נייע געפינסן איבער די ביג בענג טעאריע

מחשבה, השקפה ועיון

נייע געפינסן איבער די ביג בענג טעאריע

הודעהדורך ברסלבער » מיטוואך מערץ 19, 2014 10:23 am

צום ערשט וויל איך מודיע זיין - דאס וואס אלע ווייסן שוין - אז איך בין נישט קיין סייענטיסט און נישט קיין מאטעמאטיקער, און איך גיי דא גארנישט מחדש זיין. נאר אזוי ווי @פישעלע האט מודיע געווען די נייעס אז מען האט אנטדעקט עפעס נייע געפינסן, און איך בין נייגעריג דאס מער צו פארשטיין, און אונזער נייער שטערן הרב @פארוואס? איז ארויס אויף א סטרייק אז ער וועט עס נישט מסביר זיין נאר אויב מען עפענט א נייע אשכול דערוועגן, וועל איך אים צוליב טוהן.
אנדערע וויסנטשאפטלער @געפילטע פיש, @פשוט-קאמפליצירט, @יאיר, @יידל, וכו' וכו' זענען אויך וועלקאם.

---
אנטשולדיגט מיר פאר די פולע לינקס, אלס אן ארטיקל אין וויסענשאפט ברויך עס האבן אסאך לינקס...
די וועלט זאגט אז שכחה איז א חסרון, און איך זאג אז עס איז א גרויסע מעלה. אזוי קען מען פארגעסן אלע צרות און פראבלעמען און אנהויבן יעדן טאג פון ניי. (רבי נחמן מברסלב)
באניצער אוואטאר
ברסלבער
חבר ותיק
חבר ותיק
 
הודעות: 2038
זיך רעגיסטרירט: דינסטאג נאוועמבער 27, 2012 12:07 pm
האט שוין געלייקט: 4342 מאל
האט שוין באקומען לייקס: 4039 מאל

הודעהדורך פארוואס? » מיטוואך מערץ 19, 2014 10:29 am

איך בין - חלילה - נישט ארויס אויף א סטרייק. איך פארשטיי נישט צו גוט דערצו.
אבער לאמיר טרייען צו פארשטיין. צום ערשט, ווער וויל זיך מרחם זיין און פראבירן ערקלערן, וואס איז עס די ביג בענג?
(ביטע, נישט אריינמישן די נאטורליכע פראגע, אויב ס׳איז א סתירה מיט ״ויאמר אלקים יהי אור״ אדער גאר א פעסטשטעלונג).
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
שריפטשטעלער
שריפטשטעלער
 
הודעות: 927
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1559 מאל
האט שוין באקומען לייקס: 1866 מאל

הודעהדורך איש עברי » מיטוואך מערץ 19, 2014 10:31 am

https://www.youtube.com/watch?v=wNDGgL73ihY
פרוביר די לינק גאנץ איינפאך מסביר
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1874 מאל

הודעהדורך ברסלבער » מיטוואך מערץ 19, 2014 10:41 am

פארוואס? האט געשריבן:אבער לאמיר טרייען צו פארשטיין. צום ערשט, ווער וויל זיך מרחם זיין און פראבירן ערקלערן, וואס איז עס די ביג בענג?

ווי איך פארשטיי איז די נקודה דערפון אין איין ווארט אז דער אייבערשטער האט באשאפן די וועלט (און אלעס ארום) קודם אין איין קליינע פינטל, און דערנאך האט ער עס צושפרייט און עס אויסגעארבעט ביז צום היינטיגן מצב ווי אזוי עס זעהט היינט אויס.
די וועלט זאגט אז שכחה איז א חסרון, און איך זאג אז עס איז א גרויסע מעלה. אזוי קען מען פארגעסן אלע צרות און פראבלעמען און אנהויבן יעדן טאג פון ניי. (רבי נחמן מברסלב)
באניצער אוואטאר
ברסלבער
חבר ותיק
חבר ותיק
 
הודעות: 2038
זיך רעגיסטרירט: דינסטאג נאוועמבער 27, 2012 12:07 pm
האט שוין געלייקט: 4342 מאל
האט שוין באקומען לייקס: 4039 מאל

הודעהדורך פליקער » מיטוואך מערץ 19, 2014 12:50 pm

די קליפ איז הערליך שיין מסביר די מעשה פון בראשית ברא אלקים את השמים ואת הארץ

אבער די קליפ האט פארזעין (בכוונה) צי צילייגן (קרעדיט השי"ת')

ווי אזוי קענען זיי דאס טיען אן ווערן רויט

עס קימט אזוי שווער אן מסביר צי זיין די טעאריע

נאך אזויפיל הסברים שטימט עס נאך אלץ נישט ווער האט באשאפן די מעטער

מען קען ניצן מיליאן יאר טריליאן יאר עס ווערט נישט פארענטפערט

די היץ איז געווארן קילער די קעלט איז געווארן הייסער, ווי אזוי איז געווארן די היץ מיי פרענד

עס וועט גארנישט העלפן רוח אלקים מרחפת, האסט א פראבלעם

די וועלט איז נישט הפקר
Stay away from negative people
they have a problem for every solution

קענסער קאפיטל 1 (הקדמה) קענסער 2 קאפיטל 3קאפיטל 4קאפיטל 5
באניצער אוואטאר
פליקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1691
זיך רעגיסטרירט: פרייטאג פעברואר 28, 2014 1:45 pm
האט שוין געלייקט: 1170 מאל
האט שוין באקומען לייקס: 3651 מאל

הודעהדורך פארוואס? » מיטוואך מערץ 19, 2014 1:42 pm

ברסלבער האט געשריבן:
פארוואס? האט געשריבן:אבער לאמיר טרייען צו פארשטיין. צום ערשט, ווער וויל זיך מרחם זיין און פראבירן ערקלערן, וואס איז עס די ביג בענג?

ווי איך פארשטיי איז די נקודה דערפון אין איין ווארט אז דער אייבערשטער האט באשאפן די וועלט (און אלעס ארום) קודם אין איין קליינע פינטל, און דערנאך האט ער עס צושפרייט און עס אויסגעארבעט ביז צום היינטיגן מצב ווי אזוי עס זעהט היינט אויס.


אין די קליין פינטל, זענען שוין געווען אינקלודעד די גאנצע יונעווערס.
די געזעצן פון פיזיקס ערקלערן פונקטליך וויאזוי עס איז געווארן צושפרייט.
די קאנסעפט פון צייט איז דעמאלטס באשאפן געווארן.
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
שריפטשטעלער
שריפטשטעלער
 
הודעות: 927
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1559 מאל
האט שוין באקומען לייקס: 1866 מאל

הודעהדורך פישלע העררינג » מיטוואך מערץ 19, 2014 5:21 pm

מענין לענין שלא מן הענין ממש, איז אצינדע אין די נייעס אז די קלענסטע פלאנעט ווערט טעגלעך קלענער און קלענער, עס וועפט אויס פון זיך אליינס, און עס האט א ברירה פארשווינדען צו ווערן גאר בקרוב. בונה עולמות ומחריבן. (ווען איך געדענק ווען ווי איך האב עס געלייענט וואלט איך עס געלינקט. מן הסתם אויף דעילי מעיל אנליין / סייענס.)
(- - -)
פישלע העררינג
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1396
זיך רעגיסטרירט: דינסטאג דעצעמבער 10, 2013 12:19 pm
האט שוין געלייקט: 3481 מאל
האט שוין באקומען לייקס: 2389 מאל

הודעהדורך פארוואס? » מיטוואך מערץ 19, 2014 10:37 pm

איש עברי האט געשריבן:https://www.youtube.com/watch?v=wNDGgL73ihY
פרוביר די לינק גאנץ איינפאך מסביר

שכויח פאר דע לינק.
ווער קען פליז ערקלערן, וואס איז פשט פון די נומבערס וואס ערשיינען אויבן, דארט ווי עס דארף צו שטיין ביי וועלכע צייט מ׳שטייט יעצט.
פאר ווען ער קומט אן צו א סעקונדע, שטייט דארטן 10 און העכער דעם -35 און דערנאך -32 און אזוי ווייטער.
וואס איז עס ???
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
שריפטשטעלער
שריפטשטעלער
 
הודעות: 927
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1559 מאל
האט שוין באקומען לייקס: 1866 מאל

הודעהדורך געפילטע פיש » דאנערשטאג מערץ 20, 2014 12:17 am

פארוואס? האט געשריבן:
איש עברי האט געשריבן:https://www.youtube.com/watch?v=wNDGgL73ihY
פרוביר די לינק גאנץ איינפאך מסביר

שכויח פאר דע לינק.
ווער קען פליז ערקלערן, וואס איז פשט פון די נומבערס וואס ערשיינען אויבן, דארט ווי עס דארף צו שטיין ביי וועלכע צייט מ׳שטייט יעצט.
פאר ווען ער קומט אן צו א סעקונדע, שטייט דארטן 10 און העכער דעם -35 און דערנאך -32 און אזוי ווייטער.
וואס איז עס ???

איך מיין ס'מיינט 35^10
געפילטע פיש
חבר ותיק
חבר ותיק
 
הודעות: 6951
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5548 מאל
האט שוין באקומען לייקס: 7611 מאל

הודעהדורך קול דודי » דאנערשטאג מערץ 20, 2014 12:33 am

פאר די וואס האבן געוואלט וויסן איבער די ביג בענג, בקיצור נמרץ מאד:
די יוניווערס האט זיך אנגעהויבן מיט א סינגולעריטי. משל למה הדבר דומה? לאמיר זאגן אז די האסט א הייסן שטיקל קוגל וואס די ווייסט נישט פון וואנעט עס קומט. די מעסט ווי הייס עס איז יעדעס יאר, און די זעסט אז דעס יאר איז 1/0.9 דיגרי, לעצטע יאר איז עס געווען 1/0.8, א יאר בעפאר 1/0.7 אא״וו. קומט אויס אז צען יאר צוריק איז עס געווען 1/0 דיגרי! אה, דאס קען דאך אבער נישט זיין! (דאס איז אינפיניטי -- נישט פיזיש מעגליך.) אלא מאי וועלן מיר זאגן אז דאס איז א ״סינגולעריטי״, און בעל כרחך האט זיך די קוגל אנגעהויבן בערך צען יאר צוריק ״גאר גאר״ הייס און קילט זיך אויס זייט דעמאלטס.

ואת״ל אז ניין, נאר די רעביצין האט גאר געקאכט די קוגל אכט יאר צוריק אויף 1/0.2 דיגרי, וועל איך דיר זאגן אז די דאך פונ׳ם הויז ווערט נאר אבגעברענט פון א קוגל וואס איז ״גאר גאר״ הייס. קריך ארויף אויפ׳ן דאך וועסטו זען א שווארצן פארברענטן לאך פונקט אקעגן אובער דעם קוגל! אין נאכמער, רוף א פייערלעשער מומחה וועט ער דיר זאגן אז די אויסגעברענטע לאך זעט אויס פונקט צען יאר אלט לויט וויפיל אש עס איז נאך געבליבן! אלא מאי האט זיך די קוגל יא אנגעהויבן צען יאר צוריק ביים סינגולעריטי. (אדער גאר האט די רעביצין געמאכט די קוגל אכט יאר צוריק, און עקסטער פון דעם פארברענט דעם דאך פונקט אקעגן איבער די קוגל און אויך אוועקגעווישט דעם אש כדאי ס׳זאל אויסקוקן צען יאר אלט. אן אונטערעסאנטע רעביצין.)

אויף בערך אזא אויפן ווייסן מיר אז די יוניווערס האט זיך אנגעהויבן מיט א סינגולעריטי בערך 13.8 ביליאן יאר צוריק. קיין מקום אדער זמן איז דעמאלטס נישט געווען, אבער די סינגולעריטי האט געהאט בערך אינפיניט (״גאר גאר אסאך״) ענערגי / חומר דענסיטי (דהיינו, ״אלעס״ איז געווען אריינגעקוועטשט און ״גארנישט״). (Mass/energy density)

ווען די סינגולעריטי האט זיך אנגעהויבן צו פארשפרייטן (און באשאפן מקום און זמן און נאך) דאס ווערט אנדערופן די ״ביג בענג״. גייענדיג צוריקוועגס, פארשטייען מיר שוין וואס עס האט זיך אפגעטון פין א טריליאנסטל פון א טריליאנסטל פון א טריליאנסטל פון א טריליאנסטל סעקונדע נאך די ביג בענג. ווי נענטער מיר קומען צום סינגולעריטי אלס שווערער איז (די סינגולעריטי אליין איז דאך פיזיש נישט מעגליך) אבער אלס בעסער קענען מיר פארשטיין פארוואס די סינגולעריטי איז דארט געווען לכתחילה. אבער מיט ראיות ברורות ווייסן מיר נאך נישט פארוואס עס איז דארט געווען (עכ״פ לעת עתה). ס׳איז אבער נישט ריכטיג צו פרעגען וואס איז ״אינדרויסן״ פונים סינגולעריטי אדער ״פאר דעם״, ווייל מקום און זמן עקזעסטירט נישט דארט. (חוץ אויב מ׳וויל זאגן אז ס׳דא אנדערע יוניווערס, אזוי ווי טייל זאגן טאקע.) ס׳איז אביסל אזוי ווי מ׳זאל פרעגן וואס איז אויף מזרח פונ׳ם נאר״ט פא״ל. נישטא אזא זאך! פונ׳ם נאר״ט פא״ל איז נאר דא דרום.

אגב, דעס אלעס האט מען געוויסט מיט גאר שטארקע הוכחות שוין לאנג. אויף וואס מ׳האט יעצט געטראפן א שטארקע הוכחה איז אינפלעיש״ן טעאריע און אויך אויף א חלק פון קוואנטום גראוויטי (דאס איז נישט קוואנטום מעכאניקס). ס׳איז נאר אז אינפלעיש״ן טעארי ארבעט נאר מיט׳ן ביג בענג, ממילא קען דעס גערעכט ווערן ווי נאך אן הוכחה צום ביג בענג, בנוסף צו אלע הוכחות וואס מ׳האט שוין פין לאנג.
I post, therefore I am
קול דודי
ידיד השטיבל
ידיד השטיבל
 
הודעות: 317
זיך רעגיסטרירט: מאנטאג מערץ 26, 2012 2:27 pm
האט שוין געלייקט: 84 מאל
האט שוין באקומען לייקס: 414 מאל

הודעהדורך קול דודי » דאנערשטאג מערץ 20, 2014 12:36 am

געפילטע פיש האט געשריבן:
פארוואס? האט געשריבן:
איש עברי האט געשריבן:https://www.youtube.com/watch?v=wNDGgL73ihY
פרוביר די לינק גאנץ איינפאך מסביר

שכויח פאר דע לינק.
ווער קען פליז ערקלערן, וואס איז פשט פון די נומבערס וואס ערשיינען אויבן, דארט ווי עס דארף צו שטיין ביי וועלכע צייט מ׳שטייט יעצט.
פאר ווען ער קומט אן צו א סעקונדע, שטייט דארטן 10 און העכער דעם -35 און דערנאך -32 און אזוי ווייטער.
וואס איז עס ???

איך מיין ס'מיינט 35^10


ניין. ס׳מיינט
קאוד: וועל אויס אלע
10^-35
. א זייער זייער זייער (זייער) קליין נאמבער.
I post, therefore I am
קול דודי
ידיד השטיבל
ידיד השטיבל
 
הודעות: 317
זיך רעגיסטרירט: מאנטאג מערץ 26, 2012 2:27 pm
האט שוין געלייקט: 84 מאל
האט שוין באקומען לייקס: 414 מאל

הודעהדורך פארוואס? » דאנערשטאג מערץ 20, 2014 9:39 am

קול דודי האט געשריבן:
געפילטע פיש האט געשריבן:
פארוואס? האט געשריבן:
איש עברי האט געשריבן:https://www.youtube.com/watch?v=wNDGgL73ihY
פרוביר די לינק גאנץ איינפאך מסביר

שכויח פאר דע לינק.
ווער קען פליז ערקלערן, וואס איז פשט פון די נומבערס וואס ערשיינען אויבן, דארט ווי עס דארף צו שטיין ביי וועלכע צייט מ׳שטייט יעצט.
פאר ווען ער קומט אן צו א סעקונדע, שטייט דארטן 10 און העכער דעם -35 און דערנאך -32 און אזוי ווייטער.
וואס איז עס ???

איך מיין ס'מיינט 35^10


ניין. ס׳מיינט
קאוד: וועל אויס אלע
10^-35
. א זייער זייער זייער (זייער) קליין נאמבער.

עס מיינט:
1/100,000,000,000,000,000,000,000,000,000,000
וואס האט עס צו טוהן מיט פאוער?
איינער איז נייגעריג?
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
שריפטשטעלער
שריפטשטעלער
 
הודעות: 927
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1559 מאל
האט שוין באקומען לייקס: 1866 מאל

הודעהדורך דענקער » דאנערשטאג מערץ 20, 2014 9:53 am

איך בין נייגעריג. נישט ווייל איך ווייס נישט, נאר ווייל איך וויל פארוואס? זאל עס מסביר'ן.
דאס לעבן איז ווי א קליין קינד'ס אינטערהויזן... קורץ און איינגעמאכט.
באניצער אוואטאר
דענקער
ידיד השטיבל
ידיד השטיבל
 
הודעות: 252
זיך רעגיסטרירט: דינסטאג מערץ 20, 2012 6:18 pm
האט שוין געלייקט: 1032 מאל
האט שוין באקומען לייקס: 422 מאל

הודעהדורך פארוואס? » דאנערשטאג מערץ 20, 2014 10:18 am

דענקער האט געשריבן:איך בין נייגעריג. נישט ווייל איך ווייס נישט, נאר ווייל איך וויל פארוואס? זאל עס מסביר'ן.

אוקיי, איך וועל דיר צוליב טוהן, איז אזוי:
יעדער ווייסט אז די פאוער a פון א נומער b, מיינט צו זאגן, b טיימס b טיימס b… און b ווערט אריינגעמישט אין די מולטיפליקעישן a מאהל.
דאס איז זייער שיין ווען a איז א גאנצע און א פאזיטיווע נומער. וואס איז אבער ווען a איז א נישט-גאנצע נומער? אדער ווען ער איז א נעגעטיווע נומער?
מאנכע וועלן זאגן: דאן האט עס נישט קיין פשט. (נישט דעפינירט).
דערפאר וועל איך זאגן: וועלקאם צו מאטעמאטיק!!!
אין מאטעמאטיק געבט מען נישט אזוי שנעל אויף, איהר וועט שוין זעהן ווי אלעס האט א פשט…
סא, וואס טוהט זיך ווען איך ווייס וויפיל איז די פאוער a פון b, און איך וויל וויסן וואס די פאוער a-2 פון b?
למשל: איך ווייס וויפיל איז די 4׳טע פאוער פון 3 (81), און איך וויל וויסן וויפיל איז 4-2^3?
דער ענטפער איז צוטייל איהם אין b^2. אדער אינעם משל, צוטייל איהם אין 2^3, (פארוואס? לאז איך דיר אליינס פארשטיין).
אויב אזוי קענען מיר שוין זייער גרינג אנקומען צו א נעגעטיווע פאוער.
ווייל לאמיר זאגן, אונז ווייסן וויפיל איז b פאוער 2. דאן לאמיר וויסן וויפיל איז b פאוער 0?
לויט ווי פריער געשמועסט:
קאוד: וועל אויס אלע
b^0=b^(2-2)=b^2/b^2=1

יעצט לאמיר זעהן וואס איז b פאוער מיינוס 1.
איז ווידער:
קאוד: וועל אויס אלע
b^(-1)=b^0/b=1/b

און אזוי ווייטער…
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
שריפטשטעלער
שריפטשטעלער
 
הודעות: 927
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1559 מאל
האט שוין באקומען לייקס: 1866 מאל

הודעהדורך געפילטע פיש » דאנערשטאג מערץ 20, 2014 11:57 am

אבער פארוואס?...
געפילטע פיש
חבר ותיק
חבר ותיק
 
הודעות: 6951
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5548 מאל
האט שוין באקומען לייקס: 7611 מאל

הודעהדורך זוכער » דאנערשטאג מערץ 20, 2014 2:32 pm

איך בין נישט דא געקומען זיך טענה'ן איבער ביג-בענג, ווייל ווער עס וויל גלייבן דערין, קען אויך גלייבן אז ער קומט פון א מאלפע אדער "STAR DUST" און אלע צעחוש'טע שטותים וואס די סייענטיפיק קאמיוניטי האט צו פארקויפן.

וואס איך וויל פארשטין איז אזוי:

לאמיר זאגן אז דער בוכ"ע האט טאקע באשאפן די וועלט דורך א גרויסע עקספלאוזשן. א ביג-בענג און פון דעם הייליגן מאמר פון הקב"ה איז געווארן שמים וארץ, ווי עס שטייט בדבר ה' שמים נעשו. - א ריזיגע עקספלאוזשען טריליאן X טריליאן X טריליאן פון טריליאן אטאם באמבעס קאמביינד.

יעצט זענען מיינע קשיות ווי פאלגעענד:

1) פון וואנען נעמען די סייענטיסטן די הוכחה ברורה אז דאס האט פאסירט 13.5 ביליאן יאר צוריק. פארוואס נישט 5774 יאר צוריק.
אויב דעמאלט איז די גאנצע יוניווערס געווען מורא'דיג פיצי, האט זיך פארדאפעלט טריליאן X טריליאן X טריליאן X טריליאן יעדע סעקונדע. וואו קומט דא אריין מיליאן יאר, ביליאן יאר. - פארוואס האט דאס אלע נישט געקענט פאסירט פונקטליך 5774 יאר צוריק. איי וועסטו פרעגן אז ס'איז דא שטערן וועלכע זענען בילינען ליכט יאר אוועק, און זייער שיין דויערט אנצוקומען אהער אפאר ביליאן יאר.... זייער א גוטע קלאץ קשיא. אבער די זעלבע קשיא איז דא אויף זייער חשבון פון 13 ביליאן יאריגע וועלט, ווייל די ווייטע שטערנס פון א קווינטיליאן ליכט יאר אוועק, איז אויך א קיימא לן פון הונדערטער טריליאנען יאר וואס זייער שיין דארף געדויערן אנצוקומען אהער?

2) אויב זיי זאגן שוין יא אז דאס האט זיך אנגעהויבן 13 ביליאן יאר צוריק דורך א ביג-בענג, דארפן זיי מסביר זיין וויאזוי איז געווארן פון נוקלעאר פיוזשאן צו געזונטע אקסיגען לופט?
לאמיר זיך גוט מסביר זיין. עס איז קודם לויט זיי געווען א סעריע פון שרעקליכע אויפרייסן וועלכע האבן באשאפן שטערנס, גאלאקסיעס, קוועיזערס, נעבולא אין א שטח פון טריליאנען ליכט יארן צו א קיימא לן פון טריליאנען גאלאקסיס וואס יעדע גאלאקסיס פארמאגט הונדערטער ביליאנען שטערנס, וועלכע א גרויס חלק זענען גרעסער און מעכטיגער פון אונזער זון אין אונזער "מילקי וועי". יעצט וויאזוי האט פאסירט אזא פאני זאך אז פון די אלע אויפרייסן און נוקלאר גאזן, גאמא-רעיס, האט זיך געמאכט א קליין לעכל (קלענער פון א נאדל לאך) וואס דארט איז דא פיינע לופט.... און טאקע נאר דארט פון די איבער 800 סענטיליאן ליכט יאר, וועלכע סטרעטשט מקצוי יוניווערס ועד סופו?

3) מיר פארשטייען אז ספעיס און צייט גייען אינאיינעם. אבער פארווואס האט אונזער קליינע נארישע וועלט'ל באשלאסן אנצוהייבן ארומדרייען די זון פאר 13 ביליאן יאר צוריק. ווער איז דא משוגע געווארן איבערנאכט? און לאמיר זאגן אז נאטור (?) האט עס געמאכט פרעגט זיך אליין ווער האט אים געגעבן דעם ערשטן שטופ אינעם ארביט און ער דרייט זיך און דרייט זיך און ווערט נישט צעדרייט, יום ולילה לא ישבות. און לאמיר נישט פארגעסן אז ווען אונזער נארישע וועלט זאל זיין נאר איין טויזענט מייל נענטער צו די זון, ווערן מיר פיינע אפגעברענטע קראנטשי מצה'לעך... אויב איז עס איין טויזענט מייל אוועק פון די זון, ווערן מיר אלע געשמאקע אייז קיובקילס. סאו ביג-בענג האט סאם האו אויסגעפיגערט פערצופאל אז די וועלט זאל זיך שטעלן א סטראטעגישע 93 מיליאן מייל אוועק פון די זון פונקטליך?

4) יעדער פארשטייט אז ווי גרעסער און מאסיווער די פלאנעטן זענען, אלס גרעסער איז זייער גראוויטי (כח המושך), דאס איז נאטירליך און פארשטענדליך.
יעצט טראכט אריין ווען אונזער זונעלע'ס כח המושך איז מיט 1 פראצענט שטערקער, איז אויס מיט אונז. ווען עס וואלט געווען איין פראצענט שוואכער איז אונזער וועלטל פארבלאנזשעט אפאר טריליאן מייל אוועק ערגעץ צווישן קדש ברנע און בית לחם... און

5) יעדער ווייסט אז אונזער וועלט איז בערך איין ברעקל זאלץ קעגן די יוניווערס. (קודם צוברעקל דאס זאלץ שטיקעלע אויף א מיליאן). יעדע איינציגע סעקונדע רייסן אויך שטערנס, קוועיזערס און עס פאסירן סופער-נאוועס, בלעק-האל'ס פארמירן זיך, קאסמישע ווארמ-האלס וועלכע זענען טריליאנען ליכט יאר גרויס ווערן געשאפן פון די חורבנות פון די אויפרייסן שבכל רגע מתרחש. - ווערט עס דיר נישט שווער אז מיליאנען שטערן רייסן אויף טאג טעגליך אז גארנישט קראכט נישט אריין אונזער וועלטל.... איין שפרענקאלע קראכט דא אריין איז אלעס היסטאריע? זאגט דיר דאס נישט אז איינער וואטשט, משגיח מן החלונות ומציץ מן החרכים?

מ'קען פרעגן נאך טויזענט נארישע פראגעס און אפווענדן די נארישע טעאריעס וועלכע פארענטפערן נישט קיין איין פראגע, נאר ברענגען אויף פילע מער, און דער ענטפער פון אלע סייענטיסטן ווען מ'פרעגט זיי וואס האט געברענגט דעם ביג-בענג... (FIRST CAUSEׂ) בלייבן זיי ממילא מיט די צונג אינדרויסן.

אויב שוין נישט וויסן, קען איך שוין רואיג ענטפערן דער באשעפער האט עס באשאפן במאמר פיו. וויאזוי, וואס איז געווען קודם און נאכדעם און אינדערמיט... איך ווייס נישט! און קיינער וועט קיינמאל סייוויי נישט וויסן!
Please do not LIKE me!
I'm here to say the hard truth / not to accumulate "likes"
זוכער
ידיד השטיבל
ידיד השטיבל
 
הודעות: 269
זיך רעגיסטרירט: דינסטאג פעברואר 11, 2014 4:03 pm
האט שוין געלייקט: 5 מאל
האט שוין באקומען לייקס: 125 מאל

הודעהדורך ונבנתה העיר » דאנערשטאג מערץ 20, 2014 3:41 pm

איך דינג זיך נישט מיט דיר אינגאנצן, אבער די תירוץ אויף די אלע סארט טענות אז פונקט דא און ס'איז פונקט אויסגערעכענט אויפן האר, איז אז אדרבה היא הנותנת, ווייל פונקט דא זענען דא די תנאים דערצו פארדעם איז דא לעבן דוקא ביי אונז און (מעגליך) נישט אין קיין שום אנדערע פלאץ אין די בריאה, ודו”ק כי קצרתי.
מ'דארף צוריק אראפברענגען דעם רבי'ן

אמר ונבנתה: אל עבר החלון נשקפתי ונתתי אל לבי כי שבת האדם ממנו, חומר וגשם – ורוח אין, בחנתיו, והנה הוא תולדת מקריו – כאשר ילך המקרה כך יתעצב לבו ודמותו, לרגעים אבחננו, כאשר יאמר החכם כי אין הוויית רגע מול רגע נוצרת כי אם בהתחדש מקריו, ואל מי יקר המקרה?
באניצער אוואטאר
ונבנתה העיר
שריפטשטעלער
שריפטשטעלער
 
הודעות: 3728
זיך רעגיסטרירט: מיטוואך יולי 25, 2012 5:41 am
האט שוין געלייקט: 7243 מאל
האט שוין באקומען לייקס: 7631 מאל

הודעהדורך איך אויך » דאנערשטאג מערץ 20, 2014 5:20 pm

ביטע אויב א גבאי קען אריבערפירן דעם שמועס צום העמק דבר פארום. א דאנק.
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5821
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 8144 מאל
האט שוין באקומען לייקס: 2663 מאל

הודעהדורך פארוואס? » דאנערשטאג מערץ 20, 2014 9:47 pm

@זוכער.
אוקעי, איך וועל פראבירן צו פארענטפערן דיינע ״הארבע״ קושיות.
איך וועל מקדים זיין, איך בין נישט דא געקומען פארטיידיגן די אלע טעאריעס, ווייל איך בין פארשטייטס זיך א איד א מאמין בן מאמין.
אבער איך פראביר וואס מער אויב איך קען מיישב זיין מיין אמונה זאל שטימען מיט ראציאנאליזם, און איך פראביר צו קוקן אביעקטיוו.

איז ערשטנס, דאס וואס דו שרייבסט:
זוכער האט געשריבן:איך בין נישט דא געקומען זיך טענה'ן איבער ביג-בענג, ווייל ווער עס וויל גלייבן דערין, קען אויך גלייבן אז ער קומט פון א מאלפע אדער "STAR DUST" און אלע צעחוש'טע שטותים וואס די סייענטיפיק קאמיוניטי האט צו פארקויפן.

פארוואס זאגסטו עס איז צוחוש'טע שטותים?
איז עס קלוג אזוי צו זאגן אויף סייענטיפישע ארגומענטן? נעם אין באטראכט, אז די זעלבע סייענטיסטן, וואס קומען אויף מיט אלע טעכנאלאגיעס, (און נאר בזכותם האסטו געקענט שרייבן דיינע ווערטער), און זיי היילן דיר ווען דו דארפסט זיי. דעמאלטס זאגסטו: חכמה בגויים תאמין! כאטש וואס דו פראבירסט ניטאמאל פארשטיין, ווי אזוי זיי זענען צוגעקומען דערצו.
ווען זיי זאגן אז די וועג ווי אזוי דער באשעפער האט באשאפן די וועלט איז צוגאנגען אין א דעוועלפינג פראסעס, איז עס נישט ווערד צו איבערטראכטן אביעקטיוו?
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
שריפטשטעלער
שריפטשטעלער
 
הודעות: 927
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1559 מאל
האט שוין באקומען לייקס: 1866 מאל

הודעהדורך פארוואס? » דאנערשטאג מערץ 20, 2014 10:00 pm

און ווייטער פרעגסטו:
1) פון וואנעט ווייסן די סייענטיסטן, אז עס איז געשעהן פאר 13 ביליאן יאהרן צוריק?
ס׳זעהט אויס פון דיינע ווערטער ווי זיי האבן עס גענומען פון עפעס א ניק אויף קאווע שטיבל.
דו פרעגסט עס אפ ממש במחי יד, אפשר 5774?
דאן לאמיר דיר דערציילן אז עס איז דא אזא מין זאך וואס הייסט ״האבל׳ס געזעץ״ וואס לויט דעם איז עס אויסגערעכנט.
און אדרבה, אויב קענסטו עס אפפרעגן, (נאכן גרינטליך פארשטיין), דאן שרייב א סייענטיפישע ארטיקל, איך גלייב אז די גאנצע וועלט וועט רעדן דערפון, וועלסט מאכן אסאך געלט און כבוד.
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
שריפטשטעלער
שריפטשטעלער
 
הודעות: 927
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1559 מאל
האט שוין באקומען לייקס: 1866 מאל

הודעהדורך פארוואס? » דאנערשטאג מערץ 20, 2014 10:08 pm

פרעגסטו ווייטער:
2) דארפן זיי מסביר זיין ווי אזוי עס איז אנגעקומען אקסיג׳ען צו אונזער קליינע לעכל.
לאמיר קלאר מאכן, דיין קשיא קען ווערן געפרעגט אויף צוויי אופנים, (און איך וועל ביידע ענטפערן):
1) ווי אזוי איז געווארן פון אזעלכע אביעקטן ווי גאז, א קליינע לעכל מיט אקסידזשען?
דער תירוץ איז, זיץ זיך אראפ לערנען פיזיקס, וועסטו באקומען א פונקטליכע ערקלערונג.
2) פארוואס פונקט אין אונזער לעכל?
איז קודם כל, ווער זאגט אז נאר אונזער לעכל?
און צווייטנס, ווען עס וואלט געווען אין אן אנדערע פלאץ, וואלטסטו עס דארטן געפרעגט. כלומר, ווען עס איז דא א ריזיגע לאטערי, וואס מיליאנען מענטשן קויפן טיקעטס, דאן איז די טשאנס פאר יעדעם צו געווינען זייער קליין. אבער די טשענס אז איינער זאל געווינען איז 100%. ודו״ק כי קיצרתי.
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
שריפטשטעלער
שריפטשטעלער
 
הודעות: 927
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1559 מאל
האט שוין באקומען לייקס: 1866 מאל

הודעהדורך פארוואס? » דאנערשטאג מערץ 20, 2014 10:10 pm

דיינע איבעריגע פראגעס זעהן אויס די זעלבע ווי די צווייטע, נאר אין אנדערע פארעמס.
איך מיין אז איך האב עס שוין פארענטפערט, אויב נישט, דאן קלער מיר ביטע אויף.
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
שריפטשטעלער
שריפטשטעלער
 
הודעות: 927
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1559 מאל
האט שוין באקומען לייקס: 1866 מאל

הודעהדורך געפילטע פיש » פרייטאג מערץ 21, 2014 3:06 am

זוכער האט געשריבן:איך בין נישט דא געקומען זיך טענה'ן איבער ביג-בענג, ווייל ווער עס וויל גלייבן דערין, קען אויך גלייבן אז ער קומט פון א מאלפע אדער "STAR DUST" און אלע צעחוש'טע שטותים וואס די סייענטיפיק קאמיוניטי האט צו פארקויפן.

יא, וואס פארשטייען זיי, די נארישע סייענטיסטן...
זוכער האט געשריבן:
וואס איך וויל פארשטין איז אזוי:

לאמיר זאגן אז דער בוכ"ע האט טאקע באשאפן די וועלט דורך א גרויסע עקספלאוזשן. א ביג-בענג און פון דעם הייליגן מאמר פון הקב"ה איז געווארן שמים וארץ, ווי עס שטייט בדבר ה' שמים נעשו. - א ריזיגע עקספלאוזשען טריליאן X טריליאן X טריליאן פון טריליאן אטאם באמבעס קאמביינד.

יעצט זענען מיינע קשיות ווי פאלגעענד:

1) פון וואנען נעמען די סייענטיסטן די הוכחה ברורה אז דאס האט פאסירט 13.5 ביליאן יאר צוריק. פארוואס נישט 5774 יאר צוריק.

שוין געווארן דא אויסגעשמועס אפאר מאל, ס'דא צענדליגע ראיות דערצו.
זוכער האט געשריבן:אויב דעמאלט איז די גאנצע יוניווערס געווען מורא'דיג פיצי, האט זיך פארדאפעלט טריליאן X טריליאן X טריליאן X טריליאן יעדע סעקונדע. וואו קומט דא אריין מיליאן יאר, ביליאן יאר. - פארוואס האט דאס אלע נישט געקענט פאסירט פונקטליך 5774 יאר צוריק. איי וועסטו פרעגן אז ס'איז דא שטערן וועלכע זענען בילינען ליכט יאר אוועק, און זייער שיין דויערט אנצוקומען אהער אפאר ביליאן יאר.... זייער א גוטע קלאץ קשיא. אבער די זעלבע קשיא איז דא אויף זייער חשבון פון 13 ביליאן יאריגע וועלט, ווייל די ווייטע שטערנס פון א קווינטיליאן ליכט יאר אוועק, איז אויך א קיימא לן פון הונדערטער טריליאנען יאר וואס זייער שיין דארף געדויערן אנצוקומען אהער?

מ'קען נישט זען קיין שטערענס ווייטער ווי זאכן וואס זענען ווייטער ווי 47 ביליאן ליכט יאר, (בעצם וואלט עס געדארפט זיין 13.8 ביליאן ליכט יאר, נאר וויבאלט די יוניווערס עקספענד, קען מען זען זאכן וואס פלעגן זיין נענטער צו אונז ואכמ"ל). נאכמער, ווען מ'קען ווען זען אלע שטערענס ביז "קוואנטיליאן" (פארוואס? שוין געהערט פון דעם נאמבער? זעט זיך צוריק לערנען!) וואלט נישט געווען קיין אינטש אינעם הימל וואס וואלט געווען טונקל ביינאכט, ס'וואלט דאך אלעס געווען פול מיט שטערענס און גאלאקסיעס, נארוואדען? וויבאלד מיר לעבן אין א יונגע יוניווערס, וואס איז נאר 13.8 ביליאן יאר אלט, דערפאר זעט מען נאר ביז א געוויסע מרחק.
זוכער האט געשריבן:
2) אויב זיי זאגן שוין יא אז דאס האט זיך אנגעהויבן 13 ביליאן יאר צוריק דורך א ביג-בענג, דארפן זיי מסביר זיין וויאזוי איז געווארן פון נוקלעאר פיוזשאן צו געזונטע אקסיגען לופט?

דו דערמאנסט מיר ווען אונז האבן אנגעהויבן לערנען גמרא אין כיתה ה', און מיין רבי האט מסביר געווען די אויסשטעל פונעם עמוד, און האט צוגעצייגט צום זייט אז ווען ר' עקיבא אייגער בלייבט מיט א וצ"ע מיינט עס אז ס'איז זייער א שווערע קושיא. און איך צוציק האב גלייך אריינגעבליקט דארט, און אויפן פלאץ! ממש באשערט געווען, האב איך געקענט פארענטפערן די וצ"ע'ס אז אלעס זאל שטומען. איך האב מיך געפילט ווי די גרעסטע גאון...
זוכער האט געשריבן:לאמיר זיך גוט מסביר זיין. עס איז קודם לויט זיי געווען א סעריע פון שרעקליכע אויפרייסן וועלכע האבן באשאפן שטערנס, גאלאקסיעס, קוועיזערס, נעבולא אין א שטח פון טריליאנען ליכט יארן צו א קיימא לן פון טריליאנען גאלאקסיס וואס יעדע גאלאקסיס פארמאגט הונדערטער ביליאנען שטערנס, וועלכע א גרויס חלק זענען גרעסער און מעכטיגער פון אונזער זון אין אונזער "מילקי וועי". יעצט וויאזוי האט פאסירט אזא פאני זאך אז פון די אלע אויפרייסן און נוקלאר גאזן, גאמא-רעיס, האט זיך געמאכט א קליין לעכל (קלענער פון א נאדל לאך) וואס דארט איז דא פיינע לופט.... און טאקע נאר דארט פון די איבער 800 סענטיליאן ליכט יאר, וועלכע סטרעטשט מקצוי יוניווערס ועד סופו?

אזויווי פארוואס? זאגט שוין מיט די לאטערי, און אויך, ביזט שוין געווען אינעם גאנצע יוניווערס און בודק געווען אז ס'טאקע נישט דא קיין לעבן איבעראל?
זוכער האט געשריבן:
3) מיר פארשטייען אז ספעיס און צייט גייען אינאיינעם. אבער פארווואס האט אונזער קליינע נארישע וועלט'ל באשלאסן אנצוהייבן ארומדרייען די זון פאר 13 ביליאן יאר צוריק.

אונזער זון איז נישט אזוי אלט, נאר א קנאפע פיר אהאלב ביליאן יאר. און ביז אונזער וועלטל האט גענומען נאך צוויי הונדערט מיליאן יאר באשאפן צו ווערן. און ס'האט נישט באשלאסן זיך צו דרייען ארום די זון, נאר אסאך שטויב און ברוכווארג האבן זיך געדרייעט אינעם געגענט, און פון זיך אריינקלאפן, אריינקלעבן, און די געזעצן פון גראוויטאציע, האבן גורם געווען אז די פלאנעטן זאלן זיך פארעמען. אונז זעמער נישט די איינציגסטע פלאנעט, ס'דא נאך זיבן אין אונזער משפחה. איי פארוואס פונקט וואוינסטו אויף די זעלבע ערד וואו לעבן האט זיך געשאפן? דו כאפסט וואס דו פרעגסט, יא?
זוכער האט געשריבן: ווער איז דא משוגע געווארן איבערנאכט? און לאמיר זאגן אז נאטור (?) האט עס געמאכט פרעגט זיך אליין ווער האט אים געגעבן דעם ערשטן שטופ אינעם ארביט און ער דרייט זיך און דרייט זיך און ווערט נישט צעדרייט, יום ולילה לא ישבות. און לאמיר נישט פארגעסן אז ווען אונזער נארישע וועלט זאל זיין נאר איין טויזענט מייל נענטער צו די זון, ווערן מיר פיינע אפגעברענטע קראנטשי מצה'לעך... אויב איז עס איין טויזענט מייל אוועק פון די זון, ווערן מיר אלע געשמאקע אייז קיובקילס. סאו ביג-בענג האט סאם האו אויסגעפיגערט פערצופאל אז די וועלט זאל זיך שטעלן א סטראטעגישע 93 מיליאן מייל אוועק פון די זון פונקטליך?

יא, און פארגעס אויך נישט, אז אנדערע פלאנעטן, ווען זיי זענען ווען איין מייל נענטער אדער ווייטער פון זייער זון, וואלטן זיי אויך געקענט ענטהאלטן לעבן.
זוכער האט געשריבן: סאו ביג-בענג האט סאם האו אויסגעפיגערט פערצופאל אז די וועלט זאל זיך שטעלן א סטראטעגישע 93 מיליאן מייל אוועק פון די זון פונקטליך?

ניין, צוויישן די פילע גאלגסיעס און שטערענס און פלאנעטן, זענען דא פלאנעטן אין אלע מיני ווייטקייטן פון זייער זון, איז לא ימלט אז כאטש איינער זאל זיין אין די גוטע ווייטקייט פונקט כדי צו קענען פארמירן לעבן אויף איר ניין? יעצט פארוואס פונקט דו ביזט אריינגעפאלן פונקט אין דעם וועלטל? נו, ענטפער אליינס.
זוכער האט געשריבן:4) יעדער פארשטייט אז ווי גרעסער און מאסיווער די פלאנעטן זענען, אלס גרעסער איז זייער גראוויטי (כח המושך), דאס איז נאטירליך און פארשטענדליך.
יעצט טראכט אריין ווען אונזער זונעלע'ס כח המושך איז מיט 1 פראצענט שטערקער, איז אויס מיט אונז. ווען עס וואלט געווען איין פראצענט שוואכער איז אונזער וועלטל פארבלאנזשעט אפאר טריליאן מייל אוועק ערגעץ צווישן קדש ברנע און בית לחם... און

עיין לעיל
זוכער האט געשריבן:
5) יעדער ווייסט אז אונזער וועלט איז בערך איין ברעקל זאלץ קעגן די יוניווערס. (קודם צוברעקל דאס זאלץ שטיקעלע אויף א מיליאן). יעדע איינציגע סעקונדע רייסן אויך שטערנס, קוועיזערס און עס פאסירן סופער-נאוועס, בלעק-האל'ס פארמירן זיך, קאסמישע ווארמ-האלס וועלכע זענען טריליאנען ליכט יאר גרויס ווערן געשאפן פון די חורבנות פון די אויפרייסן שבכל רגע מתרחש. - ווערט עס דיר נישט שווער אז מיליאנען שטערן רייסן אויף טאג טעגליך אז גארנישט קראכט נישט אריין אונזער וועלטל.... איין שפרענקאלע קראכט דא אריין איז אלעס היסטאריע? זאגט דיר דאס נישט אז איינער וואטשט, משגיח מן החלונות ומציץ מן החרכים?

די זאכן געשעען נישט אויף יעדע פלאנעט יעדע פאר יאר, נאר איין מאל אין מילאנע אדער גאר ביליאנער יארן, נאר וויבאלד ס'דא אזויפיל פלאנעטן און זונען, געשעהט עס גאנץ אפט, אבער איבער א ריזיגע שטרעקע פון מקום. ווי אויך איז אונזער וועלטל נישט קיין צערטל קינד, און האט אויך געהאט אירע גוטע צייטן, מיט מעטעאראטן, וואלקאנען איבער'ס גאנצע פלאנעט, מאכן פארניכטונגען פון רוב לעבעדיגע זאכן, נאר דו ביזט פונקט דא אין די פאר יאר וואס ס'דא שיינע וועטערס.
זוכער האט געשריבן:
מ'קען פרעגן נאך טויזענט נארישע פראגעס און אפווענדן די נארישע טעאריעס וועלכע פארענטפערן נישט קיין איין פראגע, נאר ברענגען אויף פילע מער, און דער ענטפער פון אלע סייענטיסטן ווען מ'פרעגט זיי וואס האט געברענגט דעם ביג-בענג... (FIRST CAUSEׂ) בלייבן זיי ממילא מיט די צונג אינדרויסן.

מיינסט דאס?

בילד
זוכער האט געשריבן:אויב שוין נישט וויסן, קען איך שוין רואיג ענטפערן דער באשעפער האט עס באשאפן במאמר פיו. וויאזוי, וואס איז געווען קודם און נאכדעם און אינדערמיט... איך ווייס נישט! און קיינער וועט קיינמאל סייוויי נישט וויסן!


אה! את והב בסופה. קומער צו צום זעלבן מסקנה. די איינציגסטע חילוק צווישן מיר און דיר איז, אז ביי דיר איז גאט א God of the gaps, אז די באשעפער איז מוכרח מכוח וואס דו קענסט נישט מסביר זיין וויאזוי ס'געשעהן. אבער איינמאל סייענס וועט אויספיגערן וויאזוי צו פארענטפערן דיינע קושיות וועסטו פארלירן דיין אמונה ר"ל. אבער איך לייג נישט אריין גאט אנצופילן די לעכער, נאר ער איז דארט מכח עצמו, און אפילו איך וועל האבן אלע תירוצים צום וועלט באשאף, וויאזוי ס'איז געשעהן, וועל איך בלייבן א פולקאמע מאמין.
געפילטע פיש
חבר ותיק
חבר ותיק
 
הודעות: 6951
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5548 מאל
האט שוין באקומען לייקס: 7611 מאל

הודעהדורך סודני » פרייטאג מערץ 21, 2014 12:41 pm

געפילטע, איך האב איין פשוט׳ע פראגע צי אייך, קענט איר אפלערנען די בריאה, מיט אייער הבנה אן א גאט? איך רעדט נישט פין רעליגיע , די בריאה פאר זיך, יא צי ניין
סודני
מאנשי שלומינו
מאנשי שלומינו
 
הודעות: 52
זיך רעגיסטרירט: מאנטאג דעצעמבער 16, 2013 5:46 pm
האט שוין געלייקט: 61 מאל
האט שוין באקומען לייקס: 50 מאל

הודעהדורך מאיר » פרייטאג מערץ 21, 2014 1:15 pm

די עצם טעריא פין עוועלאעשן (אז ביי בריאת העולם איז געווען איין זאך אין פין דעם קימט אלעס ארויס סטעפ ביי סטעפ) איז אמת, אין עס שטייט שוין לאנג אין די ראשונים (רמב"ן, רבינו בחיי, ראב"ד) אין דאס איז פין די יסודות אין קבלה (השתלשלות). נאר די דיטאלען: וואס ברענגט וואס, וואס קימט פין וואס איז (מן הסתמא) נישט דומה.

אויך וואס די ערשטע בריאה איז געווען, ליפט, געזעס (אש), אדער וואסער (ליקוואד) איז א פלוגגתא אין די ראשונים. ביז אפאר יאר צוריק האט מען געהאלטען געזעס, לעצטענס איז מען נוטה אז עס איז וואסער.

אויך די זאך פין דיינעסארס שטייט שוין אויך אין חז"ל (קרני ראם).

עס איז דא בעיקר צוויי חילוקים צווישען חז"ל אין סייענטיסטען בנוגע עעועלאשען.

1) וואס איז דער ערשטער כח, אין וואס פירט דאס. לויט זיי פין זיך אליין - עקסידענטס (ווייל, ביז דערוויל, עס איז נישט דא קיין "סייענטיפיק" ראיה אויף מער). לויט אינז (אין ווי איך גלייב 100%) פין א "מצוי" (רמב"ם) וואס איז אייביג געווען. אין אלע כוחות וואס איז דא, איז דא אין דעם מצוי (ועוד יותר אין סוף) דער מצוי כביכול ווערט אנגעריפען אין יודיש באשעפער.

2) ממילא אז עס געשענט פין זיך אליין (לפיהם) מיז מען "גלייבען" (מיט שוואכע ראיות) אז עס איז אלט ביליאנען יארען (אין עס מיז גיין מיט קליינע סטעפס אזוי דארווין האט געזאגט. נאר די קשיא אויף דעם שיטה איז, איז אז עס דא אסאך "מיסינג לינקס"), משא"כ אויב עס דא א אינטעלעדשזענט דיזיין (אזוי שפינאזע אין איינשטיין האבען נוטה געווען) קען עוועלאשען פאסירען אין א פאר יאר אויך. (אין עס קען פאסירען אויך אין גרויסע סטעפס אזוי עס שטייט חגיגה יב: בצביונן נבראו. ממילא וועגען דעם איז דא "מיסינג לינקס").





בנוגע אויב א מענטש איז אמאל געווען א מאנקי, מאכט נישט קיין גרויסע חילוק אויב יא אויב נישט. עעועלאשען קען שטימען מיט ביידע צדדדים. אויך אין מדרש שטייט אז די מציאות פין די מענשט בשעת בריאה איז געווען דומה לבהמה (די נשמה איז געקימען שפעטער אזוי ווי עס שטייט אין די תורה)
יהיב חכמתא לחכימא (דניאל ב כא)
מאיר
מאנשי שלומינו
מאנשי שלומינו
 
הודעות: 85
זיך רעגיסטרירט: מאנטאג מערץ 04, 2013 6:12 pm
האט שוין געלייקט: 25 מאל
האט שוין באקומען לייקס: 69 מאל

נעקסט

גיי צוריק העמק דבר

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט