די איינזייטיגע מלחמה קעגן ציונות

מחשבה, השקפה ועיון

די איינזייטיגע מלחמה קעגן ציונות

הודעהדורך שיטה מקובצת » מיטוואך יוני 06, 2018 3:11 pm

אסאך שפעטן אפ פון סאטמאר אז די מלחמה קעגן ציונות ווערט ווייטער געפירט מיט אייפער און ברען, און אפילו ווען מ'שפירט א צורך אנצופילן א סטעדיום האט מען נישט קיין בעסערע נושא צו רעדן ווי פון ציונות. "איז דען ציונות נאך רעלעווענט היינט?" פרעגט מען. אבער די סאטמארער ענטפערן אז אוודאי איז עס רעלעוואנט. עס זענען ליידער דא אידן וואס ווערן פארכאפט אין מחשבת ציונות, פרייען זיך מיט די מדינה, און פארשטייען נישט די שיטה פון הרה"ק מסאטמאר זי"ע. אוודאי איז וויכטיג אפילו אין תשע"ח צו רעדן קעגן די גרויסע קליפה הציונות.

איך וויל אבער גיין א שטאפעל ווייטער און זיך אריינטיפן אין די "מלחמה" קעגן ציונות פון תשע"ח. ווען דער הייליגער סאטמארער רבי האט געפירט א מלחמה קעגן ציונות איז עס געוועהן א צוויי-זייטיגע מלחמה. די ציונים האבן דעמאלט פארארבייט מעשים משפיע צו זיין אויף גאנץ כלל ישראל, און די ציוניסטישע אידעע איז באמת געוועהן א נסיון וואס סאטמאר האט געדארפט אפווארפן. אויך מו"ר הגה"ח רבי אביגדור מיללער זצוק"ל האט לוחם געוועהן קעגן ציונות, און האט געשטורעמט אז די אידישע אמעריקאנע גאס זאל זיך נישט מיטכאפן מיט דעם עגל ציוני.

ווען סאטמארער רבי האט פאררופן א פראטעסט איז די כוונה נישט געוועהן "מ'דארף טון, נישט אויפטון", נאר דייקא צו טשעפענען די ציונים. און די ציונים זענען טאקע געטשעפעט געווארן. עס האט זיי געשטערט אז טויזנטער פרומע אידן שרייען אויס אין די גאסן פון מאנהעטען אז אין לנו חלק ונחלה במדינת הציונות. ווען סאטמארער רבי זצ"ל האט געהייסן שרייבן ארטיקלען קעגן די ציונים אין דער איד, איז עס געוועהן א ענטפער קעגן ארטיקלעך אינעם מארגן זשורנאל און אין אנדערע ציוניסטישע צייטונגען. ווען סאטמארער רבי האט געשריבן ויואל משה און על הגאולה ועל התמורה איז דאס געוועהן א חלק פון א דיאלאג, א צוויי-זייטיגע מלחמה, צווישן ארטיקלען און בירורים פון די צד השני.

ווען חרדי'שע רבנים האבן געפירט א מלחמה קעגן השכלה איז עס געוועהן א צוויי-זייטיגע מלחמה. משכילים האבן פרובירט משפיע צו זיין אויף דער יונגט, און די רבנים האבן זיך געשלאגן פאר זייער אייגענע השפעה. שטעלט אייך פאר איינער זאל היינט אנפילן א סטעדיום קעגן השכלה. א חרדי'שער רב קען טענה'ן אז א "חרדי" איז פאר דורות דעפינירט געווארן ווי איינער וואס איז לוחם קעגן השכלה, אויב אזוי דארפן מיר דאך חזר'ן און משנן זיין די וויכטיגע שיטות קעגן השכלה וואס אונזערע רבי'ס האבן געשריבן אין זייערע ספרים. עס פארשטייט יעדער אז דאס איז לעכערליך. השכלה איז נישט קיין סכנה היינט, ווייל עס איז נישט דא קיין צוויי-זייטיגע מלחמה צווישן משכילים און חרדים. דאס אז א חרדי קען נכשל ווערן מיט א מחשבת השכלה מאכט נאך נישט די התנגדות אויף השכלה פאר א מלחמה. איז כאטש אמאל האט די מלחמה קעגן השכלה כאראקטעריזירט דעם חרדישן איד, איז עס היינט מער נישט רעלעוואנט.

