יודע את רבונו ומתכוון למרוד בו??

מחשבה, השקפה ועיון

יודע את רבונו ומתכוון למרוד בו??

הודעהדורך המלוכה והממשלה » מיטוואך נאוועמבער 12, 2014 6:51 pm

כלל ישראל האט געהאט הודערטער רבנים און גדולים אין לויף פון די יאהרן. די לעצטע צוויי הונדרעט יאהר איז געוועהן אסאך רבנים וואס האבן געשטיצט די נייע סארט אידישקייט באקאנט ווי "חרדיזם", וואס איז א שטארקע שינוי פון אמת'ע אידישקייט כידוע. די שאלה איז פון די אלע חרדישע רבנים זענען זיכער געוועהן אסאך וואס זענען געוועהן תמימות'דיג צו גלייבען אז חרדיזם איז אמת'ע אידישקייט. למשל סאטמאר רבי ז"ל האט זיכער געגלייבט אין חרדיזם בכל נפשו, און ער איז מסתמא אפילו נישט געוועהן קעיפעבל צו האבן ספיקות אין דעם. וואס טוהט זיך אבער מיט'ן חתם סופר? ער האט מסתמא יא גאנץ גוט געוויסט אז ער העלפט בויען א נייע סארט אידישקייט אשר לא שערום אבותינו אבער ער האט געהאלטן אז עס פעלט אויס פאר די מלחמה קעגן ריפארם.

וואס טוהט זיך אבער מיט אזעלכע גדולים פון אמאל און היינט ווי מהר"ם שיק, ר' אהרן קאטלער, שאפראנע רב, הרב שך, חזון איש, באבובע רב, אמשינובע רבי שליט"א, ר' שרגא האגער, וכו' וכו'. זענען זיי יודעים רבונם ומתכונים למרוד בו אדער גלייבן זיי באמת אין חרדיזם?
במקום שאין איש קוקט עס אזוי אויס
נאר נחום ראזענבערג ראטעוועט אונז פון מאלעסטעישן
נאר מייקל בלומבערג ראטעוועט אונז פון הערפיס
נאר חיים שאולזאן פארדאמט אלע רשעות
נאר נפתלי מאסטער העלפט אונז באקומען א נארמאלע עדוקעישען
נאר די סעקולער געריכטן טוען עפעס פאר יושר און צדק
המלוכה והממשלה
ידיד ותיק
ידיד ותיק
 
הודעות: 870
זיך רעגיסטרירט: מיטוואך מערץ 12, 2014 7:38 pm
האט שוין געלייקט: 997 מאל
האט שוין באקומען לייקס: 1398 מאל

הודעהדורך שבת אחים » מיטוואך נאוועמבער 12, 2014 8:25 pm

איך קען דיר נישט ענטפערן אויף אלע גדולים וואס דו ווארפסט דא צוזאַם אבער איינער פון די רבנים קען איך יא פערזענליך און אויף אים קען איך דיר יא זאגן אז ס׳איז אַ בחינה פון יועדים בוראם ומתכונים $$$ ...

גבאים האטס נישט קיין טענות אויף מיר כ׳האב עס געשריבן בקיצור און זייער איידל (עכ״פ אזוי מיין איך...ניין?)
Truth that is naked is the most beautiful, and the simpler its expression the deeper is the impression it makes

Arthur Schopenhauer
באניצער אוואטאר
שבת אחים
חבר ותיק
חבר ותיק
 
הודעות: 5839
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4755 מאל
האט שוין באקומען לייקס: 3443 מאל

הודעהדורך הוגה » מיטוואך יאנואר 07, 2015 4:32 pm

דו שרייבסט אז חרדיזם איז א שינוי פון די אמת'ע אידישקייט אבער דו ערקלערסט נישט מיט וואס עס איז אנדערש. א שטריימל איז נישט א סתירה מיט אידישקייט, קוגעל מיט אלע כוונות אויך נישט, לערנען פופצן שעה א טאג אויך נישט. אפילו גלייבן אין א רבי איז בעצם נישט א סתירה מיט אידישקייט. די איינציגסטע זאך אין חרדיזם וואס איז א סתירה מיט אידישקייט, און מן הסתם רעדסטו פון דעם, איז די חרדי'שע גלויבונג אז דער וואס איז משנה איז א כופר שאין לו חלק באלוהי ממעל.

די זרע קודש שרייבט אויפן פסוק לא תעשו "כן" לה' אלוקיך, אז מ'טאר נישט מאכן מיט עבודת השם אז עס מוז זיין "אזוי" און אויב עס איז נישט "אזוי" איז נישט גוט. די משפיעים נוצן דער ווארט לגבי הנהגות, למשל אז איינער מיינט אז מען קען נישט דאווענען אן א גארטל, אדער אז ער קען נאר מקיים זיין די ד' מינים מיט אן אתרוג וואס האט א פיטום וכדומה. אבער לאמיתו של דבר גייט דער ווארט ממש עד הסוף. וד"ל.

די גאנצע institutionalization פון יהדות, תורה ומצוות האט זיך אנגעהויבן סוף בית שני, און די לענגער מ'איז געווען אין גלות איז עס אלץ מער און מער פארמערט געווארן. די סיבה הפשוטה דערויף איז ווייל אן א סיסטעם און אן א פונקטליכער סדר היום, השבוע, השנה והחיים, וואלט די גאנצע אומה היהודית געקענט פארגעסן און פארמישט ווערן. וויאזוי וואלט מען אויסגעזעהן ווען זיין א איד אין מאנהעטן מיינט עסן נאר ציגעלעך מיט באני רעביטס, און אין דייטשלאנד מיינט א איד איינער וואס זאגט שיין העלאו צו יעדעם איינעם, אין אינדיע מיינט א איד איינער וואס מעדיטעיט 3 מאל א טאג, אין ראמעניע מיינט א איד איינער וואס זינגט שיינע מנוחה ושמחה'ס וכו' ? האבן די מנהיגים אוועקגעשטעלט א פונקטליכע סיסטעם די א. ג. יסודות היהדות וואס עס מיינט צו זיין א איד, וואס אלע אידן (אויסער די אידן וואס זענען די אנדערע זייט סמבטיון...) וועלן זיך פירן די זעלבע. אלע יומי דפגרא זענען די זעלבע, מען דאווענט דריי מאל א טאג, די עיקרי תפילות זענען זייער ענליך, די מצוות האבן א געוויסע parameter וכדו'. פארשטייט זיך אז אלעס איז מיוסד אויף די תורה בדרכי הפרד"ס.

דורכאויס די גלות האבן די מנהיגים געהאלטן אין איין צולייגן הלכות ומנהגים, ספעציעל גדרים וסייגים ווען אימער עס האט אויסגעפעלט למען קיום העם היהודי. צומאל האט עס אויסגעפעלט צוצולייגן כדי מ'זאל נישט ווערן אויסגעמישט מיט די גוים און צומאל האט עס אויסגעפעלט פשוט כדי מיר זאלן קענען לעבן מיט אונזערע שכנים און מיט די צייטן.

מ'דארף פארשטיין אז כדי איינצופירן א נייע מנהג וסייג און עס זאל זיך האלטן לאורך ימים, קען מען נישט זאגן פאר די המון עם אז דאס איז א צוגעלייגטע זאך וואס מיר לייגן נאר צו לתועלת זו או אחרת, ווייל דאן וועט די המון עם עס נישט אננעמען ערענסט, עס וועט נישט נתקבל ווערן און עס וועט זיך נישט אנהאלטן. די איינציגסטע וועג איז איינצורעדן די המון עם אז דער נייע איסור איז בעצם אן אלטע איסור וואס איז איינס פון די יסודות פון יהדות, און דער וואס טוט עס נישט איז עס פונקט ווי ער דינט עבודה זרה. (ע"ז איז נישט געווען אזא הארבע עבירה בתחלת ימי תולדות עם ישראל, כידוע.)

לדוגמא, ווען די חתם סופר האט אויפגעמאכט דער חדש אסור מן התורה, האט ער גוט געוואוסט אז חידושים אין אידישיקייט איז בכלל נישט אסור. אדרבא, חידושים אין אידישקייט איז וואס האט געהאלטן אידישקייט בימי אורך הגלות. אבער צוליב נחיצת הענין, די חת"ס האט פארשטאנען אז אויב ער וועט נישט מאכן סדר וועט גאנץ כלל ישראל פארווישט ווערן ביז א קורצע צייט, האט ער אראפגעשטעלט דער חדש אסור מן התורה אזוי שארף עד כדי כך, אז מ'קען זיך נישט רופן א חרדי היינטיגע צייטן אויב מען האלט נישט פון חדש אסור מן התורה. און דערביי האט די חת"ס אליין מחדש געווען די גרעסטע חידוש אין די היסטאריע פון אידנטום.

די זעלבע איז מיט די סאטמארע רב ז"ל. (איך קריג מיך מיט @המלוכה והממשלה.) די סאטמארער רב האט גוט געוואוסט אז זיין פשט'ל איבער שלש שבועות איז נישט מער ווי א שיינע תורה'לע. קיינער וועט זיך נישט קריגן אז ער האט גוט געוואוסט אז זיך בוקן צום צלם איז נישט בעסער ווי איין ווארט עיברית (כאטש מ'קען זיך מתווכח זיין וואס איז די גרויסע עבירה מיטן זיך בוקן צום צלם). נאר ער האט געקוקט ווי א מנהיג און פארשטאנען אז די מדינה און די שלטון הציונות שטעלט די עתידות פון כלל ישראל אין א שווערע געפאר. תפס אומנות אבותיו בידיו און ער האט עס געמאכט פאר א גאנצע עבודה זרה און אזוי האט ער לפי דעתו געראטעוועט כלל ישראל.

די זעלבע טריק קען א מנהיג בעצם טון היינט אויך. א מנהיג מוכשר וואס האלט לדוגמא אז האבן א סמארטפאון שטעלט די עתידות פון כלל ישראל אין געפאר, אויב האט יענער די כח, קען ער עס אוועקשטעלן ווי די הארבסטע איסור. דער וואס האט א סמארטפאון איז יינו יין נסך, פתו פת עכו"ם, פסול לעדות, און איינער וואס נוצט אים פאר עדי קידושין אדער גיטין איז בניו ממזרים. יעצט בעצם על פי תורה איז דאס נישט אמת, אבער אין רעאליטעט וועלן הונדערטער טויזנטער חרדי'שע אידן נישט טרונקען זיין וויין און נישט עסן זיין ברויט און זיך נישט משדך זיין מיט יוצ"ח עד סוף כל הדורות או עד שישתכח המעשה, פונקט ווי חרדי'שע אידן טוען מיט רעפארם אידן.

יעצט, בנוגע וואס דו פרעגסט איבער אלע אנדערע גדולים, איז יש ויש. עס זענען דא וואס זענען פשוט געווען תמימים און האבן אפגעקויפט די לאקשען אזוי ווי די המון עם. איך גלייב אז רבי טודרוס זילבער גלייבט עכט אז ציונות איז ערגער ווי אלע ג' עבירות חמורות שבתורה צוזאמען. און רבי הילל קאלימייער האט עכט געהאלטן אז חדש אסור מן התורה איז די זעלבע ווי אנכי השם אלוקיך. דאן זענען דא אזעלכע וואס זענען in on the joke. איך קען אזעלכע רבנים היינט וואס זאגן פארן ציבור אנדערש ווי זיי האלטן באמת, פשוט ווייל זיי האלטן אז מ'מוז אזוי טון למען האומה היהודית, וכנ"ל. און רוב זענען ערגעץ אינדערצווישן. א חלק כאפן זיי אז ס'איז א שפיל און א חלק מיינען זיי אז ס'ערענסטע מעשיות.



אגב, אן עקסטער שמועס פאר זיך דארף מען חוקר זיין פארוואס כלל ישראל ומהיגיה דארפן דאגה'ן איבער די עתידה וקיומה פון כלל ישראל. לכאורה איז עס אריינגעדריינגן אין די גענעטישע און evolutionary געבוי פון די מענטשהייט צו וועלן האבן די לענגסטע קיום וואס איז מעגליך. עמיר עס איבערלאזן פאר אן אנדערע געלעגנהייט.

.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2789
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7183 מאל
האט שוין באקומען לייקס: 6328 מאל

הודעהדורך אפטעמיסט » מיטוואך יאנואר 07, 2015 9:18 pm

שלום עליכם, @הוגה. ווייסטאך כ'האב מיך געבענקט.

זיי מסביר, ביטע, וואס הייסט זיך בוקן צו א צלם איז נישט קיין פראבלעם?

הוגה האט געשריבן:כאטש מ'קען זיך מתווכח זיין וואס איז די גרויסע עבירה מיטן זיך בוקן צום צלם
מקנא אני את המתים
אשר נעשו חפשי מן המצפון
מאשר החיים חיים הפכפכיים
ונפשם לא שלימה בקרבם

~ אורים ותומים www.kaveshtiebel.com/viewtopic.php?f=50&t=12010
באניצער אוואטאר
אפטעמיסט
חבר ותיק
חבר ותיק
 
הודעות: 2343
זיך רעגיסטרירט: זונטאג סעפטעמבער 22, 2013 3:05 am
געפינט זיך: אין מאחורי
האט שוין געלייקט: 3265 מאל
האט שוין באקומען לייקס: 3679 מאל

הודעהדורך הוגה » מיטוואך יאנואר 07, 2015 10:21 pm

עליכם השלום @אפטעמיסט. אלעס אויסער דער שורה פארשטייסטו און דו ביזט מסכים?
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2789
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7183 מאל
האט שוין באקומען לייקס: 6328 מאל

הודעהדורך אפטעמיסט » מיטוואך יאנואר 07, 2015 10:26 pm

מער וויייניגער, אויסער דיין לעצטע פאראגראף וואס איך פארשטיי אויך נישט, און כ'גלייב דו אליין אויך נישט.

הוגה האט געשריבן:אגב, אן עקסטער שמועס פאר זיך דארף מען חוקר זיין פארוואס כלל ישראל ומהיגיה דארפן דאגה'ן איבער די עתידה וקיומה פון כלל ישראל. לכאורה איז עס אריינגעדריינגן אין די גענעטישע און evolutionary געבוי פון די מענטשהייט צו וועלן האבן די לענגסטע קיום וואס איז מעגליך.
מקנא אני את המתים
אשר נעשו חפשי מן המצפון
מאשר החיים חיים הפכפכיים
ונפשם לא שלימה בקרבם

~ אורים ותומים www.kaveshtiebel.com/viewtopic.php?f=50&t=12010
באניצער אוואטאר
אפטעמיסט
חבר ותיק
חבר ותיק
 
הודעות: 2343
זיך רעגיסטרירט: זונטאג סעפטעמבער 22, 2013 3:05 am
געפינט זיך: אין מאחורי
האט שוין געלייקט: 3265 מאל
האט שוין באקומען לייקס: 3679 מאל

הודעהדורך געוואלדיג » מיטוואך יוני 01, 2016 8:55 pm

ר' @הוגה איך בין אנגעקומען צו דעם אשכול דורך דיין געבענטשטע מפתח, און איך וואלט הנאה געהאט ווען דו ביסט מער מרחיב און מסביר וואס דו מיינסט מיט די שורה

הוגה האט געשריבן:
די גאנצע institutionalization פון יהדות, תורה ומצוות האט זיך אנגעהויבן סוף בית שני,



תורה ומצות מעשיות זענען נישט אנגעגאנגען מעת מתן תורה?
עס נעמט א מאנקי בערך 3 שעה צו טרענירן א מענטש אים צו געבן באנאנעס יעדע פאר מינוט...

-יין שרף-
באניצער אוואטאר
געוואלדיג
חבר ותיק
חבר ותיק
 
הודעות: 3930
זיך רעגיסטרירט: מיטוואך דעצעמבער 10, 2014 5:15 pm
געפינט זיך: באתרא דנשקי שמיא וארעא להדדי
האט שוין געלייקט: 7295 מאל
האט שוין באקומען לייקס: 4864 מאל

הודעהדורך הוגה » מיטוואך יוני 01, 2016 9:50 pm

געוואלדיג האט געשריבן:ר' @הוגה איך בין אנגעקומען צו דעם אשכול דורך דיין געבענטשטע מפתח, און איך וואלט הנאה געהאט ווען דו ביסט מער מרחיב און מסביר וואס דו מיינסט מיט די שורה

הוגה האט געשריבן:
די גאנצע institutionalization פון יהדות, תורה ומצוות האט זיך אנגעהויבן סוף בית שני,



תורה ומצות מעשיות זענען נישט אנגעגאנגען מעת מתן תורה?


יישר כח פארן ארויפברענגן. איך האב אויך הנאה געהאט איבערצוליינען. עס איז דא דריי עקסטרע נושאים דא וואס איך וויל נאך איין טאג צוריק קומען און מער מרחיב זיין. מ'דארף נאר טרעפן די צייט דערפאר. אגב, די קורצע ענטפער אויף דייןדיין שאלה איז אוודאי יא.


.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2789
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7183 מאל
האט שוין באקומען לייקס: 6328 מאל

הודעהדורך געוואלדיג » מיטוואך יוני 01, 2016 9:53 pm

עמער ווארטן מיטן צונג אינדרויסן עד כי יבוא הוגה מיט זיין לאנגע ביאור, שטעל זיך נאר פאר אז ביז יעצט איז קורץ געווען...
עס נעמט א מאנקי בערך 3 שעה צו טרענירן א מענטש אים צו געבן באנאנעס יעדע פאר מינוט...

-יין שרף-
באניצער אוואטאר
געוואלדיג
חבר ותיק
חבר ותיק
 
הודעות: 3930
זיך רעגיסטרירט: מיטוואך דעצעמבער 10, 2014 5:15 pm
געפינט זיך: באתרא דנשקי שמיא וארעא להדדי
האט שוין געלייקט: 7295 מאל
האט שוין באקומען לייקס: 4864 מאל

יודע את רבונו ומתכוון למרוד בו??

הודעהדורך מי אני » פרייטאג מאי 10, 2019 2:59 pm

הוגה האט געשריבן:
געוואלדיג האט געשריבן:ר' @הוגה איך בין אנגעקומען צו דעם אשכול דורך דיין געבענטשטע מפתח, און איך וואלט הנאה געהאט ווען דו ביסט מער מרחיב און מסביר וואס דו מיינסט מיט די שורה

הוגה האט געשריבן:
די גאנצע institutionalization פון יהדות, תורה ומצוות האט זיך אנגעהויבן סוף בית שני,



תורה ומצות מעשיות זענען נישט אנגעגאנגען מעת מתן תורה?


יישר כח פארן ארויפברענגן. איך האב אויך הנאה געהאט איבערצוליינען. עס איז דא דריי עקסטרע נושאים דא וואס איך וויל נאך איין טאג צוריק קומען און מער מרחיב זיין. מ'דארף נאר טרעפן די צייט דערפאר. אגב, די קורצע ענטפער אויף דייןדיין שאלה איז אוודאי יא.
.

איך גלייב אז דאס איז (א חלק פון) וואס הוגה האט געמיינט, היינטיגע Rabbinic Judaism, וואס איז codified [institutionalized] געווארן אין יענע תקופה (און איז געווארן נאך מער נחוץ נאכדעם וואס אידן האבן גענצליך פארלוירן זייער autonomy דורכ׳ן חורבן).
IMG_4500.jpg



Sent from my iPhone using Tapatalk
מי אני
ידיד השטיבל
ידיד השטיבל
 
הודעות: 190
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 1149 מאל
האט שוין באקומען לייקס: 112 מאל

הודעהדורך רביה''ק זי''ע » פרייטאג מאי 10, 2019 3:24 pm

הוגה האט געשריבן:אגב, אן עקסטער שמועס פאר זיך דארף מען חוקר זיין פארוואס כלל ישראל ומהיגיה דארפן דאגה'ן איבער די עתידה וקיומה פון כלל ישראל. לכאורה איז עס אריינגעדריינגן אין די גענעטישע און evolutionary געבוי פון די מענטשהייט צו וועלן האבן די לענגסטע קיום וואס איז מעגליך.

באמת איז דאס גאנץ אידישקייט, רוב מענטשן קומען אן אהין דורך זיך איינרעדן אז זיי גלייבן טאקע אין די אלע זאכן, ווייניג וועלן מודה זיין על האמת. נעם סיי וועלכע אויפריכטיגע בן תורה, ת"ח, כולל אינגערמאן, רב אדער א רבי, וועסט אים דרוקן צום וואנט וועט ער דיך מודה זיין אז ס'איז אלץ בעלאוני.

למעשה גערעדט זענען די אלע אידישקייט פארזארגערס נישט גערעכט, מאדערן ארטאדאקסיע בליעט מיט'ן פולן קראפט, און אפילו די רעפארם וואלט געקענט בליען ווען נישט וואס די פרומע האבן זיי מחרים געווען. די איינציגסטע זאך וואס זיי טוען אויף איז, אז זיי מאכן זיכער צוצולייגן נאך און נאך משוגעתן, אזוי אז ס'וועט בהכרח פלאצן איין טאג, לאמיר האפן (אפשר נישט?) אז דעמאלטס וועט נאכנישט זיין צו שפעט.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2374
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2282 מאל
האט שוין באקומען לייקס: 1424 מאל

Re: יודע את רבונו ומתכוון למרוד בו??

הודעהדורך חוקר ודורש » פרייטאג מאי 10, 2019 5:30 pm

דער באשעפער האט טאקע געגעבן די כוח פאר די חכמים אוועקצושטעלן די צורה פון אידישקייט בכל דור ודור אנגעהויבן פון משה און אהרן וזקני ישראל, די צורה פון כלל ישראל בימי משה האט אויסגעקוקט כאילו דאס איז אן אנדערע רעליגיע, אנגעהויבן פונעם לבוש פון מאן און פרוי אריבער צו אלע הלכות וואס זענען נקבע געווארן און שפעטערע דורות, שטעלטס ענק פאר, קיין סידור איז דעמאלס נישט געווען און יעדער האט געדאווענט שחרית און מנחה (מעריב איז דעמאלס נאך געווען א רשות) ווי לאנג ער האט געוואלט, קיין דף היומי איז דעמאלס נישט געווען צו לערנען (ווען יא וואלטען עס אלע געטוהן ווייל עס איז נאך געווען פאר די התייסדות האגודה) אזוי אויך חומש רש״י איז נישט געווען צו געפונען, מענער זענען געגאנגען מיט אפענע קעפ אן קיין קאפל (נאר עכטע פרומע חסידים זענען געגאנגען א קאפל א גאנצען טאג) און די פרויען זענען בפשטות געגאנגען מיט אפגעדעקטע האר (כך נראה לי ואכמל״ב) עכ״פ זעכער זיך נישט אפגעשוירן, די תורה שבעל פה האט נאר משה געקענט, און די אידן האבן נאר געקענט חזר׳ן וואס משה האט זיי אויסגעלערנט.
עכ״פ דאס אז די כוח ליגט ביי די גדולים און די הענט מיינט נישט אז אלעס וואס איז נקבע געווארן בכל דור ודור איז געווען א גוטע תקנה אדער מנהג, אזוי אויך די וועג ווי אזוי די גדולים פירן כלל ישראל מיינט נישט אז עס וואלט נישט געקענט זיין בעסער אויסגעשטעלט, למשל נאכן צווייטען קריג האבן די גדולים באמת געקענט אנהייבען די אידישקייט דא און אין א״י מיט א פרישקייט און אפלאזען געוויסע זאכן וואס זענען איינגעפירט געווארן געצווינגענעהייט למשל דעם מאדנעם שטריימל אויפן קאפ (היינט סאך מער מאדנע ווי דאן), צו זאכן וואס זענען נקבע געווארן מחמת אימת ההשכלה למשל האבן א פארמאכטע קאפ און נישט דורך לערנען יהדות מיט א ברייטקייט, אבער ניין סאטמאר רב זצ״ל למשל (וואס האט געהאט א גרויסע השפעה אויפן גאנצען יהדות) האט זייער ליב געהאט די קאלטאר (תרבות) און וואס ער איז אויפגעוואקסען און ער האט בשום אויפן זיך נישט געוואלט רירן פון דעם, און נישט נאר דאס נאר ער האט צוגעלייגט נאך מער איינגעשפארטקייט און איינזייטיגקייט (ויואל משה תוכיח) אבער צו האט ער דען געטראכט וועגן די תוצאות וואס דאס וועט ברענגען און די שפעטערע דורות? (רבי יששכר כ״ץ פון חובבי תוכיח) די גדולי ישראל האבן נאר פארדעקט די טרייפענע אמעריקאנע שטיינער אבער נישט גע׳כשר׳ט, און ווען די שטיינער וועלן זיך נאכאמאל אויפדעגן, וועט זיך די יונגווארג טרעפן מיט א יהדות That doesn’t fit their generation


Sent from my iPhone using Tapatalk
באניצער אוואטאר
חוקר ודורש
ידיד השטיבל
ידיד השטיבל
 
הודעות: 226
זיך רעגיסטרירט: מיטוואך מערץ 06, 2019 4:01 pm
האט שוין געלייקט: 221 מאל
האט שוין באקומען לייקס: 103 מאל

הודעהדורך הוגה » פרייטאג מאי 10, 2019 5:44 pm

רביה"ק, איך בין נישט קיין נביא אבער אויב קען מען זיך לערנען פון היסטאריע וואלט איך געזאגט אז עס גייט קיינמאל פלאצן נאר ענדערש זיך טוישן מיט די צייט אזוי ווי עס איז אלעמאל געווען.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2789
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7183 מאל
האט שוין באקומען לייקס: 6328 מאל

הודעהדורך רביה''ק זי''ע » פרייטאג מאי 10, 2019 6:04 pm

ביז די חתימת התלמוד האט מען טאקע געהאלטן אין איין צולייגן און אראפנעמען זאכן, פון דאן און ווייטער האלט נאר אין איין צוקומען נאך און נאך. אוודאי זענען דא זאכן וואס מ'האט אראפגענומען אין די לעצטע יארן אויך, ווי קרבנות און תכלת, אבער די זאכן האט מען נישט געטון פארדעם אויך מחמת אונס, סך הכל האט מען עס געמאכט אפיציעל. אבער אויפהערן פראקטיצירן אויף למעשה מיין איך האט מען נישט געזען אין די לעצטע טויזענט יאר, און אפילו אויב יא איז עס ממש בטל באלפי אלפים, אז מ'זעט עס ניטאמאל אן אויפ'ן באלון וועלכע ווערט גרעסער און גרעסער פון טאג צו טאג.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2374
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2282 מאל
האט שוין באקומען לייקס: 1424 מאל

הודעהדורך רביה''ק זי''ע » פרייטאג מאי 10, 2019 6:42 pm

חוקר ודורש האט געשריבן:זאכן וואס זענען נקבע געווארן מחמת אימת ההשכלה למשל האבן א פארמאכטע קאפ און נישט דורך לערנען יהדות מיט א ברייטקייט

מיט דעם פרט ביזטו נישט גערעכט, לערנען אידישקייט מיט א ברייטקייט איז א "סכנה" היינט אסאך מער ווי אמאל, ויששכר כ"ץ יוכיח.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2374
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2282 מאל
האט שוין באקומען לייקס: 1424 מאל

Re: יודע את רבונו ומתכוון למרוד בו??

הודעהדורך חוקר ודורש » פרייטאג מאי 10, 2019 6:54 pm

נישט דאס מיין איך ער וויל התחדשות, איך מיין פארשטיין וואס איז א דאורייתא וואס א מדרבנן וואס א מנהג און וואס א שטות, וואס איז א עיקר (י״ג עיקרים או לא) וואס א טפל, און זיך מער קאכן און דרשות הר״ן ספר העיקרים ספר האמונות ודעות לרבינו בחיי חובות הלבבות מיטן שער היחוד (כמו שלמד החתם סופר לתלמידיו) גדולי בעל הוראה זאלן זיך פארלייגען אויף הלכות וואס זענען וויכטיג, גדולי הרבנים ואדמורי״ם זאלן מעורר זיין אויף פירצות וואס זענען וויכטיג, ישיבות זאלן זיין מער אינטערעסאנט נישט בלויז גמרא תוספות ראשונים מיט אביסל שלחן ערוך, איך האב פשוט רחמנות ווען איך זעה בחורים גייען צו ישיבה און פארברענגען אלע זייערע בעסטע יארן בלויז אויף גמרא תוס׳ ראשונים מיט אחרונים (נאר פון די ליטווישע חדר וואס זענען געווען למדנים..) און נאכן חתונה ווען מען גייט ארויס אויפן גאס טרעפט מען זיך ליידיג אן קענען גארנישט נישט תורה נישט לימודי חול א פשוטע רחמנות



Sent from my iPhone using Tapatalk
באניצער אוואטאר
חוקר ודורש
ידיד השטיבל
ידיד השטיבל
 
הודעות: 226
זיך רעגיסטרירט: מיטוואך מערץ 06, 2019 4:01 pm
האט שוין געלייקט: 221 מאל
האט שוין באקומען לייקס: 103 מאל

הודעהדורך רביה''ק זי''ע » פרייטאג מאי 10, 2019 6:57 pm

חוקר ודורש האט געשריבן:נישט דאס מיין איך ער וויל התחדשות, איך מיין פארשטיין וואס איז א דאורייתא וואס א מדרבנן וואס א מנהג און וואס א שטות, וואס איז א עיקר (י״ג עיקרים או לא) וואס א טפל.

זיין ווילן התחדשות קומט טאקע פון פארשטיין אט די זאכן.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2374
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2282 מאל
האט שוין באקומען לייקס: 1424 מאל

Re: יודע את רבונו ומתכוון למרוד בו??

הודעהדורך חוקר ודורש » פרייטאג מאי 10, 2019 7:00 pm

אויב מיר אלע וואלטען געוואלט התחדשות וואלטען מיר צוזאמען געטראפן די ריכטיגע וועג, נישט אומזיסט האבן חכמינו ז״ל געזאגט אויף איינער וואס לערנט תורה אליין חרב אל הבדים..


Sent from my iPhone using Tapatalk
באניצער אוואטאר
חוקר ודורש
ידיד השטיבל
ידיד השטיבל
 
הודעות: 226
זיך רעגיסטרירט: מיטוואך מערץ 06, 2019 4:01 pm
האט שוין געלייקט: 221 מאל
האט שוין באקומען לייקס: 103 מאל

הודעהדורך רביה''ק זי''ע » מוצ"ש יולי 20, 2019 10:52 pm

,
באניצער אוואטאר
רביה''ק זי''ע
חבר ותיק
חבר ותיק
 
הודעות: 2374
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2282 מאל
האט שוין באקומען לייקס: 1424 מאל


גיי צוריק העמק דבר

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט