די ניגונים וואס ווערן מיוחס צו פינקי ווי למשל דער אבינו אב הרחמן ניגון מיט'ן שיפל, און דער שמחת בית ירושלים ניגון, זענען באמת ליפא פעלדמאן'ס. אם כנים איז ליפא א קאמפאזירער פון דער ערשטער שורה און א שאד אז ער איז נישט ממשיך. די פעקעלע ניגון מיט ר' איציקל וואס איז שפעטער געווארן אביש בראדטס רבונו של עולם איז קלאר יא פינקיס, ליפא שמעלצער האט בלויז געשריבן די גראמען).

פינקי איז פארהייליגט אין וויליאמסבורג, הנקרא בלשון עם זר סעלעבריטי, און אויף יעדן אדעסי וואלט מען ווען געקענט ארויפשטעלן א באמפער סטיקער: דא זיצט א פינקי 'פען'. ווען אר.סי.סי.עס האט געדארפט אנפילן א זאל, וועמען האט מען געאנערט? פינקי! און ס'איז געווען די רייט מאוו, פינקי האט צוזאמברענגט אן עולם נישט סתם, און האט אראפגעלייגט א בונה ירושלים אז ס'איז געווען א נחת.

פינקי האט א כוח היצירה לעת הצורך, ער באשאפט ווערטער א יש מאין ממש. ווען איך דארף א גראם אויף 'וואסער', זאג איך נאסער אדער עשר תעשר; פינקי אבער: גאסער! איי ס'נאר דא גאסן אדער געסער, קיין פראבלעם, פינקי האט יעצט בארייכט דעם אידישן לעקיסקאן מיט א פרישן אויסשפריך!

פינקי קען אויך נעמען א שטאטער ניגון און דאס קונצליך פארוואנדלען אלס א שנעלער, אן דעם וואס איינער זאל אנמערקן. גיט א קוק ליפא'ס אל תסתר פניך ממנו, דער צווייטער פאל פון אל תטשינו, מיט'ן דריטן שנעלן פאל קוה אל ה' זענען אקוראט די זעלבע, נאר מיט א צווייטן רידהם, אויך אן אריגינעלקייט! אפילו זיין נאמען איז אריגינעל! קען איינער נאך א פינקי? כ'האב שוין געהערט פון פיני, פיניעלע, אפילו פינטי, אבער פינקי מיט א ק' איז דא נאר איינס.

פינקי הייסט א וויינער מאכער. איך פערזענליך האב נאך קיינמאל נישט געוויינט פון אים, אבער אויב וואלט איך אמאל געמוזט וויינען פון א בדחן ביי א מצוה טאנץ, וואלט איך זיכער ענדערש אויסגעוועלט פינקי ווי א צווייטן. ביי אזעלכע דעליקאטע פעלער ווען מ'דארף דעליווערן דמעות, א משל אז דער בעל דובר מישרים זי"ע מאכט חתונה דעם יונגסטן קינד, וועט מען אודאי באשטעלן פינקי. ער וועט שוין טון זיין ארבעט בנאמנות.

פינקי האט א געפיל צו פאעזיע, נישט קיין לעמאן דזשוס, אבער דאך נישט אוועקצומאכן. א ביישפיל: א קליינע הייזקע שווארץ און ווייסקע איז פאעטיש, ס'איז געשילדערט און געמאלן מיט קאלירטע פארבן. אדער די שול איז אנגעפילט ווייס איינגעהילט, ריין פאעזיע!

פינקיס גראמען אפילו ווען ס'איז נישט צוזאמגעשטעלט און נישט קיין נייער ווארט איז עס נאך אלץ אריגינעל. נעמט למשל אזא ווארט ווי 'געשמאקער', האט איינער א גראם דערפאר? ניין, א נארמאלע ווארט, נישט וואס דו טראכסט יעצט, דאס קען מען נישט זאגן ברבים... פינקי וועט זאגן פיאקער (אזא סארט באגי), דאס מיינט אריגינעל!

א פיצקעלע קריטיק, יוצא צו זיין דער רצון פון די יידל'עך וואס גלייכן. פינקי האט לכאורה נאכגעלאזט פונעם תוכן, די חומר איז מחותנסטע'דיג לעצטנס, און לדעתי זאגט מרדכי דוד עסטרייכער אביסל בעסער און האלט אן א העכערן ניווא, כאטש זיין דעליווערי איז קיין פארגלייך.

