ווען די קושיות און ספיקות נאגן ביים הארץ

מחשבה, השקפה ועיון

ווען די קושיות און ספיקות נאגן ביים הארץ

הודעהדורך ראובן » פרייטאג נאוועמבער 08, 2019 12:50 pm

המשך פון די פריערדיגע צוויי מאמרים:

לאז אפ חקירה, לאמיר גלייבן מיט אמונה פשוטה

גוט, מ'האמיר שוין אמונה פשוטה. וואס יעצט?


אין אונזערע פריערדיגע מאמרים האבן מיר אויסגעקלארט וויאזוי אמונה פשוטה קען זיין די ריכטיגע אמונה פאר אונז, און וויאזוי עס איז פאקטיש נישט פאראן קיין אנדערער וועג וויאזוי צו זיין א מאמין. מיר האבן אויך מסביר געווען אז אמונה פשוטה קען נאר ארבעטן מיט ענוה און בויגזאמקייט, און אז וויבאלד אמונה קען נאר זיין אמונה פשוטה, מוז די אמונה זיין געשמאק און ברענגען בענעפיטן און פאזיטיוויטעט פאר'ן מענטשן.

וויאזוי דאס אלעס שפילט זיך אויס קען מען זען הלכה למעשה אין א פאל וואס האט געמאכט א שטיקל שטורעם, און אין וועלכער דער בלאגער הערי מארילעס האט לעצטנס אריינגערעדט. עס האנדלט זיך מיט א פארפאלק וואס רופט זיך מיט די פסעוודאנימען פילון און דזשודי. זיי זענען אויפגעוואקסן חרדיש, האבן חתונה געהאט חרדיש, און האבן געפירט א חרדיש כולל לעבן. אלס א שטארק ראציאנאלער מענטש, האט פאר פילונ'ען גענאגט קושיות אויף אמונה, ביז ער האט מחליט געווען אז די גאנצע אמונה איז בטעות יסודה און ער איז געווארן אן אפיקורס.

זיין ווייב איז צוערשט שרעקליך צעשטורעמט געווארן פון דער אנטוויקלונג און איז אריינגעפאלן אין א דעפרעסיע. אבער נאך א צייט, זייענדיג א פארשטענדליכע אידענע אליין, האט זי אנגעהויבן לייענען און פארשטיין וויאזוי איר מאן איז צוגעקומען צו זיינע מסקנות, און זי האט אויך פארלוירן איר אמונה. עס האט נישט גענומען לאנג ביז זיי האבן מחליט געווען אז זיי גייען זיך אפיציעל אפלאזן פון זיין חרדישן לעבנסשטייגער, און האבן טראספארמירט זייער משפחה צו א סעקולערן לעבן – צו דעם גרויסן צער פון זייערע עלטערן, קרובים און פריינט.

מר. מארילעס באוויינט די "טרויעריגע פרשה", ווי ער רופט עס. ער שרייבט:

    איך בין זיכער אז איך האב שוין געהאט טייל פון די זעלבע קושיות וואס דאס פארפאלק האט געהאט. און פונקט ווי זיי, האב איך לאו דווקא געטראפן צופרידנשטעלנדע ענטפערס פאר די פראגעס. זיי זענען אוודאי נישט דאס איינציגסטע פארפאלק וואס האט געהאט אזעלכע סארט פראגעס. אבער רוב זענען נאך מאמינים. פילון און דזשודי זענען מער נישט. ווי כ'האב לעצטנס געזאגט, אמונה איז אין תוך עפעס וואס קען נישט ווערן איבערגעוויזן. אויב מ'וואלט עס געקענט איבערווייזן, וואלט מען נישט געדארפט אמונה... איך גיי נישט אריינגיין אין די דעטאלן פארוואס איך גלייב אז אידישקייט איז דער אמת. Been there, and done that. איך וועל נאר ווידערהאלן וואס איז אפן און קלאר: איך גלייב אין גאט און אין דעם אמת פון אידישקייט.

מר. מארילעס איז פארלוירן און פארוואונדערט פארוואס די זעלבע קושיות וועלן אים נישט מאכן פארלירן די אמונה, און א צווייטן יא. ער קען נישט פארשטיין פארוואס מאנכע כאפן נישט אז אמונה קען נישט האבן קיין באווייזן, נאר איז א קבלה בלב האדם אויף וואס מ'דארף נישט קיין באווייזן.

נאר דער אמת איז אז מארילעס איז גערעכט – ווי כ'האב אויסגעשמועסט אין די פריערדיגע מאמרים. אן אמת'ער שכל'דיגער מענטש קען נישט זיין קיין מאמין באזירט אויף ראציאנאליזם. ס'איז נאר שייך אמונה פשוטה – אבער אמונה פשוטה האט באגרעניצונגען, הויפטזעכליך, אז ס'דארף זיין א פאזיטיווער קראפט פאר דעם מענטש. אנדערש איז נישט דא קיין סיבה אז דער מענטש זאל מחליט זיין צו נעמען אויף זיך די קבלה בלב.