ציונות איז היינט דארט וואו השכלה איז. קיין שום ציוני פירט נישט קיין מערכה לטובת די רעיון הציונות צווישן חרדי'שע אידן. די ארטיקלען אין דער איד זענען א קול קורא במדבר, און קיינער ענטפערט נישט אויף זיי. ציוניסטישע צייטונגען באריכטן וועגן סאטמאר ווי א קוריאז, און עס גייט קיינעם נישט אן וואס סאטמאר שרייט קעגן די ציונים. מ'קען נישט פירן א מלחמה קעגן ציונות ווייל עס איז נישט דא קיין מלחמה. יא, א סאטמארער יונגערמאן קען אמאל נכשל ווערן מיט א מחשבת ציונות פונקט ווי ער קען נכשל ווערן מיט א מחשבת השכלה. נו, זיי מעורר אויף דעם. אבער "מלחמה" מאן דכר שמיה?

ווען די ארטאדאקסן און נעאלאגן האבן זיך געשלאגן אויף שליטה אין אונגארישע קהילות, איז געוועהן א מלחמה. אבער איינמאל ס'איז געוועהן א טיילונג איז רעפארם שוין נישט געוועהן קיין נושא אין ארטאדאקסישע קהילות - נאר אויף וויפיל ס'איז אויסגעקומען זיך צו שלאגן צוויי-זייטיג. ווען סאטמארער רבי האט געלעבט זענען די ציונים געוועהן אחינו ובשרינו, מיר זענען אלע געוועהן מלחמה-איבערלעבערס, און יעדער איז געוועהן א קאנדידאט פאר ציונות אדער אנטי-ציונות. סאטמאר רב האט לוחם געוועהן צו כאפן יעדן נפש פאר דעם צד פון אנטי-ציונות.

פופציג יאר שפעטער האבן מיר גארנישט מיט ציונות. דאס חרדי'ש אידנטום איז גענצליך אפגעטיילט פון די ציוניסטישע וועלט. מיר ווערן נישט קיין ציונים נישט ווייל ס'אינטערעסירט אונז צו ציונות איז אמת צו נישט, נאר ווייל מיר זענען חרדים און חרדים זענען נישט קיין ציונים. מיר זענען אנטי-ציוניסטיש פאר דער זעלבער סיבה פארוואס מיר זענען אידן און נישט קיין קריסטן: ווייל מיר זענען געבוירן געווארן אין וויליאמסבורג צו חרדי'שע עלטערן.

איז דען שייך צו פירן א מלחמה ווען ס'איז נישט דא ווער ס'שלאגט אויף פארקערט??
דו גלייבסט אין דיינע עלטערן, וועגן דעם גלייבסטו אין באשעפער.
איך גלייב אין באשעפער, וועגן דעם גלייב איך מיינע עלטערן.

--שיטה מקובצת
שיטה מקובצת
היימישער באניצער
היימישער באניצער
 
הודעות: 517
זיך רעגיסטרירט: דאנערשטאג מאי 10, 2012 9:03 am
האט שוין געלייקט: 476 מאל
האט שוין באקומען לייקס: 1220 מאל

הודעהדורך איסר האטלקי » מיטוואך יוני 06, 2018 3:41 pm

נו ודאי איז דא א צד פארקערט. פאראיאר איז עס געווען די אגודה און היי יאר די זאלוינים.

איינמאל ס'וועט טאקע נישט זיין צוויי צדדים, גייט זיין שטיל איבעראל...
איסר האטלקי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1129
זיך רעגיסטרירט: מאנטאג מאי 23, 2016 2:00 am
געפינט זיך: צווישן קאסוב אין וויזניץ
האט שוין געלייקט: 638 מאל
האט שוין באקומען לייקס: 704 מאל

הודעהדורך יעקב מענטש » מיטוואך יוני 06, 2018 4:02 pm

דער רעיון הציוני איז שוין היינט נישט אזוי פאפולער פשוט ווייל היסטאריע האט אונז געלערנט אז ס'האט געברענגט מער פראבלעמען פאר אידן ווי לייזונג.