ווי ערווענט לערנט פינקי פאר א טעגליכן שיעור, משפחה שרייבט אז ער האט דארט 30 אידן. פון קראנטע מקורות אבער ווערט איבערגעגעבן אז ס'איז אביסל איבערגעטריבן. דורכאויס א העווי סעזאן וועלן די באטייליגטע ציילן ביז 6.

פינקי האט ארויסגעגעבן א ספר מיט'ן נאמען פירסומא ניסא, וואס האט אין זיך פארשידענע שיינע דרושים און פלפולים, ווי אויך סתם ענינים און ליקוטים איבער שמחת חתן וכלה. מיר וועלן דאס נישט באשרייבן ווייל מחברי ספרים איז דא בעסערע, דאס איז נישט זיין ספעציעליטעט. אזויפיל איז עס יא אריגינעל אז א בעל הבית זאל זיין א מחבר ספר, אויך נישט קיין אפטער ערשיינונג. אויך שרייבט ער פון צייט צו צייט מאמרים אין דער קובץ גינת ורדים וועלכער געהערט צו דער סאטמאר ראדני פראקציע.

ערנסט גערעדט, ר' פנחס מרדכי איז א איד וועמען מיר אלע טוען שטארק שעצן. א חסיד'ישער יונגערמאן א יודע ספר, דבוק צו ערליכע אידן (יש אומרים ער דרייט זיך צומאל ביי ר' דוד'ל לעלובער, לעיקוואד קענסט עס באשטעטיגן?) א לב טוב און מקבל את כל האדם בסבר פנים יפות מיטן אן ענוות חן. דערצו איז ער א מולטי טאלאנטפולער פערזאן וואס נוצט אויס זיינע כשרונות ביז צו א מאקסימום צו משמח זיין און מהנה זיין דעם ציבור. פינקי מיר קוקן דיר ארויף, מיר דערקוויקן זיך מיט אייערע פרישע ווארע יעדן שני וחמישי, און מיר וואונטשן אייך לאנגע געזונטע יארן צו דערפרייען אידישע הערצער מתוך שמחה ונחת.

און יעצט א פערזענליכע טובה: טייערער ר' פינקי, מיר האבן שוין א שעידס אוו גרין, ס'איז שוין די העכסטע צייט פאר א שעידס אוו פינק. האסט נישט קיין אנונג וויפיל אידן קוקן ארויס דערויף און וואלטן זיך מחי' געווען דערמיט. האסט מורא ס'וועט נישט גיין? דאונט ווארי, איך זאג דיר צו איך וועל מאכן א קאפי!.

(שיק מיר אן אישי ווען דו ליינסט עס, און וואונדער דיך נישט ווער איך בין, ווייל מיר האבן זיך קיינמאל נישט געזען אויג אויף אויג).
רעדאגירט געווארן צום לעצט דורך מאראנצןזאפט אום דאנערשטאג מאי 02, 2013 8:15 am, רעדאגירט געווארן 3 מאל בסך הכל.
צו די חשוב'ע רעדאקציעס פון אידישע אויסגאבעס: אדם אוסר את שלו, עס איז נישט ערלויבט זיך צו באנוצן מיט מיינע ארטיקלען אן קיין בפירושער ערלויבעניש. איר קענט אייך מיט מיר פארבינדן אין אישי. א דאנק פון פאראויס.
באניצער אוואטאר
מאראנצןזאפט
ידיד ותיק
ידיד ותיק
 
הודעות: 994
זיך רעגיסטרירט: דינסטאג יאנואר 22, 2013 3:15 pm
האט שוין געלייקט: 1817 מאל
האט שוין באקומען לייקס: 2369 מאל

הודעהדורך זר זהב » מיטוואך מאי 01, 2013 10:29 pm

וואו מאראנצןזאפט! אזוי גוט אראפגעלייגט, איך גלייך דיין פען! מורא'דיג מיט אלע דיטעילס. שכח. און יענע ניגון מיט'ן שיפ איז טאקע ליפא פעלדמאנ'ס, און אויב געדענקסטע האט מיכאל געהאט א ניגון אויף איינע פון זיינע טעיפס ''הטוב הטוב כי לא כלו רחמיך.. יענץ איז אויך פון ליפא פעלדמאן און ס'דא נאך. און נישט פארגעסן פון וועם פינקי איז א פען אין די בדחנות וועלט און וועם ער האלט פאר אן ארגינעלען.. און דאס איז ר' יקיר ברוין.
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9465
זיך רעגיסטרירט: דינסטאג מערץ 06, 2012 5:23 am
האט שוין געלייקט: 4426 מאל
האט שוין באקומען לייקס: 4197 מאל

הודעהדורך איחוד פעלד » מיטוואך מאי 01, 2013 10:44 pm

ייש"כ פאר דיין שיינע באשרייבונג.

