וואלטסטו אריינגענארט א מוסלעמעינער מיט א שטיקל חזיר?

מחשבה, השקפה ועיון

וואלטסטו אריינגענארט א מוסלעמעינער מיט א שטיקל חזיר?

הודעהדורך פארוואס? » מיטוואך יוני 18, 2014 1:25 am

נישט לאנג צוריק האב איך מיר געטראפן אין א שווערע סיטואציע, וואס איז מיר זייער שווער געווען אליינס צו אדורכטראכטן, לאמיר הערן די דעה הצרופה פון חברי ורבני הבית-קפה.

גופא דעובדא הכי הוה, איינער וואס ארבעט צוזאמען מיט מיר, א פאנאטישער גלויביגער אין די איסלאמישע רעליגיע, ער פאלגט נאך מיט די גאנצע פרומקייט אלע זייערע משוגעת'ן, ער ביקט זיך פינעף מאל א טאג, (צומאל גייט עס ממש אויף די נערוון), ער פאסט ערליך די גאנצע רעמאדאן, און אזוי ווייטער. 

האט זיך געמאכט אז עס איז אנגעקומען צו מיר א געשמאקע פליישיגע פארציע, וואס איך בין געוואר געווארן בדרך לא דרך, נאך פארן אנפאנגען עסן, אז עס איז געקאכט געווארן צוזאמען מיט חזיר פלייש, וואס זעלבסטפארשטענדליך קען א אידיש קינד נישט אריינעמען אין מויל. כ'האב עס נישט געקענט עסן, און כ'האב עס געלאזט אומגערירט, און געדאנקט פון טיפן הארצן פאר השי"ת פארן מיר ראטעווען פון נכשל ווערן מיט מאכלות אסורות, און אז מיין מוח איז נישט געווארן מטומטם ח"ו. 

אבער די מאגן האט געפאדערט זיינס, און דער הונגער האט מיר שווער אטאקירט, איך בין געווען שטארק פארקלערט און פארטראכט, און געבליבן שטיין מיט די פארציע אין די האנט ווי א קלאץ.

פלוצלינג איז אדורכגעגאנגען דער אויבנדערמאנטער קאלעגע, און ער פרעגט מיר: פארוואס, פארוואס עסטו נישט דיין פארציע? עס זעהט אויס זייער גוט. איך בין געווען אומבאקוועם איהם צו ענטפערן אז עס איז צוליב רעליגיעזע סיבות, האב איך איהם געזאגט אז איך האב שוין געגעסן, און איך בין זאט, איך דארף עס שוין נישט. (כאטש וואס באמת בין איך געווען הוגעריג ווי א בער). 

זאגט ער צו מיר: איך בין גראדע זייער הונגעריג, נו, אויב אזוי אפשר קויף איך עס אפ פון דיר? איך האב געגעבן א שפרינג אויף מיט דעם געדאנק, און זיך געפריידט אז איך וועל מיט זיין געלט קענען אראפגיין צו די דערנעבנדיגע כשר'ע רעסטוראנט, און עסן א כשר'ע מאלצייט.
 
איך האב מיר שנעל געמאכט א חשבון, אז על-פי הלכה איז דאך מותר צו הנאה האבן פון נבילות, (מקרא מלא דיבר הכתוב: לכלב תשליכון אותו וכו'), און אפילו טאמער נישט, איז דאס דאך נאר א בליעה, און פון א חתיכת היתר הבלוע בו איסור מעג מען זיכער הנאה האבן.
ווידער, א גוי מעג דאך עסן נבילות, אזוי אז עס נישט פארהאן קיין שאלה פון לפני עוור לא תתן מכשול. נו, דען פארוואס נישט? עס איז דאך ממש א גאלדענע געדאנק. 

אבער עס איז מיר ארויפגעשווימען אין מוח א שטיקל ספק, איך האב געגעבן נאך א קלער, און איך טראכט צו מיר: ער מעג טאקע על פי הלכה עסן חזיר, אבער לויט זיינע פארשריפטן טאר ער דאך נישט, ער וועט טאקע קיינמאל נישט אויסגעפונען, ער גייט קיינמאל נישט וויסן אז לויט זיין דמיון האט ער געטוהן אן עבירה, מעג איך איהם ארייננארן דערמיט?

די שאלה קען אפשר אויך אנגעקוקט ווערן פון א תורה'דיגע שטאנדפונקט, אבער איך פרעג עס מער אלס מענטשליכקייט. 
וואלט איך דען געוואלט אז אן אטעאיסט זאל מיר ארייננארן מיט נבילות וטריפות רח"ל, ווייל ער האלט אז איך לעב אין דמיון, ער מיינט אז לית דין ולית דיין, איך וועל קיינמאל נישט אנקומען אין גיהנם דערפאר?
איך לאך טאקע פון דעם מוסלעמענער, ער איז טאקע זייער פאנאטיש, אבער אלס רעספעקט פאר א מענטשליכע-אנוועזנהייט דארף איך איהם נישט מודיע זיין אז עס איז געקאכט מיט חזיר?