אבער די דריוו פון ציונים צו מאדערנזירן און אפפירן חרידים פון וועג איז שוין איינמאל דא, און זיי זאגן עס קלאר! די פארמערונג פון חרידים (און להבדיל אראבער) שטעלן אין געפאר די עקזיסטענץ פון די מדינה.
יעקב מענטש
ידיד ותיק
ידיד ותיק
 
הודעות: 875
זיך רעגיסטרירט: דינסטאג אפריל 28, 2015 5:40 pm
האט שוין געלייקט: 796 מאל
האט שוין באקומען לייקס: 794 מאל

הודעהדורך קומזיץ » מיטוואך יוני 06, 2018 4:51 pm

יעקב מענטש האט געשריבן:דער רעיון הציוני איז שוין היינט נישט אזוי פאפולער פשוט ווייל היסטאריע האט אונז געלערנט אז ס'האט געברענגט מער פראבלעמען פאר אידן ווי לייזונג.

אבער די דריוו פון ציונים צו מאדערנזירן און אפפירן חרידים פון וועג איז שוין איינמאל דא, און זיי זאגן עס קלאר! די פארמערונג פון חרידים (און להבדיל אראבער) שטעלן אין געפאר די עקזיסטענץ פון די מדינה.


עס איז אמת אז זיי האבן פיינט די פרומע , אבער עס גארנישט מיט רעיון הציוני פון האבן א אייגענע מדינה , זיי זיכען אונז נישט צו מאכן פריי אדרבה עס הערשט א שנאה צווישן זיי מיט אונז,

זיי פראבירן אונז צו שווער מאכן די לעבן און אויף דעם איז דא די חברי הכנסת וואס ארבעטן אפצושאפן די גזירות
קומזיץ
ידיד השטיבל
ידיד השטיבל
 
הודעות: 213
זיך רעגיסטרירט: זונטאג סעפטעמבער 18, 2016 9:17 pm
האט שוין געלייקט: 338 מאל
האט שוין באקומען לייקס: 288 מאל

Re: די איינזייטיגע מלחמה קעגן ציונות

הודעהדורך ליטוואק פון בודאפעסט » מיטוואך יוני 06, 2018 4:56 pm

איך בין נאר מסכים מיט האלב, אז היינט איז עס א קול קורא במדבר. דעמאלס איז עס אויך געווען א קול קורא במדבר, וואס האט קיינעם נישט געשטערט. יא, די סאטמוירים מאכען כאילו עס איז געווען חצים ובליסטראות, אבער אין די רעקארדס פון די חצים ובליסטראות געשעפטען פון יענער צייטען האט מען נישט געטראפען קיין גרויסע ארדערס פון יענער צייטען.

יא, אפאר חרדישע אידען האבען געהאלטען ער טרייבט איבער, און מ׳האט זיך געלאזט הערען אין דער מארגען דזשורנאל, א צייטונג געווידמעט פאר היימישע אידען.

די היסטאריא האט באוויזען אז דאס בויען בתי מדרשים מיט ישיבות און חדרים וואס לערנען תורה, זענען די בעסטע, און די איינציגסטע, מיטעל וויאזוי מ׳ווערט פטור פון ׳דעות כוזבות׳. אלע חדרים האבען קיין ווארט נישט דערמאנט ציונות, און וואונדער אויף וואונדער, קיינער האט נישט קיין פאן אויף ה׳ אייר. אין א"י, איז מען אריין אין כנסת און מ׳רעדט עברית, און נאכאלס זענען די איזראעלי יונגעלייט גענצליך אפגעשיידען פון די פרייער גאס.