א משל, בראשית גראמט מיט פלייש-איז, דאס איז ארגינעלע ווערק! מעשה ידי אומן נפלא במלאכת הליריקס ופינקי שמו, ולא שמע כזה אוזן מעולם


דער רעיון איז גראדע יא אן אלטער, און מען זעהט עס אין גראמען פין הונדרעט יאר צוריק.
א משוגענער באלאנגט אין משוגעים הויז, און א מאלעסטער באלאנגט אין תפיסה!!
אדם המוכה מחבירו יכול לילך לקבול לפני עכו"ם אע"פ דגורם למכה היזק גדול (רמ"א סי' שפ"ח ס"ז), מותר לקצץ ידיו על ידי גוי (ש"ך ס"ק מ"ה).
איחוד פעלד
חבר ותיק
חבר ותיק
 
הודעות: 2933
זיך רעגיסטרירט: זונטאג מאי 20, 2012 6:00 pm
האט שוין געלייקט: 641 מאל
האט שוין באקומען לייקס: 1629 מאל

הודעהדורך שמעקעדיג » מיטוואך מאי 01, 2013 10:48 pm

הערליך, אומגלויבליך! איך קען מעיד זיין אויף כמעט יעדן ווארט, ווארום איך בין גאנץ נאנט מיט ר' פינקי, און מ'האמיר שוין אסאך געשמועסט.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15100
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17806 מאל
האט שוין באקומען לייקס: 18103 מאל

הודעהדורך קאווע טרינקער » מיטוואך מאי 01, 2013 11:21 pm

ייש"כ. הערליך, לאמיר בעטען פינקי זאל באזינגען מארנצען זאפט, אפשר וועט דאס גיין בערך אזוי:

לאמיר אלע זינגען און טאנצען
פאר ידידינו מורינו מארנאצען,
כי עבדך ערב האט געהאפט
אזוינע פיינע פרישע זאפט
המשך ...

פיקני איז אויך באליבט ביים אלגעמיינעם LOVE PINK באפעלקערונג.

מאראנצןזאפט האט געשריבן:א משל, בראשית גראמט מיט פלייש-איז, דאס איז ארגינעלע ווערק! מעשה ידי אומן נפלא

ג'הערט ענדליך:
אז מ'דערמאנט דעם זיידן פון ראפשיץ,
איך האב זכותים איך האב שוץ,
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8466 מאל

הודעהדורך מאטי » דאנערשטאג מאי 02, 2013 12:54 am

ישר כח מאראנצען זאפט זאפטיגע לשונות און תוכן׳דיג ביסט גערעכט מיט רוב וואס די שרייבסט לגבי פינקי ער איז מולטי טאלאנטעד פערזאן א וועלט קאמפאזירער א שטיק הארץ קנייטשט אריין אינעם ניגון אז די נשמה קען ארויספליען גג על גג הארמאניע ועל כולם האסט אויסגעלאזט א פרט זיין שטימע: ער האט א ריזן שטימע ער פילט אן דעם חלל הזאל הגם אינעם איידלקייט פונעם שטימע קען איך הערן אז מענטשן גלייכן נישט אזוי שטארק.

אבער צו לייגן זאכן אין פערספעקטיוו מוז איך צולייגען דאס פאלגענדע.

זיינע תוכן הגראמען איז נישט דאס בעסטע יוסף משה כהנא קען זיך עני טיים פארמעסטן מיט אים .שוין אפגערעדט פון יו״ט ערליך הגם דער עצם גראמען פון צוזאמשטעלן צוויי ווערטער צו איין ווארט ווי דיין משל מיט ״פלייש איז״ איז יא א פינקי חידוש .

זיינע ניגונים זענען טאקע זייער שיינע ווארימע ניגונים אבער דאך וועלן יודעי דבר און מבינים זאגן אז דער סיגנון הניגון איז א קלישעי טאקע נישט אזוי פראדיקטיבל ווי משה גאלדמאן אבער נעם למשל יוסי גרין, ער איז א גאון הגאונים. קיינער קען זיך צו אים נישט פארגלייכן זיינע טענער זענען אומאויסרעכנבאר זיינע Chord builders זענען מבהיל׳דיג. ״ער״ מעג קריגען דעם נאמען וועלט קאמפאזיטאר.

חזנות ער האט טאקע דער שטימע און דער קאלוטאר וואס פעלט זיך אויס אראפצולייגן א שטיקל אבער ער איז קיין חזן ער איז אפשר א שיינע בעל תפילה אויך צוליב זיין הארציגקייט און ער האט אן עולם וואס לויפט אים נאך ימים נוראים איך קען פארשטיין פארוואס.