אן קענען צופיל דעטאלן איבער דעם לעבן פון הערי מארילעס לעומת פילון און דזשודי, איז דא א פונדאמענטאלער חילוק: מארילעס איז א מאדערנער ארטאדאקס און פילון איז געווען א חרדי. אמת אז פילון האט נישט געהאט קיין פראבלעם מיט זיין חרדיש לעבן און אלע באגרעניצונגען וועלכע קומען מיט דעם – אבער דאס איז נאר געווען ווען עס איז געווען א ראציאנאלע סיבה פאר די אלע פירונגען, און ער האט געהאלטן אז די אמונה קען ווערן איבערגעוויזן. איינמאל ס'איז קלאר געווארן אז עס איז נאר תלוי בלב האדם און מ'קען נאר גלייבן מיט אמונה פשוטה, האט אנגעהויבן בויערן די שאלה, פארוואס? פארוואס זאל איך מקבל זיין אויף מיר צו גלייבן אין א סיסטעם וואס זאגט אז איך זאל זיצן אין כולל און מיין ווייב זאל ארבעטן פאר מיר בעת מיר זענען נהנה פון אלע רעגירונג פראגראמען? פארוואס זאל איך מקבל זיין אויף מיר צו גלייבן אין א סיסטעם וואס זאגט אז כ'דארף צוריקהאלטן מיינע קינדער פון באקומען א נארמאלן עדיוקעישאן? פארוואס זאל איך נעמען אויף מיר צו גלייבן אין א סיסטעם וואס זאגט אז נאר אויב איך טו כל מיני אמונות טפילות קען איך אריינפאסן אין דער סביבה?

מר. מארילעס קען גרינג נעמען אויף זיך די קבלה צו גלייבן ווייל ער דארף נישט גלייבן אין א חרדיש לעבן; ער דארף נאר גלייבן אין אידישקייט. און ס'איז גרינגער צו נעמען אויף זיך צו גלייבן אין אידישקייט אן די אלע באגרעניצונגען וואס חרדיזם צווינגט ארויף, בפרט ווען דאס אידישקייט מאכט דעם לעבן שענער אין בעסער.

אבער נעמען אויף זיך א חרדיש לעבן איז געווענליך נישט בארעכטיגט ווען עס קומט פון אן אמונה פשוטה. אזא לעבן מוז זיין אינגאנצן ראציאנאליזירט – א זאך וואס איז נישט שייך, אויב מ'איז אויפריכטיג. און ממילא איז פאר פיל מענטשן נישט שייך ווייטער אנצוהאלטן דעם לעבנסשטייגער פון ביז יעצט.

והיה כי ישאל השואל, גוט, כ'פארשטיי אז פילון און דזשודי האבן מער נישט געקענט בארעכטיגן א חרדיש לעבן, אבער פארוואס האבן זיי געדארפט אינגאנצן ארויסווארפן דעם קינד מיט'ן וואסער? זאלן זיי יעצט מקבל זיין אויף זיך צו זיין מאדערן ארטאדאקסיש, און האבן א מאדערן לעבן באגלייט מיט דער שיינקייט פון אידישקייט. די טענה איז א גוטע, און ערקלערט פארוואס געוויסע זענען טאקע בוחר צו ווערן מאדערנע ארטאדאקסן נאכ'ן רעאליזירן אז מ'קען נישט ראציאנאל באשטעטיגן אידישקייט, און ממילא קען מען נישט בארעכטיגן די חרדישע באגרעניצונגען. אבער פאר געוויסע איז דאס אריבערגיין צו מאדערנע ארטאדאקסיע כמעט ווי עמיגרירן צו אן אנדערער רעליגיע. פאר זיי איז עס ווי איינער זאל טענה'ן: פארוואס האסטו געדארפט ווערן אינגאנצן סעקולער? אויב דו האסט איינגעזען אז אידישקייט קען מען נישט אויפווייזן, האסטו כאטש געקענט ווערן א קריסט!

ווי געזאגט דארף א קבלה בלב פאר אמונה פשוטה זיך לוינען. אויב אריבערגיין צו מאדערן ארטאדאקסיע וועט פאר מיין ברייטער משפחה מיינען פונקט ווי כ'בין אינגאנצן אראפ פון דרך, קען מען דאך שוין אינגאנצן אראפ פון דרך. אויב וועט עס מיינען אז די מאדערנע ארטאדאקסישע אידן וועלן אויף מיר אראפקוקן, און וועלן מיר נישט מקבל זיין ווי אחד מן החבורה – צו וואס פעלן אויס די שוועריגקייטן? אויב וועט עס מיינען אז צוליב נישט פארמאגן אן עדיוקעישאן וועל איך נישט קענען האבן א גוט-באצאלטן דזשאב, און כ'וועל נישט קענען אויסהאלטן די אומגעהויערע שכר-לימוד הוצאות פון מאדערן-ארטאדאקסישע שולעס – פארוואס זאל איך מיר מוסר נפש זיין אויף דעם?

ווען עס נאגן פראגעס אין הארצן פאר א חרדישן איד איז דער וועג צו גענצליך אפלאזן אידישקייט ליידער פיל מער מובן מאליו ווי ווען די זעלבע פראגעס נאגן ביים הארץ פון א מאדערנעם איד.

היוצא מזה:

1. עס איז איראניש, אבער חרדישקייט קען צומאל גרינגער גענצליך אוועקטרייבן א איד פון יהדות ווי מאדערנער ארטאדאקסיע. הויפטזעכליך ווען מ'רעדט פון העכערע קוואליטעט מענטשן.

2. כדי צו האלטן ביי אונז אזעלכע אידן ווי פילון, דארפן חרדים זען אז ס'זאל עקזיסטירן א בענעפיט פאר איינעם פון אונז ביים ווערן מאדערן ארטאדאקסיש, און נישט אז אויב ער טוישט אהין זאל זיך אים שוין פונקט אזוי לוינען צו ווערן אינגאנצן פריי. אויב וועלן עלטערן אפהאקן מיט קינדער וועלכע ווערן מאדערן ארטאדאקסיש, וועלן זיי נישט האבן קיין בענעפיט אין בוחר זיין באמונה פשוטה צו זיין פרומע אידן, און מ'וועט זיי אינגאנצן פארלירן.