אין די מאדערנע וועלט זענען זיי געווארען ציונים, וואס האט זיי מסתמא געראטעוועט פון ווערען אויסגעמישט מיט די גוים. און דיין רבי׳ן, וואס איז געווען א פולקאמע פראדוקט פון די מאדערנע וועלט, האט גערעדט זייער נושאים אין זייער שפראך. אז מ׳קוקט אויף די וועבסייט ווי מ׳זעט זיין מיינונג און שאלות ותשובות זעט מען אז ער איז קיינמאל נישט ארויס פון פאבליק סקול, מיט אסאך גויישע הנחות און גלויבונגען. זיין קנה מדה פון מאראליטעט, דער ניקסאן, האט מיט אידישקייט גארנישט געהאט, אפילו איינער וואס מיינט אז די רעכטע זענען גערעכט. וכ"ה אין אסאך עניינים, ובפרט זיין טהעזע אויף ציונות, וואס איז זייער סימפליסטיש און קליינקעפיג. יא, ער האט געמיינט ערנסט און זיך געהאלטען ביי זיינס, אבער זיין מיינונג איז נישט עפעס א דעת חכם, און זיין מלחמה דארף נישט צו ווייזען אז יש דברים בגיו.



Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 7367
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2641 מאל
האט שוין באקומען לייקס: 6955 מאל

הודעהדורך ביבער » מיטוואך יוני 06, 2018 5:46 pm

ס'פשוט אז די מלחמה איז צווישן אהרן זלמן לייב. ציונות איז יעצט געווען די חצים ובליסטראות וואס מ'האט געשאסן צווישן זיך. איי איבער וואס שלאגן זיך אהרן זלמן לייב? קיינער ווייסט נישט אבער שלאגן איז אייביג געווען פון די יסודי הדת ביינונז.
באניצער אוואטאר
ביבער
ידיד ותיק
ידיד ותיק
 
הודעות: 617
זיך רעגיסטרירט: דאנערשטאג נאוועמבער 29, 2012 4:12 pm
האט שוין געלייקט: 574 מאל
האט שוין באקומען לייקס: 610 מאל

הודעהדורך Avrom » מיטוואך יוני 06, 2018 6:06 pm

מי בראש
Avrom
מאנשי שלומינו
מאנשי שלומינו
 
הודעות: 60
זיך רעגיסטרירט: דינסטאג מאי 29, 2018 12:54 am
האט שוין געלייקט: 0 מאל
האט שוין באקומען לייקס: 2 מאל

הודעהדורך יעקב מענטש » דאנערשטאג יוני 07, 2018 2:20 pm

קומזיץ האט געשריבן:
יעקב מענטש האט געשריבן:דער רעיון הציוני איז שוין היינט נישט אזוי פאפולער פשוט ווייל היסטאריע האט אונז געלערנט אז ס'האט געברענגט מער פראבלעמען פאר אידן ווי לייזונג.

אבער די דריוו פון ציונים צו מאדערנזירן און אפפירן חרידים פון וועג איז שוין איינמאל דא, און זיי זאגן עס קלאר! די פארמערונג פון חרידים (און להבדיל אראבער) שטעלן אין געפאר די עקזיסטענץ פון די מדינה.


עס איז אמת אז זיי האבן פיינט די פרומע , אבער עס גארנישט מיט רעיון הציוני פון האבן א אייגענע מדינה , זיי זיכען אונז נישט צו מאכן פריי אדרבה עס הערשט א שנאה צווישן זיי מיט אונז,

זיי פראבירן אונז צו שווער מאכן די לעבן און אויף דעם איז דא די חברי הכנסת וואס ארבעטן אפצושאפן די גזירות

די פירער פון צה"ל אליינס זאגן אז זי נוצן די מילטער אלץ א melting pot צו שאפן הארמאניע צווישן די מדינה'ס געזעלשאפט באשטייט פון אידן מארבע כנפות הארץ. דא האסטו א קוואוט פון די ניו יארק טיימס

"and serves as a melting pot for a complicated society with real enemies. "

בכלל קןקט נישט אויס ווי די ביזט באקאנט מיט די מדינה'ס היסטאריע פון העברת הדת, ילדי תימן ועוד.


ליטוואק איז אויפריכטיג.