אבער יעצט נאכאמאהל (yet again) ער איז ארגינעל ער איז א fusion פון זינגער גראמער קאמפאזירער הארציג בעל תפילה חזן פיאניסט ועוד... ווער קען זיך מיט אים פארגלייכן.
און נאכאמאהל ישר כח מאראנצען זאפט פארן אן אנאליז מיט טעם.
My enemy showed me an Olive Branch, upon closer observation it turned out to be covered in Fig Leaves
באניצער אוואטאר
מאטי
חבר ותיק
חבר ותיק
 
הודעות: 2991
זיך רעגיסטרירט: מאנטאג אוגוסט 27, 2012 5:06 pm
האט שוין געלייקט: 3756 מאל
האט שוין באקומען לייקס: 4313 מאל

הודעהדורך יואב » דאנערשטאג מאי 02, 2013 8:00 am

מאראנצן, מאראנצן, אוי טוהען זיי גלאנצן! (קרעדיט -קלמן רויזנגארטן'ס ערשטע קאסעטע).

מאראנצן, נאך אזא גוט אראפגעלייגטן ארטיקל בין איך געקומען צום מסקנה איר זענט מאראנצןזאפט .Not from Concentrate

איך הגם אלס נישט וויליאמסבורגער איינוואוינער, און הגם איך טרייב נישט קיין אדעסי, בין א שטארקע פען פון ערעב פינקי, ספעציעל איבער זיינע ניגונים, און זינגעריי.
איינע פון זיינע טאלאנטן איז ער קען מאכן הארציגע גראמען וואס האט נישט קיין שום האף און זין, און נאך אלץ ארויסווישן זאפאסן טרערן נאך פון די חיים מענדל איבערלעבער וועלעכע קומען זיך מייסטענס צונויף אויפצומארגנס איבער א פרישטאג אין גרינס פיצא געשעפט, און קייען איבער די התרגשות העכער ווי הויעך איבער א טעלער זופ.

נעם למשל דעם רירענדע לעכטעלע ניגון, וואס האט שוין מערערע מאל ארויסגעשלעפט טרערן פון מיר, און איז פאראנטווארטליך פאר צאללאזע אידישע טרערן, און זאג מיר דעם צוזאמשטעל.
"לעכטעלע, לעכטעלע דו שיינסט און די ברענסט, בעהטן פאר מיר אין הימל דו קענסט, ווייל דו ביזט דער איינציגסטער זאך וואס איך פארמאג".
הייסט דאס נאך א מזל זי האט דעם לעכטל, ווייל טאקע נאר ער קען בעהטן אין הימל, און טאקע נאר ווייל ער איז די איינציגסטע זאך וואס דער צובראכענער פרוי פארמאגט. כהיינו קען איך דיר געבן צענדליגע משלים.
רעדאגירט געווארן צום לעצט דורך יואב אום דאנערשטאג מאי 02, 2013 8:05 am, רעדאגירט געווארן 2 מאל בסך הכל.
I think I was born Jewish, therefore I am
באניצער אוואטאר
יואב
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1609
זיך רעגיסטרירט: מיטוואך פעברואר 27, 2013 3:55 am
געפינט זיך: ב"ה אין אַ סטאַבּילן צושטאנד — דער ציבור ווערט געבעטן ווייטער צו מתפלל זיין.
האט שוין געלייקט: 6476 מאל
האט שוין באקומען לייקס: 5819 מאל

הודעהדורך איך אויך » דאנערשטאג מאי 02, 2013 8:03 am

יואב האט געשריבן:מאראנצן, נאך אזא גוט אראפגעלייגטן ארטיקל בין איך געקומען צום מסקנה איר זענט מאראנצןזאפט .Not from Concentrate
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5631
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 7703 מאל
האט שוין באקומען לייקס: 2544 מאל

הודעהדורך מאראנצןזאפט » דאנערשטאג מאי 02, 2013 8:09 am

זר, יקיר איז אן אויסערגעווענליכער בדחן, אבער ער זאגט קלאר אז דאס צוזאמשטעלן ווערטער ווי פינקי קען ער נישט.
מאטי, דער ארטיקל איז איבער פינקי נישט איבער יוסי. איך האב אויך אביסל קריטקירט זיין תוכן, אבער בעיקר האב איך געזוכט צו גיין פאזיטיוו.
איחוד, ס'איז קלאר אז פינקי איז א מחדש אין דעם הינזיכט, און זיינע אינטערעסאנטע צוזאמשטעלן האבן נישט קיין פארגלייך, אפילו מ'האט אמאל געקענט זאגן אזא ווארט.
יואב. אויב ביזט נייגעריג צואוויסן, די אינטרא פאר די לעכטעלע ניגון איז גע'גנב'ט פון ספילבערגס האלאקאוסט פילם שינדלערס ליסט.
ייש"כ פאר די אלע וואס האבן זיך גענומען די מי צו קאמפלימענטירן, דא און אין אישי, א שיינעם דאנק.
צו די חשוב'ע רעדאקציעס פון אידישע אויסגאבעס: אדם אוסר את שלו, עס איז נישט ערלויבט זיך צו באנוצן מיט מיינע ארטיקלען אן קיין בפירושער ערלויבעניש. איר קענט אייך מיט מיר פארבינדן אין אישי. א דאנק פון פאראויס.
באניצער אוואטאר
מאראנצןזאפט
ידיד ותיק
ידיד ותיק
 
הודעות: 994
זיך רעגיסטרירט: דינסטאג יאנואר 22, 2013 3:15 pm
האט שוין געלייקט: 1817 מאל
האט שוין באקומען לייקס: 2369 מאל

הודעהדורך איך אויך » דאנערשטאג מאי 02, 2013 8:11 am

באלד עט נאך אויפקומען א סומאטוכע אז מאראנצןזאפט איז פינקי אליינס (ס'גראמט אויף עפעס א אופן?) סטעי טונד!
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5631
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 7703 מאל
האט שוין באקומען לייקס: 2544 מאל

הודעהדורך יואב » דאנערשטאג מאי 02, 2013 8:15 am

איך אויך האט געשריבן:באלד עט נאך אויפקומען א סומאטוכע אז מאראנצןזאפט איז פינקי אליינס (ס'גראמט אויף עפעס א אופן?) סטעי טונד!

און די פארגאנגענהייט איז מאראנצן שוין באשולדיגט געווארן אלס שמעון ראלינסקי, הרב שפילמאן, און יעצט הייסט עס ער איז פינקי.
רעדאגירט געווארן צום לעצט דורך יואב אום דאנערשטאג מאי 02, 2013 8:17 am, רעדאגירט געווארן איין מאל בסך הכל.
I think I was born Jewish, therefore I am
באניצער אוואטאר
יואב
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1609
זיך רעגיסטרירט: מיטוואך פעברואר 27, 2013 3:55 am
געפינט זיך: ב"ה אין אַ סטאַבּילן צושטאנד — דער ציבור ווערט געבעטן ווייטער צו מתפלל זיין.
האט שוין געלייקט: 6476 מאל
האט שוין באקומען לייקס: 5819 מאל

הודעהדורך מאראנצןזאפט » דאנערשטאג מאי 02, 2013 8:16 am

און יאיר טענה'ט אז איך בין רבי מאטל זילבער :lol:
צו די חשוב'ע רעדאקציעס פון אידישע אויסגאבעס: אדם אוסר את שלו, עס איז נישט ערלויבט זיך צו באנוצן מיט מיינע ארטיקלען אן קיין בפירושער ערלויבעניש. איר קענט אייך מיט מיר פארבינדן אין אישי. א דאנק פון פאראויס.
באניצער אוואטאר
מאראנצןזאפט
ידיד ותיק
ידיד ותיק
 
הודעות: 994
זיך רעגיסטרירט: דינסטאג יאנואר 22, 2013 3:15 pm
האט שוין געלייקט: 1817 מאל
האט שוין באקומען לייקס: 2369 מאל

הודעהדורך איך אויך » דאנערשטאג מאי 02, 2013 8:31 am

מוז מען זאגן ביזט אזוי מאלטי-טעלענטעד ווי פינקי אליינס!
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5631
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 7703 מאל
האט שוין באקומען לייקס: 2544 מאל

הודעהדורך שרייבער » דאנערשטאג מאי 02, 2013 9:02 am

איך אויך האט געשריבן:באלד עט נאך אויפקומען א סומאטוכע אז מאראנצןזאפט איז פינקי אליינס (ס'גראמט אויף עפעס א אופן?) סטעי טונד!

איך האב גלייך אזוי געקלערט ליינענדיג די שורות
שרייבער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1844
זיך רעגיסטרירט: זונטאג מערץ 04, 2012 3:53 pm
האט שוין געלייקט: 1035 מאל
האט שוין באקומען לייקס: 926 מאל

הודעהדורך מאטי » דאנערשטאג מאי 02, 2013 9:06 am

איך אויך האט געשריבן:באלד עט נאך אויפקומען א סומאטוכע אז מאראנצןזאפט איז פינקי אליינס (ס'גראמט אויף עפעס א אופן?) סטעי טונד!