דער אמת איז, כ'האב קיינמאל נישט געלערנט די מוסלעמענער פארשריפטן, איך ווייס נישט צו לויט זיי איז טעם כעיקר אדער נישט. על כל פנים, די שאלה איז דא, דארף איך איהם מודיע זיין, אדער נישט?
(ביטע פרעגט נישט וואס איך האב צום סוף געטוהן).
רעדאגירט געווארן צום לעצט דורך פארוואס? אום מיטוואך יוני 18, 2014 5:59 pm, רעדאגירט געווארן איין מאל בסך הכל.
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1510 מאל

הודעהדורך אפטעמיסט » מיטוואך יוני 18, 2014 1:41 am

אוודאי וואלט איך נישט געגעבן. ביטע.
מקנא אני את המתים
אשר נעשו חפשי מן המצפון
מאשר החיים חיים הפכפכיים
ונפשם לא שלימה בקרבם

~ אורים ותומים www.kaveshtiebel.com/viewtopic.php?f=50&t=12010
באניצער אוואטאר
אפטעמיסט
חבר ותיק
חבר ותיק
 
הודעות: 2343
זיך רעגיסטרירט: זונטאג סעפטעמבער 22, 2013 3:05 am
געפינט זיך: אין מאחורי
האט שוין געלייקט: 3265 מאל
האט שוין באקומען לייקס: 3705 מאל

הודעהדורך שטילע אינגערמאן » מיטוואך יוני 18, 2014 2:06 am

טאמער בין איך הונגריג, אין נאר אזוי קען איך איינקויפן פאר מיר כשר'ס, בין איך ביכולת אריין צו נארן א איד אויך מיט א שטיקעל חזיר,
אבער אלץ מענטשליכקייט איז זיכער אז מזאל נישט אריין די מוסלמעינער.
באניצער אוואטאר
שטילע אינגערמאן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1007
זיך רעגיסטרירט: מיטוואך אקטאבער 23, 2013 12:54 am
האט שוין געלייקט: 686 מאל
האט שוין באקומען לייקס: 2134 מאל

הודעהדורך איחוד פעלד » מיטוואך יוני 18, 2014 7:18 am

עס איז אסור אלץ לפני עור לא תתן מכשול, ביי א גוי איז אויך דא לפני עור.

מצד אחר ווייס איך.נישט אויב זיי זענען מקפיד אויף בליעות.
א משוגענער באלאנגט אין משוגעים הויז, און א מאלעסטער באלאנגט אין תפיסה!!
אדם המוכה מחבירו יכול לילך לקבול לפני עכו"ם אע"פ דגורם למכה היזק גדול (רמ"א סי' שפ"ח ס"ז), מותר לקצץ ידיו על ידי גוי (ש"ך ס"ק מ"ה).
איחוד פעלד
חבר ותיק
חבר ותיק
 
הודעות: 2933
זיך רעגיסטרירט: זונטאג מאי 20, 2012 6:00 pm
האט שוין געלייקט: 641 מאל
האט שוין באקומען לייקס: 1628 מאל

הודעהדורך לאליפאפ » מיטוואך יוני 18, 2014 7:21 am

יעדער זאל ענטפערן אויף דעם ריכטונג ווייל שמרי' האלט שוין אן אויג אויפן אשכול...
באניצער אוואטאר
לאליפאפ
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1281
זיך רעגיסטרירט: זונטאג יאנואר 06, 2013 4:12 pm
האט שוין געלייקט: 327 מאל
האט שוין באקומען לייקס: 859 מאל

הודעהדורך מצטמק ויפה » מיטוואך יוני 18, 2014 7:53 am

מיר אידען אלס דער אויסדעוועלטער פאלק פונעם אייבערשטן ווייסן און גלייבן אז שהבורא יתברך שמו הוא יחיד ואין יחידות כמוהו..., אבער למעשה ווילן מיר זיין רעספעקטע"ט ביי די ארומיגע, מיר ווילן נישט אז דער גוי זאל אונז חלילה אראפקוקן אדער מיינען אז מיט אונזערע מעשים זענען מיר אראפ פון זינען.
איז אויב מיר ערווארטן א רעספעק"ט פון אנדערע לגבי אונז, דארפן מיר אוודאי רעספעקט"ן אנדערע.

איחוד, מקור לדבריך?
באניצער אוואטאר
מצטמק ויפה
היימישער באניצער
היימישער באניצער
 
הודעות: 479
זיך רעגיסטרירט: מיטוואך יאנואר 01, 2014 8:31 pm
האט שוין געלייקט: 975 מאל
האט שוין באקומען לייקס: 1035 מאל

הודעהדורך Dovidel » מיטוואך יוני 18, 2014 9:51 am

אכט יאר צוריק האב איך געפרעגט ממש די זעלבע פראגע אין א פארום וואס איז דעמאלטס אנגעגאנגען מיט'ן נאמען "האלט, דא טראכט מען-עצכח יידיש".