ער טענה'ט אז מ'דארף האבן די מדינה אויפצובויען חדרים, כוללים, וכו'. הגם איך האב אלץ געוואוסט אז מ'דארף זיי האבן דארט צו קענען באקעמפן די גזירות פון 'אינעווייניג' אז מ'זאל אונז פשוט לאזן זיין ערליכע אידן, האב איך הנאה צו הערן פון אים דעם אמת אז מ'דארף פשוט זיכער מאכן אז די מדינה'ס עי טי עם שפייעט ווייטער געלט.

איך בין נאר מסופק צו דאס איז וואס די פריערדיגע גדולים האבן געמיינט מיטן געבן זייער צושטימונג צו זיצן אין כנסת, און זיין א חלק פון די קאאליציע.
יעקב מענטש
ידיד ותיק
ידיד ותיק
 
הודעות: 875
זיך רעגיסטרירט: דינסטאג אפריל 28, 2015 5:40 pm
האט שוין געלייקט: 796 מאל
האט שוין באקומען לייקס: 794 מאל

Re: די איינזייטיגע מלחמה קעגן ציונות

הודעהדורך ליטוואק פון בודאפעסט » דאנערשטאג יוני 07, 2018 6:05 pm

לכאורה האסטו אדער געליינט אן אנדערעמ׳ס תגובה אדער מיר נישט פארשטאנען. עכ"פ איך האב דאס נישט געזאגט.

די וועג זיך צו שלאגען מיט דעות כוזבות איז נאר דורך חינוך, נישט דורך דירעקטע שלאגען. נאר דורך מחנך זיין די מענטשען אין אמת, אן דערמאנען דער שקר כלל, און דורך שטעלען א גייסט פון תורה׳דיגע אמונות. דער סיסטעם פון זיך שלאגען, רעדען דירעקט קעגען זיי און פראבירען אפצופרעגען זייער גלויבונגען איז גאר א שוואכער מיטעל, וואס האט אסאך אומגעוואוטשענע אורזאכען, בתוכם שלעכטע מדות און היסח הדעת פון אמת.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 7367
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2641 מאל
האט שוין באקומען לייקס: 6955 מאל

הודעהדורך קומזיץ » פרייטאג יוני 08, 2018 1:21 am

יעקב מענטש האט געשריבן:
קומזיץ האט געשריבן:
יעקב מענטש האט געשריבן:דער רעיון הציוני איז שוין היינט נישט אזוי פאפולער פשוט ווייל היסטאריע האט אונז געלערנט אז ס'האט געברענגט מער פראבלעמען פאר אידן ווי לייזונג.

אבער די דריוו פון ציונים צו מאדערנזירן און אפפירן חרידים פון וועג איז שוין איינמאל דא, און זיי זאגן עס קלאר! די פארמערונג פון חרידים (און להבדיל אראבער) שטעלן אין געפאר די עקזיסטענץ פון די מדינה.


עס איז אמת אז זיי האבן פיינט די פרומע , אבער עס גארנישט מיט רעיון הציוני פון האבן א אייגענע מדינה , זיי זיכען אונז נישט צו מאכן פריי אדרבה עס הערשט א שנאה צווישן זיי מיט אונז,

זיי פראבירן אונז צו שווער מאכן די לעבן און אויף דעם איז דא די חברי הכנסת וואס ארבעטן אפצושאפן די גזירות

די פירער פון צה"ל אליינס זאגן אז זי נוצן די מילטער אלץ א melting pot צו שאפן הארמאניע צווישן די מדינה'ס געזעלשאפט באשטייט פון אידן מארבע כנפות הארץ. דא האסטו א קוואוט פון די ניו יארק טיימס

"and serves as a melting pot for a complicated society with real enemies. "

בכלל קןקט נישט אויס ווי די ביזט באקאנט מיט די מדינה'ס היסטאריע פון העברת הדת, ילדי תימן ועוד.


ליטוואק איז אויפריכטיג.

ער טענה'ט אז מ'דארף האבן די מדינה אויפצובויען חדרים, כוללים, וכו'. הגם איך האב אלץ געוואוסט אז מ'דארף זיי האבן דארט צו קענען באקעמפן די גזירות פון 'אינעווייניג' אז מ'זאל אונז פשוט לאזן זיין ערליכע אידן, האב איך הנאה צו הערן פון אים דעם אמת אז מ'דארף פשוט זיכער מאכן אז די מדינה'ס עי טי עם שפייעט ווייטער געלט.

איך בין נאר מסופק צו דאס איז וואס די פריערדיגע גדולים האבן געמיינט מיטן געבן זייער צושטימונג צו זיצן אין כנסת, און זיין א חלק פון די קאאליציע.


די נושא פון בחורי ישיבה איז שוין אויסגעשמועסט געווארן און אנדערע אשכולות ,
דא איז מען דן אויב ציונות אפעלירט היינט צו ערליכע יודן אז מ'זאל זיך דארפן שלאגן מיט דעם בחרב ובחנית און זיין מחולק מיט רוב כלל ישראל וועגן די איסור פון שלש שבועות וכו'...
און אויף דעם זעהט איר מודה אז היינט איז עס נישט דא מער , איז פארוואס און פארוועם זענען די אלע מלחמות??
וועגן די היסטוריה פון די מדינה לגבי ילדי תימן , איך האף אז איר ווייסט דאס איז א מעשה פון באלד 70 יאר צוריק וואס האט דאס א שייכות מיט אונז היינטיגע טעג? די זאגסט דאך אויכעט אז צייטן האבן זיך געטוישט,
און די מגפה פון ווערן אסמילירט איז אסאך שטערקער און אמעריקא ,איז אפשר וואלט ווערט געוועהן אריינצולייגען די געלט און פראפאגאנדע און די אמעריקאנע יודן אז זיי זאלן בלייבן ערליך און בלייבן יודן
קומזיץ
ידיד השטיבל
ידיד השטיבל
 
הודעות: 213
זיך רעגיסטרירט: זונטאג סעפטעמבער 18, 2016 9:17 pm
האט שוין געלייקט: 338 מאל
האט שוין באקומען לייקס: 288 מאל

הודעהדורך berlbalaguleh » פרייטאג יוני 08, 2018 7:08 pm

שיטה מקובצת: איך האב נישט געליינט וואס די אלע מגיבים האבן דא געזאגט. אבער איך וועלל צוליגן א נייטש. א נופך משלי...!

היינט איז מער נישט דא קיין ציונים. די אלע וועלכע זענען נישט רעליגיעז אדער גאר אנטי רעליגיע אין ארץ ישראל זענען אין פראקטישן זין גויים גמורים. ווער רעדט נאך פון די רוסישע אימיגראנטן און זייערע קינדער וועלכע זענען ברובם הגדול בכלל נישט פאררעכנט פאר קיין אידן על פי הלכה. און זיי אליינס האלטן זיך אויך נישט קולטורעל פאר אידן. להבדיל פון די מסורתיים. די אידן וועלכע זענען מערסטנס אפשטאמיגע פון די אראבישע מדינות. וואס כאטש זיי אליינס זענען אפשר נישט הונדרעט פראצענט ערליכע אידן. אבער זיי האלטן זיך שטארק צו די מסורה. טראדיציע. און זיי האבן ליעב. און רעספעקטירן די אידישע הלכה און זייערע פראקטיצירערס. און די אלע (נישט גוטע זאכן) וואס די חילונים/פרייע אנטי רעליגיעזע טוען אין ארץ ישראל, איז נישט אין נאמען פון ציונות. נאר פשוט אלס גויים. ממילא דארפן מיר זיך אונז אפלאזן פון זיי און נישט טראכטן פון זיי. אונז האמיר א תורה. און אונז דארפן מיר זיך קאנצענטרירן אויף לימוד התורה וקיום המצוות. און פארגעסן פון ציונות. ווייל ס'עקזיסטירט שוין מער ב"ה נישט... !
באניצער אוואטאר
berlbalaguleh
חבר הכבוד
חבר הכבוד
 
הודעות: 11837
זיך רעגיסטרירט: דינסטאג יולי 17, 2012 12:57 pm
האט שוין געלייקט: 13150 מאל
האט שוין באקומען לייקס: 7548 מאל


גיי צוריק העמק דבר

ווער איז יעצט דא?

באניצער וואס לייענען דעם פארום: נישטא קיין אנליין באניצער און 4 געסט