3. אזעלכע ווי הערי מארילעס דארפן ארבעטן ביי זיך אין די מאדערנע ארטאדאקסישע קהילות אז מאדערן ארטאדאקסיע זאל זיין א באקוועמע אפציע פאר חרדים וועלכע זענען מקבל אויף זיך אמונה פשוטה. מ'דארף זיי מקרב זיין, און העלפן מיט פריינט, א קהילה, און שולעס.
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2473
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3114 מאל
האט שוין באקומען לייקס: 9729 מאל

הודעהדורך אישתישבי » פרייטאג נאוועמבער 08, 2019 4:17 pm

אננעמען איינער וואס איז געווארען מאדערן ארטאדאקס? וואס עפעס, מען קען אפילו נישט אננעמען ווען איינער ווערט און אנדערע חסידות. האשכול מיט דער מאדערנער ארטאדאקס רב יוכיח.

אקעי, מען ווארפט נישט ארויס, אבער מען ווארפט היינט נישט ארויס אפילו ווען מען ווערן גענצליך פריי.

נאך א נקודה פארוואס עס מאכט נישט קיין סענס צו ווערען מאדערן ארטאדאקס, כולנו יודעים אז דער אמת'ער סיבה פארוואס אונז זענען חרדים איז ווייל מען איז דא געבוירען געווארן, ווען איך ווער געבוירען אין כינע וואלט איך נישט געווארען קען חרדי, ומהאי טעמא מאכט נישט קיין סענס צו ווערען מאדערן ארטאדאקס, ווייל אויב בין איך נישט דאס וואס איך בין געבוירען געווארען צו זיין, איז אלעס ארויס.
ותאמרנה הבנות, הכי קראת שמו ספייקי, ויספקני זה פעמיים, באחוריים.
מקור
אישתישבי
חבר ותיק
חבר ותיק
 
הודעות: 2086
זיך רעגיסטרירט: מיטוואך מערץ 09, 2016 12:19 am
האט שוין געלייקט: 80 מאל
האט שוין באקומען לייקס: 1101 מאל

הודעהדורך berlbalaguleh » פרייטאג נאוועמבער 08, 2019 4:24 pm

ראובן: מיט די נקודות #2 און#3 ביניך מסכים 100%. ווייל איך קען ביידע סארט מענטשן. סיי געבוירענע מאדערן ארטאדאקסן. און סיי געווארענע. פון חרדים. און א סאך פון די געבוירענע מאדערן ארטאדאקס זענען שטארק אין אמונה פשוטה. און אין געוויסע עניינים זענען זיי נאך אפילו פרומער ווי די חרדים.

מיט נקודה #1 ביניך טיילווייז מסכים. ווייל ביי די מאדערן ארטאדאקס גרופ פאללן אויך אוועק א געוויסער פראצענט. ווייל זיי האבן פארלוירן די אמונה פשוטה. דורכגייענדיג א קריזיס...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13210
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14733 מאל
האט שוין באקומען לייקס: 8417 מאל

ווען די קושיות און ספיקות נאגן ביים הארץ

הודעהדורך מי אני » מוצ"ש נאוועמבער 09, 2019 8:47 pm

אין א וועג טענה׳ט ער דאס פונקט פארקערטע: אז וויבאלד די מאדערן-ארטאדאקס האבן א מער ראציאנאלן צוגאנג און אויסקוק צו יהדות וכו׳ לעומת די [החסידים] וואס האבן א מער מיסטישן מהלך, דאס מאכט זיי פארלירן די אמונה.

נאר איך מיין וואס ראובן מיינט בעיקר איז דאס מאטעריאליסטישע [דעם פילאזאפישן טערמין] און ליטעראל (ואולי גם פונדאמענטעליסט) צוגאנג וואס חרדים האבן צו זייער מיסטישע מהלך, וואס איינמאל דאס קומט אריין אין צווייפל, איז עס סם פאר׳ן אמונה. אין דעם געביט איז דאס לכאורה בעסער ביי די מאדערן-ארטאדאקס.
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז"... - יאיר דא
באניצער אוואטאר
מי אני
ידיד ותיק
ידיד ותיק
 
הודעות: 748
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 4325 מאל
האט שוין באקומען לייקס: 427 מאל

הודעהדורך ראובן » מוצ"ש נאוועמבער 09, 2019 10:22 pm

אישתישבי האט געשריבן:נאך א נקודה פארוואס עס מאכט נישט קיין סענס צו ווערען מאדערן ארטאדאקס, כולנו יודעים אז דער אמת'ער סיבה פארוואס אונז זענען חרדים איז ווייל מען איז דא געבוירען געווארן, ווען איך ווער געבוירען אין כינע וואלט איך נישט געווארען קען חרדי, ומהאי טעמא מאכט נישט קיין סענס צו ווערען מאדערן ארטאדאקס, ווייל אויב בין איך נישט דאס וואס איך בין געבוירען געווארען צו זיין, איז אלעס ארויס.

דאס איז וואס כ'זאג אינעם ארטיקל, אז ס'איז צומאל ווי מ'זאל זאגן אז מ'זאל ווערן א קריסט.
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2473
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3114 מאל
האט שוין באקומען לייקס: 9729 מאל

הודעהדורך berlbalaguleh » זונטאג נאוועמבער 10, 2019 1:06 pm

ראובן האט געשריבן:
אישתישבי האט געשריבן:נאך א נקודה פארוואס עס מאכט נישט קיין סענס צו ווערען מאדערן ארטאדאקס, כולנו יודעים אז דער אמת'ער סיבה פארוואס אונז זענען חרדים איז ווייל מען איז דא געבוירען געווארן, ווען איך ווער געבוירען אין כינע וואלט איך נישט געווארען קען חרדי, ומהאי טעמא מאכט נישט קיין סענס צו ווערען מאדערן ארטאדאקס, ווייל אויב בין איך נישט דאס וואס איך בין געבוירען געווארען צו זיין, איז אלעס ארויס.

דאס איז וואס כ'זאג אינעם ארטיקל, אז ס'איז צומאל ווי מ'זאל זאגן אז מ'זאל ווערן א קריסט.