מיין פראגע:
איז מאראליש אויסגעהאלטן מכשיל צו זיין א גוי מיט אן עבירה?
א איד קעיטערט א באנקעט פאר קריסטליכע גלחים. ער ווייסט אז אויב לייגט ער אריין אביסל וויין אין א געוויסן מאכל וועט עס האבן א טעם מעין עולם הבא. האט ער מאראלישער רעכט מכשיל צו זיין די גלחים מיט א קריסטליכער עבירה פון טרינקען אלקאהאל אויב ער איז ברור אז זיי גייען קיינמאל נישט געוואויר ווערן דערפון?


קעלעמר האט געענטפערט:
סאיז דא האיסור פאר גלחים צו טרינקען אלכוהול?

בכל אופן אייב די שאלה איז א עקרונישע שאלה. לענ"ד מאראליש איז נישט דא קיין נפק"מ . נאר וואס? אייב זיי וועלן נישט זאך דער וויסען פון דעם זעט אויס אז נישט דא קיין פרובלעם.


באראפארקער האט געענטפערט:
איך מיין אז להלכה איז נישטא קיין פראבלעם פין לפני עור ווען יענער ווייסט נישט אז ער טוט אן איסור, וווייל ער איז אן אונס, און ער טוט דאך נישט קיין עבירה. דער יסוד קען מען ארויסנעמען פין דעם לגבי דיין שאלה. איך מיין אבער אז דיין שאלה איז בעיקר צו מען דארף זיך רעכענען מיט יענעמס פאלשער קבלות.


אביסל ווייטער בין איך מער מסביר מיין פראגע:
איך זע אז דער עולם פארשטייט נישט אזוי קלאר די שאלה, וועל איך בעסער ערקלערן.
עפ"י הלכה איז נישט קיין פראגע אז מ'מעג זיי זיכער "מכשיל" זיין מיט זייערס א באזיסלאזער עבירה. די סיבה איז, אז "הלכה" איז א דרך החיים אינערהאלב אידישקייט און אנערקענט נישט קיין אנדערע רעליגיעס. די שאלה איז לגבי א מענטש זעלבסט, וועלכער האלט די אידישע רעליגיע פאר דער אמת'ער, און פירט זיך לויט איר אין אלע אספעקטן פון זיין לעבן, אויב ווען עס האנדלט זיך מיט א צווייטן מענטש צי האט ער בכלל רעכט אנצונעמען זיין רעליגיע אלס די הונדערט פראצענט אמת'ע אויפ'ן חשבון פון יענעם.
איינער וועלכער איז א איד מחמת "אמונה פשוטה" איז לכאורה נישט קיין שאלה אז ער טאר יענעם נישט מכשיל זיין, ווייל ער אליין גלייבט דאך נישט אינעם גלח'ישן איסור אויף אלקאהאל פאר דער זעלבער סיבה פארוואס דער גלח גלייבט יא. און אויב אמונה פשוטה קען מחייב זיין א אידישן לעבנסשטייגער קען עס אוודאי אויך מחייב זיין א קריסטליכן.
די שאלה שטעלט זיך נאר ווען דער איד איז א איד מחמת הכרה. דאס הייסט אז זיין טיפע חקירה, און דורכדרינגענליכער לאגיק האט אים באוואויגן אז דאס איז דער אמת. איז יעצט די שאלה צו זיין פערזענליכער לאגיק קען נאר אים מחייב זיין לגבי וויאזוי צו פירן זיין לעבן, אדער אויב דאס איז גענוג שטארק צו מאכן באשלוסן אפילו אויפ'ן חשבון פון איינעם וואס זיין לאגיק דיקטירט אים אנדערש.
איצט בנוגע די אויבנדערמאנטע שאלה איז נישט קיין תירוץ אז וויבאלד די גלחים צאלן דעם איד דארף זיך דער איד רעכענען מיט זייער גלויבן. ווייל אויב די מסקנא צו דער חקירה איז אז א מענטשנס לאגיק איז גענוג פעסט אפילו בנוגע א צווייטן מעג ער אוודאי זיי מכשיל זיין ווייל ער ווייסט אז זייער פארבאט איז פאלש, און ער קען זיי מהנה זיין מיט א פיינעם מאכל - איז פשט אז ער טוט זיי א טובה.

זע ווייטער דעם שמועס דארטן.
http://www.bhol.co.il/forums/topic.asp? ... m_id=15252
Dovidel
א גאסט אין שטיבל
א גאסט אין שטיבל
 
הודעות: 15
זיך רעגיסטרירט: דאנערשטאג מערץ 01, 2012 12:21 am
האט שוין געלייקט: 2 מאל
האט שוין באקומען לייקס: 15 מאל

הודעהדורך פליקער » מיטוואך יוני 18, 2014 10:01 am

א איד ברויך זיין ערליך, מען טאר בשום אופן נישט הנאה האבן אויף יענעם'ס חשבון, גניבת דעת, טראסט, דעיס איז מיט וואס אינז שטאלצירן, נישט אז מיר ריקן איינעם אריין, מיר זענען ערליכע, מענטשליכקייט, אויב יענער איז א וועדזשעטעריען, ריק אים נישט אריין קעיגן זיין רצון, ווייל די לאכסט פינעם, יעדער איז בארעכטיגט צי זיין משוגע כפי רצונו
Stay away from negative people
they have a problem for every solution

קענסער קאפיטל 1 (הקדמה) קענסער 2 קאפיטל 3קאפיטל 4קאפיטל 5
באניצער אוואטאר
פליקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1688
זיך רעגיסטרירט: פרייטאג פעברואר 28, 2014 1:45 pm
האט שוין געלייקט: 1166 מאל
האט שוין באקומען לייקס: 3614 מאל

הודעהדורך געפילטע פיש » מיטוואך יוני 18, 2014 10:06 am

די שאלה קען מען פרעגן לגבי אנדערע יידן אויך, למשל אויב איך האב א גאסט פסח וואס איז מקפיד אויף נישט צו עסן געקויפטע פראדוקטן, לאמיר זאגן אז איך האב אנגענומען אז ס'איז א מנהג שטות, מוז איך עם זאגן אז די פלייש איז געקאכט אין געקויפטע קעטשאפ, אדער אז די קיכן וואס ער בייסט צו איז אבערלענדער'ס, נישט היימיש? וואס איז אויב איך ברענג קידוש צו מאכן אין בית מדרש, און איך ווייס אז אויב איינער וועט וויסן אז איך האב עס געברענגט אום שבת וועט ער נישט עסן, אבער איך ווייס דאך יא אז די עירוב איז כשר, מוז איך עם זאגן, און לאמיר זאגן אז נישט, אויב פרעגט ער מעג איך עם זאגן ליגנט? אויב א חבר גייט נישט אריין אין א שטוב וואו ס'דא אינטערנעט, מוז איך עם זאגן אז ער מעג נישט אריינקומען אין מיין שטוב? און אויב האב איך א חבר א וועגיטעריאן, מעג איך עם געבן צו עסן א מאכן וואס האט תערובת פלייש אדער פיש?
געפילטע פיש
חבר ותיק
חבר ותיק
 
הודעות: 6940
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5479 מאל
האט שוין באקומען לייקס: 7471 מאל

הודעהדורך שמעקעדיג » מיטוואך יוני 18, 2014 10:28 am

פארוואס? האט געשריבן:איך בין געווען אומ-באקוועם איהם צו ענטפערן אז עס איז צוליב רעליגיעזע סיבות.

דעם פאראגראף איז מיר שווער צו פארשטיין.
וואס איז די אומבאקוועמליכקייט? בפרט פאר א גלויביגער גוי וועלכער וועט דיר בלויז שעצן דערפאר?

=======
מיין תשובה צו דיין שאלה איז ווארט ביי ווארט ווי @פליקער כנ"ל
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15092
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17795 מאל
האט שוין באקומען לייקס: 18096 מאל

הודעהדורך בר דעת » מיטוואך יוני 18, 2014 11:54 am

די שאלה איז א קלאסישע מאראלישע דילעמע און קען זיין נוגע אין אסאך וועגן.
מעג מען אריינרוקן א וועדזשטעריען מיט פליישיגע זאכן?
און איינעם וואס האט משוגענע דמיונות פון דזשערמס, מעג מען געבן עפעס וואס האט געטאטשט עפעס וואס לויט זיין עקסטרעמע דעה איז שלעכט?
די ווייסט דאך דעם אמת, די ביסטו לאמיר זאגן א פילאזאף - ווייסט דעם אמת אז חזיר איז אקעי, לאמיר זאגן ביסט א דאקטאר און די ווייסט אז עס איז נישטא קיין דזשערמס וכו',
און אויב יענער האט א משוגעת ער עסט נישט עפעס וואס איז געליגן אין א רויטע בעג, צוליב חשש שמאלע געפאסטע קליידער, אדער איז א ארוני און עסט נישט עפעס געקויפט אין זאלוני גראסערי, דארף מען אים זאגן די אמת?
בקיצור, מוז איך מכבד זיין יענעמס אידעעלאגיע, אים געבן זיין טעריטאריע, אדער אז מען איז קלוג און מען ווייסט דעם אמת גיי דערמיט.

און אביסל א ענליכע דילעמע: מעג מען צוריקהאלטן אינפארמאציע, למשל אז דיין זון איז קראנק? און אז די קינדער האבן מחליט געועון צוריקצוהאלטן אינפארמאציע פון א מאמע און איך בין א חכם און איך ווייס אז זי מעג וויסן, מעג איך איר זאגן? עס האט א שטיקל ענדליכקייט צו די פריערדיגע דילעמע ווייל אין ביידע איז די שאלה צו איז יעדנס סוביעקטיווע דעה די אמת לגבי אים, אדער קען איך גיין מיט א אביעקטיווע אמת און אים אנפייפן
בר דעת
ידיד השטיבל
ידיד השטיבל
 
הודעות: 282
זיך רעגיסטרירט: דאנערשטאג מערץ 06, 2014 7:17 pm
האט שוין געלייקט: 990 מאל
האט שוין באקומען לייקס: 706 מאל

הודעהדורך טיטאניק » מיטוואך יוני 18, 2014 12:13 pm

מצטמק ויפה האט געשריבן:מיר אידען אלס דער אויסדעוועלטער פאלק פונעם אייבערשטן ווייסן און גלייבן אז שהבורא יתברך שמו הוא יחיד ואין יחידות כמוהו..., אבער למעשה ווילן מיר זיין רעספעקטע"ט ביי די ארומיגע, מיר ווילן נישט אז דער גוי זאל אונז חלילה אראפקוקן אדער מיינען אז מיט אונזערע מעשים זענען מיר אראפ פון זינען.
איז אויב מיר ערווארטן א רעספעק"ט פון אנדערע לגבי אונז, דארפן מיר אוודאי רעספעקט"ן אנדערע.