שטעטעלע
געבעטעלע
מאראנצען זאפטעלע
פינקי׳לע :lol: :lol:
My enemy showed me an Olive Branch, upon closer observation it turned out to be covered in Fig Leaves
באניצער אוואטאר
מאטי
חבר ותיק
חבר ותיק
 
הודעות: 2991
זיך רעגיסטרירט: מאנטאג אוגוסט 27, 2012 5:06 pm
האט שוין געלייקט: 3756 מאל
האט שוין באקומען לייקס: 4313 מאל

הודעהדורך אוי טאטי » דאנערשטאג מאי 02, 2013 10:38 am

שרייבער האט געשריבן:
איך אויך האט געשריבן:באלד עט נאך אויפקומען א סומאטוכע אז מאראנצןזאפט איז פינקי אליינס (ס'גראמט אויף עפעס א אופן?) סטעי טונד!

איך האב גלייך אזוי געקלערט ליינענדיג די שורות

קענסטו ווען פינקי וואלסטו נישט געקלערט אזוי, עס אינטערסירט איהם א הויקער מען זאל רעדן פון איהם.

מאראנצן, הערליך שיין באשריבן!!
!..If you go black, you'll never go back
באניצער אוואטאר
אוי טאטי
היימישער באניצער
היימישער באניצער
 
הודעות: 530
זיך רעגיסטרירט: זונטאג מערץ 18, 2012 3:06 pm
האט שוין געלייקט: 76 מאל
האט שוין באקומען לייקס: 146 מאל

הודעהדורך טאמבל סאס » דאנערשטאג מאי 02, 2013 10:38 am

ווען כ'האב באקומען מאראנצנס אישי, האב איך געטראכט. נו... ער דארף נאך א לייק. לאמיך אים איך אים עס געבן.
יעצט דאנק איך גאט פאר דעם געטרייען פרייען סערוויס, פון אישי'ען אויף אזעלכע פארבלופקנאקעדיגע (אליין פארבריצירט יעצט) ארטיקלען. (אדער אפשר אויטאביאגראפיע..)
"איך אויך" האב געטראכט אזוי, אז דער "שרייבער" קען פילייכט זיין ער אליין.
מ'דארף ערפונדן א אפציע צו קענען לייקן א הודעה פרטית.. עבאוט טיים.
אויב וואלט עמיצער מיר געבעטן כ'זאל ווייזן א סעמפל פון א 'מבין אויף זיך אליין' וואלט איך רוהיג געקענט זאגן "מאראנצן זאפטעלע"
רעדאגירט געווארן צום לעצט דורך טאמבל סאס אום דאנערשטאג מאי 02, 2013 10:41 am, רעדאגירט געווארן איין מאל בסך הכל.
אויב דו מיינסט אז די נומערן וועלן אלעמאל זיגן - דערמאן דיך נאר וויפיל מענטשן די גאז קאמערן האבן געקענט פארנעמען אין א איינצלנע טאג? 10,000 לכל הדעות.
באניצער אוואטאר
טאמבל סאס
חבר ותיק
חבר ותיק
 
הודעות: 3268
זיך רעגיסטרירט: דאנערשטאג מערץ 08, 2012 8:59 am
געפינט זיך: נישט דאס פלאץ.
האט שוין געלייקט: 5459 מאל
האט שוין באקומען לייקס: 2782 מאל

הודעהדורך טעפל » דאנערשטאג מאי 02, 2013 10:39 am

מ'דארף טוישן דעם קעפל אויף מארנצעןזאפט, אן אריגינעל! פינקי איז ארגינעל? דו ביסט ארגינעל, אזאנס ארפצושרייבען מיט אלע פיטשיווקעס און נישט וואו קיין פארסמטע אדעסי -פינקי פען האסט דיך דערוואגט צו שרייבען אויך קריטיק, ס'איזארויס געוואלדיג! ארגינעל!!
בדרך אגב בין איך א פייערדיגע פען פון זיינע גראמען, כ'האב יעצט געהערט פון יידל מאנדעל'ס זוהן'ס בר מצוה, ער לייגט אראפ דארט ריזיג ווי מ'דארף נאך אן אמבולנס, ארגינעל!
און אויף דעם ניגון לעכטעלע, האב איך געהאט א ריזן ויכוח מיט איינער וואס האט מיר געטענט אז די ניגון איז פון פארן קריג!!!
באניצער אוואטאר
טעפל
חבר ותיק
חבר ותיק
 
הודעות: 2048
זיך רעגיסטרירט: דאנערשטאג מאי 17, 2012 5:25 am
האט שוין געלייקט: 4948 מאל
האט שוין באקומען לייקס: 821 מאל

הודעהדורך לעמיל » דאנערשטאג מאי 02, 2013 10:43 am

מאראנצןזאפט האט געשריבן:אונטערן 'רבי פנחס מרדכי' טיטל לערנט ער טעגליך פאר א שיעור אין ראדני. אלס שומר הפתח קען איך קלאר מעיד זיין אז ער קומט שוין דארט אן א גע'טובל'טער, די בארד טריפט אים שוין ביים טיר. פארוואס ער גייט ענדערש אין א צווייטער מקוה ווי ראדני לאזט זיך דאבאטירן. א סברא זאגט אז דאס איז אזא סארט סטאטוס, ווייל נעכטן האט מיר דער איד באצאלט א פינעווער פלאס איך זאל אים באזינגען, און דא טרעפט ער מיך מיט די לבנים ביים כשר זייף שיסל זוכן א גאנצע, ס'איז עפעס נישט פראקטיש.

ער גייט יעדען טאג און צעלים מקוה אויף ראדני קענסט אים דארט הערען איבער זאגען די וויצען וואס ער האט געזאגט א טאג פריער ביי מצוה טאנץ

שמעקעדיג האט געשריבן:הערליך, אומגלויבליך! איך קען מעיד זיין אויף כמעט יעדן ווארט, ווארום איך בין גאנץ נאנט מיט ר' פינקי, און מ'האמיר שוין אסאך געשמועסט.

גם אני מצטרף

דרך אגב ער דאווענט שבת און נייטרא און ער זיצט אויף איין טיש מיט אייזיק האניג
לעמיל
חבר ותיק
חבר ותיק
 
הודעות: 2901
זיך רעגיסטרירט: דינסטאג אפריל 17, 2012 1:10 pm
האט שוין געלייקט: 1154 מאל
האט שוין באקומען לייקס: 815 מאל

הודעהדורך געפילטע פיש » דאנערשטאג מאי 02, 2013 1:06 pm

מאראנצןזאפט האט געשריבן:איחוד, ס'איז קלאר אז פינקי איז א מחדש אין דעם הינזיכט, און זיינע אינטערעסאנטע צוזאמשטעלן האבן נישט קיין פארגלייך, אפילו מ'האט אמאל געקענט זאגן אזא ווארט.

דאס מין גראם פון וואס דו רעדסט הייסט Mosaic Rhyme, אז איין מאלטי סיליבעל ווארט גראמט מיט א צוזאמשטעל פון אפאר קלענער ווערטער, און פינקי איז זיכער נישט די ערשטע וואס נוצט, אפשר אין אידישע מוזיק. אין אלעגמיינע מוזיק איז עמינעם א גאון אין גראמען בכלל, און אין מאסעיק גראמען בפרט.
געפילטע פיש
חבר ותיק
חבר ותיק
 
הודעות: 6943
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5483 מאל
האט שוין באקומען לייקס: 7494 מאל

הודעהדורך געפילטע פיש » דאנערשטאג מאי 02, 2013 1:16 pm

העיקר שכחתי, א הערליכן דזשאב תפוח זהב, מאטי הונדערט און זיבן האט שוין שטארקע קאמפעטישען אין די הספדים ביזנעס.

מיר גראדע האט ער שוין באוויזן צו ברענגן צו טרערן מער ווי איין מאל, א ווארימע קול, געניאלע איידיעס, און ווי איינער האט שוין געזאגט, ער קען צאמהאקן שטותים מיט לאקשן און דיר מרגש זיין עד דכדוכה של נפש, דאס איז א קונץ.
געפילטע פיש
חבר ותיק
חבר ותיק
 
הודעות: 6943
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5483 מאל
האט שוין באקומען לייקס: 7494 מאל

הודעהדורך MK Studio » דאנערשטאג מאי 02, 2013 1:55 pm

איך ווייס נישט אויף וואס צו קאמענטירן ערשט, אויף די ארטיקל אדער אויפן שרייבער. אלענפאלס זייער פיין באשריבן, און זייער גוט ארויסגעברענגט.
באניצער אוואטאר
MK Studio
מאנשי שלומינו
מאנשי שלומינו
 
הודעות: 27
זיך רעגיסטרירט: פרייטאג סעפטעמבער 28, 2012 1:27 pm
האט שוין געלייקט: 17 מאל
האט שוין באקומען לייקס: 52 מאל

הודעהדורך זר זהב » דאנערשטאג מאי 02, 2013 1:56 pm

יא יעדער טראכט דאס זעלבע. דער עולם איז פלעבערגעסטעט נאכ'ן ליינען אזא סארט ארטיקל.
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9465
זיך רעגיסטרירט: דינסטאג מערץ 06, 2012 5:23 am
האט שוין געלייקט: 4426 מאל
האט שוין באקומען לייקס: 4197 מאל

הודעהדורך יידל » דאנערשטאג מאי 02, 2013 2:30 pm

דער ארטיקל - ווי אלע ארטיקלן וואס קומען ארויס פון מאראנצן זאפט'ס פעדער - איז עפעס געוואלדיג, זיך צו באלעקן.

נאר צוויי מינדערוויכטיגע הערות - דו שרייבסט וועגן א שעיד אף פינק, מיר דוכט זיך אז עס איז שוין דא א טעיפ פון דודי קאליש דעדיקעיטעט צו פינקי'ס לחנים, אויב מיין זכרון נערט מיר נישט הייסט עס "שמע ישראל" מיט א בילד פון א איד איינגעהילט אין א טלית אויפן דעקל (און אין ארץ ישראל האט זיך עס פארקויפט אונטער'ן נאמען "התרגשות - מיטב ניגוני הרה"ח פנחס מרדכי וועבער")

צווייטנס, כאטש פינקי איז העכסט אריגינעל אין גראמען, האלט איך אז ליפא שמעלצער איז דער מלך ווען עס קומט צו גראמען. איך בין א גרויסער מתנגד פון ליפא אין אלגעמיין. כ'גלייך נישט זיינע קאמפאזיציעס, כ'ווער נישט משוגע פאר זיין קול און זיינע קאנצערטן זענען בכלל נישט מיין טעיסט. אבער איך גיי גאגא פאר זיינע גראמען. איך האב נישט יעצט קיין איינע פון זיינע גראמען לנגד עיני, אבער איך וועל ברענגן וואס איך געדענק. נעם די "כי הם חיינו" ניגון אויף א פשוט'ע איד.
הא הא גופא קושיא,
גמרא תוספות רש"י
לימא, ואי תימא, היינו היינו הך.
אין אין הכי נמי,
דברי תנא קמא,
ואיבעית אימא, רמז ראיה סמך.

דאס זעצן די ווערטער, אזוי אז עס זינגט זיך נאטורליך אז א געוואלטיגע טאלאנט פון ליפא שמעלצער, און לענ"ד קומט קיינער נישט אן לקרסולי רגליו אין דעם נקודה. נאך א ניגון וואס כ'דערמאן זיך יעצט איז ליפא'ס גראמען אויף יוסי גרין'ס התו השמיני (The Eighth Note) ווי ער זינגט אפ די נעמען פון גרינ'ס פאפולערע קאמפאזיציעס אין א גראם.
רבון העולמים, היינט באחרית הימים; רבון העולמים, ווי מיר לעבן היינט איז שווער צו זיין א תמים. - שלמה גרטנר, והתקין
באניצער אוואטאר
יידל
חבר ותיק
חבר ותיק
 
הודעות: 4914
זיך רעגיסטרירט: זונטאג פעברואר 26, 2012 12:44 am
האט שוין געלייקט: 2918 מאל
האט שוין באקומען לייקס: 4329 מאל

הודעהדורך משה געציל » דאנערשטאג מאי 02, 2013 3:29 pm

:like :like :like
הפלא ופלא וואס צוויי גאט געבענטשטע הענט און א פליסיגן מח זענען אומשטאנד צו פראדעצירן! פינקי ארויף פינקי אראפ, מאראנצןזאפט! זה הא!
ומי קרי לחינוך השלמה, והא תניא אי זה חינוך היה רגיל לאכול בשתי שעות מאכילין אותו לשלש בשלש מאכילין אותו בארבע? אמר רבא בר עולא תרי חנוכי הוו: (יומא פ"ב ע"א)
באניצער אוואטאר
משה געציל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1676
זיך רעגיסטרירט: דינסטאג מערץ 27, 2012 2:12 pm
האט שוין געלייקט: 2957 מאל
האט שוין באקומען לייקס: 2735 מאל

נעקסט

גיי צוריק אנשי שם

ווער איז יעצט דא?

באניצער וואס לייענען דעם פארום: נישטא קיין אנליין באניצער און 5 געסט