ראובן און אישתישבי: אבער לפענ"ד איז איינס פון די הויפט סיבות פאר די נושרים און או.טי.די.'ס ווייל 95% פון דעם חרדי'שן חינוך איז נעגאטיוו. ס'איז פול מיט נעגאטיווע ידיעות און פראקטיק. ס'איז דא א בארג פון זאכן וואס מ'טאר אלץ נישט טון. כמעט אלעס איז פארבאטן וועגן דעם רבי'נ'ס בויכווייטאג. און וועגן יענעם רעבי'ן'ס דמיונות. און נאך אפילו ווייניגער פון 5% לערנט מען פאזיטיווקייט פון אידישקייט. מ'לערנט נישט אויס די קינדער פארוואס אונז עסן כשר און האלטן שבת. און לייגן תפילין אדער זיצן אין סוכה. און אלעס וואס די קינדער טוען איז נאר כמעשה קוף בעלמא. און ווען זיי פרעגן קשיות שרייט זיי דער טאטע אדער דער רבי אן. דו שייגעץ. דו אפיקורס...מ'טאר נישט פרעגן קיין קשיות...און דאס זענען טאקע די תוצאות. נישט די אינטערנעט אדער די סמארטפאונס...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13210
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14733 מאל
האט שוין באקומען לייקס: 8417 מאל

הודעהדורך אספקלריה » זונטאג נאוועמבער 10, 2019 3:15 pm

@ראובן
איך קלער אביסעל אנדערש ווי דיין מסקנא,
איך מיין אז די הויפט סיבה פארוואס אסאך חרדים גייען אינגאנצען או טי די, איז מכח די עקסטרימוזים וואס הערשט ביי געוויסע פון אונז,
פאר איינעם וואס תורה,תפילה,קיום המצוות איז א לייף סטייל, א וועג פון לעבן, וואס ער לעבט א איידעלע פרייליך לעבן, איז נישט דא קיין סיבה פארוואס זיין קאפ זאל עס איבערטראכטען, סגוט, סאיז זיס, סאיז אפליפטינג, סגעט א מטרה און סענס און לעבן, פארוואס זאל מען עס טזעלענזשון,סשפירט זיך עכט ביי די מענטש,און אזא מענטש וועט קיינמאל נישט אפלאזען די עיקרים, אפילו ער וועט נישט קענען פארנעמען געוויסע עקסטרימוזיום וועט ער אפלאזען די שטותים,אבער בלייבען מקושר צו וואס ער האט ליב.
דאס עיקר ווי סמאכט זיך א מענטש זאל אוועקגיין מחמת זיין קאפ, איז בא געוויסע עקסטרימע וואס לעבן נישט און זענען נישט מקושר מיט תורה, זיי האבען נישט קיין פערזענדליכע שייכות מיט תורה ומצוות, רעליגיע איז בא זיי א גרויס שטיק באצווינגקייט פון איידיעס און מאראלען, אזא איינער וועט איבערלאזען ווייל ער האט נישט קיינמאל געהאט א פערזענדליכע געפיל און יודישקייט.
פאר א מאדערן ארטאדאקס איז יודישקייט אזאך וואס ענהענסט זיין לעבן, סגעט עם וועליוס, און הרגשות פון קאננעקשין, מילא שטימט יא שטימט נישט ער האט ליב דיע לעבן.
גיי נעם א מענטש וואס לערנט זוהר בעיון מיט לשם און פילט א קשר מיט דעם, הייב איהם דרייען א קאפ זוהר אהער זוהר אהין,ער וויל נישט הערן ער באלעקט זיך מיט זוהר.
אספקלריה
ידיד השטיבל
ידיד השטיבל
 
הודעות: 152
זיך רעגיסטרירט: דאנערשטאג מערץ 28, 2013 10:21 am
האט שוין געלייקט: 56 מאל
האט שוין באקומען לייקס: 207 מאל

הודעהדורך הקטן » זונטאג נאוועמבער 10, 2019 5:16 pm

One thing I can say is that it is not because I am forcing myself to believes something that I know not to be true as Philo did for a while. Perhaps that is the key to understanding what happened to him.

He accepted the arguments against Judaism and God as the most logical answers to questions he had. Thus rejecting the one thing that is most important about belief. That belief does not depend on logic or observable fact. That unsolvable questions need not result a conclusion that one’s beliefs aren’t true. Even if it seems like the most logical explanation.

Sometimes logic about reality fails you, as (for example) the irreconcilable conflicting theories of Niels Bohr’s micro universe versus Einstein’s macro universe. As is the inexplicable Heisenberg Uncertainty Principle of Quantum Mechanics. That is where Emunah comes in.

That Philo was forcing himself to believe really means that he did not believe at all, once he had his questions answered in ways that satisfied his logical mind. To Philo non believing was a far better approach than simple faith.

But faith is important even to those of us that are rational thinkers in search of truth and find evidence (albeit not conclusive proof) of God’s existence. Because no matter how much evidence one sees in the majesty of God’s creation, it still requires a degree of Emunah Peshuta. Something the rational minds of Philo and Judy could apparently not accept. So strongly did they feel like this that they have ultimately made the decision to leave the community they loved so dearly.
I want atheism to be true and am made uneasy by the fact that some of the most intelligent and well-informed people I know are religious believers

Thomas Nagel
הקטן
חבר ותיק
חבר ותיק
 
הודעות: 2367
זיך רעגיסטרירט: דינסטאג מאי 15, 2012 7:30 pm
האט שוין געלייקט: 1820 מאל
האט שוין באקומען לייקס: 1081 מאל

הודעהדורך פרייוויליג » זונטאג נאוועמבער 10, 2019 10:54 pm

דער חרידי אין אים איז מחלל שבת.. חלק ב'...


ראובן, ווי שטענדיג אונז צונומען אויף שטיקלעך.
באניצער אוואטאר
פרייוויליג
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1616
זיך רעגיסטרירט: מיטוואך דעצעמבער 10, 2014 5:44 pm
האט שוין געלייקט: 1378 מאל
האט שוין באקומען לייקס: 1967 מאל

הודעהדורך ראובן » מאנטאג נאוועמבער 11, 2019 5:06 pm

פרייוויליג האט געשריבן:דער חרידי אין אים איז מחלל שבת.. חלק ב'...


ראובן, ווי שטענדיג אונז צונומען אויף שטיקלעך.

א דאנק פאר'ן קאמפלימענט, און פאר'ן מיך דערמאנען פון דעם ארטיקל -- וואס איז טאקע רעלעוואנט דא אהער.
דער חרדי אין אים איז מחלל שבת
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2473
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3114 מאל
האט שוין באקומען לייקס: 9729 מאל

הודעהדורך real fake news » דינסטאג נאוועמבער 12, 2019 4:37 pm

איך בין מסכים צו די ארגומענט אז רוב פון די וואס גייען אוועק איז פאר די אויבנדערמאנטע סיבה, אבער דאס קאווערט נישט יעדן.
מיין פראבלעם מיט יידישקייט (מיט אמונה פשוטה וואס איז קיינמאל נישט פעסטגעשטעלט געווארן ביי מיר) איז, אז ס'פייניגט מיך אויס טאג טעגליך, איך קען נישט עסן דא כקען נישט עסן דאס וכו', איך קען נישט טוהן דאס און יענץ, איך האב פשוטע אין פראסטע תאוות וואס יעדע בשר ודם האט וואס איך דארף מיך שלאגן מיט - קאנסטענעלי, איך קלאג יעדן טאג אז איך בין באשאפן געווארן א יוד.
די גויישע וועלט קוקט אויס גלאנציג און געשמאק אין אלע תענוגי עולם הזה איז עוועילעבעל מיט נאו באונדעריס, סקען זיין אז סאיז אלץ פאלש און בכלל נישט קיין גוט לעבן, אזויווי די חכם שרייט אין משלי קהלת וכו' אבער כהאב עס קיינמאל נישט געטרייט סאו איי קענט נאו יעט.
איך האב שוין געהאט צייטן וואס יידישקייט האט געשטראלט און סהאט מיר נישט אינטערסירט די פרייע וועלט, באט דאוז טיימס אר אווער (for now)
אין אפילו איף איי דא געט איט בעק איז עס נישט פארזיכערט, ס'וועט מיך נאך אלץ געבן א ציפ יעדע שטיק צייט, אז נאך אלע מעשיות איז א פרייע לעבן בעסער, מוחל די האולינעס פון סוכות און די קאנעקשין מיט גאט איך דארף פרידאם!!
קענסט זאגן אז כהאב נאכנישט טועם געווען די ריכטיגע טעם אין יידישקייט, פאסיבל, אבער כהאלט אז יעדער האט אזעלכע ירידות און אויב סהאלט אהן אביסל צו לאנג קען עס פלאצן.
סאו בעיסיקלי ווי שיין די זאלסט מיך נאר מאכן יידישקייט וועל איך קיינמאל נישט זיין קאנווינסד אז סלוינט זיך נישט צו אויסטרייען די פרייהייט פון די וועלט, און וויבאלד איך בין אפילו נישט זיכער אז דאס איז אלעס אמת דארף איך מיך שלאגן מיט זיך יעדן טאג עקסטער צו בלייבן א יוד.
real fake news
מאנשי שלומינו
מאנשי שלומינו
 
הודעות: 114
זיך רעגיסטרירט: פרייטאג אקטאבער 25, 2019 10:40 am
האט שוין געלייקט: 36 מאל
האט שוין באקומען לייקס: 41 מאל

הודעהדורך רביה''ק זי''ע » דינסטאג נאוועמבער 12, 2019 4:40 pm

איך בין פרומע איד, איך היט שבת און איך עס נישט קיין חזיר, וויאזוי פונקטליך שטערט עס מיר פון הנאה האבן פון די וועלט? טוב אשר תאחוז בזה, וגם מזה אל תנח את ידיך, כי ירא אלוקים יצא את שניהם. באט איי געס אז מ'קען נישט לערנען ווייסט מען נישט וואס מ'מעג אלץ...
מיין רייזע פון פארמאכטקייט צו אויפגעקלערטקייט. דער משל, דער משל, איז דאך דומה לנמשל...
באניצער אוואטאר
רביה''ק זי''ע
חבר ותיק
חבר ותיק
 
הודעות: 2908
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2746 מאל
האט שוין באקומען לייקס: 1937 מאל

הודעהדורך real fake news » דינסטאג נאוועמבער 12, 2019 4:53 pm

רביה''ק זי''ע האט געשריבן:איך בין פרומע איד, איך היט שבת און איך עס נישט קיין חזיר, וויאזוי פונקטליך שטערט עס מיר פון הנאה האבן פון די וועלט? טוב אשר תאחוז בזה, וגם מזה אל תנח את ידיך, כי ירא אלוקים יצא את שניהם. באט איי געס אז מ'קען נישט לערנען ווייסט מען נישט וואס מ'מעג אלץ...

סאו איי געס די האסט נישט קיין פראבלעם מיט דעם זיבעטען, איך יא, סאיז איינער פון מיינע שווערסטע פארטס פון יהדות
real fake news
מאנשי שלומינו
מאנשי שלומינו
 
הודעות: 114
זיך רעגיסטרירט: פרייטאג אקטאבער 25, 2019 10:40 am
האט שוין געלייקט: 36 מאל
האט שוין באקומען לייקס: 41 מאל

הודעהדורך רביה''ק זי''ע » דינסטאג נאוועמבער 12, 2019 4:56 pm

נעה, נאך אגאנצע וואך ארומשפרינגען קומט זיך מיר אביסל מנוחה, פון די חלקים דערפון וואס זענען מיר צו שווער בין איך שוין פונלאנג פטור געווארן...
מיין רייזע פון פארמאכטקייט צו אויפגעקלערטקייט. דער משל, דער משל, איז דאך דומה לנמשל...
באניצער אוואטאר
רביה''ק זי''ע
חבר ותיק
חבר ותיק
 
הודעות: 2908
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2746 מאל
האט שוין באקומען לייקס: 1937 מאל

הודעהדורך real fake news » דינסטאג נאוועמבער 12, 2019 5:11 pm

רביה''ק זי''ע האט געשריבן:פון די חלקים דערפון וואס זענען מיר צו שווער בין איך שוין פונלאנג פטור געווארן...

נו... קען זיין דאס איז די פראבלעם, אפשר לערנסטו מיר אויס..
real fake news
מאנשי שלומינו
מאנשי שלומינו
 
הודעות: 114
זיך רעגיסטרירט: פרייטאג אקטאבער 25, 2019 10:40 am
האט שוין געלייקט: 36 מאל
האט שוין באקומען לייקס: 41 מאל

הודעהדורך רביה''ק זי''ע » דינסטאג נאוועמבער 12, 2019 6:41 pm

קודם דארפסטו זיך איבערטראכטן צו די עצם געדאנק פון שמירת שבת איז דיר בכלל אינטערעסאנט, אויב יא קען מען זיך אן עצה געבן מיט די פרטים, אויב נישט איז סתם אזוי א שאד די צייט, ענדערש ווארף די גאנצע זאך אין שמות און פטור אן עסק.
מיין רייזע פון פארמאכטקייט צו אויפגעקלערטקייט. דער משל, דער משל, איז דאך דומה לנמשל...
באניצער אוואטאר
רביה''ק זי''ע
חבר ותיק
חבר ותיק
 
הודעות: 2908
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2746 מאל
האט שוין באקומען לייקס: 1937 מאל

הודעהדורך berlbalaguleh » דינסטאג נאוועמבער 12, 2019 9:26 pm

real fake news האט געשריבן:
רביה''ק זי''ע האט געשריבן:איך בין פרומע איד, איך היט שבת און איך עס נישט קיין חזיר, וויאזוי פונקטליך שטערט עס מיר פון הנאה האבן פון די וועלט? טוב אשר תאחוז בזה, וגם מזה אל תנח את ידיך, כי ירא אלוקים יצא את שניהם. באט איי געס אז מ'קען נישט לערנען ווייסט מען נישט וואס מ'מעג אלץ...

סאו איי געס די האסט נישט קיין פראבלעם מיט דעם זיבעטען, איך יא, סאיז איינער פון מיינע שווערסטע פארטס פון יהדות

ריעל פעיק ניוז: איך האב אן עצה פאר דיר. די נעקסטע וואך שבת אינדערפריה זעץ דיך אריין אין דיין קאר און כאפ דיך אריבער קיין דזשייענטס סטעידיום. דו קענסט סטארטן די קאר מיט'ן רעמאוט. וואס ס'איז כלאחר יד. אדער דורך א גוי. און דארט קענסטו קויפן א טשיעז בוירגער מיט א קרעדיט קארד. ווער ווייסט. אפשר וועסטו דארט טרעפן דיין חבר וועלכער האט די זעלבע פראבלעמען וואס דו. יא. דער מיט די רויטע קעפ...!

נאר איין זאך. זעה, נישט צו פארן פאר 10 אזייגער. ווייל איך. און א סאך אידן גייען דאמאלס אין שול. אדער שפעטער ווי 11:30. ווייל דער עולם קומט דאמאלס אהיים פון שול...ענדזשוי לייף...!
רעדאגירט געווארן צום לעצט דורך berlbalaguleh אום מיטוואך נאוועמבער 13, 2019 2:25 pm, רעדאגירט געווארן איין מאל בסך הכל.
באניצער אוואטאר
berlbalaguleh
חבר הכבוד
חבר הכבוד
 
הודעות: 13210
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14733 מאל
האט שוין באקומען לייקס: 8417 מאל

הודעהדורך אישתישבי » דינסטאג נאוועמבער 12, 2019 9:50 pm

ריל פעיק
אינטערעסאנט, דער ציט טאקע אויף א לעבן אהן גבולים? גלייבסטו טאקע אין דער בולשיט וואס מען האט דיר אויסגעלערנט אין חדר אז יעדער חוץ אונז לעבן א חיי הפקר?
צייט זאלסט אויפהערן גלייבן אלע נארישקייטן וואס מען האט דיר אויסגעלערנט. יעדער נארמאלער אויף דער וועלט לעבט א לעבן מיט געוויסע גבולים, וואס די זעלבע גבולים זוכט מען אמאהל צו ברעכן, פונקט ווי די, וואס די זוכסט צו ברעכן דיינע. דאטס לייף.

אלזא, אויב דער ציט דער לעבן פין דער גוי, און די ווילסט האבן זיין חיי הפקר, וועסטו האבן דער זעלבער פראבלעם נאך ווערען א גוי און געסעטעלט מיט א פרוי, מיט געוויסע גבולים.

אויב אבער ווילסטו האבן אביסל פאן, און בלייבן ווייטער דער זעלביקער איד, דעמאלטס ביסטו א נארמאלער מענטש, און אויף דעם זאגט די גמרא ילבש שחורים וכו'.
ותאמרנה הבנות, הכי קראת שמו ספייקי, ויספקני זה פעמיים, באחוריים.
מקור
אישתישבי
חבר ותיק
חבר ותיק
 
הודעות: 2086
זיך רעגיסטרירט: מיטוואך מערץ 09, 2016 12:19 am
האט שוין געלייקט: 80 מאל
האט שוין באקומען לייקס: 1101 מאל

הודעהדורך real fake news » דינסטאג נאוועמבער 12, 2019 10:43 pm

אישתישבי האט געשריבן: גלייבסטו טאקע אין דער בולשיט וואס מען האט דיר אויסגעלערנט אין חדר אז יעדער חוץ אונז לעבן א חיי הפקר?
סהאט נישט גארנישט מיט גלייבן, איך זאג נאר וואס קוקט מיר אויס, איי מייט בי ראנג באט כקען נישט וויסן ביז כ'העל'עס האבן געטרייט

יעדער נארמאלער אויף דער וועלט לעבט א לעבן מיט געוויסע גבולים

איך פארשטיי אייך אינגאנצן נישט, די ווילסט מדמה זיין אונזער גבולים צו זייער? וויפיל גבולים האבן זיי שוין?
אונז האבן 613 פלאס אפאר טויזנט אויב די ווילסט אויך רעכנען הלכה, כהאב נישט קיין פראבלעם מיט אפאר גבולים אבער דא לאזט מען מיך נישט מנוחה פאר א רגע,
גיב מי א ברעיק! (no pun intented)
real fake news
מאנשי שלומינו
מאנשי שלומינו
 
הודעות: 114
זיך רעגיסטרירט: פרייטאג אקטאבער 25, 2019 10:40 am
האט שוין געלייקט: 36 מאל
האט שוין באקומען לייקס: 41 מאל

הודעהדורך הדסים » דינסטאג נאוועמבער 12, 2019 11:01 pm

דער אמת איז אז דו קענסט גיין OTD אבער דו ווילסט נישט. אין אזא מצב איז גוט צו מאכן א חשבון פארוואס דו ביסט בכלל דא.

למשל אויב גיי איך אוועק וועל איך קענען עסן יו"כ, אבער נישט האבן די הנאה פון אויספאסטן. וועסט עסן חמץ אין פסח, אבער פארלירן די געשמאק פון בראקן, אא"וו. ערנסט גערעדט, דו וועסט לכאורה פארלירן די קשר מיט דיין משפחה און חברים, און מאכן נייע משפחה און חברים, אא"וו.

די ציל איז צו זיין אפן מיט זיך אליין, און נאכדעם קענסטו מחליט זיין אז דו ווילסט דא בלייבן. און אפילו ס'וועט זיין שווער, וועסטו וויסן אז ס'איז יצא הפסדו בשכרו.

נאך דעם אלעם, אויב ביסטו מחליט צו בלייבן ביי אונז, קענסטו אייביג פראבירן זיך צו מאכן גרינגער. איך למשל ענדזוי זייער שבת, איך ווייס נישט וועלכע חלק ס'איז דיר שווער. אפשר אויב דו וועסט ארויפברענגען ספעציפישע שוועריקייטן וואס דו האסט, וועט די עולם דא קענען ארויסהעלפן מיט פראקטישע עצות.
באניצער אוואטאר
הדסים
ידיד השטיבל
ידיד השטיבל
 
הודעות: 228
זיך רעגיסטרירט: מיטוואך מאי 01, 2019 1:29 pm
האט שוין געלייקט: 162 מאל
האט שוין באקומען לייקס: 157 מאל

הודעהדורך real fake news » דינסטאג נאוועמבער 12, 2019 11:03 pm

סאו ס'סאונדט ווי מיין אנלי סאלושען איז צו עס גיין אויספראבירן און זיך איבערצייגן אז זיי האבן טאקע נישט וואס צו פארקויפן.
און וואס וועט זיין אויב כוועל מיך אנדערש איבערצייגן? הע? דעמאלטס וועט זיין ביג טראבל...

באט מיין פאונט דא האט זיך באצויגן צו ר' ראובןס ארטיקל וואס ער מסביר אז די סעלושען איז צו מאכן שיין און באטעמט יידישקייט,
דאס ארבעט נישט פאר יעדן ווייל סדא מענטשן וואס גלייכן נישט די גאנצע איידיע פון זיין געבינדען צו א רעליגיע וואס טיילט דיך איין וואס צו טוהן אויף טריט און שריט.
real fake news
מאנשי שלומינו
מאנשי שלומינו
 
הודעות: 114
זיך רעגיסטרירט: פרייטאג אקטאבער 25, 2019 10:40 am
האט שוין געלייקט: 36 מאל
האט שוין באקומען לייקס: 41 מאל

הודעהדורך real fake news » דינסטאג נאוועמבער 12, 2019 11:13 pm

הדסים האט געשריבן:דער אמת איז אז דו קענסט גיין OTD אבער דו ווילסט נישט. אין אזא מצב איז גוט צו מאכן א חשבון פארוואס דו ביסט בכלל דא.

למשל אויב גיי איך אוועק וועל איך קענען עסן יו"כ, אבער נישט האבן די הנאה פון אויספאסטן. וועסט עסן חמץ אין פסח, אבער פארלירן די געשמאק פון בראקן, אא"וו. ערנסט גערעדט, דו וועסט לכאורה פארלירן די קשר מיט דיין משפחה און חברים, און מאכן נייע משפחה און חברים, אא"וו.

די ציל איז צו זיין אפן מיט זיך אליין, און נאכדעם קענסטו מחליט זיין אז דו ווילסט דא בלייבן. און אפילו ס'וועט זיין שווער, וועסטו וויסן אז ס'איז יצא הפסדו בשכרו.

נאך דעם אלעם, אויב ביסטו מחליט צו בלייבן ביי אונז, קענסטו אייביג פראבירן זיך צו מאכן גרינגער. איך למשל ענדזוי זייער שבת, איך ווייס נישט וועלכע חלק ס'איז דיר שווער. אפשר אויב דו וועסט ארויפברענגען ספעציפישע שוועריקייטן וואס דו האסט, וועט די עולם דא קענען ארויסהעלפן מיט פראקטישע עצות.

כגיי נישט אויסרעכענן אלעס וואס סשטערט מיר פון יידישקייט ווייל יכלו הזמן והם לא יכלו...
כגלייב נישט אז די מהלך איז צו צונעמען יעדע אישו און קאטן פון די פראנט און די בעק און עס טרייען צו סאלווען, סדארף א כלליותדיגע סעלושען וואס כהאלט אינמיטן זוכן.
באט שכח פאר דיין אפפער, איי עם רילי אימפרעסד וויאזוי די עולם טרייט צו העלפן יאר פעלאוי דזשו
real fake news
מאנשי שלומינו
מאנשי שלומינו
 
הודעות: 114
זיך רעגיסטרירט: פרייטאג אקטאבער 25, 2019 10:40 am
האט שוין געלייקט: 36 מאל
האט שוין באקומען לייקס: 41 מאל

הודעהדורך הדסים » דינסטאג נאוועמבער 12, 2019 11:17 pm

real fake news האט געשריבן:סאו ס'סאונדט ווי מיין אנלי סאלושען איז צו עס גיין אויספראבירן און זיך איבערצייגן אז זיי האבן טאקע נישט וואס צו פארקויפן.
און וואס וועט זיין אויב כוועל מיך אנדערש איבערצייגן? הע? דעמאלטס וועט זיין ביג טראבל...

באט מיין פאונט דא האט זיך באצויגן צו ר' ראובןס ארטיקל וואס ער מסביר אז די סעלושען איז צו מאכן שיין און באטעמט יידישקייט,
דאס ארבעט נישט פאר יעדן ווייל סדא מענטשן וואס גלייכן נישט די גאנצע איידיע פון זיין געבינדען צו א רעליגיע וואס טיילט דיך איין וואס צו טוהן אויף טריט און שריט.

דו האסט א ספק אויב זיי האבן וואס צו פארקויפן? ס'איז ברור אז זיי האבן וואס צו פארקויפן, און די רעליגיעזע האבן אויך וואס צו פארקויפן. די שאלה איז וואס ווילסטו קויפן..?

דארפסט עס נישט אויספראבירן, די אינפארמעישאן איז דא צו באקומען. דארפסט נישט מאכן די דעסישן אין איין מינוט, קענסט רואיג איבערגיין די פראוס און קאנס, קענסט רעדן מיט מענטשן וואס זענען עס אריבער. און אויב דו האסט ערנסט די שאלה פון טוישן דיין גאנצע מהלך החיים, רעד עס אויך דורך מיט א פראפעשענאל.


ר' ראובן באציט זיך זייער אפט צו מענטשן וואס האבן מחליט געווען אז ע"פ חקירה איז נישטא קיין רעליגיע, אבער פון די אנדערע זייט ווילן זיי עס נישט אויפגעבן, למשל ווייל זיי האבן א ווייב און קינדער, און ווילן נישט צוברעכן די משפחה. אזא מענטש דארף זען וואס ער קען טון צו מאכן די רעליגיע געשמאק.
באניצער אוואטאר
הדסים
ידיד השטיבל
ידיד השטיבל
 
הודעות: 228
זיך רעגיסטרירט: מיטוואך מאי 01, 2019 1:29 pm
האט שוין געלייקט: 162 מאל
האט שוין באקומען לייקס: 157 מאל

Re: ווען די קושיות און ספיקות נאגן ביים הארץ

הודעהדורך דעת תורה » דינסטאג נאוועמבער 12, 2019 11:33 pm

עס זעהט אויס אז (ב"ה) דו האסט אמונה / יראת שמים און דו ווייסט אז אויב וועסטו טון אן עבירה וועט זיך עס נישט לוינען. אויב דאס איז דער מצב דאן פעיס פעקט, גיי דורך די 5 סטעיזשעס און מאך שלום מיטן מצב. וויאזוי קאופסטו מיט אנדערע אנגעלעגנהייטן אין לעבן וואס שמעקן דיר נישט אזוי אבער דו קענסט גארנישט טון עס צו טוישן?
האזהרה שהזהרנו מלהיות חפשיים במחשבותינו, עד שנאמין דעות המנגדות לדעות שהביאה התורה, אלא נגביל את מחשבתנו ונעשה לה סייג שתעמוד אצלו - והן מצוות התורה ואזהרותיה.
והוא אמרו יתעלה: "ולא תתורו אחרי לבבכם"... זו מינות. (ספר המצוות להרמב"ם ל"ת מ"ז)
דעת תורה
חבר ותיק
חבר ותיק
 
הודעות: 2133
זיך רעגיסטרירט: מאנטאג מערץ 18, 2013 1:07 am
האט שוין געלייקט: 4608 מאל
האט שוין באקומען לייקס: 1742 מאל

הודעהדורך ראובן » דינסטאג נאוועמבער 12, 2019 11:49 pm

דעת תורה האט געשריבן:עס זעהט אויס אז (ב"ה) דו האסט אמונה / יראת שמים און דו ווייסט אז אויב וועסטו טון אן עבירה וועט זיך עס נישט לוינען. אויב דאס איז דער מצב דאן פעיס פעקט, גיי דורך די 5 סטעיזשעס און מאך שלום מיטן מצב. וויאזוי קאופסטו מיט אנדערע אנגעלעגנהייטן אין לעבן וואס שמעקן דיר נישט אזוי אבער דו קענסט גארנישט טון עס צו טוישן?

כאפטס אים אן, און לאזטס אים נישט ארויס פון דא!
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2473
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3114 מאל
האט שוין באקומען לייקס: 9729 מאל

נעקסט

גיי צוריק העמק דבר

ווער איז יעצט דא?

באניצער וואס לייענען דעם פארום: הדסים און 2 געסט