איחוד, מקור לדבריך?

איין זאך וואלט איך מוסיף געווען
אז מען זאל זאגען דער אראבער די גאנצע חשבון, און מיט דעם מאכען א קידוש השם
זאגענדיג בעצם גלייב איך נישט אין דיין רעליגיע אבער איך טי דיר רעספעקטירען
טיטאניק
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1254
זיך רעגיסטרירט: דאנערשטאג נאוועמבער 28, 2013 10:31 pm
האט שוין געלייקט: 1302 מאל
האט שוין באקומען לייקס: 1270 מאל

הודעהדורך געפילטע פיש » מיטוואך יוני 18, 2014 12:18 pm

עצות איז דא גענוג, די שאלה איז דא א מאראלישע דילעמא, אז איך ווייס אז עפעס א סופערסטישען איז פאלש, איז עס מאראליש יענעם צו מאכן טוהן\געבן צו עסן עפעס וואס לויט יענעמ'ס פאלשע גלויבן מעג ער עס נישט טוהן, אדער וויבאלד ער וועט קיינמאל נישט וויסן, און איך ווייס דאך אז די זאך מעג מען טוהן\עסן, מעג איך עם עס געבן.
געפילטע פיש
חבר ותיק
חבר ותיק
 
הודעות: 6940
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5479 מאל
האט שוין באקומען לייקס: 7471 מאל

הודעהדורך לעיקוואד » מיטוואך יוני 18, 2014 1:02 pm

אויב וועט ער קיינמאל נישט אויסגעפינען אז איר האט עם אויסגענארט קלער איך עס איז נישט קיין פראבלעם, אויב ביסטו טאקע משוכנע אז זיין מצווה נישט צו עסן חזיר איז טאקע שטותים והבלים.
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3787
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1748 מאל
האט שוין באקומען לייקס: 5812 מאל

הודעהדורך גאלד » מיטוואך יוני 18, 2014 1:26 pm

כ'שטים מיט די צד אז אויב דער גוי וועט קיינמאל געוואויר ווערן זעה איך קיין שום פראבלעם מיטן איהם מאכיל זיין חזיר פלייש, וואס קען דען זיין די פראבלעם
אויב קלערט איר אז איך געב א hoot אויף אהרן און זלמן לייב זאלט איר וויסן אז אויסדריקליך יא! און רעג מיך נישט אויף!
באניצער אוואטאר
גאלד
חבר ותיק
חבר ותיק
 
הודעות: 2120
זיך רעגיסטרירט: מאנטאג מאי 07, 2012 1:42 pm
האט שוין געלייקט: 670 מאל
האט שוין באקומען לייקס: 1718 מאל

הודעהדורך געפילטע פיש » מיטוואך יוני 18, 2014 1:42 pm

און ווען א גוי טוט דאס צו דיר און דו גייסט קיינמאל נישט אויסגעפונען וואלסטו אויך אזוי געפילט?
געפילטע פיש
חבר ותיק
חבר ותיק
 
הודעות: 6940
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5479 מאל
האט שוין באקומען לייקס: 7471 מאל

הודעהדורך שמעקעדיג » מיטוואך יוני 18, 2014 1:55 pm

עס איז פאראן אזא זאך ווי יושר. פשוט און גראד. איך וואלט קיינמאל נישט אריינגענארט א צווייטן פאר קיין שום סיבה! אויב יא וואלט איך געשפירט שלעכט א גאנץ לעבן פאר יענעם.
יענער איז נישט מחוייב צו לעבן לויט מיינע השקפות. איך בין מחוייב יענעם צו רעספעקטירן פאר זיינע שיטות.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15092
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17795 מאל
האט שוין באקומען לייקס: 18096 מאל

הודעהדורך לעיקוואד » מיטוואך יוני 18, 2014 2:18 pm

געפילטע פיש האט געשריבן:און ווען א גוי טוט דאס צו דיר און דו גייסט קיינמאל נישט אויסגעפונען וואלסטו אויך אזוי געפילט?


איך וואלט נישט געפילט ווייל איך וואלט דאך נישט געוואוסט :)
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3787
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1748 מאל
האט שוין באקומען לייקס: 5812 מאל

הודעהדורך געפילטע פיש » מיטוואך יוני 18, 2014 2:24 pm

שמעקעדיג האט געשריבן:עס איז פאראן אזא זאך ווי יושר. פשוט און גראד. איך וואלט קיינמאל נישט אריינגענארט א צווייטן פאר קיין שום סיבה! אויב יא וואלט איך געשפירט שלעכט א גאנץ לעבן פאר יענעם.
יענער איז נישט מחוייב צו לעבן לויט מיינע השקפות. איך בין מחוייב יענעם צו רעספעקטירן פאר זיינע שיטות.



דאס איך זיכער אז די golden rule איז אז איך זאל נישט טוהן פאר יענעם עפעס וואס איך וואלט נישט געוואלט יענער זאל טוהן פאר מיר, אבער ערגעץ מוז זיך די רול ענדיגן, ביי א געוויסע פונקט וואו די אבסורדיטי פונעם איינרעדעניש איז אזוי גרויס, אדער אז די געברויך איז גענוג גרויס, צו ברעכען דעם מאראלישן קאוד. למשל, איך וואלט מסתמא יא געגעבן א blood transfusion פאר א Jehovah's Witness וואס איז שטערבליך קראנק צו ראטווען זיין לעבן, אויב וועט ער קיינמאל נישט געוואר ווערן דערפון. איך וואלט אויך מסתמא נישט דערציילט פאר איינעם אז די וואסער וואס ער טרונקט איז געליגן אין א בלוי באטל, אויב לדוגמא יענער איז שטארק מקפיד נישט צו טרונקען וואסער פון א בלויע באטל. די שאלה איז נאר, וויבאלד די "עבירה", די מאס שיגעון, אדער די וויכטיגקייט פון עובר זיין אויף דעם איז סוביעקטיוו צו מיינע שיטות, וויאזוי האב איך די רעכט צו מאכן החלטות פאר יענעם? און פון וועלכע שטאפל האב איך די מאראלישע רעכט דאס צו טוהן?


לעיקוואד האט געשריבן:
געפילטע פיש האט געשריבן:און ווען א גוי טוט דאס צו דיר און דו גייסט קיינמאל נישט אויסגעפונען וואלסטו אויך אזוי געפילט?


איך וואלט נישט געפילט ווייל איך וואלט דאך נישט געוואוסט :)

יא, אבער איך פרעג דיר דאך אויב ביום מן הימים וועט אזא זאך געשען, אויב דו וואלסט געפילט אז דו ווערסט באקירדוועט דערמיט.
געפילטע פיש
חבר ותיק
חבר ותיק
 
הודעות: 6940
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5479 מאל
האט שוין באקומען לייקס: 7471 מאל

הודעהדורך ונבנתה העיר » מיטוואך יוני 18, 2014 2:37 pm

די שאלה איז וואס איז דער אונטער-ליגנדיגער יסוד וואס גיבט א תוקף פאר די גאלדענע און זילבערנע כללים.

'טוה נישט צו יענעם וואס דו ווילסט נישט יענער זאל טוהן צו דיר', פארוואס טאקע נישט? וואס בין איך איהם שולדיג, איז די סיפא מער נישט ווי א פשוט'ע ביזנעס קאלקיולאציע וואס אין צענטער שטייט נאר איינער: 'איך'.

לפי"ז קען מען אפשר מקיל זיין, מאראלן מצד עצמם וועלן זיך נאר רעכענען מיט'ן אמת מצד שהוא אמת, ממילא אז איך בין איבערצייגט איז עס נישט קיין פראבלעם, דערנאך איז דא די ביזנעס חשבון הנ"ל, אויף דעם זאג איך אז ער וועט נישט אויסגעפונען, און זאל ער זיך איינרעדן אז איך וואלט איהם נישט מכשיל געווען אפי' בציור כזה, ושלום.

אדער ניין, די כלל איז געזאגט געווארן אין די אמיתית ענין המאראלן, דהיינו מאראל לשם מאראל, נישט ווייל איך בין איהם מכשיל מיט עפעס וואס איז שלעכט מצד אחר, ולפי"ז איז די סיפא נאר אן אבן הבוחן וואס איז מאראליש און וואס נישט און נישט א נתינת טעם אויף די רישא.

ממילא קען מען זיך נישט ארויסדרייען, ווייל אפי' עס איז נישט קיין פראבלעם אז ער זאל עסן חזיר, איז עס אסור מצד די עצם דין מאראל, און דער כור המבחן איז צו כ'וואלט מסכים געווען יענער זאל עס טוהן צו מיר, אויב נישט איז עס אסור נישט ווייל איך ברענג עפעס א רעה צו יענעם, נאר ווייל מיין מעשה מצידי איז אסור מדיני מאראלן.

זענען מאראלן נאר א לבוש אויף זאכן וואס זענען גוט און שלעכט אין זייער אייגענעם זכות, אדער האבן מאראלן עי לייף אוו איטס אוען און זיי באנוצן זיך מיט גוטס/שלעכטס נאר ווי גיידליינס?

מ'האקט.
מ'דארף צוריק אראפברענגען דעם רבי'ן

אמר ונבנתה: אל עבר החלון נשקפתי ונתתי אל לבי כי שבת האדם ממנו, חומר וגשם – ורוח אין, בחנתיו, והנה הוא תולדת מקריו – כאשר ילך המקרה כך יתעצב לבו ודמותו, לרגעים אבחננו, כאשר יאמר החכם כי אין הוויית רגע מול רגע נוצרת כי אם בהתחדש מקריו, ואל מי יקר המקרה?
באניצער אוואטאר
ונבנתה העיר
חבר ותיק
חבר ותיק
 
הודעות: 3601
זיך רעגיסטרירט: מיטוואך יולי 25, 2012 5:41 am
האט שוין געלייקט: 7104 מאל
האט שוין באקומען לייקס: 7128 מאל

הודעהדורך מצטמק ויפה » מיטוואך יוני 18, 2014 2:41 pm

טיטאניק האט געשריבן:
מצטמק ויפה האט געשריבן:מיר אידען אלס דער אויסדעוועלטער פאלק פונעם אייבערשטן ווייסן און גלייבן אז שהבורא יתברך שמו הוא יחיד ואין יחידות כמוהו..., אבער למעשה ווילן מיר זיין רעספעקטע"ט ביי די ארומיגע, מיר ווילן נישט אז דער גוי זאל אונז חלילה אראפקוקן אדער מיינען אז מיט אונזערע מעשים זענען מיר אראפ פון זינען.
איז אויב מיר ערווארטן א רעספעק"ט פון אנדערע לגבי אונז, דארפן מיר אוודאי רעספעקט"ן אנדערע.

איחוד, מקור לדבריך?

איין זאך וואלט איך מוסיף געווען
אז מען זאל זאגען דער אראבער די גאנצע חשבון, און מיט דעם מאכען א קידוש השם
זאגענדיג בעצם גלייב איך נישט אין דיין רעליגיע אבער איך טי דיר רעספעקטירען


דערמאנסט מיר, איך בין אמאל אריין אין א אראביש געשעפט. וואס בשעתו האט זיך עפעס א מעשה אפגעשפילט אין די נייעס, ( איך געדענק נישט וואס) געט מיר דער געשעפט'ס מאן א זאג "זעסט? ביי אונז קען אזא זאך נישט פאסירן, מיר האבן א גאט מיר האבן א פליכט און אונזער לעבן."
איך בין ממש ארויס פון התפעלות. קוק איהם אן, מיר זענען אויף מעסער שטעך מיט צוויי אנדערע רעליגיעס. אבער דאך שעצט ער אונז ער פארשטייט אז נישט קיין חילוק צו דיין רעליגיע איז ריכטיג צו נישט, למעשה לעבסטו מיט א ציהל, איז שוין גוט.
באניצער אוואטאר
מצטמק ויפה
היימישער באניצער
היימישער באניצער
 
הודעות: 479
זיך רעגיסטרירט: מיטוואך יאנואר 01, 2014 8:31 pm
האט שוין געלייקט: 975 מאל
האט שוין באקומען לייקס: 1035 מאל

הודעהדורך גאלד » מיטוואך יוני 18, 2014 3:03 pm

ווען א גוי טוט עס צו מיר וואלט מיך עס זייער געבאדערט, און פארדעם טראסט איך נישט קיין גוי פאר קיין שום געלט בעניני יהדות, טאקע ווייל ער גלייבט נישט דערין,
איך זעה נישט קיין שום מאראלישקייט מיטן נישט געבן חזיר פלייש פאר א מוסלעמענער, ער ווייסט דאך ממילא נישט דערפין און מיר ווייסן דאך דער אמת אז רק שקר נחלו אבותיכם, אז זייער רעליגיע איז בי.עס., נו וואס איז די פראבלעם, פארן גוי פאסירט באמת גארנישט, קיינער ווייסט קיינמאל דערפון, נו ווי פונקטליך קלאפט אויס די פראבלעם
אויב קלערט איר אז איך געב א hoot אויף אהרן און זלמן לייב זאלט איר וויסן אז אויסדריקליך יא! און רעג מיך נישט אויף!
באניצער אוואטאר
גאלד
חבר ותיק
חבר ותיק
 
הודעות: 2120
זיך רעגיסטרירט: מאנטאג מאי 07, 2012 1:42 pm
האט שוין געלייקט: 670 מאל
האט שוין באקומען לייקס: 1718 מאל

הודעהדורך הוגה » מיטוואך יוני 18, 2014 3:18 pm

לאמיך אראפ לייגן די שאלה אביסל מער 'גראב' אבער אויך מער 'אקטועל'. אויב האט איר למשל א פארפרומטע ווייב וואס גייט ביי עטליכע ענינים אדער ביי אלעם צו די עקסטרעם, וואלט איר געווען honest און איר נישט אויסגע'נער'ט? לאמיך אייך געבן עטליכע דוגמאות:

1) אייער ווייב פרעגט אייך אויב איר האט אן אייפון. זי פרעגט ווייל די פוסק הדור די בעל שבט הלוי האט גע'פסק'נט אז אן אייפון איז אסור צו האלטן אין א אידישע שטוב, און זי וויל מקיים זיין די לא תסור. איר ווייסט אבער אז עס איז שטותים והבלים, אבער גיי ווייז אויף פאר אן ערליכע אידענע. וועט איר ענטפערן ניין, אדער וועט איר פשוט ארויסנעמען די אייפון פון שטוב?

2) אייער ווייב פרעגט אייך אויב איר שעסל איז גענוג לאנג. איר באמערקט אז עס איז נאר דריי מיט א האלב אינטשעס לענגער ווי די קניען, וואס וועט איר ענטפערן?

3) איר האט געפלאנט א טריפ צו די עמפייער סטעיט בילדינג און דערווייל האט זי באקומען איר וועסט, זי פרעגט אויב מ'מעג גיין, זי הייסט דיר קוקען אין בנה ביתך. דו מאכסט אויף און דו טרעפסט שטיין אז ס'אסור, אבער דו ווייסט באמת אז עס איז מותר. וועסט איר ענטפערן אז ס'שטייט מותר, אדער וועסטו דיך טענה'ן מיט איר ביז די אפעטיט לויפט אויס?

וכהנה רבות.

כ'בין זיכער אז מאנכע דא וועלן שרייבן אז זיי האבן א רילעישאנשיפ מיט די ווייב אז זי פארלאזט זיך אויף זיין פסק. אבער יעדער איינער (כמעט) האט ערגעץ וואו זיין ווייב איז פרומער ווי אים, ביי איינער איז די ווייב א זאלי וואס טאר נישט עסן קרית יואל פלייש, ביים צווייטע איז די ווייב א מחמיר בהלכות שבת און זי וואלט נישט געגעסן די טשאלענט ווען זי ווייסט ווען אז ער האט גענומען דערפון שבת צופרי, ביים דריטע איז די מאן פשוט א קל און ער רעדט איין די ווייב אז מ'מעג עס מילכיגס נאך דריי שעה, ווען עס טוישט זיך דעם חודש. So let's cut to the chase, איז ריכטיג אויס צו נער'ן די ווייב ביי אזעלכע ענינים אדער נישט, אין א פאל אז זי וועט קיינמאל נישט וויסן אז מ'האט אויסגע'נער'ט? איך ווייס נישט וואס די 'ריכטיגע' זאך צו טון איז, איך ווייס אבער וואס די 'קלוגע' זאך איז. זיך פארביטערען דאס לעבן האט נישט קיין פשט, און זיכער נישט אריין צו גיין אין אומנויטיגע וויכוחים, ווען דו ווייסט קלאר אז ס'שטותים והבלים. ובכלל, ווער זאגט דיר אז עס איז ריכטיגער איר אפצוקילען פון איר פרומענישן ווי איידער איר צו לאזן דערמיט נאר איר נישט פארציילן אז מ'האט מקיל געווען?

איך האב אביסל מקצר געווען, ואתכם הסליחה.



.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2814
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7258 מאל
האט שוין באקומען לייקס: 6412 מאל

הודעהדורך איחוד פעלד » מיטוואך יוני 18, 2014 3:31 pm

די ווייב איז מצוה אויסצונארען, ווייל זי נארט זיך ממילא אליין.
א משוגענער באלאנגט אין משוגעים הויז, און א מאלעסטער באלאנגט אין תפיסה!!
אדם המוכה מחבירו יכול לילך לקבול לפני עכו"ם אע"פ דגורם למכה היזק גדול (רמ"א סי' שפ"ח ס"ז), מותר לקצץ ידיו על ידי גוי (ש"ך ס"ק מ"ה).
איחוד פעלד
חבר ותיק
חבר ותיק
 
הודעות: 2933
זיך רעגיסטרירט: זונטאג מאי 20, 2012 6:00 pm
האט שוין געלייקט: 641 מאל
האט שוין באקומען לייקס: 1628 מאל

הודעהדורך ונבנתה העיר » מיטוואך יוני 18, 2014 3:43 pm

הוגה, אה"נ, לכאורה איז די עיקר ספק ווען א) עס איז נישט דיין באקוועמליכקייט אן די ליין ווס. יענעמ'ס איינרעדענישן ב) ווען דו ביסט יענעם מכשיל מיט עפעס, יענער זאל טוהען עפעס וואס איז אסור לדעתו (ווי וואוינען אין א שטוב מיט אן אייפאון), נישט סתם אז מען רעדט איהם עפעס איין דברים אשר לא כן.
מ'דארף צוריק אראפברענגען דעם רבי'ן

אמר ונבנתה: אל עבר החלון נשקפתי ונתתי אל לבי כי שבת האדם ממנו, חומר וגשם – ורוח אין, בחנתיו, והנה הוא תולדת מקריו – כאשר ילך המקרה כך יתעצב לבו ודמותו, לרגעים אבחננו, כאשר יאמר החכם כי אין הוויית רגע מול רגע נוצרת כי אם בהתחדש מקריו, ואל מי יקר המקרה?
באניצער אוואטאר
ונבנתה העיר
חבר ותיק
חבר ותיק
 
הודעות: 3601
זיך רעגיסטרירט: מיטוואך יולי 25, 2012 5:41 am
האט שוין געלייקט: 7104 מאל
האט שוין באקומען לייקס: 7128 מאל

נעקסט

גיי צוריק העמק דבר

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט